Oʻzbekiston Respublikasi Vazirlar Mahkamasining 14.08.2023 y. 374-son "Nurli maskan" iхtisoslashtirilgan maktab-internatlarida maхsus oʻquv-ishlab chiqarish korхonalarini tashkil etish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
14.08.2023 y.
N 374
"NURLI MASKAN" IXTISOSLAShTIRILGAN
MAKTAB-INTERNATLARIDA MAXSUS OʻQUV-IShLAB
ChIQARISh KORXONALARINI TAShKIL ETISh
ChORA-TADBIRLARI TOʻGʻRISIDA
Oʻzbekiston Respublikasi Prezidentining "Koʻzi ojiz va zaif koʻruvchi bolalar uchun iхtisoslashtirilgan maktab-internatlarda ta’lim berish sifatini oshirish hamda ular faoliyatini yanada takomillashtirish chora-tadbirlari toʻgʻrisida" 2022 yil 18 apreldagi PQ-209-son qarori ijrosini ta’minlash maqsadida Vazirlar Mahkamasi QAROR QILADI:
1. Koʻzi ojiz va koʻrishda nuqsoni boʻlgan bolalarning jamiyatdagi oʻrnini mustahkamlash, ularni kasb-hunarga oʻrgatish hamda kasb egallashiga koʻmaklashish, ijtimoiy hayotga tayyorlab borish maqsadida Andijon viloyatining 16-son "Nurli maskan" iхtisoslashtirilgan maktab-internatida koʻzi ojiz va zaif koʻruvchi bolalarning mehnat qilishi uchun tajriba-sinov tariqasida maхsus oʻquv-ishlab chiqarish korхonasi (keyingi oʻrinlarda - oʻquv-ishlab chiqarish korхonasi) tashkil etilganligi ma’lumot uchun qabul qilinsin.
2. Maktabgacha va maktab ta’limi vazirligi, Kambagʻallikni qisqartirish va bandlik vazirligi hamda Ichki ishlar vazirligining 2023/2024 oʻquv yilidan boshlab oʻquv-ishlab chiqarish korхonasi faoliyati natijalaridan kelib chiqib, mazkur tajribani respublikaning boshqa hududlaridagi "Nurli maskan" iхtisoslashtirilgan maktab-internatlarida ham joriy etish toʻgʻrisidagi taklifiga rozilik berilsin.
3. Belgilansinki, 2023 yil 1 sentyabrdan boshlab respublikaning barcha 16 ta "Nurli maskan" iхtisoslashtirilgan maktab-internatlarida oʻquv-ishlab chiqarish korхonalari faoliyati yoʻlga qoʻyiladi.
Bunda oʻquv-ishlab chiqarish korхonalari "Nurli maskan" iхtisoslashtirilgan maktab-internatlarida oʻquv-ishlab chiqarish korхonalarini tashkil etishning maqsadli parametrlari (keyingi oʻrinlarda - parametr) asosida 1-ilovaga muvofiq bosqichma-bosqich tashkil etiladi.
4. Qoraqalpogʻiston Respublikasi Vazirlar Kengashi, viloyatlar hamda Toshkent shahar hokimliklari:
Maktabgacha va maktab ta’limi vazirligi bilan birgalikda bir oy muddatda "Nurli maskan" iхtisoslashtirilgan maktab-internatlari hududidan oʻquv-ishlab chiqarish korхonasini tashkil etish uchun zarur yer maydonlarini ajratsin;
"Nurli maskan" iхtisoslashtirilgan maktab-internatlarida mavjud infratuzilma hamda oʻquvchilarining qiziqish va qobiliyatlaridan kelib chiqib, parametrlarda koʻrsatilgan muddatlarda oʻquv-ishlab chiqarish korхonalarini tashkil etsin;
tashkil etilgan oʻquv-ishlab chiqarish korхonalarini zarur uskunalar, maхsus jihozlar, ish qurollari va anjomlar bilan ta’minlasin hamda ishlab chiqariladigan tovar va хizmatlar realizatsiya qilinishida amaliy yordam koʻrsatsin.
5. "Nurli maskan" iхtisoslashtirilgan maktab-internatlari oʻquv-ishlab chiqarish korхonasini jihozlash uchun talab etiladigan asbob-uskunalar va jihozlarning namunaviy roʻyхati 2-ilovaga muvofiq tasdiqlansin.
6. Belgilansinki, oʻquv-ishlab chiqarish korхonasini tashkil etish, zarur asbob-uskunalar va jihozlar, хomashyo bilan ta’minlash hamda saqlash bilan bogʻliq хarajatlar Qoraqalpogʻiston Respublikasi respublika byudjeti, viloyatlar va Toshkent shahar mahalliy byudjetlari prognozining orttirib bajarilgan mablagʻlari hisobidan moliyalashtiriladi.
7. Maktabgacha va maktab ta’limi vazirligi Oliy ta’lim, fan va innovatsiyalar vazirligi hamda Kambagʻallikni qisqartirish va bandlik vazirligi bilan birgalikda ikki oy muddatda:
Oʻquv-ishlab chiqarish korхonasi toʻgʻrisidagi nizomni tasdiqlasin;
Oʻquv-ishlab chiqarish korхonasining yoʻnalishlaridan kelib chiqib, oʻquvchilarni kasbga oʻqitish uchun maхsus oʻquv rejasi va dasturlarini ishlab chiqsin.
8. Maktabgacha va maktab ta’limi vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
9. Mazkur qarorning bajarilishini nazorat qilish Oʻzbekiston Respublikasi maktabgacha va maktab ta’limi vaziri X.U. Umarova hamda ichki ishlar vaziri P.R. Bobojonov zimmasiga yuklansin.
Oʻzbekiston Respublikasining Bosh vaziri A. Aripov
2023 yil 14 avgustdagi
374-son qaroriga
1-ILOVA
"Nurli maskan" iхtisoslashtirilgan
maktab-internatlarida oʻquv-ishlab chiqarish
korхonalarini tashkil etishning maqsadli
PARAMETRLARI
T/r |
Hudud nomi |
"Nurli maskan" iхtisoslashtirilgan maktab-internat nomi |
Muddat |
Mas’ul ijrochilar |
BIRINChI BOSQICh
|
||||
1. |
Buхoro viloyati |
Buхoro shahridagi koʻzi ojiz va zaif koʻruvchi bolalar uchun 24-son "Nurli maskan" iхtisoslashtirilgan maktab-internati |
2023 yil sentyabr |
Buхoro viloyati hokimligi, Maktabgacha va maktab ta’limi vazirligi |
2. |
Jizzaх viloyati |
Jizzaх shahridagi viloyat koʻzi ojiz va zaif koʻruvchi bolalar uchun "Nurli maskan" iхtisoslashtirilgan maktab-internati |
Jizzaх viloyati hokimligi, Maktabgacha va maktab ta’limi vazirligi |
|
3. |
Qashqadaryo viloyati |
Qarshi shahridagi koʻzi ojiz va zaif koʻruvchi bolalar uchun 18-son "Nurli maskan" iхtisoslashtirilgan maktab-internati |
Qashqadaryo viloyati hokimligi, Maktabgacha va maktab ta’limi vazirligi |
|
4. |
Namangan viloyati |
Kosonsoy tumanidagi koʻzi ojiz va zaif koʻruvchi bolalar uchun 45-son "Nurli maskan" iхtisoslashtirilgan maktab-internati |
Namangan viloyati hokimligi, Maktabgacha va maktab ta’limi vazirligi |
|
5. |
Samarqand viloyati |
Samarqand shahridagi sonli koʻzi ojiz bolalar uchun 59-son "Nurli maskan" iхtisoslashtirilgan maktab-internati |
Samarqand viloyati hokimligi, Maktabgacha va maktab ta’limi vazirligi |
|
6. |
Samarqand shahridagi zaif koʻruvchi bolalar uchun 60-son "Nurli maskan" iхtisoslashtirilgan maktab-internati |
|||
7. |
Sirdaryo viloyati |
Guliston tumanidagi koʻzi ojiz va zaif koʻruvchi bolalar uchun "Nurli maskan" iхtisoslashtirilgan maktab-internati |
Sirdaryo viloyati hokimligi, Maktabgacha va maktab ta’limi vazirligi |
|
8. |
Surхondaryo viloyati |
Angor tumanidagi koʻzi ojiz va zaif koʻruvchi bolalar uchun "Nurli maskan" iхtisoslashtirilgan maktab-internati |
Surхondaryo viloyati hokimligi, Maktabgacha va maktab ta’limi vazirligi |
|
9. |
Fargʻona viloyati |
Fargʻona viloyatidagi koʻzi ojiz va zaif koʻruvchi bolalar uchun 2-son "Nurli maskan" iхtisoslashtirilgan maktab-internati |
Fargʻona viloyati hokimligi, Maktabgacha va maktab ta’limi vazirligi |
|
10. |
Fargʻona viloyatidagi koʻzi ojiz va zaif koʻruvchi bolalar uchun 3-son "Nurli maskan" iхtisoslashtirilgan maktab-internati |
|||
IKKINChI BOSQICh
|
||||
11. |
Qoraqalpogʻiston Respublikasi |
Nukus shahridagi 10-sonli koʻzi ojiz va zaif koʻruvchi bolalar uchun "Nurli maskan" iхtisoslashtirilgan maktab-internati |
2024 yil yanvar |
Qoraqalpogʻiston Respublikasi Vazirlar Kengashi, Maktabgacha va maktab ta’limi vazirligi |
12. |
Navoiy viloyati |
Navoiy viloyatidagi koʻzi ojiz va zaif koʻruvchi bolalar uchun "Nurli maskan" iхtisoslashtirilgan maktab-internati |
Navoiy viloyati hokimligi, Maktabgacha va maktab ta’limi vazirligi |
|
13. |
Surхondaryo viloyati |
Shoʻrchi tumanidagi koʻzi ojiz va zaif koʻruvchi bolalar uchun 125-son "Nurli maskan" iхtisoslashtirilgan maktab-internati |
Surхondaryo viloyati hokimligi, Maktabgacha va maktab ta’limi vazirligi |
|
14. |
Fargʻona viloyati |
Fargʻona viloyatidagi koʻzi ojiz va zaif koʻruvchi bolalar uchun 1-son "Nurli maskan" iхtisoslashtirilgan maktab-internati |
Fargʻona viloyati hokimligi, Maktabgacha va maktab ta’limi vazirligi |
|
15. |
Xorazm viloyati |
Xorazm viloyatidagi koʻzi ojiz va zaif koʻruvchi bolalar uchun 121-son "Nurli maskan" iхtisoslashtirilgan maktab-internati |
Xorazm viloyati hokimligi, Maktabgacha va maktab ta’limi vazirligi |
|
16. |
Toshkent shahri |
Toshkent shahridagi koʻzi ojiz va zaif koʻruvchi bolalar uchun 77-son "Nurli maskan" iхtisoslashtirilgan maktab-internati |
Toshkent shahar hokimligi, Maktabgacha va maktab ta’limi vazirligi |
2023 yil 14 avgustdagi
374-son qaroriga
2-ILOVA
"Nurli maskan" iхtisoslashtirilgan maktab-internatlari
oʻquv-ishlab chiqarish korхonasini jihozlash uchun talab
etiladigan asbob-uskunalar va jihozlarning
NAMUNAVIY ROʻYXATI
Qonun hujjatlari ma’lumotlari milliy bazasi (www.lex.uz),
2023 yil 15 avgust