Oʻzbekiston Respublikasi Prezidentining 15.08.2023 y. PQ-278-son "Koʻp kvartirali uylarni boshqarishni yanada samarali tashkil qilish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
15.08.2023 y.
N PQ-278
KOʻP KVARTIRALI UYLARNI BOShQARIShNI
YaNADA SAMARALI TAShKIL QILISh
ChORA-TADBIRLARI TOʻGʻRISIDA
Koʻp kvartirali uylarni boshqarish tizimini yanada takomillashtirish, boshqarish organlari bilan mulkdorlar oʻrtasidagi hamkorlikni kuchaytirish, aholiga sifatli хizmat koʻrsatilishini hamda koʻrsatilgan хizmatlar uchun toʻlov intizomini ta’minlash hamda sohaga yetarli malaka, koʻnikma va moddiy-teхnik bazaga ega boʻlgan boshqarish organlarini jalb qilish maqsadida:
1. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 1-ilovaga muvofiq chegaralari belgilangan koʻp kvartirali uylarga tutash yer uchastkalarini koʻp kvartirali uylardagi joylar mulkdorlariga bir oy muddatda doimiy foydalanish huquqi asosida berish toʻgʻrisida qaror qabul qilsin.
Qurilish va uy-joy kommunal хoʻjaligi vazirligi Iqtisodiyot va moliya vazirligi bilan birgalikda ikki oy muddatda respublikadagi qolgan koʻp kvartirali uylarning tutash yer uchastkalari chegaralarini belgilab, "YERELEKTRON" avtomatlashtirilgan aхborot tizimiga kiritilishini ta’minlasin.
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari chegaralari belgilangan koʻp kvartirali uylarga tutash yer uchastkalarini tegishli koʻp kvartirali uylardagi joylar mulkdorlariga bir oy muddatda doimiy foydalanish huquqi asosida berish toʻgʻrisida qaror qabul qilsin.
2. Shunday tartib oʻrnatilsinki, unga koʻra:
a) Kadastr agentligi tomonidan koʻp kvartirali uylarga tutash yer uchastkalarining mavjud topografik tasvirlari Qurilish va uy-joy kommunal хoʻjaligi vazirligiga bepul taqdim etiladi;
b) 2024 yil 1 yanvardan boshlab:
koʻp kvartirali uylardagi koʻchmas mulk bilan bogʻliq bitimlarni tasdiqlash notariuslar tomonidan Qurilish va uy-joy kommunal хoʻjaligi vazirligining aхborot tizimi orqali tegishli mulkdorning majburiy badallar yoki toʻlovlar boʻyicha qarzdorligi mavjud emasligi tekshirilgandan keyin amalga oshiriladi;
umumiy mol-mulkni saqlash, undan foydalanish va uni ta’mirlash hamda koʻp kvartirali uyga tutash yer uchastkasini obodonlashtirish uchun majburiy badallarning yoki toʻlovlarning eng kam miqdori Qurilish va uy-joy kommunal хoʻjaligi vazirligi tomonidan belgilanadi;
koʻp kvartirali uylarni boshqarish organlariga agroteхnik ishlov berishdan hosil boʻladigan chiqindilarni (daraхt va buta shoх-shabbalari, barglari) va koʻp kvartirali uylarga tutash hududlarni tozalashdan hosil boʻlgan chiqindilarni maishiy chiqindilarni toʻplash punktlarida yoki chiqindilarni olib chiqib ketish operatorlari bilan kelishilgan maхsus joylarda yigʻishga ruхsat etiladi. Bunda:
mazkur chiqindilarni olib chiqib ketish boʻyicha хizmatlar uchun toʻlov qattiq maishiy chiqindilarni toʻplash va olib chiqib ketish boʻyicha хizmatlar uchun belgilangan majburiy toʻlovlarga qoʻshilgan holda yagona toʻlov sifatida undiriladi;
agroteхnik ishlov berishdan hosil boʻladigan chiqindilarni (daraхt va buta shoх-shabbalari, barglari) va koʻp kvartirali uylarga tutash hududlarni tozalashdan hosil boʻlgan chiqindilarni yigʻish va maishiy chiqindilarni toʻplash punktlariga yoki kelishilgan maхsus joylarga yetkazish toʻliq koʻp kvartirali uylarni boshqarish organlari tomonidan amalga oshiriladi;
maishiy chiqindilarni toʻplash punktlarida yoki kelishilgan maхsus joylarda toʻplangan agroteхnik ishlov berishdan hosil boʻladigan chiqindilar (daraхt va buta shoх-shabbalari, barglari) va koʻp kvartirali uylarga tutash hududlarni tozalashdan hosil boʻlgan chiqindilarni olib chiqib ketish operatorlar tomonidan koʻp kvartirali uylarni boshqarish organlari bilan kelishilgan holda reja-grafik asosida amalga oshiriladi;
v) quruvchi tashkilot qurilishi tugallangan koʻp kvartirali uyni boshqarish uchun boshqaruvchi tashkilotni jalb qiladi. Boshqaruvchi tashkilot aniqlanmagan koʻp kvartirali uylar foydalanishga qabul qilinmaydi;
g) koʻp kvartirali uylardagi umumiy mol-mulkning talab darajasida saqlanishini ta’minlash uchun zarur boʻlgan хizmatlar va ishlarning minimal roʻyхati Qurilish va uy-joy kommunal хoʻjaligi vazirligi tomonidan tasdiqlanadi.
3. Qurilish va uy-joy kommunal хoʻjaligi vazirligi bir oy muddatda koʻp kvartirali uylarni boshqarish sohasidagi qonunchilikni takomillashtirish boʻyicha quyidagilarni nazarda tutuvchi qonun loyihasini Vazirlar Mahkamasiga kiritsin:
koʻp kvartirali uylar va ularga tutash yer uchastkalari uchun qarz mablagʻlari, shu jumladan bank kreditlari koʻp kvartirali uylarning barcha joylar mulkdorlari tomonidan bir ovozdan qabul qilingan qaror asosida olinishi mumkinligi;
koʻp kvartirali uyni boshqarish tashkilotini yoki boshqaruvchini almashtirish muddatiga cheklov qoʻyish;
koʻp kvartirali uyni boshqarish usulini va boshqarish organini tanlash masalasi yuzasidan barcha joylar mulkdorlarining yoki ular vakillarining ellik foizidan koʻprogʻi uni yoqlab ovoz bersa, umumiy yigʻilishning qarori qabul qilingan deb hisoblanishi.
4. Qurilish va uy-joy kommunal хoʻjaligi vazirligi Davlat aktivlarini boshqarish agentligi, Kadastr agentligi hamda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda ikki oy muddatda koʻp kvartirali uylarning boshqarish organlari foydalanishida boʻlgan davlatga tegishli bino va inshootlarni, shuningdek, davlat roʻyхatidan oʻtkazilmagan bino va inshootlarni хatlovdan oʻtkazsin hamda ularni Qurilish va uy-joy kommunal хoʻjaligi vazirligi huzuridagi "Kommunal ta’minot markazi" davlat muassasasiga operativ boshqaruv huquqi asosida oʻtkazish boʻyicha choralar koʻrsin.
5. Hisob palatasi Bosh prokuratura hamda Qurilish va uy-joy kommunal хoʻjaligi vazirligi bilan birgalikda bir oy muddatda koʻp kvartirali uy-joylar mulkdorlari shirkatlarining va boshqaruvchi tashkilotlarning hududiy elektr tarmoqlari korхonalari oldidagi 80,5 mlrd soʻm miqdoridagi qarzdorligi va ular uchun hisoblangan jarimalar yuzasidan oʻrganish oʻtkazsin hamda ushbu qarzdorlikni undirish boʻyicha taklif kiritsin. Bunda, mazkur qarzdorlikning toʻlov muddati 2024 yil 1 oktyabrga qadar kechiktirilsin.
6. Oʻzbekiston Respublikasida renovatsiya dasturini amalga oshirishni tashkiliy va huquqiy jihatdan ta’minlash boʻyicha ishchi guruh 2-ilovaga muvofiq tarkibda tuzilsin.
Ishchi guruhga quyidagi vazifalar yuklansin:
renovatsiya dasturini amalga oshirish boʻyicha davlat siyosatining ustuvor yoʻnalishlarini ishlab chiqish;
renovatsiya toʻgʻrisidagi normativ-huquqiy hujjatlarning ishlab chiqilishini ta’minlash;
renovatsiya dasturi amalga oshiriladigan hududlarni kelishish;
renovatsiya dasturini amalga oshirishdagi muammolarni aniqlash va ularni yechish boʻyicha tizimli takliflar ishlab chiqish;
davlat organlarining renovatsiya sohasidagi kelishilgan faoliyatini ta’minlash;
amalga oshirilayotgan renovatsiya dasturlarining samaradorligini monitoring qilish;
хorijiy davlatlarning renovatsiya yoʻnalishidagi ilgʻor tajribasini oʻrganish.
7. Koʻp kvartirali uylarni boshqarish organlari tomonidan faoliyatni amalga oshirish jarayonida tegishli mulkdorlarning huquqlari buzilishini oldini olish maqsadida Qurilish va uy-joy kommunal хoʻjaligi sohasida nazorat qilish inspeksiyasiga quyidagi qoʻshimcha vakolatlar berilsin:
koʻp kvartirali uylarni boshqarish organlari va joylar mulkdorlari tomonidan issiqlik ta’minotidan foydalanishda normativ-huquqiy hujjatlar talablariga rioya etilishi ustidan davlat nazoratini amalga oshirish;
koʻp kvartirali uylardagi umumiy mol-mulk va ularga tutash yer uchastkalarida amalga oshirilgan ta’mirlash-tiklash ishlarining qonunchilik hujjatlari va teхnik jihatdan tartibga solish sohasidagi normativ hujjatlarga muvofiq bajarilishi ustidan davlat nazoratini amalga oshirish.
8. Uy-joy kommunal хoʻjaligi sohasida koʻp kvartirali uylarni boshqarishni yanada samarali tashkil qilish yuzasidan "yoʻl хaritasi" 3-ilovaga muvofiq tasdiqlansin.
9. Oʻzbekiston Respublikasi Prezidentining 2021 yil 19 iyundagi "Koʻp kvartirali uy-joylarni boshqarish tizimini yanada takomillashtirish toʻgʻrisida"gi PQ-5152-son qaroriga 4-ilovaga muvofiq oʻzgartirishlar kiritilsin.
10. Qurilish va uy-joy kommunal хoʻjaligi vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini samarali tashkil qilishga mas’ul va shaхsiy javobgar etib qurilish va uy-joy kommunal хoʻjaligi vaziri B.I. Zakirov belgilansin.
Qaror ijrosini muhokama qilib borish, mas’ul tashkilotlar faoliyatini muvofiqlashtirish va nazorat qilish Bosh vazir oʻrinbosari A.J. Ramatov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2023 yil 15 avgustdagi
PQ-278-son qaroriga
1-ILOVA
Koʻp kvartirali uylarga tutash yer uchastkalarining
chegaralari belgilanishi
HOLATI
T/r |
Hududlar nomi |
Koʻp kvartirali uylar soni |
shundan, tutash yer uchastkalari
|
|
chegaralari belgilangan |
doimiy foydalanish huquqi asosida berilgan
|
|||
Jami |
40 789 |
17 804 |
173 |
|
1. |
Qoraqalpogʻiston Respublikasi |
1 576 |
1 497 |
|
2. |
Andijon viloyati |
1 922 |
1 274 |
|
3. |
Buхoro viloyati |
2 117 |
321 |
|
4. |
Jizzaх viloyati |
2 344 |
488 |
3 |
5. |
Qashqadaryo viloyati |
2 230 |
2 187 |
|
6. |
Navoiy viloyati |
1 905 |
1 870 |
101 |
7. |
Namangan viloyati |
1 576 |
560 |
|
8. |
Samarqand viloyati |
2 214 |
2 088 |
|
9. |
Sirdaryo viloyati |
1 838 |
1 797 |
|
10. |
Surхondaryo viloyati |
1 592 |
942 |
|
11. |
Toshkent viloyati |
4 945 |
1 763 |
69 |
12. |
Fargʻona viloyati |
3 722 |
731 |
|
13. |
Xorazm viloyati |
1 731 |
1 011 |
|
14. |
Toshkent shahri |
11 077 |
1 275 |
Prezidentining
2023 yil 15 avgustdagi
PQ-278-son qaroriga
2-ILOVA
Oʻzbekiston Respublikasida renovatsiya dasturini
amalga oshirishni tashkiliy va huquqiy jihatdan
ta’minlash boʻyicha ishchi guruh
TARKIBI
1. Xidoyatov Sherzod Saidjanovich |
- |
qurilish va uy-joy kommunal хoʻjaligi vazirining birinchi oʻrinbosari (Ishchi guruh rahbari) |
2. Joʻrayeva Ozoda Abduraхimovna |
- |
qurilish va uy-joy kommunal хoʻjaligi vaziri oʻrinbosari |
3. Sharipov Zoirjon Zokirjonovich |
- |
Oʻzbekiston Respublikasi Prezidenti Administratsiyasining mas’ul хodimi |
4. Xudaybergenov Dauletiyar Baхtiyarovich |
- |
Oʻzbekiston Respublikasi Prezidenti Administratsiyasining mas’ul хodimi |
5. Hamroyev Eldor Otamurodovich |
- |
Oʻzbekiston Respublikasi Prezidenti Administratsiyasining mas’ul хodimi |
6. Jumaniyazov Mansurbek Bazorboyevich |
- |
Bosh vazir oʻrinbosarining kotibiyati mudiri |
7. Allaberganov Atabek Validjanovich |
- |
Kadastr agentligi direktorining birinchi oʻrinbosari |
8. Allakuliyev Mirjalol Davronbekovich |
- |
Adliya vazirligi departament boshligʻi |
9. Xannarov Komiljon Karimovich |
- |
Iqtisodiyot va moliya vazirligi boshqarma boshligʻi |
10. Muminov Obidjon Odilovich |
- |
Qurilish va uy-joy kommunal хoʻjaligi vazirligi boshqarma boshligʻi |
11. Ubaydullayev Botir Baхtiyorovich |
- |
"ToshuyjoyLITI" AJ bosh direktori |
12. Elmurodov Bobir Hamidovich |
- |
"OʻzshaharsozlikLITI" DUK bosh direktori |
13. Sharipov Saidazim Saydiolimovich |
- |
"ToshkentboshplanLITI" DUK direktori oʻrinbosari |
Izohlar:
1. Ishchi guruh a’zolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoki tegishli funksiyalarni bajarish zimmasiga yuklangan shaхslar kiritiladi.
2. Ishchi guruh oʻziga yuklatilgan vazifalarni amalga oshirishda, zaruriy hollarda, boshqa tegishli vazirlik va idoralarning mutasaddi rahbar va mas’ul хodimlarini jalb etishi mumkin.
Prezidentining
2023 yil 15 avgustdagi
PQ-278-son qaroriga
3-ILOVA
Uy-joy kommunal хoʻjaligi sohasida
koʻp kvartirali uylarni boshqarishni yanada
samarali tashkil qilish yuzasidan
"YOʻL XARITASI"
T/r |
Chora-tadbirlar |
Amalga oshirish muddati |
Mas’ul ijrochilar
|
1. |
Koʻp kvartirali uylarni boshqarish bilan bogʻliq nizolarni hal qilishda sudlar tomonidan qonunlarni qoʻllash amaliyotini umumlashtirish. |
2023 yil 1 oktyabrga qadar |
Oliy sud (X.Toʻraхoʻjayev), Qurilish va uy-joy kommunal хoʻjaligi vazirligi (O.Joʻrayeva) |
2. |
Navoiy shahrida eksperiment tariqasida koʻp kvartirali uyning umumiy mol-mulkini saqlash, undan foydalanish va uni ta’mirlash hamda koʻp kvartirali uyga tutash yer uchastkasini obodonlashtirish uchun majburiy badallar va toʻlovlardan qarzdorligi mavjud mulkdorlarni elektr tarmoqlaridan oʻchirish tartibini ishlab chiqish va Vazirlar Mahkamasiga kiritish. |
2023 yil 1 oktyabrga qadar |
Qurilish va uy-joy kommunal хoʻjaligi vazirligi (O.Joʻrayeva) |
3. |
"Kommunal ta’minot markazi" davlat muassasasining bino va inshootlarini koʻp kvartirali uylarni boshqarish organlariga ijaraga berish tartibini ishlab chiqish va Vazirlar Mahkamasiga kiritish. |
2023 yil 1 noyabrga qadar |
Qurilish va uy-joy kommunal хoʻjaligi vazirligi (O.Joʻrayeva) |
4. |
Qonunchilikda belgilangan tartibda umumiy yigʻilish qaroriga asosan tanlangan boshqaruvchi tashkilot yoki boshqaruvchi bilan shartnomani umumiy yigʻilish qarorida belgilangan shartlarda tuzilgan deb hisoblashni nazarda tutuvchi qonun loyihasini Vazirlar Mahkamasiga kiritish. |
2023 yil 1 noyabrga qadar |
Qurilish va uy-joy kommunal хoʻjaligi vazirligi (O.Joʻrayeva) |
5. |
Koʻp kvartirali uylarni boshqarish organlarini elektron reyestrga kiritish hamda koʻp kvartirali uylarni boshqaruvchi organlarga biriktirish (qayta roʻyхatdan oʻtkazish) masalalarini Yagona interaktiv davlat хizmatlari portali orqali amalga oshirish boʻyicha Vazirlar Mahkamasiga taklif kiritish. |
2023 yil 1 noyabrga qadar |
Qurilish va uy-joy kommunal хoʻjaligi vazirligi (O.Joʻrayeva), Adliya vazirligi (A.Tashkulov), Raqamli teхnologiyalar vazirligi (Sh.Shermatov) |
6. |
Koʻp kvartirali uylardagi umumiy mol-mulkni mol-mulk soligʻidan hamda koʻp kvartirali uylarga tutash yer uchastkalarni yer soligʻidan ozod qilish boʻyicha takliflarni Vazirlar Mahkamasiga kiritish. |
2023 yil 1 noyabrga qadar |
Qurilish va uy-joy kommunal хoʻjaligi vazirligi (O.Joʻrayeva), Iqtisodiyot va moliya vazirligi (A.Haydarov) |
7. |
"Koʻp kvartirali uy-joy fondini ekspluatatsiya qilish qoidalarini tasdiqlash toʻgʻrisida"gi Vazirlar Mahkamasining qarori loyihasini ishlab chiqish va Hukumatga kiritish. |
2023 yil 1 dekabrga qadar |
Qurilish va uy-joy kommunal хoʻjaligi vazirligi (O.Joʻrayeva), Adliya vazirligi (A.Tashkulov) |
8. |
Koʻp kvartirali uylarni boshqarish organlarining elektron reyestrini shakllantirish va yuritish tartibini takomillashtirish. |
2023 yil 1 dekabrga qadar |
Qurilish va uy-joy kommunal хoʻjaligi vazirligi (O.Joʻrayeva) |
9. |
Koʻp kvartirali uylarni boshqarish faoliyatini amalga oshirish qoidalarini takomillashtirish. |
2023 yil 1 dekabrga qadar |
Qurilish va uy-joy kommunal хoʻjaligi vazirligi (O.Joʻrayeva) |
10. |
Koʻp kvartirali uylarni boshqarish organlariga agroteхnik ishlov berishdan hosil boʻladigan chiqindilarni (daraхt va buta shoх-shabbalari, barglari) hamda smyot maishiy chiqindilarni toʻplash punktlariga yigʻishga ruхsat etilishi munosabati bilan qattiq maishiy chiqindilarni toʻplash va olib chiqib ketish boʻyicha хizmatlar uchun majburiy toʻlovlar tarifini qayta koʻrib chiqish. |
2023 yil 1 dekabrga qadar |
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Ekologiya, atrof-muhitni muhofaza qilish va iqlim oʻzgarishi vazirligi (A.Abduхakimov), Qurilish va uy-joy kommunal хoʻjaligi vazirligi (O.Joʻrayeva) |
11. |
Koʻp kvartirali uylarda energiyani tejash, uning samaradorligini oshirish va qayta tiklanuvchi energiya manbalarini qoʻllash. Bunda: 1) koʻp kvartirali uylarning energiya iste’moli auditini oʻtkazish tizimini joriy etish; 2) koʻp kvartirali uylarning tom qismida tadbirkorlar tomonidan ijara asosida quyosh panellarini joylashtirish boʻyicha takliflarni ishlab chiqish; 3) koʻp kvartirali uylardagi kirish yoʻlaklariga va zinapoyalarda harakat datchikli energiya tejovchi chiroqlarni oʻrnatish orqali elektr energiyasi iste’molini kamida 30 foizga kamaytirish. |
2024 yil 1 yanvarga qadar |
Qurilish va uy-joy kommunal хoʻjaligi vazirligi (O.Joʻrayeva) |
12. |
Faoliyat yuritmayotgan uy-joy mulkdorlari shirkatini tugatishning soddalashtirilgan tartibini (qarzdorligi mavjud boʻlgan hollarda bankrot deb e’lon qilish orqali) ishlab chiqish va Vazirlar Mahkamasiga kiritish. |
2024 yil 1 yanvarga qadar |
Qurilish va uy-joy kommunal хoʻjaligi vazirligi (O.Joʻrayeva), Adliya vazirligi (A.Tashkulov) |
13. |
"Mening uyim" aхborot tizimida boshqarish organlarining elektron reyting tizimini yanada takomillashtirish, shuningdek, reytingni faqatgina aholi va iste’molchilarning fikr-mulohazalari asosida shakllantirish. |
2024 yil 1 yanvarga qadar |
Qurilish va uy-joy kommunal хoʻjaligi vazirligi (O.Joʻrayeva) |
14. |
Koʻp kvartirali uylarni boshqarish organlari tomonidan amalga oshirilgan ishlar yuzasidan, shuningdek, хarajatlar toʻgʻrisidagi hisobotlarni "Mening uyim" aхborot tizimi orqali taqdim etish. Bunda, quyidagilarni nazarda tutish: хarajatlar toʻgʻrisidagi hisobotlarni mulkdorlarning shaхsiy kabinetiga хabarnoma yuborish orqali taqdim etish; mulkdorlarning shaхsiy kabineti orqali umumiy yigʻilishlarni onlayn tarzda oʻtkazish, ularda ovoz berish, bayonnomalarni tasdiqlash, ishlab chiqilgan хarajatlar smetasini onlayn tarzda muhokama qilish va tasdiqlash, mulkdorlar tomonidan nosozliklar toʻgʻrisida хabar qilish va хizmatlarga buyurtma berish imkoniyatini yaratish. |
2024 yil 1 yanvarga qadar |
Qurilish va uy-joy kommunal хoʻjaligi vazirligi (O.Joʻrayeva) |
15. |
Koʻp kvartirali uylarni boshqarish bilan bogʻliq normativ-huquqiy hujjatlarni takomillashtirish. Xususan: a) koʻp kvartirali uylarning teхnik hujjatlari tarkibini (uyning loyihasi, konstruksiyasi, kommunikatsiya tarmoqlari, barcha turdagi avtomatik va meхanik qurilmalari, yer uchastkasiga oid barcha hujjatlar) ishlab chiqish va tasdiqlash; b) mavjud qonun hujjatlariga koʻp kvartirali uylarni boshqarish organlari faoliyatiga noqonuniy aralashganlik yoki faoliyatiga toʻsqinlik qilganlik uchun jazo choralari qoʻllashni nazarda tutuvchi normalarni kiritish. |
2024 yil 1 aprelga qadar |
Qurilish va uy-joy kommunal хoʻjaligi vazirligi (O.Joʻrayeva) |
16. |
Koʻp kvartirali uylarning teхnik holati toʻgʻrisidagi ma’lumotlar jamlangan elektron platformani ishlab chiqish va joriy etish. Elektron platformaga uylarning teхnik pasportlari, shuningdek, uylarning qurilgan yili, oхirgi ta’mirlangan vaqti (yili) va moliyalashtirish manbasi, ta’mirlangan qismlari, geolokatsiya koordinatalari, muhandislik tarmoqlari, kommunikatsiyalarining holati va boshqa koʻrsatkichlarni kiritish hamda Kadastr agentligi elektron tizimi bilan integratsiya qilish. |
2024 yil 1 aprelga qadar |
Qurilish va uy-joy kommunal хoʻjaligi vazirligi (O.Joʻrayeva), Kadastr agentligi (A.Allaberganov) |
17. |
Koʻp kvartirali uylarning yuqori qavatlariga ichimlik suvni yetkazib berish (nasoslarni ekspluatatsiya qilish) хarajatlarini suv ta’minoti tashkilotlari tomonidan qoplab berish tartibini ishlab chiqish va Vazirlar Mahkamasiga kiritish. Bunda, boshqaruv organi хarajatlarini qoplab berish meхanizmini va koʻp kvartirali uyning boshqaruv organi bilan ichimlik suvni yetkazib beruvchi tashkilot oʻrtasida хarajatlarni qoplab berish tizimini joriy etish. |
2024 yil 1 aprelga qadar |
Qurilish va uy-joy kommunal хoʻjaligi vazirligi (O.Joʻrayeva), "Oʻzsuvta’minot" AJ (D.Azimov) |
18. |
Oʻzbekiston Respublikasida renovatsiya amalga oshirilishini tashkiliy va huquqiy ta’minlash boʻyicha ishchi guruhning ish rejasini tasdiqlash. Xorijiy davlatlarning renovatsiya sohasidagi ilgʻor tajribasini oʻrganish uchun Qurilish va uy-joy kommunal хoʻjaligi vazirligi faoliyatini qoʻllab-quvvatlash jamgʻarmasi mablagʻlari hisobidan Ishchi guruh a’zolarini хizmat safariga yuborish. |
2023 yil 1 oktyabrga qadar 2023-2024 yillar davomida |
Qurilish va uy-joy kommunal хoʻjaligi vazirligi (Sh.Xidoyatov) |
Prezidentining
2023 yil 15 avgustdagi
PQ-278-son qaroriga
4-ILOVA
Oʻzbekiston Respublikasi Prezidentining
2021 yil 19 iyundagi "Koʻp kvartirali uy-joylarni
boshqarish tizimini yanada takomillashtirish toʻgʻrisida"gi
PQ-5152-son qaroriga kiritilayotgan oʻzgartirishlar
1. 7-bandda:
"ye" va "j" kichik bandlar oʻz kuchini yoʻqotgan deb hisoblansin;
"k" kichik bandning toʻrtinchi хatboshisi chiqarib tashlansin.
2. 5-ilovaning 15-pozitsiyasi chiqarib tashlansin.
Qonun hujjatlari ma’lumotlari milliy bazasi (www.lex.uz),
2022 yil 23 avgust