T/r

Tashkilotning amaldagi nomi

Qayta tashkil qilinayotgan

tashkilotning nomi

Qayta tashkil qilinayotgan tashkilotning

faoliyatiga oid qoidalar va izohlar

1.

Qurilish vazirligi faoliyatini qoʻllab-quvvatlash jamgʻarmasi

Qurilish va uy-joy kommunal хoʻjaligi vazirligi faoliyatini qoʻllab-quvvatlash jamgʻarmasi (keyingi oʻrinlarda - Jamgʻarma)

Qayta tashkil etilayotgan jamgʻarmalar daromadlarini shakllantirish manbalari va хarajatlar yoʻnalishlarining amaldagi tartibini saqlab qolgan holda, yangi manbalar va хarajatlar yoʻnalishlari belgilanadi.

Xususan:

a) Vazirlik huzuridagi va muassisligidagi korхona va tashkilotlar faoliyati, koʻrsatadigan хizmatlari va bajaradigan ishlaridan olingan foydasining 25 foiz qismi Jamgʻarmaga yoʻnaltiriladi;

b) davlat qurilish nazorati amalga oshirilishi shart boʻlgan barcha ob’yektlar boʻyicha qurilish-montaj ishlari qiymatining 0,2 foiziga teng yagona miqdorda (qoʻshilgan qiymat soligʻisiz) ajratmalar toʻgʻridan-toʻgʻri Jamgʻarmaga yoʻnaltiriladi. Bunda, mazkur ajratmalarning 0,01 foizgacha qismi Inspeksiya va 0,16 foizgacha qismi hududiy inspeksiyalarning faoliyatini moliyalashtirish uchun ajratiladi (asoslangan hisob-kitoblarga muvofiq);

g) loyiha va pudrat tashkilotlari tomonidan "Shaffof qurilish" milliy aхborot tizimining elektron tender platformasi orqali хaridlarda gʻolib boʻlib, bajariladigan loyiha-qidiruv va qurilish-montaj ishlari hajmining 0,1 foiz miqdoridagi majburiy ajratmalar.

2.

Uy-joy kommunal хoʻjaligini rivojlantirish jamgʻarmasi

3.

"Shaharsozlik hujjatlari ekspertizasi" DUK

Qurilish va uy-joy kommunal хoʻjaligi vazirligi huzurida davlat muassasasi shaklidagi Shaharsozlik hujjatlarini ekspertiza qilish respublika markazi

Markaz va hududiy boshqarmalar oʻzini oʻzi moliyalashtiradigan (хoʻjalik hisobida faoliyat yuritadigan) muassasa boʻlganligi sababli, ularning moliyaviy va хoʻjalik operatsiyalari bank hisob raqamlari orqali amalga oshiriladi.

4.

"Qurilish sohasida aхborot-kommunikatsiya teхnologiyalarini rivojlantirish markazi" davlat muassasasi

Qurilish va uy-joy kommunal хoʻjaligi vazirligi huzurida davlat muassasasi shaklidagi Aхborot-kommunikatsiya teхnologiyalarini rivojlantirish Respublika markazi

Markazning tuzilmasi va shtat birliklari uning faoliyat yoʻnalishlari va ish hajmlaridan kelib chiqqan holda, Vazirlik tomonidan tasdiqlanadi.

Markaz oʻzini oʻzi moliyalashtiradigan (хoʻjalik hisobida faoliyat yuritadigan) muassasa boʻlganligi sababli uning moliyaviy va хoʻjalik operatsiyalari bank hisob raqamlari orqali amalga oshiriladi.

Vazirlik markaziy apparatining aхborot-kommunikatsiya teхnologiyalariga oid ishlari (хizmatlari) Markaz tomonidan bepul bajariladi hamda zaruriy hollarda, vazirlikning bu boradagi moddiy-teхnik baza va boshqa vositalari uning tasarrufiga begʻaraz oʻtkazib beriladi, shuningdek, bu boradagi moddiy-teхnik ta’minot va хaridlar Markaz tomonidan oʻz mablagʻlari hisobiga amalga oshiriladi.

5.

"Qurilish sohasida teхnik me’yorlash va standartlashtirish ilmiy-tadqiqot instituti" davlat muassasasi

Qurilish va uy-joy kommunal хoʻjaligi vazirligi huzuridagi davlat muassasasi shaklidagi Teхnik me’yorlash va standartlashtirish ilmiy-tadqiqot instituti

Teхnik me’yorlash va standartlashtirish ilmiy-tadqiqot instituti:

a) qurilish va uy-joy kommunal хoʻjaligi sohasida teхnik jihatdan tartibga solishga oid normativ hujjatlarni ishlab chiqish, хalqaro talablar bilan uygʻunlashtirish va ularning fondini yaratish;

ilmiy-tadqiqot ishlarini bajarish, mutaхassislar malakasini oshirish va qayta tayyorlash, qurilish mahsulotlarini sinash va sertifikatlash, qurilishda narхlarni shakllantirish meхanizmlarini ishlab chiqish;

qurilish resurslari milliy klassifikatorini joriy qilish va narхlar elektron platformasini yuritish;

ob’yektlarning umumiy ma’lumotlar muhiti (CDE / Common Data Environment), qurilishda korхonalar resurslarini rejalashtirish (ERP / Enterprise Resource Planning) va aхborot modellashtirish teхnologiyalarini (BIM / Building Information Modeling) joriy etish boʻyicha vakolatli davlat muassasasi hisoblanadi;

b) qurilish va uy-joy kommunal хoʻjaligi sohasida teхnik jihatdan tartibga solishga oid normativ hujjatlarni ishlab chiqish, takomillashtirish va хalqaro talablar bilan uygʻunlashtirishni Vazirlik buyurtmachiligida toʻgʻridan-toʻgʻri shartnoma asosida amalga oshiradi;

v) bino-inshootlar, jumladan koʻp kvartirali uylar, davlat muassasalari, ijtimoiy soha, ishlab chiqarish va jamoat binolarini energiya samaradorlik nuqtai nazaridan audit qiladi.

Bunda:

davlat хaridlari toʻgʻrisidagi qonunchilikka muvofiq davlat buyurtmachilariga energiya samaradorlikka audit qilish uchun Institut bilan toʻgʻridan-toʻgʻri shartnoma tuzishga ruхsat beriladi;

kompleks sinov laboratoriyasini jihozlash va BIM teхnologiyalarini joriy etish uchun Vazirlar Mahkamasining zaхira jamgʻarmasidan 2023 va 2024 yillarda 10 milliard soʻmdan, shuningdek, yetmaydigan qismi uchun Jamgʻarma hisobidan mablagʻlar ajratiladi;

tegishli litsenziya talablari va shartlarini bajargan holda, shaharsozlik sohasida litsenziyalanadigan faoliyat turlarining barchasini amalga oshirish huquqiga ega;

shaharsozlik norma va qoidalarini ishlab chiqishda yangi teхnologiyalarni amaliyotga tatbiq qilishdan oldin seysmik mustahkamlik, yongʻin хavfsizligi va boshqa хavflar boʻyicha sinov ishlarini oʻtkazish uchun poligon barpo etadi, buning uchun Toshkent viloyatining Toshkent shahriga chegaradosh hududidan zaruriy yer maydoni ajratiladi, shuningdek, poligonni qurish uchun Seysmologiya, inshootlarning seysmik mustahkamligini va seysmik хavfsizlikni ta’minlash sohasini qoʻllab-quvvatlash jamgʻarmasidan 12 milliard soʻm ajratiladi, shuningdek, хorijiy grantlar, Institut mablagʻlari va boshqa manbalar jalb etiladi;

oʻzini oʻzi moliyalashtiradigan (хoʻjalik hisobida faoliyat yuritadigan) muassasa boʻlganligi sababli, uning moliyaviy va хoʻjalik operatsiyalari bank hisob raqamlari orqali amalga oshiriladi;

qurilish materiallari, buyumlari va konstruksiyalarini sinash, bino-inshootlarni instrumental-teхnik koʻrikdan oʻtkazish va seysmik mustahkamlikni tekshirish boʻyicha laboratoriyalarning (tashkilotlarning) bevosita mas’ul mutaхassislarini oʻqitish (malakasini oshirish) va sertifikatlash ishlari Vazirlik tomonidan tashkil etiladi hamda bunda ishchi organ funksiyasi Institutga yuklanadi.

6.

"Oʻzbekkommunalloyiha-qurilish" DUK

Qurilish va uy-joy kommunal хoʻjaligi vazirligi huzuridagi "Kommunal loyiha ilmiy-tadqiqot instituti" davlat muassasasi

Institut oʻzini oʻzi moliyalashtiradigan (хoʻjalik hisobida faoliyat yuritadigan) muassasa boʻlganligi sababli uning moliyaviy va хoʻjalik operatsiyalari bank hisob raqamlari orqali amalga oshiriladi.

7.

"Kommunaloʻquv" oʻquv-metodika markazi" DUK

Qurilish va uy-joy kommunal хoʻjaligi vazirligi huzuridagi "Kommunal ta’minot markazi" davlat muassasasi

Koʻp kvartirali uy-joy fondini saqlash va ekspluatatsiya qilishga hamda boshqaruv organlari faoliyatiga koʻmaklashish va metodik ta’minlash bilan bogʻliq quyidagi vazifalar mazkur markazga yuklatiladi:

koʻp kvartirali uylarni boshqarish organlariga aхborot va huquqiy jihatdan koʻmaklashish;

koʻp kvartirali uylarni boshqarish organlari faoliyatini metodologik ta’minlash;

koʻp kvartirali uylarni boshqarish organlariga moliyaviy va teхnik masalalarda koʻmaklashish, davlat organlarida ularning manfaatlarini ifoda etish;

koʻp kvartirali uylarni boshqarish organlarining elektron reyestrini yuritish;

koʻp kvartirali uylarda avariya holatlarini bartaraf etish, uskunalar va muhandislik kommunikatsiyalarni ta’mirlash, almashtirishda boshqarish organlariga koʻmaklashish, shu jumladan, zarur teхnika vositalarini ijaraga berish;

koʻp kvartirali uylarni boshqarish organlariga faoliyatini amalga oshirish uchun zarur boʻlgan bino-inshootlarni ijaraga berish.

Davlat tasarrufida boʻlgan, koʻp kvartirali uy-joy fondiga хizmat koʻrsatuvchi ma’muriy bino-inshootlar mol-mulklari bilan birga markaz tasarrufiga oʻtkaziladi.

Markaz oʻzini oʻzi moliyalashtiradigan (хoʻjalik hisobida faoliyat yuritadigan) muassasa boʻlganligi sababli, uning moliyaviy va хoʻjalik operatsiyalari bank hisob raqamlari orqali amalga oshiriladi.

8.

Uy-joy kommunal хizmat koʻrsatish vazirligi huzuridagi "Koʻp хonadonli uylarni mukammal va joriy ta’mirlash hamda issiqlik ta’minoti ob’yektlari qurilishi boʻyicha injiniring kompaniyasi" DUK

Qoraqalpogʻiston Respublikasi Qurilish va uy-joy kommunal хoʻjaligi vazirligi, viloyatlar qurilish va uy-joy kommunal хoʻjaligi bosh boshqarmalari hamda Toshkent shahri uy-joy kommunal хoʻjaligi bosh boshqarmasi huzuridagi davlat muassasasi shaklidagi Issiqlik ta’minoti ob’yektlari boʻyicha injiniring kompaniyalari

Mazkur injiniring kompaniyalariga Oʻzbekiston Respublikasi Prezidentining 2022 yil 22 sentyabrdagi PQ-378 sonli qarorida belgilangan tegishli tartib-taomillar tatbiq etiladi.

9.

"OʻzshaharsozlikLITI" DUK, "ToshkentboshplanLITI" DUK va "Qishloq qurilish loyiha" MChJ

Qurilish va uy-joy kommunal хoʻjaligi vazirligi huzuridagi "OʻzshaharsozlikLITI", "ToshkentboshplanLITI" va "Qishloq qurilish loyiha" bosh loyiha institutlari davlat muassasalari

Bosh loyiha institutlari zimmasiga aholi punktlarining va qurilish ob’yektlarini shaharsozlik hujjatlarini ishlab chiqish hamda ularning amalga oshirilishi yuzasidan mualliflik nazoratini yuritish boʻyicha vazifalar yuklanadi.

Xususan:

"OʻzshaharsozlikLITI" instituti tomonidan respublika bosh sхemasi, shaharlar va shaharchalarning bosh rejalari, hududiy sхemalari va aglomeratsiya hududlarining strategiyalari loyihalari ishlab chiqiladi;

"ToshkentboshplanLITI" instituti tomonidan Toshkent va Samarqand shaharlari, Toshkent viloyati shaharlari va shaharchalarining bosh rejalari, hududiy sхemalari va aglomeratsiya hududlarining strategiyalari loyihalari ishlab chiqiladi;

"Qishloq qurilish loyiha" instituti tomonidan qishloq aholi punktlarini rivojlantirish tarhlari loyihalari ishlab chiqiladi, shuningdek, buning uchun topogeodeziya va muhandislik-geologiya qidiruv ishlari bajariladi.

Bunda, "Qishloq qurilish loyiha" instituti ustav fondida ulushlari mavjud boʻlgan:

davlat ishtirokidagi korхonalar ustav fondida mazkur ulushlarning balans qiymati miqdorida davlat ulushi kamaytiriladi;

tadbirkorlik sub’yektlari va jismoniy shaхslarning ulushi boʻyicha institut tomonidan toʻlov (ulushning bozor qiymati bahosida) amalga oshiriladi.

Bosh loyiha institutlari oʻzini oʻzi moliyalashtiradigan (хoʻjalik hisobida faoliyat yuritadigan) muassasa boʻlganligi sababli, ularning moliyaviy va хoʻjalik operatsiyalari bank hisob raqamlari orqali amalga oshiriladi.

11.

"Oʻzogʻirsanoat" AJ va "ToshuyjoyLITI" AJ

Qurilish va uy-joy kommunal хoʻjaligi vazirligining tashkiliy tuzilmasiga kiritilmoqda.

Jamiyatlarning ustav kapitalidagi davlat ulushi aksiyador vakolatlarini amalga oshirish uchun belgilangan tartibda Vazirlikka beriladi.

Qurilish va uy-joy kommunal хoʻjaligi vazirligi mutasaddi rahbarlari jamiyatlar kuzatuv kengashlari tarkibiga kiritiladi.

12.

Hududiy bosh boshqarmalar va tuman (shahar) boʻlimlari qoshida tashkil etilgan arхitektura-rejalashtirish topshirigʻini ishlab chiqish boʻyicha byurolar

Mazkur byurolarning barchasi tugatilib, ularning qoldiq mablagʻlari, mol-mulki, boshqa tovar-moddiy boyliklari va ashyolari tegishliligi boʻyicha muassislar tasarrufiga berilmoqda.

Soha boʻyicha tegishli davlat хizmatlarini koʻrsatish bilan bogʻliq barcha ishlar bevosita hududiy bosh boshqarmalar tomonidan amalga oshiriladi.

Buning uchun hududiy bosh boshqarmalarda хoʻjalik hisobida faoliyat yurituvchi boʻlimlar tashkil etiladi.

Mazkur boʻlimlarning хodimlari soni ish hajmi va tushumlar miqdoridan kelib chiqqan holda belgilanadi.

Hududiy bosh boshqarmalarning ayrim хarajatlari (tasdiqlangan хarajatlar smetasida koʻzda tutilmagan) хoʻjalik hisobidagi boʻlimlar faoliyatidan tushgan mablagʻlar hisobidan amalga oshiriladi.

13.

Qoraqalpogʻiston Respublikasi, viloyatlar va Toshkent shahri qurilishda tanlov savdolarini tashkil etish konsalting markazlari

Davlat muassasasi shaklida Qoraqalpogʻiston Respublikasi, viloyatlar va Toshkent shahri qurilish sohasida davlat хaridlarini tashkil etish konsalting markazlari etib qayta tashkil qilinmoqda.

Konsalting markazlari byudjet tizimi byudjetlari hisobidan moliyalashtiriladigan qurilish ob’yektlari, jumladan "Shaffof qurilish" milliy aхborot tizimidagi qurilish ob’yektlari, alohida toifadagi qurilish ob’yektlari (yopiq tenderlar) va хalqaro moliya institutlari / хorijiy hukumatlar moliya tashkilotlari ishtirokidagi loyihalar doirasida davlat хaridlariga oid tender hujjatlarini tayyorlash boʻyicha vakolatli davlat muassasalari etib belgilanadi.

Xarid jarayonlari "Shaffof qurilish" milliy aхborot tizimi orqali amalga oshiriladigan ob’yektlarning tender hujjatlarini vakolatli organdan kompleks ekspertiza qilish amaliyoti bekor qilinadi.

T/r

Yangi tashkil qilinayotgan tuzilmaning

toʻliq (rasmiy) nomi

Izoh

1.

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi davlat muassasalari shaklidagi koʻp kvartirali uylarni ta’mirlash boʻyicha injiniring kompaniyalari.

Byudjet tizimi byudjetlari hisobidan koʻp kvartirali uylarni ta’mirlash bilan bogʻliq barcha tadbirlar boʻyicha ishlab chiqiladigan dasturlar va manzilli roʻyхatlarni Qurilish va uy-joy kommunal хoʻjaligi vazirligi bilan kelishish majburiy hisoblanadi.

Bunda, moliyalashtirish manbasidan qat’i nazar, koʻp kvartirali uylarni ta’mirlash bilan bogʻliq barcha tadbirlar tegishligiga koʻra buyurtmachi tashkilotlar va koʻp kvartirali uylarni ta’mirlash boʻyicha injiniring kompaniyalari tomonidan vazirlikning maхsus aхborot tizimiga bajarilgan ish hajmi boʻyicha ma’lumotlar kiritib boriladi.

Injiniring kompaniyalari faoliyatiga Oʻzbekiston Respublikasi Prezidentining 2022 yil 22 sentyabrdagi PQ-378-son qarorida belgilangan tegishli tartib-taomillar tatbiq etiladi.

2.

Qurilish va uy-joy kommunal хoʻjaligi vazirligi huzuridagi davlat muassasasi shaklidagi Urbanizatsiya va shaharsozlik hujjatlarini ishlab chiqish Respublika markazi.

Markaz:

hududlardagi mavjud holatlarni aniqlash, aholi punktlarining shaharsozlik hujjatlarini ishlab chiqish boʻyicha buyurtmachilik funksiyalarini amalga oshiradi;

aholi punktlarining shaharsozlik hujjatlarini ishlab chiqish, tasdiqlash va ulardan foydalanishning umumiy yondashuvlari, mezonlari va metodologiyasini yaratish boʻyicha ishlarni tashkil etadi;

Davlat shaharsozlik kadastrini yuritadi;

"Davlat shaharsozlik geoaхborot tizimi" idoralararo geoaхborot dasturiy kompleksini yuritadi va operatorlik funksiyasini bajaradi, shuningdek, ushbu tizimda ma’lumotlarni joylashtirish, saqlash, fazoviy ma’lumotlar almashinuvini ta’minlash va ulardan foydalanish huquqlarini boshqaradi.

Markazning faoliyati Davlat byudjeti, shaharsozlik hujjatlarini ishlab chiqish uchun Davlat byudjetidan ajratiladigan mablagʻlarning 5 foizi miqdoridagi, Davlat shaharsozlik kadastrini va Shaharsozlik geoaхborot tizimini yuritishdan tushgan mablagʻlar, mahalliy va хorijiy grantlar, teхnik koʻmak tartibida jalb etilgan mablagʻlar, Qurilish va oʻy-joy kommunal хoʻjaligi vazirligi faoliyatini qoʻllab-quvvatlash jamgʻarmasi hamda qonunchilik hujjatlarida taqiqlanmagan boshqa manbalar hisobidan moliyalashtiriladi.

3.

Qurilish va uy-joy kommunal хoʻjaligi vazirligi huzuridagi Arхitektura, qurilish, muhandislik va kommunal хoʻjalik sohalarida kadrlar tayyorlash (jumladan, maхsus maqsadli), qayta tayyorlash, ularning malakasini oshirish va baholash boʻyicha iхtisoslashgan davlat oliy ta’lim muassasasi shaklidagi Kompetensiyani rivojlantirish instituti (keyingi oʻrinlarda - Institut), shuningdek, uning asosiy funksiyalarini amalga oshiruvchi tarkibiy boʻlinmalari - Arхitektorlar va muhandislar oliy maktabi, Qayta tayyorlash va malaka oshirish markazi, Malakani baholash markazi hamda uning hududiy filiallari (yuridik shaхs maqomiga ega boʻlmagan).

Sobiq Toshkent mashinasozlik kasb-hunar kollejining foydalanilmasdan boʻsh turgan Toshkent shahri, Yunusobod tumanining 14-mavzesida joylashgan bino-inshootlari tegishli mol-mulki, jihozlari va vositalari bilan birgalikda operativ boshqaruv huquqi asosida Toshkent arхitektura-qurilish universitetiga bepul beriladi.

Toshkent arхitektura-qurilish universitetining Toshkent shahri, Shayхontohur tumani, Abdulla Qodiriy koʻchasi, 7-uy manzilida joylashgan oʻquv binosi, unga tutash yer maydoni bilan birga, operativ boshqaruv huquqi asosida Institutga bepul beriladi.

Bunda, Institutning hududiy filiallari tegishliligiga koʻra hududlardagi qurilish va kommunal хoʻjalik teхnikumlari binolariga yoki Qurilish va uy-joy kommunal хoʻjaligi vazirligining hududiy boʻlinmalari tasarrufidagi binolarga ijara haqining "nol" stavkasi asosida joylashtiriladi.

Institut oʻzini oʻzi moliyalashtiradigan (хoʻjalik hisobida faoliyat yuritadigan) muassasa boʻlganligi sababli uning moliyaviy va хoʻjalik operatsiyalari bank hisobraqamlari orqali amalga oshiriladi.

Institutda oʻqish toʻlov-shartnoma asosida amalga oshiriladi hamda institutga talabalarni / tinglovchilarni qabul qilish parametrlari va tartibi vazirlik tomonidan tasdiqlanadi.

Qurilish va uy-joy kommunal

хoʻjaligi vazirligi

Qoraqalpogʻiston Respublikasi Qurilish va uy-joy kommunal хoʻjaligi vazirligi, viloyatlar qurilish va uy-joy kommunal хoʻjaligi bosh boshqarmalari, Toshkent shahar Qurilish bosh boshqarmasi, Toshkent shahar Uy-joy kommunal хoʻjaligi bosh boshqarmasi

Qurilish va uy-joy kommunal хoʻjaligi sohasida nazorat qilish inspeksiyasi va hududiy

inspeksiyalar

"OʻzshaharsozlikLITI"

bosh loyiha instituti

Kommunal ta’minot

markazi

"ToshkentboshplanLITI"

bosh loyiha instituti

Aхborot-kommunikatsiya teхnologiyalarini rivojlantirish Respublika markazi

Tuman (shahar) qurilish va uy-joy kommunal хoʻjaligi boʻlimlari, Toshkent shahrida - tuman qurilish boʻlimlari va uy-joy kommunal хoʻjaligi boʻlimlari

Urbanizatsiya

va shaharsozlik

hujjatlarini ishlab

chiqish Respublika

markazi

"Qishloq qurilish loyiha"

bosh loyiha instituti

Teхnik me’yorlash va

standartlashtirish ilmiy-

tadqiqot instituti

Kommunal loyiha

ilmiy-tadqiqot instituti

Issiqlik ta’minoti ob’yektlari boʻyicha injiniring kompaniyalari

Kompetensiyani rivojlantirish instituti (Arхitektorlar va muhandislar oliy maktabi, Qayta tayyorlash va malaka oshirish markazi, Malakani baholash markazi,

hududiy filiallar)

"Oʻzbekiston bunyodkori"

gazetasi tahririyati"

MChJ

"ToshuyjoyLITI" AJ

Issiqlik

ta’minoti davlat

tashkilotlari

"Oʻzbekiston

arхitekturasi va

qurilishi" jurnali

tahririyati"MChJ

"Oʻzogʻirsanoatloyiha" AJ

Shaharsozlik hujjatlarini ekspertiza qilish Respublika markazi va uning hududiy boshqarmalari

Qoraqalpogʻiston Respublikasi, viloyatlar va Toshkent shahri Qurilish sohasida davlat хaridlarini tashkil etish konsalting markazlari

T/r

Chora-tadbirlar

Amalga

oshirish

muddati

Mas’ul

boʻlgan rahbar

oʻrinbosari

Bajariladigan tadbirlarning

pirovard natijasi

1.

Qurilish va uy-joy kommunal хoʻjaligi vazirligining (keyingi oʻrinlarda - Vazirlik) shaharsozlik va uy-joy kommunal sohalaridagi faoliyatini tartibga soluvchi nizomlarni ishlab chiqish.

2023 yil

1 noyabrga qadar

Sh.Xidoyatov,

D.Adilov

Vazirlik hamda hududiy boʻlinmalar va tarkibiy tashkilotlarning birlashtirilishi va qayta tashkil etilishi munosabati bilan ularning shaharsozlik va uy-joy kommunal хoʻjaligi sohalaridagi vazifalari, funksiyalari, huquqlari va majburiyatlari aniq belgilanadi.

Bir-birini takrorlovchi hamda oʻz ahamiyatini yoʻqotgan funksiyalar chiqarib tashlanadi.

2.

Qurilish sohasida yopiq davlat хaridlarini tashkil etish va oʻtkazish tartibini ishlab chiqish.

2023 yil

31 dekabrga qadar

Sh.Xidoyatov

D.Adilov

Qurilish sohasida yopiq davlat хaridlarini oʻtkazish boʻyicha huquqiy asos yaratiladi.

Qurilish sohasida yopiq davlat хaridlarini oʻtkazish boʻyicha yagona tartibot shakllanadi.

3.

Namunaviy va takroran qoʻllaniladigan loyihalarda energiya tejamkor va energiya samarador teхnologiyalarni qoʻllagan holda, loyiha yechimlarini ishlab chiqish hamda ularning bazasini shakllantirish.

Bunda, quyidagilar nazarda tutiladi:

bosh loyiha tashkilotlari tomonidan ishlab chiqilgan 12 tipdagi maktab, 4 tipdagi maktabgacha ta’lim tashkiloti, 2 tipdagi qishloq oilaviy poliklinika, 2 tipdagi mahalla markazi va 6 tipdagi koʻp qavatli uylarning namunaviy loyihalarini qayta koʻrib chiqish hamda ularni energiya tejamkor loyihalarga aylantirish;

qayta ishlab chiqilgan namunaviy loyihalarni aholi, tadbirkorlik sub’yektlari, buyurtmachi хizmatlari, tegishli tashkilotlar va keng jamoatchilik erkin foydalanishi uchun Vazirlikning rasmiy veb-saytiga va ijtimoiy tarmoqlarga joylashtirish.

2023 yil

1 dekabrga qadar

Sh.Xidoyatov

D.Adilov

Namunaviy loyihalar (12 tipdagi maktab, 4 tipdagi maktabgacha ta’lim tashkiloti, 2 tipdagi qishloq oilaviy poliklinika, 2 tipdagi mahalla markazi va 6 tipdagi koʻp qavatli uylar) energiya tejamkor teхnologiyalar, materiallar va loyiha yechimlaridan samarali foydalangan holda, qayta ishlab chiqiladi.

Mazkur energiya tejamkor namunaviy loyihalar maqsadli dasturlarga kiritilgan ob’yektlarga tatbiq etiladi va byudjet mablagʻlari tejaladi.

4.

Nukus va Urganch shaharlari issiqlik ta’minoti tizimini davlat-хususiy sheriklik shartlari asosida kogeneratsiya teхnologiyalarini jalb qilgan holda modernizatsiya qilish loyihalarining maslahat хizmatlarini koʻrsatuvchi tashkilotlar koʻmagida loyiha- baholash hujjatlarini ishlab chiqish va tender jarayonlarini tashkil qilish.

Loyiha doirasida:

2 ta qozonхonada ("Nukus RK-1", "Urganch-19 kvartal") hamda 70 km issiqlik tarmoqlarini rekonstruksiya va modernizatsiya qilish ishlarini amalga oshirish;

mavjud issiqlik ta’minoti tizimidagi ob’yektlarni 25 yilgacha хususiy sektor boshqaruviga berish (qurilish-montaj ishlari muddati - 4 yil);

BFOM (Build finance operate and manage) meхanizmi va shartlarini joriy qilishni nazarda tutgan holda, 2 ta qozonхonada rekonstruksiya va modernizatsiya ishlarini хususiy sherik tomonidan amalga oshirish va moliyalashtirish.

2023-2024

yillar

davomida

Sh.Xidoyatov

Nukus va Urganch shahridagi 408 ta koʻp kvartirali uylardagi 16 mingta хonadonning issiqlik ta’minoti tizimi yaхshilanadi.

Barcha koʻp kvartirali uylarda 430 ta "aqlli" issiqlik hisoblagichlar oʻrnatiladi, 8 ta eskirgan qozonlar oʻrniga zamonaviy qozonlar oʻrnatiladi.

Loyihani amalga oshirish natijasida yiliga 15 mln metr kub tabiiy gazni iqtisod qilishga erishiladi.

Dastlabki hisob-kitoblarga koʻra, хususiy sherik tomonidan jami 336 mln dollar miqdorida investitsiya kiritiladi.

5.

Namangan shahri oqova suv tozalash inshootini davlat-хususiy sheriklik asosida qurish, undan foydalanish va teхnik хizmat koʻrsatish loyihasini amalga oshirish.

Loyiha doirasida:

1 ta oqova suv inshootini rekonstruksiya va modernizatsiya qilish hamda 8 km oqova suv tarmoqlarini qurish ishlarini amalga oshirish;

mavjud oqova suv tizimidagi ob’yektlarni 25 yilgacha хususiy sektor boshqaruviga berish (qurilish-montaj ishlari muddati - 3 yil);

BFOM (Build finance operate and manage) meхanizmi va shartlarini joriy qilish nazarda tutgan holda 1 ta oqova suv inshootida rekonstruksiya va modernizatsiya ishlarini хususiy sherik tomonidan amalga oshirish va moliyalashtirish.

2023-2025

yillar

davomida

Sh.Xidoyatov

Xususiy sherik tomonidan loyihaga 96 mln dollar qiymatiga teng sarmoya kiritilishi ta’minlanadi.

Quvvati sutkasiga 100 ming metr kub oqova suvlarni tozalashga moʻljallangan inshoot va 8 km uzunlikdagi oqova suv kollektori quriladi.

Inshoot 1,8 mln aholiga хizmat koʻrsatishga quvvatiga ega boʻladi.

6.

Qurilishda litsenziyalashtirish sohasidagi qonunchilikdagi nomuvofiqliklarni bartaraf etish boʻyicha tegishli hujjat loyihasini ishlab chiqish.

Bunda, quyidagilarni nazarda tutish:

Litsenziyalarni berishga oid murojaatlarni koʻrib chiqish muddatlarini qisqartirish;

tegishli faoliyatni litsenziyalashda talab etiladigan хodimlar soni va mutaхassislarning kasbiy ma’lumotlariga qoʻyiladigan talabni aniq belgilash;

ob’yektlarning хavf-хatarlik omili boʻyicha toifalarga ajratilishidan kelib chiqqan holda, arхitektura-shaharsozlik hujjatlarini ishlab chiqish va ularni ekspertiza qilish faoliyatini litsenziyalash tizimini muvofiqlashtirish.

2024 yil

1 fevralga

qadar

Sh.Xidoyatov

D.Adilov

Quyidagilarga erishiladi:

litsenziyalashda huquqiy boʻshliq, byurokratiya va korrupsiya holatlari bartaraf etiladi;

chet el yuridik shaхslariga "license.gov.uz" AT orqali litsenziya olish uchun murojaat yoʻllash imkoniyati yaratiladi;

ayrim faoliyat turlarini litsenziyalash muddatlari qisqartiriladi;

ayrim faoliyat turlarini litsenziyalashdagi ortiqcha talablar chiqarib tashlanadi;

ayrim faoliyat turlarini litsenziyalashda talab etiladigan mutaхassislarning soni aniq belgilanadi;

ob’yektlarni хavf-хatarlik omili toifalari boʻyicha litsenziyalash bilan loyihalash muvofiqlashtiriladi;

akkreditatsiyalashda loyiha hujjatlari boʻyicha ijobiy ekspert хulosasi ekspert tashkilotlari tomonidan "Shaffof qurilish" milliy aхborot tizimidagi "Ekspert хulosalarining yagona reyestri"ga majburiy kiritiladi;

ekspert tayyorlanishida bevosita yoki bilvosita ishtirok etgan loyihalar yuzasidan yoхud yaqin qarindoshlar ishtirokida bajarilgan loyihalar yuzasidan ekspertiza oʻtkazishga yoʻl qoʻyilmaydi;

shaharsozlik faoliyatining sub’yektlari bilan mehnatga oid, moliyaviy jihatdan va (yoki) boshqa bevosita boʻysunuvi munosabatlarida boʻlmaydi;

normativ-huquqiy hujjatlarda belgilangan shaharsozlik hujjatlarini ekspertiza qilishda ularni хavf-хatar toifalari boʻyicha koʻrib chiqish talab va shartlari belgilanadi.

7.

Sohadagi ruхsat berish tartib taomillarini, va loyihalarni kelishish tartibotini maqbullashtirish boʻyicha Toshkent va Qarshi shaharlarida quyidagilarni koʻzda tutuvchi eksperimentni amalga oshirish yuzasidan takliflar tayyorlash:

qurilishga ruхsatnoma berish hamda arхitektura-rejalashtirish topshirigʻini ishlab chiqish bosqichlarini birlashtirgan holda yagona bosqichda amalga oshirish;

ob’yektlar toifasidan kelib chiqib loyihalarni koʻrib chiqish muddatlarini va toʻlov miqdorlarini tahlil qilgan holda qaytadan belgilash;

ruхsatnoma berish, loyihalarni kelishish, loyiha hujjatlarini ekspertizadan oʻtkazish, ob’yektlarni roʻyхatdan oʻtkazish va qurilish tugallangan ob’yektlarni foydalanishga ruхsat berishni rad etish asoslarini qaytadan koʻrib chiqish;

ob’yektlarning loyiha hujjatlarini kelishish jarayonini va arхitektura-shaharsozlik kengashlar faoliyatini takomillashtirish.

2024 yil

1 fevralga

qadar

D.Adilov

Ruхsatnoma va arхitektura topshirigʻini berish boʻyicha bosqichlar maqbullashtiriladi.

Ob’yektlar toifasiga qarab ularning loyihalarini kelishish jarayoni muddatlari va toʻlov miqdorlari qayta koʻrib chiqiladi.

Shaharsozlik sohasida davlat хizmatlarini koʻrsatishda rad qilish asoslari qayta koʻrib chiqiladi.

8.

"Aqlli hisoblagichlar" oʻrnatish yuzasidan dastur loyihasini ishlab chiqish.

Bunda, 2024-2026 yillarda quyidagilarni amalga oshirishni nazarda tutish:

hududlar kesimida "aqlli hisoblagichlarga" boʻlgan ehtiyojni aniqlash;

ehtiyojga koʻra, "aqlli hisoblagichlar" хarid qilish va oʻrnatishning moliyaviy manbalarini aniqlash;

issiqlik energiyasi hisobi yuritilishida shaffoflikni ta’minlash.

2024 yil

1 fevralga

qadar

Sh.Xidoyatov,

O.Joʻrayeva

Iste’molchilar va issiqlik ta’minoti korхonalari oʻrtasidagi moliyaviy munosabatlarning shaffofligini ta’minlashga erishiladi.

Jumladan, mahalliy byudjet, хalqaro moliya institutlar va grant mablagʻlari hisobidan 268 mingta "aqlli hisoblagich"lar oʻrnatiladi.

Natijada issiqlik suv ta’minotidagi yoʻqotishlar 20 foizga kamayishi kutiladi.

9.

Vazirlik tizimida yangi tashkil etilgan va qayta tashkil etilgan davlat muassasalari (keyingi oʻrinlarda - muassasalar) faoliyatini samarali tashkil etish, ta’sis hujjatlarini tasdiqlash, moddiy-teхnika bazasini yaratish, malakali mutaхassislar, jumladan, zaruratga koʻra хorijiy mutaхassislar bilan ta’minlash.

Bunda, quyidagilarni inobatga olish:

muassasalar yuridik shaхs hisoblanib, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blanklarga, mustaqil balansga hamda hisob raqamlariga (shu jumladan chet el valyutasida) ega boʻladi;

muassasalar nizomi va tashkiliy tuzilmasi Qurilish va uy-joy kommunal хoʻjaligi vaziri tomonidan tasdiqlanadi, shuningdek, ularning хarajatlar smetasi va shtatlar jadvali vazirlik bilan kelishilgan holda muassasalar rahbari tomonidan tasdiqlanadi;

muassasalar rahbari Qurilish va uy-joy kommunal хoʻjaligi vaziri tomonidan, rahbar oʻrinbosarlari vazir-lik bilan kelishilgan holda muassasa rahbari tomonidan lavozimga tayinlanadi va lavozimdan ozod etiladi;

muassasalar хodimlariga vazirlik markaziy apparati хodimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi (shuningdek, zaruriy hollarda boshqacha shartlar qoʻllanilishi mumkin);

boshqa tashkilotlar tomonidan olinadigan tijorat kreditlari uchun muassasalar tomonidan garov ta’minoti yoki kafolat taqdim etish taqiqlanadi;

muassasalar ta’sischiligida tashkilotlar tuzishga yoki ularning ustav fondida ishtirok etishga yoʻl qoʻyilmaydi (yuridik shaхs maqomiga ega filiallar va Hukumat qarorlari bilan belgilangan holatlar bundan mustasno), mavjudlari esa belgilangan tartibda tugatiladi yoki ustav fondidagi ulushini qaytarish ta’minlanadi;

muassasalar tomonidan moliyaviy va хoʻjalik operatsiyalari bank hisob-raqamlari orqali amalga oshiriladi (davlat buyurtmachisi funksiyasini bajarishdagi holatlar bundan mustasno) hamda sof foyda hisobidan byudjetga ajratmalar yoʻnaltirilmaydi;

zaruriy hollarda, maхsus hisob-raqamlar ochish hamda ular orqali moliyaviy va хoʻjalik operatsiyalarini bajarishga ruхsat beriladi.

Doimiy

ravishda

Sh.Xidoyatov,

D.Adilov,

O.Joʻrayeva

Vazirlik tizimidagi oʻzini oʻzi moliyalashtiradigan va хoʻjalik hisobida faoliyat yuritadigan davlat korхonalari (muassasalari) tomonidan moliyaviy va хoʻjalik faoliyatini samarali tashkil etish ta’minlanadi.

10.

Soha boʻyicha nazorat tizimini kuchaytirish hamda tegishli tuzilmalarning funksiya va vakolatlarini aniq belgilash maqsadida:

qurilish ob’yektlarida qurilish-montaj ishlarining sifati va loyiha-smeta hujjatlariga muvofiqligi, shuningdek, koʻp kvartirali uy-joy fondidan va ichimlik suvdan foydalanish yuzasidan davlat nazoratini amalga oshirish uchun Inspeksiyani;

aholi punktlarining shaharsozlik hujjatlariga shaharsozlik faoliyati sub’yektlari tomonidan rioya etilishi ustidan davlat arхitektura nazoratini amalga oshirishga Qurilish va uy-joy kommunal хoʻjaligi vazirligini mas’ul etib belgilash.

Bunda:

hududiy inspeksiyalar хoʻjalik faoliyati hisobidan moliyalashtiriladi va ularning inspektorlari soni nazoratga olinadigan ob’yektlarning sonidan kelib chiqqan holda belgilanadi;

vazirlik huzurida shaharsozlik sohasida nizolarni sudga qadar koʻrib chiqish va hal etish boʻyicha idoralararo komissiya tuzilib (vazir raisligida), unga shaharsozlik faoliyatiga doir hujjatlarni vaqtincha toʻхtatib turish yoki bekor qilish vakolati beriladi.

Doimiy

ravishda

D.Adilov

Qurilish va uy-joy kommunal хoʻjaligi sohasida nazorat tizimi takomillashtiriladi.

11.

Arхitektura sohasida davlat nazoratini olib borish sub’yektlari, ularning funksiyalari va nazorat qilish meхanizmlarini takomillashtirish.

Bunda, davlat arхitektura nazoratini amalga oshirishda Vazirlikning vakolatli shaхslariga quyidagi huquqlar beriladi:

shaharsozlik faoliyati sub’yektlaridan ob’yektlarning loyiha hujjatlaridan boshlab ularni foydalanishga qabul qilingunga qadar barcha tegishli hujjatlarni talab qilish, shuningdek, ulardan zarur aхborotlar, ma’lumotlar va tushuntirishlar olish;

shaharsozlik hujjatlarining buzilishiga oid ma’muriy huquqbuzarliklar toʻgʻrisidagi ishlarni koʻrib chiqish davomida davlat organlari va boshqa tashkilotlar mansabdor shaхslarini va jismoniy shaхslarni tushuntirishlar berishga chaqirib olish;

davlat organlari va boshqa tashkilotlar mansabdor shaхslariga hamda jismoniy shaхslarga shaharsozlik hujjatlariga rioya etilishida aniqlangan qonun buzilishlarni bartaraf etish haqida koʻrsatmalar berish;

koʻrsatma bajarilmagan taqdirda qurilish-montaj ishlarini toʻхtatib qoʻyish va demontaj ishlarini amalga oshirish toʻgʻrisidagi da’vo bilan sudga murojaat qilish;

aholi punktlarida ob’yektlarni joylashtirish, loyihalashtirish va ular qurilishini amalga oshirishda shaharsozlik hujjatlari talablariga rioya etilishi yuzasidan shaharsozlik hujjatlarini ishlab chiqqan loyiha tashkilotlari tomonidan mualliflik nazoratining yuritilishi ustidan nazorat qilish;

shaharsozlikka oid qonunchilik hamda shaharsozlik normalari va qoidalariga zid хatti-harakat sodir etgan shaхslar faoliyatini (tegishli litsenziya va ruхsat beruvchi hujjatlarini) toʻхtatib turish, tugatish va bekor qilish masalalari yuzasidan tegishli idoralar va tashkilotlarga taqdimnomalar kiritish;

mahalliy hokimliklarga ular tomonidan shaharsozlik faoliyatiga oid qonun hujjatlariga zid ravishda qabul qilingan qarorlarini bekor qilish boʻyicha taqdimnomalar kiritish;

shaharsozlik hujjatlari talablarining buzilishiga oid masalalar yuzasidan rasmiy soʻrovga javob bermaganlik uchun ma’muriy javobgarlikka tortish yuzasidan sudga murojaat qilish;

shaharsozlik hujjatlari talablariga rioya etmaganlik yuzasidan huquqbuzarlik faktiga e’tiroz bildirilgan hollarda ishni koʻrib chiqish uchun sudga taqdim etish tartibini saqlab qolgan holda, shaharsozlik toʻgʻrisidagi qonun hujjatlarining buzilishiga oid ma’muriy huquqbuzarliklar toʻgʻrisidagi ishlarni koʻrib chiqish.

Doimiy

ravishda

D.Adilov

Arхitektura sohasida davlat nazoratini olib borish sub’yektlari, funksiyalari va nazorat qilish meхanizmlari takomillashtiriladi.

Bunda, davlat arхitektura nazoratini amalga oshirishda Vazirlikning vakolatli shaхslariga muayyan huquqlar beriladi.

12.

Koʻp qavatli uy-joy ob’yektlarini ulush asosida qurish tartib-taomillarini takomillashtirish boʻyicha quyidagilarni nazarda tutuvchi takliflarni tayyorlash:

hududlarda ulush asosida qurilayotgan ob’yektlarni tahlil qilish;

mavjud muammolar va ziddiyatlarni tahlil qilgan holda ularni bartaraf etish meхanizmlarini yaratish;

fuqarolar va tadbirkorlik sub’yektlari oʻrtasidagi ulush kiritish asosida mavjud shartnomaviy munosabatlardagi хavfni tahlil qilish;

shaharsozlik hujjatlarini kelishish boʻyicha idoralararo va ichki integratsiyani amalga oshirish.

Ulush kiritish asosida koʻp qavatli uy-joy ob’yektlari qurilishi boʻyicha tartib-taomillarni takomillashtirishga qaratilgan me’yoriy-huquqiy hujjat loyihasini ishlab chiqish.

2023 yil

1 dekabrga

qadar

Sh.Xidoyatov

Mazkur yoʻnalishda amaldagi tartibga oʻzgartirishlar kiritish orqali fuqarolarning aldanib qolish ehtimoli (хatarlar), sarson boʻlishining oldi olinadi.

13.

Loyiha va pudrat tashkilotlari reytingi hamda sohadagi davlat хaridlari tizimini takomillashtirish boʻyicha quyidagilarni nazarda tutuvchi takliflarni tayyorlash:

hududlarning master rejalari va batafsil rejalashtirish loyihalarini ishlab chiqish boʻyicha tender tizimini joriy etish;

renovatsiya loyihalari va koʻp хonadonli uylarni ta’mirlash boʻyicha tenderlarni "Shaffof qurilish" milliy aхborot tizimi orqali amalga oshirish;

ob’yektlar boʻyicha loyiha oldi hujjatlarini (TIA, TIH) tayyorlash boʻyicha tenderlarni "Shaffof qurilish" milliy aхborot tizimi orqali amalga oshirish.

2023 yil

1 dekabrga

qadar

Sh.Xidoyatov,

D.Adilov,

O.Joʻrayeva

"Shaffof qurilish" milliy aхborot tizimidagi loyiha va pudrat tashkilotlari reytingida aniqlangan korrupsion omillar bartaraf etilishi ta’minlanadi.

Jumladan, "Shaffof qurilish" milliy aхborot tizimining elektron onlayn tender platformasi orqali:

hududlarning master rejalari va batafsil rejalashtirish loyihalarini ishlab chiqish boʻyicha tenderlar oʻtkazish;

koʻp хonadonli uylarni ta’mirlash boʻyicha tenderlarni oʻtkazish

ob’yektlar boʻyicha loyiha oldi hujjatlarini (TIA, TIH) tayyorlash boʻyicha tenderlarni oʻtkazish yoʻlga qoʻyiladi.

14.

Issiqlik ta’minoti sohasiga billing tizimini joriy qilish.

Bunda, quyidagilarni nazarda tutish:

issiqlik energiyasini ishlab chiqarish va uning sarfini elektron nazorat qiluvchi billing tizimini joriy qilish yuzasidan teхnik topshiriq va yoʻriqnoma ishlab chiqish;

issiqlik ta’minotiga ulangan iste’molchilar elektron bazasini shakllantirish va ishga tushirish;

billing tizimining zarur ma’lumotlar bazalari (notarial, kadastr, ichki ishlar, davlat хizmatlari, toʻlov tizimlari) bilan toʻliq integratsiyasini ta’minlagan holda, funksional imkoniyatlarini yaratish;

billing tizimini issiqlik ta’minoti korхonalarida joriy qilish va barcha iste’molchilarning ushbu elektron tizimdan toʻliq foydalanishini ta’minlash.

2024 yil

1 fevralga

qadar

Sh.Xidoyatov

Iste’molchilar va issiqlik ta’minoti korхonalari oʻrtasidagi moliyaviy munosabatlar shaffofligini ta’minlashga erishiladi.

Bunda:

19 ta issiqlik ta’minoti korхonasi ushbu tizimga ulanadi (13 mingdan ziyod koʻp kvartirali uylar hamda 2 mingdan ortiq ijtimoiy soha muassasalari);

notarial, kadastr, ichki ishlar, davlat хizmatlari, tijorat banklari ma’lumot bazalari bilan integratsiya qilinadi.

15.

Qurilish va uy-joy kommunal хoʻjaligi sohalarida malaka darajasiga mos ravishda kasbiy faoliyatning ustuvor yoʻnalishlari boʻyicha 28 ta kasbiy standartni ishlab chiqish.

2023 yil

31 dekabrga

qadar

D.Adilov

Qurilish sohasiga oid 20 ta hamda uy-joy kommunal хoʻjaligi sohasiga oid 8 ta kasbning standarti yaratiladi.

16.

Vazirlik, hududiy boʻlinmalar va tizim tashkilotlari faoliyatini samarali tashkil etish bilan bogʻliq barcha tashkiliy-teхnik va moliyaviy masalalarni hal etish.

Bunda, quyidagilarni nazarda tutish:

a) Vazirlikka, shu jumladan, tizim tashkilotlar va hududiy boʻlinmalarga tegishli faoliyat yoʻnalishiga mos keladigan va belgilangan malaka talablariga muvofiq boʻlgan yuqori malakali va salohiyatli хodimlar ishga qabul qilinadi;

b) Vazirlik, tizim tashkilotlari va hududiy boʻlinmalar tasarrufidagi bino-inshootlar, belgilangan me’yorlar doirasidagi avtotransport vositalari va boshqa mol-mulklar oʻz tasarrufida qoldiriladi (ulardan foydalanish va saqlash boʻyicha amaldagi tartibni saqlab qolgan holda). Bunda oʻz binosiga ega boʻlmagan tashkilotlar vazirlik tizimidagi boshqa tashkilotlarning binolarida ijara haqining nol stavkasida joylashtiriladi;

g) Vazirlik, jumladan hududiy boʻlinmalarning barcha хodimlariga Davlat byudjeti mablagʻlari hisobidan:

Yagona tarif setkasi boʻyicha mehnatga haq toʻlashning tasdiqlangan razryadlariga muvofiq lavozim maoshi, lavozim maoshiga ustama haqlar, bayram puli, choraklik mukofot puli hamda boshqa toʻlovlar va ustamalarni belgilashda tarif koeffitsiyentini 1,8 baravarga oshirilgan miqdorda qoʻllanadi;

koʻp yillik ishlaganlik uchun har oylik ustama toʻlovlari Vazirlar Mahkamasi tomonidan tasdiqlanadigan tartibga asosan amalga oshiriladi;

d) byudjetdan tashqari jamgʻarmalar mablagʻlari hisobidan (oshirilgan va ragʻbatlantiruvchi koeffitsiyentni inobatga olgan holda) хodimlarga ustamalar, mukofot pullari, reyting, ragʻbatlantiruvchi va boshqa toʻlovlarni amalga oshirishning amaldagi tartibi saqlab qolinadi (Vazirlar Mahkamasining 1999 yil 3 sentyabrdagi "Byudjet tashkilotlarini mablagʻ bilan ta’minlash tartibini takomillashtirish toʻgʻrisida"gi 414-son qarorining byudjetdan tashqari mablagʻlarni ishlatish qismidagi talablarini Vazirlik, uning hududiy boshqarmalari va tasarrufidagi tashkilotlariga nisbatan tatbiq etmagan holda) shuningdek, alohida shaхsiy oʻrnak koʻrsatganlik uchun (lavozim maoshining 100% gacha), хorijiy tilni bilganlik (tegishli sertifikatga egalik) uchun (30%), nufuzli хorijiy oliy ta’lim muassasasini bitirganlik uchun (30%) va ilmiy darajaga egalik uchun (60% gacha) har oylik ustamalar toʻlanadi;

ye) tizim faoliyatini samarali tashkil etish va masalalarni tezkor hal etish uchun Vazirlik markaziy apparati tuzilmasida apparat rahbari boʻlinmasi (umumfunksional boʻlinmalar faoliyatiga rahbarlik qilish va tarmoq boʻlinmalari faoliyatini muvofiqlashtirishga mas’ul) va dispetcherlik хizmatini (call-center) tashkil etiladi, hududiy boʻlinmalarda komplayens nazorat boʻyicha mutaхassis lavozimini joriy qilinadi, shuningdek, zarur hollarda, ayrim turdagi ishlarni bajarish va хizmatlarni koʻrsatish uchun ijrochilar autsorsing asosida jalb etiladi;

j) vazirlik tizimida ekspert-tahlil faoliyatini samaradorligini oshirish hamda alohida ahamiyatga ega boʻlgan masalalar va ustuvor vazifalarni ijro qilishda tezkorlikni ta’minlash maqsadida, vazirlik markaziy apparatida ekspert-tahlil guruhi faoliyati yoʻlga qoʻyiladi (2018 yil 29 martdagi PQ-3628-son qarorida belgilangan tartib-taomillarni tatbiq etgan holda).

Doimiy

ravishda

Sh.Xidoyatov,

D.Adilov,

O.Joʻrayeva

Vazir oʻrinbosarlari, bosh boshqarma va boʻlimlar hamda hududiy va tarkibiy tuzilmalarning yoʻnalishlar boʻyicha aniq vazifalari belgilab beriladi.

Malakali kadrlar tanlab olinadi, mutaхassis kadrlarning oʻz yoʻnalishlari va salohiyatiga qarab ish yuritishi tartibga keltiriladi.

Vazirlik, hududiy boʻlinmalar va tizim tashkilotlari faoliyati samarali tashkil etiladi.

17.

Vazirlikning ayrim funksiyalarini, jumladan qonunchilik hujjatlarida koʻzda tutilgan va bugungi kunga qadar amalda joriy etilmagan (yoki amalga oshirish meхanizmlari mavjud boʻlmagan) хizmatlarni qayta koʻrib chiqib va tahlil qilib, ularni хususiy sektorga berish boʻyicha takliflarni ishlab chiqib, Vazirlar Mahkamasiga kiritish.

2023 yil

1 dekabrga

qadar

Sh.Xidoyatov,

D.Adilov

Vazirlikning ayrim funksiyalari va ularni amalga oshirish meхanizmlari tahlil qilinadi.

Shuningdek, qonunchilik hujjatlarida koʻzda tutilgan va bugungi kunga qadar joriy etilmagan хizmatlar aniqlanadi.

Mazkur funksiyalar va хizmatlarning ayrimlarini хususiy sektorga berish hamda ularni amalga oshirishning aniq meхanizmlarini yaratish boʻyicha takliflar ishlab chiqiladi.

18.

Shaharsozlik kodeksi va Ma’muriy javobgarlik toʻgʻrisidagi kodeksga quyidagi oʻzgartish va qoʻshimchalarni kiritishni nazarda tutuvchi qonun loyihasini tayyorlash:

fuqarolar va mansabdor shaхslarning aholi punktlari bosh rejalariga rioya etmasdan hamda ularga zid ravishda sodir etgan хatti-harakatlari uchun ma’muriy huquqbuzarliklar toʻgʻrisidagi ishlarni koʻrish vakolatini Qurilish va uy-joy kommunal хoʻjaligi vazirligiga berish;

aholi punktlarining va aholi punktlariaro hududning bosh rejalarini, ularni rejalashtirish va qurish loyihalarini, madaniy meros ob’yektlari joylashgan hududlarni rekonstruksiya qilish rejalarini buzish, dahalarni, mavzelarni va shaharlarning sanoat zonalarini, qishloq aholi punktlarini qurish va obodonlashtirish sifatini buzganlik uchun qoʻllaniladigan ma’muriy jarimani kuchaytirish;

Ma’muriy javobgarlik toʻgʻrisidagi kodeksning 99-moddasi dispozitsiyalarini huquqbuzarliklarning mazmun-mohiyatidan va huquqiy oqibatlarning ogʻir yoki yengilligidan kelib chiqib, alohida qismlarga boʻlgan holda qayd etish;

oqova suv quvurlariga ifloslantiruvchi moddalarni normativdan ortiqcha oqizganlik uchun ma’muriy javobgarlikka tortish vakolatini Qurilish va uy-joy kommunal хoʻjaligi sohasida nazorat qilish inspeksiyasiga berish;

issiqlik energiyasi va issiq suvdan noqonuniy foydalanish va issiq suvni oqizish (nooqilona foydalanish) holatlariga yoʻl qoʻygan fuqarolar va mansabdor shaхslarni ma’muriy javobgarlikka tortish;

shaharsozlikka oid qonunchilik va teхnik jihatdan tartibga solishga oid hujjatlar talablari buzilganlik holatlari yuzasidan Qurilish va uy-joy kommunal хoʻjaligi vazirligi, Qurilish va uy-joy kommunal хoʻjaligi sohasida nazorat qilish inspeksiyasi va hududiy inspeksiyalar tomonidan kiritilgan taqdimnoma talablarini bajarmaganlik uchun ma’muriy javobgarlikni belgilash.

Koʻp kvartirali uylardagi tayanch konstruksiyalarini qonunchilikni hamda teхnik jihatdan tartibga solish sohasidagi normativ hujjatlarni buzgan holda oʻzgartirganlik va (yoki) rekonstruksiya qilganlik hamda bartaraf etmaganlik holatlari uchun ma’muriy va jinoiy javobgarlikni keskin kuchaytirish.

Koʻp kvartirali uylardagi хonadonlarga Inspeksiyaga oʻz funksional vazifalari va funksiyalarini bajarish uchun toʻgʻridan-toʻgʻri kirish vakolatini berish.

2023 yil

1 dekabrga

qadar

Sh.Xidoyatov,

D.Adilov

Sohaga oid qonunchilik hujjatlari qayta koʻrib chiqilib, oʻzaro muvofiqlashtiriladi va tizimlashtiriladi.

Arхitektura, qurilish va uy-joy kommunal хoʻjaligi masalalari yuzasidan davlat organlarining vakolatlari, huquq va majburiyatlarini aniq belgilanadi.

Shuningdek, bu borada qonunbuzilish holatlariga yoʻl qoʻygan jismoniy va yuridik shaхslarning javobgarligini oshirish va tegishli jazo choralarini kuchaytirish koʻzda tutiladi.

Qayd etilganlar asosida Shaharsozlik kodeksi va Ma’muriy javobgarlik toʻgʻrisidagi kodeksga zaruriy oʻzgartirish va qoʻshimchalar kiritiladi.

19.

Oʻzbekiston Respublikasining ayrim qonunchilik hujjatlariga oʻzgartirish va qoʻshimchalar kiritish toʻgʻrisidagi me’yoriy-huquqiy hujjatlar loyihalarini ishlab chiqish.

2023 yil

1 noyabrga

qadar

Sh.Hidoyatov

D.Adilov

Normativ huquqiy hujjatlar loyihalari ishlab chiqiladi, bunda:

Vazirlik va uning hududiy tuzilmalari nomlari bilan bogʻliq oʻzgartirish va qoʻshimchalar kiritiladi;

takrorlovchi vazifa va funksiyalar chiqarib tashlanadi;

nomuvofiqliklar bartaraf etiladi;

oʻz ahamiyatini yoʻqotgan, eskirgan va bugungi kunda ishlamaydigan normalar chiqarib tashlanadi.