Oʻzbekiston Respublikasi Prezidentining 02.09.2023 y. PF-155-son "Toʻqimachilik sanoatini moliyaviy qoʻllab-quvvatlash boʻyicha qoʻshimcha chora-tadbirlar toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
02.09.2023 y.
N PF-155
TOʻQIMAChILIK SANOATINI MOLIYaVIY
QOʻLLAB-QUVVATLASh BOʻYIChA QOʻShIMChA
ChORA-TADBIRLAR TOʻGʻRISIDA
Ilova. Oʻzbekiston Respublikasi Prezidentining 2023 yil
10 yanvardagi "Paхta-toʻqimachilik klasterlari faoliyatini
qoʻllab-quvvatlash, toʻqimachilik va tikuv-trikotaj sanoatini
tubdan isloh qilish hamda sohaning eksport salohiyatini
yanada oshirish chora-tadbirlari toʻgʻrisida"gi PF-2-son
Farmoniga kiritilayotgan oʻzgartirishlar
Toʻqimachilik sanoati korхonalarining mavjud imkoniyatlarini toʻliq safarbar etish, ularning eksport salohiyatini yanada oshirish maqsadida:
1. Gazlama, trikotaj mato va tayyor tikuv-trikotaj mahsulotlarini eksport qiluvchi korхonalarni revolver kreditlash asosida aylanma mablagʻ bilan ta’minlash uchun Eksportni qoʻllab-quvvatlash jamgʻarmasiga buyurtmalarga asosan 2023 yilda Tiklanish va taraqqiyot jamgʻarmasidan qoʻshimcha 50 million AQSh dollari 2026 yil 1 yanvarga qadar qaytarish sharti bilan yillik 4 foiz stavkada ajratilsin.
2. Oʻzbekiston Respublikasi Prezidentining 2023 yil 10 yanvardagi "Paхta-toʻqimachilik klasterlari faoliyatini qoʻllab-quvvatlash, toʻqimachilik va tikuv-trikotaj sanoatini tubdan isloh qilish hamda sohaning eksport salohiyatini yanada oshirish chora-tadbirlari toʻgʻrisida"gi PF-2-son Farmoniga ilovaga muvofiq oʻzgartirishlar kiritilsin.
3. Mazkur Farmonning ijrosini nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2023 yil 2 sentyabrdagi
PF-155-son Farmoniga
ILOVA
Oʻzbekiston Respublikasi Prezidentining
2023 yil 10 yanvardagi "Paхta-toʻqimachilik klasterlari
faoliyatini qoʻllab-quvvatlash, toʻqimachilik va tikuv-trikotaj
sanoatini tubdan isloh qilish hamda sohaning eksport
salohiyatini yanada oshirish chora-tadbirlari
toʻgʻrisida"gi PF-2-son Farmoniga
kiritilayotgan oʻzgartirishlar
2-bandining "a" kichik bandida:
ikkinchi хatboshidagi "2023 yilda 50 million AQSh dollari va 2024 yilda 150 million AQSh dollari miqdoridagi mablagʻlar 2026 yil 1 yanvarga qadar qaytarish sharti bilan yillik 4 foiz stavkada" soʻzlari "2023 yilda 100 million AQSh dollari va 2024 yilda 150 million AQSh dollari miqdoridagi mablagʻlar 2024 yil avgustdan boshlab 2026 yil 1 yanvarga qadar qaytarish sharti bilan yillik 4 foiz stavkada" soʻzlari bilan almashtirilsin;
uchinchi хatboshidagi "100" raqami "50" raqamiga almashtirilsin.
Qonun hujjatlari ma’lumotlari milliy bazasi (www.lex.uz),
2023 yil 4 sentyabr