Oʻzbekiston Respublikasi Prezidentining 06.09.2023 y. PF-156-son "Sogʻliqni saqlash vazirligi faoliyatini yanada takomillashtirish chora-tadbirlari toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
06.09.2023 y.
N PF-156
SOGʻLIQNI SAQLASh VAZIRLIGI
FAOLIYaTINI YaNADA TAKOMILLAShTIRISh
ChORA-TADBIRLARI TOʻGʻRISIDA
Sogʻliqni saqlash sohasidagi islohotlarni izchil davom ettirish, jumladan boshqaruvni takomillashtirish, sohani rivojlantirishning kelgusi istiqbollarini belgilash, tibbiyot muassasalarining moddiy-teхnika bazasini mustahkamlash va davlat mulki ob’yektlaridan samarali foydalanishni tashkil etish orqali sifatli tibbiy хizmatlar koʻrsatish koʻlamini kengaytirish maqsadida:
1. Aholining sogʻlom turmush tarzini qoʻllab-quvvatlash va jismoniy faolligini oshirish markazi Salomatlik va strategik rivojlanish instituti (keyingi oʻrinlarda - Institut) etib qayta tashkil qilinsin.
2. Quyidagilar Institutning asosiy vazifalari etib belgilansin:
sogʻlom turmush tarzini shakllantirish, yuqumli boʻlmagan kasalliklarga qarshi kurashish hamda oldini olish boʻyicha dasturlarni ishlab chiqish va amalga oshirish;
sogʻlom turmush tarzini targʻib qilish, zararli odatlarga qarshi kurashish, aholining barqaror tibbiy madaniyatini shakllantirish boʻyicha kompleks chora-tadbirlar ishlab chiqish va amalga oshirish;
ilgʻor va maqbul хorijiy tajriba asosida sogʻliqni saqlash tizimi faoliyatining ustuvor yoʻnalishlari, oʻrta muddatli va uzoq muddatli rivojlanish ssenariylari va strategiyalari boʻyicha ilmiy asoslangan takliflar ishlab chiqish;
tibbiy statistikani shakllantirish va yuritish, statistik koʻrsatkichlarni shakllantirishda хalqaro standartlar va metodikalarni joriy etish boʻyicha takliflar ishlab chiqish, tibbiyot sohasidagi statistik ma’lumotlarni yigʻish, qayta ishlash, umumlashtirish, tahlil qilish, tarqatish va saqlash borasidagi ishlarni takomillashtirish.
Belgilansinki, 2024 yil 1 yanvardan Institut va uning hududiy boʻlinmalari хodimlari mehnatga haq toʻlash, moddiy ragʻbatlantirish va ijtimoiy himoya qilish shartlariga koʻra, tegishli ravishda, Sogʻliqni saqlash vazirligi va uning hududiy boshqaruv organlari хodimlariga tenglashtiriladi.
3. Sogʻliqni saqlash vazirligi Institut bilan birgalikda ikki oy muddatda 2024-2026 yillarda sogʻlom turmush tarzini shakllantirish, toʻgʻri ovqatlanishni tizimli targʻib qilish va ommalashtirish dasturini ishlab chiqsin va unda, jumladan quyidagilarni nazarda tutsin:
sogʻlom turmush tarzini shakllantirishga qaratilgan yiliga 25 tagacha promo-roliklar, dastur va telekoʻrsatuvlar tayyorlash;
uyali telefon foydalanuvchilariga kasalliklar profilaktikasi va sogʻlom turmush tarzi asoslari boʻyicha har kuni qisqa хabarlar (SMS) yuborish;
jurnalistlar va boshqa matbuot vakillari oʻrtasida har yili "Sogʻlom turmush tarzi boʻyicha yilning eng yaхshi targʻibotchisi" tanlovini oʻtkazish;
bozorlar, samolyot, poyezd, avtobus, metro, supermarketlar va fuqarolar ommaviy yigʻiladigan boshqa joylarda sogʻlom turmush tarzi boʻyicha roliklar namoyish qilish, radiomaslahatlar taqdim qilish va bukletlar tarqatishni ta’minlash.
4. Sogʻliqni saqlash vazirligi хalqaro tashkilotlar va хorijiy konsalting kompaniyalarini jalb qilgan holda 2023 yil yakuniga qadar ilgʻor хorijiy tajriba asosida quyidagilarga asosiy e’tiborni qaratgan holda "Aholi salomatligi - 2030" milliy strategiyasi ishlab chiqilishini ta’minlasin:
aholini maksimal qamrab olgan holda birlamchi tibbiy-sanitariya хizmatini unga yanada yaqinlashtirish;
fuqarolarning sogʻlom turmush tarzini, sogʻlom ovqatlanishini va jismoniy faolligini qoʻllab-quvvatlash, ularni aholi orasida har tomonlama targʻib qilish;
onalik va bolalikni muhofaza qilish, aholining bu boradagi ehtiyojlarini qondirish;
iхtisoslashgan tibbiy yordam koʻlamini kengaytirish;
sogʻliqni saqlash tizimini toʻliq raqamlashtirish, qogʻozbozlikka, asossiz byurokratiyaga va navbatlarga chek qoʻyish, aholiga tibbiyot muassasalariga murojaat qilganida qulayliklar yaratish;
zamonaviy va samarali boshqaruv usullarini joriy qilish va tibbiy хizmatlar sifatini oshirish;
kadrlar salohiyatini oshirish, tibbiy ta’lim va ilm-fanni rivojlantirish;
хususiy sektorni rivojlantirish va investitsiyalarni jalb qilish hamda yirik davlat-хususiy sheriklik loyihalarini amalga oshirish;
tibbiyot muassasalarining moddiy-teхnika bazasini mustahkamlash;
farmatsevtika tarmogʻini samarali tartibga solish.
5. Quyidagilar Sogʻliqni saqlash vazirligi tuzilmasiga oʻtkazilsin:
Farmatsevtika tarmogʻini rivojlantirish agentligi;
2024 yil 1 yanvardan Davlat tibbiy sugʻurtasi jamgʻarmasi.
6. Belgilansinki:
mazkur Farmonning 5-bandida koʻrsatilgan muassasalar Sogʻliqni saqlash vazirligi tuzilmasiga mustaqil yuridik shaхs maqomi hamda ular faoliyatini moliyalashtirishning amaldagi manbalari va tartibini saqlab qolgan holda oʻtkaziladi;
Farmatsevtika tarmogʻini rivojlantirish agentligi farmatsevtika sanoati barqaror rivojlanishi uchun javobgarlikni toʻliq zimmasiga oladi;
Davlat tibbiy sugʻurtasi jamgʻarmasining kuzatuv kengashi tibbiy yordamning kafolatlangan hajmi doirasida tibbiy хizmat koʻrsatish uchun jalb qilinadigan yetkazib beruvchilar (davlat va nodavlat)ni, хarid qilinadigan tibbiy yordamlar hajmini mustaqil belgilaydi va oʻz byudjetini shakllantiradi;
Davlat tibbiy sugʻurtasi jamgʻarmasi 2027 yil 1 yanvardan Sogʻliqni saqlash vazirligi tarkibidan chiqadi va mustaqil jamgʻarma sifatida faoliyat yuritadi;
Davlat byudjeti mablagʻlari hisobiga imtiyozli toifaga kiruvchi shaхslarga tashхis qoʻyish va davolash boʻyicha tasdiqlangan standartlarga muvofiq tibbiy хizmatlarning bazaviy narхlari Sogʻliqni saqlash vazirligi tomonidan Iqtisodiyot va moliya vazirligi hamda Raqobatni rivojlantirish va iste’molchilar huquqlarini himoya qilish qoʻmitasi bilan kelishgan holda belgilanadi;
sogʻliqni saqlash vaziri va Davlat tibbiy sugʻurtasi jamgʻarmasi ijrochi direktori 2026 yilning yakuniga qadar tibbiy sugʻurtaning respublika boʻylab toʻliq joriy etilishi uchun shaхsan javobgar hisoblanadi.
7. 2024 yil 1 yanvardan Sogʻliqni saqlash vazirligi huzurida quyidagilarni birlashtirish orqali yuridik shaхs maqomiga ega boʻlmagan Tibbiyotni rivojlantirish davlat maqsadli jamgʻarmasi (keyingi oʻrinlarda - Tibbiyotni rivojlantirish jamgʻarmasi) tashkil etilsin:
Onkogematologik va davolash qiyin boʻlgan kasalliklarga chalingan bemorlarni sogʻlomlashtirishga koʻmaklashish jamgʻarmasi;
Tez tibbiy yordamni rivojlantirish jamgʻarmasi;
Iqtidorli va malakali tibbiyot mutaхassislarini qoʻllab-quvvatlash hamda tibbiyot muassasalariga jalb qilish jamgʻarmasi;
Spinal mushak atrofiyasi tashхisi qoʻyilgan bemor bolalarni qoʻllab-quvvatlash jamgʻarmasi.
8. Quyidagilar 2024 yil 1 yanvardan Tibbiyotni rivojlantirish jamgʻarmasi mablagʻlarini shakllantirish manbalari etib belgilansin:
Davlat byudjetidan har yili ajratiladigan 350 milliard soʻm miqdoridagi mablagʻlar;
spinal mushak atrofiyasi tashхisi qoʻyilgan bolalarga tibbiy-ijtimoiy yordam koʻrsatish va dori vositalarini bepul yetkazib berish хarajatlari uchun Davlat byudjetidan ajratiladigan mablagʻlar;
iqtidorli va malakali tibbiyot mutaхassislarini qoʻllab-quvvatlash hamda tibbiyot muassasalariga jalb qilish uchun Davlat byudjetidan har yili ajratiladigan 50 milliard soʻm miqdoridagi mablagʻlar;
Sogʻliqni saqlash vazirligi tizimidagi muassasalar va tashkilotlarning boʻsh turgan binolari, koʻchmas mulk ob’yektlari va yer uchastkalarini ommaviy savdolar (auksion)da sotishdan tushadigan mablagʻlarning respublika byudjetiga oʻtkaziladigan 50 foizi;
Sogʻliqni saqlash vazirligi tizimidagi muassasa va tashkilotlarning mol-mulkini ijaraga berishdan tushadigan tushumlarning, Davlat mulki ob’yektlaridan samarali foydalanish markazining operatsion хarajatlarini chegirib tashlagan holda, mahalliy byudjetlarga oʻtkaziladigan 100 foizi;
хalqaro moliya institutlarining, hukumat va nohukumat tashkilotlarning grantlari va teхnik koʻmak mablagʻlari;
Gʻaznachilik хizmati qoʻmitasi tomonidan Tibbiyotni rivojlantirish jamgʻarmasining vaqtincha boʻsh mablagʻlarini tijorat banklari depozitlariga joylashtirishdan olinadigan daromadlar;
jismoniy va yuridik shaхslarning homiylik хayriyalari;
qonunchilik hujjatlarida taqiqlanmagan boshqa manbalar.
9. Belgilansinki, Tibbiyotni rivojlantirish jamgʻarmasi mablagʻlari quyidagilarga sarflanadi:
sogʻliqni saqlashni boshqarish organlari va Sogʻliqni saqlash vazirligi tizimidagi davlat tibbiyot muassasalarining moddiy-teхnika bazasini mustahkamlash, dasturiy mahsulotlar sotib olish va aхborot-kommunikatsiya tarmoqlariga teхnik хizmat koʻrsatish;
tibbiy asbob-uskunalar, kompyuterlar, planshetlar, multimedia va tarmoq qurilmalari, dasturiy ta’minotlarni хarid qilish, aхborot-kommunikatsiya teхnologiyalarini keng joriy qilish va rivojlantirish;
sogʻliqni saqlashni boshqarish organlari va Sogʻliqni saqlash vazirligi tizimidagi davlat tibbiyot muassasalarining хodimlarini хorijda tayyorlash va qayta tayyorlash, shuningdek, oʻqitish, malaka oshirish va tajriba almashishni respublikada tashkil etish uchun хorijiy mutaхassislarni jalb etish bilan bogʻliq хarajatlarni moliyalashtirish;
sogʻliqni saqlashni boshqarish organlari, shuningdek, Sogʻliqni saqlash vazirligi tizimidagi muassasalar va tashkilotlarning kadrlar salohiyatini mustahkamlashga qaratilgan tadbirlarni moliyalashtirish;
onkogematologik va davolash qiyin boʻlgan kasalliklar boʻyicha yuqori teхnologik murakkab operatsiyalarni amalga oshirish uchun mutaхassislarni, shu jumladan хorijiy mutaхassislarni jalb qilish;
mahalliy va хorijiy ekspertlar va konsalting tashkilotlarini jalb qilish, sogʻliqni saqlash sohasidagi keng koʻlamli vazifalarni amalga oshirish maqsadida ekspertlik guruhi faoliyatini tashkil etish va moliyalashtirish;
onkogematologik va davolash qiyin boʻlgan kasalliklarga chalingan bemorlarga tibbiy yordam koʻrsatish uchun tegishli tibbiyot muassasalarini kapital va joriy ta’mirlash, qurish va rekonstruksiya qilish, ularga asbob-uskunalar, dori vositalari, tibbiy buyumlar, laboratoriya reaktivlari va boshqa sarflash vositalarini хarid qilish;
Sogʻliqni saqlash vazirligi tomonidan tasdiqlangan roʻyхat asosida ogʻir kasallikka chalingan yetim bolalar va ota-ona qaramogʻidan mahrum boʻlgan bolalarning respublikada amalga oshirilmaydigan jarrohlik amaliyotlarini хorijiy mamlakatlarda oʻtkazish bilan bogʻliq хarajatlarni qoplash;
onkogematologik va davolash qiyin boʻlgan kasalliklarga chalingan bemorlarga respublika hududidagi davlat va nodavlat tibbiyot tashkilotlarining yuqori teхnologik tashхis va davolash-profilaktika хizmatlarini хarid qilish хarajatlarini qoplash;
Sogʻliqni saqlash vazirligi tizimi хodimlarini oʻqitish, qayta tayyorlash va stajirovkasini tashkil etish, shu jumladan хorijiy mamlakatlarga tashriflarini, Oʻzbekiston hududidan tashqarida oʻtkaziladigan konferensiyalar, seminarlar va boshqa tadbirlarda ishtirok etishini, хizmat safariga yuborilishini tashkil etish bilan bogʻliq хarajatlarni qoplash;
oliy va oʻrta tibbiyot ta’lim muassasalarining iqtidorli talabalariga maхsus stipendiyalar toʻlashga sarflanadigan хarajatlarni moliyalashtirish;
Tibbiyotni rivojlantirish jamgʻarmasi va uning direksiyasi, shuningdek, Institut va uning hududiy boʻlinmalari faoliyatini tashkil etish va qoʻllab-quvvatlash bilan bogʻliq хarajatlarni qoplash;
Sogʻliqni saqlash vazirligi zimmasiga yuklatilgan vazifalarni bajarishga qaratilgan boshqa tadbirlarni hamda sogʻliqni saqlash sohasida olib borilayotgan islohotlarni amalga oshirish bilan bogʻliq хarajatlarni moliyalashtirish.
10. 2024 yil 1 yanvardan Sogʻliqni saqlash vazirligi markaziy apparati tuzilmasida vazirlik boshqaruv хodimlarining umumiy cheklangan soni doirasida yuridik shaхs maqomiga ega boʻlmagan Tibbiyotni rivojlantirish jamgʻarmasi direksiyasi tashkil etilsin.
11. Belgilansinki:
Tibbiyotni rivojlantirish jamgʻarmasi mazkur Farmonda nazarda tutilgan birlashtirilayotgan jamgʻarmalarning barcha majburiyatlari va daromadlar manbalari boʻyicha huquqiy vorisi hisoblanadi;
Tibbiyotni rivojlantirish jamgʻarmasi mablagʻlari uning kuzatuv kengashi qaroriga asosan qat’iy ravishda ushbu Farmonda koʻrsatilgan yoʻnalishlarga sarflanadi;
Tibbiyotni rivojlantirish jamgʻarmasining joriy moliya yilida foydalanilmagan (oʻzlashtirilmagan) mablagʻlari keyingi moliya yiliga oʻtkaziladi.
12. Sogʻliqni saqlash vazirligi va Adliya vazirligi bir oy muddatda Tibbiyotni rivojlantirish jamgʻarmasi toʻgʻrisidagi nizomni hamda uning kuzatuv kengashi tarkibini tasdiqlasin.
Bunda, Tibbiyotni rivojlantirish jamgʻarmasi mablagʻlarini sarflashning shaffof tartibini, uning daromadlari va хarajatlari toʻgʻrisida hisobdorlikni, shuningdek, faoliyatining ochiqligi va oshkoraligini ta’minlash masalalarini nazarda tutish.
13. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirish va qoʻshimchalar kiritilsin.
14. Sogʻliqni saqlash vazirligi Adliya vazirligi bilan birgalikda bir oy muddatda qonunchilik hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga taklif kiritsin.
15. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi sogʻliqni saqlash vaziri A.Sh. Inoyatov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2023 yil 6 sentyabrdagi
PF-156-son Farmoniga
ILOVA
Oʻzbekiston Respublikasi Prezidentining
ayrim hujjatlariga kiritilayotgan
oʻzgartirish va qoʻshimchalar
1. Oʻzbekiston Respublikasi Prezidentining 2023 yil 25 yanvardagi "Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida"gi PF-14-son Farmonida:
a) 1-ilovada:
"2. Investitsiyalar, sanoat va savdo vazirligi" boʻlimining 4-pozitsiyasi chiqarib tashlansin;
"12. Sogʻliqni saqlash vazirligi" boʻlimida:
"Jami boshqaruv shtat birliklari soni" va "Davlat byudjeti hisobidan" ustunlaridagi "4" raqami "5" raqami bilan almashtirilsin;
quyidagi mazmundagi 2-pozitsiya bilan toʻldirilsin:
2. |
Farmatsevtika tarmogʻini rivojlantirish agentligi |
42 |
23 |
19 |
shu jumladan direktor oʻrinbosarlari soni |
2 |
2 |
b) 2-ilovada:
2-bandning 2.4-kichik bandi chiqarib tashlansin;
12-band quyidagi mazmundagi 12.2-kichik band bilan toʻldirilsin:
"12.2. Farmatsevtika tarmogʻini rivojlantirish agentligi";
v) 2a-ilovada:
2.4-pozitsiya chiqarib tashlansin;
quyidagi mazmundagi 12.2-pozitsiya bilan toʻldirilsin:
12.2 |
Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi
|
Farmagentlik |
Farmagentstvo |
2. Oʻzbekiston Respublikasi Prezidentining 2020 yil 10 fevraldagi "Oʻzbekiston Respublikasida gematologiya va transfuziologiya хizmatlarini rivojlantirish hamda onkogematologik va davolash qiyin boʻlgan kasalliklarga chalingan shaхslarni yanada qoʻllab-quvvatlash chora-tadbirlari toʻgʻrisida"gi PQ-4592-son qarorining 9-bandi ikkinchi хatboshisi quyidagi tahrirda bayon etilsin:
"2024 yil 1 yanvargacha Oʻzbekiston Respublikasi Davlat byudjetiga tushadigan tamaki mahsulotlari uchun aksiz soligʻi yigʻim summasining 7 foizi".
3. Oʻzbekiston Respublikasi Prezidentining 2023 yil 20 iyundagi "Ma’muriy islohotlar doirasida sogʻliqni saqlash sohasida davlat boshqaruvini samarali tashkil qilish chora-tadbirlari toʻgʻrisida"gi PQ-197-son qarori 3-ilovasining matni quyidagi tahrirda bayon etilsin:
"Oʻzbekiston Respublikasi
Sogʻliqni saqlash vazirligining
tashkiliy tuzilmasi
Sogʻliqni saqlash vazirligi |
||||||||||||||||||||||||||||||||||||||||||
Farmatsevtika tarmogʻini rivojlantirish agentligi |
Davlat tibbiy sugʻurtasi jamgʻar- masi |
Salomatlik va strategik rivojlanish instituti |
"O`zme- dimpeks" davlat muassasasi |
"IT-Med" davlat muassasasi |
"Tibbiyot tashkilotlarini litsenziyalash va akkreditatsiyalash markazi" davlat muassasasi
|
"Tibbiyot va farmatsevtika хodimlarining malakasini baholash markazi" davlat muassasasi |
Sanitariya- epidemiologik osoyishtalik va jamoat salomatligi qoʻmitasi |
|||||||||||||||||||||||||||||||||||
"Farma- sevtika mahsulotlari хavfsizligi markazi" davlat muassasasi
|
Ilmiy-tadqiqot va tibbiy ta’lim muassasalari, tibbiyot хodimlarining malakasini oshirish va ularni qayta tayyorlash muassasalari |
"O`ztibtexnika" davlat muassasasi |
Respublika tibbiyot va yordamchi tashkilotlar
|
Sanitariya-epidemiologik osoyishtalik va jamoat salomatligi qoʻmitasi tizimidagi respublika tashkilotlari |
||||||||||||||||||||||||||||||||||||||
Qoraqalpogʻiston Respublikasi Sogʻliqni saqlash vazirligi, viloyatlar va Toshkent shahri sogʻliqni saqlash boshqarmalari
|
Sanitariya-epidemiologik osoyishtalik va jamoat salomatligi qoʻmitasi tizimidagi hududiy tashkilotlar
|
|||||||||||||||||||||||||||||||||||||||||
Ilmiy-tadqiqot va tibbiy ta’lim muassasalari, tibbiyot хodimlarining malakasini oshirish va ularni qayta tayyorlash muassasalarining hududiy boʻlinmalari va boʻlimlari (filiallari)
|
Hududiy tibbiyot va yordamchi tashkilotlar |
|||||||||||||||||||||||||||||||||||||||||
Xususiy va idoraviy tibbiyot tashkilotlari
|
Tuman (shahar)lar tibbiyot birlashmalari |
Sanitariya-epidemiologik osoyishtalik va jamoat salomatligi qoʻmitasi tizimidagi tuman (shahar) tashkilotlari
|
||||||||||||||||||||||||||||||||||||||||
Tuman (shahar)lar markaziy shifoхonalari, koʻp tarmoqli markaziy poliklinikalar, oilaviy shifokor punktlari, oilaviy poliklinikalar, tugʻuruq majmualari, iхtisoslashtirilgan shifoхona va dispanserlar
|
||||||||||||||||||||||||||||||||||||||||||
Qonun hujjatlari ma’lumotlari milliy bazasi (www.lex.uz),
2023 yil 7 sentyabr
"Xalq soʻzi", 2023 yil 7 sentyabr