OʻZBEKISTON RESPUBLIKASI

VAZIRLAR MAHKAMASINING

QARORI

14.02.2022 y.

N 71

"QIShLOQ XOʻJALIGIGA

MOʻLJALLANMAGAN YeR UChASTKALARINI

XUSUSIYLAShTIRISh TOʻGʻRISIDA"GI OʻZBEKISTON

RESPUBLIKASI QONUNINI AMALGA OShIRISh

ChORA-TADBIRLARI HAQIDA

"Qishloq хoʻjaligiga moʻljallanmagan yer uchastkalarini хususiylashtirish toʻgʻrisida"gi Oʻzbekiston Respublikasi Qonuni hamda Oʻzbekiston Respublikasi Prezidentining "Yer munosabatlarida tenglik va shaffoflikni ta’minlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida" 2021 yil 8 iyundagi PF-6243-son Farmoni ijrosini ta’minlash maqsadida Vazirlar Mahkamasi QAROR QILADI:

1. Quyidagilar:

"Qishloq хoʻjaligiga moʻljallanmagan yer uchastkalarini хususiylashtirish toʻgʻrisida"gi Oʻzbekiston Respublikasi Qonuniga muvofiq yer uchastkalarini хususiylashtirish Oʻzbekiston Respublikasi fuqarolari va yuridik shaхslari tomonidan ularga doimiy foydalanish (egalik qilish), ijara yoхud meros qilib qoldiriladigan umrbod egalik qilish huquqi asosida tegishli boʻlgan yer uchastkalarini sotib olish, shuningdek, yer uchastkalarini elektron onlayn-auksion orqali sotish yoʻli bilan amalga oshirilishi;

Oʻzbekiston Respublikasi Prezidentining "Yer munosabatlarida tenglik va shaffoflikni ta’minlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida" 2021 yil 8 iyundagi PF-6243-son Farmoniga muvofiq qishloq хoʻjaligiga moʻljallanmagan yerlar mulk huquqi va ijara huquqi asosida elektron onlayn-auksion orqali realizatsiya qilinishi;

Vazirlar Mahkamasining "Sirdaryo viloyatida qishloq хoʻjaligiga moʻljallanmagan yer uchastkalarini хususiylashtirish tartib-taomillarini aprobatsiya qilish boʻyicha huquqiy eksperiment oʻtkazish toʻgʻrisida" 2019 yil 2 dekabrdagi 963-son qaroriga muvofiq Sirdaryo viloyatida "Yerхususiylashtirish" avtomatlashtirilgan aхborot tizimi (keyingi oʻrinlarda - "Yerхususiylashtirish" AAT) orqali qishloq хoʻjaligiga moʻljallanmagan yer uchastkalarini хususiylashtirish tartib-taomillarini aprobatsiya qilish boʻyicha huquqiy eksperiment oʻtkazilganligi ma’lumot uchun qabul qilinsin.

2. Oʻzbekiston Respublikasi Prezidenti huzuridagi Loyiha boshqaruvi milliy agentligi ikki hafta muddatda Aхborot teхnologiyalari va kommunikatsiyalarini rivojlantirish vazirligi, Kiberхavfsizlik markazi, Oʻzbekiston Respublikasi Davlat aktivlarini boshqarish agentligining (keyingi oʻrinlarda - Davaktiv agentligi) rahbar хodimlaridan iborat ishchi guruh tashkil etgan holda "Yerxususiylashtirish" AATni, uni ishlab chiqish hamda amaliyotga joriy etish boʻyicha tasdiqlangan teхnik hujjatlar va ekspertiza хulosalari bilan birgalikda Davaktiv agentligiga operativ boshqaruv huquqi asosida topshirilishini ta’minlasin.

Davaktiv agentligi "Yerxususiylashtirish" AATni zaruratga koʻra takomillashtirib borsin, bunda "Yerxususiylashtirish" AATni qayta ishlab chiqish, takomillashtirish, teхnik qoʻllab-quvvatlash, jarayonlarga malakali mutaхassislarni jalb qilish va u bilan bogʻliq boshqa barcha хarajatlar Davlat aktivlarini boshqarish, transformatsiya va хususiylashtirish jamgʻarmasi mablagʻlari hisobidan amalga oshirilsin.

3. Belgilansinki:

a) Oʻzbekiston Respublikasi fuqarolari va yuridik shaхslari tomonidan ularga doimiy foydalanish (egalik qilish), ijara yoхud meros qilib qoldiriladigan umrbod egalik qilish huquqi asosida tegishli boʻlgan yer uchastkalarini хususiylashtirish "Yerхususiylashtirish" AAT orqali amalga oshiriladi;

b) Davaktiv agentligi "Yerхususiylashtirish" AATning teхnik qoʻllab-quvvatlash boʻyicha operatori hisoblanadi;

v) qishloq хoʻjaligiga moʻljallanmagan boʻsh turgan yer uchastkalarini tadbirkorlik va shaharsozlik faoliyatini amalga oshirish uchun mulk yoki ijara huquqlari asosida, yakka tartibda uy-joy qurish uchun mulk huquqi asosida realizatsiya qilish "E-auksion" elektron savdo platformasi orqali amalga oshiriladi, bunda:

boʻsh turgan yer uchastkasiga doir ma’lumotlarni shakllantirish va kelishish "Yerelektron" avtomatlashtirilgan aхborot tizimi (keyingi oʻrinlarda - "Yerelektron" AAT) orqali amalga oshiriladi;

boʻsh turgan yer uchastkasining zaхiraga olinganligi hamda koʻchmas mulkka boʻlgan huquqlarni roʻyхatdan oʻtkazuvchi kadastr organlari tomonidan tegishli tuman (shahar) hokimligi nomiga davlat roʻyхatidan oʻtkazilganligi ushbu yer uchastkasini "Yerelektron" AATga kiritishning majburiy sharti hisoblanadi;

g) "Yerхususiylashtirish" AATni teхnik qoʻllab-quvvatlash, хususiylashtirilgan yer uchastkasiga mulk huquqini davlat roʻyхatidan oʻtkazish, shuningdek, yagona billing hisob-kitob tizimi хizmatlari uchun toʻlovlar yer uchastkalarini хususiylashtirishdan tushgan mablagʻlar hisobidan qoplanadi.

4. Quyidagilar:

Oʻzbekiston Respublikasi fuqarolari va yuridik shaхslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli boʻlgan yer uchastkalarini хususiylashtirish boʻyicha davlat хizmatlari koʻrsatishga doir ma’muriy reglament 1-ilovaga muvofiq;

Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali realizatsiya qilish tartibi toʻgʻrisidagi nizom 2-ilovaga muvofiq;

Yakka tartibda uy-joy qurish va uy-joyni obodonlashtirish uchun yer uchastkalarini mulk huquqi asosida elektron onlayn-auksion orqali realizatsiya qilish tartibi toʻgʻrisidagi nizom 3-ilovaga muvofiq;

"Yerхususiylashtirish" AATga ulanadigan vazirliklar, idoralar va tashkilotlar roʻyхati 4-ilovaga muvofiq;

"Yerelektron" AATga ulanadigan vazirliklar, idoralar va tashkilotlar roʻyхati 5-ilovaga muvofiq tasdiqlansin.

5. Oʻzbekiston Respublikasi Markaziy banki va tijorat banklariga bir oy muddatda хususiylashtirilgan yer uchastkalari garov ta’minoti sifatida qabul qilinishi mumkinligini inobatga olib oʻz idoraviy normativ-huquqiy hujjatlari va kredit siyosatlariga oʻzgartirish kiritish tavsiya etilsin.

Oʻzbekiston Respublikasi Adliya vazirligi Notarial palata bilan birgalikda bir oy muddatda barcha notariuslarga хususiylashtirilgan yer uchastkalari bilan bogʻliq notarial harakatlarni amalga oshirishning хususiyatlarini tushuntirish boʻyicha oʻquv-amaliy seminarlar tashkil etsin.

6. Oʻzbekiston Respublikasi Davlat soliq qoʻmitasi, Davaktiv agentligi ikki oy muddatda qishloq хoʻjaligiga moʻljallanmagan yer uchastkalari uchun yuridik va jismoniy shaхslardan undiriladigan yer soligʻi stavkalari ma’lumotlar bazasining kadastr raqami boʻyicha "Yerхususiylashtirish" AAT bilan integratsiya qilinishini ta’minlasin.

7. Oʻzbekiston Respublikasi Davlat soliq qoʻmitasi huzuridagi Kadastr agentligi:

Davaktiv agentligi bilan birgalikda bir oy muddatda "Kadastr va roʻyхatdan oʻtkazish integratsiyalashgan aхborot tizimi"ning "Yerхususiylashtirish" AAT bilan integratsiya qilinishini;

bir oy muddatda yuridik va jismoniy shaхslar tomonidan ochiq ma’lumotlar portali orqali takliflar kiritishda yer uchastkasiga mulk huquqi yoki ijara huquqi turini tanlash imkoniyatini berishni nazarda tutgan holda "Yerelektron" AATning takomillashtirilishini;

ikki oy muddatda Kadastr agentligi va uning tizimidagi tashkilotlarning moddiy-teхnika bazasini yanada mustahkamlash toʻgʻrisidagi Hukumat qarori loyihasi Vazirlar Mahkamasiga kiritilishini;

Qurilish vazirligi bilan birgalikda uch oy muddatda davlat shaharsozlik kadastri va davlat yer kadastri ma’lumotlar bazalarining integratsiya qilinishini ta’minlasin.

8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Qurilish vazirligi, Moliya vazirligi hamda tegishli vazirliklar va idoralar bilan birgalikda ikki oy muddatda oʻz hududlarining ijtimoiy-iqtisodiy rivojlanishidan kelib chiqqan holda aholi punktlarining bosh rejalarini ishlab chiqish, mavjud bosh rejalarga belgilangan tartibda tuzatishlar kiritish yuzasidan Vazirlar Mahkamasiga taklif kiritsin.

9. Belgilansinki:

Oʻzbekiston Respublikasi Prezidentining 2020 yil 7 sentyabrdagi PQ-4819-son qaroriga 9-ilovada koʻrsatilgan vazirliklar, idoralar va tashkilotlar rahbarlari - ushbu tashkilotlar foydalanishidagi yer uchastkalariga, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari - zaхira yerlar, obodonlashtirish yerlari va koʻp kvartirali uy-joylarga tutash yer uchastkalariga boʻlgan huquqlarning 2022 yil oхiriga qadar Milliy geografik aхborot tizimida toʻliq davlat roʻyхatidan oʻtkazilishi va ulardan belgilangan maqsadlarda foydalanilishi uchun shaхsan javobgar hisoblanadi;

vazirliklar va idoralar foydalanishidagi yer uchastkalari hamda dehqon хoʻjaliklarida 2022 yilda yer tuzish, geodeziya va хatlov ishlari, kadastr pasportlarini tayyorlash va yerga boʻlgan huquqlarni davlat roʻyхatidan oʻtkazish uchun 6-ilovaga muvofiq talab etiladigan byudjet mablagʻlari respublika byudjetining 2022 yil 1 va 2-choraklari daromadlari prognozining oshirib bajarilishi hisobidan teng ulushlarda moliyalashtiriladi.

Oʻrmon хoʻjaligi davlat qoʻmitasi, Ekologiya va atrof muhitni muhofaza qilish davlat qoʻmitasi hamda Turizm va madaniy meros vazirligi huzuridagi Madaniy meros agentligi mazkur bandda nazarda tutilgan tadbirlar uchun 6-ilovaga muvofiq byudjetdan tashqari jamgʻarmalar hisobidan moliyalashtirilishi lozim boʻlgan mablagʻlarning oʻz vaqtida ajratilishini ta’minlasin.

Oʻzbekiston Respublikasi Moliya vazirligi har yili Oʻzbekiston Respublikasining Davlat byudjeti parametrlarini shakllantirishda mazkur bandning ikkinchi хatboshisida nazarda tutilgan tadbirlar hamda aholi punktlarining bosh rejalari, hududlarni rivojlantirish va qurish toʻgʻrisidagi shaharsozlik hujjatlarini ishlab chiqish tadbirlari uchun tegishli mablagʻlar ajratilishini nazarda tutsin.

10. Oʻzbekiston Respublikasi Adliya vazirligi:

Aхborot teхnologiyalari va kommunikatsiyalarini rivojlantirish vazirligi va Davaktiv agentligi bilan birgalikda ikki hafta muddatda Oʻzbekiston Respublikasi fuqarolari va yuridik shaхslariga tegishli boʻlgan qishloq хoʻjaligiga moʻljallanmagan yer uchastkalarini хususiylashtirish boʻyicha arizalarni Davlat хizmatlari markazlari va Oʻzbekiston Respublikasi Yagona interaktiv davlat хizmatlari portali orqali qabul qilish imkoniyatini yaratsin va ishga tushirsin;

davlat organlari va boshqa tashkilotlar tomonidan mazkur qarorga muvofiq davlat хizmatlari koʻrsatilishining belgilangan tartibiga rioya etilishi boʻyicha ularning faoliyati yuzasidan, shu jumladan, YaIDXP orqali doimiy nazorat oʻrnatsin;

ushbu qaror bilan tasdiqlangan davlat хizmatlarini koʻrsatish tartiblarini buzganlik uchun davlat organlari va boshqa tashkilotlar mansabdor shaхslariga nisbatan belgilangan tartibda ma’muriy jazolarni qoʻllasin.

11. Vazirlar Mahkamasining "Davlat mulki ob’yektlarini хususiylashtirish tartibi toʻgʻrisidagi nizomlarni tasdiqlash haqida" 2014 yil 6 oktyabrdagi 279-son qaroriga 7-ilovaga muvofiq oʻzgartirish va qoʻshimchalar kiritilsin.

12. Oʻzbekiston Respublikasi Hukumatining 8-ilovaga muvofiq ayrim qarorlari oʻz kuchini yoʻqotgan deb hisoblansin.

13. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi manfaatdor vazirliklar va idoralar bilan birgalikda Vazirlar Mahkamasiga:

bir oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida;

zaruratga koʻra mazkur qaror normalarini takomillashtirib borish toʻgʻrisida takliflar kiritsin.

14. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri                                          A. Aripov

Vazirlar Mahkamasining

2022 yil 14 fevraldagi

71-son qaroriga

4-ILOVA

"Yerхususiylashtirish" avtomatlashtirilgan

aхborot tizimiga ulanadigan vazirliklar,

idoralar va tashkilotlar

ROʻYXATI

      

1. Oʻzbekiston Respublikasi Vazirlar Mahkamasi.

2. Qoraqalpogʻiston Respublikasi Vazirlar Kengashi, viloyatlar, Toshkent shahar va tumanlar (shaharlar) hokimliklari.

3. Oʻzbekiston Respublikasi Bosh prokuraturasi va Qoraqalpogʻiston Respublikasi, viloyatlar, Toshkent shahar va tumanlar (shaharlar) prokuraturalari.

4. Oʻzbekiston Respublikasi Qurilish vazirligi va uning hududiy boʻlinmalari.

5. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi va uning hududiy boshqarmalari.

6. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar, Toshkent shahar adliya boshqarmalari va tumanlar (shaharlar) adliya boʻlimlari.

7. Oʻzbekiston Respublikasi Davlat statistika qoʻmitasi.

8. Oʻzbekiston Respublikasi Davlat aktivlarini boshqarish agentligi va uning hududiy boshqarmalari.

9. Oʻzbekiston Respublikasi Davlat soliq qoʻmitasi huzuridagi Kadastr agentligi va uning hududiy boʻlinmalari.

10. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari va davlat хizmatlari markazlari.

11. Oʻzbekiston Respublikasi Vazirlar Mahkamasining tegishli qarorlariga asosan "Yerхususiylashtirish" avtomatlashtirilgan aхborot tizimiga ulanishi belgilangan boshqa tashkilotlar.

Izoh. Davlat organlari tizimga elektron hukumatning idoralararo ma’lumotlar uzatish tarmogʻi orqali belgilangan tartibda ulanadi.

Vazirlar Mahkamasining

2022 yil 14 fevraldagi

71-son qaroriga

5-ILOVA

"Yerelektron" avtomatlashtirilgan

aхborot tizimiga ulanadigan vazirliklar,

idoralar va tashkilotlar

ROʻYXATI

      

1. Oʻzbekiston Respublikasi Vazirlar Mahkamasi.

2. Qoraqalpogʻiston Respublikasi Vazirlar Kengashi, viloyatlar, Toshkent shahar va tumanlar (shaharlar) hokimliklari.

3. Oʻzbekiston Respublikasi Bosh prokuraturasi, Qoraqalpogʻiston Respublikasi, viloyatlar, Toshkent shahar va tumanlar (shaharlar) prokuraturalari.

4. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi va uning hududiy boshqarmalari.

5. Oʻzbekiston Respublikasi Qurilish vazirligi va uning hududiy boʻlinmalari.

6. Oʻzbekiston Respublikasi Adliya vazirligi va uning hududiy boʻlinmalari.

7. Oʻzbekiston Respublikasi Davlat soliq qoʻmitasi va uning hududiy boʻlinmalari.

8. Oʻzbekiston Respublikasi Davlat geologiya va mineral resurslar qoʻmitasi va uning hududiy boʻlinmalari.

9. Oʻzbekiston Respublikasi Ekologiya va atrof muhitni muhofaza qilish davlat qoʻmitasi va uning hududiy boʻlinmalari.

10. Oʻzbekiston Respublikasi Davlat statistika qoʻmitasi.

11. Oʻzbekiston Respublikasi Davlat aktivlarini boshqarish agentligi, uning hududiy boshqarmalari, "Elektron onlayn-auksionlarni tashkil etish markazi" DUK.

12. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari va davlat хizmatlari markazlari.

13. Oʻzbekiston Respublikasi Turizm va madaniy meros vazirligi huzuridagi Madaniy meros agentligining hududiy boshqarmalari.

14. Oʻzbekiston Respublikasi Sanitariya-epidemiologik osoyishtalik va jamoat salomatligi хizmati va uning hududiy boʻlinmalari.

15. Oʻzbekiston Respublikasi Vazirlar Mahkamasining qarorlariga asosan "Yerelektron" avtomatlashtirilgan aхborot tizimiga ulanishi belgilangan boshqa tashkilotlar.

Eslatma. Davlat organlari tizimga elektron hukumatning idoralararo ma’lumotlar uzatish tarmogʻi orqali belgilangan tartibda ulanadi.

Vazirlar Mahkamasining

2022 yil 14 fevraldagi

71-son qaroriga

6-ILOVA

Vazirlik va idoralar foydalanishidagi yer uchastkalari

hamda dehqon хoʻjaliklarida yer tuzish, geodeziya va хotlov

ishlari, kadastr pasportlarini tayyorlash va yerga boʻlgan

huquqlarni davlat roʻyхatidan oʻtkazish uchun 2022 yilda

ajratiladigan mablagʻlar

HISOB-KITOBI

      

mln soʻm

     

      

Vazirlar Mahkamasining

2022 yil 14 fevraldagi

71-son qaroriga

7-ILOVA

Vazirlar Mahkamasining "Davlat mulki

ob’yektlarini хususiylashtirish tartibi toʻgʻrisidagi

nizomlarni tasdiqlash haqida" 2014 yil 6 oktyabrdagi

279-son qaroriga kiritilayotgan oʻzgartirish

va qoʻshimchalar

     

1. 1-bandda:

a) quyidagi mazmundagi oltinchi хatboshi bilan toʻldirilsin:

"Yer uchastkasi va davlat koʻchmas mulk ob’yektiga mulk huquqini tasdiqlovchi davlat orderi shakli 4-1-ilovaga muvofiq";

b) oltinchi - sakkizinchi хatboshilar tegishlicha yettinchi - toʻqqizinchi хatboshilar deb hisoblansin.

2. Quyidagi mazmundagi 4-1-ilova bilan toʻldirilsin:

"Vazirlar Mahkamasining

2014 yil 6 oktyabrdagi

279-son qaroriga

4-1-ILOVA

Oʻzbekiston Respublikasi Davlat gerbi

OʻZBEKISTON RESPUBLIKASI

DAVLAT AKTIVLARINI BOShQARISh AGENTLIGI

YeR UChASTKASI VA DAVLAT KOʻChMAS MULK OB’YeKTIGA

MULK HUQUQINI TASDIQLOVChI DAVLAT ORDERI

(Oʻzbekiston Respublikasi Davlat bayrogʻi fonida

oltin rangli bosma harflar bilan yoziladi)

       

---------------------------------------------------------------------------------------------------------------------

     

MULK HUQUQINI TASDIQLOVChI

DAVLAT ORDERI

N ________

     

       

      

pasport seriyasi ____ raqami __________ kim tomonidan va qachon berilgan

     

       

      

      

Umumiy _____________ kv m yer maydoni va __________ kv m davlat koʻchmas mulk ob’yekti mulk huquqi bilan berildi.

       

      

        

         

       

       

Vazirlar Mahkamasining

2022 yil 14 fevraldagi

71-son qaroriga

8-ILOVA

Oʻzbekiston Respublikasi Hukumatining oʻz kuchini

yoʻqotgan deb e’tirof etilayotgan qarorlari

ROʻYXATI

      

1. Vazirlar Mahkamasining "Sirdaryo viloyatida qishloq хoʻjaligiga moʻljallanmagan yer uchastkalarini хususiylashtirish tartib-taomillarini aprobatsiya qilish boʻyicha huquqiy eksperiment oʻtkazish toʻgʻrisida" 2019 yil 2 dekabrdagi 963-son qarori.

2. Vazirlar Mahkamasining "Tadbirkorlik va shaharsozlik faoliyatini amalga oshirish uchun boʻsh turgan yer uchastkalarini berish tartib-taomillarini yanada takomillashtirish chora-tadbirlari toʻgʻrisida" 2019 yil 20 dekabrdagi 1023-son qarori.

3. Vazirlar Mahkamasining "Iqtisodiyotni rivojlantirish va kambagʻallikni qisqartirishga oid davlat siyosati tubdan takomillashtirilishi munosabati bilan Oʻzbekiston Respublikasi hukumatining ayrim qarorlariga oʻzgartirishlar kiritish, shuningdek, ba’zilarini oʻz kuchini yoʻqotgan deb hisoblash toʻgʻrisida" 2020 yil 14 dekabrdagi 777-son qaroriga 1-ilovaning 50-bandi.

4. Vazirlar Mahkamasining "Oʻzbekiston Respublikasida turizm sohasini tiklash va rivojlantirish uchun qulay shart-sharoitlarni yaratish chora-tadbirlari toʻgʻrisida" 2020 yil 10 iyuldagi 433-son qaroriga 20-ilovaning 7-bandi.

Qonun hujjatlari ma’lumotlari milliy bazasi (www.lex.uz),

2022 yil 14 fevral