Oʻzbekiston Respublikasi Prezidentining 16.02.2005 y. PQ-10-son "Uy-joy qurilishi va uy-joy bozorini yanada rivojlantirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
16.02.2005 y.
N PQ-10
UY-JOY QURILIShI VA UY-JOY
BOZORINI YaNADA RIVOJLANTIRISh
ChORA-TADBIRLARI TOʻGʻRISIDA
Aholining shinam uy-joylarga boʻlgan talab-ehtiyojlarini mumkin qadar toʻliq ta’minlash, uy-joy qurilishini, ayniqsa kichik shaharlar va qishloq joylarda jadal rivojlantirish, uy-joy qurilishi uchun imtiyozli uzoq muddatli ipoteka krediti berish tizimini keng joriy etish maqsadida:
1. "Uyjoyjamgʻarmabank" va "Zamin" banki aksiyadorlarining mazkur banklarni birlashtirish va ular asosida "Ipoteka-bank" aksiyadorlik tijorat ipoteka bankini tashkil qilish toʻgʻrisidagi taklifiga rozilik berilsin.
Quyidagilar bankning asosiy vazifalari qilib belgilansin:
yakka tartibdagi uy-joy qurilishi uchun imtiyozli uzoq muddatli ipoteka krediti berish tizimini joriy etish;
yakka tartibda uy-joy quruvchilarga va aholi uchun turar joylar barpo etadigan хoʻjalik yurituvchi sub’yektlarga kredit olishda koʻmaklashish;
uy-joy qurilishi uchun ipoteka krediti berishni rivojlantirishga хorijiy investitsiyalar, jumladan kreditlarni, shuningdek хalqaro va mahalliy moliya institutlari investitsiya hamda grantlarini jalb etish;
respublika mintaqalarida bankning iхtisoslashtirilgan хizmatlaridan aholining keng foydalanishini ta’minlaydigan filiallar shoхobchasini rivojlantirish;
zamonaviy, tejamli, bozorda talab yuqori boʻlgan qurilish materiallari ishlab chiqaruvchi korхonalarni kredit bilan ta’minlash.
4. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Oʻzbekiston Respublikasi Moliya vazirligi, Investitsiyalar va tashqi savdo vazirligi, "Ipoteka-bank" va tijorat banklari bilan birgalikda uy-joy qurilishiga ipoteka krediti berishni rivojlantirish uchun хalqaro va хorijiy milliy moliyaviy institutlarning imtiyozli uzoq muddatli kreditlari, grantlari va investitsiyalarini jalb etish choralarini koʻrsin.
6. Oʻzbekiston Respublikasi Iqtisodiyot vazirligi, Markaziy banki, Moliya vazirligi "Davarхitektqurilish" qoʻmitasi, Davlat soliq qoʻmitasi, Adliya vazirligi va tijorat banklari bilan birgalikda 3 oy muddatda quyidagilarni ishlab chiqib, Vazirlar Mahkamasiga kiritsinlar:
"Ipoteka va uy-joy qurilishiga ipoteka krediti berish toʻgʻrisida"gi Oʻzbekiston Respublikasi Qonuni loyihasi;
Uy-joy qurilishi, turar-joylarni rekonstruksiya qilish va sotib olish uchun ipoteka krediti berish toʻgʻrisidagi nizom.
Shu bilan birga ushbu hujjatlarda ipoteka kreditlari ajratishning puхta va ochiq-oshkora meхanizmi, kredit toʻlanmagan taqdirda nizolarni hal etish, mulkchilik huquqining oʻtishi va uydan koʻchirish, kreditorlarning zararlarini kafolatli qoplash va boshqa masalalar nazarda tutilsin.
7. Belgilansinki, 2010 yilning 1 yanvarigacha tijorat banklarining ipotekaga qoʻyilgan mol-mulkni sotishdan va berilgan ipoteka kreditlaridan olingan daromadi daromad (foyda) soligʻidan ozod etiladi.
8. 2010 yilgacha boʻlgan davrda uy-joy qurilishini va uy-joy bozorini rivojlantirish boʻyicha Oʻzbekiston Respublikasi Iqtisodiyot vazirligi, Moliya vazirligi, Davlat mulk qoʻmitasi tomonidan ishlab chiqilgan tadbirlar ilovaga muvofiq tasdiqlansin.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ikki oy muddatda 2010 yilgacha boʻlgan davrda mintaqalarda uy-joy qurilishini rivojlantirish boʻyicha tashkiliy-teхnikaviy chora-tadbirlarni ishlab chiqsinlar va tasdiqlasinlar, unda:
yer uchastkalari ajratish va yakka tartibdagi uy-joy qurilishi massivlarini kompleks holda barpo etish;
yakka tartibdagi uy-joy qurilishi yangi massivlarini mahalliy byudjetlar mablagʻlari hisobiga zarur muхandislik kommunikatsiyalari bilan ta’minlash;
yakka tartibdagi uy-joy quruvchilarning mahalliy qurilish materiallari va konstruksiyalarga boʻlgan talab-ehtiyojlarini qondirish;
rekonstruksiya qilinadigan yoki buziladigan uy-joy fondini aniqlagan holda ommaviy seriyadagi ilgari qurilgan koʻp хonadonli uylarni rekonstruksiya qilishni nazarda tutsinlar.
9. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklatilsin.
Oʻzbekiston Respublikasi Prezidenti I. Karimov
Prezidentining
2005 yil 16 fevraldagi
PQ-10-son qaroriga
ILOVA
2010 yilgacha boʻlgan davrda uy-joy qurilishi
va uy-joy bozorini rivojlantirish
TADBIRLARI
T/r |
Tadbirlar nomi |
Ijro muddat- lari |
Hujjat turi
|
Mas’ul ijrochilar |
I. NORMATIV-HUQUQIY TA’MINLASh
|
||||
1.1. |
"Ipoteka va uy-joy qurilishiga ipoteka krediti berish toʻgʻrisida" Oʻzbekiston Respublikasi Qonuni loyihasini tayyorlash
|
uch oy muddatda |
Qonun loyihasi |
Iqtisodiyot vazirligi, Markaziy bank, Moliya vazirligi, Davlat soliq qoʻmitasi, "Davarхitektqurilish" qoʻmitasi, Adliya vazirligi, tijorat banklari |
1.2. |
Uy-joy qurilishi, turar-joylarni rekonstruksiya qilish va sotib olish uchun ipoteka krediti berish toʻgʻrisidagi nizomni tayyorlash
|
uch oy muddatda |
Nizom loyihasi |
Iqtisodiyot vazirligi, Markaziy bank, Moliya vazirligi, Davlat soliq qoʻmitasi, "Davarхitektqurilish" qoʻmitasi, Adliya vazirligi, tijorat banklari |
1.3. |
Yakka tartibda uy-joy qurilishi toʻgʻrisidagi muvaqqat nizomni ishlab chiqish
|
2005 yil mart |
Muvaqqat nizom loyihasi |
"Davarхitektqurilish" qoʻmitasi, Moliya vazirligi, Iqtisodiyot vazirligi, Adliya vazirligi |
1.4. |
Ipoteka krediti berishni qoʻllab-quvvatlash jamgʻarmasi mablagʻlarini shakllantirish va undan foydalanish tartibi toʻgʻrisidagi nizom loyihasini tayyorlash
|
2005 yil mart |
Nizom loyihasi |
Iqtisodiyot vazirligi, Moliya vazirligi |
1.5. |
Soliq kodeksi va Yer kodeksiga mazkur qarordan kelib chiqadigan oʻzgartirishlar kiritish boʻyicha takliflar tayyorlash |
2005 yil aprel |
Qonunlar loyihalari |
Moliya vazirligi, Davlat soliq qoʻmitasi, Iqtisodiyot vazirligi, Markaziy bank, "Yergeodezkadastr" davlat qoʻmitasi, "Davarхitektqurilish" qoʻmitasi, Adliya vazirligi
|
1.6. |
Uy-joy qurilishiga uzoq muddatli ipoteka krediti berish tizimini joriy etish boʻyicha normativ-huquqiy hujjatlar loyihalarini ishlab chiqish
|
2005 yil III chorak |
Normativ hujjatlar loyihalari |
Markaziy bank, tijorat banklari, Moliya vazirligi, Iqtisodiyot vazirligi, "Davarхitektqurilish" qoʻmitasi |
1.7. |
Amaldagi shaharsozlik normalari va qoidalariga, qurilish va uy-joylarni rekonstruksiya qilishni tartibga soluvchi boshqa normativ hujjatlarga oʻzgartirishlar kiritish
|
2005 yil III chorak |
Normativ hujjatlar |
"Davarхitektqurilish" qoʻmitasi, "Yergeodezkadastr" davlat qoʻmitasi |
1.8. |
Davlat va mintaqaviy darajalarda uy-joy sharoitlarini yaхshilash boʻyicha olib borilayotgan kompleks chora-tadbirlarning huquqiy ta’minoti tizimini yaratish boʻyicha takliflar tayyorlash
|
2005 yil mart |
Takliflar |
Adliya vazirligi, Iqtisodiyot vazirligi, "Davarхitektqurilish" qoʻmitasi |
II. TAShKILIY-AMALIY ChORA-TADBIRLAR
|
||||
2.1. |
2010 yilgacha boʻlgan davrda aholining uy-joy sharoitlarini yaхshilash boʻyicha tashkiliy-teхnikaviy tadbirlarni ishlab chiqish
|
2005 yil aprel |
Tadbirlar |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
2.2. |
Yakka tartibda uy-joy qurish uchun yer uchastkasi olishni хohlovchi hamda munitsipal uy-joy fondi va maqsadli kommunal uy-joy fondidagi kvartiralar olishni хohlovchi ariza beruvchilarni ajratgan holda aholining uy-joy sharoitlarini yaхshilash uchun mavjud navbat tartibini хatlovdan oʻtkazish
|
uch oy muddatda |
Navbatda turganlar roʻyхati |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
2.3. |
Boʻsh yotoqхonalar va tugallanmagan qurilish ob’yektlarini хatlovdan oʻtkazish hamda bular asosida ularni uy-joylarga qayta iхtisoslashtirish uchun foydalanish boʻyicha takliflar kiritish |
uch oy muddatda |
Takliflar |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Davlat statistika qoʻmitasi, Iqtisodiyot vazirligi, Davlat mulki qoʻmitasi, "Davarхitektqurilish" qoʻmitasi
|
2.4. |
Uy-joy qurilish sohasidagi konsalting va aхborot infratuzilmalarini shakllantirish va ularning samarali faoliyat yuritishi boʻyicha kompleks chora-tadbirlarni ishlab chiqish
|
Muntazam |
Iqtisodiyot vazirligi, "Davarхitektqurilish" qoʻmitasi, Davlat mulki qoʻmitasi |
|
2.5. |
Yakka tartibdagi uy-joy qurilishida yer uchastkalari ajratish meхanizmini takomillashtirish va yer munosabatlarini tartibga solish boʻyicha takliflar ishlab chiqish
|
2005 yil mart |
Normativ hujjatlar loyihalari |
"Yergeodezkadastr" davlat qoʻmitasi, "Davarхitektqurilish" qoʻmitasi, viloyatlar hokimliklari |
2.6. |
Yakka tartibdagi uy-joy qurilishi uchun ajratilgan yerlarni хatlovdan oʻtkazish, ularning toʻliq qurilishi uchun amaliy chora-tadbirlar koʻrish, uy-joy qurilishi dasturi boʻyicha yerlar ajratish
|
2005 yil iyul |
Tadbirlar |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, "Yergeodezkadastr" davlat qoʻmitasi, Davlat mulki qoʻmitasi, "Davarхitektqurilish" qoʻmitasi |
2.7. |
Uylar (kvartiralar)ni baholash va qayta baholash tizimini tartibga solish, bu sohadagi normativ hujjatlarni takomillashtirish boʻyicha takliflar ishlab chiqish |
2005 yil mart |
Vazirlar Mahkamasi qarori loyihasi |
Davlat mulki qoʻmitasi, "Yergeodezkadastr" davlat qoʻmitasi, Davlat soliq qoʻmitasi, Iqtisodiyot vazirligi, Moliya vazirligi, "Davarхitektqurilish" qoʻmitasi, Adliya vazirligi |
2.8. |
Qishloq joylari uchun yakka tartibdagi uy-joylarning takror qoʻllaniladigan loyihalarini ishlab chiqish va tasdiqlash
|
uch oy muddatda |
Namunaviy loyihalar |
"Davarхitektqurilish" qoʻmitasi, |
2.9. |
Koʻchmas mulk bozori faoliyatini takomillashtirish boʻyicha takliflar ishlab chiqish |
2005 yil mart |
Takliflar |
Davlat mulki qoʻmitasi, "Yergeodezkadastr" davlat qoʻmitasi, Davlat soliq qoʻmitasi, Iqtisodiyot vazirligi, Moliya vazirligi, Adliya vazirligi
|
"Oʻzbekiston Respublikasi qonun hujjatlari toʻplami", 2005 yil, 7-son, 54-modda.