Oʻzbekiston Respublikasi Vazirlar Mahkamasining 13.10.2023 y. 538-son "Vazirlar Mahkamasining 2017 yil 9 fevraldagi 66-son qarori bilan tasdiqlangan Tadbirkorlik sub’yektlarini davlat roʻyхatidan oʻtkazish tartibi toʻgʻrisidagi nizomga qoʻshimchalar kiritish haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
13.10.2023 y.
N 538
VAZIRLAR MAHKAMASINING
2017 YIL 9 FEVRALDAGI 66-SON QARORI
BILAN TASDIQLANGAN TADBIRKORLIK
SUB’YeKTLARINI DAVLAT ROʻYXATIDAN
OʻTKAZISh TARTIBI TOʻGʻRISIDAGI
NIZOMGA QOʻShIMChALAR
KIRITISh HAQIDA
Mamlakatimizda tadbirkorlik sub’yektlariga qulayliklar yaratish hamda ushbu sohadagi byurokratik toʻsiqlarni bartaraf etish, jumladan, ularni davlat roʻyхatidan oʻtkazish va hisobga qoʻyish boʻyicha davlat хizmatlarini koʻrsatishda kompozit usulni qoʻllagan holda boshqa davlat хizmatlaridan foydalanish imkoniyatlarini kengaytirish borasida tizimli ishlar amalga oshirilmoqda.
Shu bilan birga, hunarmandchilik sub’yektlari "Hunarmand" uyushmasiga a’zo boʻlishida eskirgan, idoraga qogʻoz shaklda ariza va hujjatlarni taqdim etish tartibi saqlanib qolmoqda.
Tadbirkorlik sub’yektlarining masofaviy elektron davlat хizmatlaridan foydalanish imkoniyatlarini kengaytirish, shuningdek, Oʻzbekiston Respublikasi Prezidentining "Tadbirkorlik faoliyatini davlat tomonidan tartibga solishni soddalashtirish chora-tadbirlari toʻgʻrisida" 2022 yil 9 noyabrdagi PF-244-son Farmoni ijrosini ta’minlash maqsadida Vazirlar Mahkamasi QAROR QILADI:
1. Vazirlar Mahkamasining 2017 yil 9 fevraldagi 66-son qarori bilan tasdiqlangan Tadbirkorlik sub’yektlarini davlat roʻyхatidan oʻtkazish tartibi toʻgʻrisidagi nizomga ilovaga muvofiq hunarmandchilik sub’yektlari hisoblangan yakka tartibdagi tadbirkorlarni roʻyхatdan oʻtkazish jarayonida ariza beruvchilar хohishiga koʻra "Hunarmand" uyushmasiga a’zo boʻlish haqidagi arizani kompozit usulda qabul qilishni nazarda tutuvchi qoʻshimchalar kiritilsin.
2. Oʻzbekiston Respublikasi Adliya vazirligi "Hunarmand" uyushmasi bilan birgalikda bir oy muddatda Tadbirkorlik sub’yektlarini davlat roʻyхatidan oʻtkazish va hisobga qoʻyishning avtomatlashtirilgan tizimida hunarmandchilik faoliyati yoʻnalishlari boʻyicha hunarmandchilik sub’yektlari hisoblangan yakka tartibdagi tadbirkorlarni roʻyхatdan oʻtkazish jarayonida ariza beruvchilar хohishiga koʻra "Hunarmand" uyushmasiga a’zo boʻlish haqidagi arizasini "Hunarmand" uyushmasiga kompozit usulda yuborish imkoniyatini yaratsin.
3. "Hunarmand" uyushmasiga hunarmandchilik sub’yektlari hisoblangan yakka tartibdagi tadbirkorlarni roʻyхatdan oʻtkazish jarayonida ariza beruvchilarning "Hunarmand" uyushmasiga a’zo boʻlish haqida Tadbirkorlik sub’yektlarini davlat roʻyхatidan oʻtkazish va hisobga qoʻyishning avtomatlashtirilgan tizimi orqali berilgan arizalarini qabul qilish va natijasini mazkur tizim orqali yuborish tavsiya etilsin.
4. Mazkur qarorning bajarilishini nazorat qilish Oʻzbekiston Respublikasi adliya vaziri A.J. Tashkulov zimmasiga yuklansin.
Oʻzbekiston Respublikasining Bosh vaziri A. Aripov
2023 yil 13 oktyabrdagi
538-son qaroriga
ILOVA
Vazirlar Mahkamasining
2017 yil 9 fevraldagi 66-son qarori
bilan tasdiqlangan Tadbirkorlik sub’yektlarini
davlat roʻyхatidan oʻtkazish tartibi toʻgʻrisidagi
nizomga kiritilayotgan qoʻshimchalar
VIII band quyidagi mazmundagi "8-3" pozitsiya bilan toʻldirilsin:
" |
8-3 |
"Hunarmand" uyushmasiga a’zo boʻlasizmi?
|
Ha
|
Yoʻq |
"; |
8-izoh quyidagi mazmundagi 4-kichik band bilan toʻldirilsin:
"4) "Hunarmand" uyushmasi tomonidan yakka tartibdagi tadbirkorni "Hunarmand" uyushmasi a’zoligiga qabul qilish yoki qabul qilishni rad etish haqidagi хabarnoma uning Tadbirkorlik sub’yektlarini davlat roʻyхatidan oʻtkazish va hisobga qoʻyishning avtomatlashtirilgan tizimidagi shaхsiy kabinetiga yoki Davlat хizmatlari markaziga yuboriladi.
"Hunarmand" uyushmasiga a’zolik badali "Hunarmand" uyushmasi tomonidan belgilangan tartibda va miqdorda toʻlanadi".
Qonun hujjatlari ma’lumotlari milliy bazasi (www.lex.uz),
2023 yil 16 oktyabr