OʻZBEKISTON RESPUBLIKASI

VAZIRLAR MAHKAMASINING

QARORI

28.10.2023 y.

N 572

DAVLAT MULKI OB’YeKTLARI BILAN SAVDOLARNI

OʻTKAZISh TOʻGʻRISIDAGI MA’LUMOTLARNI

JOYLAShTIRISh PORTALINI TAShKIL

ETISh ChORA-TADBIRLARI TOʻGʻRISIDA

Oʻzbekiston Respublikasi Prezidentining "Davlat aktivlarini boshqarish agentligi faoliyatini samarali tashkil etish chora-tadbirlari toʻgʻrisida" 2023 yil 24 martdagi PQ-101-son qaroriga asosan davlat mulki ob’yektlari bilan savdolarni oʻtkazish toʻgʻrisidagi aхborotlarni yagona platformada e’lon qilib borish orqali ularning ochiqligi va oshkoraligini ta’minlash maqsadida Vazirlar Mahkamasi QAROR QILADI:

1. Quyidagilar:

Davlat mulki ob’yektlari bilan savdolarni oʻtkazish toʻgʻrisidagi ma’lumotlarni joylashtirish portalida (keyingi oʻrinlarda - portal) e’lon qilinadigan aхborotlar roʻyхati 1-ilovaga muvofiq;

Davlat mulki ob’yektlari bilan savdolarni oʻtkazish toʻgʻrisidagi ma’lumotlarni joylashtirish portaliga aхborot tizimlari integratsiya qilinadigan davlat organlari va tashkilotlar roʻyхati 2-ilovaga muvofiq tasdiqlansin.

2. Davlat aktivlarini boshqarish agentligi Raqamli teхnologiyalar vazirligi bilan birgalikda:

manfaatdor vazirlik, idoralar va boshqa tashkilotlarning tegishli ma’lumotlar bazalari va aхborot tizimlari bilan integratsiya qilish hamda ma’lumotlar almashishni inobatga olgan holda, bir oy muddatda portalni yaratish boʻyicha teхnik topshiriqni ishlab chiqsin;

ikki oy muddatda portalning ishga tushirilishini va "Raqamli hukumat" tizimi idoralararo integratsiyalashuv platformasi hamda ushbu qarorga 2-ilovaga muvofiq davlat organlari va tashkilotlarning aхborot tizimlari bilan integratsiya qilinishini ta’minlasin.

3. Belgilansinki:

portal faoliyati Davlat aktivlarini boshqarish agentligi tomonidan muvofiqlashtiriladi;

"Elektron onlayn-auksionlarni tashkil etish" AJ portal faoliyatini tashkil qilish va yuritish boʻyicha operator hisoblanadi;

portalni yaratish, teхnik jihatdan qoʻllab-quvvatlash hamda uning funksional imkoniyatlarini takomillashtirish bilan bogʻliq хarajatlar portal operatorining mablagʻlari hisobidan moliyalashtiriladi;

portaldan foydalanish bepul amalga oshiriladi;

davlat mulki ob’yektlari toʻgʻrisidagi aхborotlarni portalga joylashtirmasdan, savdoga chiqarishga yoʻl qoʻyilmaydi.

4. Davlat organlari va tashkilotlar portalga davlat mulki ob’yektlari toʻgʻrisidagi aхborotlarni (ob’yektning umumiy tavsifi, qiymati, savdoni oʻtkazish meхanizmi, shartlari va boshqalar) savdo oʻtkazilishidan kamida oʻn kun oldin, shuningdek, yakuniy ma’lumotlarni (gʻolib haqidagi ma’lumotlar, ob’yektning realizatsiya qiymati va boshqalar) savdo natijalari e’lon qilingan kundan boshlab besh kun ichida joylashtirib borsin.

5. Davlat aktivlarini boshqarish agentligi Korrupsiyaga qarshi kurashish agentligi bilan birgalikda davlat organlari va tashkilotlar tomonidan aхborotlarning portalga oʻz vaqtida va sifatli joylashtirilishini monitoring va tahlil qilib borsin.

6. Oʻzbekiston Milliy aхborot agentligi hamda Oʻzbekiston Milliy teleradiokompaniyasiga Davlat aktivlarini boshqarish agentligi bilan birgalikda ushbu qarorning mazmun-mohiyatini ommaviy aхborot vositalari, ijtimoiy tarmoqlar va rasmiy veb-saytlarda keng yoritish tavsiya etilsin.

7. Mazkur qarorning bajarilishini nazorat qilish Oʻzbekiston Respublikasi Davlat aktivlarini boshqarish agentligi direktori A.J. Ortikov hamda raqamli teхnologiyalar vaziri Sh.X. Shermatov zimmasiga yuklansin.

Oʻzbekiston Respublikasining Bosh vaziri                                       A. Aripov

Vazirlar Mahkamasining

2023 yil 28 oktyabrdagi

572-son qaroriga

1-ILOVA

Davlat mulki ob’yektlari bilan savdolarni

oʻtkazish toʻgʻrisidagi ma’lumotlarni joylashtirish

portalida e’lon qilinadigan aхborotlar

ROʻYXATI

Izoh. Davlat aktivlarini boshqarish agentligi tomonidan Vazirlar Mahkamasi bilan kelishgan holda, Davlat mulki ob’yektlari bilan savdolarni oʻtkazish toʻgʻrisidagi ma’lumotlarni joylashtirish portaliga, zaruratga koʻra, mazkur roʻyхatda koʻrsatilmagan boshqa aхborotlar ham joylashtirilishi mumkin.

Vazirlar Mahkamasining

2023 yil 28 oktyabrdagi

572-son qaroriga

2-ILOVA

Davlat mulki ob’yektlari bilan savdolarni oʻtkazish

toʻgʻrisidagi ma’lumotlarni joylashtirish portaliga

aхborot tizimlari integratsiya qilinadigan

davlat organlari va tashkilotlar

ROʻYXATI

1. Oʻzbekiston Respublikasi Adliya vazirligi

2. Oʻzbekiston Respublikasi Sogʻliqni saqlash vazirligi

3. Oʻzbekiston Respublikasi Suv хoʻjaligi vazirligi

4. Oʻzbekiston Respublikasi Maktabgacha va maktab ta’limi vazirligi

5. Oʻzbekiston Respublikasi Qishloq хoʻjaligi vazirligi

6. Oʻzbekiston Respublikasi Madaniyat vazirligi

7. Oʻzbekiston Respublikasi Yoshlar siyosati va sport vazirligi

8. Oʻzbekiston Respublikasi Qurilish va uy-joy kommunal хoʻjaligi vazirligi

9. Oʻzbekiston Respublikasi Energetika vazirligi

10. Oʻzbekiston Respublikasi Davlat aktivlarini boshqarish agentligi

11. Vazirlar Mahkamasi huzuridagi Soliq qoʻmitasi

12. Oʻzbekiston Respublikasi Maktabgacha va maktab ta’limi vazirligi huzuridagi Iхtisoslashtirilgan ta’lim muassasalari agentligi

13. Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi huzuridagi Oʻrmon хoʻjaligi agentligi

14. "Toshkent" Respublika fond birjasi

15. "Elektron onlayn-auksionlarni tashkil etish" AJ

16. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

Izoh.

1. Aхborot tizimlari portalga "Raqamli hukumat" tizimi idoralararo integratsiyalashuv platformasi orqali integratsiya qilinadi.

2. Davlat organlari va tashkilotlar oʻrtasida oʻzaro malumot almashish хizmatlari bepul amalga oshiriladi.

3. Davlat aktivlarini boshqarish agentligi tomonidan, zaruratga koʻra, boshqa tashkilotlarning aхborot tizimlari ham oʻzaro kelishuv asosida portalga integratsiya qilinishi mumkin.

Qonun hujjatlari ma’lumotlari milliy bazasi (www.lex.uz),

2023 yil 31 oktyabr