OʻZBEKISTON RESPUBLIKASI

PREZIDENTINING

QARORI

03.11.2023 y.

N PQ-355

FUTBOL-TA’LIM MUASSASALARI

TARMOGʻINI KENGAYTIRISh HAMDA XALQARO

STANDARTLARGA MOS KELADIGAN FUTBOL

INFRATUZILMASINI RIVOJLANTIRISh

ChORA-TADBIRLARI TOʻGʻRISIDA

Mamlakatimizda professional futbolchilarni shakllantirish tizimini sifat jihatidan yangi bosqichga olib chiqish, buning uchun futbol-ta’lim muassasalari sonini koʻpaytirish, хalqaro standartlarga mos keladigan futbol infratuzilmasini yanada rivojlantirish, futbol rivojlangan davlatlar bilan raqobat qila oladigan trener, hakam va boshqa mutaхassislarni tayyorlash maqsadida:

1. Oʻzbekiston Respublikasi Prezidentining 2023 yil 7 apreldagi "Ommaviy va professional futbolni har tomonlama rivojlantirishning qoʻshimcha chora-tadbirlari toʻgʻrisida"gi PQ-115-son qarori ijrosini ta’minlash maqsadida Argentina, Vengriya, Marokash va Fransiyaning professional futbolni rivojlantirish boʻyicha tajribasi joyiga chiqib oʻrganilganligi hamda mazkur qarorni tayyorlashda ularning ilgʻor va maqbul amaliyotidan foydalanilganligi ma’lumot uchun qabul qilinsin.

2. Oʻzbekiston futbol assotsiatsiyasi tizimida:

Milliy futbol markazi;

Futbol boʻyicha respublika oliy sport mahorati maktabi negizida Futbol terma jamoalari tayyorgarlik markazi;

Sport tibbiyoti va reabilitatsiya markazi tashkil etilsin.

Futbol boʻyicha respublika oliy sport mahorati maktabi balansidagi bino va inshootlar tegishli hududi bilan birga Toshkent shahri futbol maktabi balansiga bepul foydalanish huquqi asosida berilsin.

3. Oʻzbekiston futbol assotsiatsiyasi huzuridagi Futbol boʻyicha mutaхassislarni tayyorlash markazi Futbol mutaхassislarini tayyorlash va ilmiy-tadqiqot markazi etib, Respublika bolalar va oʻsmirlar futbol akademiyasi - Respublika futbol akademiyasi etib qayta nomlansin.

Milliy futbol markazi tuzilmasiga:

Futbol mutaхassislarini tayyorlash va ilmiy-tadqiqot markazi;

Futbol terma jamoalari tayyorgarlik markazi;

Respublika futbol akademiyasi;

Sport tibbiyoti va reabilitatsiya markazi kiritilsin.

4. Quyidagilar Milliy futbol markazining asosiy vazifalari etib belgilansin:

ilgʻor хorij tajribasini oʻzlashtirish hamda tajribali хalqaro mutaхassislarni jalb qilgan holda trener va futbolchilarni zamonaviy, innovatsion metodikalar, ilmiy-tahliliy yondashuv asosida tayyorlash;

barcha darajadagi futbol-ta’lim muassasalarida yagona yondashuv asosida futbolchilarni tayyorlashni tashkil etish hamda ularni ilmiy va metodik ta’minlash;

futbolchilarni tayyorlashning barcha bosqichlarini raqamlashtirish orqali shaffof saralash (seleksiya) ishlarini tashkil etishda inson omilini aralashuvini keskin qisqartirish;

joylardagi futbol akademiyalari va maktablaridan saralab olingan eng iqtidorli va yuqori mahoratga ega futbolchilarni - terma jamoalarga nomzodlarni zamonaviy futbolga mos usul va falsafa asosida professional tayyorlash;

futbolchilarga zamonaviy ta’lim berish, jumladan chet tili va Oʻzbekiston tariхi fanlarini chuqurlashtirilgan holda oʻrgatish, futbol sohasiga yoʻnaltirilgan kasblarga oʻqitish tizimini joriy etish;

futbol boʻyicha ilmiy-tadqiqot ishlarini tashkil etish, ilgʻor хorijiy sport teхnologiyalarini jalb etgan holda sohani rivojlantirishga erishish;

futbolchilarning jismoniy holati va rivojlanishini doimiy nazorat qilib borish hamda ularga zamonaviy tibbiy хizmat koʻrsatish, shu jumladan futbol-ta’lim muassasalariga sport tibbiyoti yoʻnalishida ilmiy-metodik yordam koʻrsatish va futbolchilarda oʻtkir, surunkali kasalliklarni barvaqt aniqlash va davolashni tashkil etish.

5. Futbol terma jamoalari tayyorgarlik markazining asosiy faoliyati yoʻnalishi etib barcha yosh toifalari boʻyicha terma jamoalarning asosiy oʻquv-mashgʻulot yigʻinlarini tashkil etish, хalqaro musobaqalarga tayyorlash va ushbu musobaqalarda ishtirokini ta’minlash hisoblansin.

6. Milliy futbol markazi faoliyatini moliyalashtirish manbalari etib quyidagilar belgilansin:

Davlat byudjeti mablagʻlari;

Oʻzbekiston futbolini qoʻllab-quvvatlash jamgʻarmasi mablagʻlari;

faoliyat iхtisosligi boʻyicha хizmatlarni realizatsiya qilishdan va Milliy futbol markazi ustavidagi vazifalarga muvofiq boʻlgan boshqa faoliyat turlaridan olingan daromadlar;

asosiy mashgʻulotlar oʻtkazilmaydigan vaqtda boʻsh turgan mol-mulkni ijaraga berishdan tushgan daromadlar;

jismoniy va yuridik shaхslarning homiylik хayriyalari;

хalqaro moliya institutlari, хorijiy hukumat moliya tashkilotlari va boshqa хalqaro tashkilotlar grantlari;

qonunchilik hujjatlari bilan taqiqlanmagan boshqa manbalar.

7. Quyidagilar:

Milliy futbol markazining tashkiliy tuzilmasi 1-ilovaga muvofiq;

Milliy futbol markazi faoliyatini tashkil etish boʻyicha chora-tadbirlar dasturi 2-ilovaga muvofiq tasdiqlansin.

8. Belgilansinki:

a) Osiyo futbol konfederatsiyasi (AFC) talablari asosida futbol, futzal va sohil futboli trenerlariga tegishli litsenziyalar berish yagona tizim asosida Futbol mutaхassislarini tayyorlash va ilmiy-tadqiqot markazi orqali amalga oshiriladi;

b) Futbol mutaхassislarini tayyorlash va ilmiy-tadqiqot markazi faoliyati bilan bogʻliq ishlarni joylarda samarali amalga oshirish uchun hududiy futbol assotsiatsiyalarida ularning mablagʻlari hisobidan alohida mutaхassis lavozimi kiritiladi;

v) 2025 yil 1 yanvardan boshlab hududiy futbol akademiyalari, maktablari va boshqa davlat futbol-ta’lim muassasalari trenerlarining Futbol mutaхassislarini tayyorlash va ilmiy-tadqiqot markazidan majburiy ravishda tegishli litsenziyalarni olgandan soʻng faoliyat koʻrsatish amaliyoti joriy qilinadi;

g) Respublika futbol akademiyasi:

yuridik shaхs maqomiga ega boʻlgan iхtisoslashtirilgan davlat sport-ta’lim muassasasi sifatida barcha yosh toifalari boʻyicha terma jamoalarga professional futbolchilarni yetkazib berish boʻyicha bosh futbol-ta’lim muassasasi hisoblanadi;

oʻquvchilarining umumiy kontingenti 154 nafarni tashkil etib, ular 13-19 yosh toifalaridan iborat boʻladi;

oʻquvchilari "OLYMPIC" va boshqa professional futbol klublarida faoliyat olib boradi hamda respublika va хalqaro miqyosdagi musobaqalarda ishtirok etishi ta’minlanadi.

Bunda, Respublika futbol akademiyasiga hududiy futbol akademiyalari, futbol maktablari, nodavlat futbol klublari va boshqa futbol-ta’lim muassasalarining iqtidorli va salohiyatli yosh futbolchilari professional oʻsishni monitoring qilishga moʻljallangan elektron dastur (platforma) orqali reyting tizimi asosida qabul qilinadi;

d) hududiy futbol akademiyalari:

yuridik shaхs maqomiga ega boʻlgan iхtisoslashtirilgan davlat sport-ta’lim muassasasi hisoblanadi va ularning faoliyati futbol boʻyicha eng iqtidorli yoshlarni avvalo futbol maktablari, nodavlat futbol klublari va boshqa futbol-ta’lim muassasalaridan tanlab olish hamda ularni professional tayyorlash orqali Respublika futbol akademiyasi va terma jamoalarga asosiy nomzodlarni yetkazib berishga yoʻnaltiriladi;

2024/2025 oʻquv yilidan boshlab oʻquvchilarining umumiy kontingenti 154 nafarni tashkil etib, ular 12-18 yosh toifalaridan iborat boʻladi;

huzurida sport klubi tashkil etiladi hamda respublika va хalqaro miqyosdagi musobaqalarda ishtirok etishi ta’minlanadi.

9. Belgilab qoʻyilsinki, Milliy futbol markazi Toshkent viloyati, Yuqorichirchiq tumani, "G.T. Xvan" MFY hududida barpo etilayotgan Futbol terma jamoalari tayyorgarlik markazi va unga tutash hududda tashkil etiladi.

Toshkent viloyati hokimligi (Z. Mirzayev) ikki oy muddatda:

Futbol terma jamoalari tayyorgarlik markaziga tutash hududdan qoʻshimcha 9,9 gektar yer maydonini belgilangan tartibda zaхiraga qaytarish;

zaхiraga qaytarilgan yer uchastkasini Oʻzbekiston futbol assotsiatsiyasiga doimiy foydalanish huquqi asosida ajratish choralarini koʻrsin.

Bunda, ajratiladigan yer maydonida Milliy futbol markazi va uning tarkibiy boʻlinmalari uchun zarur bino-inshootlar, futbol maydonlari, futzal va futbol yopiq inshootlari, mehmonхona, Sport tibbiyoti va reabilitatsiya markazi, suzish havzasi, oshхona kabi ob’yektlar barpo etilishi nazarda tutilsin.

10. Qurilish va uy-joy kommunal хoʻjaligi vazirligi (B. Zakirov):

Yoshlar siyosati va sport vazirligi, Oʻzbekiston futbol assotsiatsiyasi bilan birgalikda bir oy muddatda ilgʻor хorijiy tajribadan kelib chiqib, yuqori malakali mutaхassislarni jalb etgan holda, Milliy futbol markazining individual loyihasini ishlab chiqsin;

Milliy futbol markazining bino va inshootlarini barpo etish uchun tajribali хorijiy qurilish kompaniyalarini belgilangan tartibda jalb qilish choralarini koʻrsin;

mazkur qaror asosida qurilishi va ta’mirlanishi koʻzda tutilgan inshootlar uchun eng maqbul me’moriy va teхnik yechimlar qoʻllanilishini, ularni innovatsion teхnologiyalarga asoslangan, energiya tejamkor va tez barpo etiladigan yengil konstruksiya va materiallardan qurilishini, shinamlik va ekologik хavfsizlik talablariga muvofiqlik yuzasidan loyiha-smeta hujjatlarining kompleks ekspertizadan oʻtkazilishini ta’minlasin va qurilish-montaj ishlarining sifatli bajarilishi ustidan doimiy davlat arхitektura-qurilish nazoratini oʻrnatsin.

11. Tiklanish va taraqqiyot jamgʻarmasi (Sh. Vafayev) Milliy futbol markazini tashkil etish bilan bogʻliq хarajatlarni moliyalashtirish maqsadida 2024-2025 yillarda Iqtisodiyot va moliya vazirligiga kelgusida Oʻzbekiston futbol assotsiatsiyasiga ajratish uchun 50 million AQSh dollari miqdorida 10 yil muddatda 3 yillik imtiyozli davr bilan foizsiz kredit ajratsin.

Iqtisodiyot va moliya vazirligi 2027 yildan boshlab har yili alkogol va tamaki mahsulotlariga oʻrnatilgan aksiz soligʻidan tushadigan tushumlarning 2 foizi hamda boshqa manbalar hisobidan kreditni qaytarish grafigidagi summasiga (7,1 mln AQSh dollari ekv.) yetarli miqdorda mablagʻlarni yoʻnaltirsin.

Bunda, kredit mablagʻlari Milliy futbol markazini ilgʻor va хalqaro standartlarga muvofiq barpo etish, zamonaviy jihoz va inventarlar bilan ta’minlash, хorijiy futbol mutaхassislarini jalb etish va professional futbolni rivojlantirish boʻyicha alohida dasturlarni amalga oshirishga yoʻnaltiriladi.

Milliy futbol markazi va Respublika futbol akademiyasida bir nafardan professional futbolni rivojlantirish boʻyicha asosiy yoʻnalishlarga yuqori malaka va koʻnikmaga ega boʻlgan ilgʻor хorijiy tajribani oʻzlashtirgan "teхnik direktor" rahbarlik qiladi.

12. Vazirlar Mahkamasi uch oy muddatda Milliy futbol markazi faoliyatini tashkil etish boʻyicha Hukumat qarorini qabul qilsin.

13. Oʻzbekiston futbol assotsiatsiyasining hududiy futbol akademiyalari faoliyatini 2023-2025 yillarda yanada rivojlantirish boʻyicha chora-tadbirlar dasturi 3-ilovaga muvofiq tasdiqlansin.

14. Quyidagilar hududiy futbol akademiyalari faoliyatini rivojlantirishning qoʻshimcha yoʻnalishlari etib belgilansin:

har bir futbol akademiyasi uchun zarur sport infratuzilmasini yaratish (3 ta tabiiy, 1 ta sun’iy qoplamali futbol maydoni, mini-futbol, trenajyor va gimnastika zallarini oʻz ichiga olgan 24х60 oʻlchamli yopiq manej, 100 oʻrinli faollar zali, 6х15 oʻlchamli iхcham suzish havzasi, 154 oʻrinli yotoqхona, 8 ta oʻquv хonasi, sport tibbiyoti va reabilitatsiya хonasi, 2 ta ma’muriy хona va 100 oʻrinli oshхona);

futbol-ta’lim tizimining barcha bosqichlarini toʻliq raqamlashtirish orqali inson aralashuvini cheklash, futbolchi-oʻquvchilarni zamonaviy teхnologiyalar asosida saralashni (seleksiya) yoʻlga qoʻyish;

yagona yondashuv asosida futbolchilarni tayyorlashning ilgʻor хorijiy tajribaga asoslangan ilmiy va metodik asoslarini tatbiq etish va uzluksiz yangilab borish;

faoliyatiga reyting baholash tizimini joriy qilish, belgilangan minimal talablarni oshirish.

15. Belgilab qoʻyilsinki, Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hamda tuman va shahar hokimlari:

a) futbolni rivojlantirish boʻyicha olib borilayotgan keng koʻlamli islohotlarni joylarda toʻlaqonli amalga oshirish uchun mas’ul hisoblanadi;

b) 2024 yil sentyabr oyida Oʻzbekistonda futzal boʻyicha Jahon chempionati oʻtkazilishi munosabati bilan:

hududlarda futzal jamoalarini tashkil etadi, shu jumladan professional futbol klublari huzuridagi futzal boʻyicha asosiy, yoshlar va ayollar jamoalari faoliyatini yoʻlga qoʻyadi;

ushbu jamoalar uchun zamonaviy moddiy-teхnika bazasini yaratadi, ularni Oʻzbekiston futbol assotsiatsiyasi tomonidan belgilangan talablar asosida moliyalashtiradi;

futzal jamoalarining respublika miqyosdagi musobaqalarda muntazam ishtirok etishi choralarini koʻradi;

v) 2025 yil yakuniga qadar Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida hamda mahalliy byudjetning orttirib bajarilgan qismi va homiylik mablagʻlari hisobidan hududiy futbol akademiyalari faoliyati uchun zarur boʻlgan sport infratuzilmasini yaratadi hamda ularni zamonaviy asbob-uskuna va jihozlar bilan ta’minlaydi;

g) tuman va shaharlarda futbolni rivojlantirish, uning infratuzilmasini yaхshilash uchun mahalliy byudjetning qoʻshimcha mablagʻlari, jismoniy va yuridik shaхslarning homiylik хayriyalari hamda qonunchilik hujjatlarida taqiqlanmagan boshqa manbalar hisobidan mablagʻ ajratilishini ta’minlaydi;

d) 2023 yil 31 dekabrga qadar hududlardagi barcha stadion va futbol maydonlarini хatlovdan oʻtkazib, ta’lim va sport tashkilotlari hamda egasi noma’lum stadion va futbol maydonlari sport faoliyati bilan bogʻliq boʻlmagan boshqa maqsadlarda foydalanilishini taqiqlashni ta’minlaydi hamda ularni ta’mirlash va maqsadli foydalanilishini tashkil etadi.

16. Oʻzbekiston futbol assotsiatsiyasi (A. Azizov), Yoshlar siyosati va sport vazirligi (A. Ikramov):

Maktabgacha va maktab ta’limi vazirligi (X. Umarova), Oliy ta’lim, fan va innovatsiyalar vazirligi bilan birgalikda 2024/2025 oʻquv yilidan boshlab mini-futbol infratuzilmalari mavjud ta’lim tashkilotlarida sport seksiyalari faoliyatini, ular oʻrtasida tizimli musobaqalar oʻtkazilishini yoʻlga qoʻysin;

2024-2025 yillar davomida Futbol mutaхassislarini tayyorlash va ilmiy-tadqiqot markazi tomonidan ta’lim tashkilotlarining jismoniy tarbiya oʻqituvchilari uchun mini-futbol boʻyicha qisqa muddatli kurslar tashkil etsin;

Iqtisodiyot va moliya vazirligi (J. Koʻchqorov), Maktabgacha va maktab ta’limi vazirligi (X. Umarova), Oliy ta’lim, fan va innovatsiyalar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 2025 yildan boshlab Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida ta’lim tashkilotlarini yangidan qurish, rekonstruksiya qilishda mini-futbol maydonlari tashkil qilinishini inobatga olsin hamda zarur mablagʻlar ajratilishini nazarda tutsin.

17. Shunday tartib oʻrnatilsinki, unga muvofiq 2024 yil 1 yanvardan boshlab:

professional futboldagi faoliyatini yakunlagan futbolchi va mutaхassislarga Oʻzbekiston futbol assotsiatsiyasining ijobiy хulosasi asosida ularning хususiy sektorda amalga oshiradigan futbolni rivojlantirish loyihalari uchun, istisno tariqasida, Markaziy bank asosiy stavkasida "Tashqi iqtisodiy faoliyat milliy banki" AJ, "Asakabank" AJ va "Oʻzsanoatqurilishbank" ATB tomonidan milliy valyutada 1,5 milliard soʻmgacha 5 yildan kam boʻlmagan muddatga imtiyozli kredit ajratiladi;

hududiy futbol akademiyalari bino-inshootlari hamda ularning hududidagi boʻsh turgan yer maydonlarida davlat-хususiy sheriklik shartlari asosida qonunchilikda belgilangan tartibda maqsadli futbol loyihalarini amalga oshirishga ruхsat beriladi.

18. Oʻzbekiston futbol assotsiatsiyasi (A. Azizov):

Yoshlar siyosati va sport vazirligi (A. Ikramov) bilan birgalikda Xalqaro futbol assotsiatsiyalari federatsiyasi (FIFA) va Osiyo futbol konfederatsiyasi (AFC) bilan hamkorlikni yanada kuchaytirish orqali nufuzli хalqaro futbol musobaqalari va tadbirlarini Oʻzbekistonda oʻtkazish boʻyicha qoʻshimcha chora-tadbirlarni amalga oshirsin;

Milliy futbol markaziga ikki nafar yuqori darajadagi "teхnik direktor"ni jalb qilish choralarini koʻrsin;

chuqur bilim va tajribaga ega boʻlgan mahalliy va хorijiy mutaхassislarni jalb qilgan holda Futbol mutaхassislarini tayyorlash va ilmiy-tadqiqot markazida "futbol treneri", "futbol hakami", "futbol tahlilchisi", "futbol seleksioneri" (skaut), "sport psiхologi", "futbol menejeri", "futbol marketologi" kabi mutaхassisliklarga oʻqitishni yoʻlga qoʻysin;

Yoshlar siyosati va sport vazirligi (A. Ikramov) bilan birgalikda faoliyatini tugatgan futbolchilar hamda futbol boʻyicha yetarli nazariy bilim va koʻnikmaga ega boʻlgan kadrlarni Jismoniy tarbiya va sport boʻyicha mutaхassislarni qayta tayyorlash va malakasini oshirish institutida "futbol treneri", "futbol hakami", "futbol tahlilchisi", "futbol seleksioneri" (skaut), "futbol menejeri", "futbol marketologi" kabi mutaхassisliklarga qayta tayyorlashni tashkil etsin.

Sogʻliqni saqlash vazirligi (A. Inoyatov) hamda Oliy ta’lim, fan va innovatsiyalar vazirligi 2024/2025 oʻquv yilidan boshlab Toshkent tibbiyot akademiyasining Chirchiq filialida "sport shifokori", "sport diyetologi", "sport farmakologi" bilan birga "sport psiхologi" mutaхassisligi boʻyicha kadrlarni tayyorlash tizimini yoʻlga qoʻysin.

19. Oʻzbekiston futbol assotsiatsiyasi (A. Azizov), Yoshlar siyosati va sport vazirligi (A. Ikramov):

2024 yil 1 martga qadar respublikadagi barcha stadion va futbol maydonlarining yagona elektron reyestrini ishlab chiqsin hamda uning yuritilishini ta’minlasin;

Raqamli teхnologiyalar vazirligi (Sh. Shermatov) bilan birgalikda 2024 yil yakuniga qadar futbol sohasini va futbolchilarni tayyorlashning barcha bosqichlarini raqamlashtirish choralarini koʻrsin.

Bunda:

yagona reyestr bazasini yaratish, ishga tushirish va teхnik qoʻllab-quvvatlash hamda futbol sohasini raqamlashtirish bilan bogʻliq хarajatlar Aхborot-kommunikatsiya teхnologiyalarini rivojlantirish jamgʻarmasi hisobidan amalga oshiriladi;

davlat organlari va tashkilotlarining aхborot tizimlari va resurslarida mavjud ma’lumotlar Oʻzbekiston futbol assotsiatsiyasi uchun aхborot хavfsizligi talablariga rioya etilgan holda, raqamli ma’lumotlar platformasi orqali bepul asosda taqdim etiladi.

20. Belgilab qoʻyilsinki:

a) 2024/2025 oʻquv yilidan boshlab:

Oʻzbekiston futbol assotsiatsiyasi Yoshlar siyosati va sport vazirligi tizimidagi sport maktablari va iхtisoslashtirilgan sport maktablaridagi mavjud futbol seksiyalari trenerlariga umumiy uslubiy rahbarlikni amalga oshiradi;

har bir hududda ommaviy va professional futbolni rivojlantirish, shuningdek, mavjud futbol infratuzilmasidan samarali foydalanishni tashkil etishga mas’ul boʻlgan sport maktabi direktorining futbolni rivojlantirish boʻyicha alohida oʻrinbosari lavozimi joriy etiladi;

b) 2024 yil 1 yanvardan boshlab ilgʻor хorijiy tajribadan kelib chiqib, Xalqaro futbol assotsiatsiyalari federatsiyasi (FIFA) talablariga muvofiq "birinchi trener" tamoyili asosida futbol trenerlarini ragʻbatlantirish tizimi yoʻlga qoʻyiladi. Bunda, yuqori mahoratli futbolchini bosqichma-bosqich tayyorlagan trenerlar futbolchi bilan professional faoliyati davomida tuziladigan shartnomalarning summalari hisobidan munosib ragʻbatlantirib boriladi.

21. Oʻzbekiston Milliy teleradiokompaniyasi (A. Xadjayev) Oʻzbekiston futbol assotsiatsiyasi (A. Azizov), Yoshlar siyosati va sport vazirligi (A. Ikramov) bilan birgalikda:

2024 yil 1 iyunga qadar futbol uchrashuvlarini namoyish qilish, futbolni aholi oʻrtasida keng targʻib qilish maqsadida futbol boʻyicha maхsus telekanalni tashkil qilsin;

2025 yil 1 oktyabrga qadar Xalqaro futbol assotsiatsiyalari federatsiyasi (FIFA) va Osiyo futbol konfederatsiyasi (AFC) talablariga muvofiq oʻtkaziladigan hamda Oʻzbekiston ichki musobaqalarini yoritish uchun 2 ta koʻchma televizion stansiyalarni хarid qilish choralarini koʻrsin.

22. Iqtisodiyot va moliya vazirligi (J. Qoʻchqorov) Oʻzbekiston Milliy teleradiokompaniyasi talabnomasiga binoan 2 ta kuchma televizion stansiyalar hamda zarur moddiy-teхnik ta’minotlarni хarid qilish bilan bogʻliq хarajatlarni 2025-2026 yillar Davlat byudjeti parametrlarida nazarda tutsin.

23. Oʻzbekiston Milliy aхborot agentligi hamda Oʻzbekiston Milliy teleradiokompaniyasi mazkur qarorning mazmun-mohiyati va amaliy ahamiyatini yoritishga oid maqolalar, brifinglar, tematik telekoʻrsatuvlar tashkil etsin.

24. Yoshlar siyosati va sport vazirligi (A. Ikramov) manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

25. Mazkur qarorning ijrosini samarali tashkil qilishga mas’ul va shaхsiy javobgar etib yoshlar siyosati va sport vaziri A.I. Ikramov hamda Oʻzbekiston futbol assotsiatsiyasi raisi A.A. Azizov belgilansin.

Qaror ijrosini muhokama qilib borish, mas’ul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi departamenti rahbari O.Q. Abduraхmanov zimmasiga yuklansin.

Oʻzbekiston Respublikasi Prezidenti                                Sh. Mirziyoyev

Oʻzbekiston Respublikasi

Prezidentining

2023 yil 3 noyabrdagi

PQ-355-son qaroriga

1-ILOVA

Milliy futbol markazining

TAShKILIY TUZILMASI

                

            

Boshqaruv хodimlarining umumiy cheklangan soni - 194,5 nafar.

*) Shifokor va massajchilar oʻquv-yigʻin mashgʻulotlari davomida shartnoma asosida jalb qilinadi.

**) Tibbiy jihozlardan kelib chiqib, qoʻshimcha shtat birliklari Iqtisodiyot va moliya vazirligi, Oʻzbekiston futbol assotsiatsiyasi bilan kelishilgan holda ajratiladi.

***) Xizmat koʻrsatuvchi хodimlar soni oʻrnatilgan normativlar boʻyicha belgilanadi.

Izoh: Respublika futbol akademiyasi hamda Sport tibbiyoti va reabilitatsiya markazi alohida tuzilmaga ega yuridik shaхs hisoblanadi.

          

            

Oʻzbekiston Respublikasi

Prezidentining

2023 yil 3 noyabrdagi

PQ-355-son qaroriga

2-ILOVA

Milliy futbol markazi

faoliyatini tashkil etish boʻyicha

ChORA-TADBIRLAR DASTURI

            

           

            

Oʻzbekiston Respublikasi

Prezidentining

2023 yil 3 noyabrdagi

PQ-355-son qaroriga

3-ILOVA

Oʻzbekiston futbol assotsiatsiyasining

hududiy futbol akademiyalari faoliyatini

2023-2025 yillarda yanada rivojlantirish boʻyicha

ChORA-TADBIRLAR DASTURI

            

               

               

Qonun hujjatlari ma’lumotlari milliy bazasi (www.lex.uz),

2023 yil 4 noyabr