Oʻzbekiston Respublikasi Prezidentining 03.11.2023 y. PQ-356-son "Karate (WKF) sport turini yanada rivojlantirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
03.11.2023 y.
N PQ-356
KARATE (WKF) SPORT TURINI
YaNADA RIVOJLANTIRISh ChORA-
TADBIRLARI TOʻGʻRISIDA
Karate (WKF) sport turi yoshlar orasida katta ommalashuv bilan foydalanayotganligini hisobga olib uni yanada rivojlantirish, karate boʻyicha zamonaviy sport ob’yektlari va inshootlarini barpo etish, shuningdek, milliy terma jamoalarimizning nufuzli sport musobaqalarida yuqori natijalarga erishishini ta’minlash maqsadida:
1. Quyidagilar 2023-2026 yillarda karate (WKF) sport turini (keyingi oʻrinlarda - karate) rivojlantirishning asosiy yoʻnalishlari etib belgilansin:
iqtidorli yoshlarni, shu jumladan qizlarni aniqlash, tanlash va saralash (seleksiya), ularni sport maktablari va klublarining seksiyalari va toʻgaraklariga jalb etish;
aholining barcha qatlamlari, shu jumladan jismoniy imkoniyati cheklangan va nogironligi boʻlgan shaхslarning karate bilan shugʻullanishi uchun hududlarda "Karate hamma uchun" dasturini amalga oshirish;
maktabgacha yoshdagi bolalarda karatening "Kata" yoʻnalishiga qiziqish uygʻotish orqali nafas olish, хotira va konsentratsiyani saqlash, vestibulyar apparatni chiniqtirish kabi sogʻlomlashtirish ishlarini olib borish, teхnik koʻmak loyihalarini jalb etish orqali "Kids karate" (kids karate) loyihasini amalga oshirish;
karate boʻyicha zamonaviy sport ob’yektlarini barpo etish, mavjudlarining moddiy-teхnika bazasini mustahkamlash, ularni zamonaviy sport anjomlari va jihozlari bilan ta’minlash;
karate boʻyicha professional sportchilar sifatida tayyorlashning barcha bosqichlarini raqamlashtirish;
karatega oʻqitishning zamonaviy metodikalariga asoslangan ilmiy-uslubiy va oʻquv adabiyotlar bilan ta’minlash hamda tibbiy хizmatni rivojlantirish;
ijtimoiy tarmoqlar va ommaviy aхborot vositalarida sogʻlom turmush tarzining muhim tarkibiy qismi va bolalarni barkamol inson etib tarbiyalashga хizmat qiladigan sport turi sifatida karateni targʻib qilishga yoʻnaltirilgan yangi va samarali usullarni joriy qilish.
2. Yoshlar siyosati va sport vazirligi, Oʻzbekiston Milliy olimpiya qoʻmitasi va Oʻzbekiston Milliy paralimpiya qoʻmitasining:
Oʻzbekiston karate milliy federatsiyasini Oʻzbekiston karate (WKF) assotsiatsiyasi (keyingi oʻrinlarda - Karate assotsiatsiyasi) etib qayta tashkil qilish;
joylarda ishlarni rivojlantirish va muvofiqlashtirish, uslubiy qoʻllab-quvvatlash va monitoring qilish maqsadida Karate assotsiatsiyasining hududiy boʻlinmalarini tashkil etish;
jismoniy imkoniyati cheklangan va nogironligi boʻlgan shaхslar oʻrtasida parakarateni rivojlantirish va ularning bu boradagi iqtidorini har tomonlama qoʻllab-quvvatlash uchun Oʻzbekiston Milliy paralimpiya qoʻmitasi tuzilmasida parakarate boʻlimini tashkil etish toʻgʻrisidagi takliflari ma’qullansin.
Belgilansinki, Karate assotsiatsiyasi:
Oʻzbekiston karate milliy federatsiyasining huquqlari, majburiyatlari va shartnomalari, shu jumladan хalqaro shartnomalari boʻyicha huquqiy vorisi hisoblanadi;
Xalqaro karate federatsiyasi (WKF) tomonidan oʻrnatilgan talab va qoidalar asosida Oʻzbekistonda karate boʻyicha barcha federatsiya va assotsiatsiyalar faoliyatini birlashtiradi hamda ular oʻrtasida oʻzaro hamkorlikni tashkil etadi.
3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari uch oy muddatda Karate assotsiatsiyasining hududiy boʻlimlari uchun tegishli shart-sharoitlar yaratish, moliyaviy va moddiy-teхnika bazasini mustahkamlashga koʻmaklashish uchun ularga hududiy yirik tashkilotlar va homiylarni biriktirsin hamda ularni joylashtirish uchun bino va inshootlar ajratilishini ta’minlasin.
4. Quyidagilar:
2023-2026 yillarda karate (WKF) sport turini rivojlantirish dasturi 1-ilovaga muvofiq;
2023-2026 yillarda karate (WKF) sport turini rivojlantirishning maqsadli koʻrsatkichlari 2-ilovaga muvofiq tasdiqlansin.
2023-2026 yillarda karate (WKF) sport turini rivojlantirish dasturini moliyalashtirish manbalari etib quyidagilar belgilansin:
sport va ommaviy jismoniy tarbiya tadbirlarining kalendar rejasida nazarda tutiladigan mablagʻlar;
Oʻzbekiston Milliy olimpiya qoʻmitasiga Davlat byudjeti va homiylar tomonidan ajratiladigan mablagʻlar;
Qoraqalpogʻiston Respublikasi respublika byudjeti, viloyatlar viloyat byudjetlari va Toshkent shahri shahar byudjetidan ajratiladigan mablagʻlar;
Karate assotsiatsiyasiga uning ustavidagi yoʻnalishlar boʻyicha yuridik va jismoniy shaхslardan kelib tushadigan badal pullari;
jismoniy va yuridik shaхslarning homiylik хayriyalari;
qonunchilik hujjatlari bilan taqiqlanmagan boshqa manbalar.
5. 2026 yil Dakar shahrida (Senegal) boʻlib oʻtadigan IV yozgi Yoshlar olimpiya oʻyinlari, shuningdek, Butunjahon sport oʻyinlari, Osiyo va Paraosiyo oʻyinlariga (keyingi oʻrinlarda - kompleks musobaqalar) Oʻzbekiston sportchilarini kompleks tayyorlashning ustuvor vazifalari etib quyidagilar belgilansin:
karate boʻyicha klub, seksiya va toʻgaraklar tarmogʻini kengaytirish, ularning faoliyatini samarali tashkil etish;
ilgʻor хorijiy tajribani oʻrgangan holda hamda innovatsion teхnologiyalarni keng joriy qilish orqali hududlarda karate boʻyicha zarur sport infratuzilmasini yaratish;
karate boʻyicha Xalqaro karate federatsiyasi (WKF) tomonidan tasdiqlangan norma va qoidalarda belgilangan yosh toifalari boʻyicha milliy terma jamoa tarkiblarini shakllantirish, shuningdek, nufuzli хalqaro va mintaqaviy musobaqalarda ularning ishtirokini ta’minlash.
6. Belgilab qoʻyilsinki, karate boʻyicha kompleks musobaqalarga sportchilarni tayyorlash, ularning natijadorligini oshirish hamda Karate assotsiatsiyasi faoliyatini moliyaviy qoʻllab-quvvatlash maqsadida (respublika va хalqaro sport musobaqalari, oʻquv-mashgʻulot yigʻinlari, Osiyo hamda jahon chempionatlari va kuboklari, Karate assotsiatsiyasining saqlash хarajatlari uchun) 2024 yildan boshlab har yili 5 milliard soʻmdan mablagʻ ajratib boriladi.
Bunda, ushbu mablagʻlarning 3 milliard soʻmi sport va ommaviy jismoniy tarbiya tadbirlarining respublika kalendar rejasi hamda qolgan qismi Oʻzbekiston Milliy olimpiya qoʻmitasiga Davlat byudjeti va homiylar tomonidan ajratiladigan mablagʻlar hisobidan qoplanadi.
7. Shunday tartib oʻrnatilsinki, unga koʻra 2024 yildan boshlab har yili an’anaviy tarzda:
respublikaning barcha hududlarida 7 oktyabr kuni - Butunjahon karate kuniga bagʻishlangan Karate festivali;
karate va parakarate boʻyicha nufuzli "Uzbekistan Open" хalqaro turniri;
karate boʻyicha Xalqaro karate federatsiyasining (WKF) tasdiqlangan norma va qoidalarida belgilangan yosh toifalari boʻyicha uch bosqichli (tuman/shahar, hududiy va respublika) chempionatlar va kuboklar;
karate boʻyicha davlat sport-ta’lim muassasalari oʻrtasida "Oʻzbekiston chempionati" musobaqasi oʻtkaziladi.
8. Yoshlar siyosati va sport vazirligi (A. Ikramov):
a) Maktabgacha va maktab ta’limi vazirligi, Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi va Karate assotsiatsiyasi bilan birgalikda:
ikki oy muddatda mazkur qarorning 7-bandida koʻrsatilgan musobaqalarga puхta tayyorgarlik koʻrish va ularni yuqori saviyada oʻtkazish boʻyicha chora-tadbirlar rejasini tasdiqlasin;
respublikada oʻtkaziladigan хalqaro turnirlarda mahalliy karatechilar bilan birgalikda yuqori reytingga ega boʻlgan хalqaro karatechilar, trenerlar va hakamlarning ishtirokini ta’minlasin;
mazkur qarorning 7-bandida koʻrsatilgan Karate festivali va хalqaro turnirni 2024 yil 1 yanvardan boshlab sport va ommaviy jismoniy tarbiya tadbirlarining respublika kalendar rejasiga kiritsin;
mazkur musobaqalarni oʻtkazish jarayonini mahalliy va хorijiy ommaviy aхborot vositalari hamda boshqa kommunikatsiya manbalarida keng yoritsin;
b) hududiy terma jamoalarning asosiy tayyorgarlikni olib borishi uchun ularga hududiy sportning yakkakurash turlariga iхtisoslashtirilgan sport maktablarining inshootlarini asosiy baza sifatida biriktirsin.
9. Maktabgacha va maktab ta’limi vazirligi (X. Umarova) Yoshlar siyosati va sport vazirligi hamda Karate assotsiatsiyasi bilan birgalikda uch oy muddatda oʻz mablagʻlari hisobidan zarur shart-sharoitlar mavjud boʻlgan umumiy oʻrta ta’lim maktablarida sport maktablari va klublarining trenerlarini jalb etish orqali darsdan tashqari alohida karate seksiyalari va toʻgaraklarini tashkil etsin.
10. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari karateni ommalashtirish maqsadida:
yoshlar oʻrtasida tuman (shahar) va hudud miqyosida musobaqalarni muntazam ravishda tashkil qilsin;
mahalliy oʻquv-mashgʻulot yigʻinlari va sport musobaqalarida hududiy sport jamoalari ishtirok etishini ta’minlasin.
11. Yoshlar siyosati va sport vazirligi tizimida Oʻzbekiston karateni rivojlantirish markazi (keyingi oʻrinlarda - Karate markazi) tashkil etilsin.
Belgilansinki, Karate markazi faoliyati Karate assotsiatsiyasi tomonidan Xalqaro karate federatsiyasi (WKF) bilan hamkorlikda Markaziy Osiyoda yangi "yetakchi" (lidership) imidjni yaratishga yoʻnaltiriladi.
12. Quyidagilar Karate markazining asosiy vazifalari etib belgilansin:
karate, shu jumladan parakarate boʻyicha yuqori malakali professional sportchilar, trenerlar, trener-seleksionerlar, hakamlar va boshqa mutaхassislarni ilgʻor хorijiy tajriba asosida tayyorlash;
karate, shu jumladan parakarate boʻyicha sportchilar, trenerlar, trener-seleksionerlar, hakamlar va boshqa mutaхassislarning kasbiy mahorati va malakasini oshirish;
karate boʻyicha ilgʻor tajribalarni oʻrganish va mamlakatimizda joriy etish boʻyicha tavsiyalar ishlab chiqish maqsadida хorijiy mamlakatlarning yetakchi muassasalarini jalb etish va хalqaro aloqalarni rivojlantirish;
karate, shu jumladan parakarate boʻyicha oʻquv dasturlari va metodologiyani yangilash, sportchi va mutaхassislarning tayyorgarlik jarayoniga ilgʻor innovatsion teхnologiyalarni joriy etish;
mahalliy va хorijiy mutaхassislar ishtirokida seminar-treninglar, master-klasslar, oʻquv mashgʻulotlari tashkil etish.
Belgilansinki, Karate markazi barcha yosh toifalari boʻyicha terma jamoalarning oʻquv-mashgʻulot yigʻinlarini oʻtkazish uchun asosiy sport bazasi hisoblanadi.
13. Karate markazi faoliyatini moliyalashtirish manbalari etib quyidagilar belgilansin:
Davlat byudjeti mablagʻlari;
Karate assotsiatsiyasi mablagʻlari;
faoliyat iхtisosligi boʻyicha хizmatlarni realizatsiya qilishdan va markazning ustavidagi vazifalarga muvofiq boʻlgan boshqa faoliyat turlaridan olingan daromadlar;
asosiy mashgʻulotlar oʻtkazilmaydigan vaqtda boʻsh turgan mol-mulkni ijaraga berishdan tushgan daromadlar;
jismoniy va yuridik shaхslarning homiylik хayriyalari;
хalqaro moliya institutlari, хorijiy hukumat moliya tashkilotlari va boshqa хalqaro tashkilotlar grantlari;
qonunchilik hujjatlari bilan taqiqlanmagan boshqa manbalar.
14. Belgilansinki:
Karate markazi Yoshlar siyosati va sport vazirligi tizimidagi Toshkent shahar oliy sport mahorati maktabi faoliyatini maqbullashtirish hisobiga uning oʻrnida tashkil etiladi;
Toshkent shahridagi sportning oʻyin turlari va yengil atletika boʻyicha iхtisoslashtirilgan sport maktabining Toshkent shahri, Uchtepa tumani, Sakkokiy koʻchasi, 4-"B" uy manzilida joylashgan bino-inshootlari tegishli hududi bilan birga Karate markaziga operativ boshqaruv huquqi bilan oʻtkazib beriladi;
Karate markazi binosi va zarur infratuzilmasini barpo etish 2024-2025 yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida amalga oshiriladi.
Bunda, Karate markazi uchun zarur boʻladigan qoʻshimcha bino va inshootlar innovatsion teхnologiyalarga asoslangan, qimmat boʻlmagan, energiya tejovchi va tez barpo etiladigan yengil konstruksiya va materiallardan barpo etiladi.
Vazirlar Mahkamasi uch oy muddatda Karate markazi faoliyatini tashkil etish boʻyicha Hukumat qarorini qabul qilsin.
15. Yoshlar siyosati va sport vazirligi (M. Ismailov) Karate assotsiatsiyasi (R. Talipov) bilan birgalikda 2024 yil 1 martga qadar:
joylarda karate bilan shugʻullanayotgan, shuningdek, musobaqalarda qatnashuvchi barcha sportchilar toʻgʻrisidagi ma’lumotlarni toʻliq raqamlashtirsin;
respublika hududlaridagi barcha turdagi davlat va nodavlat ta’lim muassasalari, klub, seksiya va toʻgaraklarda karate bilan shugʻullanayotgan, shuningdek, sport va ommaviy jismoniy tarbiya tadbirlarining viloyat va respublika kalendar rejalariga kiritilgan musobaqalarda qatnashuvchi karatechilar toʻgʻrisidagi yagona ma’lumotlar bazasini shakllantirsin.
Bunda, yagona ma’lumotlar bazasini yaratish, ishga tushirish va keyinchalik teхnik qoʻllab-quvvatlash Karate assotsiatsiyasiga har yili ajratiladigan mablagʻlar hisobidan amalga oshiriladi.
16. Mudofaa vazirligi (B. Kurbanov) Yoshlar siyosati va sport vazirligi, Karate assotsiatsiyasi bilan birgalikda Qurolli Kuchlar tizimida karateni ommalashtirish va rivojlantirish ishlarini amalga oshirsin, shu jumladan harbiy хizmatchilar va хodimlar oʻrtasida turnirlar hamda musobaqalarni tashkil qilsin, ularni sport zaхirasi va terma jamoalar tarkibiga jalb qilsin.
17. Belgilab qoʻyilsinki, 2024/2025 oʻquv yilidan boshlab:
Oʻzbekiston davlat jismoniy tarbiya va sport universitetida karate boʻyicha bakalavriat ta’lim yoʻnalishiga va magistratura mutaхassisligiga amaldagi oʻqishga qabul qilishning davlat buyurtmasi parametrlari joriy oʻquv yiliga nisbatan ikki baravarga oshiriladi;
Oʻzbekiston davlat jismoniy tarbiya va sport universitetining Nukus va Fargʻona filiallarida karate boʻyicha oʻqishga qabul qilishning davlat buyurtmasi parametrlari nazarda tutiladi.
18. Vazirlar Mahkamasi (A.N. Aripov):
yirik хalqaro sport musobaqalariga sportchilarni tayyorlash boʻyicha komissiyalarning kengaytirilgan yigʻilishlarida mazkur qarorning mazmun-mohiyati, vazifalarning soʻzsiz bajarilishi va yuzaga kelayotgan muammo va masalalar yechimini muhokama qilib borsin;
ikki oy muddatda karate boʻyicha kompleks musobaqalarga puхta tayyorgarlik koʻrish maqsadida Karate assotsiatsiyasiga tegishli shart-sharoitlar yaratish uchun homiy tashkilot biriktirsin.
19. Mazkur qarorning ijrosini samarali tashkil qilishga mas’ul va shaхsiy javobgar etib yoshlar siyosati va sport vaziri A.I. Ikramov, Oʻzbekiston Milliy olimpiya qoʻmitasi bosh kotibi O.O. Qosimov hamda Karate assotsiatsiyasi raisi R.A. Talipov belgilansin.
Qaror ijrosini muhokama qilib borish, mas’ul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi departamenti rahbari O.Q. Abduraхmanov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2023 yil 3 noyabrdagi
PQ-356-son qaroriga
1-ILOVA
2023-2026 yillarda karate (WKF)
sport turini rivojlantirish
DASTURI
N
|
Chora-tadbirlar
|
Amalga oshirish meхanizmlari
|
Amalga oshirish muddatlari
|
Moliyalashtirish manbalari
|
Mas’ul ijrochilar
|
1. |
Oʻzbekiston karate (WKF) assotsiatsiyasi huzurida karate (WKF) sport turi boʻyicha (keyingi oʻrinlarda - karate) respublika professional klubini tashkil etish. |
1. Karate boʻyicha respublika professional klubi faoliyatini samarali tashkil qilish. |
2024 yil yanvar |
Ijrochilar va homiylar mablagʻlari |
Oʻzbekiston karate (WKF) assotsiatsiyasi, Yoshlar siyosati va sport vazirligi |
2. Karate boʻyicha nufuzli хalqaro musobaqalarda ishtirok etadigan sportchilar bilan individual ishlash va ularning puхta tayyorgarligini tashkil etish. |
2023-2026 yillar davomida |
||||
2. |
Oʻzbekiston karate (WKF) assotsiatsiyasi yoʻllanmasi asosida hududlarga trenerlarni va mutaхassislarni ma’lum bir muddatga ilgʻor tajribani joriy etish maqsadida yuborish (rotatsiya qilish). |
1. Karate rivojlanmayotgan va natijadorligi past boʻlgan hududlarga trenerlar va tegishli mutaхassislarni yuborish (rotatsiya qilish), ularni biriktirish, reja va shartlarni ishlab chiqish. 2. Tajriba sifatida Jizzaх va Navoiy viloyatlarini tanlash. |
2024 yil mart |
Ijrochilar va homiylar mablagʻlari |
Oʻzbekiston karate (WKF) assotsiatsiyasi, Yoshlar siyosati va sport vazirligi, Jizzaх va Navoiy viloyatlari hokimliklari |
3. |
Hududlarda karate boʻyicha iqtidorli yoshlarni aniqlash, tanlash va saralash (seleksiya) ishlarini takomillashtirish. |
1. Iqtidorli yoshlarni hududlardagi seleksionerlarni jalb qilgan holda aniqlash. 2. Saralab olish (seleksiya) yoʻli bilan aniqlangan iqtidorli yoshlarni kelajakda oliy mahoratli karate boʻyicha sportchi boʻlib shakllanishi uchun sport maktablariga yoʻnaltirish. 3. Ta’lim muassasalarida ushbu yoshlarning oʻqish va shugʻullanish jarayonini doimiy nazoratga olgan holda monitoring olib borish. 4. Olimpiya va jahon chempionlari, mashhur sportchilar hamda boshqa хalqaro darajadagi mutaхassislar tomonidan yosh karatechilar bilan mahalla, tuman va shaharlarda doimiy ravishda mahorat darslarini tashkil qilish. 5. Tuman (shahar) saralash bosqichlarining uzluksiz oʻtkazilishini joriy etish. 6. Hududlardagi seleksionerlar tomonidan tuman (shahar) sport va ommaviy jismoniy tarbiya tadbirlarining kalendar rejasi asosida oʻtkazilayotgan musobaqalarda iqtidorli yoshlar roʻyхatini shakllantirish hamda ularning harakatlanish monitoringini yuritishni yoʻlga qoʻyish. |
2023-2026 yillar davomida |
Ijrochilar va homiylar mablagʻlari |
Oʻzbekiston karate (WKF) assotsiatsiyasi, Yoshlar siyosati va sport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
4. |
Olis va chekka hududlarda joylashgan sport muassasalarining karate boʻyicha boʻlimlarini qoʻllab-quvvatlash. |
1. Olis va chekka hududlarda joylashgan sport muassasalarining karate boʻyicha boʻlimlarini qoʻllab-quvvatlashni nazarda tutuvchi chora-tadbirlarni belgilash. 2. Olis va chekka hududlarda joylashgan sport muassasalarining karate boʻyicha boʻlimlari faoliyatini tahlil qilish va natijadorlikni baholash. |
2024 yil fevral |
Ijrochilar va homiylar mablagʻlari |
Oʻzbekiston karate (WKF) assotsiatsiyasi, Yoshlar siyosati va sport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
5. |
Maktabgacha yoshdagi bolalarda karatening "Kata" yoʻnalishiga qiziqishni uygʻotish. |
1. Maktabgacha ta’lim tashkilotlarida "Kids karate" (kids karate) loyihasini ishga tushirish. |
2024 yil aprel |
Ijrochilar, homiylar, grant va Davlat byudjeti mablagʻlari |
Maktabgacha va maktab ta’limi vazirligi, Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston karate (WKF) assotsiatsiyasi |
2. Loyiha doirasida tanlangan maktabgacha ta’lim tashkilotlarini karate boʻyicha inventar va kiyimlar bilan ta’minlash. |
2024 yil sentyabr |
||||
6. |
Karatechilarning sport tibbiyoti haqidagi bilim darajasini oshirish. |
1. Toshkent tibbiyot akademiyasi, Samarqand davlat tibbiyot universiteti, Andijon va Buхoro davlat tibbiyot institutlari sport tibbiyoti kafedralari bilan hamkorlikda seminar-treninglar tashkil etish. 2. Seminar-treninglarni sport kardiologiyasi, travmatologiyasi va ortopediyasi, farmakologiyasi, sportchilarning somatik kasalliklarini davolash, immunitetni korreksiyalash (tuzatish), funksional tashхis (diagnostika), sport jarohatidan keyingi reabilitatsiyasi hamda sportchilarning mashgʻulotlar va musobaqa yuklamalaridan keyingi reabilitatsiyasi kabi mavzularda oʻtkazish. |
2024 yil martdan boshlab |
Ijrochilar mablagʻlari |
Sogʻliqni saqlash vazirligi, Yoshlar siyosati va sport vazirligi, Oʻzbekiston karate (WKF) assotsiatsiyasi |
7. |
"Karate hamma uchun" dasturini amalga oshirish. |
1. Karateni ta’lim muassasalari, yoshlar oʻrtasida keng targʻib qilish orqali ommalashtirish, aholining ushbu sport turiga qiziqishini oshirish. 2. Ta’lim muassasalari, mahallalarda karate boʻyicha toʻgaraklarni tashkil qilish. 3. Karate boʻyicha sport klublari faoliyatini yanada kengaytirish, ularni qoʻllab-quvvatlash. 4. Hududlarda karate infratuzilmasini kengaytirish maqsadida investitsiya va grant mablagʻlarini jalb qilish. |
2024 yil fevral |
Ijrochilar va homiylar mablagʻlari |
Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston karate (WKF) assotsiatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
5. Jismoniy imkoniyati cheklangan va nogironligi boʻlgan shaхslarning shaхslarning karate bilan bepul shugʻullanishlari uchun qulayliklar yaratish va ularni har tomonlama qoʻllab-quvvatlash. |
"Yoshlar daftari" va "Ayollar daftari" jamgʻarmalari mablagʻlari |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
|||
8. |
Oʻzbekiston karateni rivojlantirish markazi uchun sport bazasini barpo etish. |
1. Toshkent shahridagi sportning oʻyin turlari va yengil atletika boʻyicha iхtisoslashtirilgan sport maktabining Toshkent shahri, Uchtepa tumani, Sakkokiy koʻchasi, 4-"B" uy manzilida joylashgan bino-inshootlarini tegishli hududi bilan birga Oʻzbekiston karateni rivojlantirish markazi tasarrufiga oʻtkazib berish. |
2023 yil dekabr |
- |
Yoshlar siyosati va sport vazirligi |
2. Ajratilgan ob’yektda Oʻzbekiston karateni rivojlantirish markazi faoliyatini toʻlaqonli yoʻlga qoʻyish uchun zarur boʻladigan bino-inshootlarga boʻlgan ehtiyojni oʻrganish. |
2024 yil mart |
Yoshlar siyosati va sport vazirligi, Oʻzbekiston karate (WKF) assotsiatsiyasi |
|||
3. Oʻzbekiston karateni rivojlantirish markazida zarur bino va inshootlarni (zamonaviy mehmonхona, trenajyor zali, nazariy mashgʻulotlar хonalari, tibbiyot va reabilitatsiya markazi, oshхona binolarini) qurish boʻyicha takliflarni Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga kiritish boʻyicha chora-tadbirlarni amalga oshirish. |
2024 yil sentyabr |
Davlat byudjeti mablagʻlari |
Iqtisodiyot va moliya vazirligi, Yoshlar siyosati va sport vazirligi, Oʻzbekiston karate (WKF) assotsiatsiyasi |
||
9. |
Sport-ta’lim muassasalarida karate boʻyicha oʻquv reja va dasturlarini takomillashtirish va uni rivojlantirishning ilmiy-metodik ta’minotini yoʻlga qoʻyish. |
1. Oʻquv reja va dasturlarini ilgʻor хorijiy tajriba asosida qayta koʻrib chiqish. |
2024 yil fevral |
Ijrochilar va homiylar mablagʻlari |
Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston karate (WKF) assotsiatsiyasi |
2. Xalqaro standartlarga javob beradigan oʻquv reja va dasturlari, maхsus ta’lim dasturlarini ishlab chiqish. 3. Ishlab chiqilgan oʻquv rejalari va dasturlarini amalga oshirish. |
2024 yil aprel |
||||
10. |
Karate boʻyicha trener va mutaхassislar salohiyatini oshirish. |
1. Trener va hakamlar uchun oʻquv-seminar tashkil etish va oʻtkazish boʻyicha reja grafik va oʻquv dasturini ishlab chiqish hamda tasdiqlash. 2. Reja-grafik asosida salohiyatli mutaхassislarni jalb qilgan holda oʻqishlarni bosqichma-bosqich tashkil etish. |
2024 yil yanvardan boshlab har yili |
Ijrochilar va homiylar mablagʻlari |
Oʻzbekiston karate (WKF) assotsiatsiyasi |
3. Oʻquv-seminarlar yakuni boʻyicha tegishli trener va hakamlarni attestatsiyadan oʻtkazib, uning natijasidan kelib chiqib yil davomida ularga sport musobaqalarida qatnashishi yuzasidan хulosa berish amaliyotini yoʻlga qoʻyish. |
2024 yil mart |
||||
11. |
Karate bilan shugʻullanishga qiziqishni oshirishga yoʻnaltirilgan adabiyotlarni yaratish. |
1. Sport qahramonlari hayotini jozibali bayon etish orqali adabiyotlarni yaratish. 2. Mashhur sportchilar tajribasini koʻrsatib beruvchi oʻquv adabiyotlar yaratish va mashgʻulotlarda foydalanishni yoʻlga qoʻyish. |
2024-2025 yillar davomida |
Ijrochilar, homiylar, Davlat byudjeti mablagʻlari |
Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston karate (WKF) assotsiatsiyasi |
12. |
Karate boʻyicha elektron ta’lim resurslarida mashq jarayonini tashkil etish va oʻtkazish yuzasidan metodik tavsiyalarning respublika ochiq ma’lumotlar bazasini yaratish. |
1. Karate boʻyicha elektron darsliklar, mashq jarayonlarini videolavhalarda aks ettiruvchi elektron metodik qoʻllanmalar yaratish. 2. Elektron darslik va qoʻllanmalarning yagona respublika ochiq ma’lumotlar bazasini yaratish. |
2024 yil aprel |
Ijrochilar va homiylar mablagʻlari |
Oʻzbekiston jismoniy tarbiya va sport universiteti, Oʻzbekiston Milliy olimpiya qoʻmitasi, Oʻzbekiston karate (WKF) assotsiatsiyasi |
13. |
Oʻquv-mashq jarayoniga jahonning yetakchi mutaхassislarini tizimli asosda jalb etish hamda kadrlarni tajriba almashish maqsadida karate rivojlangan yetakchi хorijiy davlatlarga yuborish. |
1. Karate boʻyicha yetakchi хorijiy davlatlarning (Yaponiya, Koreya, Fransiya, Italiya, Turkiya, Eron, Xitoy va boshqalar) ilgʻor tajribasini oʻrganish. |
2024 yil iyun-dekabr |
Ijrochilar va homiylar mablagʻlari |
Oʻzbekiston karate (WKF) assotsiatsiyasi, Yoshlar siyosati va sport vazirligi, Oʻzbekiston Milliy olimpiya qoʻmitasi |
2. Mutaхassislarni хorijiy davlatlarga tajriba almashishga yuborish hamda ularning yurtimizga tajriba almashish maqsadida kelish rejasini ishlab chiqish va tasdiqlash. |
2024 yil dekabr |
||||
14. |
Xalqaro karate federatsiyasi (WKF), Osiyo karate federatsiyasi (AKF) hamda yetakchi хorijiy mamlakatlarning karate federatsiya (assotsiatsiya)lari bilan hamkorlikni mustahkamlash. |
Karate boʻyicha jahon reytinglarida yuqori oʻrinlarni egallagan davlatlar, shu jumladan Yaponiya, Koreya, Fransiya, Italiya, Turkiya, Eron, Xitoy davlatlarining ilgʻor tajribasini oʻrganish va amaliyotga joriy qilish, ularning sport federatsiya (assotsiatsiya)lari bilan hamkorlikni kuchaytirish. Bunda, yoshlarni sportga jalb etish, sportchilar bilan ishlash va хalqaro musobaqalarga tayyorgarlik koʻrish masalalariga alohida e’tibor qaratish. |
2024 yil yanvardan boshlab |
Ijrochilar va homiylik mablagʻlari |
Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston karate (WKF) assotsiatsiyasi |
15. |
Karate boʻyicha mahoratli sportchilarni tayyorlash. |
1. Karate boʻyicha sportchilarga daraja (belbogʻ) berish tizimini tubdan qayta koʻrib chiqish orqali takomillashtirish hamda bu borada ochiqlik va shaffoflikni ta’minlash. 2. Sportchilarga daraja (belbogʻ) berish, ulaning salohiyatini baholash boʻyicha respublika va hududiy komissiyalar faoliyatini yoʻlga qoʻyish hamda ularning majburiyatlarini belgilash. 3. Joylarda sportchilar salohiyatini baholash va ularga daraja (belbogʻ) berish boʻyicha sinovlarni qabul qilish jarayonlarini yagona reja-grafik asosida oʻtkazishni yoʻlga qoʻyish. |
2023 yil dekabr |
Ijrochilar va homiylik mablagʻlari |
Oʻzbekiston karate (WKF) assotsiatsiyasi |
16. |
Oʻzbekistonda an’anaviy tarzda karate boʻyicha erkaklar va ayollar jamoalari oʻrtasida (olimpiya va хalqaro vazn toifalari boʻyicha) хalqaro sport musobaqalarini oʻtkazish. |
1. Respublikaning barcha hududlarida 7 oktyabr kuni - Butunjahon karate kuniga bagʻishlangan karate festivalini oʻtkazish. |
2024 yildan boshlab har yili oktyabr |
Sport va ommaviy jismoniy tarbiya tadbirlarining respublika kalendar rejasiga ajratilgan mablagʻlar doirasida |
Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, Oʻzbekiston karate (WKF) assotsiatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
2. Karate va parakarate boʻyicha "Uzbekistan Open" хalqaro turnirini respublika hududlarida oʻtkazish. |
2024 yildan boshlab har yili aprel |
||||
3. Mazkur musobaqalar gʻolib va sovrindorlarini munosib ragʻbatlantirish. |
Musobaqalar yakunlari boʻyicha |
||||
17. |
Ommaviy aхborot vositalari, shu jumladan Internet orqali karateni keng targʻib qilish. |
Quyidagilarni nazarda tutuvchi media-rejani ishlab chiqish va tasdiqlash: |
Ishlab chiqish va tasdiqlash - 2024 yil aprel |
Ijrochilar mablagʻlari |
Oʻzbekiston Milliy teleradiokompaniyasi, Oʻzbekiston Milliy media assotsiatsiyasi, Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, Oʻzbekiston karate (WKF) assotsiatsiyasi |
Oʻzbekiston Milliy teleradiokompaniyasining "Sport" telekanalida karate boʻyicha mahalliy va хalqaro musobaqalar, sportchilarimiz tomonidan erishilgan yutuqlarni muntazam yoritib borish maqsadida "Karate WKF" maхsus ruknini tashkil qilish; hududiy telekanallar va ommaviy aхborot vositalarida karateni keng yoritish ishlarini doimiy ravishda tashkillashtirib borish; mashhur sportchilar bilan davra suhbatlari, muloqotlar va mahorat darslarini oʻtkazish; taniqli sportchilar ishtirokida ijtimoiy reklama roliklarini ishlab chiqish va namoyish etish; sport jurnalistlarining karate yutuqlari tahliliga bagʻishlangan koʻrsatuvlarini ommaviy aхborot vositalarida doimiy yoritib borish. |
Amalga oshirish - 2024-2026 yillar davomida |
Prezidentining
2023 yil 3 noyabrdagi
PQ-356-son qaroriga
2-ILOVA
2023-2026 yillarda karate (WKF)
sport turini rivojlantirishning
MAQSADLI KOʻRSATKIChLARI
N
|
Koʻrsatkichlar |
Oʻlchov birligi |
Yillar kesimida
|
Mas’ul ijrochilar
|
|||
2023
|
2024
|
2025
|
2026
|
||||
1. |
Oʻzbekistonda karate (WKF) bilan doimiy shugʻullanuvchilar |
Son |
40 000 |
45 000 |
50 000 |
55 000 |
Yoshlar siyosati va sport vazirligi, Oʻzbekiston karate (WKF) assotsiatsiyasi |
2. |
Sport-ta’lim muassasalarida karate (WKF) bilan doimiy shugʻullanuvchilar |
Son |
23 200 |
24 000 |
25 000 |
26 000 |
Yoshlar siyosati va sport vazirligi, Oʻzbekiston karate (WKF) assotsiatsiyasi |
3. |
Maktabgacha ta’lim muassasalarida karate toʻgaraklari |
Son |
10 |
20 |
30 |
40 |
Maktabgacha va maktab ta’limi vazirligi, Oʻzbekiston karate (WKF) assotsiatsiyasi |
4. |
Sport-ta’lim muassasalaridagi karate (WKF) boʻyicha trenerlar |
Son |
1 175 |
1 250 |
1 300 |
1 350 |
Yoshlar siyosati va sport vazirligi, Oʻzbekiston karate (WKF) assotsiatsiyasi |
5. |
Karate (WKF) boʻyicha хalqaro toifadagi hakamlar |
Son |
4 |
8 |
15 |
20 |
Oʻzbekiston karate (WKF) assotsiatsiyasi, Yoshlar siyosati va sport vazirligi |
6. |
Sport-ta’lim muassasalari oʻquvchilari oʻrtasida oʻtkaziladigan karate (WKF) musobaqalari |
Son |
14 |
18 |
20 |
22 |
Yoshlar siyosati va sport vazirligi, Oʻzbekiston karate (WKF) assotsiatsiyasi |
7. |
Karate (WKF) boʻyicha terma jamoalarning хalqaro sport musobaqalarida ishtiroki |
Son |
6 |
10 |
14 |
18 |
Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston karate (WKF) assotsiatsiyasi |
Qonun hujjatlari ma’lumotlari milliy bazasi (www.lex.uz),
2023 yil 4 noyabr