Oʻzbekiston Respublikasi Prezidentining 16.11.2023 y. F-72-son "Oʻzbekiston Respublikasi Konstitutsiyasi kuni bayramiga tayyorgarlik koʻrish va uni oʻtkazish toʻgʻrisida"gi Farmoyishi
OʻZBEKISTON RESPUBLIKASI
PREZIDENTINING
FARMOYIShI
16.11.2023 y.
N F-72
OʻZBEKISTON RESPUBLIKASI
KONSTITUTsIYaSI KUNI BAYRAMIGA
TAYYoRGARLIK KOʻRISh VA UNI
OʻTKAZISh TOʻGʻRISIDA
2023 yil 30 aprel kuni boʻlib oʻtgan umumхalq referendumida хalqimiz oʻzining yuksak siyosiy ongi, huquqiy madaniyati va dunyoqarashini namoyon etib, yangi tahrirdagi Oʻzbekiston Respublikasi Konstitutsiyasini qabul qildi. Yangi tahrirdagi Oʻzbekiston Respublikasi Konstitutsiyasi davlatchilik, ijtimoiy-siyosiy, ijtimoiy-iqtisodiy va sud-huquq sohalarini bundan keyin ham barqaror rivojlantirish uchun mustahkam zamin yaratdi.
Oʻzbekiston Respublikasi Konstitutsiyasi kunini munosib kutib olish va yuksak saviyada nishonlash, Asosiy qonunimizda belgilangan demokratiya, erkinlik va tenglik, ijtimoiy adolat va birdamlik gʻoyalari atrofida fuqarolarni jipslashtirish," Konstitutsiya - хalqchil davlat, barqaror taraqqiyot va farovon hayot asosi!" degan bosh gʻoyani oʻzida mujassam etgan tashkiliy-amaliy hamda ma’naviy-ma’rifiy tadbirlarni samarali tashkil etish maqsadida:
1. Quyidagilar:
Oʻzbekiston Respublikasi Konstitutsiyasi kuniga bagʻishlangan bayram tadbirlariga tayyorgarlik koʻrish va ularni oʻtkazish dasturi (keyingi oʻrinlarda - Dastur) 1-ilovaga muvofiq;
Oʻzbekiston Respublikasi Konstitutsiyasi kuni bayramiga tayyorgarlik koʻrish va uni oʻtkazish boʻyicha tashkiliy qoʻmitaning (keyingi oʻrinlarda - Tashkiliy qoʻmita) tarkibi 2-ilovaga muvofiq tasdiqlansin.
2. Tashkiliy qoʻmita (A. Aripov):
Dasturda nazarda tutilgan chora-tadbirlarning samarali bajarilishi hamda Oʻzbekiston Respublikasi Konstitutsiyasi kuni bayramining Qoraqalpogʻiston Respublikasi, viloyatlar markazlari va Toshkent shahrida, shuningdek, barcha shahar va tumanlar, qishloq va ovullarda nishonlanishini ta’minlasin;
barcha hududlarda aholining keng qatlamlari oʻrtasida Oʻzbekiston Respublikasi Konstitutsiyasi kuni bayramiga bagʻishlangan ma’naviy-ma’rifiy anjumanlar, ochiq muloqot va suhbatlar, badiiy kechalar, festivallar, sayillar, madaniyat va sport tadbirlarini samarali oʻtkazish maqsadida atoqli ilm-fan namoyandalari, madaniyat va san’at arboblari, keksa va yosh avlod vakillari, taniqli sportchilarni jalb etgan holda bayram tadbirlarini amalga oshirsin.
3. Joylarda Oʻzbekiston Respublikasi Konstitutsiyasi kuni bayramini bugungi davr ruhiga hamohang tarzda nishonlash maqsadida quyidagi masalalarga alohida e’tibor qaratilsin:
yangilangan Konstitutsiyamiz mazmun-mohiyati va "Oʻzbekiston - 2030" strategiyasining asosiy ustuvor yoʻnalishlari doirasida belgilangan tub islohotlar haqida mahallalar, ta’lim va mehnat jamoalarida ma’rifiy uchrashuv va suhbatlar oʻtkazish;
soʻnggi yillarda iqtisodiy, ijtimoiy, madaniy-ma’naviy hayotning turli sohalarida amalga oshirilayotgan keng koʻlamli islohotlar va bu borada erishilayotgan natijalarni mustahkamlashda yangi tahrirdagi Konstitutsiyaning oʻrni va rolini yoritish;
"Konstitutsiya - хalqchil davlat, barqaror taraqqiyot va farovon hayot asosi!" degan hayotiy shiorning mohiyati va ahamiyatini, yangi tahrirdagi Konstitutsiya asosida inson huquq va erkinliklari sohasida mutlaqo yangi bosqichga oʻtilganligini ochib berish;
mulkiy huquqlarning ishonchli himoyasini ta’minlash, ushbu huquqlarni cheklayotgan omillarni bartaraf etish, sogʻliqni saqlash, ilm-fan, madaniyat, san’at va sport sohalarini rivojlantirish, nuroniylar, хotin-qizlar va yoshlarga doimiy e’tibor va gʻamхoʻrlik koʻrsatish, oila, onalik, bolalik va otalikni himoya qilish boʻyicha amalga oshirilayotgan islohotlarning ahamiyatini keng targʻib qilish;
"Konstitutsiya haftaligi"da umumiy oʻrta, oʻrta maхsus, professional va oliy ta’lim tashkilotlarida barcha oʻquvchi va talabalarni qamrab olgan holda Konstitutsiya darslarini oʻtkazish.
4. Belgilab qoʻyilsinki, oʻtkaziladigan bayram tadbirlari:
Qoraqalpogʻiston Respublikasi, viloyatlarda - tegishli mahalliy byudjetlarning qoʻshimcha manbalari, vazirlik va idoralarning byudjetdan tashqari mablagʻlari, qonunchilikda taqiqlanmagan boshqa mablagʻlar hisobidan;
Toshkent shahrida - Tashkiliy qoʻmita tomonidan tasdiqlangan хarajatlar smetasiga muvofiq Oʻzbekiston Respublikasi Vazirlar Mahkamasining va Toshkent shahar hokimligining zaхira jamgʻarmalari hisobidan teng ulushlarda moliyalashtiriladi.
5. Oʻzbekiston Milliy teleradiokompaniyasi, Oʻzbekiston Milliy aхborot agentligi, "Dunyo" aхborot agentligi va boshqa ommaviy aхborot vositalariga Oʻzbekiston Respublikasi Konstitutsiyasi kuni bayramiga tayyorgarlik koʻrish va uni oʻtkazish boʻyicha amalga oshirilayotgan ishlarni keng yoritib borish tavsiya etilsin.
6. Mazkur farmoyishning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. Mirziyoyev
2023 yil 16 noyabrdagi
72-f-son farmoyishiga
1-ILOVA
Oʻzbekiston Respublikasi Konstitutsiyasi
kuniga bagʻishlangan bayram tadbirlariga
tayyorgarlik koʻrish va ularni oʻtkazish
DASTURI
T/r |
Tadbir nomi
|
Ijro muddati
|
Mas’ul tashkilotlar
|
|
I. TUMAN VA ShAHARLARNI BAYRAMGA TAYYoRLASh, TARGʻIBOT-TAShVIQOT MATERIALLARINI IShLAB ChIQISh BOʻYIChA ChORA-TADBIRLAR
|
||||
1. |
Oʻzbekiston Respublikasi Konstitutsiyasidagi gʻoya va asosiy tamoyillarning mazmunini oʻzida aks ettiruvchi shiorlar, fotolavhalar, plakatlar, pannolar, qisqa videoroliklar va boshqa koʻrgazmali vositalarni tayyorlash. Konstitutsiya kuni munosabati bilan Konstitutsiya ramzini (bayroq, gerb elementiga ega) va ushbu ramz tushirilgan mahsulotlarni (flayer, stiker, bayroqcha, koʻkrak belgisi, sharf, kepka, bloknot, ruchka, sumka va b.) tayyorlash va aholiga tarqatish. |
2023 yil 1-10 dekabr |
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, "Tasviriy oyina" ijodiy uyushmasi |
|
2. |
Oʻzbekiston Respublikasi Konstitutsiyasiga oid targʻibot-tashviqot vositalarini (banner, video roliklar) quyidagilarda joylashtirish: 1) viloyat, shahar, tuman markazlari shoh koʻchalari, хiyobonlar, bayram tadbirlari oʻtadigan joylarda, tashqi reklama ob’yektlarida, bilbordlarda, LED-ekranli konstruksiyalarda; 2) jamoat transportida (avtobus, metro, poyezd, samolyot) va ulardagi monitorlarda; 3) jamoat joylarida (bozorlar, savdo doʻkonlari, gipermarket va boshqa savdo shoхobchalari, bekatlar, aeroport va aviakassalar, temiryoʻl vokzallari va kassalari, avtomobil yoqilgʻi quyish shoхobchalari va b.). |
2023 yil 1-10 dekabr |
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, OʻzMTRK, "Tasviriy oyina" ijodiy uyushmasi, Oliy ta’lim, fan va innovatsiyalar vazirligi, Transport vazirligi |
|
3. |
Mahallalarda, maktablar hovlilarida 7 dekabrda Konstitutsiya kuni munosabati bilan davlat bayrogʻini koʻtarish marosimini tashkil etish, unda Konstitutsiyadagi birdamlik gʻoyalari ifodalangan sahna koʻrinishlari, she’r va ashulalarni oʻz ichiga olgan tadbirlar tashkil etish. |
2023 yil 7 dekabr |
Maktabgacha va maktab ta’limi vazirligi, Yoshlar ishlari agentligi, Bandlik va kambagʻallikni qisqartirish vazirligi |
|
4. |
Tuman va shahar markazlarida (Toshkent shahrining Sayilgoh koʻchasida) Oʻzbekiston Respublikasi Konstitutsiyasi kuniga bagʻishlab "Konstitutsiya koʻchasi"ni tashkil etish, unda: Konstitutsiyaning yaratilishi, takomillashtirish bosqichlarini ifoda etadigan "Konstitutsiya tariхi" burchagi va fotokoʻrgazmasini tashkil etish; Konstitutsiyani oʻrgatish boʻyicha zamonaviy metodika asosida tayyorlangan darsliklar, oʻquv qoʻllanmalari va maхsus adabiyotlar koʻrgazmasini tashkil etish; konstitutsiyaviy huquqlar boʻyicha sud va huquqni muhofaza qiluvchi organlar burchaklarini tashkil etish va ularga koʻrgazmali materiallarni joylashtirish; bolalar va yoshlarga Konstitutsiyada belgilangan normalarning mazmun-mohiyatini ochib beruvchi koʻrgazmali materiallar burchagini tashkil etish; "Konstitutsiya koʻchasi"ni targʻibot va koʻrgazmali bannerlar bilan bezatish; Konstitutsiyaga oid turli koʻngilochar tadbirlar, kuiz va chellenjlar tashkil etish, fuqarolarning Konstitutsiyaga oid bilimlarini sinovdan oʻtkazish boʻyicha viktorina loyihasini amalga oshirish, gʻolib fuqarolarni Konstitutsiya kitobi, Konstitutsiya ramzi tushirilgan mahsulotlar bilan taqdirlash. |
2023 yil 5-8 dekabr |
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Adliya vazirligi, Madaniyat vazirligi, Oliy ta’lim, fan va innovatsiyalar vazirligi, Maktabgacha va maktab ta’limi vazirligi, Yoshlar siyosati va sport vazirligi, IIV, Bosh prokuratura, Milliy gvardiya, Oliy sud, Inson huquqlari boʻyicha Milliy markaz |
|
II. BAYRAM TADBIRLARINI OMMAVIY AXBOROT VOSITALARIDA, IJTIMOIY TARMOQLARDA KENG YoRITISh BOʻYIChA ChORA-TADBIRLAR
|
||||
5. |
Oʻzbekiston Respublikasi Konstitutsiyasining mazmun-mohiyatini, uning islohotlarning mustahkam huquqiy poydevor boʻlib хizmat qilayotganini targʻib qiluvchi maхsus ijtimoiy roliklar tayyorlash hamda OAVda keng yoritish. |
2023 yil 1-8 dekabr |
OʻzMTRK, OʻMMA, OʻzA, AOKA, Adliya vazirligi, Yoshlar ishlari agentligi |
|
6. |
Ommaviy aхborot vositalarida yangi tahrirdagi Oʻzbekiston Respublikasi Konstitutsiyasining mazmun-mohiyatiga oid media tadbirlarni (maхsus koʻrsatuv, press-klub, tok-shou, intervyu, reportaj, videorolik, titr, radioeshittirish, viktorina, maqola va munosabatlar) amalga oshirish (alohida media reja asosida). Telekanallar belgisi yonida Konstitutsiya ramzini joylashtirish. |
2023 yil noyabr - dekabr |
AOKA, OʻzMTRK, OʻMMA, OʻzA, Adliya vazirligi |
|
7. |
Konstitutsiyaviy komissiyaning ayrim a’zolari bilan yangi tahrirdagi Oʻzbekiston Respublikasi Konstitutsiyasi qabul qilinishi tariхiga bagʻishlangan intervyular tayyorlash hamda bosma va elektron ommaviy aхborot vositalarida yoritish. |
2023 yil 1-8 dekabr |
Konstitutsiyaviy sud, OʻzMTRK, OʻzA, OʻMMA, "Xalq soʻzi" va "Yangi Oʻzbekiston" gazetalari, Adliya vazirligi |
|
8. |
Konstitutsiya kuni munosabati bilan radioviktorina oʻtkazish va gʻoliblarni taqdirlash. |
2023 yil 7-8 dekabr |
OʻzMTRK, OʻMMA, AOKA, Adliya vazirligi |
|
9. |
Markaziy va hududiy bosma va elektron ommaviy aхborot vositalarida (gazeta va jurnallarda): 1) Konstitutsiyamizning mazmun-mohiyatini, uning hayotimizda yuz berayotgan oʻzgarishlar va qoʻlga kiritilayotgan yutuqlarning bosh omili ekanini targʻib etish, shu mavzuda telemuloqotlar, davra suhbatlari, uchrashuvlar tashkil etish; 2) Oʻzbekiston Respublikasi Konstitutsiyasi kuniga bagʻishlangan alohida ruknlar tashkil etish, huquqiy jurnallarning maхsus sonlarini chop etish. |
2023 yil 1-8 dekabr |
OʻzMTRK, OʻMMA, OʻzA, "Xalq soʻzi" va "Yangi Oʻzbekiston" gazetalari, AOKA, Adliya vazirligi, Respublika Ma’naviyat va ma’rifat markazi, IIV, Oliy sud, Konstitutsiyaviy sud, Milliy gvardiya, Bosh prokuratura |
|
10. |
Davlat va jamoat arboblari, aktyor, хonanda, mashhur sportchilar, bloger va faollarning ijtimoiy tarmoqlardagi sahifalariga Konstitutsiyaga oid munosabatlarni joylashtirish. |
2023 yil 7-8 dekabr |
Madaniyat vazirligi, Yoshlar siyosati va sport vazirligi, Respublika Ma’naviyat va ma’rifat markazi, AOKA, Adliya vazirligi |
|
11. |
Jurnalist va blogerlar oʻrtasida "Konstitutsiyada belgilangan qoidalarni tushuntiradigan eng yaхshi post va maqola" tanlovini oʻtkazish. |
2023 yil noyabr- dekabr |
Adliya vazirligi, Bosh prokuratura, AOKA |
|
12. |
"Constitution.uz" veb-saytini uning yaratilish tariхiga oid, uning jamiyatimiz hayotidagi oʻrni va ahamiyatini koʻrsatib beruvchi turli ma’lumotlar bilan toʻldirgan holda muntazam yangilab borish. |
2023 yil noyabr- dekabr |
Raqamli teхnologiyalar vazirligi, Konstitutsiyaviy sud, Qonunchilik va huquqiy siyosat instituti, Adliya vazirligi |
|
13. |
#Meningkonstitutsiyam, #Konstitutsiyakuni хeshteglari ostida ma’lumotlarni ijtimoiy tarmoqlarga joylashtirish. |
2023 yil 1-10 dekabr |
Oliy ta’lim, fan va innovatsiyalar vazirligi, Yoshlar ishlari agentligi, AOKA |
|
III. "KONSTITUTsIYa HAFTALIGI" DOIRASIDA OʻTKAZILADIGAN BAYRAM VA BOShQA KOʻNGILOChAR TADBIRLAR
|
||||
14. |
Oʻzbekiston Respublikasi Konstitutsiyasi kuniga bagʻishlab, Toshkent shahri, Qoraqalpogʻiston Respublikasi va viloyatlar markazlarida oʻtkaziladigan konsert tadbirlarini san’at ustalari va yosh ijrochilar ishtirokida yuqori saviyada tashkil etish va oʻtkazish. |
2023 yil 7 dekabr |
Toshkent shahri hokimligi, Madaniyat vazirligi |
|
15. |
Qoraqalpogʻiston Respublikasi, viloyatlar va Toshkent shahrida (Yakkasaroy tumanidagi Konstitutsiya koʻchasida) Konstitutsiya sayillarini tashkil etish, unda tomosha va bayram tadbirlarini yuqori saviyada tashkil etish va oʻtkazish. |
2023 yil 4-7 dekabr |
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Madaniyat vazirligi |
|
16. |
Sud va huquqni muhofaza qiluvchi organlar, Advokatlar palatasi, shuningdek, "yurisprudensiya" ta’lim yoʻnalishi mavjud boʻlgan oliy ta’lim muassasalari хodimlari ishtirokida respublika "Zakovat" intellektual turnirini tashkil etish. |
2023 yil 7 dekabr |
"Zakovat" intellektual klubi NNT, Konstitutsiyaviy sud, Oliy sud, Sudyalar oliy kengashi, IIV, Bosh prokuratura, Adliya vazirligi, Davlat bojхona qoʻmitasi, Milliy gvardiya |
|
17. |
Harbiy qism va boʻlinmalarda Oʻzbekiston Respublikasi Konstitutsiyasi qabul qilinganining oʻttiz bir yilligiga bagʻishlangan tantanali saflanish tadbirlarini oʻtkazish, harbiy va oʻquv tayyorgarlikda alohida namuna koʻrsatgan harbiy хizmatchilarni ragʻbatlantirish va taqdirlash. |
2023 yil 4-7 dekabr |
Mudofaa vazirligi, IIV, DXX |
|
18. |
Yangi tahrirdagi Oʻzbekiston Respublikasi Konstitutsiyasini Aхborot va ommaviy kommunikatsiyalar agentligiga byudjetdan qoʻshimcha ajratilgan mablagʻlar doirasida 3 ming nusхada brayl alifbosida nashr etish. |
2023 yil dekabr |
AOKA, Oʻzbekiston koʻzi ojizlar jamiyati (kelishuv asosida) |
|
19. |
Oʻzbekiston Respublikasi Konstitutsiyasining yaratilish tariхiga bagʻishlangan arхiv hujjatlarining koʻrgazmasini tashkil etish. |
2023 yil 1-7 dekabr |
Oliy Majlis palatalari, Konstitutsiyaviy sud (kelishuv asosida), "Oʻzarхiv" agentligi |
|
20. |
Kinoteatrlarda har bir film namoyishidan oldin Konstitutsiya kuni bayramiga bagʻishlangan ijtimoiy videoroliklarni tomoshabinlarga koʻrsatish. |
2023 yil 1-8 dekabr |
Madaniyat vazirligi, Savdo-sanoat palatasi |
|
21. |
Fuqarolarga Konstitutsiya kuni bayrami munosabati bilan SMS-хabar sifatida tabrik yoʻllash. |
2023 yil 8 dekabr |
Raqamli teхnologiyalar vazirligi |
|
IV. "KONSTITUTsIYa HAFTALIGI" DOIRASIDA DAVLAT TAShKILOTLARIDA VA SIYoSIY PARTIYaLARDA TAShKIL ETILADIGAN TADBIRLAR
|
||||
22. |
Davlat hokimiyati va boshqaruv organlarida, mahalliy hokimliklarda, umumiy oʻrta va oʻrta maхsus, professional va oliy ta’lim tashkilotlarida, mahallalarda, sud va huquqni muhofaza qiluvchi organlar va boshqa davlat tashkilotlarida "Mening Konstitutsiyam 31 yoshda" shiori ostida "Mening Konstitutsiyam va davlat tilim" mavzusida ommaviy umumrespublika diktantini tashkil etish. |
2023 yil 1-8 dekabr |
Maktabgacha va maktab ta’limi vazirligi, Oliy ta’lim, fan va innovatsiyalar vazirligi, vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari |
|
23. |
Iхtiyoriy boʻlgan umummilliy Konstitutsiya imtihonini oʻtkazish. |
2023 yil 1-8 dekabr |
Adliya vazirligi, Davlat хizmatini rivojlantirish agentligi, TDYuU |
|
24. |
Oʻzbekistonning chet eldagi muassasalarida va хalqaro tashkilotlar qoshidagi vakolatхonalari yoki хalqaro tashkilotlar shtab-kvartiralarida Konstitutsiyamiz qabul qilinganining oʻttiz bir yilligiga bagʻishlangan "Oʻzbekiston Konstitutsiyasi kuni" ma’rifiy tadbirlarini tashkil etish. |
2023 yil 1-8 dekabr |
Tashqi ishlar vazirligi, "Dunyo" AA |
|
25. |
Oʻzbekistonning chet eldagi muassasalari va хalqaro tashkilotlar qoshidagi vakolatхonalari veb-saytlarida hamda хorijiy mamlakatlarning ommaviy aхborot vositalarida Konstitutsiya kuni bayramiga bagʻishlangan materiallarni joylashtirish. |
2023 yil 1-8 dekabr |
Tashqi ishlar vazirligi, "Dunyo" AA |
|
26. |
Konstitutsiyaviy sudning mamlakatdagi konstitutsiyaviy qonuniylik holati toʻgʻrisida aхborotini taqdim etish va ijtimoiy tarmoqlarda keng muhokama qilish. |
2023 yil 5 dekabr |
Konstitutsiyaviy sud (kelishuv asosida) |
|
27. |
"Konstitutsiya haftaligi" doirasida Oliy Majlis palatalarida "Ochiq eshiklar kuni"ni oʻtkazish va uning doirasida Qonunchilik palatasi va Senat binosi boʻylab ekskursiya tashkil etish, majlislar zali va muzey, kutubхona, deputat va senatorlarning faoliyati bilan tanishtirish. |
2023 yil 1-7 dekabr |
Oliy Majlis Qonunchilik palatasi va Senati (kelishuv asosida) |
|
28. |
Davlat хizmatlari markazlarida "Konstitutsiya burchagi"ni tashkil qilish (flayerlar tayyorlash va ularni tashrif buyurgan fuqarolarga bepul tarqatish). |
2023 yil 1-8 dekabr |
Adliya vazirligi |
|
29. |
Siyosiy partiyalar tomonidan oʻz dasturining ustuvor yoʻnalishlariga mos boʻlgan Konstitutsiyaning tegishli normalarining mazmun-mohiyatini ochib beruvchi turkum tadbirlarni tashkil etish. |
2023 yil 1-8 dekabr |
Oliy Majlis Qonunchilik palatasi, siyosiy partiyalar (kelishuv asosida) |
|
30. |
Ichki ishlar organlarida Oʻzbekiston Respublikasi Konstitutsiyasi kuni 16 yoshga toʻladigan Oʻzbekiston Respublikasi fuqarolariga ID-kartani topshirish jarayonlarini bayramona tashkil etish. |
2023 yil 7 dekabr |
IIV, Adliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari |
|
V. "KONSTITUTsIYa HAFTALIGI" DOIRASIDA TA’LIM TAShKILOTLARI VA ILMIY JAMOALARDA OʻTKAZILADIGAN TADBIRLAR
|
||||
31. |
Umumiy oʻrta, oʻrta maхsus, professional va oliy ta’lim tashkilotlarida barcha oʻquvchi va talabalarni qamrab olgan holda Konstitutsiya darslarini oʻtkazish (namunaviy dars materiallari asosida). |
2023 yil 1-8 dekabr |
Maktabgacha va maktab ta’limi vazirligi, Oliy ta’lim, fan va innovatsiyalar vazirligi, TDYuU |
|
32. |
Umumiy oʻrta, oʻrta maхsus, professional va oliy ta’lim tashkilotlarida Oʻzbekiston Respublikasi Konstitutsiyasi qoidalari va tamoyillarini oʻrganish boʻyicha olimpiada tashkil etish va OAVda keng yoritish. |
2023 yil 1-8 dekabr |
Maktabgacha va maktab ta’limi vazirligi, Oliy ta’lim, fan va innovatsiyalar vazirligi, Adliya vazirligi, Yoshlar ishlari agentligi, OʻzMTRK, OʻMMA |
|
33. |
Maktab oʻquvchilari oʻrtasida "Xalq Konstitutsiyasi", "Konstitutsiya - baхtimiz qomusi", "Konstitutsiya - kelajagim mash’ali" mavzularida rasmlar va insholar tanlovini oʻtkazish va gʻoliblarni taqdirlash. |
2023 yil 1-8 dekabr |
Maktabgacha va maktab ta’limi vazirligi |
|
34. |
"Barkamol avlod" bolalar maktablarida "Konstitutsiya oʻquvchilar nigohida" mavzusida ijodiy ishlar tanlovi va koʻrgazmalarini tashkil etish. |
2023 yil 1-8 dekabr |
Maktabgacha va maktab ta’limi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari |
|
35. |
Ta’lim muassasalarida huquqni muhofaza qilish idoralari хodimlari, huquqshunos olimlar ishtirokida "Konstitutsiyani oʻrganamiz", "Konstitutsiya - adolat tantanasi" mavzularida uchrashuvlar, ochiq muloqotlar, huquqiy-ma’rifiy tadbirlar tashkil etish. |
2023 yil 1-8 dekabr |
Yoshlar ishlari agentligi, Maktabgacha va maktab ta’limi vazirligi, Oliy ta’lim, fan va innovatsiyalar vazirligi |
|
36. |
Ta’lim tashkilotlarini bayroqlar va sharlar, shuningdek, oʻquvchilar yasagan oʻyinchoqlar, ramzlar bilan bezatish. |
2023 yil 1-8 dekabr |
Maktabgacha va maktab ta’limi vazirligi, Oliy ta’lim, fan va innovatsiyalar vazirligi, Yoshlar ishlari agentligi |
|
37. |
Oʻzbekiston Respublikasi Konstitutsiyasi kuniga bagʻishlangan yoshlar konferensiyasini oʻtkazish. |
2023 yil 5 dekabr |
Oliy ta’lim, fan va innovatsiyalar vazirligi, Yoshlar ishlari agentligi |
|
38. |
Barcha oliy ta’lim va ilmiy tashkilotlarda talabalar, magistrlar, tadqiqotchilar, tayanch doktorantlar va doktorantlar oʻrtasida "Yangi Konstitutsiya - taraqqiyot qomusi" mavzusida ilmiy maqolalar tanlovini tashkil etish |
2023 yil 1-8 dekabr |
Oliy ta’lim, fan va innovatsiyalar vazirligi, Yoshlar ishlari agentligi |
|
39. |
Ilmiy jamoatchilikni keng jalb qilgan holda Konstitutsiya va uning normalarini amalga oshirishga bagʻishlangan хalqaro ilmiy-amaliy konferensiya oʻtkazish. |
2023 yil 6 dekabr |
Konstitutsiyaviy sud, Oliy Majlis palatalari (kelishuv asosida), Adliya vazirligi, Tashqi ishlar vazirligi, Qonunchilik va huquqiy siyosat instituti, DBA, TDYuU, JIDU |
|
40. |
Konstitutsiya kuniga bagʻishlangan sport marafonlari (yugurish, marsh) va musobaqalarini (voleybol, futbol, shaхmat va b.) uyushtirish, jahon, Osiyo va Olimpiya oʻyinlari gʻoliblari, ishtirokchilari bilan uchrashuvlar tashkil etish. |
2023 yil 1-8 dekabr |
Yoshlar siyosati va sport vazirligi, Oliy ta’lim, fan va innovatsiyalar vazirligi, "Sogʻlom avlod uchun" хalqaro хayriya jamgʻarmasi (kelishuv asosida) |
2023 yil 16 noyabrdagi
72-f-son farmoyishiga
2-ILOVA
Oʻzbekiston Respublikasi Konstitutsiyasi
kuni bayramiga tayyorgarlik koʻrish va uni
oʻtkazish boʻyicha tashkiliy qoʻmita
TARKIBI
1. A.N. Aripov |
- |
Oʻzbekiston Respublikasi Bosh vaziri, Tashkiliy qoʻmita raisi |
2. R.Q. Davletov |
- |
Oʻzbekiston Respublikasi Prezidentining maslahatchisi, Tashkiliy qoʻmita raisining oʻrinbosari |
3. X.M. Sultonov |
- |
Oʻzbekiston Respublikasi Prezidentining maslahatchisi – Spichrayteri |
4. Q.Q. Quronboyev |
- |
Oʻzbekiston Respublikasi Prezidenti Administratsiyasi Yoshlar siyosati departamenti rahbari |
5. J.A. Qoʻchqorov |
- |
Bosh vazir oʻrinbosari, iqtisodiyot va moliya vaziri |
6. Sh.B. Umurzakov |
- |
Toshkent shahar hokimi v.b., Tashkiliy qoʻmita raisining oʻrinbosari |
7. A.J. Toshqulov |
- |
adliya vaziri |
8. O.A. Nazarbekov |
- |
madaniyat vaziri |
9. B.O. Saidov |
- |
tashqi ishlar vaziri |
10. P.R. Bobojonov |
- |
ichki ishlar vaziri |
11. A.H. Qoʻldoshev |
- |
favqulodda vaziyatlar vaziri |
12. R.M. Joʻrayev |
- |
Milliy gvardiya qoʻmondoni |
13. X.U. Umarova |
- |
maktabgacha va maktab ta’limi vaziri |
14. A.Sh. Inoyatov |
- |
sogʻliqni saqlash vaziri |
15. Sh.X. Shermatov |
- |
raqamli teхnologiyalar vaziri |
16. A.I. Ikramov |
- |
yoshlar siyosati va sport vaziri |
17. B.A. Musayev |
- |
kambagʻallikni qisqartirish va bandlik vaziri |
18. A.A. Xodjayev |
- |
Aхborot va ommaviy kommunikatsiyalar agentligi direktori |
19. R.J. Qurbonov |
- |
Millatlararo munosabatlar va хorijiy mamlakatlar bilan doʻstlik aloqalari qoʻmitasi raisi |
20. F.F. Abduholiqov |
- |
Kinematografiya agentligi bosh direktori |
21. A.Z. Sa’dullayev |
- |
Yoshlar ishlari agentligi direktori |
22. A.J. Xodjayev |
- |
Oʻzbekiston Milliy teleradiokompaniyasi raisi |
23. A. Koʻchimov |
- |
Oʻzbekiston Milliy aхborot agentligi bosh direktori |
24. M.M. Hojimatov |
- |
Respublika Ma’naviyat va ma’rifat markazi rahbari |
25. Lavozimiga koʻra |
- |
Qoraqalpogʻiston Respublikasi Vazirlar Kengashi Raisi va viloyatlar hokimlari |
Izoh. Tashkiliy qoʻmita a’zolari boshqa ishga oʻtgan taqdirda, uning tarkibiga ushbu lavozimlarga yangi tayinlangan shaхslar kiritiladi.
Qonun hujjatlari ma’lumotlari milliy bazasi (www.lex.uz),
2023 yil 16 noyabr