Yoshlar siyosati va sport vazirining 17.11.2023 y. 15-mh-son "Umumiy oʻrta ta’lim maktablari, akademik litsey va professional ta’lim muassasalari oʻquvchilaridan iborat sport jamoalari oʻrtasida (sport turlari boʻyicha) ushbu muassasalar, tuman (shahar)lar, viloyatlar va respublika darajasida ommaviy sport tadbirlarini oʻtkazish tartibi toʻgʻrisidagi nizomga oʻzgartirishlar kiritish haqida"gi Buyrugʻi (AV tomonidan 24.11.2023 y. 3065-4-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
24.11.2023 y.
N 3065-4
OʻZBEKISTON RESPUBLIKASI
YoShLAR SIYoSATI VA SPORT VAZIRINING
17.11.2023 y.
N 15-mh
BUYRUGʻI
Umumiy oʻrta ta’lim maktablari, akademik litsey
va professional ta’lim muassasalari oʻquvchilaridan
iborat sport jamoalari oʻrtasida (sport turlari boʻyicha)
ushbu muassasalar, tuman (shahar)lar, viloyatlar va respublika
darajasida ommaviy sport tadbirlarini oʻtkazish tartibi
toʻgʻrisidagi nizomga oʻzgartirishlar kiritish haqida
Oʻzbekiston Respublikasining "Jismoniy tarbiya va sport toʻgʻrisida"gi Qonuni hamda Oʻzbekiston Respublikasi Prezidentining 2022 yil 21 dekabrdagi PF-269-son "Yangi Oʻzbekiston ma’muriy islohotlarini amalga oshirish chora-tadbirlari toʻgʻrisida"gi Farmoniga muvofiq BUYuRAMAN:
1. Oʻzbekiston Respublikasi jismoniy tarbiya va sport vazirining 2018 yil 9 iyuldagi 10-mh-son buyrugʻi (roʻyхat raqami 3065, 2018 yil 5 sentyabr) (Qonun hujjatlari ma’lumotlari milliy bazasi, 05.09.2018 y., 10/18/3065/1849-son) bilan tasdiqlangan Umumiy oʻrta ta’lim maktablari, akademik litsey va professional ta’lim muassasalari oʻquvchilaridan iborat sport jamoalari oʻrtasida (sport turlari boʻyicha) ushbu muassasalar, tuman (shahar)lar, viloyatlar va respublika darajasida ommaviy sport tadbirlarini oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq Oʻzbekiston Respublikasi Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi bilan kelishilgan.
3. Mazkur buyruq rasmiy e’lon qilingan kundan e’tiboran kuchga kiradi.
Vazir A.I. Ikramov
ILOVA
Umumiy oʻrta ta’lim maktablari, akademik litsey
va professional ta’lim muassasalari oʻquvchilaridan
iborat sport jamoalari oʻrtasida (sport turlari boʻyicha)
ushbu muassasalar, tuman (shahar)lar, viloyatlar va respublika
darajasida ommaviy sport tadbirlarini oʻtkazish tartibi
toʻgʻrisidagi nizomga kiritilayotgan oʻzgartirishlar
1. Muqaddimadan "Oʻzbekiston Respublikasining "Jismoniy tarbiya va sport toʻgʻrisida"gi Qonuniga muvofiq" degan soʻzlar chiqarib tashlansin.
2. 1-bandning oltinchi хatboshisidan "hamda tegishli pasportga ega boʻlgan" degan soʻzlar chiqarib tashlansin.
3. 2-banddagi "Sportni rivojlantirish vazirligi, Oʻzbekiston Respublikasi Xalq ta’limi vazirligi, Oliy va oʻrta maхsus ta’lim vazirligi" va "oʻtkazish talablariga" degan soʻzlar tegishli ravishda "Yoshlar siyosati va sport vazirligi, Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi" va "oʻtkazish qoidalariga" degan soʻzlar bilan almashtirilsin.
Qonun hujjatlari ma’lumotlari milliy bazasi (www.lex.uz),
2023 yil 24 noyabr