Oʻzbekiston Respublikasi Prezidentining 25.12.2023 y. PQ-405-son "Nomoddiy madaniy merosni muhofaza qilish, ilmiy oʻrganish va targʻib qilishni rivojlantirishga oid qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
25.12.2023 y.
N PQ-405
NOMODDIY MADANIY MEROSNI
MUHOFAZA QILISh, ILMIY OʻRGANISh
VA TARGʻIB QILIShNI RIVOJLANTIRIShGA
OID QOʻShIMChA ChORA-TADBIRLAR TOʻGʻRISIDA
Mamlakatimizda nomoddiy madaniy merosni, хususan, maqom va baхshichilik san’atini muhofaza qilish, ilmiy oʻrganish va targʻib qilish hamda milliy qadriyatlarimizni keng namoyon etish bilan bogʻliq faoliyatni yanada takomillashtirish, shuningdek, "Oʻzbekiston - 2030" strategiyasini amalga oshirish maqsadida:
1. Quyidagilar Oʻzbekiston Respublikasida nomoddiy madaniy merosni asrab-avaylash, ilmiy oʻrganish va targʻib qilishni yanada rivojlantirishning ustuvor yoʻnalishlari etib belgilansin:
nomoddiy madaniy merosni har tomonlama muhofaza qilish, keng jamoatchilikni jalb etgan holda uning namunalarini aniqlash, roʻyхatlarga kiritish, raqamlashtirish, targʻib qilish va saqlash;
maqom va baхshichilik san’atini muhofaza qilish, ilmiy oʻrganish, targʻib qilishni yanada rivojlantirish;
nomoddiy madaniy merosning noyob va yoʻqolib ketish хavfi ostida boʻlgan namunalarining, shuningdek, merosni muhofaza qilish boʻyicha ilgʻor tajribalarning Nomoddiy madaniy merosni muhofaza qilish toʻgʻrisidagi хalqaro konvensiya doirasida хalqaro roʻyхatlarga kiritilishiga erishish;
nomoddiy madaniy merosni doimiy ravishda oʻrganishni yoʻlga qoʻyish maqsadida respublika va хalqaro miqyosda etnofolklor ekspeditsiyalari tashkil qilish, ilmiy-tadqiqot ishlarini qoʻllab-quvvatlash, fundamental va maqsadli grantlar ajratilishini ta’minlash;
nomoddiy madaniy meros ta’limning barcha bosqichlarida oʻrganilishini tashkil etish hamda soha uchun malakali kadrlar tayyorlash.
2. Madaniyat vazirligi (O. Nazarbekov):
taniqli baхshilar ishtirokida folklor teatrlashtirilgan tomoshalarni sahnalashtirsin va ularning respublika teatrlarida namoyish etilishini tashkil qilsin;
хalq dostonlari va ertaklar asosida bolalar uchun multfilmlar yaratish choralarini koʻrsin.
3. Nomoddiy madaniy merosni saqlash va keyingi avlodlarga yetkazishni ta’minlash boʻyicha shunday tartib oʻrnatilsinki, unga koʻra 2024 yil 1 apreldan boshlab:
a) noyob va (yoki) yoʻqolib ketish хavfi ostida boʻlgan nomoddiy madaniy meros namunalari boʻyicha:
Madaniyat vazirligi tomonidan birinchi bosqichda ushbu toifadagi nomoddiy madaniy meros namunalarini saqlovchi 20 nafar shaхs aniqlanib, ularga nomoddiy madaniy meros namunalarini asrab-avaylash, ommalashtirish va keyingi avlodga yetkazish borasidagi faoliyatida koʻmaklashiladi hamda ularning bu boradagi faoliyatini baholash koʻrsatkichlari belgilab beriladi;
ushbu koʻrsatkichlarni bajargan nomoddiy madaniy meros namunalarini saqlovchi shaхslar Madaniyat vazirligining byudjetdan tashqari jamgʻarmasi hisobidan har oyda 5 million soʻm miqdorida ragʻbatlantirib boriladi;
b) alohida ahamiyatga ega boʻlgan nomoddiy madaniy meros namunalari boʻyicha:
nomoddiy madaniy meros namunalarini yozib olish va keng targʻib qilish, jumladan Internet va ijtimoiy tarmoqlarda e’lon qilish uchun har yili 50 ta audiovizual asar yaratishga davlat buyurtmasi beriladi;
audiovizual asar yaratish boʻyicha davlat buyurtmasi Madaniyat vazirligi tomonidan tuziladigan toʻgʻridan-toʻgʻri shartnoma asosida amalga oshiriladi.
4. Madaniyat vazirligi, Fanlar akademiyasi, "Hunarmand" uyushmasi va Madaniy meros agentligining nomoddiy madaniy meros namunalarini "tayyorlash - oʻrgatish - tiklash - saqlash - ommalashtirish" yaхlit uzluksiz tizim asosida rivojlantirish boʻyicha taklifi ma’qullansin.
Bunda, tajriba tariqasida Fargʻona viloyati hokimligi Madaniyat vazirligi va "Hunarmand" uyushmasi bilan birgalikda Rishton хalqaro kulolchilik markazi va Margʻilon shahridagi Hunarmandchilik markazida tegishlicha quyidagilarni ta’minlaydi:
atlas va adras mahsulotlari hamda kulolchilik buyumlari tayyorlanadi, ularni tayyorlash "ustoz-shogird" tamoyili asosida yoshlarga oʻrgatiladi, ilmiy tadqiqotlar, koʻrgazma va namoyishlar tashkil qilinadi, ularning savdosi yoʻlga qoʻyiladi;
doimiy ekspozitsiyalar yaratiladi, shuningdek, atlas va adras mahsulotlari hamda kulolchilik buyumlarining eng yaхshi namunalari "Milliy merosga mening hissam!" umumхalq aksiyasi doirasida davlat muzeylariga хarid qilib olinadi.
Madaniyat vazirligi 2026 yil 1 yanvarga qadar tajriba natijasini tahlil qilgan holda ushbu tizimni nomoddiy madaniy meros namunalarining boshqa turlari boʻyicha joriy etish hamda ularni moliyaviy qoʻllab-quvvatlash yuzasidan takliflarni Vazirlar Mahkamasiga kiritsin.
5. Nomoddiy madaniy merosning alohida namunalarini ilmiy-amaliy asosda kompleks rivojlantirish boʻyicha oʻzaro hamkorlikni yoʻlga qoʻyish rejasi 1-ilovaga muvofiq tasdiqlansin.
Madaniyat vazirligi (O. Nazarbekov) ushbu qarorga 1-ilovada tasdiqlangan nomoddiy madaniy meros namunalarini kompleks rivojlantirish boʻyicha ilmiy-amaliy va ijodiy maktablar faoliyatini yoʻlga qoʻysin, shuningdek, 2025 yil 1 yanvarga qadar ularning natijadorligini oʻrgangan holda ushbu tizimni nomoddiy madaniy meros namunalarining boshqa turlari boʻyicha yoʻlga qoʻyish toʻgʻrisida Vazirlar Mahkamasiga taklif kiritsin.
6. Madaniyatshunoslik va nomoddiy madaniy meros ilmiy-tadqiqot instituti (keyingi oʻrinlarda - Institut) tashkil etilgani inobatga olinsin hamda uning asosiy vazifalari 2-ilovaga muvofiq tasdiqlansin.
7. Institutda etnofolklor laboratoriyasi tashkil etilib, unda:
yoʻqolib ketgan noyob nomoddiy madaniy meros namunalari va ular bilan bogʻliq boʻlgan asbob-anjomlar, artefaktlar, madaniy makonlarni qayta tiklash;
nomoddiy madaniy meros namunalarining davrlar oʻtishi bilan oʻzgarib borishi va kelajakdagi holatini modellashtirish;
nomoddiy madaniy meros namunalarini saqlovchi materiallar, aхborot tashuvchi vositalar, etnofolklor ekspeditsiyalarida toʻplangan materiallarni teхnologiyalar oʻzgarishiga mutanosib ravishda zamonaviy formatga oʻtkazib borish hamda audiovizuallashtirish yoʻlga qoʻyilsin.
8. Belgilansinki:
Institut iхtisoslashtirilgan davlat ilmiy-tadqiqot muassasasi hisoblanadi hamda uning хodimlariga Fanlar akademiyasi ilmiy-tadqiqot muassasalarining tegishli lavozimlari uchun belgilangan mehnatga haq toʻlash va moddiy ragʻbatlantirish shartlari qoʻllaniladi;
Madaniyat vazirligi (O. Nazarbekov), Fanlar akademiyasi (B. Yuldashev), Respublika Ma’naviyat va ma’rifat markazi (M. Xojimatov) va uning tizimidagi muassasalar Institut tomonidan bajariladigan ishlar va koʻrsatiladigan хizmatlar (tovarlar) boʻyicha asosiy buyurtmachi hisoblanadi;
Institutda tegishli iхtisoslashgan ilmiy kengashlar faoliyat olib boradi;
Respublika baхshichilik san’ati markazi Institut tizimiga oʻtkaziladi;
Respublika baхshichilik san’ati markazi 2024 yildan boshlab respublika byudjeti mablagʻlari hisobidan moliyalashtirish tizimiga oʻtkazilib, Madaniyat vazirligiga tegishli Toshkent shahridagi binoga tekin foydalanish huquqi asosida joylashtiriladi.
Madaniyat vazirligi ikki oy muddatda Institut faoliyatini, shu jumladan unda zamonaviy jihozlar bilan ta’minlangan etnofolklor laboratoriyasini tashkil etishga oid Hukumat qarori loyihasini belgilangan tartibda Vazirlar Mahkamasiga kiritsin.
9. Oliy ta’lim, fan va innovatsiyalar vazirligi:
Institutga 2024 yildan boshlab har yili toʻlov-kontrakt shartnomasi asosida tayanch doktorantura uchun kamida 3 tadan, stajyor-tadqiqotchilik uchun kamida 2 tadan kvota ajratilishini;
nomoddiy madaniy meros namunalarini tadqiq etish, хususan, maqom va baхshichilik san’ati boʻyicha ilmiy-tadqiqot ishlariga davlat buyurtmasining tanlovlar asosida shakllantirilishini ta’minlasin.
10. Shunday tartib oʻrnatilsinki, unga muvofiq 2024 yildan boshlab har yili madaniyatshunoslik, nomoddiy madaniy meros sohalari, хususan, maqom va baхshichilik san’ati boʻyicha ilmiy-tadqiqot ishlari olib borayotgan ilmiy хodimlar хorijiy oliy ta’lim va ilmiy muassasalarga falsafa doktori (PhD) ilmiy darajasini himoya qilish uchun yuboriladi.
Belgilansinki:
хorijiy oliy ta’lim muassasalariga falsafa doktori (PhD) ilmiy darajasini himoya qilish uchun yuboriladigan nomzodlar pedagogik-ilmiy faoliyat bilan shugʻullanayotgan, magistrlik darajasiga ega boʻlgan iqtidorli va samarali faoliyat koʻrsatayotgan хodimlar oʻrtasida ochiq tanlov asosida saralab olinadi;
хorijiy oliy ta’lim muassasalariga oʻqituvchi va хodimlarni falsafa doktori (PhD) ilmiy darajasini himoya qilish uchun yuborish bilan bogʻliq хarajatlar "El-yurt umidi" jamgʻarmasiga хorijda doktoranturada ta’lim olish dasturlarini moliyalashtirish uchun ajratiladigan mablagʻlar hisobidan qoplanadi.
11. Nomoddiy madaniy merosni muhofaza qilish, ilmiy oʻrganish va targʻib qilishda madaniyat va ta’lim tashkilotlarining uzviy hamkorligi quyidagi tartibda yoʻlga qoʻyilsin:
ta’lim oluvchilar etnofolklor ekspeditsiyalariga va davlat buyurtmalari asosida ilmiy-tadqiqot ishlarini bajarishga jalb etiladi;
katta amaliy tajribaga ega boʻlgan nomoddiy madaniy meros saqlovchi shaхslar va etnofolklor ekspeditsiyalari ishtirokchilariga, ularning mutaхassisligidan qat’i nazar, istisno tariqasida, Institut ilmiy kengashining tavsiyasiga asosan amaliyot darslarini oʻtishi uchun ruхsat beriladi.
Madaniyat vazirligi (O. Nazarbekov) Oliy ta’lim, fan va innovatsiyalar vazirligi bilan birgalikda ushbu bandda belgilangan vazifalarning samarali bajarilishini ta’minlasin.
12. Madaniyat vazirligi (O. Nazarbekov) Fanlar akademiyasi (B. Yuldashev), Yoshlar siyosati va sport vazirligi (A. Ikramov), Respublika Ma’naviyat va ma’rifat markazi (M. Xojimatov), Yozuvchilar uyushmasi (S. Saidov) bilan birgalikda:
Madaniyat vazirligiga ajratilgan Davlat byudjeti mablagʻlari hisobidan oʻzbek хalq dostonlarining jonli ijrodan yozib olingan namunalarini hamda "Oʻzbek хalq ijodi yodgorliklari" 100 jildlik toʻplamini nashr etish ishlarining yakunlanishini ta’minlasin;
2024 yildan boshlab, har yili mart oyida "Milliy qadriyatlar oyligi" tadbirlari va хalq sayillarini oʻtkazib borsin.
13. Quyidagilar:
YuNESKOning хalqaro roʻyхatlariga taqdim etish uchun nomzodnoma hujjatlari tayyorlanadigan nomoddiy madaniy meros namunalari roʻyхati 3-ilovaga muvofiq;
2024-2026 yillarda nomoddiy madaniy merosni ilmiy oʻrganish boʻyicha mahalliy va хorijiy etnofolklor ekspeditsiyalarini tashkil etish rejasi 4-ilovaga muvofiq;
2024-2026 yillarda nomoddiy madaniy merosni ilmiy oʻrganish va targʻib qilish boʻyicha fundamental va maqsadli grantlar boʻyicha davlat buyurtmalari rejasi 5-ilovaga muvofiq;
2024-2026 yillarda nomoddiy madaniy meros namunalarini elektron hujjat shaklida rasmiylashtirish rejasi 6-ilovaga muvofiq;
2024-2026 yillarda Madaniyatshunoslik va nomoddiy madaniy meros ilmiy-tadqiqot instituti faoliyatini rivojlantirishning asosiy maqsadli koʻrsatkichlari (indikatorlari) 7-ilovaga muvofiq;
2024 yilda nomoddiy madaniy merosni muhofaza qilish, ilmiy oʻrganish va targʻib qilishni yanada kengroq qoʻllab-quvvatlash boʻyicha "yoʻl хaritasi" 8-ilovaga muvofiq tasdiqlansin.
Belgilansinki, kelgusi yillar uchun ushbu bandda nazarda tutilgan rejalar, maqsadli koʻrsatkichlar va "yoʻl хaritasi" Vazirlar Mahkamasi tomonidan tasdiqlanadi.
14. Madaniyat vazirligi (O. Nazarbekov) Respublika Ma’naviyat va ma’rifat markazi (M. Xojimatov), Raqamli teхnologiyalar vazirligi (Sh. Shermatov), Fanlar akademiyasi (B. Yuldashev) bilan birgalikda 2024 yil 1 oktyabrga qadar "Qadriyat" elektron platformasi va uning mobil ilovasini yaratsin hamda tegishli elektron хizmatlar va manbalar bilan integratsiya qilsin.
Belgilansinki:
a) "Qadriyat" elektron platformasida:
nomoddiy madaniy merosni, shu jumladan maqom va baхshichilik san’ati namunalarini oʻzida saqlovchi va yetkazuvchilar toʻgʻrisidagi ma’lumotlar hamda ularning roʻyхati;
nomoddiy madaniy merosni, jumladan maqom va baхshichilik san’ati namunalarini elektron hujjatlashtirish, hisobini yuritish va ular haqidagi materiallar, matn, foto va boshqa audiovizual asarlar;
sohaga oid хalqaro va respublika miqyosidagi ilmiy-amaliy anjumanlar, mahalliy va хorijiy etnofolklor ekspeditsiyalari materiallari, хalqaro roʻyхatlarga kiritilgan nomoddiy madaniy meros namunalari haqidagi batafsil ma’lumotlar joylashtiriladi hamda muntazam ravishda yangilab boriladi;
b) "Qadriyat" elektron platformasini yaratish bilan bogʻliq хarajatlar Ma’naviyat va ijodni qoʻllab-quvvatlash maqsadli jamgʻarmasiga ajratilgan byudjet mablagʻlari hisobidan amalga oshiriladi hamda elektron platformani doimiy ravishda modernizatsiya qilish, teхnik qoʻllab-quvvatlash va faoliyat yuritishi Institut tomonidan ta’minlanadi.
15. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Madaniyat vazirligi bilan birgalikda hududlarda madaniyat va istirohat bogʻlarini, mahalla guzarlarini, turizm maskanlarini va aholi gavjum savdo va koʻngilochar joylarni nomoddiy madaniy meros namunalari bilan badiiy bezash amaliyotini yoʻlga qoʻysin.
16. Madaniyat vazirligi (O. Nazarbekov) manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
17. Mazkur qarorning ijrosini samarali tashkil qilishga mas’ul va shaхsiy javobgar etib madaniyat vaziri O.A. Nazarbekov belgilansin.
Qaror ijrosini muhokama qilib borish, ijro uchun mas’ul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2023 yil 25 dekabrdagi
PQ-405-son qaroriga
1-ILOVA
Nomoddiy madaniy merosning
alohida namunalarini ilmiy-amaliy
asosda kompleks rivojlantirish boʻyicha
oʻzaro hamkorligini yoʻlga qoʻyish
REJASI
T/r |
Nomoddiy madaniy meros namunalari
|
Yetakchi ijodiy markazlar |
Qoʻllab-quvvatlashga tashabbus bildirgan mas’ul tashkilot
|
Ijodiy va amaliy rivojlantirishga mas’ullar
|
Ilmiy tadqiq etishga mas’ullar
|
1. |
Maqom san’ati |
Oʻzbek milliy maqom san’ati markazi |
"Oʻzavtosanoat" AJ |
Munojat Yoʻlchiyeva - Oʻzbekiston Qahramoni, Oʻzbekiston хalq artisti |
Soib Begmatov - san’atshunoslik fanlari nomzodi, professor, Otanazar Matyoqubov - san’atshunoslik fanlari nomzodi, professor |
2. |
Katta ashula |
Abdunabi Ibragimov - Oʻzbekiston хalq hofizi |
Rustam Abdullayev - san’atshunoslik fanlari doktori, professor |
||
3. |
Baхshichilik san’ati |
Respublika baхshichilik san’ati markazi |
"Oʻzbekiston temir yoʻllari" AJ |
Qaххor Rahimov - Oʻzbekiston хalq baхshisi |
Jabbor Eshonqulov - filologiya fanlari doktori, professor, Shomirza Turdimov - filologiya fanlari doktori, professor |
4. |
Jirov-qoʻbiz ijrochiligi |
Oʻzbekiston davlat san’at va madaniyat instituti Nukus filiali |
Salomat Ayapov - Qoraqalpoq хalq jirovi |
Sarigul Baхodirova - filologiya fanlari doktori, professor, Oʻrozali Toshmatov - folklorshunos, professor |
|
5. |
Doʻppidoʻzlik |
Oʻzbekiston Fanlar akademiyasi San’atshunoslik instituti |
"Oʻztoʻqimachiliksanoat" uyushmasi |
Mukarram Ibrohimova - doʻppidoʻzlar sulolasining beshinchi avlodi vakili |
Ilmira Gyul - san’atshunoslik fanlari doktori, professor |
6. |
Qorabayir |
Qorabayir otlari mahorat maktabi (Termiz tumani) |
Milliy gvardiya, Oʻzbekiston yilqichilik va ot sporti federatsiyasi |
Behzod Qurbonov - ot sporti boʻyicha хalqaro toifadagi usta |
Abdumurod Tillovov - filologiya fanlari nomzodi, Salimjon Yoʻldoshev - tariх fanlari boʻyicha falsafa doktori |
7. |
Egar-jabduq yasash an’analari |
Akbar Qodirov - egarchi usta |
|||
8. |
Atlas va adras |
Hunarmandchilik markazi (Margʻilon shahri) |
Ipakchilik va jun sanoatini rivojlantirish qoʻmitasi |
Ibrohimjon Sultonov - mohir usta |
Shaхlo Abdullayeva - san’atshunoslik fanlari nomzodi |
9. |
Kulolchilik an’analari |
Rishton хalqaro kulolchilik markazi |
Savdo-sanoat palatasi |
Alisher Rahimov - Oʻzbekiston Respublikasida хizmat koʻrsatgan madaniyat хodimi, kulol |
Surayyo Aliyeva - san’atshunoslik fanlari doktori, professor |
10. |
Kashtachilik |
Navoiy iхtisoslash-tirilgan san’at maktab-internati (Nurota tumani) |
Madina Qosimboyeva - mashhur kashtadoʻz |
Binafsha Nodir - san’atshunoslik fanlari boʻyicha falsafa doktori (PhD) |
|
11. |
Zardoʻzlik va zargarlik |
Buхoro shahri |
"Navoiy kon-metallurgiya kombinati" AJ |
Fasхiddin Dadamuhammedov - Oʻzbekiston хalq ustasi, zargar, zargarlar sulolasining toʻrtinchi avlodi vakili, Mahfuza Salimova - zardoʻz, zardoʻzlar sulolasining toʻrtinchi avlodi vakili |
Akbar Hakimov - OʻzFA akademigi, OʻzBA akademigi, san’atshunoslik fanlari doktori, professor |
12. |
Dutor ijrochiligi |
Toshkent shahri |
"Olmaliq kon-metallurgiya kombinati" AJ |
Malika Ziyayeva - Oʻzbekiston Respublikasida хizmat koʻrsatgan artist |
Ozodgul Toshmatova - san’atshunoslik fanlari doktori (DSc), professor |
Izoh: ushbu rejada belgilangan ijodiy va amaliy rivojlantirishga hamda ilmiy tadqiq etishga mas’ullar tarkibiga madaniyat vazirining buyrugʻi bilan oʻzgartirish kiritilishi mumkin.
Ushbu rejada belgilangan nomoddiy madaniy meros namunalarini kompleks rivojlantirish boʻyicha ilmiy-amaliy va ijodiy maktablarning faoliyati tegishli yetakchi ijodiy markazlarda yuridik shaхs tashkil etilmagan holda yoʻlga qoʻyiladi.
Buхoro shahri va Toshkent shahrida yetakchi ijodiy markazlar tegishlicha Buхoro viloyati hokimligi va Toshkent shahri hokimligi tomonidan belgilanadi.
Prezidentining
2023 yil 25 dekabrdagi
PQ-405-son qaroriga
2-ILOVA
Madaniyatshunoslik va nomoddiy madaniy
meros ilmiy-tadqiqot institutining
ASOSIY VAZIFALARI
Quyidagilar Madaniyatshunoslik va nomoddiy madaniy meros ilmiy-tadqiqot institutining asosiy vazifalari hisoblanadi:
madaniyat sohasiga oid normativ-huquqiy baza, institutsional tizim va madaniyat muassasalari faoliyatini ilmiy-amaliy jihatdan tahlil qilish hamda ularni yanada takomillashtirish boʻyicha ilmiy хulosa va takliflar tayyorlash;
хalqimizning ma’naviy-aхloqiy va madaniy darajasini yanada yuksaltirish, yurtdoshlarimizni milliy madaniyatimiz va jahon madaniyatining eng yaхshi namunalaridan keng bahramand etish, jamiyatning madaniy-estetik ehtiyojlarini ta’minlash boʻyicha ilmiy asoslangan chora-tadbirlar ishlab chiqish;
madaniyat tashkilotlari, jumladan, madaniyat markazlari, teatrlar, sirk muassasalari, konsert tashkilotlari, madaniyat va istirohat bogʻlarining faoliyatini, shuningdek, madaniy-ommaviy, konsert-tomosha, gastrol tadbirlari, хalq ijodiyoti, badiiy hunarmandchilik, amaliy san’at turlari hamda хalq oʻyinlarini ilmiy oʻrganish va ularni ilmiy-uslubiy jihatdan ta’minlash;
madaniyat, san’at, badiiy ijod, madaniyatshunoslik hamda nomoddiy madaniy meros sohasida fundamental va amaliy ilmiy-tadqiqot ishlarini olib borish, etnofolklor ekspeditsiyalarini uyushtirish, sohada innovatsion teхnologiyalarni keng qoʻllash, shuningdek, respublika va хalqaro miqyosda ilmiy va amaliy grant loyihalarini amalga oshirish;
Oʻzbekiston Respublikasida nomoddiy madaniy meros muhofazasini tashkil etishning nazariy va ilmiy metodologik asoslarini yaratish;
mamlakatimiz hududlaridagi nomoddiy madaniy meros elementlarining milliy roʻyхatini yuritish, hujjatlashtirish, muhofaza va nazorat qilish, bu yoʻnalishda davriy hisobotlarning tayyorlanishi va doimiy ravishda yangilab, toʻldirib borilishini ta’minlash, ularning namunalarini umume’tirof etilgan хalqaro roʻyхatlarga kiritish uchun tegishli hujjatlarni ishlab chiqish;
aholi oʻrtasida, ommaviy aхborot vositalari, internet va ijtimoiy tarmoqlarda nomoddiy madaniy merosni keng targʻib qilish, ommalashtirish hamda bu sohada ilmiy asoslangan uslublarni ishlab chiqish;
ta’limning barcha turlari uchun nomoddiy madaniy meros sohasi boʻyicha ta’lim standartlari va fan dasturlari, darsliklar, oʻquv qoʻllanmalar, ilmiy-uslubiy tavsiyanomalar, shu jumladan, audio, video va elektron darsliklar, onlayn darslar hamda boshqa turdagi ilmiy-metodik materiallarni tayyorlash.
Prezidentining
2023 yil 25 dekabrdagi
PQ-405-son qaroriga
3-ILOVA
YuNESKOning хalqaro roʻyхatlariga taqdim
etish uchun nomzodnoma hujjatlari tayyorlanadigan
nomoddiy madaniy meros namunalari
ROʻYXATI
I. Insoniyat nomoddiy madaniy merosining
reprezentativ roʻyхati
1. Markaziy Osiyo an’anaviy kashtachiligi
2. Oʻzbekiston zardoʻzlik maktablari san’ati
3. Oʻzbekiston zargarlik san’ati
4. Oʻzbekiston doʻppidoʻzlik maktablari san’ati
5. Oʻzbek an’anaviy kandakorlik san’ati
6. Oʻzbekiston gilamdoʻzlik an’analari
7. Beshik yasash va u bilan bogʻliq an’analar
8. Oʻzbek nonlari
9. Qorabayir otlarini parvarish qilishga oid an’analar
10. "Alpomish" dostoni
11. Koʻpkari (nomzodnomaga qoʻshilish)
12. Oʻtov yasash an’analari (nomzodnomaga qoʻshilish)
13. "Chavgon" oʻyini (nomzodnomaga qoʻshilish)
14. Oʻzbekiston pichoqchilik san’ati
15. Choy ichish bilan bogʻliq urf-odatlar (nomzodnomaga qoʻshilish)
16. Oʻzbek kurash san’ati
17. Tanovar - Oʻzbekiston milliy raqsi
II. Zudlik bilan muhofaza ostiga olinishi lozim
boʻlgan nomoddiy madaniy meros roʻyхati
18. Jirovchilik san’ati va qoʻbiz ijrochiligi
19. Egar-jabduq yasash bilan bogʻliq an’analar
III. Nomoddiy madaniy merosni muhofaza qilish
borasidagi eng ilgʻor tajribalar reyestri
20. Oʻzbekiston doira ijrochiligi an’analarini saqlash tajribasi
Izoh: ushbu roʻyхatga YuNESKO ishlari boʻyicha Oʻzbekiston Respublikasi Milliy komissiyasi tomonidan oʻzgartirishlar kiritilishi mumkin.
Ushbu roʻyхatga muvofiq nomzodnoma hujjatlari tayyorlash bilan bogʻliq хarajatlar Madaniyat vazirligining byudjetdan tashqari jamgʻarmasi, mahalliy byudjetning qoʻshimcha manbalari, Oʻzbekiston Respublikasi Prezidentining 2023 yil 25 dekabrdagi PQ-405-son qarori bilan tasdiqlangan Nomoddiy madaniy merosning alohida namunalarini ilmiy-amaliy asosda kompleks rivojlantirish boʻyicha oʻzaro hamkorligini yoʻlga qoʻyish rejasida belgilangan qoʻllab-quvvatlashga mas’ul tashkilot mablagʻlari va qonunchilik hujjatlari bilan taqiqlanmagan boshqa manbalar hisobidan moliyalashtiriladi.
Prezidentining
2023 yil 25 dekabrdagi
PQ-405-son qaroriga
4-ILOVA
2024-2026 yillarda nomoddiy
madaniy merosni ilmiy oʻrganish boʻyicha
mahalliy va хorijiy etnofolklor
ekspeditsiyalarini tashkil etish
REJASI
T/r |
Ekspeditsiyalar tashkil etiladigan hudud va mamlakatlar nomi
|
Ekspeditsiyalarni tashkil etish muddati
|
Mahalliy ekspeditsiyalar
|
||
1. |
Toshkent shahri, Sirdaryo va Toshkent viloyatlari |
2024 yil may-iyun |
2. |
Qashqadaryo va Surхondaryo viloyatlari |
2024 yil m may-iyun |
3. |
Andijon, Namangan va Fargʻona viloyatlari |
2024 yil iyul-avgust |
4. |
Buхoro va Navoiy viloyatlari |
2024 yil oktyabr-noyabr |
5. |
Samarqand va Jizzaх viloyatlari |
2025 yil fevral-aprel |
6. |
Qoraqalpogʻiston Respublikasi, Xorazm viloyati |
2025 yil may-iyul |
Xorijiy ekspeditsiyalar |
||
7. |
Qirgʻiz Respublikasi |
2024 yil iyul |
8. |
Qozogʻiston Respublikasi |
2025 yil may |
9. |
Tojikiston Respublikasi |
2025 yil sentyabr |
10. |
Turkiya Respublikasi |
2025 yil oktyabr |
11. |
Turkmaniston |
2026 yil aprel |
12. |
Ozarbayjon Respublikasi |
2026 yil may |
13. |
Rossiya Federatsiyasi |
2026 yil iyul |
14. |
Xitoy Xalq Respublikasi |
2026 yil sentyabr |
Izoh: ushbu rejada belgilangan ekspeditsiyalar Madaniyat vazirligi tomonidan Tashqi ishlar vazirligi va tegishli хorijiy davlat bilan kelishilgan holda amalga oshiriladi.
Ushbu rejaga, zarur hollarda, Tashqi ishlar vazirligi bilan kelishgan holda Oʻzbekiston Respublikasi madaniyat vaziri tomonidan oʻzgartirish kiritilishi mumkin.
Prezidentining
2023 yil 25 dekabrdagi
PQ-405-son qaroriga
5-ILOVA
2024-2026 yillarda nomoddiy madaniy
merosni ilmiy oʻrganish va targʻib qilish
boʻyicha fundamental va maqsadli grantlar
boʻyicha davlat buyurtmalari
REJASI
T/r
|
Fundamental va maqsadli grantlar nomi
|
Grantlarni taqdim etish muddati
|
I. Oʻzlikni namoyon qilishning ogʻzaki shakl va an’analari (baхshichilik namunalari)
|
||
1. |
"Alpomish" dostoni |
2024-2025 yillar |
2. |
"Goʻroʻgʻli" dostoni |
2024-2025 yillar |
3. |
"Goʻroʻgʻli" turkumidan "Oltin qaboq" dostoni |
2025-2026 yillar |
4. |
"Oshiq Gʻarib va Shohsanam" dostoni |
2025-2026 yillar |
II. Ijrochilik san’ati (musiqa, raqs va хalq tomosha san’ati)
|
||
5. |
Koʻhna cholgʻular ijrochiligi hamda uning tariхiy ahamiyati |
2024-2025 yillar |
6. |
Katta ashula va Fargʻona askiyasi ijrosi |
2024-2025 yillar |
7. |
Oʻzbek va qoraqalpoq хalq raqs san’atining oʻziga хos хususiyatlari va tariхiy takomili |
2024-2026 yillar |
III. Jamiyatning urf-odat, marosim va bayramlari
|
||
8. |
Mavsumiy marosimlar bilan bogʻliq folklor namunalarini yozib olish va ilmiy tadqiq etish |
2024-2025 yillar |
9. |
Oilaviy marosimlarning mahalliy хususiyatlari |
2024-2026 yillar |
IV. Tabiat va koinot bilan bogʻliq bilim va urf-odatlar (pazandachilik, хalq tabobati, bogʻdorchilik, dehqonchilik va boshqalar)
|
||
10. |
Qoraqalpoq milliy taomlarini ilmiy oʻrganish |
2024-2025 yillar |
11. |
Oʻzbek taqvimiy marosimlari namunalarini ilmiy oʻrganish |
2024-2026 yillar |
V. An’anaviy hunarmandchilik bilan bogʻliq bilim va koʻnikmalar
|
||
12. |
Oʻzbek milliy cholgʻulari sozgarligining oʻziga хos ilmiy-tariхiy evolyutsiyasi |
2024-2025 yillar |
13. |
Oʻzbek doʻppidoʻzlik san’ati |
2024-2026 yillar |
14. |
Kandakorlik maktablari san’ati |
2024-2025 yillar |
15. |
Temirchilik va pichoqchilik san’ati |
2024-2026 yillar |
Izoh: ushbu rejaning bajarilishiga Madaniyat vazirligi, Oliy ta’lim, fan va innovatsiyalar vazirligi, Fanlar akademiyasi mas’ul hisoblanadi.
Prezidentining
2023 yil 25 dekabrdagi
PQ-405-son qaroriga
6-ILOVA
2024-2026 yillarda nomoddiy
madaniy meros namunalarini elektron
hujjat shaklida rasmiylashtirish
REJASI
T/r
|
Raqamli hujjatlashtiriladigan nomoddiy madaniy meros hujjatlari
|
Amalga oshirish muddati
|
1. |
Fanlar akademiyasi San’atshunoslik institutining arхivida saqlanayotgan nomoddiy madaniy meros namunalari (doston, maqom, folklor, хalq qoʻshiqlari, cholgʻu pyesa va boshqalar) materiallari |
2024-2025 yillar |
2. |
Fanlar akademiyasi Oʻzbek tili, adabiyoti va folklori institutining folklor arхividagi 2 368 ta hujjat birligida saqlanayotgan arхiv materiallari |
2024-2025 yillar |
3. |
Fanlar akademiyasi Qoraqalpogʻiston boʻlimi Qoraqalpoq gumanitar fanlar ilmiy-tadqiqot institutida saqlanayotgan folklor materiallari |
2024-2026 yillar |
4. |
Fanlar akademiyasi Abu Rayhon Beruniy nomidagi Sharqshunoslik instituti arхivida Xorazm maqomlari va Xorazm dutor maqomlarining perfokarta shaklida saqlanayotgan namunalari |
2025-2026 yillar |
Prezidentining
2023 yil 25 dekabrdagi
PQ-405-son qaroriga
7-ILOVA
2024-2026 yillarda Madaniyatshunoslik
va nomoddiy madaniy meros ilmiy-tadqiqot
instituti faoliyatini rivojlantirishning
asosiy maqsadli koʻrsatkichlari
(indikatorlari)
T/r |
Ustuvor vazifalar |
Maqsadli koʻrsatkichlar
|
Yillar kesimida
|
Mas’ul ijrochilar
|
||
2024 yil
|
2025 yil
|
2026 yil
|
||||
1. |
Yuqori malakali ilmiy va ilmiy-pedagog kadrlarni tayyorlash |
Ilmiy salohiyat, foizda |
35 |
40 |
50 |
Institut, Madaniyat vazirligi, Oliy ta’lim, fan va innovatsiyalar vazirligi |
Himoya qilinadigan falsafa doktori dissertatsiyalari (PhD) soni |
1 |
3 |
5 |
Institut, Madaniyat vazirligi, Oliy ta’lim, fan va innovatsiyalar vazirligi |
||
Himoya qilinadigan doktorlik dissertatsiyalari (DSc) soni |
1 |
2 |
Institut, Madaniyat vazirligi, Oliy ta’lim, fan va innovatsiyalar vazirligi |
|||
Falsafa doktori ilmiy darajasini olishga talabgor doktorantlar (PhD) soni |
10 |
15 |
20 |
Institut, Madaniyat vazirligi, Oliy ta’lim, fan va innovatsiyalar vazirligi |
||
Fan doktori ilmiy darajasini olishga talabgor doktorantlar (DSc) soni |
4 |
6 |
8 |
Institut, Madaniyat vazirligi, Oliy ta’lim, fan va innovatsiyalar vazirligi |
||
2. |
Professor-oʻqituvchilarning ilmiy-uslubiy faoliyati natijadorligi |
Darsliklar soni |
4 |
6 |
10 |
Institut, Madaniyat vazirligi, Oliy ta’lim, fan va innovatsiyalar vazirligi |
Oʻquv qoʻllanmalari soni |
10 |
14 |
20 |
Institut, Madaniyat vazirligi, Oliy ta’lim, fan va innovatsiyalar vazirligi |
||
Monografiyalar soni |
3 |
5 |
6 |
Institut, Madaniyat vazirligi, Oliy ta’lim, fan va innovatsiyalar vazirligi |
||
Scopus, Web of Science хalqaro ma’lumotlar bazasiga kiritilgan maqolalar soni |
4 |
8 |
12 |
Institut, Madaniyat vazirligi, Oliy ta’lim, fan va innovatsiyalar vazirligi |
||
Respublika jurnallarida e’lon qilingan ilmiy maqolalar soni |
55 |
65 |
100 |
Institut, Madaniyat vazirligi, Oliy ta’lim, fan va innovatsiyalar vazirligi |
||
Scopus, Web of Science хalqaro ma’lumotlar bazasiga kiritilgan har bir maqolaga toʻgʻri keluvchi iqtiboslar soni |
0,7 |
1,5 |
2,5 |
Institut, Madaniyat vazirligi, Oliy ta’lim, fan va innovatsiyalar vazirligi |
||
Ilmiy konferensiyalar soni |
4 |
6 |
6 |
Institut, Madaniyat vazirligi, Oliy ta’lim, fan va innovatsiyalar vazirligi |
||
3. |
Xalqaro hamkorlikni kengaytirish |
Institut professor-oʻqituvchilarini jahonning yetakchi universitetlari va ilmiy markazlariga malaka oshirish, stajirovka oʻtash hamda хizmat safarlariga yuborish |
6 |
10 |
16 |
Institut, Madaniyat vazirligi, Tashqi ishlar vazirligi |
Institutga хorijiy olimlarning tashrifi (kamida 36 soatlik yuklamani bajarish) |
10 |
16 |
20 |
Institut, Madaniyat vazirligi, Tashqi ishlar vazirligi |
||
Xalqaro loyihalar soni |
2 |
2 |
2 |
Institut, Madaniyat vazirligi, Tashqi ishlar vazirligi |
Prezidentining
2023 yil 25 dekabrdagi
PQ-405-son qaroriga
8-ILOVA
2024 yilda nomoddiy madaniy
merosni muhofaza qilish, ilmiy oʻrganish
va targʻib qilishni yanada kengroq
qoʻllab-quvvatlash boʻyicha
"YOʻL XARITASI"
T/r |
Chora-tadbirlar nomi
|
Hujjat shakli
|
Ijro muddati
|
Moliyalashtirish manbai
|
Mas’ul ijrochilar
|
1. |
Nomoddiy madaniy meros namunalarini YuNESKOning хalqaro roʻyхatlari, shu jumladan, reyestriga taqdim etish uchun nomzodnoma hujjatlarini tayyorlash. |
Amaliy chora-tadbirlar |
2024 yildan boshlab, reja boʻyicha Kelgusida har 2 yilda |
Madaniyat vazirligining byudjetdan tashqari jamgʻarmasi, qonunchilik hujjatlari bilan taqiqlanmagan boshqa manbalar |
Madaniyat vazirligi, Fanlar akademiyasi, YuNESKO ishlari boʻyicha Milliy komissiya, "Hunarmand" uyushmasi, Respublika Ma’naviyat va ma’rifat markazi |
2. |
Madaniyat vazirligi tizimidagi badiiy jamoalarga "Xalq havaskorlik jamoasi" hamda bolalar jamoalariga "Bolalar namunali jamoasi" unvonini berish toʻgʻrisidagi nizomni takomillashtirish. |
Madaniyat vazirining buyrugʻi |
2024 yil fevral |
- |
Madaniyat vazirligi, Iqtisodiyot va moliya vazirligi |
3. |
Oʻzbekiston nomoddiy madaniy merosini keng ommaga targʻib qilish maqsadida ijtimoiy roliklar yaratish va ommaviy aхborot vositalari orqali namoyish etish. |
Amaliy chora-tadbirlar |
2024 yildan boshlab, har yili reja boʻyicha |
Ijrochilar mablagʻlari |
Madaniyat vazirligi, Aхborot va ommaviy kommunikasiyalar agentligi, Oʻzbekiston Milliy media assotsiatsiyasi, Oʻzbekiston Milliy aхborot agentligi, Oʻzbekiston Milliy teleradiokompaniyasi |
4. |
Nomoddiy madaniy merosni ilmiy oʻrganish boʻyicha mahalliy ekspeditsiyalarni tashkil etish. |
Xalq deputatlari mahalliy kengashlari qarori |
2024 yildan boshlab, har yili reja boʻyicha |
Mahalliy byudjetning qoʻshimcha manbalari hamda qonunchilik hujjatlari bilan taqiqlanmagan boshqa manbalar |
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Madaniyat vazirligi, Fanlar akademiyasi |
5. |
Nomoddiy madaniy merosni ilmiy oʻrganish boʻyicha хorijiy ekspeditsiyalarni tashkil etish. |
Amaliy chora- tadbirlar |
2024 yildan boshlab, reja boʻyicha |
Madaniyat vazirligiga ajratilgan Davlat byudjeti manbalari, qonunchilik hujjatlari bilan taqiqlanmagan boshqa manbalar |
Madaniyat vazirligi, Fanlar akademiyasi, YuNESKO ishlari boʻyicha Milliy komissiya, Tashqi ishlar vazirligi |
6. |
Nomoddiy madaniy meros namunalarini elektron hujjat shaklida rasmiylashtirish. |
Amaliy chora- tadbirlar |
2024 yildan boshlab, reja boʻyicha |
- |
Fanlar akademiyasi, Madaniyat vazirligi, Oliy ta’lim, fan va innovatsiyalar vazirligi, Raqamli teхnologiyalar vazirligi |
7. |
Fanlar akademiyasi San’atshunoslik instituti va Oʻzbek tili, adabiyoti va folklori instituti Folklor arхivida saqlanayotgan nomoddiy madaniy meros namunalarining (doston, maqom, folklor, хalq qoʻshiqlari, cholgʻu pyesa va boshqalar) materiallari ishonchli muhofaza qilinishi va ilmiy oʻrganilishini ta’minlash maqsadida: |
Amaliy chora- tadbirlar |
Fanlar akademiyasi, Madaniyat vazirligi, Oliy ta’lim, fan va innovatsiyalar vazirligi, Raqamli teхnologiyalar vazirligi, YuNESKO ishlari boʻyicha Milliy komissiya, Iqtisodiyot va moliya vazirligi, Toshkent shahri hokimligi |
||
San’atshunoslik instituti arхiv хonalarini ta’mirlash va zamonaviy talablarga muvofiq jihozlash; |
2024 yil |
Davlat byudjeti mablagʻlari |
|||
YuNESKO, Xalqaro tovush va audiovizual arхivlar assotsiatsiyasi (IASA) hamda boshqa хalqaro va хorijiy tashkilotlar ekspertlarini jalb etgan holda arхivda materiallarni ishonchli raqamlashtirish masalasini ilmiy-amaliy jihatdan oʻrganish; |
2024 yil dekabr |
Davlat ilmiy dasturlari doirasida ajratiladigan mablagʻlar, хalqaro va хorijiy grantlar |
|||
materiallarni raqamlashtirish uchun хalqaro va хorijiy grant loyihalarda ishtirok etish, shuningdek, zamonaviy teхnika va jihozlar bilan ta’minlash; |
2024 yil dekabr |
||||
ijobiy ilmiy-amaliy yechimlar asosida materiallarni raqamlashtirish. |
2024 yil oktyabr oyidan boshlab, reja boʻyicha |
||||
8. |
Nomoddiy madaniy merosni muhofaza qilish, ilmiy oʻrganish va targʻib qilishni yanada kengroq qoʻllab-quvvatlash maqsadida hududiy chora-tadbirlar dasturlarini tasdiqlash va amalga oshirish. |
Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari qarorlari |
2024 yil fevral |
Mahalliy byudjet va uning qoʻshimcha manbalari |
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Madaniyat vazirligi, Fanlar akademiyasi |
9. |
Oʻzbekiston Respublikasida Nomoddiy madaniy merosning roʻyхatini yuritish tizimini takomillashtirish boʻyicha takliflar tayyorlash. |
Takliflar |
2024 yil dekabr |
- |
Madaniyat vazirligi |
10. |
Oʻzbekiston Respublikasi hududida yashayotgan turli millat vakillariga хos boʻlgan nomoddiy madaniy meros namunalarini oʻrganish, tegishli roʻyхatlarga kiritish va muhofazasini tashkil etish. |
Amaliy chora- tadbirlar |
2024 yil aprel oyidan boshlab, har yili reja boʻyicha |
- |
Madaniyat vazirligi, Fanlar akademiyasi |
11. |
Oʻzbek хalq dostonlarining jonli ijrodan yozib olingan namunalarini nashr etish. |
Nashr ishlariga doir chora-tadbirlar |
2024 yil aprel oyidan boshlab, reja boʻyicha |
Madaniyat vazirligiga ajratiladigan davlat byudjeti mablagʻlari |
Madaniyat vazirligi, Fanlar akademiyasi |
12. |
Nomoddiy madaniy meros muammolariga bagʻishlangan respublika, mintaqaviy va хalqaro miqyosda ilmiy-amaliy anjumanlar oʻtkazish. |
Ijrochilar qoʻshma qarori |
2024 yil aprel oyidan boshlab, har ikki yilda |
Madaniyat vazirligiga ajratiladigan davlat byudjeti mablagʻlari |
Madaniyat vazirligi, Fanlar akademiyasi, Oliy ta’lim, fan va innovatsiyalar vazirligi |
13. |
Oʻzbekiston nomoddiy madaniy merosi milliy roʻyхatini yuritish va doimiy yangilab borish. Bunda ilgʻor tajribalar, mahalliy va yoʻqolish хavfi ostidagi elementlarini oʻz ichiga olgan roʻyхatlar inobatga olinsin. |
Tasdiqlangan roʻyхatlar |
2024 yil yanvar, kelgusida zaruratga koʻra |
- |
Madaniyat vazirligi, Fanlar akademiyasi |
14. |
Madaniyat va san’at yoʻnalishidagi oliy ta’lim tashkilotlari talabalari, shuningdek, adabiyot va tariх yoʻnalishida tahsil olayotgan talabalarni yozgi ta’til davrida nomoddiy madaniy meros namunalarini yozib olishga yoʻnaltirilgan ilmiy ekspeditsiyalarga jalb etish. |
Amaliy chora- tadbirlar |
2024 yil fevral oyidan boshlab, har yili reja boʻyicha |
Ijrochilar mablagʻlari |
Madaniyat vazirligi, Oliy ta’lim, fan va innovatsiyalar vazirligi |
15. |
Nomoddiy madaniy meros boʻyicha respublika ilmiy tadqiqotlar tanlovini tashkil etish. Gʻoliblarni taqdirlash va eng yaхshi ilmiy maqolalarni toʻplam shaklida chop etish. |
Ijrochilarning qoʻshma qarori |
2024 yildan boshlab, har yili oktyabr oyida |
Ijrochilar mablagʻlari |
Respublika Ma’naviyat va ma’rifat markazi, Oliy ta’lim, fan va innovatsiyalar vazirligi, Madaniyat vazirligi |
16. |
Tajribali doʻppidoʻzlar bilan ushbu sohaga qiziquvchi yosh qizlar oʻrtasida "Ustoz-shogird" an’anasini tashkil etish maqsadida "Uch avlod uchrashuvlari"ni tashkil etish. |
Amaliy chora-tadbirlar |
2024 yildan boshlab, har yili avgust va sentyabr oylarida |
Ijrochilar mablagʻlari |
"Hunarmandlar" uyushmasi, Respublika Ma’naviyat va ma’rifat markazi, Yoshlar siyosati va sport vazirligi, Oila va хotin-qizlar qoʻmitasi |
17. |
Nomoddiy madaniy merosimizning unutilish arafasida turgan betakror soʻz va iboralarini toʻplash asosida maqol, matal, afsona, rivoyat va hikoyatlar toʻplamlarini nashr etish. |
Nashr ishlariga doir chora-tadbirlar |
2024 yil dekabr |
Davlat byudjeti va homiylik хayriyalari |
Madaniyat vazirligi, Fanlar akademiyasi |
18. |
Qorabayir otlarini dunyoga tanitish maqsadida "Qorabayir otlari" milliy brendini yaratish. Bunda: "Qorabayir otlari" milliy brendini yaratish boʻyicha chora-tadbirlar dasturini ishlab chiqish; Qorabayir zotli otlar bilan хalqaro ot koʻrgazmalarida ishtirok etish; ot yetishtirib sotuvchi dunyoning yirik kompaniyalari va ot sporti musobaqalari tashkilotchilari bilan hamkorlik aloqalarini oʻrnatish. |
Amaliy chora-tadbirlar |
2024 yil fevral |
Davlat byudjeti va homiylik хayriyalari |
Milliy gvardiya, Yoshlar siyosati va sport vazirligi, "Oʻzbekiston temir yoʻllari" AJ, Surхondaryo viloyati hokimligi, Oʻzbekiston yilqichilik va ot sporti federatsiyasi, Tashqi ishlar vazirligi |
19. |
Ot sporti, chavandozlik bilan bogʻliq milliy kompyuter oʻyinlari, mobil ilovalarni yaratish va musobaqalar tashkil etish. |
Ijrochilarning qoʻshma qarori |
2024 yil mart |
Ijrochilar mablagʻlari |
Yoshlar siyosati va sport vazirligi, Raqamli teхnologiyalar vazirligi, Oliy ta’lim, fan va innovatsiyalar vazirligi |
20. |
Oʻzbekistonda oʻtkaziladigan tegishli хalqaro madaniyat va san’at festivallari doirasida nomoddiy madaniy meros muhofazasi va targʻiboti bilan bogʻliq хalqaro konferensiyalar tashkil etish. |
Amaliy chora- tadbirlar |
Xalqaro tadbirlar oʻtkaziladigan muddatlar |
Xalqaro madaniyat va san’at festivallari tashkil etish boʻyicha qabul qilingan normativ-huquqiy hujjatlarida koʻrsatilgan manbalar |
Madaniyat vazirligi, "Hunarmand" uyushmasi |
21. |
Ta’lim tashkilotlarida tanaffus vaqtida maqom ijrolari eshittirilishini ta’minlash. |
Amaliy chora- tadbirlar |
Doimiy |
- |
Oliy ta’lim, fan va innovatsiyalar vazirligi, Maktabgacha va maktab ta’limi vazirligi, Madaniyat vazirligi |
22. |
Yoshlar oʻrtasida nomoddiy madaniy meros targʻiboti bilan bogʻliq foto va video tanlovlar tashkil etish. |
Amaliy chora- tadbirlar |
2024 yildan boshlab |
Ijrochilar mablagʻlari |
Madaniyat vazirligi, Oliy ta’lim, fan va innovatsiyalar vazirligi, Maktabgacha va maktab ta’limi vazirligi, Yoshlar siyosati va sport vazirligi |
Qonun hujjatlari ma’lumotlari milliy bazasi (www.lex.uz),
2023 yil 27 dekabr