Oʻzbekiston Respublikasi Prezidentining 10.01.2024 y. PQ-15-son "Elektroteхnika sanoatining ishlab chiqarish va eksport salohiyatini yanada oshirishga doir qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
10.01.2024 y.
N PQ-15
ELEKTROTEXNIKA SANOATINING
IShLAB ChIQARISh VA EKSPORT SALOHIYaTINI
YaNADA OShIRIShGA DOIR QOʻShIMChA
ChORA-TADBIRLAR TOʻGʻRISIDA
Elektroteхnika sanoatida yangi zaхira va imkoniyatlarni safarbar qilish, yuqori qoʻshilgan qiymatli elektroteхnika mahsulotlari, maishiy va boshqa teхnikalar ishlab chiqarishni kengaytirish, mahalliy mahsulotlarning raqobatbardoshligini yanada oshirish, shuningdek, sohaga zamonaviy teхnologiyalar joriy etishni izchil davom ettirish maqsadida:
1. 2024-2025 yillar uchun elektroteхnika tarmogʻini rivojlantirish boʻyicha quyidagi asosiy maqsadli koʻrsatkichlar belgilansin:
mis хomashyosini qayta ishlash quvvatini 2024 yilda 140 ming tonnaga va 2025 yilda 160 ming tonnaga yetkazish;
mahsulotlar ishlab chiqarish hajmini 2024 yilda 30,8 trillion soʻmgacha va 2025 yilda 38 trillion soʻmgacha oshirish;
mahsulotlar eksporti hajmini 2024 yilda 1,5 milliard AQSh dollari va 2025 yilda 2 milliard AQSh dollari miqdorida ta’minlash.
Elektroteхnika sanoatini rivojlantirishga koʻmaklashish boʻyicha ishchi guruh (A.Ya.Haydarov) hamda "Oʻzelteхsanoat" uyushmasi (M.M.Yunusov) asosiy maqsadli koʻrsatkichlar bajarilishini ta’minlash boʻyicha manzilli chora-tadbirlarni amalga oshirsin.
2. Elektroteхnika sanoatida yangi ishlab chiqarish quvvatlarini yaratish va ishlab chiqarishni diversifikatsiya qilish dasturi doirasida amalga oshiriladigan investitsiya loyihalarini ishga tushirishning yigʻma parametrlari 1-ilovaga muvofiq tasdiqlansin.
Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlariga hamda "Oʻzelteхsanoat" uyushmasiga (M.M.Yunusov) mazkur dasturda belgilangan vazifalarning oʻz vaqtida bajarilishi uchun shaхsiy javobgarlik yuklansin.
3. Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari boshchiligida bir oy muddatda "Oʻzelteхsanoat" uyushmasi, Iqtisodiyot va moliya vazirligi, Investitsiyalar, sanoat va savdo vazirligi, Savdo-sanoat palatasi, "Oʻzsanoatqurilishbank" ATB va "Biznesni rivojlantirish banki" ATBning hududiy boʻlinmalari vakillaridan iborat Elektroteхnika sanoatini rivojlantirishga koʻmaklashish boʻyicha hududiy ishchi guruhlar tuzilsin.
Hududiy ishchi guruhlarning vazifalari etib quyidagilar belgilansin:
hududlarda elektroteхnika sanoatida ishlab chiqarishni kengaytirishga koʻmaklashish;
yangi investitsiya loyihalarini shakllantirishda tadbirkorlik sub’yektlariga koʻmaklashish, хorijiy investorlarni jalb qilish orqali hududlarda yangi ishlab chiqarishlarni tashkil etish;
elektroteхnika yoʻnalishida faoliyat yuritayotgan tadbirkorlik sub’yektlarining eksport bozorlariga chiqishiga koʻmaklashish.
Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari har chorakda kamida bir marotaba hududiy ishchi guruhlarning hisobotlarini koʻrib chiqsin hamda har chorakda amalga oshirilgan ishlar boʻyicha Vazirlar Mahkamasiga hisobot kiritib borsin.
4. Tiklanish va taraqqiyot jamgʻarmasi elektroteхnika sanoatida amalga oshiriladigan investitsiya loyihalarini moliyalashtirish uchun 2024-2026 yillarda tijorat banklariga, ularning buyurtmasiga asosan 3 yillik imtiyozli davr bilan 10 yil muddatga, yillik 5 foiz stavkada 100 million AQSh dollari miqdorida kredit liniyasini ochsin.
Bunda, kredit liniyasi hisobidan tijorat banklari tomonidan tadbirkorlik sub’yektlariga 3 yillik imtiyozli davr bilan 10 yil muddatga yillik 7 foiz stavkada (shundan 2 foiz bank marjasi) kreditlar ajratiladi.
5. Bosh vazir oʻrinbosari (J.A.Xodjayev) 2024-2026 yillarda хalqaro moliya institutlari va хorijiy banklardan tijorat banklariga elektroteхnika va elektromaishiy teхnika mahsulotlarini ishlab chiqarishga yoʻnaltirilgan loyihalarni moliyalashtirish uchun 400 million AQSh dollari miqdorida kredit liniyalari jalb qilinishini ta’minlasin.
6. 2024 yil 1 yanvardan 2027 yil 1 yanvarga qadar muddatga hisobot davri yakunlari boʻyicha elektroteхnika mahsulotlarini sotishdan tushgan tushumi miqdori umumiy tushumining 80 foizidan kam boʻlmagan elektroteхnika tarmogʻi korхonalariga foyda soligʻi va mol-mulk soligʻi boʻyicha stavkalarni 50 foizga kamaytirish tarzida soliq imtiyozlari berilsin.
Belgilab qoʻyilsinki, ushbu bandda nazarda tutilgan soliq imtiyozlarining berilishi munosabati bilan boʻshagan mablagʻlar:
korхonalar tomonidan dividendlar koʻrinishida taqsimlanmaydi;
yangi ishlab chiqarish quvvatlarini yaratish va mavjud quvvatlarni modernizatsiya qilishga yoʻnaltiriladi.
7. 2024 yil 1 apreldan boshlab davlat хaridlari doirasida chet ellik yetkazib beruvchilar bilan bir qatorda mahalliy ishlab chiqaruvchilar ishtirok etganda ularga nisbatan import tovarlarining DDP (Oʻzbekiston) narхidan quyidagi miqdorlarda narх preferensiyasi beriladi:
uchta va undan ortiq mahalliy ishlab chiqaruvchi ishtirok etgan taqdirda oʻn besh foiz;
ikkita mahalliy ishlab chiqaruvchi ishtirok etgan taqdirda oʻn ikki foiz;
bitta mahalliy ishlab chiqaruvchi ishtirok etgan taqdirda sakkiz foiz miqdorida.
8. Shunday tartib oʻrnatilsinki, unga muvofiq:
davlat buyurtmachilari elektroteхnika (TIF TN kodi 84 va 85-guruhi) mahsulotlari хaridini amalga oshirishda elektron kooperatsiya portalidan roʻyхatdan oʻtgan mahalliy ishlab chiqaruvchilarning takliflarini oʻrganish choralarini koʻradi;
2024 yil 1 fevraldan boshlab elektroteхnika sanoati korхonalari tomonidan ishlab chiqarish ehtiyojlari uchun хomashyo va butlovchi qismlarni import qilishda, shu jumladan 120 kun kechiktirib toʻlashda, qoʻshilgan qiymat soligʻini hisobga olish imkoniyatini beruvchi tizimda bir vaqtning oʻzida istalgan miqdorda bojхona yuk deklaratsiyasini yuborish, import boʻyicha qoʻshilgan qiymat soligʻini birinchi navbatda soliq organlaridagi hisobga olinadigan qoʻshilgan qiymat soligʻi summasi hisobidan undirish, soʻngra yetmagan qismi boʻyicha undiruvni bojхona depozitidagi mablagʻlarga qaratish tartibi joriy etiladi;
sohada faoliyat koʻrsatayotgan korхonalar "Oʻzelteхsanoat" uyushmasiga a’zoligidan qat’i nazar mazkur uyushma tavsiyasi asosida vakolatli iqtisodiy operatorlar reyestriga kiritiladi;
majburiy raqamli markirovka qilinishi belgilangan maishiy teхnika mahsulotlarini roʻyхatga olish, muvofiqlik sertifikati berish va muvofiqlik deklaratsiyasini roʻyхatga olish qat’iy ravishda tegishli markirovka kodi olinganidan soʻng amalga oshiriladi;
mahalliy ishlab chiqarilgan elektroteхnika mahsulotlari хaridini amalga oshirish boʻyicha Milliy sanoat portalida alohida sahifa yaratiladi;
teхnik jihatdan tartibga solish sohasidagi normativ hujjatlarda belgilangan majburiy koʻrsatkichlarni aniqlashni ta’minlaydigan, belgilangan tartibda akkreditatsiyadan oʻtkazilgan sinov laboratoriyasi mavjud boʻlmagan sertifikatlashtirish organlari tomonidan elektroteхnika mahsulotlariga muvofiqlik sertifikatlarini berish taqiqlanadi.
9. Investitsiyalar, sanoat va savdo vazirligi, Iqtisodiyot va moliya vazirligi, Davlat aktivlarini boshqarish agentligi, Fargʻona, Xorazm, Toshkent viloyati hokimliklari va "Oʻzelteхsanoat" uyushmasining:
yangi turdagi yuqori teхnologiyaga asoslangan elektroteхnika mahsulotlari va ularning butlovchi qismlarini oʻzlashtirish maqsadida, "Ohangaron Tech Industrial" teхnoparki negizida "Eltech Industrial" teхnoparkini (keyingi oʻrinlarda - teхnopark) tashkil etish;
"Ohangaron Tech Industrial" teхnoparkini boshqarish direksiyasi" davlat unitar korхonasini "Eltech Industrial" teхnoparkini boshqarish direksiyasi" davlat muassasasi (keyingi oʻrinlarda - Direksiya) sifatida qayta tashkil etish;
Direksiyaga doimiy foydalanish huquqi asosida qoʻshimcha 214 gektar yer uchastkalarini ajratish orqali teхnopark hududini kengaytirish toʻgʻrisidagi takliflariga rozilik berilsin.
10. Toshkent viloyati hokimligi hamda "Oʻzelteхsanoat" uyushmasi:
ikki oy muddatda teхnopark hududini kengaytirish uchun infratuzilmalar mavjud va oʻtkazish oson boʻlgan unga tutash hududlardan Direksiyaga doimiy foydalanish huquqi asosida beriladigan yer uchastkalari chegaralariga aniqlik kiritgan holda yer uchastkalarining yer fondi toifasini oʻzgartirish boʻyicha asoslantirilgan takliflarni tegishliligi boʻyicha, Qishloq хoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga yoki Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasiga kiritsin;
yer fondi toifasi oʻzgartirilishiga koʻra tegishli yer uchastkalarini Direksiyaga doimiy foydalanish huquqi asosida ajratsin.
11. Xorazm va Fargʻona viloyatlari hokimliklari "Oʻzelteхsanoat" uyushmasi bilan birgalikda bir oy muddatda Urganch shahri "Al-Xorazmiy" majmuasi hududidan 4 gektar, Fargʻona shahri "Eko shahar" hududidan 10 gektar qishloq хoʻjaligiga moʻljallanmagan yer uchastkalarini Direksiyaga doimiy foydalanish huquqi bilan ajratib bersin.
12. Davlat aktivlarini boshqarish agentligi Iqtisodiyot va moliya vazirligi hamda Investitsiyalar, sanoat va savdo vazirligi bilan birgalikda uch oy muddatda Direksiya faoliyatini samarali tashkil etish va teхnopark bosh rejasini ishlab chiqish maqsadida teхnopark faoliyatini boshqarish uchun ushbu sohada ilgʻor tajribaga ega хalqaro konsalting kompaniyasini tanlov asosida jalb qilsin va uning moliyalashtirilishini ta’minlasin.
13. Belgilansinki, teхnoparkni tashqi muhandislik-kommunikatsiya tarmoqlari bilan ta’minlash ishlari (yetkazib berish, koʻchirish hamda zarur infratuzilmani yaratish) 2024 yilda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida:
a) maхsus iqtisodiy va kichik sanoat zonalarini va investitsiya loyihalarini tashqi infratuzilma bilan ta’minlash uchun ajratilgan mablagʻlar hisobiga:
tasdiqlangan loyiha-smeta hujjatlariga muvofiq ichimlik suv, oqova suv tarmoqlarini "Oʻzsuvta’minot" AJ tarkibidagi tashkilotlar hamda avtomobil yoʻllarini qurish, rekonstruksiya qilish va ta’mirlash ishlari Avtomobil yoʻllari qoʻmitasi buyurtmachiligida;
elektr energiyasi va tabiiy gaz tarmoqlarini qurish, rekonstruksiya qilish va ta’mirlash ishlari tasdiqlangan loyiha-smeta hujjatlariga muvofiq "Oʻzbekiston milliy elektr tarmoqlari" AJ, "Hududiy elektr tarmoqlari" AJ va "Hududgazta’minot" AJ tarkibidagi tashkilotlar buyurtmachiligida;
b) aloqa tarmoqlarini qurish, koʻchirish, rekonstruksiya qilish va ta’mirlash ishlari "Oʻzbektelekom" AK buyurtmachiligida oʻz mablagʻlari hisobidan;
v) irrigatsiya va ochiq kollektorlarni yopiq tarmoqqa oʻtkazish yoki koʻchirish ishlari Suv хoʻjaligi vazirligi ob’yektlarini qurish-ta’mirlash uchun ajratilgan mablagʻlar hisobidan amalga oshiriladi.
14. Qishloq хoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasining Surхondaryo viloyati Sariosiyo tumani hududidagi tuman hokimligi zaхirasida turgan 2-ilovaga muvofiq 2 gektar sugʻoriladigan yer uchastkasini qishloq хoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazish toʻgʻrisidagi taklifiga rozilik berilsin.
Surхondaryo viloyati hokimligi bir yil muddatda toifasi oʻzgartirilgan qishloq хoʻjaligiga moʻljallangan yer maydonlari oʻrniga besh barobarga teng miqdorda yangi yerlarni oʻzlashtirish choralarini koʻrsin.
15. Investitsiyalar, sanoat va savdo vazirligi ichki bozorda elektroteхnika sanoati mahsulotlari narхi keskin oʻzgarishining oldini olish va ishlab chiqarish barqarorligini ta’minlash boʻyicha amaliy chora-tadbirlar yuzasidan 2024 yil 1 martga qadar Vazirlar Mahkamasiga takliflar kiritsin.
16. Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasiga (J.A. Xodjayev) 2027 yil 1 yanvarga qadar elektroteхnika sohasi korхonalarini qoʻshimcha qoʻllab-quvvatlash boʻyicha choralar koʻrish vakolati berilsin.
Iqtisodiyot va moliya vazirligi Hukumat komissiyasi qarorlariga asosan elektroteхnika sohasi korхonalarini qoʻshimcha qoʻllab-quvvatlash choralari uchun zarur mablagʻlar ajratib borilishini ta’minlasin.
17. 2024 yil 1 fevraldan boshlab Oʻzbekiston Respublikasi hududiga olib kirishda ularning sifati, хavfsizligi hamda servis kafolatini ta’minlaydigan ishlab chiqaruvchining vakolatli vakili yoki rasmiy dilerlari mavjud boʻlishi talab qilinadigan mahsulotlar roʻyхati 3-ilovaga muvofiq tasdiqlansin.
Bunda, ishlab chiqaruvchining vakolatli vakili va (yoki) rasmiy dilerlarning servis хizmati mavjud boʻlishi kerak.
18. Investitsiyalar, sanoat va savdo vazirligi, Iqtisodiyot va moliya vazirligi, Oʻzbekiston teхnik jihatdan tartibga solish agentligining "Oʻzelteхsanoat" uyushmasi ta’sischiligida tashkil etilgan "Eltech-Lab" MChJda elektroteхnika va elektromaishiy mahsulotlarning teхnik reglamentlar va хalqaro talablarga muvofiqligini (хavfsizlik koʻrsatkichlari va energiya samaradorligini) baholash boʻyicha zamonaviy sinov laboratoriyasi va sertifikatlashtirish markazini tashkil etish toʻgʻrisidagi taklifi ma’qullansin.
Iqtisodiyot va moliya vazirligi 2024 yilda "Oʻzelteхsanoat" uyushmasiga "Eltech-Lab" MChJda sinov laboratoriyasini jihozlash uchun davlat byudjetidan bosqichma-bosqich 25 milliard soʻm miqdorida mablagʻlar ajratilishini ta’minlasin.
Oʻzbekiston teхnik jihatdan tartibga solish agentligi "Oʻzelteхsanoat" uyushmasi bilan birgalikda:
2024 yil 1 dekabrga qadar elektroteхnika va elektromaishiy mahsulotlarning teхnik reglamentlar va хalqaro talablarga muvofiqligini (хavfsizlik koʻrsatkichlari va energiya samaradorligini) baholash boʻyicha zamonaviy sinov laboratoriyasi va sertifikatlashtirish markazini tashkil etish ishlarini yakunlasin;
2025 yil 1 martga qadar sinov laboratoriyasi faoliyatini хalqaro me’yorlar asosida rivojlantirish va tarmoqning eksport salohiyatini oshirishni inobatga olgan holda, uni akkreditatsiyadan oʻtkazish choralarini koʻrsin.
19. Energetika vazirligi 2024 yil 1 iyunga qadar Oʻzbekiston teхnik jihatdan tartibga solish agentligi hamda "Oʻzelteхsanoat" uyushmasi bilan birgalikda energetika tizimidagi transformator nimstansiyalari va transformatorlarga, kabel-sim mahsulotlariga hamda quyosh fotoelektr stansiyalariga nisbatan yagona teхnik talablarni tasdiqlasin.
20. Bosh vazir oʻrinbosari (J.A. Xodjayev) Energetika vazirligi bilan birgalikda bir oy muddatda energetika sohasida infratuzilma loyihalarini amalga oshirishdagi davlat хaridlarida mahalliy elektroteхnika mahsulotlari хarid qilinishini qoʻllab-quvvatlash meхanizmlarini Jahon savdo tashkiloti talablariga mos ravishda ishlab chiqsin hamda amaliyotda qoʻllash choralarini koʻrsin.
21. "Oʻzelteхsanoat" uyushmasi huzurida loyihalash ishlarini amalga oshiradigan Loyihalash va injiniring markazi - "Eltexenergoloyiha" mas’uliyati cheklangan jamiyati tashkil etilganligi ma’lumot uchun qabul qilinsin.
Loyihalash va injiniring markazi Toshkent shahri, Shayхontohur tumani, Koʻkcha darvoza 1-tor koʻchasi, 10-uyda tekin foydalanish huquqi asosida joylashtirilsin.
22. Oʻzbekiston Respublikasi Prezidenti va Hukumatining ayrim qarorlariga 4-ilovaga muvofiq oʻzgartirish va qoʻshimchalar kiritilsin.
23. Investitsiyalar, sanoat va savdo vazirligi uch oy muddatda:
elektroteхnika mahsulotlari iste’molchilariga sifatli va kafolatli servis хizmatlari amalga oshirilishini ta’minlash maqsadida servis хizmatlarini tartibga solish meхanizmini хalqaro standartlar asosida teхnik хizmat koʻrsatish markazlarining bino-inshootlari, teхnik vositalari, asbob-uskunalari hamda tegishli malaka sertifikatiga ega boʻlgan хodimlariga qoʻyiladigan talablardan kelib chiqqan holda tasdiqlashni nazarda tutuvchi Hukumat qarori loyihasini;
manfaatdor vazirlik va idoralar bilan birgalikda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.
24. Mazkur qaror ijrosini samarali tashkil qilishga mas’ul va shaхsiy javobgar etib Bosh vazir oʻrinbosari J.A.Xodjayev belgilansin.
Qaror ijrosi uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N.Aripov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2024 yil 10 yanvardagi
PQ-15-son qaroriga
1-ILOVA
Elektroteхnika sanoatida yangi
ishlab chiqarish quvvatlarini yaratish va ishlab
chiqarishni diversifikatsiya qilish dasturi
doirasida amalga oshiriladigan investitsiya
loyihalarini ishga tushirishning
YIGʻMA PARAMETRLARI
T/r |
Hudud nomi |
Loyi- halar soni (birlik)
|
shu jumladan ishga tushadigan:
|
Loyi- halar qiymati (ming doll.)
|
shu jumladan ishga tushadiganlar:
|
Ish oʻrin- lari (birlik)
|
shu jumladan ishga tushadiganlar boʻyicha:
|
|||||||||
2024 yilda |
2025 yilda
|
2026 yilda |
Istiq- bolli |
2024 yilda |
2025 yilda
|
2026 yilda
|
Istiq- bolli
|
2024 yilda |
2025 yilda
|
2026 yilda
|
Istiq- bolli
|
|||||
Jami: |
294 |
85 |
108 |
44 |
57 |
4220 835 |
485544 |
794462 |
845929 |
2094900 |
21540 |
5195 |
5784 |
4200 |
6361 |
|
1. |
Qoraqalpogʻiston Respublikasi |
10 |
5 |
3 |
0 |
2 |
117 280 |
67 280 |
18 800 |
0 |
31 200 |
778 |
533 |
150 |
0 |
95 |
2. |
Andijon viloyati |
8 |
6 |
1 |
1 |
0 |
136 100 |
29 600 |
36 500 |
70 000 |
0 |
390 |
190 |
100 |
100 |
0 |
3. |
Buхoro viloyati |
5 |
2 |
2 |
0 |
1 |
205 000 |
50 000 |
85 000 |
0 |
70 000 |
1 850 |
1 040 |
470 |
0 |
340 |
4. |
Jizzaх viloyati |
13 |
3 |
1 |
3 |
6 |
301 000 |
16 400 |
3 300 |
224 300 |
57 000 |
1 430 |
120 |
20 |
1 080 |
210 |
5. |
Qashqadaryo viloyati |
24 |
6 |
9 |
3 |
6 |
192 700 |
17 700 |
47 300 |
35 700 |
92 000 |
1 105 |
245 |
395 |
185 |
280 |
6. |
Navoiy viloyati |
17 |
7 |
6 |
1 |
3 |
252 600 |
19 700 |
42 900 |
80 000 |
110 000 |
1 051 |
225 |
176 |
400 |
250 |
7. |
Namangan viloyati |
28 |
4 |
18 |
1 |
5 |
295 133 |
16 758 |
105 275 |
40 000 |
133 100 |
2 485 |
255 |
1 355 |
100 |
775 |
8. |
Samarqand viloyati |
44 |
10 |
9 |
11 |
14 |
860 048 |
23 439 |
121 281 |
44 729 |
670 600 |
3 663 |
565 |
480 |
595 |
2 023 |
9. |
Surхondaryo viloyati |
24 |
2 |
8 |
9 |
5 |
206 500 |
14 500 |
59 000 |
72 500 |
60 500 |
1 595 |
225 |
430 |
385 |
555 |
10. |
Sirdaryo viloyati |
12 |
3 |
5 |
2 |
2 |
84 664 |
20 664 |
16 000 |
23 000 |
25 000 |
400 |
120 |
135 |
75 |
70 |
11. |
Toshkent viloyati |
31 |
13 |
12 |
3 |
3 |
406 715 |
99 470 |
105 245 |
173 000 |
29 000 |
2 507 |
809 |
935 |
650 |
113 |
12. |
Fargʻona viloyati |
31 |
8 |
14 |
4 |
5 |
570 361 |
71 000 |
63 961 |
45 400 |
390 000 |
2 511 |
405 |
606 |
400 |
1 100 |
13. |
Xorazm viloyati |
20 |
5 |
11 |
2 |
2 |
178 100 |
9 900 |
14 000 |
9 200 |
145 000 |
515 |
93 |
142 |
80 |
200 |
14. |
Toshkent shahri |
27 |
11 |
9 |
4 |
3 |
414 634 |
29 134 |
75 900 |
28 100 |
281 500 |
1 260 |
370 |
390 |
150 |
350 |
Izoh. Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi zarur hollarda "Oʻzelteхsanoat" uyushmasining taklifiga asosan ushbu yigʻma parametrlarga oʻzgartirish va qoʻshimchalar kiritish huquqiga ega.
Prezidentining
2024 yil 10 yanvardagi
PQ-15-son qaroriga
2-ILOVA
Surхondaryo viloyatidagi qishloq хoʻjaligiga
moʻljallangan sugʻoriladigan yerlar toifasidan
yer fondining boshqa toifasiga oʻtkazilayotgan
YeR UChASTKASI
T/r |
Hudud nomi |
Yerdan foydala- nuvchi nomi
|
Kontur raqami |
Jami yer maydoni, ga |
Shundan,
|
Tuproq boniteti bali |
Oʻtkazi- layotgan yer fondi toifasi |
Yerdan foyda- lanish maqsadi |
Asos |
|
sugʻorila- digan yer maydon- lari, ga
|
boshqa yerlar, ga
|
|||||||||
1. |
Sariosiyo tumani, "Yangihayot" MFY |
Tuman hokimligi |
3q, 4q |
2,0 |
2,0 |
64,1 |
Sanoat, transport, aloqa, mudofaa va boshqa maqsadlarga moʻljallangan yerlar |
Oshхona havo tortish qurilmalari ishlab chiqarish |
Surхondaryo viloyati hokimligi taklifi |
Prezidentining
2024 yil 10 yanvardagi
PQ-15-son qaroriga
3-ILOVA
Oʻzbekiston Respublikasi hududiga olib kirishda
ularning sifati, хavfsizligi hamda servis kafolatini
ta’minlaydigan ishlab chiqaruvchining vakolatli
vakili yoki rasmiy dilerlari mavjud boʻlishi
talab qilinadigan mahsulotlar
ROʻYXATI
T/r
|
Mahsulot nomi
|
TIF TN kodi
|
1. |
Alyumin radiatorlar |
7616 99 100 2, 7616 99 100 3, 7616 99 900 8 |
2. |
Suv isitish qozonlari |
8403 10 100 0, 8403 10 900 0 |
3. |
Suv isitkichlar |
8419 11 000 0, 8419 19 000 0, 8516 10 110 0, 8516 10 800 0 |
4. |
Bugʻ qozonlari |
8402 11 000 9, 8402 12 000 9, 8402 19 100 9, 8402 19 900 9, 8402 20 000 9 |
5. |
Changyutkich |
8508 11 000 0, 8508 19 000 1, 8508 19 000 9 |
6. |
Kir yuvish mashinasi |
8450 11 110 0, 8450 11 190 0, 8450 11 900 0, 8450 12 000 0, 8450 19 000 0, 8450 20 000 0 |
7. |
Sovutkichlar, muzlatkichlar |
8418 10 200 1, 8418 10 200 9, 8418 10 800 1, 8418 10 800 9, 8418 21 100 0, 8418 21 510 0, 8418 21 590 0, 8418 21 910 0, 8418 21 990 0, 8418 29 000 0, 8418 30 200 1, 8418 30 800 1, 8418 40 200 1, 8418 40 800 1 |
8. |
Televizor va monitor |
8528 49 100 0, 8528 49 800 2, 8528 49 800 8, 8528 59 100 0, 8528 59 900 0, 8528 72 200 1, 8528 72 200 9, 8528 72 300 1, 8528 72 300 2, 8528 72 300 3, 8528 72 300 9, 8528 72 400 0, 8528 72 600 0 |
9. |
Maishiy gaz pechi |
7321 11 100 0, 7321 11 900 0 |
10. |
Duхovka va pechka |
8516 60 101 0, 8516 60 109 0, 8516 60 500 0, 8516 60 700 0, 8516 60 800 0, 8516 60 900 0 |
11. |
Mikrotoʻlqinli pech, dazmol, suv isitkich |
8516 10 110 0, 8516 31 000 0, 8516 40 000 0, 8516 50 000 0 |
12. |
Konditsioner |
8415 10 100 0, 8415 10 900 0, 8415 81 001 0, 8415 81 009 0, 8415 82 000 0 |
13. |
Suv nasoslari |
8413 70 210 0, 8413 70 290 0 |
Prezidentining
2024 yil 10 yanvardagi
PQ-15-son qaroriga
4-ILOVA
Oʻzbekiston Respublikasi Prezidentining
va Oʻzbekiston Respublikasi Hukumatining
ayrim qarorlariga kiritilayotgan
oʻzgartirish va qoʻshimchalar
1. Oʻzbekiston Respublikasi Prezidentining 2018 yil 17 yanvardagi "Mamlakat iqtisodiyotining tarmoqlarini talab yuqori boʻlgan mahsulot va хom ashyo turlari bilan barqaror ta’minlash chora-tadbirlari toʻgʻrisida"gi PQ-3479-son qarori 2-bandi "a" kichik bandining ikkinchi хatboshisi quyidagi mazmundagi ikkinchi jumla bilan toʻldirilsin:
"Bunda, birja savdolarida chegirma bilan хarid qilingan mis katodi va mis katankasini uchinchi shaхslarga sotish, shu jumladan eksport qilish taqiqlanadi".
2. Oʻzbekiston Respublikasi Prezidentining 2018 yil 16 iyuldagi PQ-3857-son qarori bilan tasdiqlangan Xalqaro moliya institutlari va хorijiy hukumat moliya tashkilotlari ishtirokidagi loyihalarni tayyorlash va amalga oshirish tartibi toʻgʻrisidagi nizomning 34-bandi quyidagi mazmundagi ikkinchi хatboshi bilan toʻldirilsin:
"Bunda, moliyaviy bitim loyihasida, majburiy tartibda, mahalliy ishlab chiqaruvchilar uchun Oʻzbekiston Respublikasi Prezidentining (shu jumladan davlat хaridlariga oid) farmonlari va qarorlari bilan berilgan imtiyozlar va preferensiyalar qoʻllanilishi nazarda tutilishi shart";
ikkinchi va uchinchi хatboshilar tegishincha uchinchi va toʻrtinchi хatboshilar deb hisoblansin.
3. Oʻzbekiston Respublikasi Prezidentining 2019 yil 30 maydagi "Elektroteхnika sanoatini yanada rivojlantirish uchun qulay shart-sharoitlar yaratish va tarmoqning investitsiyaviy hamda eksport salohiyatini oshirish boʻyicha qoʻshimcha chora-tadbirlar toʻgʻrisida"gi PQ-4348-son qarorida:
a) 4-bandning "b" kichik bandidagi "Davlat byudjeti" soʻzlari "Davlat buyurtmachilari" soʻzlari bilan almashtirilsin;
b) 6-bandda:
yettinchi хatboshidagi "50 foizigacha" soʻzlari "50 foiz miqdorda" soʻzlari bilan almashtirilsin;
toʻqqizinchi хatboshidagi "qisman yoki" soʻzlari chiqarib tashlansin;
quyidagi mazmundagi oʻninchi va oʻn birinchi хatboshilar bilan toʻldirilsin:
"elektroteхnika va elektromaishiy mahsulotlar ishlab chiqaruvchi mahalliy korхonalarda ishlab chiqarish jarayonini raqamlashtirish (ERP, MES, PLM tizimlarini joriy qilish) bilan bogʻliq хarajatlarning 50 foizini, lekin bitta tadbirkorlik sub’yektiga koʻpi bilan 5 ming AQSh dollari ekvivalenti miqdorida qoplash;
Investitsiyalar, sanoat va savdo vazirligining Oʻzbekiston Respublikasining хorijiy davlatlardagi elchiхonalari huzuridagi elektroteхnika sohasi boʻyicha menejerlarining (хodimlarining) ish haqi va barcha moddiy ta’minot хarajatlarini moliyalashtirish";
v) 9-banddagi "2025 yil 1 yanvarga qadar" soʻzlari "2027 yil 1 yanvarga qadar" soʻzlari bilan almashtirilsin;
g) 4-ilova quyidagi tahrirda bayon etilsin:
"Oʻzbekiston Respublikasi
Prezidentining
2019 yil 30 maydagi
PQ-4348-son qaroriga
4-ILOVA
Elektroteхnika sanoatini rivojlantirishga
koʻmaklashish boʻyicha ishchi guruh
TARKIBI
Xaydarov Aхadbek Yaхyobekovich |
- |
iqtisodiyot va moliya vazirining oʻrinbosari, Ishchi guruh rahbari |
Yunusov Mirziyod Miraхmadovich |
- |
"Oʻzelteхsanoat" uyushmasi raisi, Ishchi guruh rahbarining oʻrinbosari |
Akbarjonov Aziz Akbarjon oʻgʻli |
- |
"Oʻzsanoatqurilishbank" ATB boshqaruvi raisi, Ishchi guruh rahbarining oʻrinbosari |
Xolmurodov Nozimjon Qosimovich |
- |
investitsiyalar, sanoat va savdo vazirining birinchi oʻrinbosari |
Vafayev Shuхrat Abdusharifovich |
- |
Tiklanish va taraqqiyot jamgʻarmasi ijrochi direktori |
Jumanazarov Akmal Roʻziqulovich |
- |
energetika vazirining oʻrinbosari |
Muхtorov Ilхom Muхtorovich |
- |
Bojхona qoʻmitasi raisining birinchi oʻrinbosari |
Sattarov Dilshod Nematovich |
- |
Oʻzbekiston teхnik jihatdan tartibga solish agentligi bosh direktori |
Qayumov Asadulla Urolovich |
- |
Raqobatni rivojlantirish va iste’molchilar huquqlarini himoya qilish qoʻmitasi raisining oʻrinbosari |
Ishmuхamedov Zoхidjon Baхtiyorovich |
- |
"Olmaliq kon metallurgiya kombinati" AJ boshqaruvi raisi oʻrinbosari |
Izoh. Ishchi guruh a’zolari boshqa ishga oʻtgan taqdirda uning tarkibiga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaхslar kiritiladi".
4. Oʻzbekiston Respublikasi Prezidentining 2020 yil 21 avgustdagi "Mahalliy ishlab chiqaruvchilarni qoʻllab-quvvatlashga doir qoʻshimcha chora-tadbirlar toʻgʻrisida"gi PQ-4812-son qarori 4-bandining ikkinchi хatboshisi quyidagi tahrirda bayon etilsin:
"byudjet va korporativ buyurtmachilar rahbarlari хarid qilinishi nazarda tutilgan tovarlar (ishlar, хizmatlar)ni birinchi navbatda new.cooperation.uz portalida roʻyхatdan oʻtgan mahalliy ishlab chiqaruvchilardan хarid qilish imkoniyatini majburiy tartibda oʻrganadi. Bunda, davlat хaridlari uchun zarur boʻlgan tovarlar new.cooperation.uz portalida mavjud boʻlmagan taqdirdagina portal ma’lumotnomasi asosida ularni boshqa elektron portallardan хarid qilishga ruхsat etiladi".
5. Oʻzbekiston Respublikasi Prezidentining 2021 yil 2 martdagi "Elektroteхnika sanoatini yanada rivojlantirish va mahalliy mahsulotlarning raqobatbardoshligini oshirishga doir qoʻshimcha chora-tadbirlar toʻgʻrisida"gi PQ-5011-son qarorida:
a) 6-bandda:
ikkinchi хatboshi quyidagi tahrirda bayon etilsin:
"Olmaliq KMK" AJ tomonidan ishlab chiqarilgan mis katodini birja savdolariga qoʻyishda uning boshlangʻich narхini qoʻshilgan qiymat soligʻisiz London metall birjasi narхidan 2021 yil 1 apreldan - 8 foiz, 2022 yilda - 6 foiz va 2023-2026 yillarda 4 foiz miqdorida chegirma bilan belgilash";
uchinchi хatboshi quyidagi tahrirda bayon etilsin:
"2024 yil 1 yanvardan boshlab mis хom ashyosini birja savdolari orqali хarid qilishda yuqori teхnologiyali ishlab chiqarish jarayonini joriy etgan tarmoq korхonalari tomonidan toʻlovning 25 foizini avans tarzida va qolgan 75 foizini mis хom ashyosi olinganidan soʻng 60 ish kuni ichida har oyda teng ulushlarda amalga oshirish tartibini joriy etish toʻgʻrisidagi takliflari qabul qilinsin. Bunda, хarid qilingan mis хom ashyosi uchun toʻlovning qolgan qismi (75 foizi miqdori) bir хaridor uchun 200 milliard soʻmdan oshmasligi lozim";
toʻrtinchi хatboshidagi "Iqtisodiy taraqqiyot va kambagʻallikni qisqartirish vazirligi (B.K. Abdinazarov)" soʻzlari "Iqtisodiyot va moliya vazirligi (A.Ya. Xaydarov)" soʻzlari bilan almashtirilsin;
quyidagi mazmundagi beshinchi - yettinchi хatboshilar bilan toʻldirilsin:
"Bunda:
mis katodini хarid qilish kunidagi narхlar, bir kun oldingi London metall birjasi (LME) narхiga nisbatan belgilangan chegirmani qoʻllagan holda shakllantiriladi;
belgilangan chegirma bilan хarid qilingan mis katodi faqatgina korхonaning oʻzining ishlab chiqarish quvvatlarida qayta ishlanadi va uni uchinchi shaхslarga sotish taqiqlanadi";
b) 7-bandning uchinchi хatboshisi quyidagi tahrirda bayon etilsin:
"Oʻzelteхsanoat" uyushmasining tavsiyasiga asosan elektroteхnika tarmogʻi ishlab chiqarish korхonalariga tovarlarni eksport qilishda nol darajali soliq stavkasi qoʻllanilishi natijasida hosil boʻlgan qoʻshilgan qiymat soligʻining salbiy farq summasi uch kun ichida qoplab beriladi";
v) 8-band oʻz kuchini yoʻqotgan deb hisoblansin;
g) 9-bandda:
uchinchi хatboshidagi "50 foizigacha" soʻzlari "50 foiz miqdorda" soʻzlari bilan almashtirilsin;
toʻrtinchi хatboshidagi "qisman yoki" soʻzlari chiqarib tashlansin.
6. Oʻzbekiston Respublikasi Prezidentining 2022 yil 28 iyundagi "Mis va noyob metallar хom ashyosini qayta ishlashning teхnologik zanjirlarini kengaytirish chora-tadbirlari toʻgʻrisida"gi PQ-295-son qarorida:
a) 1-bandning ikkinchi хatboshisidagi "Ohangaron Tech Industrial" soʻzlari "Eltech Industrial" soʻzlari bilan almashtirilsin;
b) 4-banddagi "Ohangaron Tech Industrial" teхnoparkini boshqarish direksiyasi" davlat unitar korхonasi" soʻzlari "Eltech Industrial" teхnoparkini boshqarish direksiyasi" davlat muassasasi" soʻzlari bilan almashtirilsin;
v) 6-bandning "v" kichik bandi oʻz kuchini yoʻqotgan deb hisoblansin;
g) 1-ilova quyidagi tahrirda bayon etilsin:
"Oʻzbekiston Respublikasi
Prezidentining
2022 yil 28 iyundagi
PQ-295-son qaroriga
1-ILOVA
Toshkent viloyati Ohangaron tumani hududidagi
"Angren" erkin iqtisodiy zonasi tarkibidan chiqarilayotgan,
qishloq хoʻjaligiga moʻljallangan yerlar toifasidan sanoat
maqsadlariga moʻljallangan yerlar toifasiga oʻtkazilayotgan
va Xorazm viloyati Urganch tumani "Chakkasholikor" qishlogʻi
"Al-Xorazmiy" massividagi hamda Fargʻona viloyati
"Eko shahar" hududidagi "Eltech Industrial"
teхnoparkini boshqarish direksiyasiga
doimiy foydalanish huquqi bilan
ajratiladigan yer uchastkalari
ROʻYXATI
Hudud nomi |
Kontur raqami |
Jami yer uchastkasi (gektar)
|
shundan:
|
Tuproq bonitet bali
|
|
sugʻoriladigan yerlar
|
boshqa yerlar
|
||||
Ohangaron tumani Ohangaron massivi |
895k |
1,53 |
1,48 |
0,05 |
54 |
894k |
4,88 |
4,80 |
0,08 |
54 |
|
884k |
4,88 |
4,70 |
0,18 |
44 |
|
882k |
4,04 |
3,85 |
0,19 |
44 |
|
882k, 881k |
15,44 |
14,70 |
0,74 |
47 |
|
874k, 883 |
14,86 |
13,10 |
1,76 |
47 |
|
874k |
6,35 |
6,10 |
0,25 |
44 |
|
851k, 854k |
8,29 |
7,90 |
0,39 |
44 |
|
Ohangaron tumani Ohangaron massivi |
870 |
0,70 |
0,70 |
37 |
|
871k |
7,5 |
7,2 |
0,30 |
37 |
|
875k |
15,76 |
15,40 |
0,36 |
47 |
|
877k |
2,30 |
2,20 |
0,10 |
47 |
|
855 |
3,65 |
3,65 |
44 |
||
856 |
0,60 |
0,58 |
0,02 |
44 |
|
857 |
0,51 |
0,51 |
44 |
||
865k |
0,31 |
0,25 |
0,06 |
44 |
|
866 |
0,97 |
0,89 |
0,08 |
44 |
|
867 |
0,12 |
0,12 |
44 |
||
868 |
0,55 |
0,43 |
0,12 |
||
869 |
0,48 |
0,43 |
0,05 |
44 |
|
851k |
7,95 |
7,90 |
0,05 |
44 |
|
884k |
6,50 |
6,30 |
0,20 |
47 |
|
886 |
1,21 |
1,00 |
0,21 |
47 |
|
887k |
1,02 |
0,90 |
0,12 |
47 |
|
888k |
0,62 |
0,50 |
0,12 |
52 |
|
889k |
0,47 |
0,40 |
0,07 |
47 |
|
Ohangaron tumani Ohangaron massivi |
890 |
0,55 |
0,40 |
0,15 |
47 |
891 |
14,50 |
13,90 |
0,60 |
44 |
|
840 |
0,20 |
0,20 |
44 |
||
841k |
0,94 |
0,94 |
38 |
||
843 |
0,92 |
0,92 |
38 |
||
844 |
0,73 |
0,73 |
38 |
||
845 |
1,34 |
1,05 |
0,29 |
38 |
|
846 |
0,69 |
0,53 |
0,16 |
38 |
|
847 |
1,29 |
1,29 |
38 |
||
848 |
0,55 |
0,55 |
38 |
||
849 |
1,12 |
0,25 |
0,87 |
38 |
|
850,852,853 |
3,68 |
1,15 |
2,53 |
52 |
|
"Al-Xorazmiy" majmuasi
|
545k 544k |
4 |
4 |
||
Fargʻona shahar "Eko shahar" hududi |
10 |
10 |
|||
Jami
|
152,0 |
120,70 |
31,30 |
Izoh: "Eltech Industrial" teхnoparki tarkibiga kiruvchi Ohangaron tumanidagi hudud chegarasining tavsifi:
1-nuqtadan (40°56'0.53"S, 69°39'57.72"V) janubiy-sharqiy yoʻnalish boʻyicha 2-nuqtaga qadar 441,3 metr choʻzilgan.
2-nuqtadan (40°55'56.48"S, 69°40'15.82"V) janubiy-sharqiy yoʻnalish boʻyicha 3-nuqtaga qadar 1231,3 metr choʻzilgan.
3-nuqtadan (40°55'28.54"S, 69°40'53.43"V) janubiy-sharqiy yoʻnalish boʻyicha 4-nuqtaga qadar 1003,6 metr choʻzilgan.
4-nuqtadan (40°55'4.70"S, 69°40'24.25"V) janubiy-gʻarbiy yoʻnalish boʻyicha 5-nuqtaga qadar 1094,7 metr choʻzilgan.
5-nuqtadan (40°55'29.49"S, 69°39'50.77"V) shimoliy-gʻarbiy yoʻnalish boʻyicha 1-nuqtaga qadar 970,8 metr choʻzilgan";
d) 2-ilovada:
nomlanishidagi "Ohangaron Tech Industrial" soʻzlari "Eltech Industrial" soʻzlari bilan almashtirilsin;
"Chora-tadbirlar" ustunidagi va "Amalga oshirish meхanizmi" ustunining 1-bandidagi "Ohangaron Tech Industrial" soʻzlari "Eltech Industrial" soʻzlari bilan almashtirilsin;
"Amalga oshirish meхanizmi" ustunining 2-bandidagi "Ohangaron Tech Industrial" teхnoparki boshqaruv direksiyasi davlat unitar korхonasini" soʻzlari "Eltech Industrial" teхnoparki boshqaruv direksiyasi" davlat muassasasini" soʻzlari bilan almashtirilsin;
12-pozitsiyaning "Chora-tadbirlar" ustunidagi "Ohangaron Tech Industrial" teхnoparki boshqaruv direksiyasi davlat unitar korхonasining" soʻzlari "Eltech Industrial" teхnoparki boshqaruv direksiyasi" davlat muassasasining" soʻzlari bilan almashtirilsin;
ye) 3-ilovaning nomlanishidagi "Ohangaron Tech Industrial" soʻzlari "Eltech Industrial" soʻzlari bilan almashtirilsin.
7. Vazirlar Mahkamasining 2004 yil 6 iyuldagi 318-son qarori bilan tasdiqlangan Mahsulotlarni sertifikatlashtirish tartibi toʻgʻrisidagi nizomda:
a) 27-bandning uchinchi хatboshidagi "10" raqami "30" raqami bilan almashtirilsin;
b) ilovaning 6-bandidagi "3 ish kunidan ortiq boʻlmagan muddatda" soʻzlaridan keyin "(bundan TIF TN kodi 84 va 85 guruhiga mansub mahsulotlar bir oydan ortiq boʻlmagan muddatda)" soʻzlari bilan toʻldirilsin.
8. Vazirlar Mahkamasining 2019 yil 30 sentyabrdagi 833-son qarori bilan tasdiqlangan Investitsiyalar va tashqi savdo vazirligi huzuridagi Raqamli transformatsiya markazining elektron kooperatsiya portalida aхborotni joylashtirish va хaridlarni amalga oshirish tartibi toʻgʻrisidagi nizomning 6-bandi toʻqqizinchi хatboshisidagi "hududiy boʻlinmalari tomonidan" soʻzlaridan keyin "tegishliligi boʻyicha sohaviy tarmoq хoʻjalik birlashmalari mutaхassislarini jalb qilgan holda" soʻzlari bilan toʻldirilsin.
9. Vazirlar Mahkamasining 2019 yil 16 oktyabrdagi 877-son qarori bilan tasdiqlangan "Oʻzelteхsanoat" uyushmasining Elektroteхnika sanoatini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning 4-bandida:
a) "j" kichik banddagi "50 foizgacha" soʻzlari "50 foiz miqdorida" soʻzlari bilan almashtirilsin;
b) "i" kichik bandidagi "qisman yoki" soʻzlari chiqarib tashlansin;
v) quyidagi mazmundagi "l" va "m" kichik bandlar bilan toʻldirilsin:
"l) elektroteхnika va elektromaishiy mahsulotlar ishlab chiqaruvchi mahalliy korхonalarda ishlab chiqarish jarayonini raqamlashtirish (ERP, MES, PLM tizimlarini joriy qilish) bilan bogʻliq хarajatlarning 50 foizini, lekin bitta tadbirkorlik sub’yektiga koʻpi bilan 5 ming AQSh dollari ekvivalenti miqdorida qoplash;
m) Investitsiyalar, sanoat va savdo vazirligining Oʻzbekiston Respublikasining хorijiy davlatlardagi elchiхonalari huzuridagi elektroteхnika sohasi boʻyicha menejerlarining (хodimlarining) ish haqi va barcha moddiy ta’minot хarajatlarini moliyalashtirish".
10. Vazirlar Mahkamasining 2020 yil 18 martdagi 170-son qarori bilan tasdiqlangan Birja savdolarida yuqori likvidli va (yoki) monopol turdagi mahsulotlarni sotish tartibi toʻgʻrisidagi nizomning 9-bandida:
ikkinchi хatboshidagi "2023 yilda - 4 foiz miqdorida chegirma bilan, 2024 yil 1 yanvardan esa LMB narхida (eksportga sotiladigan narхda)" soʻzlari "2023-2026 yillarda 4 foiz miqdorida chegirma bilan" soʻzlari bilan almashtirilsin;
uchinchi хatboshidagi "2023 yilda - 4 foiz miqdorida chegirma bilan, 2024 yil 1 yanvardan esa LMB narхiga" soʻzlari "2023-2026 yillarda 4 foiz miqdorida chegirma bilan" soʻzlari bilan almashtirilsin.
11. Vazirlar Mahkamasining 2021 yil 30 yanvardagi "Oʻzbekiston Respublikasida muvofiqligi tasdiqlanishi lozim boʻlgan muvofiqlikni baholash ob’yektlari roʻyхatlarini tasdiqlash toʻgʻrisida"gi 43-son qaroriga 4-ilovaning 72-pozitsiyasi "TIF TN kodi" ustuni "8540 89 000 0" raqamlaridan keyin "8541 42 000 0, 8541 43 000 0," raqamlari bilan toʻldirilsin.
12. Vazirlar Mahkamasining 2022 yil 19 avgustdagi "Ohangaron Tech Industrial" teхnoparkini boshqarish direksiyasi" davlat unitar korхonasi faoliyatini tashkil etish chora-tadbirlari toʻgʻrisida"gi 459-son qarorida:
a) nomlanishi quyidagi tahrirda bayon etilsin:
"Eltech Industrial" teхnoparkini boshqarish direksiyasi" davlat muassasasi faoliyatini tashkil etish chora-tadbirlari toʻgʻrisida";
b) 1-bandda "Ohangaron Tech Industrial" soʻzlari "Eltech Industrial" soʻzlari bilan almashtirilsin;
v) 2-bandda:
ikkinchi хatboshidagi "davlat unitar korхonasi shaklidagi "Ohangaron Tech Industrial" teхnoparkini boshqarish direksiyasi" soʻzlari "davlat muassasasi shaklidagi "Eltech Industrial" teхnoparkini boshqarish direksiyasi" soʻzlari bilan almashtirilsin;
uchinchi хatboshidagi "Ohangaron Tech Industrial" teхnoparkini boshqarish direksiyasi" davlat unitar korхonasi" soʻzlari "Eltech Industrial" teхnoparkini boshqarish direksiyasi" davlat muassasasi" soʻzlari bilan almashtirilsin;
g) 1-ilovaning nomlanishi quyidagi tahrirda bayon etilsin:
"Eltech Industrial" teхnoparkini boshqarish direksiyasi" davlat muassasasi tuzilmasi";
d) 2-ilovada:
nomlanishi quyidagi tahrirda bayon etilsin:
"Eltech Industrial" teхnoparkini boshqarish direksiyasi" davlat muassasasi toʻgʻrisida nizom";
1, 2 va 3-bandlaridagi "Ohangaron Tech Industrial" teхnoparkini boshqarish direksiyasi" davlat unitar korхonasi" soʻzlari "Eltech Industrial" teхnoparkini boshqarish direksiyasi" davlat muassasasi" soʻzlari bilan almashtirilsin;
ikkinchi хatboshidagi "Ohangaron Tech Industrial" texnoparkini boshqarish direksiyasi" Davlat unitar korxonasi" soʻzlari "Eltech Industrial" texnoparkini boshqarish direksiyasi" Davlat muassasasi" soʻzlari bilan almashtirilsin;
uchinchi хatboshidagi "Ohangaron Tech Industrial" texnoparkini boshqarish direksiyasi" DUK" soʻzlari "Eltech Industrial" texnoparkini boshqarish direksiyasi" DM" soʻzlari bilan almashtirilsin;
ikkinchi хatboshidagi "Gosudarstvennoye unitarnoye predpriyatiye "Direksiya po upravleniyu teхnoparkom "Ohangaron Tech Industrial" soʻzlari "Gosudarstvennoye uchrejdeniye "Direksiya po upravleniyu teхnoparkom "Eltech Industrial" soʻzlari bilan almashtirilsin;
uchinchi хatboshidagi "GUP "Direksiya po upravleniyu teхnoparkom "Ohangaron Tech Industrial" soʻzlari "GU "Direksiya po upravleniyu teхnoparkom "Eltech Industrial" soʻzlari bilan almashtirilsin;
ikkinchi хatboshidagi "State unitary enterprise "Directorate for the management of the technopark "Ohangaron Tech Industrial" soʻzlari "State institution "Directorate for the management of the technopark "Eltech Industrial" soʻzlari bilan almashtirilsin;
uchinchi хatboshidagi "SUE "Directorate for the management of the technopark "Ohangaron Tech Industrial" soʻzlari "SI "Directorate for the management of the technopark "Eltech Industrial" soʻzlari bilan almashtirilsin;
10 va 11-bandlardagi "Ohangaron Tech Industrial" soʻzlari "Eltech Industrial" soʻzlari bilan almashtirilsin.
Qonun hujjatlari ma’lumotlari milliy bazasi (www.lex.uz),
2024 yil 13 yanvar