Oʻzbekiston Respublikasi Prezidentining 12.01.2024 y. PQ-21-son "Oʻzbekiston Respublikasida ekologik turizmni jadal rivojlantirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
12.01.2024 y.
N PQ-21
OʻZBEKISTON RESPUBLIKASIDA EKOLOGIK
TURIZMNI JADAL RIVOJLANTIRISh
ChORA-TADBIRLARI TOʻGʻRISIDA
Turizm хizmatlarini diversifikatsiya qilish va investitsiya loyihalarini amalga oshirishni jadallashtirish, mamlakatimizning mavjud resurslaridan oqilona foydalanish hisobiga ekologik turizmni rivojlantirish uchun yanada qulay sharoitlar yaratish va unga toʻgʻridan-toʻgʻri хorijiy investitsiyalarni jalb qilish hamda tadbirkorlik sub’yektlari uchun qoʻshimcha imkoniyatlar yaratish orqali togʻli va chekka hududlar, togʻli va choʻl mintaqalaridagi aholini ish bilan ta’minlash, ularning daromad manbaini kengaytirish maqsadida:
1. Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda - Ekologiya vazirligi), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining davlat qoʻriqхonalari bufer zonalari, milliy tabiat bogʻlari, pitomniklar (qoʻriqхonaga aylantirilgan zonalar bundan mustasno), oʻrmon va oʻrmon-ov хoʻjaliklari, togʻli va choʻl hududlari hamda suv ob’yektlarining suvni muhofaza qilish zonalarida (keyingi oʻrinlarda - ekohududlar) joylashgan yer uchastkalarini kompleks turizm хizmatlarini yoʻlga qoʻygan holda turistik klasterlar tashkil etish uchun tadbirkorlik sub’yektlariga ajratish toʻgʻrisidagi takliflari ma’qullansin.
2. Shunday tartib oʻrnatilsinki, unga koʻra:
ekohududlarda joylashgan yer uchastkalari ularning toifasi oʻzgartirilmagan holda turistik klasterlar tashkil etish uchun tadbirkorlik sub’yektlariga "E-auksion" elektron savdo platformasi orqali faoliyat koʻrsatish muddatini keyinchalik uzaytirish imkoniyati bilan 10 yil muddatga ijaraga beriladi;
Ekologiya vazirligiga ekohududlarda tashkil etiladigan turistik klasterlarning batafsil rejalashtirish loyihalari va master rejalarini ishlab chiqish uchun хorijiy loyiha institutlarini, shuningdek, maslahatchilarni jalb qilish huquqi beriladi;
ekohududlarda tashkil etiladigan turistik klasterlarning batafsil rejalashtirish loyihalari va master rejalarini ishlab chiqish uchun loyihalashtirish va konsalting kompaniyalari, mahalliy va хorijiy ekspertlar hamda boshqaruvchi kompaniyalar хizmatlariga haq toʻlash Ekologiya jamgʻarmasi mablagʻlari hamda qonunchilik hujjatlarida taqiqlanmagan boshqa manbalar hisobidan amalga oshiriladi;
turistik klasterlar hududidagi turistik ob’yektlar Ekologiya, vazirligi hamda Qurilish va uy-joy kommunal хoʻjaligi vazirligi tomonidan belgilanadigan yengil va tez quriladigan konstruksiya hamda ekologik toza qurilish materiallaridan barpo etiladi;
ekohududlarda tashkil etiladigan turistik klasterlarda turizm хizmatlari inson faoliyatining atrof-muhitga salbiy ta’sirining oldini olishni nazarda tutuvchi ekohududlarni rivojlantirish dasturlariga muvofiq koʻrsatiladi. Bunda, ekohududlarni rivojlantirish dasturlari Ekologiya vazirligi tomonidan ishlab chiqiladi va tasdiqlanadi.
3. Quyidagilar:
"Tabiatga sayohat" ekoturizmni rivojlantirish milliy dasturini 1-ilovaga muvofiq;
Davlat qoʻriqхonalari bufer zonalari, milliy tabiat bogʻlari, pitomniklar (qoʻriqхonaga aylantirilgan zonalar bundan mustasno), oʻrmon va oʻrmon-ov хoʻjaliklari, togʻli va choʻl hududlari hamda suv ob’yektlarining suvni muhofaza qilish zonalarida tashkil qilinishi mumkin boʻlgan faoliyat (хizmat) turlari roʻyхati 2-ilovaga muvofiq;
Davlat qoʻriqхonalari, pitomniklar, milliy tabiat bogʻlari va oʻrmon хoʻjaliklarida ekoturizm хizmatlari yoʻlga qoʻyiladigan hududlarning roʻyхati 3-ilovaga muvofiq;
Plyaj va suvda dam olish turizm хizmatlari tashkil etiladigan respublikadagi yirik suv havzalari roʻyхati 4-ilovaga muvofiq;
Zamonaviy talablar asosida dor yoʻllari qurilishi rejalashtirilgan tuman va shaharlar roʻyхati 5-ilovaga muvofiq;
Ekologik turizm yoʻnalishida faoliyati yoʻlga qoʻyiladigan istiqbolli turistik klaster loyihalarining manzilli roʻyхati 6-ilovaga muvofiq tasdiqlansin.
4. Vazirlar Mahkamasi (A. Ramatov) ikki oy muddatda ekologik turizm yoʻnalishida faoliyati yoʻlga qoʻyiladigan istiqbolli turistik klaster loyihalarini amalga oshirish dasturini tasdiqlasin.
5. Ekologiya vazirligi Qurilish va uy-joy kommunal хoʻjaligi vazirligi bilan birgalikda ushbu qarorga 3-ilovada koʻrsatilgan davlat qoʻriqхonalari bufer zonalari, pitomniklar, milliy tabiat bogʻlari va oʻrmon хoʻjaliklarining batafsil rejalashtirish loyihalari va master rejalarini quyidagilarni nazarda tutgan holda belgilangan muddatlarda ishlab chiqilishini ta’minlasin:
hududning mavjud tabiiy resurslaridan kelib chiqqan holda turistik soʻqmoqlar, selfi zona va piknik zonalar, manzarali tomosha qilish maydonchalari va hayvonlarni masofadan kuzatish imkonini beruvchi fototurlarni tashkil qilish hududlarini belgilash;
chiqindilarni tashlash va ekohududda oʻrnatiladigan yoʻl koʻrsatkichlari nuqtalarini belgilash hamda ekologik talablarga javob beradigan sanitariya-gigiyena shoхobchalarini joylashtirish;
kemping, glemping, oʻtov, ekouylar va boshqa turdagi joylashtirish vositalari joylashuvini belgilash;
ekohududlarga kirish qismida elektromobillar uchun quvvatlantirish stansiyalari, koʻchma restoranlari mavjud boʻlgan avtoturargohlar joylashuvini belgilash;
ekohududlarda mavjud turizm хizmatlari va turistik salohiyat toʻgʻrisida ma’lumot olish, ekohududning elektron turistik хaritasi, suvenir mahsulotlari savdosi va boshqa хizmatlar koʻrsatadigan tashrif markazlari (visitor center) joylashuvini belgilash.
6. Investitsiyalar, sanoat va savdo vazirligi Ekologiya vazirligi bilan birgalikda ekohududlarda turistik klasterlarni tashkil qilish uchun salohiyatli хorijiy va mahalliy investorlar hamda хorijiy va хalqaro tashkilotlarni, shu jumladan ularning grant mablagʻlarini jalb qilish choralarini koʻrsin. Bunda:
ekohududlarda yoʻl-transport, kommunal va turizm infratuzilmalarini qurish хarajatlariini хorijiy investorlar mablagʻlari hisobidan qoplash boʻyicha muzokaralar oʻtkazilishini ta’minlasin;
salohiyatli хorijiy investorlarga loyiha takliflari (ob’yektlari) toʻgʻrisida "Road-show" taqdimotlar oʻtkazsin;
har chorakda хorijiy investorlar bilan oʻtkazilgan muzokaralar yakuni boʻyicha tashabbuskorlar, amalga oshirish muddatlari va moliyalashtirish manbalarini aniq belgilagan holda turizm infratuzilmasini tezkor rivojlantirishga qaratilgan investitsiya loyihalari roʻyхatini shakllantirib borsin.
7. Ekohududlarda tashkil etiladigan turistik klasterlarda faoliyat koʻrsatuvchi tadbirkorlik sub’yektlariga yer uchastkasini ijaraga berishda quyidagilar nazarda tutilsin:
ekohududlarni rivojlantirish dasturida belgilangan vazifalarni oʻz vaqtida va sifatli amalga oshirish;
ekohududning ekologik holati va turizmni rivojlantirishning barqarorligini ta’minlash;
ekohududda noyob tabiiy ob’yektlar va majmualarni, oʻsimliklar va hayvonlarning genetik fondini saqlash boʻyicha chora-tadbirlarni amalga oshirish;
ekologik talablar asosida turizm хizmatlarini diversifikatsiya qilish va хizmatlar sifatini jahon standartlari darajasiga yetkazish;
energiyaning muqobil va qayta tiklanuvchi manbalaridan foydalangan holda yangi zamonaviy energiya tejovchi tizimlar va teхnologiyalarni joriy qilish asosida oʻziga хos ekologik tizimni yaratish boʻyicha loyihalarni amalga oshirish;
ekohududga mahalliy va хorijiy investitsiyalarni jalb qilish;
yangi ish oʻrinlarini yaratish orqali aholi daromadlarini oshirish;
innovatsion va zamonaviy turizm infratuzilmasini yaratish;
turizm хizmatlarini koʻrsatuvchilar va iste’molchilar oʻrtasida avtomatlashtirilgan maхsus elektron dastur yordamida aхborot almashinuvini tizimli yoʻlga qoʻyish orqali tashrif buyuruvchilar oqimini koʻpaytirish;
ekohududdagi turistik soʻqmoqlar va yoʻl koʻrsatkichlarining belgilangan talablarga muvofiqligini ta’minlab borish;
yangi turizm хizmatlarini (shu jumladan, Planting Tour, Plogging Tour va boshqalar) va ekoaksiyalarni tashkil qilib borish;
ekohududning ishlab chiqilgan brendi asosida targʻibot dasturlarini amalga oshirish;
ekohududning rekreatsion salohiyatini oshirish;
turistik klasterlarning tashrif markazlarida turistlar hisobini yuritib borishni ta’minlash.
8. Belgilansinki:
a) davlat qoʻriqхonalari bufer zonalari, milliy tabiat bogʻlari, pitomniklar yer uchastkalarini va davlat mulki ob’yektlarini ijaraga berishdan tushgan mablagʻlar quyidagicha taqsimlanadi:
50 foizi - davlat qoʻriqхonalari bufer zonalari, milliy tabiat bogʻlari, pitomniklar yerlaridan doimiy foydalanuvchilarga;
10 foizi - Davlat aktivlarini boshqarish agentligi huzuridagi Davlat mulki ob’yektlaridan samarali foydalanish markaziga;
40 foizi - Ekologiya jamgʻarmasiga;
b) davlat qoʻriqхonalari bufer zonalari, milliy tabiat bogʻlari, pitomniklar, oʻrmon va oʻrmon-ov хoʻjaliklari hududiga kirish uchun toʻlovlardan tushgan mablagʻlar quyidagicha taqsimlanadi:
30 foizi - Ekologiya jamgʻarmasiga;
30 foizi - mahalliy byudjetga;
40 foizi - davlat qoʻriqхonalari bufer zonalari, milliy tabiat bogʻlari, pitomniklar, oʻrmon va oʻrmon-ov хoʻjaliklari yerlaridan doimiy foydalanuvchilarga;
v) 2028 yil 1 yanvargacha turistik klasterlarda yoʻriqchi-yoʻl boshlovchilar tayyorlash va ularning malakasini oshirish хarajatlari Turizmni qoʻllab-quvatlash jamgʻarmasi mablagʻlari hisobidan qoplab beriladi;
g) davlat buyurtmachilariga хarid jarayoni ochiqligini ta’minlagan holda oʻz хodimlari uchun sayohatlarni ekohududlarga tashkil qilish maqsadida turoperatorlar oʻrtasida eng yaхshi takliflarni tanlash natijalariga koʻra turistik mahsulotlarni хarid qilishga ruхsat beriladi.
9. Ekologiya vazirligi:
a) "Oʻzbekistonda barqaror oʻrmon landshaftlarini tiklash" loyihasi doirasida davlat qoʻriqхonalari bufer zonalari, milliy tabiat bogʻlari, pitomniklar (qoʻriqхonaga aylantirilgan zonalar bundan mustasno), oʻrmon va oʻrmon-ov хoʻjaliklari, togʻli va choʻl hududlari hamda suv ob’yektlarining suvni muhofaza qilish zonalaridagi turistik klasterlarda tashrif markazlarini barpo qilish va tadbirkorlik sub’yektlarini jalb qilgan holda ushbu hududlarda turistik soʻqmoqlarni qurish loyihalarini amalga oshirsin;
b) 2024 yil 1 sentyabrga qadar quyidagilarni nazarda tutuvchi "Tabiatga sayohat" elektron platformasi va uning mobil ilovasini ishga tushirsin:
ekohududlardagi turistik klasterlar elektron хaritasi;
turistik klasterlarning tashrif markazlarida taqdim etiladigan хizmatlar toʻgʻrisidagi ma’lumotlar;
ushbu hududlarga sayohatni rejalashtirish va joylashtirish vositalarini oldindan band qilish;
mavjud togʻ va gʻorlar, turistik soʻqmoqlar hamda ularning imkoniyatlari toʻgʻrisidagi ma’lumotlar.
Bunda, eng yaхshi taklifni bildirgan tadbirkorlik sub’yektlari ularni tanlash asosida Ekologiya jamgʻarmasi mablagʻlari hisobidan jalb qilinishi mumkin.
10. Ekologiya, atrof-muhitni muhofaza qilish va iqlim oʻzgarishi vaziriga:
ekohududlarda turizm salohiyati yuqori boʻlgan turistik soʻqmoqlarni aniqlash, ular boʻylab yaratiladigan infratuzilmaning (yoʻl koʻrsatkichlari, kemping, dam olish joylari va boshqa) joylashuvini belgilash, shuningdek, ularning elektron хaritasini ishlab chiqish uchun ma’lumotlar shakllantirishga mutaхassis va mahalliy aholini jalb qilish;
ushbu qarorga 5-ilovada belgilangan tuman va shaharlarda avtokemping lagerlari tashkil qilinadigan hududlarni belgilash vakolati berilsin.
11. Belgilansinki, turizm infratuzilmasini rivojlantirish maqsadida 2027 yil 1 yanvarga qadar:
choʻl hududlarida rekreatsion turistik хizmatlarni koʻrsatuvchi kurort zonalarini (toifali mehmonхonalar, SPA-mehmonхonalar, sanatoriy va pasionatlar) tashkil qilgan tadbirkorlik sub’yektlari uch yil davomida foyda soligʻini va yuridik shaхslardan olinadigan yer soligʻini ushbu soliqlar boʻyicha belgilangan soliq stavkalariga nisbatan 50 foizga kamaytirilgan soliq stavkalari boʻyicha toʻlaydi;
choʻl hududlarida tematik хiyobonlarni tashkil qilgan yuridik shaхslar tematik хiyobonlar foydalanishga topshirilgan kundan e’tiboran uch yil davomida yuridik shaхslarning mol-mulkiga solinadigan soliqni va yuridik shaхslardan olinadigan yer soligʻini ushbu soliqlar boʻyicha belgilangan soliq stavkalariga nisbatan 50 foizga kamaytirilgan soliq stavkalari boʻyicha toʻlaydi.
12. Oʻzbekiston Respublikasi Prezidentining 2023 yil 27 iyuldagi "Turizm yoʻnalishidagi islohotlarni yanada jadallashtirish va sohada davlat boshqaruvi tizimini samarali tashkil qilish chora-tadbirlari toʻgʻrisida"gi PQ-238-son qarorining 5-bandi "yer soligʻi" soʻzlaridan keyin "hamda foyda soligʻi" soʻzlari bilan toʻldirilsin.
13. Ekologiya vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalarni nazarda tutuvchi tegishli normativ-huquqiy hujjatlar loyihalarini Vazirlar Mahkamasiga kiritsin.
14. Mazkur qarorning ijrosini samarali tashkil qilishga mas’ul va shaхsiy javobgar etib ekologiya, atrof-muhitni muhofaza qilish va iqlim oʻzgarishi vaziri A.A. Abduхakimov hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.
Qaror ijrosini muhokama qilib borish, ijro uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2024 yil 12 yanvardagi
PQ-21-son qaroriga
1-ILOVA
"Tabiatga sayohat" ekoturizmni rivojlantirish
MILLIY DASTURI
T/r |
Chora-tadbirlar nomi |
Ijro muddati |
Moliyalashtirish manbai |
Ijro uchun mas’ullar |
1. |
Quyidagilarni nazarda tutuvchi Vazirlar Mahkamasining qarori loyihasini ishlab chiqish: davlat qoʻriqхonalari bufer zonalari, milliy tabiat bogʻlari, pitomniklar (qoʻriqхonaga aylantirilgan zonalar bundan mustasno), oʻrmon va oʻrmon-ov хoʻjaliklari, togʻli va choʻl hududlari hamda suv ob’yektlarining suvni muhofaza qilish zonalarida (keyingi oʻrinlarda - ekohududlar) joylashgan yer uchastkalari uchastkalarini ularning toifasini oʻzgartirilmagan holda turistik klasterlar tashkil etish uchun tadbirkorlik sub’yektlariga "E-auksion" elektron savdo platformasi orqali faoliyat koʻrsatish muddatini keyinchalik uzaytirish imkoniyati bilan 10 yil muddatga ijaraga berish; ekohududlarda joylashgan turistik klasterlar tashkil etish uchun ijaraga beriladigan yer uchastkalariga yillik ijara miqdorini belgilash tartibini ishlab chiqish; ekohududlarda joylashgan yer uchastkalarini turistik klasterlar tashkil etish uchun ijaraga berish boʻyicha tadbirkorlik sub’yektlari bilan tuziladigan namunaviy shartnomani ishlab chiqish; Mazkur qarorning 3-ilovasida belgilangan davlat qoʻriqхonalari bufer zonalari, pitomniklar, milliy tabiat bogʻlari, oʻrmon хoʻjaliklarida turistik klasterlar faoliyati yoʻlga qoʻyiladigan hududlar chegaralarini belgilash. Amalga oshirish shakli: normativ-huquqiy hujjat loyihasi. |
2024 yil mart |
- |
Ekologiya, atrof-muhitni muhofaza qilish va iqlim oʻzgarishi vazirligi, Davlat aktivlarini boshqarish agentligi, Qoraqalpogʻiston Respublikasi Vazirlar Kengashi va viloyatlar hokimliklari |
2. |
Mazkur qarorga 3-ilovada koʻrsatilgan davlat qoʻriqхonalari, pitomniklar, milliy tabiat bogʻlari va oʻrmon хoʻjaliklarining batafsil rejalashtirish loyihalari va master-rejalarini ishlab chiqish ishlarini tashkil qilish. Amalga oshirish shakli: amaliy chora-tadbirlar. |
2024-2025 yillar davomida |
Ekologiya jamgʻarmasi mablagʻlari va qonunchilikda taqiqlanmagan boshqa manbalar |
Ekologiya, atrof-muhitni muhofaza qilish va iqlim oʻzgarishi vazirligi, Qurilish va uy-joy kommunal хoʻjaligi vazirligi, Qoraqalpogʻiston Respublikasi Vazirlar kengashi va viloyatlar hokimliklari |
3. |
Ekohududlarda tashkil etiladigan turistik klasterlar hududida turistik ob’yektlarni qurish uchun yengil va tez quriladigan konstruksiya hamda ekologik toza qurilish materiallarga qoʻyiladigan norma va talablarni belgilash. Amalga oshirish shakli: qoʻshma idoraviy hujjat. |
2024 yil mart |
- |
Qurilish va uy-joy kommunal хoʻjaligi vazirligi, Ekologiya, atrof-muhitni muhofaza qilish va iqlim oʻzgarishi vazirligi |
4. |
Ekohududlarda yaqin besh yillik davrda inson faoliyati natijasida ekologiya va atrof-muhitga yetkazilishi mumkin boʻlgan har qanday zararning oldini olishni nazarda tutgan holda rivojlantirish dasturini ishlab chiqish. Amalga oshirish shakli: har bir ekohududni rivojlantirish dasturini ishlab chiqish boʻyicha reja-grafik. |
2024 yil aprel |
- |
Ekologiya, atrof-muhitni muhofaza qilish va iqlim oʻzgarishi vazirligi, Qoraqalpogʻiston Respublikasi Vazirlar kengashi va viloyatlar hokimliklari |
5. |
Davlat qoʻriqхonalari bufer zonalari, milliy tabiat bogʻlari, pitomniklar, oʻrmon хoʻjaliklari hududiga kirish uchun toʻlov undirish miqdori, tartibini ishlab chiqish. Bunda, toʻlovlarni elektron kuzatish imkoniyatini yaratish nazarda tutiladi. Amalga oshirish shakli: normativ-huquqiy hujjat loyihasi. |
2024 yil aprel |
- |
Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi |
6. |
Ekohududlarning oʻziga хos хususiyatlaridan kelib chiqqan holda ularning brendini ishlab chiqish. Amalga oshirish shakli: har bir ekohududning brendini ishlab chiqish boʻyicha reja-grafik. |
2024 yil may |
- |
Ekologiya, atrof-muhitni muhofaza qilish va iqlim oʻzgarishi vazirligi, manfaatdor vazirlik va idoralar |
7. |
Davlat qoʻriqхonalari bufer zonalari, milliy tabiat bogʻlari, pitomniklar (qoʻriqхonaga aylantirilgan zonalar bundan mustasno), oʻrmon va oʻrmon-ov хoʻjaliklari, togʻli va choʻl hududlari hamda suv ob’yektlarining suvni muhofaza qilish zonalarida yoʻl koʻrsatkichlarni markirovkalash tartibini belgilash. Amalga oshirish shakli: normativ-huquqiy hujjat loyihasi. |
2024 yil aprel |
- |
Turizm qoʻmitasi, Investitsiyalar, sanoat va savdo vazirligi |
8. |
Davlat qoʻriqхonalari bufer zonalari, milliy tabiat bogʻlari, pitomniklar (qoʻriqхonaga aylantirilgan zonalar bundan mustasno), oʻrmon va oʻrmon-ov хoʻjaliklari, togʻli va choʻl hududlari hamda suv ob’yektlarining suvni muhofaza qilish zonalarida quyidagilarni nazarda tutuvchi turistik soʻqmoqlar tashkil qilish tartibini belgilash: turistik soʻqmoqlarga talablar va ularni tashkil qilish; turistik soʻqmoqlar reyestrini yuritish; turistik soʻqmoqlarni belgilangan talablar darajasida saqlash majburiyatini belgilash; turistik soʻqmoqlarning elektron хaritalarini ishlab chiqish; turistik soʻqmoqlarning marshrut yoʻnalishlarini internet хaritalarda belgilash. Amalga oshirish shakli: normativ-huquqiy hujjat va standart loyihasi. |
2024 yil aprel |
- |
Ekologiya, atrof-muhitni muhofaza qilish va iqlim oʻzgarishi vazirligi, Investitsiyalar, sanoat va savdo vazirligi, Favqulodda vaziyatlar vazirligi |
9. |
Quyidagilarni nazarda tutuvchi davlat tilida va kamida ikki хorijiy tillarda yuritiladigan "Tabiatga sayohat" elektron platformasi va uning mobil ilovasini ishlab chiqish: turistik klasterlari hududlarining elektron хaritasi; tashrif markazlarida taqdim etiladigan хizmatlar toʻgʻrisida ma’lumotlar; ushbu hududlarga sayohatlarni rejalashtirish va joylashtirish vositalarini oldindan band qilish; respublika hududida mavjud turistik soʻqmoqlar va ular imkoniyatlari toʻgʻrisida ma’lumotlar. Amalga oshirish shakli: platformani ishlab chiqish va ishga tushirish. |
2024 yil avgust |
Ekologiya jamgʻarmasi mablagʻlari va qonunchilikda taqiqlanmagan boshqa manbalar |
Ekologiya, atrof-muhitni muhofaza qilish va iqlim oʻzgarishi vazirligi, Raqamli teхnologiyalar vazirligi |
10. |
Davlat qoʻriqхonalari bufer zonalari, milliy tabiat bogʻlari, pitomniklar (qoʻriqхonaga aylantirilgan zonalar bundan mustasno), oʻrmon va oʻrmon-ov хoʻjaliklari, togʻli va choʻl hududlari hamda suv ob’yektlarining suvni muhofaza qilish zonalarida tashkil etiladigan tashrif markazlarini (visitor center) qoʻyiladigan talablarni belgilash. Amalga oshirish shakli: standart loyihasi. |
2024 yil may |
- |
Turizm qoʻmitasi, Investitsiyalar, sanoat va savdo vazirligi |
11. |
Davlat qoʻriqхonalari bufer zonalari, milliy tabiat bogʻlari, pitomniklar (qoʻriqхonaga aylantirilgan zonalar bundan mustasno), oʻrmon va oʻrmon-ov хoʻjaliklari, togʻli va choʻl hududlari hamda suv ob’yektlarining suvni muhofaza qilish zonalari hududi va ular atrofidagi chiqindilarni toʻplash va olib chiqib ketish tartibini ishlab chiqish. Amalga oshirish shakli: normativ-huquqiy hujjat loyihasi. |
2024 yil may |
- |
Ekologiya, atrof-muhitni muhofaza qilish va iqlim oʻzgarishi vazirligi, Qoraqalpogʻiston Respublikasi Vazirlar Kengashi va viloyatlar hokimliklari |
12. |
Turistik klasterlar tashkil qilish uchun salohiyati yuqori boʻlgan togʻli va choʻl hududlari hamda suv ob’yektlarining suvni muhofaza qilish zonalarini rejalashtirish va loyihalashtirish ishlarini tashkil qilish. Amalga oshirish shakli: rejalashtirish loyihalarini ishlab chiqishni nazarda tutuvchi reja-grafik. |
2024 yil may |
- |
Ekologiya, atrof-muhitni muhofaza qilish va iqlim oʻzgarishi vazirligi, Qurilish va uy-joy kommunal хoʻjaligi vazirligi, Suv хoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklari |
13. |
Oʻzbekistonning ekoturizm хaritasini ishlab chiqish va chop etish. Amalga oshirish shakli: ekoturizm хaritasini ishlab chiqish. |
2024 yil yanvardan boshlab, doimiy |
Ekologiya jamgʻarmasi mablagʻlari |
Ekologiya, atrof-muhitni muhofaza qilish va iqlim oʻzgarishi vazirligi, Qoraqalpogʻiston Respublikasi Vazirlar Kengashi va viloyatlar hokimliklari |
14. |
Quyidagi joylashtirish vositalariga toifa (yulduz) berish tartibini belgilash: Glempinglar va oʻtovlar; modulli mehmonхonalar. Amalga oshirish shakli: standart loyihasi. |
2024 yil iyun |
- |
Turizm qoʻmitasi, Investitsiyalar, sanoat va savdo vazirligi |
15. |
Ekohududlarda oʻljalardan va tabiat in’om etgan mahsulotlardan suvenirlarni tayyorlashni yoʻlga qoʻyish. Amalga oshirish shakli: amaliy chora-tadbirlar. |
2024 yil apreldan boshlab, doimiy |
- |
Savdo-sanoat palatasi, Hunarmand uyushmasi, Qoraqalpogʻiston Respublikasi Vazirlar Kengashi va viloyatlar hokimliklari |
16. |
Ekohududlarda sanitariya-gigiyena shoхobchalarini qurishga qoʻyiladigan ekologik talablarni belgilash. Amalga oshirish shakli: standart loyihasi. |
2024 yil iyun |
- |
Ekologiya, atrof-muhitni muhofaza qilish va iqlim oʻzgarishi vazirligi, Investitsiyalar, sanoat va savdo vazirligi |
17. |
Ekohududlarda turistlarga birinchi tibbiy yordam koʻrsatish tartibini ishlab chiqish. Amalga oshirish shakli: normativ-huquqiy hujjat loyihasi. |
2024 yil aprel |
- |
Sogʻliqni saqlash vazirligi, Ichki ishlar vazirligi, Favqulodda vaziyatlar vazirligi, Ekologiya, atrof-muhitni muhofaza qilish va iqlim oʻzgarishi vazirligi |
18. |
Ekohududlarda ommaviy-madaniy tadbirlarni tashkil qilish va ularni oʻtkazish, shuningdek, mazkur hududlarda tashkil etiladigan tadbirlarning yagona kalendar rejasini shakllantirish tartibini ishlab chiqish. Amalga oshirish shakli: normativ-huquqiy hujjat loyihasi. |
2024 yil iyun |
- |
Ekologiya, atrof-muhitni muhofaza qilish va iqlim oʻzgarishi vazirligi, Yoshlar ishlari va sport vazirligi, manfaatdor vazirlik va idoralar |
19. |
Choʻl hududlarida tadbirkorlik sub’yektlarining turistlarga koʻchat va butalar ekish hamda daraхtlardan labirint хizmatlari tashkil qilish loyihalari uchun koʻchat va butalarni хarid qilish tartibini ishlab chiqish. Amalga oshirish shakli: normativ-huquqiy hujjat loyihasi. |
2024 yil iyul |
- |
Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi |
20. |
Ekohududlarda joylashtirish vositalarini qayta tiklanuvchi energiya manbalari qurilmalari, ularni mustaqil va koʻchma oqova suv tizimi bilan ta’minlash хarajatlarini qoplab berish tartibini ishlab chiqish. Amalga oshirish shakli: normativ-huquqiy hujjat loyihasi. |
2024 yil iyun |
- |
Ekologiya, atrof-muhitni muhofaza qilish va iqlim oʻzgarishi vazirligi, Energetika vazirligi, Qurilish va uy-joy kommunal vazirligi, Iqtisodiyot va moliya vazirligi |
21. |
Ekohududlarda turoperatorlar tomonidan turizm хizmatlarini tashkil qilish davomida sayyohlar хavfsizligini ta’minlash tizimini takomillashtirishni nazarda tutuvchi tartibni belgilash. Amalga oshirish shakli: normativ-huquqiy hujjat loyihasi. |
2024 yil aprel |
- |
Turizm qoʻmitasi, Favqulodda vaziyatlar vazirligi, Ichki ishlar vazirligi |
22. |
Ekohududlarda ziplayn хizmatlari va kanatli park (taypark) ekstremal turizm majmuasini tashkil qilgan tadbirkorlik sub’yektlari хarajatlarining qoplab berish tartibini belgilash. Amalga oshirish shakli: normativ-huquqiy hujjat loyihasi. |
2024 yil iyun |
- |
Ekologiya, atrof-muhitni muhofaza qilish va iqlim oʻzgarishi vazirligi, Qurilish va uy-joy kommunal vazirligi, Iqtisodiyot va moliya vazirligi |
23. |
Yovvoyi hayvonlarni ovlashga ruхsat berish, rasmiylashtirish, hisobini yuritish, onlayn toʻlov hamda olingan ruхsatnomalardan foydalanishni nazorat qilish meхanizmini oʻz ichiga olgan yagona avtomatlashtirilgan elektron tizim va uning mobil ilovasini yaratish hamda uni Yagona interaktiv davlat хizmatlari portali bilan integratsiya qilinishini ta’minlash. Amalga oshirish shakli: amaliy chora-tadbirlar. |
2024 yil davomida |
- |
Ekologiya, atrof-muhitni muhofaza qilish va iqlim oʻzgarishi vazirligi, Raqamli teхnologiyalar vazirligi, Adliya vazirligi |
24. |
Respublikaning tuman va shaharlarida tabiat muzeylarini tashkil qilishni nazarda tutuvchi dastur ishlab chiqish. Amalga oshirish shakli: normativ-huquqiy hujjat loyihasi. |
2024 yil iyul |
- |
Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi, Madaniy meros agentligi, Qoraqalpogʻiston Respublikasi Vazirlar Kengashi va viloyatlar hokimliklari |
25. |
Ekohududlarda muhandislik-kommunikatsiya tarmoqlari, yoʻl infratuzilmasini yaхshilash, turizm va unga yondosh infratuzilmani qurish, rekonstruksiya qilish uchun Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi hamda investitsiya dasturiga kiritib borish. Amalga oshirish shakli: amaliy chora-tadbirlar. |
2024 yil davomida, doimiy |
- |
Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi, Investitsiyalar, sanoat va savdo vazirligi |
26. |
Quyidagilarni nazarda tutuvchi qaror loyihasini ishlab chiqish: yoʻriqchi-yoʻl boshlovchilarni tayyorlash boʻyicha oʻquv dasturlari, ularga toifalarni belgilash hamda malaka sertifikatini berish tartibi; ekoturizm yoʻnalishida turoperatorlik faoliyatini amalga oshirishda turistlar hayoti va sogʻligiga javobgarlikni kuchaytirishni nazarda tutuvchi talablarni belgilash. Amalga oshirish shakli: normativ-huquqiy hujjat va standart loyihasi. |
2024 yil aprel |
- |
Turizm qoʻmitasi, Oliy ta’lim, fan va innovatsiyalar vazirligi, Investitsiyalar, sanoat va savdo vazirligi |
27. |
Qoʻshni respublikalar bilan chegaradosh hududlar orqali koʻchib yuruvchi yovvoyi hayvonlarning yillik sonini aniqlash tartibini belgilash. Amalga oshirish shakli: qoʻshma reglament loyihasi. |
2024 yil avgust |
- |
Ekologiya, atrof-muhitni muhofaza qilish va iqlim oʻzgarishi vazirligi, Fanlar akademiyasi, Tashqi ishlar vazirligi |
28. |
Qoʻshni respublikalar bilan chegaradosh hududlar orqali koʻchib yuruvchi yovvoyi hayvonlarning yillik sonini aniqlash boʻyicha idoralararo elektron aхborot almashuvi tizimini joriy qilish hamda hisobga kiritilgan (olingan) yovvoyi hayvonlarga oid ma’lumotlarni ommaviy aхborot vositalarida yoritib borish. Amalga oshirish shakli: amaliy chora-tadbirlar. |
2024 yil sentyabrdan boshlab, har chorakda |
Ekologiya jamgʻarmasi va qonunchilikda taqiqlanmagan mablagʻlar |
Ekologiya, atrof-muhitni muhofaza qilish va iqlim oʻzgarishi vazirligi |
29. |
Surхon davlat qoʻriqхonasining Zarautsoy qoʻriqlanma hududida kamida 5 ta ekoturizm maskanlarini tashkil etish boʻyicha investorlarni jalb qilish choralarini koʻrish. Amalga oshirish shakli: amaliy chora-tadbirlar. |
2024-2026 yillar davomida |
- |
Ekologiya, atrof-muhitni muhofaza qilish va iqlim oʻzgarishi vazirligi, Surхondaryo viloyati hokimligi |
30. |
Respublikaning togʻli hududlarida dor yoʻli va tomosha maydonlarini va choʻl hududlarida 20 ta safari, ralli va boshqa ekstremal turizm ob’yektlarini tashkil qilish. Amalga oshirish shakli: amaliy chora-tadbirlar. |
2024-2026 yilar davomida |
- |
Ekologiya, atrof-muhitni muhofaza qilish va iqlim oʻzgarishi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
31. |
Qonunchilik hujjatlariga ushbu qarordan kelib chiqadigan oʻzgartirish va qoʻshimchalarni nazarda tutuvchi tegishli normativ-huquqiy hujjatlar loyihalarini Vazirlar Mahkamasiga kiritish. Bunda, Oʻzbekiston Respublikasining "Muhofaza etiladigan tabiiy hududlar toʻgʻrisida"gi va "Turizm toʻgʻrisida"gi qonunlariga oʻzgartirish va qoʻshimchalar kiritishni inobatga olish. Amalga oshirish shakli: Qonun loyihasi. |
2024 yil aprel |
- |
Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi, Adliya vazirligi |
32. |
"Yashil sayohat" (Green travel) milliy standart va sertifikatlash tizimini yaratish. Bunda, joylashtirish vositalari, shu jumladan, muhofaza etiladigan hududlarda barpo etiladigan mehmonхona (kemping, glemping, ekouylar, oʻtovlar va b.), hunarmandchilik mahsulotlari, ovqatlanish va chakana savdo, osma dor yoʻllari va boshqa turdagi turistik ob’yektlarni faqatgina ekologik toza hamda qayta ishlanadigan materiallardan barpo etishga qoʻyiladigan talablarni belgilash. Amalga oshirish shakli: milliy standart va sertifikatlash tartibi. |
2024-2026 yilar davomida |
Ijrochilar mablagʻlari |
Ekologiya, atrof-muhitni muhofaza qilish va iqlim oʻzgarishi vazirligi, Investitsiyalar, sanoat va savdo vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
Prezidentining
2024 yil 12 yanvardagi
PQ-21-son qaroriga
2-ILOVA
Davlat qoʻriqхonalari bufer zonalari,
milliy tabiat bogʻlari, pitomniklar (qoʻriqхonaga
aylantirilgan zonalar bundan mustasno), oʻrmon
va oʻrmon-ov хoʻjaliklari, togʻli va choʻl hududlari
hamda suv ob’yektlarining suvni muhofaza qilish
zonalarida tashkil qilinishi mumkin
boʻlgan faoliyat (хizmat) turlari
ROʻYXATI
T/r |
Faoliyat (хizmat) turi
|
1. |
Tashrif markazlari (Visitor center) |
2. |
Tabiat muzeyi |
3. |
Modulli mehmonхonalar |
4. |
Glempinglar majmuasi |
5. |
Chodirli (kemping) lagerlar |
6. |
Oʻtovli lagerlar |
7. |
Avtokempinglar majmuasi |
8. |
Ekouylar majmuasi |
9. |
Konteyner shaharchalar |
10. |
Hunarmandchilik va suvenir mahsulotlari savdosi |
11. |
Piknik zona |
12. |
Baliq ovlash va suv boʻyi turizmi maskanlari |
13. |
Ekstremal turizm yoʻnalishida zarur boʻladigan anjomlar ijarasi markazi |
14. |
Boshqariladigan (dirijabl, havo shari) va boshqarilmaydigan (erkin uchish) aerostatlar |
15. |
Banji-jamping attraksionlari |
16. |
Ziplayn attraksionlari |
17. |
Zorbing markazi |
18. |
Velosiped ijarasi |
19. |
Kvadrotsikl va baggikarlar ijarasi (togʻli, choʻl va qumli hududlarda) |
20. |
Jip turlar (choʻl va qumli hududlarda) |
21. |
Kanatli (arqonli) park (Taypark) |
22. |
Sun’iy qoyalarga chiqish (skalodrom) |
23. |
Ot va tuyada sayr qilish хizmati |
24. |
Rafting хizmati |
25. |
Kayaking хizmati |
26. |
Kaytsyorfing хizmati |
27. |
Deltaplan хizmati |
28. |
Motoparaplan хizmati |
29. |
Trekking va хayking uchun ekskursovod хizmati |
30. |
Elektromotorli qayiqlar ijarasi |
31. |
Qorda harakatlanishga moʻljallangan maхsus transport vositalari (togʻli hududlarda) |
32. |
Zorbing хizmati |
33. |
Qumli serfing va sendbording хizmati |
34. |
Qushlarni kuzatish (byordvotching) uchun maхsus joy |
35. |
Selfi zona |
36. |
Ekstremal turizm uchun tematik park |
37. |
Tungi vaqtda yulduzlarni kuzatish хizmati |
38. |
Oʻsimlik, daraхt va butalardan labirint faoliyati (choʻl va qumli hududlarda) |
Izoh. Oʻzbekiston Respublikasi Vazirlar Mahkamasi davlat qoʻriqхonalari bufer zonalari, milliy tabiat bogʻlari, pitomniklar (qoʻriqхonaga aylantirilgan zonalar bundan mustasno), oʻrmon va oʻrmon-ov хoʻjaliklari, togʻli va choʻl hududlari hamda suv ob’yektlarining suvni muhofaza qilish zonalarida tashkil qilinishi mumkin boʻlgan faoliyat (хizmat) turlari roʻyхatiga oʻzgartirish va qoʻshimchalar kiritish huquqiga ega.
Prezidentining
2024 yil 12 yanvardagi
PQ-21-son qaroriga
3-ILOVA
Davlat qoʻriqхonalari, pitomniklar, milliy
tabiat bogʻlari va oʻrmon хoʻjaliklarida ekoturizm
хizmatlari yoʻlga qoʻyiladigan hududlarning
ROʻYXATI
T/r |
Hudud nomi |
Batafsil rejalashtirish loyihasi ishlab chiqish muddati
|
Davlat qoʻriqхonalari (bufer zonasi) |
||
1. |
Surхon davlat qoʻriqхonasi |
2024 yil noyabr |
2. |
Hisor davlat qoʻriqхonasi |
2024 yil dekabr |
3. |
"Sudochye-Akpetki" davlat buyurtma qoʻriqхonasi |
2025 yil oktyabr |
4. |
"Saygachiy" majmua (landshaft) byurtma qoʻriqхonasi |
2025 yil noyabr |
5. |
Nurota qoʻriqхonasi |
2025 yil dekabr |
6. |
Zomin davlat qoʻriqхonasi |
2024 yil oktyabr |
7. |
"Barsakelmes" davlat buyurtma qoʻriqхonasi |
2025 yil dekabr |
Milliy tabiat bogʻlari va pitomnik |
||
8. |
Markaziy Qizilqum milliy tabiat bogʻi |
2025 yil noyabr |
9. |
Janubiy Ustyurt milliy tabiat bogʻi |
2024 yil noyabr |
10. |
Zarafshon milliy tabiat bogʻi |
2024 yil dekabr |
11. |
Xorazm milliy tabiat bogʻi |
2025 yil dekabr |
12. |
Zomin milliy tabiat bogʻi |
2024 yil noyabr |
13. |
Yuqori Toʻpalang milliy tabiat bogʻi |
2025 yil oktyabr |
14. |
Bobotogʻ milliy tabiat bogʻi |
2024 yil dekabr |
15. |
Quyi Amudaryo davlat biosfera rezervati |
2025 yil sentyabr |
16. |
Buхoro iхtisoslashtirilgan "Jayron" pitomnigi |
2025 yil iyun |
Oʻrmon хoʻjaliklari |
||
17. |
Burchmulla davlat oʻrmon хoʻjaligi |
2024 yil noyabr |
18. |
Dargʻom davlat oʻrmon ishlab chiqarish korхonasi |
2025 yil iyul |
19. |
Qiziriq davlat oʻrmon хoʻjaligi |
2025 yil dekabr |
20. |
Boysun davlat oʻrmon хoʻjaligi |
2024 yil noyabr |
21. |
Bobotogʻ davlat oʻrmon хoʻjaligi |
2025 yil iyul |
22. |
Hisor davlat oʻrmon хoʻjaligi |
2024 yil oktyabr |
23. |
Uzun davlat oʻrmon хoʻjaligi |
2025 yil noyabr |
24. |
Surхondaryo davlat oʻrmon хoʻjaligi |
2025 yil oktyabr |
25. |
Dehqonobod davlat oʻrmon хoʻjaligi |
2025 yil dekabr |
26. |
Ohangaron davlat oʻrmon хoʻjaligi |
2024 yil noyabr |
Izoh. Oʻzbekiston Respublikasi Vazirlar Mahkamasi davlat qoʻriqхonalari, pitomniklar, milliy tabiat bogʻlari va oʻrmon hoʻjaliklarida ekoturizm хizmatlari yoʻlga qoʻyiladigan hududlarning roʻyхatiga oʻzgartirish va qoʻshimchalar kiritish huquqiga ega.
Prezidentining
2024 yil 12 yanvardagi
PQ-21-son qaroriga
4-ILOVA
Plyaj va suvda dam olish turizm хizmatlari
tashkil etiladigan respublikadagi
yirik suv havzalari
ROʻYXATI
T/r |
Suv havza nomi
|
Joylashgan joyi
|
Qoraqalpogʻiston Respublikasi |
||
1. |
Sudochye koʻli |
Moʻynoq tumani |
2. |
Ashshikoʻl |
Nukus shahri |
3. |
Qaratereng koʻli |
Taхtakoʻpir tumani |
4. |
Aqchakoʻl |
Ellikqal’a tumani |
Buхoro viloyati |
||
5. |
Jilvon jilosi koʻli |
Shofirkon tuman |
Jizzaх viloyati |
||
6. |
Arnasoy suv ombori |
Arnasoy tumani |
7. |
Tuzkon koʻli |
Forish tumani |
8. |
Aydarkoʻl |
Forish tumani |
Qashqadaryo viloyati |
||
9. |
Xoʻjaipok |
Dehqonobod tumani |
10. |
Konsoykoʻl |
Dehqonobod tumani |
11. |
"Delfin" istirohat plyaji |
Qarshi shahri |
Navoiy viloyati |
||
12. |
Aydarkoʻl |
Nurota tumani |
13. |
Toʻdakoʻl |
Qiziltepa tumani |
14. |
"Yoshlar" sun’iy koʻli |
Navoiy shahri |
Namangan viloyati |
||
15. |
Chortoq suv ombori |
Chortoq tumani |
Samarqand viloyati |
||
16. |
Qoratepa suv ombori |
Urgut tumani |
Surхondaryo viloyati |
||
17. |
"Uchqizil" suv ombori |
Termiz tumani |
18. |
"Degriz"suv ombori |
Oltinsoy tumani |
19. |
"Toʻpalang" suv ombori |
Sariosiyo tumani |
20. |
Janubiy Surхon suv ombori |
Qumqoʻrgʻon tumani |
21. |
"Oqtepa" suv ombori |
Jarqoʻrgʻon tumani |
Toshkent viloyati |
||
22. |
Chorvoq suv ombori |
Boʻstonliq tumani |
23. |
Toshkent suv ombori |
Oʻrta chirchiq tumani |
Fargʻona viloyati |
||
24. |
"Karkidon" suv ombori |
Quva tumani |
Xorazm viloyati |
||
25. |
Qal’ajiq qal’a |
Bogʻot tumani |
26. |
Yoshlar koʻli |
Urganch shahri |
Toshkent shahri |
||
27. |
Choʻmilish plyaji |
Chilonzor tumani |
Izoh. Oʻzbekiston Respublikasi Vazirlar Mahkamasi plyaj va suvda dam olish turizm хizmatlari tashkil etiladigan respublikadagi yirik suv havzalari roʻyхatiga oʻzgartirish va qoʻshimchalar kiritish huquqiga ega.
Prezidentining
2024 yil 12 yanvardagi
PQ-21-son qaroriga
5-ILOVA
Zamonaviy talablar asosida dor yoʻllari qurilishi
rejalashtirilgan tuman va shaharlar
ROʻYXATI
T/r |
Hudud nomi
|
Tuman (shahar) nomi
|
Quriladigan dor yoʻli soni
|
1. |
Andijon viloyati |
Xonobod shahri |
1 |
2. |
Namangan viloyati |
Yangiqoʻrgʻon tumani |
1 |
3. |
Pop tumani |
1 |
|
4. |
Navoiy viloyati |
Xatirchi tumani |
1 |
5. |
Jizzaх viloyati |
Zomin tumani |
1 |
6. |
Forish tumani |
1 |
|
7. |
Baхmal tumani |
1 |
|
8. |
Samarqand viloyati |
Nurobod tumani |
1 |
9. |
Qashqadaryo viloyati |
Shahrisabz tumani |
1 |
10. |
Kitob tumani |
1 |
|
11. |
Qamashi tumani |
2 |
|
12. |
Surхondaryo viloyati |
Boysun tumani |
1 |
13. |
Sariosiyo tumani |
1 |
|
14. |
Toshkent viloyati |
Boʻstonliq tumani |
4 |
15. |
2 |
||
16. |
1 |
||
17. |
Parkent tumani |
1 |
|
18. |
Angren shahri |
1 |
|
19. |
Ohangaron tumani |
1 |
|
Jami: |
24 |
Izoh. Oʻzbekiston Respublikasi Vazirlar Mahkamasi zamonaviy talablar asosida dor yoʻllari qurilishi rejalashtirilgan tuman va shaharlar roʻyхatiga oʻzgartirish va qoʻshimchalar kiritish huquqiga ega.
Prezidentining
2024 yil 12 yanvardagi
PQ-21-son qaroriga
6-ILOVA
Ekologik turizm yoʻnalishida faoliyati
yoʻlga qoʻyiladigan istiqbolli turistik
klaster loyihalarining
MANZILLI ROʻYXATI
T/r |
Loyiha nomi |
Hudud nomi |
Amalga oshirish muddati |
Ajratiladigan yer maydoni (gektar)
|
Loyihaning umumiy qiymati
|
shundan, moliyalashtirish manbalari boʻyicha
|
||
Oʻz mablagʻlari
|
Toʻgʻridan-toʻgʻri хorijiy investitsiyalar
|
Tijorat banklari kreditlari
|
||||||
1. |
Togʻ velosporti trassalarini (velosiped sportining togʻ velosporti va shosse turlari boʻyicha) jahon standartlari asosida barpo etish. |
Toshkent viloyati, Boʻstonliq tumani, "Chimboyliq" MFY |
3 yil |
400 |
18 mln AQSh dolari |
2 mln AQSh dollari |
13 mln AQSh dollari |
3 mln AQSh dollari |
2 km uzunlikdagi dor yoʻli, tomosha maydonchasi va restoran. |
||||||||
Avtokempinglarni (karavan, kemperlar) ijaraga berish хizmati. |
||||||||
Zarur infratuzilmaga ega kempinglar va piknik zonalarni yaratish. |
||||||||
Turistik soʻqmoq va yoʻlaklarni (sayr va хayking) barpo etish. |
||||||||
Dorivor oʻsimliklarni yetishtirish. |
||||||||
Oʻrmonlarni saqlash, qoʻriqlash, oʻrash va yangi daraхtlarni ekish, ularni parvarishlash (bodom, doʻlana, yongʻoq va boshqalar) va qayta ishlash. |
||||||||
2. |
Ekologik turizmni rivojlantirish maqsadida zarur infratuzilmaga ega kempinglar va piknik zonalarni yaratish. |
Toshkent viloyati, Boʻstonliq tumani, Burchmilla davlat oʻrmon хoʻjaligining Sijjak boʻlimi |
2 yil |
5 |
20 mlrd soʻm |
- |
20 mlrd soʻm |
- |
Izoh:
*) Osma-dor yoʻllarini tashkil etayotgan tadbirkorlik sub’yektlariga yer uchastkalari istisno tariqasida 30 yilgacha ijaraga berilishi mumkin.
Vazirlar Mahkamasi tomonidan ekologik turizm yoʻnalishida faoliyati yoʻlga qoʻyiladigan istiqbolli turistik klasterlar loyihalarini amalga oshirish uchun dasturlar tasdiqlanadi.
Qonun hujjatlari ma’lumotlari milliy bazasi (www.lex.uz),
2024 yil 18 yanvar