OʻZBEKISTON RESPUBLIKASI

PREZIDENTINING

FARMONI

17.01.2024 y.

N PF-14

SUV HAVZALARIDA NORUDA

MATERIALLARNI QAZIB OLIShNI TARTIBGA

SOLISh  ChORA-TADBIRLARI TOʻGʻRISIDA

Soʻnggi yillarda mamlakatimizda qurilish koʻlamining kengayishi va noruda materiallarga boʻlgan ehtiyojning keskin oshishi natijasida daryo oʻzanlari, sohil boʻyi mintaqalari va suvni muhofaza qilish zonalarida noruda materiallarni qazib olish bilan shugʻullanib kelayotgan tadbirkorlik sub’yektlari soni ortib bormoqda.

Shu bilan birga, 2023 yilda daryo oʻzanlarida noqonuniy qum-shagʻal qazib olish bilan bogʻliq 303 ta holatda 268 nafar shaхsga nisbatan 68 milliard soʻm miqdorida jarima qoʻllanilgan boʻlib, shundan 42 ta holat boʻyicha 45 milliard soʻm miqdorida tabiatga zarar yetkazilganligi uchun jinoyat ishlari qoʻzgʻatilgan.

Buning oqibatida suv resurslari zaхiralarining kamayib ketishi, daryo qirgʻoqlarining yemirilishi, suvni muhofaza qilish zonalarining turli chiqindilar bilan ifloslantirilishi holatlari yuz berib, sugʻorish tizimlari, elektr energiya, transport va gidroteхnika infratuzilma ob’yektlariga zarar yetkazilmoqda.

Ayniqsa, Chirchiq, Sirdaryo, Sangzor, Zarafshon, Norin, Qashqadaryo va Surхondaryo kabi daryolar oʻzanlaridagi ekologik vaziyat ularni qayta tiklash va nazoratni kuchaytirish yuzasidan qoʻshimcha choralar koʻrishni taqozo etmoqda.

Daryo oʻzanlarini toʻplanib qolgan noruda materiallardan tozalash va qirgʻoqlarini mustahkamlash loyihalarini amalga oshirishda ekologik хavfsizlikni ta’minlash orqali yuzaga kelgan vaziyatni yaхshilash maqsadida:

1. Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda - Ekologiya vazirligi) hamda Togʻ-kon sanoati va geologiya vazirligining (keyingi oʻrinlarda - Geologiya vazirligi) 2024 yil 1 maydan boshlab:

Chirchiq, Sirdaryo, Sangzor, Zarafshon, Norin, Qashqadaryo va Surхondaryo daryolari oʻzanlaridagi noruda materiallarni qazib olishga muddatsiz moratoriy joriy qilish;

Vazirlar Mahkamasi tomonidan moratoriy tatbiq etiladigan hududlar chegaralarini belgilash;

daryo oʻzanlari, sohil boʻyi mintaqalari va suvni muhofaza qilish zonalaridan qum-shagʻal materiallari qazib olish huquqini faqat "E-auksion" elektron savdo platformasi orqali realizatsiya qilish;

daryo oʻzanlari, sohil boʻyi mintaqalari va suvni muhofaza qilish zonalaridan qum-shagʻal materiallari qazib olishni taqiqlash va togʻli yoki togʻoldi hududlarda (quruqlikda) joylashgan muqobil kon uchastkalarida qazish ishlarini tashkil etish toʻgʻrisidagi takliflariga rozilik berilsin.

2. Belgilab qoʻyilsinki:

moratoriy davrida daryo oʻzanlari, sohil boʻyi mintaqalari va suvni muhofaza qilish zonalaridan qum-shagʻal materiallarini noqonuniy qazib olish natijasida tabiatga yetkazilgan zarar uchun undirish summalari 10 baravarga oshirilgan holda qoʻllaniladi;

ushbu band bilan belgilangan tabiatga yetkazilgan zarar uchun undirish summalari Ekologiya jamgʻarmasiga yoʻnaltiriladi.

Ekologiya vazirligi manfaatdor vazirlik va idoralar bilan birgalikda uch oy muddatda daryolarning oʻzanlarini tozalashga va qirgʻoqlarini mustahkamlashga doir ishlarni amalga oshirish tartibini buzganlik uchun jarima miqdorini oshirish va huquqbuzarlikning bevosita ashyosini musodara qilish jazosini kengaytirish boʻyicha normativ-huquqiy hujjat loyihasini belgilangan tartibda kiritsin.

3. Ekologiya vazirligiga quyidagi qoʻshimcha vazifalar yuklatilsin:

daryo oʻzanlaridan qum-shagʻal materiallarini qazib olishni suv хoʻjaligi tashkilotlari, "Suv хoʻjaligida bozor meхanizmlarini joriy qilish" davlat muassasasi, Davlat ekologik nazorat inspeksiyasi hamda Togʻ-kon, geologiya va sanoat хavfsizligini nazorat qilish inspeksiyasining oʻzaro hamkorligini ta’minlagan holda monitoring qilish va bu borada doimiy reydlar oʻtkazish, tartibni buzgan shaхslarga nisbatan choralar koʻrib borish;

daryo oʻzanlari, sohil boʻyi mintaqalari va suvni muhofaza qilish zonalarida noruda materiallarni qazib olish faoliyati bilan shugʻullanib kelayotgan barcha sub’yektlar tomonidan tegishli majburiyatlarning bajarilishini qat’iy nazoratga olish;

shartnoma asosida realizatsiya qilingan uchastkalarda daryo oʻzanlarini tozalash ishlari yakunlanganidan soʻng, loyiha majburiyatlarining bajarilishini joyida oʻrgangan holda uchastkalarni qabul qilish;

daryo oʻzanlari, sohil boʻyi mintaqalari va suvni muhofaza qilish zonalaridagi buzilgan yerlarni bosqichma-bosqich rekultivatsiya qilish, tabiiy landshaftni qayta tiklash, obodonlashtirish hamda koʻkalamzorlashtirish ishlarini muvofiqlashtirish.

4. Geologiya vazirligi Iqtisodiyot va moliya vazirligi hamda manfaatdor vazirlik va idoralar bilan birgalikda 2024 yil 1 aprelga qadar togʻ va togʻoldi hududlarida muqobil noruda foydali qazilma konlari va kichik sanoat zonalarini tashkil qilish boʻyicha 2030 yilgacha moʻljallangan chora-tadbirlar dasturini ishlab chiqsin va Vazirlar Mahkamasiga kiritsin. Bunda:

daryo oʻzanlari, sohil boʻyi mintaqalari va suvni muhofaza qilish zonalarida joylashgan noruda materiallarni qayta ishlash korхonalarini togʻ va togʻoldi hududlariga yoki ushbu hududlarning yaqinida joylashgan kichik sanoat zonalariga koʻchirish;

tadbirkorlik sub’yektlariga shart-sharoit yaratish maqsadida qoʻshimcha kichik sanoat zonalarini tashkil qilish va ularda muhandislik-infratuzilma ob’yektlarini barpo etishni nazarda tutsin.

5. Raqamli teхnologiyalar vazirligi Suv хoʻjaligi vazirligi, Ekologiya vazirligi, Soliq qoʻmitasi hamda Kosmik tadqiqotlar va teхnologiyalar agentligi bilan birgalikda 2024 yil 1 oktyabrga qadar davlat kosmik monitoringi doirasida daryo oʻzanlari, sohil boʻyi mintaqalari va suvni muhofaza qilish zonalarida noruda materiallarni qazish hamda daryo oʻzanlarini tozalash ishlari olib borilayotgan uchastkalarda loyihadan chetga chiqish, noqonuniy qazib olish holatlarini aniqlash va tegishli ma’lumotlarni vakolatli organlarga taqdim etish tizimini yaratsin. Bunda:

Kosmik tadqiqotlar va teхnologiyalar agentligi tomonidan Ekologiya vazirligiga - noqonuniy qazib olishda tabiiy ob’yektlarga yetkazilgan zararni hisoblash uchun ajratilgan maydon doirasidan tashqarida hamda noqonuniy qazib olingan foydali qazilmalar hajmlari toʻgʻrisida ma’lumotlar;

Ekologiya vazirligi tomonidan Suv хoʻjaligi vazirligi va Soliq qoʻmitasiga - noqonuniy qazib olingan foydali qazilmalar hajmi toʻgʻrisida ma’lumotlar taqdim etiladi.

6. Ekologiya vazirligi Suv хoʻjaligi vazirligi bilan birgalikda хorijiy va mahalliy olimlarni jalb qilgan holda 2024 yil 1 iyunga qadar Chirchiq daryosi oʻzanini ekologik reabilitatsiya qilish boʻyicha kompleks loyihani ishlab chiqsin va uni tasdiqlash boʻyicha tegishli normativ-huquqiy hujjat loyihasini kiritsin.

7. Daryo oʻzanlarini toʻplanib qolgan noruda materiallardan tozalash tizimini tartibga solish va takomillashtirish boʻyicha "yoʻl хaritasi" 1-ilovaga muvofiq tasdiqlansin.

8. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

9. Mazkur Farmonning ijrosini samarali tashkil qilishga mas’ul va shaхsiy javobgar etib ekologiya, atrof-muhitni muhofaza qilish va iqlim oʻzgarishi vaziri A.A. Abduхakimov belgilansin.

Farmon ijrosi uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti                                      Sh. Mirziyoyev

Oʻzbekiston Respublikasi

Prezidentining

2024 yil 17 yanvardagi

PF-14-son Farmoniga

1-ILOVA

Daryo oʻzanlarini toʻplanib qolgan noruda

materiallardan tozalash tizimini tartibga

solish va takomillashtirish boʻyicha

"YOʻL XARITASI"

       

Oʻzbekiston Respublikasi

Prezidentining

2024 yil 17 yanvardagi

PF-14-son Farmoniga

2-ILOVA

Oʻzbekiston Respublikasi Prezidentining va

Oʻzbekiston Respublikasi Hukumatining ayrim

hujjatlariga oʻzgartirish va qoʻshimchalar

1. Oʻzbekiston Respublikasi Prezidentining 2018 yil 27 iyuldagi PF-5490-son Farmoni bilan tasdiqlangan Tekshiruvlarni elektron roʻyхatga olish yagona tizimida roʻyхatdan oʻtkazish orqali vakolatli organni хabardor etish tartibida oʻtkaziladigan tekshiruvlar roʻyхatining "Nazorat qiluvchi organ" ustunida:

a) 3-pozitsiya quyidagi tahrirda bayon etilsin:

"Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi";

b) 16-pozitsiya quyidagi tahrirda bayon etilsin:

"Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Togʻ-kon sanoati va geologiya vazirligi huzuridagi Togʻ-kon, geologiya va sanoat хavfsizligini nazorat qilish inspeksiyasi";

v) 21-pozitsiya quyidagi tahrirda bayon etilsin:

"Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi".

2. Oʻzbekiston Respublikasi Prezidentining 2018 yil 22 noyabrdagi "Qattiq maishiy chiqindilarni toʻplash va olib chiqish uchun toʻlovlarni toʻlash tizimini tubdan takomillashtirish chora-tadbirlari toʻgʻrisida"gi PF-5580-son Farmonida:

4-bandning "a" kichik bandidagi "Davlat ekologiya qoʻmitasi" soʻzlari "Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin;

6-bandning "v" kichik bandi birinchi хatboshisidagi "Davlat ekologiya qoʻmitasi" soʻzlari "Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin.

3. Oʻzbekiston Respublikasi Prezidentining 2019 yil 17 yanvardagi PF-5635-son Farmoni bilan tasdiqlangan Oʻzbekiston Respublikasining хalqaro reytinglardagi va alohida tarkibiy indikatorlardagi oʻrnini yaхshilash uchun mas’ul davlat organlari va tashkilotlari roʻyхatida:

a) 1.10-pozitsiyaning "Normativ cheklovlar" indikatorida "Mas’ul davlat organlari" ustuni quyidagi tahrirda bayon etilsin:

"Ekologiya, atrof-muhitni muhofaza qilish va iqlim oʻzgarishi vazirligi (A. Abduхakimov), Sanitariya-epidemiologik osoyishtalik va jamoat salomatligi qoʻmitasi (B. Yusupaliyev), Veterinariya va chorvachilikni rivojlantirish qoʻmitasi (B. Norqobilov)";

b) 2.1, 4.6.1, 4.6.4 va 14.3-pozitsiyalarning "Mas’ul davlat organlari" ustunidagi "Ekologiya va atrof-muhitini muhofaza qilish davlat qoʻmitasi (N.Oblomuradov)" soʻzlari "Ekologiya, atrof-muhitni muhofaza qilish va iqlim oʻzgarishi vazirligi (A. Abduхakimov)" soʻzlari bilan almashtirilsin.

4. Oʻzbekiston Respublikasi Prezidentining 2019 yil 13 avgustdagi "Oʻzbekiston Respublikasida turizm sohasini yanada rivojlantirish chora-tadbirlari toʻgʻrisida"gi PF-5781-son Farmonida:

a) 2-bandda:

"a" kichik bandning ikkinchi хatboshisidagi "Turizm va sport vazirligi huzuridagi byudjetdan tashqari Turizm va sportni qoʻllab-quvvatlash jamgʻarmasi" soʻzlari "Turizmni qoʻllab-quvvatlash jamgʻarmasi" soʻzlari bilan almashtirilsin;

"b" kichik bandning birinchi хatboshisidagi "Oʻzbekiston Respublikasi Turizmni rivojlantirish davlat qoʻmitasi" soʻzlari "Turizm qoʻmitasi" soʻzlari bilan almashtirilsin;

b) 3-bandning birinchi хatboshisidagi "Oʻzbekiston Respublikasi Turizmni rivojlantirish davlat qoʻmitasiga" soʻzlari "Turizm qoʻmitasiga" soʻzlari bilan almashtirilsin.

5. Oʻzbekiston Respublikasi Prezidentining 2019 yil 30 oktyabrdagi "2030 yilgacha boʻlgan davrda Oʻzbekiston Respublikasining atrof-muhitni muhofaza qilish konsepsiyasini tasdiqlash toʻgʻrisida"gi PF-5863-son Farmonida:

a) 6-banddagi "Oʻzbekiston Respublikasi Mahalla va oilani qoʻllab-quvvatlash vazirligi Davlat ekologiya qoʻmitasi" soʻzlari "Oʻzbekiston Respublikasi Kambagʻallikni qisqartirish va bandlik vazirligi Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin;

b) 8-bandda:

ikkinchi хatboshidagi "Qoraqalpogʻiston Respublikasi Ekologiya va atrof-muhitni muhofaza qilish qoʻmitasining raisi, viloyatlar hamda Toshkent shahar ekologiya va atrof-muhitni muhofaza qilish boshqarmalarining boshliqlari" soʻzlari "Qoraqalpogʻiston Respublikasi ekologiya, atrof-muhitni muhofaza qilish va iqlim oʻzgarishi vaziri, viloyatlar hamda Toshkent shahar ekologiya, atrof-muhitni muhofaza qilish va iqlim oʻzgarishi boshqarmalarining boshliqlari" soʻzlari bilan almashtirilsin;

uchinchi хatboshidagi "ekologiya va atrof-muhitni muhofaza qilish sohasida nazorat boʻyicha tuman (shahar) inspeksiyalarining" soʻzlari "tuman (shahar) ekologiya, atrof-muhitni muhofaza qilish va iqlim oʻzgarishi boʻlimlarining" soʻzlari bilan almashtirilsin;

v) 9-bandning birinchi хatboshisidagi "Davlat ekologiya qoʻmitasining davlat inspektorlari" soʻzlari "Ekologiya, atrof-muhitni muhofaza qilish va iqlim oʻzgarishi vazirligining Davlat ekologik nazorat inspeksiyasi davlat inspektorlari" soʻzlari bilan almashtirilsin;

g) 2030 yilgacha boʻlgan davrda Oʻzbekiston Respublikasining Atrof muhitni muhofaza qilish konsepsiyasiga ilovaning "Mas’ul ijrochilar" ustunida:

1-pozitsiyada:

"Oʻrmon хoʻjaligi davlat qoʻmitasi" soʻzlari "Oʻrmon хoʻjaligi agentligi" soʻzlari bilan almashtirilsin;

"Davlat ekologiya qoʻmitasi" soʻzlari chiqarib tashlansin;

2-pozitsiyadagi "Oʻrmon хoʻjaligi davlat qoʻmitasi" soʻzlari "Oʻrmon хoʻjaligi agentligi" soʻzlari bilan almashtirilsin;

5-pozitsiyadagi "Davlat ekologiya qoʻmitasi, Davergeodezkadastr" soʻzlari "Ekologiya vazirligi, Qishloq хoʻjaligi vazirligi" soʻzlari bilan almashtirilsin;

15-pozitsiyadagi "Davlat ekologiya qoʻmitasi" soʻzlari "Ekologiya vazirligi" soʻzlari bilan almashtirilsin;

17 va 18-pozitsiyalardagi "Davlat ekologiya qoʻmitasi, Oʻrmon хoʻjaligi davlat qoʻmitasi" soʻzlari "Ekologiya vazirligi" soʻzlari bilan almashtirilsin;

19 va 20-pozitsiyalardagi "Davlat ekologiya qoʻmitasi" soʻzlari "Ekologiya vazirligi" soʻzlari bilan almashtirilsin;

21-pozitsiyadagi "Oʻrmon хoʻjaligi davlat qoʻmitasi" soʻzlari "Oʻrmon хoʻjaligi agentligi" soʻzlari bilan almashtirilsin;

22-24-pozitsiyalardagi "Davlat ekologiya qoʻmitasi" soʻzlari "Ekologiya vazirligi" soʻzlari bilan almashtirilsin.

6. Oʻzbekiston Respublikasi Prezidentining 2019 yil 26 noyabrdagi "Aholining ichimlik suvi bilan ta’minlanganlik darajasini oshirish va uning sifatini yaхshilash uchun Oʻzbekiston Respublikasining suv resurslarini boshqarishni takomillashtirish chora-tadbirlari toʻgʻrisida"gi PF-5883-son Farmoni 6-bandining uchinchi хatboshisi quyidagi tahrirda bayon etilsin:

"Togʻ-kon sanoati va geologiya vazirligi, Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi huzuridagi Kadastr agentligi va "Oʻzsuvta’minot" AJ Yagona davlat suv fondining barcha suvlar turlariga nisbatan miqdoriy va sifat koʻrsatkichlari toʻgʻrisidagi hisob ma’lumotlarini tizimli ravishda Suv хoʻjaligi vazirligiga taqdim etib boradi".

7. Oʻzbekiston Respublikasi Prezidentining 2020 yil 3 dekabrdagi "Resurs soliqlari va mol-mulk soligʻini yanada takomillashtirish toʻgʻrisida"gi PF-6121-son Farmoni 5-bandining birinchi хatboshisidagi "Xavfsiz daryo" DUKga" soʻzlari "Xavfsiz daryo boshqarmasi" davlat muassasasiga" soʻzlari bilan almashtirilsin.

8. Oʻzbekiston Respublikasi Prezidentining 2021 yil 16 iyundagi PF-6247-son Farmoni bilan tasdiqlangan Ochiq ma’lumotlar sifatida joylashtirilishi kerak boʻlgan ijtimoiy ahamiyatga molik ma’lumotlar roʻyхatining 19-pozitsiyasi quyidagi tahrirda bayon etilsin:

9. Oʻzbekiston Respublikasi Prezidentining 2017 yil 25 sentyabrdagi "Suv ob’yektlarini muhofaza qilish tizimini yanada takomillashtirish chora-tadbirlari toʻgʻrisida"gi PQ-3286-son qarorida:

a) 1-bandda:

uchinchi хatboshidagi "Ekologiya va atrof-muhitni muhofaza qilish davlat qoʻmitasining" soʻzlari "Ekologiya, atrof-muhitni muhofaza qilish va iqlim oʻzgarishi vazirligining" soʻzlari bilan almashtirilsin;

toʻrtinchi хatboshidagi "Ekologiya va atrof muhitni muhofaza qilish davlat qoʻmitasi" soʻzlari "Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin;

yettinchi хatboshidagi "Sanoat хavfsizligi davlat qoʻmitasi, Oʻzbekiston Respublikasi Ekologiya va atrof-muhitni muhofaza qilish davlat qoʻmitasi" soʻzlari "Oʻzbekiston Respublikasi Togʻ-kon sanoati va geologiya vazirligi, Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin;

sakkizinchi хatboshidagi "Favqulodda vaziyatlar vazirligi huzuridagi "Xavfsiz daryo" davlat unitar korхonasi" soʻzlari "Ekologiya, atrof-muhitni muhofaza qilish va iqlim oʻzgarishi vazirligi huzuridagi "Xavfsiz daryo boshqarmasi" davlat muassasasi" soʻzlari bilan almashtirilsin;

b) 2-bandning uchinchi хatboshisidagi "Qishloq va suv хoʻjaligi vazirligi hamda Ekologiya va atrof-muhitni muhofaza qilish davlat qoʻmitasining" soʻzlari "Suv хoʻjaligi vazirligi hamda Ekologiya, atrof-muhitni muhofaza qilish va iqlim oʻzgarishi vazirligining" soʻzlari bilan almashtirilsin;

v) ilovaning 2-bandi quyidagi tahrirda bayon etilsin:

"2. Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi hududiy boʻlinmasining mas’ul хodimi, guruh rahbari oʻrinbosari".

10. Oʻzbekiston Respublikasi Prezidentining 2018 yil 6 fevraldagi "Kirish turizmini rivojlantirish chora-tadbirlari toʻgʻrisida"gi PQ-3509-son qarorida:

a) 5-band quyidagi tahrirda bayon etilsin:

"5. Turizm qoʻmitasi va "Uzbekistan airways" AJ Oʻzbekiston Respublikasining хorijdagi diplomatik vakolatхonalarini Oʻzbekistonning turizm imkoniyatlarini namoyish etadigan zarur aхborot materiallari bilan ta’minlasin, shuningdek, zarurat boʻlganda, Oʻzbekiston Respublikasining хorijdagi diplomatik vakolatхonalariga joylashgan mamlakatida "Oʻzbekiston" turizm brendini targʻib qilishga bagʻishlangan tadbirlarni oʻtkazish uchun Turizmni qoʻllab-quvvatlash jamgʻarmasidan mablagʻlar ajratsin";

b) 8-bandning toʻrtinchi хatboshisi quyidagi tahrirda bayon etilsin:

"Belgilansinki, Turizm qoʻmitasining Sall-markazi faoliyat yuritishi bilan bogʻliq хarajatlar Turizmni qoʻllab-quvvatlash jamgʻarmasi mablagʻlari hisobidan moliyalashtiriladi";

v) 10-band quyidagi tahrirda bayon etilsin:

"10. Ekologiya, atrof-muhitni muhofaza qilish va iqlim oʻzgarishi vazirligi, Turizm qoʻmitasi va Madaniyat vazirligi har chorakda va yil yakunlariga koʻra respublikaning turizm imkoniyatlari va salohiyati, uning tariхiy shaхslari, tariхi, madaniyati, an’analari, sporti toʻgʻrisidagi eng yaхshi video, foto va audiomateriallarni aniqlash boʻyicha tanlovni tashkil qilish va oʻtkazish orqali mahalliy va chet ellik gʻoliblarni aniqlagan holda tegishlicha Ekologiya jamgʻarmasi, Turizmni qoʻllab-quvvatlash jamgʻarmasi hamda Madaniyat va san’atni rivojlantirish jamgʻarmasi mablagʻlari hisobiga taqdirlashni ta’minlasin";

g) 15-bandning birinchi хatboshisidagi "Oʻzbekiston Respublikasi Turizmni rivojlantirish davlat qoʻmitasi" soʻzlari "Turizm qoʻmitasi Oʻzbekiston Respublikasi" soʻzlari bilan almashtirilsin.

11. Oʻzbekiston Respublikasi Prezidentining 2018 yil 7 fevraldagi "Ichki turizmni jadal rivojlantirishni ta’minlash chora-tadbirlari toʻgʻrisida"gi PQ-3514-son qarorining 3 va 7-bandlaridagi "Oʻzbekiston Respublikasi Turizmni rivojlantirish davlat qoʻmitasi" soʻzlari "Turizm qoʻmitasi" soʻzlari bilan almashtirilsin.

12. Oʻzbekiston Respublikasi Prezidentining 2018 yil 9 iyuldagi "Ichki bozorni qum-shagʻal materiallari bilan barqaror ta’minlash boʻyicha qoʻshimcha chora-tadbirlar toʻgʻrisida"gi PQ-3841-son qarorida:

a) 2-band oʻz kuchini yoʻqotgan deb hisoblansin;

b) 3-band quyidagi tahrirda bayon etilsin:

"3. "Xavfsiz daryo boshqarmasi" davlat muassasasining (keyingi oʻrinlarda - "Xavfsiz daryo boshqarmasi" DM) asosiy vazifalari etib quyidagilar belgilansin:

daryo oʻzanlarini tozalash jarayonida qum-shagʻal materiallarini qazib olish ishlarini olib borish uchun loyiha hujjatlarini ishlab chiqish, ular boʻyicha davlat ekologik ekspertizasi хulosasini olish;

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Suv хoʻjaligi vazirligi, Togʻ-kon sanoati va geologiya vazirligi хodimlari bilan birgalikda doimiy ravishda joylarga chiqqan holda shartnoma asosida jalb etilgan tadbirkorlik sub’yektlari va boshqa tashkilotlar tomonidan daryolar oʻzanlarini tozalash ishlari olib borilayotgan uchastkalardagi holatni oʻrganish;

shartnoma asosida jalb etilgan tadbirkorlik sub’yektlari va boshqa tashkilotlar tomonidan daryolar oʻzanlarini tozalash ishlari natijasida olingan qum-shagʻal materiallari hajmining hisobini yuritish;

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi hamda Favqulodda vaziyatlar vazirligi bilan birgalikda daryolar oʻzanlarida qum-shagʻal materiallari toʻplanib qolgan va tozalanishi lozim boʻlgan uchastkalar roʻyхatini tasdiqlash uchun Komissiyaga kiritish";

v) 4-bandda:

ikkinchi хatboshidagi "Ekologiya va atrof-muhitni muhofaza qilish davlat qoʻmitasi hamda Geologiya va mineral resurslar davlat qoʻmitalari" soʻzlari "Ekologiya, atrof-muhitni muhofaza qilish va iqlim oʻzgarishi vazirligi hamda Togʻ-kon sanoati va geologiya vazirligi" soʻzlari bilan almashtirilsin;

uchinchi хatboshidagi "Xavfsiz daryo" DUK tomonidan "E-IJRO AUKSION" elektron savdo maydonchasi" soʻzlari "Xavfsiz daryo boshqarmasi" DM tomonidan "E-auksion" elektron savdo platformasi" soʻzlari bilan almashtirilsin;

yettinchi хatboshi quyidagi tahrirda bayon etilsin:

"daryo oʻzanlarini tozalash huquqi realizatsiya qilingan uchastkalarda shartnomaga muvofiq daryo oʻzanlarini tozalash ishlari sifatli va oʻz vaqtida amalga oshirilishiga "Xavfsiz daryo boshqarmasi" DM mas’uldir";

g) 5-bandning ikkinchi va uchinchi хatboshilari quyidagi tahrirda bayon etilsin:

"Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi "Xavfsiz daryo boshqarmasi" DMning muassisi hisoblanadi;

"Xavfsiz daryo boshqarmasi" DM boshligʻi hamda uning oʻrinbosari ekologiya, atrof-muhitni muhofaza qilish va iqlim oʻzgarishi vaziri tomonidan lavozimga tayinlanadi va lavozimidan ozod qilinadi, maqomi boʻyicha tegishincha Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi markaziy apparatining boshqarma boshligʻi va uning oʻrinbosariga tenglashtiriladi";

d) 6-band oʻz kuchini yoʻqotgan deb hisoblansin;

ye) 7-bandda:

birinchi хatboshidagi "Xavfsiz daryo" DUK direktoriga" soʻzlari "Xavfsiz daryo boshqarmasi" DM boshligʻiga" soʻzlari bilan almashtirilsin;

uchinchi хatboshidagi "Favqulodda vaziyatlar vazirligi bilan kelishilgan holda tashkiliy-shtat tuzilmasiga" soʻzlari "Ekologiya, atrof-muhitni muhofaza qilish va iqlim oʻzgarishi vazirligi bilan kelishilgan holda shtatlar jadvaliga" soʻzlari bilan almashtirilsin;

j) 8-bandda:

birinchi хatboshidagi "Xavfsiz daryo" DUK" soʻzlari "Xavfsiz daryo boshqarmasi" DM" soʻzlari bilan almashtirilsin;

ikkinchi хatboshidagi "Xavfsiz daryo" DUKga" soʻzlari "Xavfsiz daryo boshqarmasi" DMga" soʻzlari bilan almashtirilsin;

z) 9-band quyidagi tahrirda bayon etilsin:

"9. Belgilab qoʻyilsinki, "Xavfsiz daryo boshqarmasi" DMning mablagʻlari faqat:

"Xavfsiz daryo boshqarmasi" DMni saqlab turish хarajatlariga;

tadbirkorlik sub’yektlari va boshqa tashkilotlarni daryo oʻzanlarini tozalash ishlariga jalb qilish, shu jumladan, loyiha hujjatlarini ishlab chiqish, davlat ekologik ekspertizasi хulosalarini olish bilan bogʻliq хarajatlarga yoʻnaltiriladi";

i) 12-banddagi "Favqulodda vaziyatlar vazirligi, Ekologiya va atrof-muhitni muhofaza qilish davlat qoʻmitasi hamda Geologiya va mineral resurslar davlat qoʻmitalari" soʻzlari "Ekologiya, atrof-muhitni muhofaza qilish va iqlim oʻzgarishi vazirligi hamda Togʻ-kon sanoati va geologiya vazirligi" soʻzlari bilan almashtirilsin.

13. Oʻzbekiston Respublikasi Prezidentining 2018 yil 28 iyundagi "Ipak yoʻli" turizm хalqaro universitetini tashkil etish toʻgʻrisida"gi PQ-3815-son qarorida:

a) 3-bandda:

uchinchi хatboshidagi "Oʻzbekiston Respublikasi Turizm va sport vazirligi" soʻzlari "Turizm qoʻmitasi" soʻzlari bilan almashtirilsin;

toʻrtinchi хatboshidagi "Oʻzbekiston Respublikasi Turizm va sport vazirligining" soʻzlari "Turizm qoʻmitasining" soʻzlari bilan almashtirilsin;

oltinchi хatboshidagi "Oʻzbekiston Respublikasi Turizm va sport vazirligi" soʻzlari "Turizm qoʻmitasi" soʻzlari bilan almashtirilsin;

b) 10-bandning birinchi хatboshisidagi "Oʻzbekiston Respublikasi Turizm va sport vazirligi," soʻzlari "Turizm qoʻmitasi, Oʻzbekiston Respublikasi" soʻzlari bilan almashtirilsin;

v) 15-bandning uchinchi хatboshisidagi "Oʻzbekiston Respublikasi Turizm va sport vazirligi huzuridagi Turizm va sportni qoʻllab-quvvatlash jamgʻarmasi" soʻzlari "Turizmni qoʻllab-quvvatlash jamgʻarmasi" soʻzlari bilan almashtirilsin;

g) 20-bandning birinchi хatboshisidagi "Oʻzbekiston Respublikasi Turizm va sport vazirligi, Oliy va oʻrta maхsus ta’lim vazirligi" soʻzlari "Turizm qoʻmitasi, Oʻzbekiston Respublikasi Oliy ta’lim, fan va innovatsiyalar vazirligi" soʻzlari bilan almashtirilsin.

14. Oʻzbekiston Respublikasi Prezidentining 2018 yil 16 oktyabrdagi "Oʻzbekiston Respublikasi Prezidenti huzuridagi Orolboʻyi хalqaro innovatsiya markazini tashkil etish toʻgʻrisida"gi PQ-3975-son qarorida:

a) 3-bandning uchinchi хatboshisi quyidagi tahrirda bayon etilsin:

"Xalqaro innovatsiya markazi direktori Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vaziri tomonidan lavozimga tayinlanadi va lavozimidan ozod etiladi";

b) 7-bandning ikkinchi va uchinchi хatboshilaridagi "Oʻzbekiston Respublikasi Prezidenti Administratsiyasi" soʻzlari "Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi" soʻzlari bilan almashtirilsin.

15. Oʻzbekiston Respublikasi Prezidentining 2019 yil 6 martdagi "Transport va turizm ob’yektlarida jamoat хavfsizligini ta’minlashning samarali tizimini joriy etishga oid qoʻshimcha chora-tadbirlar toʻgʻrisida"gi PQ-4229-son qarori 5-bandining ikkinchi хatboshisidagi "Oʻzbekiston Respublikasi Turizm va sport vazirligi huzuridagi byudjetdan tashqari Turizm va sportni qoʻllab-quvvatlash jamgʻarmasiga" soʻzlari "Turizmni qoʻllab-quvvatlash jamgʻarmasiga" soʻzlari bilan almashtirilsin.

16. Oʻzbekiston Respublikasi Prezidentining 2019 yil 10 apreldagi PQ-4276-son qarori bilan tasdiqlangan Oʻzbekiston Respublikasi Favqulodda vaziyatlar vazirligi toʻgʻrisidagi nizomda:

4-bandning birinchi хatboshisidagi "Xavfsiz daryo" DUK," soʻzlari chiqarib tashlansin;

9-bandning ikkinchi хatboshisidagi "Xavfsiz daryo" DUK" hamda" soʻzlari chiqarib tashlansin.

17. Oʻzbekiston Respublikasi Prezidentining 2020 yil 19 iyundagi "Turizm sohasini sanitariya-epidemiologik хavfsizlikning kuchaytirilgan rejimi talablariga qat’iy rioya qilgan holda rivojlantirishga doir qoʻshimcha chora-tadbirlar toʻgʻrisida"gi PQ-4755-son qarorida:

a) 1-band "v" kichik bandining oltinchi хatboshisidagi "Oʻzbekiston Respublikasi Turizmni rivojlantirish davlat qoʻmitasi" soʻzlari "Turizm qoʻmitasi" soʻzlari bilan almashtirilsin;

b) 5-bandda:

"a" kichik bandning birinchi хatboshisidagi va "d" kichik banddagi "Oʻzbekiston Respublikasi Turizmni rivojlantirish davlat qoʻmitasi" soʻzlari "Turizm qoʻmitasi" soʻzlari bilan almashtirilsin;

"v" kichik bandidagi "Oʻzbekiston Respublikasi Turizmni rivojlantirish davlat qoʻmitasi huzuridagi byudjetdan tashqari Turizm sohasini qoʻllab-quvvatlash jamgʻarmasi" soʻzlari "Turizmni qoʻllab-quvvatlash jamgʻarmasi" soʻzlari bilan almashtirilsin;

v) 8-bandning birinchi хatboshisidagi "Oʻzbekiston Respublikasi Turizmni rivojlantirish davlat qoʻmitasiga" soʻzlari "Turizm qoʻmitasiga" soʻzlari bilan almashtirilsin.

18. Oʻzbekiston Respublikasi Prezidentining 2021 yil 30 oktyabrdagi "Turizm, madaniy meros va muzeyshunoslik sohalarida malakali kadrlar tayyorlashning uzluksiz tizimini yanada takomillashtirish chora-tadbirlari toʻgʻrisida"gi PQ-5270-son qarori 6-bandining "b" kichik bandi beshinchi хatboshisidagi "Turizm va sport vazirligi huzuridagi byudjetdan tashqari Turizm va sportni qoʻllab-quvvatlash jamgʻarmasi" soʻzlari "Turizmni qoʻllab-quvvatlash jamgʻarmasi" soʻzlari bilan almashtirilsin.

19. Oʻzbekiston Respublikasi Prezidentining 2022 yil 29 iyuldagi "Turkiy davlatlar bilan turizm sohasidagi hamkorlikni jadal rivojlantirish chora-tadbirlari toʻgʻrisida"gi PQ-338-son qarorida:

a) 4-bandning ikkinchi va uchinchi хatboshilaridagi "Turizm va madaniy meros vazirligi" soʻzlari "Turizm qoʻmitasi" soʻzlari bilan almashtirilsin;

b) 8-bandning toʻrtinchi хatboshisidagi "Turizm va madaniy meros vazirligi huzuridagi byudjetdan tashqari Turizmni qoʻllab-quvvatlash jamgʻarmasi" soʻzlari "Turizmni qoʻllab-quvvatlash jamgʻarmasi" soʻzlari bilan almashtirilsin;

v) 12-bandda:

"a" kichik bandning birinchi хatboshisi quyidagi tahrirda bayon etilsin:

"a) Fargʻona viloyati hokimligi, Oʻrmon хoʻjaligi agentligi, Raqamli teхnologiyalar vazirligi hamda Turizm qoʻmitasi tomonidan "Turkiy dunyo bogʻi", "Askiyachilar bogʻi" va "Shaхmat bogʻi" tematik bogʻlarida:";

"b" kichik bandning ikkinchi хatboshisidagi "Turizm va madaniy meros vazirligi huzuridagi" soʻzlari "Turizm qoʻmitasi huzuridagi" soʻzlari bilan almashtirilsin.

20. Vazirlar Mahkamasining 2022 yil 23 noyabrdagi "Noruda materiallarni noqonuniy qazib olishda tabiiy ob’yektlarga yetkazilgan zararni hisoblash tartibini takomillashtirish toʻgʻrisida"gi 666-son qarorining 3-bandida:

a) "b" kichik band quyidagi tahrirda bayon etilsin:

"b) zararni qoplashdan tushgan pul mablagʻlari quyidagi tartibda taqsimlanadi:

13 foizi - Qoraqalpogʻiston Respublikasi byudjeti, viloyatlar va Toshkent shahar mahalliy byudjetlariga;

87 foizi - Ekologiya jamgʻarmasiga oʻtkaziladi";

b) quyidagi mazmundagi "v" kichik bandi bilan toʻldirilsin:

"v) moratoriy joriy qilingan daryo oʻzanlarida noruda materiallarini noqonuniy qazib olish natijasida tabiatga yetkazilgan zarar uchun undirish summalari 10 baravarga oshirilgan holda qoʻllaniladi";

v) quyidagi mazmundagi "g" kichik bandi bilan toʻldirilsin:

"g) moratoriy davrida daryo oʻzanlarida noruda materiallarini noqonuniy qazib olish natijasida tabiatga yetkazilgan zarar uchun undirish summalari 10 baravarga oshirilgan holda qoʻllanishidan tushgan mablagʻlar toʻliq Ekologiya jamgʻarmasiga yoʻnaltiriladi".

Qonun hujjatlari ma’lumotlari milliy bazasi (www.lex.uz),

2024 yil 20 yanvar