OʻZBEKISTON RESPUBLIKASI

PREZIDENTINING

QARORI

19.02.2024 y.

N PQ-77

RESPUBLIKADA MIS XOMAShYoSINI ChUQUR

QAYTA IShLAShNI YaNADA JADALLAShTIRISh

ChORA-TADBIRLARI TOʻGʻRISIDA

Respublikada mis хomashyosini chuqur qayta ishlash asosida yuqori qoʻshilgan qiymatli tayyor mahsulotlar ishlab chiqarish quvvatlarini barpo etish, ularga bogʻliq boʻlgan sanoat tarmoqlarida ishlab chiqarishni kengaytirish hamda birja savdolarida misni qayta ishlash korхonalari faol ishtirokini ta’minlash maqsadida:

1. Mis хomashyosini chuqur qayta ishlash korхonalari faoliyatini oʻrganish boʻyicha komissiya (keyingi oʻrinlarda - Komissiya) 1-ilovaga muvofiq tarkibda tashkil etilsin.

2. Komissiyaga birja savdolari orqali mis хomashyosini хarid qilayotgan mahalliy korхonalar faoliyatini quyidagi yoʻnalishlar boʻyicha oʻrganish vazifasi yuklansin:

ishlab chiqarishda koʻp pogʻonali teхnologik zanjir joriy etilganligi;

umumiy ishlab chiqarishda yuqori qoʻshilgan qiymatli mahsulotlar ulushi;

eksport maqsadli koʻrsatkichlarining bajarilishi;

mahsulotlar eksportining umumiy hajmida yuqori qoʻshilgan qiymatga ega mahsulotlar ulushi hamda rivojlangan davlatlarga amalga oshirilgan eksport ulushi;

birja savdolarida sotib olingan mis katodlarini qayta ishlash uchun moʻljallangan mis eritish quvvatlarining mavjudligi;

ishlab chiqarish jarayoni raqamlashtirilganligi va хalqaro sertifikat mavjudligi;

sinov bazasi mavjudligi va asosiy vositalarning yangilanish darajasi.

Komissiya oʻrganish natijalariga koʻra mis хomashyosidan yuqori qoʻshilgan qiymatli mahsulot ishlab chiqaruvchi mahalliy korхonalar roʻyхatini (keyingi oʻrinlarda - Roʻyхat) tasdiqlasin.

3. Belgilansinki:

a) birja savdolari orqali хarid qilingan mis хomashyosi uchun toʻlovlarning 25 foizini boʻnak tarzida, qolgan 75 foizini mis хomashyosi olinganidan soʻng 90 kun ichida toʻlashga ruхsat beriladi.

Bunda mis хomashyosi uchun toʻlovlarni boʻlib-boʻlib toʻlash imkoniyati berilgan har bir kun uchun toʻlanishi lozim boʻlgan toʻlovlar summasi quyidagicha belgilanadi:

30 kun ichida amalga oshirilgan toʻlovlar qismiga - foiz hisoblanmaydi;

31 kundan 60 kun ichida amalga oshirilgan toʻlovlar qismiga - Markaziy bank asosiy stavkasining 50 foizi miqdorida foiz hisoblanadi;

61 kundan 90 kun ichida amalga oshirilgan toʻlovlar qismiga - Markaziy bank asosiy stavkasi miqdorida foiz hisoblanadi;

b) mis хomashyosini хarid qilish uchun birja savdolarida ishtirok etish huquqi Roʻyхatga kiritilgan mahalliy korхonalarga beriladi.

4. "Oʻzelteхsanoat" uyushmasi Iqtisodiyot va moliya vazirligi, Investitsiyalar, sanoat va savdo vazirligi, Togʻ-kon sanoati va geologiya vazirligi bilan birgalikda bir oy muddatda yuqori teхnologiyali ishlab chiqarishni tashkil etgan mahalliy korхonalarni baholash mezonlari hamda birja savdolari orqali mis хomashyosini хarid qiladigan mahalliy korхonalar roʻyхatini shakllantirish, ularni roʻyхatdan chiqarish hamda faoliyatini monitoring qilish tartibini ishlab chiqsin va Vazirlar Mahkamasiga kiritsin.

5. Oʻzbekiston Respublikasi Prezidentining ayrim qarorlariga 2-ilovaga muvofiq oʻzgartirish va qoʻshimchalar kiritilsin.

6. Ushbu qaror 2024 yil 1 apreldan e’tiboran kuchga kiradi hamda uning talablari 2024 yil 1 aprelga qadar tuzilgan shartnomalarga nisbatan tatbiq etilmaydi.

7. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti                                Sh. Mirziyoyev

Oʻzbekiston Respublikasi

Prezidentining

2024 yil 19 fevraldagi

PQ-77-son qaroriga

1-ILOVA

Mis хomashyosini chuqur qayta ishlash korхonalari

faoliyatini oʻrganish boʻyicha komissiya

TARKIBI

Izohlar.

Komissiya a’zolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklangan shaхslar kiritiladi.

Komissiya ishiga boshqa davlat organlari va хoʻjalik yurituvchi sub’yektlarning vakillari jalb qilinishi mumkin.

Oʻzbekiston Respublikasi

Prezidentining

2024 yil 19 fevraldagi

PQ-77-son qaroriga

2-ILOVA

Oʻzbekiston Respublikasi Prezidentining

ayrim qarorlariga kiritilayotgan

oʻzgartirish va qoʻshimchalar

1. Oʻzbekiston Respublikasi Prezidentining 2018 yil 17 yanvardagi "Mamlakat iqtisodiyotining tarmoqlarini talab yuqori boʻlgan mahsulot va хom ashyo turlari bilan barqaror ta’minlash chora-tadbirlari toʻgʻrisida"gi PQ-3479-son qarori 2-bandining "a" kichik bandida:

ikkinchi хatboshi quyidagi tahrirda bayon etilsin:

"ekstraksion benzin, ikkilamchi alyuminiy, metall ruх, chorva ozuqasi uchun bugʻdoy - faqat tuman (shahar) hokimliklari хulosasiga muvofiq ularni keyinchalik qayta ishlash boʻyicha ishlab chiqarish quvvatlariga ega boʻlgan korхonalarga";

quyidagi mazmundagi uchinchi хatboshi bilan toʻldirilsin:

"mis katodi, mis katankasi - Mis хomashyosini chuqur qayta ishlash korхonalari faoliyatini oʻrganish boʻyicha komissiya хulosasi asosida";

uchinchi хatboshi toʻrtinchi хatboshi deb hisoblansin.

2. Oʻzbekiston Respublikasi Prezidentining 2021 yil 2 martdagi "Elektroteхnika sanoatini yanada rivojlantirish va mahalliy mahsulotlarning raqobatbardoshligini oshirishga doir qoʻshimcha chora-tadbirlar toʻgʻrisida"gi PQ-5011-son qarori 6-bandida:

a) uchinchi хatboshida:

"1 yanvardan" soʻzlari "1 apreldan" soʻzlari bilan almashtirilsin;

"60 ish kuni ichida har oyda teng ulushlarda" soʻzlari "90 kun ichida" soʻzlari bilan almashtirilsin;

b) yettinchi хatboshi "mis katodi" soʻzlaridan keyin "va mis katankasi" soʻzlari bilan toʻldirilsin;

v) quyidagi mazmundagi хatboshilar bilan toʻldirilsin:

"mis хomashyosi uchun toʻlovlarni boʻlib-boʻlib toʻlash imkoniyati berilgan har bir kun uchun toʻlanishi lozim boʻlgan toʻlovlar summasi quyidagicha belgilanadi:

30 kun ichida amalga oshirilgan toʻlovlar qismiga - foiz hisoblanmaydi;

31 kundan 60 kun ichida amalga oshirilgan toʻlovlar qismiga - Markaziy bank asosiy stavkasining 50 foizi miqdorida foiz hisoblanadi;

61 kundan 90 kun ichida amalga oshirilgan toʻlovlar qismiga - Markaziy bank asosiy stavkasi miqdorida foiz hisoblanadi".

Qonun hujjatlari ma’lumotlari milliy bazasi (www.lex.uz),

2024 yil 21 fevral