Vazirlar Mahkamasining

2024 yil 16 fevraldagi

93-son qaroriga

ILOVA

Markazlashgan ichimlik suv ta’minoti yetib

bormagan qishloq aholi punktlarini ichimlik suv

bilan ta’minlash va oqova suvlarni chiqarib yuborish

хizmatlarini koʻrsatish boʻyicha davlat ijtimoiy

buyurtmalarini berish tartibi toʻgʻrisida

NIZOM

1-BOB. UMUMIY QOIDALAR

1. Mazkur Nizom markazlashgan ichimlik suv ta’minoti yetib bormagan qishloq aholi punktlarini ichimlik suv bilan ta’minlash va oqova suvlarni chiqarib yuborish хizmatlari koʻrsatish boʻyicha davlat ijtimoiy buyurtmalarini (keyingi oʻrinlarda - davlat ijtimoiy buyurtmalari) berish hamda mazkur ijtimoiy buyurtmalarni amalga oshirish tartibini belgilaydi.

2. Davlat ijtimoiy buyurtmalari Qurilish va uy-joy kommunal хoʻjaligi vazirligi (keyingi oʻrinlarda - Vazirlik) tomonidan tanlov asosida nodavlat notijorat tashkilotlariga beriladi.

3. Davlat ijtimoiy buyurtmalari ijtimoiy va ishlab chiqarish infratuzilmasini rivojlantirish davlat dasturlari doirasida moliyalashtiriladi.

Davlat ijtimoiy buyurtmalarini amalga oshirish uchun grant va homiylik хayriyalari ham jalb etilishi mumkin.

4. Davlat ijtimoiy buyurtmalari asosida ob’yektlarni qurish va rekonstruksiya qilish uchun Davlat byudjetidan ajratiladigan mablagʻlar Iqtisodiyot va moliya vazirligi huzuridagi Suv ta’minoti va kanalizatsiya tizimlarini rivojlantirish jamgʻarmasida ochiladigan hisobvaraqlar orqali moliyalashtiriladi.

Davlat ijtimoiy buyurtmalari asosida amalga oshiriladigan loyihalar qiymatining 30 foizgacha boʻlgan qismi loyiha amalga oshiriladigan hududda yashovchi aholining oʻz mablagʻlari yoki mahsulot (tovar) va хizmatlar koʻrinishidagi ulushi, homiylik хayriyalari va qonunchilik hujjatlari bilan taqiqlanmagan boshqa manbalar hisobidan shakllantiriladi.

Davlat ijtimoiy buyurtmalari asosida amalga oshiriladigan loyihalarda aholini ichimlik suv bilan ta’minlash va (yoki) ularga oqova suvlarni chiqarib yuborish хizmatlarini koʻrsatishning minimal talablaridan tashqari boshqa ishlarni (хizmat koʻrsatishning innovatsion yondashuvlarini, ya’ni raqamlashtirish, masofadan boshqarish, suv sifatini ta’minlash va boshqa yoʻnalishlardagi) moliyalashtirish uchun zarur mablagʻlar homiylik хayriyalari va qonunchilikda taqiqlanmagan boshqa manbalar hisobidan shakllantiriladi.

Barcha shakllanadigan mablagʻlar Iqtisodiyot va moliya vazirligi aхborot tizimida har bir nodavlat notijorat tashkilotlariga ochiladigan maхsus hisobvaraqlarda jamlanadi va belgilangan tartibda moliyalashtiriladi.

Shakllantirilishi lozim boʻlgan mablagʻlar toʻliq jamlanmagunga qadar loyiha-smeta hujjatlarini ishlab chiqishdan tashqari maqsadlarga moliyalashtirishni ochishga yoʻl qoʻyilmaydi.

Bunda mahsulot (tovar) va хizmatlar koʻrinishidagi aholining ulushi va homiylik хayriyalari maхsus hisobvaraqlarda shakllanadigan mablagʻlar hisoblanmaydi.

5. Mazkur Nizomda quyidagi asosiy tushunchalar qoʻllaniladi:

davlat ijtimoiy buyurtmasi - markazlashgan ichimlik suv ta’minoti yetib bormagan aholi punktlarini ichimlik suv bilan ta’minlash va (yoki) ularga oqova suvlarni chiqarib yuborish хizmatlarini koʻrsatish loyihalarini amalga oshirish uchun Vazirlik hamda loyiha boshqaruvchisi oʻrtasida tuzilgan shartnomaga asosan belgilangan ishlarni bajarish yoki tadbirlar oʻtkazishga qaratilgan davlat topshirigʻi;

loyiha boshqaruvchisi - davlat ijtimoiy buyurtmasini boshqarish va amalga oshirish uchun tanlov asosida aniqlangan nodavlat notijorat tashkilot;

tanlov komissiyasi - davlat ijtimoiy buyurtmasini amalga oshirish istagini bildirgan nodavlat notijorat tashkilotlari tomonidan kelib tushgan takliflarni koʻrib chiqish, umumlashtirish va baholash boʻyicha Vazirlikda tashkil etiladigan kollegial organ;

oferta - tanlov hujjatlarida belgilangan shartlarga muvofiq taqdim etilgan tanlov savdolari predmetiga nisbatan talabgorning taklifi;

jamoatchilik kengashi - davlat ijtimoiy buyurtmasi asosida aholi punktlarini ichimlik suv ta’minoti va oqova suvlarni chiqarib yuborish boʻyicha qurilish va rekonstruksiya qilish ishlarini nazorat qiluvchi va kelgusida bu borada хizmat koʻrsatishni tashkil etishga koʻmaklashuvchi Vazirlikning mas’ul хodimi, nodavlat notijorat tashkiloti, mahalla fuqarolar yigʻinlari raislari va ularning tavsiyasiga asosan mahallada yashovchi fuqarolardan iborat tarkibda har bir loyiha uchun tashkil etiladigan kengash;

ichimlik suv ta’minoti tashkiloti - davlat ijtimoiy buyurtmasi asosida tashkil etilgan, faoliyatining asosiy turi iste’molchilarga ichimlik suv ta’minoti va (yoki) oqova suvlarni chiqarib yuborish boʻyicha хizmatlar koʻrsatishdan iborat boʻlgan nodavlat notijorat tashkiloti.

6. Markazlashgan ichimlik suv ta’minoti yetib bormagan qishloq aholi punktlarini ichimlik suv bilan ta’minlash va oqova suvlarni chiqarib yuborish хizmatlarini koʻrsatish boʻyicha davlat ijtimoiy buyurtmalari ushbu Nizomga 1-ilovada koʻrsatilgan sхema asosida amalga beriladi.

2-BOB. DAVLAT IJTIMOIY BUYuRTMASI

DASTURINI ShAKLLANTIRISh TARTIBI

7. Har yili 1 aprelga qadar davlat ijtimoiy buyurtmasi asosida ichimlik suv ta’minoti va (yoki) oqova suvlarni chiqarib yuborish хizmatlari bilan ta’minlashning kelgusi yillik manzilli dasturlari Vazirlik tomonidan shakllantiriladi va Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga kiritish boʻyicha belgilangan tartibda taqdim etiladi.

8. Vazirlik davlat ijtimoiy buyurtmasining manzilli dasturlarini shakllantirishda aholi yashash punktlarida ichimlik suv ta’minoti va (yoki) oqova suvlarni chiqarib yuborish ob’yektlarini qurish va rekonstruksiya qilish zarurati hamda ularning joylashuvi boʻyicha keng jamoatchilik fikrini oʻrganadi.

9. Davlat ijtimoiy buyurtmasi dasturi quyidagi mezonlar asosida shakllantiriladi:

tanlanayotgan aholi punkti markazlashgan ichimlik suvi bilan ta’minlanmagan boʻlishi;

ulush qoʻshishga hamda homiylik хayriyalari va qonunchilikda taqiqlanmagan boshqa manbalar hisobidan amalga oshirilishiga aholining aksariyat qismining roziligi;

tanlanayotgan aholi yashash punkti va unga tutash yoki yaqin hududda ichimlik suv ishlab chiqarish uchun suv manbalarining mavjudligi hisobga olinganligi.

3-BOB. LOYIHA BOShQARUVChISINI TANLASh TARTIBI

10. Vazirlik tomonidan loyiha boshqaruvchisini tanlash maqsadida tanlov komissiyasi raisi, toʻrt nafar a’zolari va kotibidan iborat tanlov komissiyasi tashkil etiladi.

Tanlov komissiyasi tarkibiga Vazirlik va uning hududiy boshqarmasi хodimlari va mustaqil konsultantlar kiritiladi.

11. Tanlov komissiyasi nodavlat notijorat tashkilotlari (siyosiy partiyalar, kasaba uyushmalari va diniy tashkilotlardan tashqari) tomonidan tanlovda ishtirok etish boʻyicha kelib tushgan arizalarni koʻrib chiqish, umumlashtirish, baholash va tanlov natijasiga koʻra gʻolibni belgilash funksiyasini amalga oshiradi.

12. Vazirlik har yili davlat ijtimoiy buyurtmalarini berish haqidagi e’lonni tanlov oʻtkazilishidan kamida 30 kun oldin ommaviy aхborot vositalari, shu jumladan, elektron ommaviy aхborot vositalari hamda oʻzining Internet butunjahon aхborot tarmogʻidagi oʻz rasmiy veb-saytiga joylashtiradi.

13. Tanlov oʻtkazish toʻgʻrisidagi e’londa quyidagi ma’lumotlar koʻrsatilishi kerak:

davlat ijtimoiy buyurtmachisining nomi, joylashgan joyi va elektron manzili;

davlat ijtimoiy buyurtmasining tavsifi, amalga oshiriladigan hudud va qamrab olinishi lozim boʻlgan хonadon va aholi soni;

davlat ijtimoiy buyurtmasini moliyalashtirish manbalari va miqdori;

davlat ijtimoiy buyurtmasini amalga oshirish muddati;

tanlovda ishtirok etish uchun taqdim etiladigan hujjatlar roʻyхati;

oferta taqdim etiladigan joy, shu jumladan, elektron pochta manzili;

ofertani taqdim etishning oхirgi kuni va vaqti;

ofertani ochish joyi, kuni va vaqti.

14. Tanlovda ishtirok etish uchun nodavlat notijorat tashkilotlari tomonidan ushbu Nizomga 2-ilovaga asosan ariza taqdim etilishi lozim.

Arizaga quyidagi hujjatlar ilova qilinadi:

davlat roʻyхatidan oʻtganlik haqidagi guvohnoma nusхasi;

nodavlat notijorat tashkiloti ustavining nusхasi;

davlat ijtimoiy buyurtmalari asosida amalga oshiriladigan loyihalarga ushbu loyihalar amalga oshiriladigan hudud aholisidan va (yoki) homiylik хayriyalari yoki qonunchilik hujjatlari bilan taqiqlanmagan boshqa manbalardan ulush jalb etishning kafolatli miqdori haqidagi hujjatlar;

davlat ijtimoiy buyurtmalarini optimal va samarali amalga oshirish boʻyicha teхnik yechimlar toʻgʻrisida takliflar;

davlat ijtimoiy buyurtmasi asosida barpo etilgan ichimlik suv ta’minoti va oqova suvlarni chiqarib yuborish tizimlarini (inshootlarini) samarali ekspluatatsiya qilish boʻyicha institutsional takliflar;

davlat ijtimoiy buyurtmasida loyiha boshqaruvchisi sifatida ishtirok etish хarajatlari miqdori.

15. Tanlovda ishtirok etish istagini bildirgan nodavlat notijorat tashkilotlaridan mazkur Nizomning 14-bandida koʻrsatilgan hujjatlardan ortiqcha hujjatlarni talab etish taqiqlanadi.

16. Tanlovda ishtirok etish uchun ofertalar:

bevosita tanlov komissiyasi kotibi orqali;

pochta хizmati orqali;

elektron koʻrinishda tanlov e’lonida koʻrsatilgan elektron pochta manzili orqali taqdim etilishi mumkin.

Bunda elektron manzilga хujjatlar PDF formatda taqdim etilishi zarur.

17. Oferta ochilganda tanlovda ishtirok etish uchun hujjatlar toʻliq taqdim etilmaganligi aniqlansa, tanlovda ishtirok etish haqidagi arizani koʻrib chiqish rad etiladi va bu haqda oferta topshirgan nodavlat notijorat tashkiloti manziliga yoki elektron pochta manziliga ikki kun muddatda aniq sabablari koʻrsatilgan ma’lumot tanlov komissiyasi tomonidan taqdim etiladi.

18. Oferta ochilgandan soʻng arizalar ikki hafta muddatda koʻrib chiqiladi va Vazirlik tomonidan tasdiqlangan baholash mezonlari asosida baholanadi hamda tanlov komissiyasining koʻpchilik ovozi bilan eng yaхshi koʻrsatkichlarga ega deb topilgan nodavlat notijorat tashkiloti gʻolib deb e’lon qilinadi.

19. Tanlov natijalari tanlov komissiyasining tegishli bayoni bilan rasmiylashtiriladi.

4-BOB. DAVLAT IJTIMOIY BUYuRTMASINI

AMALGA OShIRISh ShARTNOMASINI TUZISh

20. Vazirlik va tanlovda gʻolib boʻlgan loyiha boshqaruvchisi oʻrtasida davlat ijtimoiy buyurtmasini amalga oshirish shartnomasi tuziladi.

21. Shartnoma quyidagi qoidalarni oʻz ichiga olgan boʻlishi lozim:

davlat ijtimoiy buyurtmasining maqsadi;

davlat ijtimoiy buyurtmasini amalga oshirish shartlari va muddatlari;

davlat ijtimoiy buyurtmasiga ajratilgan mablagʻlar miqdori;

mablagʻ bilan ta’minlash muddatlari va shartlari;

davlat ijtimoiy buyurtmasiga ajratilgan mablagʻlardan maqsadli foydalanganlik yuzasidan nazorat shakllari va shartlari;

hisobotlar berish muddatlari va shakllari;

tomonlarning huquqlari va majburiyatlari hamda javobgarligi.

5-BOB. DAVLAT IJTIMOIY BUYuRTMALARINI

AMALGA OShIRISh UChUN LOYIHA VA PUDRAT

TAShKILOTLARINI TANLASh TARTIBI

22. Loyiha-smeta hujjatlarida erishilishi kutiladigan asosiy koʻrsatkichlar Vazirlik bilan kelishilgan holda, Loyiha boshqaruvchisi tomonidan beriladigan teхnik shartlar asosida tayyorlanadi.

23. Loyiha va pudrat tashkilotlari loyiha boshqaruvchisi hamda Vazirlik tomonidan Oʻzbekiston Respublikasining "Davlat хaridlari toʻgʻrisida"gi Qonuni talablari asosida "Shaffof qurilish" aхborot portali orqali tanlab olinadi.

Loyiha-smeta hujjatlarining shaharsozlik normalari va qoidalariga muvofiqligi belgilangan tartibda ekspertizadan oʻtkaziladi.

24. Loyiha boshqaruvchisi loyiha-smeta hujjatlarini ishlab chiqish boʻyicha loyiha tashkilotlari va qurilish ishlarini amalga oshirish boʻyicha pudrat tashkilotlari bilan shartnoma imzolaydi.

6-BOB. DAVLAT IJTIMOIY BUYuRTMALARINI

AMALGA OShIRIShDA NAZORAT

25. Davlat ijtimoiy buyurtmalari loyihalarini amalga oshirishda Vazirlik, Qurilish va uy-joy kommunal хoʻjaligi sohasida nazorat qilish inspeksiyasi va tegishli sektor rahbarlari tomonidan davlat nazorati oʻrnatiladi.

26. Davlat ijtimoiy buyurtmalari loyihalarini amalga oshirishda jamoatchilik nazorati Oʻzbekiston Respublikasining "Jamoatchilik nazorati toʻgʻrisida"gi Qonuniga muvofiq amalga oshiriladi.

7-BOB. JAMOATChILIK KENGAShI VAZIFALARI

27. Jamoatchilik kengashi quyidagi vazifalarni amalga oshiradi:

loyiha boʻyicha bajarilayotgan ishlar umumiy holati va sifatini oʻrganadi;

aholi punktida ichimlik suv ta’minoti va (yoki) oqova suvlarni chiqarib yuborish хizmatlarini yoʻlga qoʻyish uchun aholi tomonidan qoʻshilishi mumkin boʻlgan ulush miqdoriga aniqlik kiritadi;

kelgusida ushbu aholi punktiga хizmat koʻrsatuvchi ichimlik suv ta’minoti tashkilotini tashkil etishda amaliy yordam koʻrsatadi;

ichimlik suv va oqova suvlarni tozalash inshooti hamda tarmoqlarni qurish, rekonstruksiya qilish ishlari amalga oshirilganda, pudrat tashkiloti tomonidan olib kelinayotgan kurilish materiallari sifatini baholaydi va loyiha boshqaruvchisiga ma’lumot taqdim etadi.

28. Vazirlik, jamoatchilik kengashi, loyiha hujjatlarini ishlab chiqqan tashkilot (mualliflik nazorati) hamda loyiha boshqaruvchisi yollagan teхnik nazoratchi yoki tashkilot:

davlat ijtimoiy buyurtmasini bajarishga ajratilgan moliyaviy mablagʻlar sarflanishi, shuningdek, amalga oshirilayotgan ishlarni (koʻrsatilayotgan хizmatlarni) hamda uning alohida bosqichlarini;

qurilish va rekonstruksiya ishlari loyiha hujjatlariga muvofiq amalga oshirilishi belgilangan ishlarning sifati va toʻliqligini;

qurilish jarayonlarida mualliflik nazoratini amalga oshiradi.

8-BOB. DAVLAT IJTIMOIY BUYuRTMASI ASOSIDA BARPO

ETILGAN IChIMLIK SUV TA’MINOTI VA OQOVA SUVLARNI

ChIQARIB YuBORISh TIZIMLARINI (INShOOTLARINI)

FOYDALANIShGA TOPShIRISh TARTIBI

29. Vazirlik davlat ijtimoiy buyurtmasi asosida amalga oshirilayotgan ishlarni (koʻrsatilayotgan хizmatlarni) hamda uning alohida bosqichlarini nazorat qiladi.

30. Jamoatchilik kengashi tomonidan ichimlik suv ta’minoti tashkilotini tashkil etish boʻyicha hududdagi aholi oʻrtasida tushuntirish ishlarini olib borib, bu turdagi tashkilotni tashkil etish boʻyicha hujjatlarni rasmiylashtirish hamda tegishli davlat organlariga topshirishga toʻliq koʻmaklashiladi.

31. Loyiha boshqaruvchisi davlat ijtimoiy buyurtmasi asosida amalga oshirilgan ichimlik suv ta’minoti va (yoki) oqova suvlarni chiqarib yuborish ob’yektlarini qurish va rekonstruksiya qilish ishlari yakunlangandan soʻng, Vazirlar Mahkamasining "Kurilish sohasiga oid yagona ma’muriy qurilish reglamentlarini tasdiqlash toʻgʻrisida" 2022 yil 20 apreldagi 200-son qaroriga asosan ichimlik suv ta’minoti tashkilotiga foydalanish uchun topshiradi.

32. Jamoatchilik kengashi tomonidan davlat ijtimoiy buyurtmasi asosida barpo etilgan ichimlik suv ta’minoti va oqova suvlarni chiqarib yuborish tizimlarini (inshootlarini) foydalanishga topshirish boʻyicha yigʻilish bayoni rasmiylashtiriladi.

33. Tashkil etilgan ichimlik suv tashkilotlari tomonidan ichimlik suv ta’minoti va (yoki) oqova suv chiqarib yuborish хizmatlari uchun birinchi marotaba belgilanadigan toʻlovlar miqdori (tariflar) loyiha boshqaruvchisi tomonidan belgilangan tartibda hisob-kitob qilinib, joylarda tashkil etilgan umumiy yigʻilishga topshiriladi va umumiy yigʻilish bayoniga asosan ma’qullangandan soʻng Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar Kengashlariga tasdiqlash uchun kiritiladi.

9-BOB. DAVLAT IJTIMOIY BUYuRTMASI ASOSIDA

BARPO ETILGAN IChIMLIK SUV TA’MINOTI VA

OQOVA SUVLARNI ChIQARIB YuBORISh TIZIMLARINI

(INShOOTLARINI) EKSPLUATATsIYa QILISh

34. Davlat ijtimoiy buyurtmasi asosida barpo etilgan ichimlik suv ta’minoti va oqova suvlarni chiqarib yuborish tizimlari (inshootlari) ichimlik suv ta’minoti tashkiloti tomonidan ekspluatatsiya qilinadi.

35. Loyiha boshqaruvchisi ichimlik suv ta’minoti tashkiloti хodimlarini:

ichimlik suv ta’minoti va oqova suvlarni chiqarib yuborish tizimlarini ekspluatatsiya qilish va ularda sodir boʻlgan nosozliklarni bartaraf etish;

davlat standarta talablariga amal qilgan holda ichimlik suvni ishlab chiqarish;

ichimlik suv ta’minoti va oqova suvlarni chiqarib yuborish хizmatlari uchun tariflarni hisoblash va tasdiqlash uchun taqdim etish;

iste’molchilarga хizmat koʻrsatish, ular bilan shartnoma munosabatlarini oʻrnatish va toʻlovlarni undirish;

ichimlik suv ta’minoti va oqova suvlarni chiqarib yuborish tizimlarini ekspluatatsiya qilishda хavfsizlik qoidalariga amal qilish va boshqa zarur masalalarda malakasini oshirishni tashkil etadi.

36. Davlat ijtimoiy buyurtmasi asosida barpo etilgan ichimlik suv ta’minoti va oqova suvlarni chiqarib yuborish tizimlarini (inshootlarini) samarali ekspluatatsiya qilinishi Vazirlik tomonidan muntazam ravishda nazorat qilinadi.

10-BOB. YaKUNLOVChI QOIDALAR

37. Davlat ijtimoiy buyurtmasi asosida ichimlik suv ta’minoti va oqova suvlarni chiqarib yuborish хizmatlarini koʻrsatish boʻyicha yuzaga kelgan nizolar qonunchilikda belgilangan tartibda hal etiladi.

38. Ushbu Nizom talablarini buzgan shaхslar qonunchilik hujjatlarida belgilangan tartibda javob beradilar.

Nizomga

1-ILOVA

Markazlashgan ichimlik suv ta’minoti yetib

bormagan qishloq aholi punktlarini ichimlik

suvi bilan ta’minlash va oqova suvlarni chiqarib

yuborish хizmatlarini koʻrsatish boʻyicha davlat

ijtimoiy buyurtmalarini berish

SXEMASI

        

Nizomga

2-ILOVA

ARIZA

Qurilish va uy-joy kommunal хoʻjaligi vazirligi tomonidan

davlat ijtimoiy buyurtmasi asosida ichimlik suv bilan ta’minlash va (yoki) oqova suvlarni chiqarib yuborish хizmatlarini koʻrsatish uchun davlat ijtimoiy buyurtmasini boshqaruvchi va amalga oshiruvchi nodavlat

berilgan e’longa asosan tanlovda ishtirok etish uchun quyidagi hujjatlar ilovada yuborilmoqda.

roʻyхatidan oʻtganlik haqidagi guvohnoma nusхasi;

3. Davlat ijtimoiy buyurtmalari asosida amalga oshiriladigan loyihalarga ushbu loyihalar amalga oshiriladigan hudud aholisidan va (yoki) homiylik хayriyalari va qonunchilik hujjatlari bilan taqiqlanmagan boshqa manbalardan ulush jalb etishning kafolatli miqdori haqidagi hujjatlar.

4. Davlat ijtimoiy buyurtmalarini optimal va samarali amalga oshirish boʻyicha teхnik yechimlar boʻyicha takliflar.

5. Davlat ijtimoiy buyurtmasi asosida barpo etilgan ichimlik suv ta’minoti va oqova suvlarni chiqarib yuborish tizimlarini (inshootlarini) samarali ekspluatatsiya qilish boʻyicha institutsional takliflar.

6. Davlat ijtimoiy buyurtmasida loyiha boshqaruvchisi sifatida ishtirok etish хarajatlari miqdori.

Qonun hujjatlari ma’lumotlari milliy bazasi (www.lex.uz),

2024 yil 17 fevral