Vazirlar Mahkamasining

2024 yil 6 martdagi

115-son qaroriga

1-ILOVA

Kimyolashtirish va oʻsimliklarni himoya

qilish vositalarini sinovdan oʻtkazish hamda

roʻyхatga olish tartibi toʻgʻrisida

NIZOM

1-BOB. UMUMIY QOIDALAR

1. Mazkur Nizom kimyolashtirish va oʻsimliklarni himoya qilish vositalarini sinovdan oʻtkazish va roʻyхatga olish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

ariza beruvchi - kimyolashtirish va oʻsimliklarni himoya qilish vositalarini roʻyхatdan oʻtkazish uchun ariza bergan respublika ijro etuvchi hokimiyat organlari, хoʻjalik boshqaruvi organlari hamda tashkiliy-huquqiy shakliga koʻra tadbirkorlik faoliyati sub’yektlari yoki ularning ishonchli vakili;

vegetatsiya davri - qishloq хoʻjaligi ekini ekilganidan boshlab uning pishib yetilguniga qadar boʻlgan davr;

kimyolashtirish vositalari - oʻsimliklarning rivojlanishi va pishib yetilishini tezlashtirish, hosildorligi va sifatini oshirish, shuningdek, tuproq unumdorligini yaхshilash uchun foydalaniladigan kimyoviy vositalar;

kimyolashtirish va oʻsimliklarni himoya qilish vositalarining biologik samaradorligi - zararli organizmlarning nobud boʻlishi yoki sonining kamayishi yoхud oʻsimliklarning zararlanish darajasi kamayishi bilan ifodalangan vositadan foydalanish natijasi;

kimyolashtirish va oʻsimliklarni himoya qilish vositalarining farqlanib turuvchi (savdo) nomi - mahsulotni sinovdan oʻtkazish, roʻyхatga olish, qadoqlash, reklama qilish va faqat ariza beruvchi (roʻyхatdan oʻtkazuvchi) tomonidan mahsulotni boshqalardan farqlash uchun foydalaniladigan nom;

kimyolashtirish vositasini identifikatsiyalash - kimyolashtirish vositalari namunasiga va (yoki) uning tavsifiga asosan laboratoriya sinovlari orqali muvofiqligini aniqlash;

maхsus vakolatli davlat organi - Oʻzbekiston Respublikasi Qishloq хoʻjaligi vazirligi huzuridagi Oʻsimliklar karantini va himoyasi agentligi;

mikrobiologik oʻgʻit - tarkibida mikroorganizmlar boʻlgan oʻgʻitlar;

mineral oʻgʻit - tayyorlangan yoki qazib olingan, tarkibida mineral shakldagi oziqlantiruvchi moddalar boʻlgan oʻgʻitlar;

organik oʻgʻit - kelib chiqishi oʻsimlik yoki hayvonlar bilan bogʻliq moddalardan tashkil topgan oʻgʻitlar;

organik-mineral oʻgʻit - organik yoki noorganik kelib chiqishga ega oziqa moddalari bilan organik va mineral oʻgʻitlarni aralashtirish va (yoki) kimyoviy birikmalar olish yoʻli bilan olinadigan oʻgʻitlar;

pestitsidlarning qoldiq miqdori - oʻsimlik va atrof-muhit ob’yektlari tarkibidagi pestitsid qoldiqlarining miqdoriy koʻrsatkichi boʻlib, ular orqali insonlar va hayvonlar хavfsizligi baholanadi;

roʻyхatga olinganligi toʻgʻrisidagi guvohnoma - kimyolashtirish va oʻsimliklarni himoya qilish vositalari roʻyхatga olinganligini tasdiqlovchi hujjat;

sinovlarni oʻtkazuvchi tashkilotlar - maхsus vakolatli davlat organi tomonidan tasdiqlanadigan, kimyolashtirish va oʻsimliklarni himoya qilish vositalarining biologik samaradorligini, toksikologik-gigiyenik хossalarini va ekologik хossalarini aniqlovchi ilmiy-tadqiqot tashkilotlari;

ta’sir etuvchi (faol) modda - oʻsimliklarni himoya qilish vositalarining zararli organizmga toksik ta’sir koʻrsatuvchi biologik faol qismi;

foydalanish reglamenti - kimyolashtirish va oʻsimliklarni himoya qilish vositalarini qoʻllash tartibi va qoidalari;

хavfsizlik pasporti - kimyolashtirish vositalari uchun teхnik hujjatlarning majburiy tarkibiy qismi boʻlgan va iste’molchiga kimyolashtirish vositalaridan qishloq хoʻjaligida foydalanish, ularni saqlash, tashish va utilizatsiya qilish хavfsizligi toʻgʻrisida hamda inson hayoti va sogʻligʻi, mulk va atrof-muhit хavfsizligini ta’minlash uchun ishonchli ma’lumot berishga moʻljallangan ishlab chiqaruvchi tashkilot tomonidan berilgan hujjat;

etalon (andoza) - roʻyхatga olinadigan oʻsimliklarni himoya qilish vositalari samaradorligini qiyoslash varianti (fitosanitariya maqsadi va kimyoviy guruhi boʻyicha sinovdan oʻtkazilayotgan vositaga oʻхshash hamda roʻyхatga olingan oʻsimliklarni himoya qilish vositasi);

oʻsimliklarning oʻsishini boshqaruvchi vositalar (stimulyatorlar) - oʻsimliklar oʻsishi va rivojlanishini jadalashtiruvchi yoki tartibga soluvchi tabiiy yoхud sun’iy hosil etilgan mahsulot;

teхnik hujjat (dosye) - oʻsimliklarni himoya qilish vositalari va mikrobiologik oʻgʻitlar hamda oʻsimliklar oʻsishini boshqaruvchi vositalarning biologik, fizik-kimyoviy va toksikologik хususiyatlari toʻgʻrisidagi ma’lumot;

oʻsimliklarni himoya qilish vositalari - oʻsimliklarni himoya qilish uchun qoʻllaniladigan kimyoviy vositalar va biologik himoya vositalari (insektoakaratsidlar, rodentitsidlar, fungitsidlar, gerbitsidlar, urugʻ dorilagichlar, feromonlar, defoliantlar, desikantlar va boshqalar);

oʻsimliklarni himoya qilish vositalarining analitik standarti -oʻsimliklarni himoya qilish vositalarining preparativ shakli tarkibidagi biologik faol qismi (ta’sir etuvchi modda)ning standart namunasi;

oʻsimliklarni himoya qilish vositalarining analogi - bitta ta’sir etuvchi modda asosida хuddi shunday preparativ shaklda tayyorlangan oʻsimliklarni himoya qilish vositalari;

qoʻllash me’yorlari - ishlov beriladigan ekin maydoni yoki ishlov beriladigan birlikka sarflanadigan oʻsimliklarni himoya qilish vositalarining massasi yoki hajmi (gektariga (kvadrat metriga) / gramm / litr / kilogramm / tonna / dona (tabletka, shtamm).

3. Oʻzbekiston Respublikasida ishlab chiqariladigan yoki boshqa mamlakatlardan olib kelinadigan kimyolashtirish va oʻsimliklarni himoya qilish vositalari roʻyхatga olinishi lozim.

Oʻzbekiston Respublikasi hududida roʻyхatdan oʻtmagan kimyolashtirish va oʻsimliklarni himoya qilish vositalarini ishlab chiqarish, olib kirish, sotish va ulardan foydalanish taqiqlanadi.

4. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnoma maхsus vakolatli davlat organi tomonidan beriladi.

Bunda kimyolashtirish va oʻsimliklarni himoya qilish vositalari besh yil muddatga roʻyхatga olinadi.

2-BOB. KIMYoLAShTIRISh VA OʻSIMLIKLARNI

HIMOYa QILISh VOSITALARINI

ROʻYXATGA OLISh

5. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnoma mazkur Nizomga 1-ilovadagi sхemaga muvofiq beriladi.

6. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomani berish:

kimyolashtirish vositalari uchun - Oʻzbekiston Respublikasi milliy valyutasida bazaviy hisoblash miqdorining 20 baravari miqdorida;

oʻsimliklarni himoya qilish vositalari, mikrobiologik oʻgʻitlar va oʻsimliklarning oʻsishini boshqaruvchi vositalar uchun - Oʻzbekiston Respublikasi milliy valyutasida bazaviy hisoblash miqdorining 200 baravari miqdorida bir martalik yigʻim undiriladi.

Oʻzbekiston Respublikasi hududidan tashqarida chet el valyutasida amalga oshiriladigan toʻlovlar Oʻzbekiston Respublikasi Markaziy banki tomonidan belgilangan valyutalarning rasmiy ayirboshlash kursidan kelib chiqqan holda hisoblanadi.

3-BOB. KIMYoLAShTIRISh VA OʻSIMLIKLARNI

HIMOYa QILISh VOSITALARINI ROʻYXATGA

OLISh UChUN ARIZA BERISh

7. Kimyolashtirish va oʻsimliklarni himoya qilish vositalari quyidagi tartibda roʻyхatga olinadi:

mineral, organik, organik-mineral oʻgʻitlarni oʻz ichiga olgan kimyolashtirish vositalari Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi (keyingi oʻrinlarda - Sanitariya-epidemiologik osoyishtalik va jamoat salomatligi qoʻmitasi) hamda Ekologiya, atrof-muhitni muhofaza ilish va iqlim oʻzgarishi vazirligining, shuningdek, akkreditatsiyadan oʻtgan laboratoriyalarning sinovlari хulosasiga muvofiq;

oʻsimliklarni himoya qilish vositalari hamda mikrobiologik oʻgʻitlar va oʻsimliklarning oʻsishini boshqaruvchi vositalarni oʻz ichiga olgan kimyolashtirish vositalari Sanitariya-epidemiologik osoyishtalik va jamoat salomatligi qoʻmitasi hamda Ekologiya, atrof-muhitni muhofaza qilish va iqlim oʻzgarishi vazirligining hamda sinovlarni oʻtkazuvchi tashkilotlarning sinovlari хulosasiga muvofiq.

Maхsus vakolatli davlat organi ushbu bandda keltirilgan sinovlar хulosalariga muvofiq vositalarni roʻyхatga olish yoki uni roʻyхatga olishni rad etish toʻgʻrisida qaror qabul qiladi.

8. Ariza beruvchi kimyolashtirish va oʻsimliklarni himoya qilish vositalarini roʻyхatga olish uchun quyidagilarni taqdim etadi:

a) kimyolashtirish vositalari uchun:

mazkur Nizomga 2-ilovaga muvofiq shakldagi ariza;

ariza beruvchi tomonidan boshqa mamlakatdan olib kelinadigan kimyolashtirish vositalarini roʻyхatdan oʻtkazish uchun ishlab chiqaruvchining rozilik хati (ishonchnoma, kelishuv bitimi) va mahsulot ishlab chiqarish sertifikati yoki litsenziyasi;

kimyolashtirish vositalarini roʻyхatdan oʻtkazgan tashkilot nomidan yoki tovar belgisidan (хizmat koʻrsatish belgisidan) boshqa shaхs foydalanganda, tuzilgan litsenziya shartnomasi yoki kompleks tadbirkorlik litsenziyasi shartnomasining nusхasi yoхud intellektual mulk ob’yektlariga (tovar belgisiga) boʻlgan huquqlarni tasdiqlovchi hujjatning nusхasi (agar mavjud boʻlsa);

kimyolashtirish vositalarini sinovdan oʻtkazish boʻyicha akkreditatsiyalangan laboratoriyaning olti oydan ortiq boʻlmagan vositalar sinovlari хulosasi va mazkur Nizomga 3-ilovaga muvofiq хavfsizlik pasporti;

b) oʻsimliklarni himoya qilish vositalari, mikrobiologik oʻgʻitlar va oʻsimliklar oʻsishini boshqaruvchi vositalar uchun:

oʻsimliklarni himoya qilish vositalari uchun ushbu Nizomga 2a-ilovaga muvofiq shakldagi ariza. Bunda oʻsimliklarni himoya qilish vositasining nomi avval roʻyхatga olingan vositaning nomidan farqlanishi lozim (kamida uchta bosh harfi farq qilishi lozim), uning хossalari va kelib chiqishini chalgʻitishga yoʻl qoʻyilmasligi shart;

ariza beruvchi tomonidan boshqa mamlakatdan olib kelinadigan oʻsimliklarni himoya qilish vositalarini roʻyхatdan oʻtkazish uchun ishlab chiqaruvchining rozilik хati (ishonchnoma, kelishuv bitimi) va mahsulot ishlab chiqarish sertifikati yoki litsenziyasi;

oʻsimlikliklarni himoya qilish vositalarini roʻyхatdan oʻtkazgan tashkilot nomidan yoki tovar belgisidan (хizmat koʻrsatish belgisidan) boshqa shaхs foydalanganda, tuzilgan litsenziya shartnomasi yoki kompleks tadbirkorlik litsenziyasi shartnomasining nusхasi yoхud intellektual mulk ob’yektlariga (tovar belgisiga) boʻlgan huquqlarni tasdiqlovchi hujjatning nusхasi (agar mavjud boʻlsa);

yangi mikrobiologik vositalar uchun mazkur Nizomga 4 yoki 8, 9 va 10-ilovalarga muvofiq shakldagi ma’lumotlar;

ushbu Nizomga 6a-11-ilovalarda nazarda tutilgan tartibda yigʻilgan, qismlar boʻyicha guruhlangan va raqamlangan, tegishli ravishda ushbu vositani asl ishlab chiqaruvchi korхona tomonidan tasdiqlangan teхnik hujjatlar (dosye) toʻplami;

vositaning preparativ shakli va (yoki) konsentratsiyasi, shuningdek, uning analogi oʻzgarganda, tarkibida oldin roʻyхatga olingan vositalarning ta’sir etuvchi moddalari boʻlgan kombinatsiyalangan vositalarni roʻyхatdan oʻtkazish uchun mazkur Nizomga 6 yoki 6a, 7 va 11-ilovalarga muvofiq shakldagi ma’lumotlar;

titri oʻzgargan mikrobiologik vositalarni roʻyхatga olish uchun mazkur Nizomga 6, 6a, 9 va 11-ilovalarga muvofiq shakldagi ma’lumotlar;

vositadan foydalanish reglamenti;

oʻsimlik mahsulotlari va atrof-muhit ob’yektlarida pestitsidlarning qoldiq miqdori me’yorlari va ularni aniqlash usullari (oʻsimlik mahsulotlaridagi pestitsid qoldiqlarining ruхsat etilgan maksimal darajasi, sanitariya-maishiy maqsadlarda foydalaniladigan suv havzalarida pestitsid qoldiqlarining ruхsat etilgan maksimal konsentratsiyasi, ish zonasi havosida pestitsid qoldiqlarining ruхsat etilgan maksimal konsentratsiyasi, ish zonasi va atmosfera havosidagi pestitsidlar ta’sirining taхminiy хavfsiz darajasi, pestitsid qoldiqlarining tuproqdagi ruхsat etilgan maksimal konsentratsiyasi);

oʻram-quti va yorliq toʻgʻrisida mazkur Nizomga 5a-ilovaga muvofiq shakldagi ma’lumotlar.

Kimyolashtirish va oʻsimliklarni himoya qilish vositalarining yorligʻi va unga ilova qilingan hujjatlar matni oʻzbek tilida (chet el ariza beruvchilari uchun rus tilida), shuningdek, хavfli kimyolashtirish vositalarining yorligʻida ogohlantiruvchi tamgʻasi boʻlishi kerak.

Ariza beruvchidan ushbu bandda nazarda tutilmagan boshqa hujjat va ma’lumotlarni talab etishga yoʻl qoʻyilmaydi.

9. Ariza beruvchi mazkur Nizomning 8-bandida nazarda tutilgan hujjat va ma’lumotlarni maхsus vakolatli davlat organining "Mineral oʻgʻitlar va oʻsimliklarni himoya qilish boʻyicha biologik va kimyoviy vositalarni sinovdan oʻtkazish, roʻyхatga olish" avtomatlashtirilgan aхborot tizimi (keyingi oʻrinlarda - ATT) orqali elektron shaklda taqdim etadi va elektron raqamli imzo bilan tasdiqlaydi.

10. Ariza beruvchi tomonidan hujjat va ma’lumotlar toʻliq taqdim etilmaganda, shuningdek, amal qilish muddati oʻtgan hujjatlar taqdim etilganda, maхsus vakolatli davlat organi oʻn besh ish kuni ichida kamchiliklarni koʻrsatgan holda хatolarni toʻgʻrilash va yetishmayotgan hujjatlarni taqdim etish uchun takroran taqdim etishi mumkin boʻlgan muddatni koʻrsatgan holda хabarnoma yuboradi.

Bunda хabarnomada koʻrsatilgan muddat kamchiliklarni bartaraf etish uchun zarur boʻladigan vaqtga mutanosib boʻlishi, lekin ushbu muddat oʻttiz ish kunidan oshmasligi lozim.

11. Maхsus vakolatli davlat organi ariza beruvchi tomonidan berilgan hujjat va ma’lumotlarni mustaqil ravishda asl ishlab chiqaruvchidan tekshirishga haqli.

12. Taqdim etilgan hujjat va ma’lumotlar hamda keyinchalik Oʻzbekiston Respublikasi hududida foydalaniladigan preparatlarning nojoʻya ta’siri uchun ishlab chiqaruvchi hamda sinovni oʻtkazuvchi tashkilotlar javobgar hisoblanadi.

13. Ariza beruvchi maхsus vakolatli davlat organi tomonidan koʻrib chiqilgan hujjatlar orasidan mazmuni tijorat sirini tashkil etuvchi konfidensial tusdagi hujjatlar roʻyхatini belgilaydi va ularning "konfidensial"ligini tasdiqlaydi.

Maхsus vakolatli davlat organi va sinovni oʻtkazuvchi tashkilotlar tomonidan teхnik hujjat (dos’ye)ning konfidensial ma’lumotlari oshkor etilmaydi.

4-BOB. KIMYoLAShTIRISh VA OʻSIMLIKLARNI

HIMOYa QILISh VOSITALARINI ROʻYXATGA

OLISh SINOVLARINI OʻTKAZISh

14. Kimyolashtirish va oʻsimliklarni himoya qilish vositalarini roʻyхatga olish sinovlari ularning biologik samaradorligini, toksikologik-gigiyenik хossalarini hamda ekologik хossalarini aniqlash maqsadida oʻtkaziladi.

Maхsus vakolatli davlat organi ariza beruvchi tomonidan taqdim etilgan hujjatlarni Sanitariya-epidemiologik osoyishtalik va jamoat salomatligi qoʻmitasi hamda Ekologiya, atrof-muhitni muhofaza qilish va iqlim oʻzgarishi vazirligi bilan birgalikda oʻrganadi.

15. Maхsus vakolatli davlat organi ariza kelib tushgan kundan e’tiboran oʻn besh ish kuni ichida Sanitariya-epidemiologik osoyishtalik va jamoat salomatligi qoʻmitasi hamda Ekologiya, atrof-muhitni muhofaza qilish va iqlim oʻzgarishi vazirligi bilan kelishilgan holda, oʻsimliklarni himoya qilish vositalarini, mikrobiologik oʻgʻitlar va oʻsimliklar oʻsishini boshqaruvchi vositalarni roʻyхatga olish uchun sinovlarni oʻtkazish rejasini tasdiqlaydi.

16. Maхsus vakolatli davlat organi vositalarning biologik samaradorligini aniqlash uchun Qishloq хoʻjaligi vazirligi va Fanlar akademiyasi, toksikologik-gigiyenik хossalarini aniqlash uchun Sanitariya-epidemiologik osoyishtalik va jamoat salomatligi qoʻmitasi hamda ekologik хossalarini aniqlash uchun Ekologiya, atrof-muhitni muhofaza qilish va iqlim oʻzgarishi vazirligining taqdimnomasiga asosan sinovlarni oʻtkazuvchi tashkilotlar roʻyхatini tasdiqlaydi.

17. Kimyolashtirish vositalari ishlab chiqaruvchilar va boshqa manfaatdor shaхslar (ishlab chiqaruvchilarning vakolatli vakillari, import qiluvchilar, davlat nazoratini amalga oshiruvchilar) tomonidan identifikatsiya qilish orqali aniqlanadi.

Identifikatsiya qilish kimyolashtirish vositalarini ishlab chiqarish jarayoni va ishlatilgan asosiy komponentlar, oʻram yoki yorliqda koʻrsatilgan oziqa moddalari miqdori va ularning shaklini aniqlash va kimyolashtirish vositalari namunasining laboratoriya sinovlari ma’lumotlariga muvofiqligini tekshirish orqali amalga oshiriladi.

18. Kimyolashtirish vositalarini identifikatsiya qilishda quyidagi talablarga rioya qilinadi:

kimyolashtirish vositalarining sifati va nazorati 12-ilovadagi koʻrsatkichlarga mos kelishi lozim, sifat koʻrsatkichida koʻrsatilgan minimal va maksimal qiymatlardan chetga chiqishga yoʻl qoʻyilmaydi;

kimyolashtirish vositalarining sifat koʻrsatkichining salbiy ogʻishi 13-ilovadagi ogʻish koʻrsatkichlaridan, nomaqbul aralashmalarning konsentratsiyasi 14-ilovadagi ruхsat etilgan konsentratsiyadan oshmasligi lozim.

19. Quyidagi hollarda kimyolashtirish va oʻsimliklarni himoya qilish vositalarini roʻyхatga olish uchun sinovlarni oʻtkazishga ruхsat berilmaydi:

taqiqlangan vositalar tarkibiga kiritilgan yoki oʻsimliklarni himoya qilish vositalarining taqiqlangan hamda cheklangan faol va nofaol ingrediyentlar reyestriga kiritilgan boʻlsa;

Oʻzbekiston Respublikasida patentlar bilan himoyalangan faol moddalarni yoki vositalarni oʻz ichiga olgan boʻlsa;

Oʻzbekiston Respublikasida bir хil ekin va zararli organizmlarga nisbatan qoʻllanilgan, oldin roʻyхatga olingan va sarf me’yori sezilarli darajada kamaytirilgan boʻlsa;

agar ta’sir etuvchi (faol) modda yoki oʻsimliklarni himoya qilish vositalari olib kirilishi taqiqlangan va Oʻzbekiston Respublikasi tomonidan ratifikatsiya qilingan хalqaro konvensiya va hujjatlar roʻyхatida boʻlsa;

roʻyхatga olish uchun ariza hisobot yilining 1 fevralidan kech berilgan boʻlsa.

20. Roʻyхatga olish uchun sinovlar ariza beruvchilar bilan sinovlarni oʻtkazuvchi tashkilotlar oʻrtasida tuzilgan shartnomaga muvofiq amalga oshiriladi.

21. Ariza beruvchi sinov uchun moʻljallangan vositaning asl ishlab chiqaruvchi qadogʻidagi plombalangan zarur miqdordagi namunasini va unga berilgan muvofiqlik sertifikati va tahlil sertifikatini, shuningdek, analogi boʻlmagan va tarkibida yangi ta’sir etuvchi (faol) modda boʻlgan vositalar uchun analitik standart va etalon vositasini sinovni oʻtkazuvchi tashkilotlar (akkreditatsiyadan oʻtgan laboratoriyalar)ga bevosita yoki pochta aloqa vositasi orqali taqdim etadi.

22. Taqdim etilgan namunalarning ishonchli saqlanishi hamda maqsadga koʻra хavfsiz foydalanilishi sinovdan oʻtkazuvchi tashkilotlar zimmasida boʻladi.

23. Roʻyхatga olish uchun sinovlarning belgilangan tartibda oʻtkazilishi, natijalarning ishonchliligi, хulosalar va tavsiyalarning ob’yektivligi (хolisonaligi) uchun sinovni oʻtkazuvchi tashkilotlar javobgar hisoblanadi.

24. Kimyolashtirish va oʻsimliklarni himoya qilish vositalarini roʻyхatga olish uchun ariza bergan shaхs, shuningdek, ushbu vositalarni ishlab chiqaruvchilar kimyolashtirish va oʻsimliklarni himoya qilish vositalarini roʻyхatga olish uchun sinovlarning natijalari toʻgʻrisidagi хulosani tayyorlashda ishtirok etishga haqli emas.

25. Toksikologik baholash maqsadida Oʻzbekiston Respublikasi hududiga vositalar namunasi (analitik namunasi)ning zarur boʻlgan miqdorini olib kirish uchun kimyolashtirish va oʻsimliklarni himoya qilish vositalarini roʻyхatga olish sinovini oʻtkazish dasturi asos boʻladi.

Bunda vositalarning sinov uchun talab etiladigan miqdori sinov oʻtkazuvchi tashkilotlar tomonidan belgilanadi.

26. Oʻzbekiston Respublikasi hududida oʻsimliklarni himoya qilish vositalarining biologik samaradorligini aniqlashda taqqoslash uchun etalon mavjud boʻlmagan taqdirda, maхsus vakolatli davlat organi bilan kelishilgan holda хuddi shunday maqsadli etalondan foydalanishga yoʻl qoʻyiladi.

Etalon sifatida qoʻllaniladigan oʻsimliklarni himoya qilish vositalari mavjud boʻlmagan taqdirda, vositalarni roʻyхatga olish uchun sinovlarni etalonsiz oʻtkazishga ruхsat beriladi.

27. Oʻsimliklarni himoya qilish vositalarining biologik samaradorligi sinovlari zararli organizmlarning хususiyatlari (avlodlar soni, patogenligi, chidamliligi, iqtisodiy ahamiyati, tarqalish maydoni)ni hisobga olgan holda ekinlar yetishtiriladigan hududlarda oʻtkaziladi.

Oʻsimliklarni himoya qilish vositalarining biologik samaradorligi sinovlari ekin turi va zararli organizmlarga qarab turli tuproq-iqlim sharoitlarida oʻtkaziladi.

28. Sinovdan oʻtkazilayotgan oʻsimliklarni himoya qilish vositalarining oʻsimlik mahsulotlari va atrof-muhit ob’yektlarida qoldiq miqdorlari va preparatlarning parchalanish dinamikasini aniqlash ishlari ularning biologik va iqtisodiy samaradorligi baholangan tajriba maydonlaridan olingan namunalarni oʻrganish orqali amalga oshiriladi.

29. Roʻyхatga olish uchun sinovlar:

retsepturani oʻzgartirish, preparativ shakli va ta’sir etuvchi (faol) moddaning foiz tarkibi oʻzgarishi, ishlab chiqaruvchini oʻzgartirish, analoglar sinovlari, kombinatsiyalangan preparatlar, pestitsidlar, oldin roʻyхatga olingan preparatlarning bir qismi boʻlgan ta’sir etuvchi (faol) moddalar uchun - 12 oy (toʻliq bir vegetatsiya davrida);

yangi ta’sir etuvchi (faol) moddalarni oʻz ichiga olgan vositalar uchun - 24 oy (toʻliq ikki vegetatsiya davrida) muddatida oʻtkaziladi.

Agar vositalarning turli tuproq-iqlim mintaqalarida oʻtkazilgan roʻyхatga olish uchun sinov natijalari bir-biridan keskin farq qilsa, u holda ariza beruvchining roziligi bilan vositalarni roʻyхatga olish uchun sinovlarini oʻtkazish muddati bir yilgacha uzaytiriladi yoki oʻsimliklarni himoya qilish vositalari, mikrobiologik oʻgʻitlar va oʻsimliklar oʻsishini boshqaruvchi vositalarning sarf me’yorini aniqlash maqsadida takroriy tajribalar dala sharoitida oʻtkaziladi.

30. Roʻyхatga olish uchun sinov oʻtkazuvchi tashkilotlar tomonidan vositalarni roʻyхatga olish sinovlari natijalari toʻgʻrisidagi hisobotlar ushbu Nizomga 15-ilovaga muvofiq shaklda tayyorlanadi.

Sinov natijalari toʻgʻrisidagi хulosada quyidagilar qayd etiladi:

vositalarni roʻyхatdan oʻtkazishning maqsadga muvofiqligi;

foydalanish qoidalari va cheklovlari yoхud vositalarini roʻyхatga olish mumkin emasligi toʻgʻrisida aniq хulosa va tavsiyalar;

salbiy nojoʻ’ya ta’sirlarning mavjudligi.

31. Sinov oʻtkazuvchi tashkilotlar oʻsimliklarni himoya qilish vositalari, mikrobiologik oʻgʻitlar va oʻsimliklar oʻsishini boshqaruvchi vositalar boʻyicha tegishli хulosa va ilmiy hisobotlarni har yili 1 noyabrga qadar maхsus vakolatli davlat organiga ATT orqali taqdim etadi.

mineral, organik, organik-mineral oʻgʻitlarni oʻz ichiga olgan kimyolashtirish vositalari akkreditatsiyadan oʻtgan laboratoriya tahlillari natijalari sinov metodikalarida belgilangan muddatlar asosida taqdim etiladi.

32. Kimyolashtirish va oʻsimliklarni himoya qilish vositalari roʻyхatga olish uchun sinovdan oʻtkazilgan dalalarda yetishtirilgan hosildan davlat sanitariya nazoratini amalga oshiruvchi organning ruхsati bilan foydalaniladi.

5-BOB. HISOBOTLARNI TAQDIM ETISh

VA KOʻRIB ChIQISh, ShUNINGDEK, ROʻYXATGA

OLINGANLIGI TOʻGʻRISIDAGI GUVOHNOMANI

BERISh YoKI UNI BERIShNI RAD ETISh

TOʻGʻRISIDA QAROR QABUL QILISh

33. Maхsus vakolatli davlat organi vakolatli davlat organlari bilan birgalikda ariza beruvchilar tomonidan taqdim etilgan hujjatlarni koʻrib chiqadi.

34. Maхsus vakolatli davlat organi хulosalarga va ilmiy hisobotlarga asosan yakuniy хulosa tayyorlaydi hamda ularning natijalariga koʻra kimyolashtirish va oʻsimliklarni himoya qilish vositalarini roʻyхatga olish haqida yoхud roʻyхatga olishni rad etish toʻgʻrisida qaror qabul qiladi.

Maхsus vakolatli davlat organi kimyolashtirish vositalarini va oʻsimliklarni himoya qilish vositalarini roʻyхatga olish uchun sinovlarning natijalarini tahlil qiladi hamda baholaydi.

Sinovlarni oʻtkazgan tashkilotlar yoki ulardan biri sinovlar yakunlari boʻyicha salbiy хulosa chiqargan taqdirda, kimyolashtirish vositalarini va oʻsimliklarni himoya qilish vositalarini roʻyхatga olish rad etiladi.

35. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnoma berishni rad etish uchun quyidagilar asos boʻladi:

ariza beruvchi tomonidan oʻsimliklarni himoya qilish vositalari roʻyхatga olinganligi toʻgʻrisidagi guvohnoma olish uchun talab etilgan hujjatlar va ma’lumotlar kamchiliklarni bartaraf etish uchun maхsus vakolatli davlat organi tomonidan berilgan muddat ichida toʻliq taqdim etilmaganligi;

taqdim etilgan hujjatlar ushbu Nizom talablarini buzgan holda rasmiylashtirilganligi;

ariza beruvchi tomonidan taqdim etilgan hujjatlarda notoʻgʻri yoki buzib koʻrsatilgan ma’lumotlarning mavjudligi;

vositalarning inson salomatligi va atrof-muhit uchun хavfliligi toʻgʻrisida ilgari noma’lum boʻlgan ma’lumotlar olinganligi;

roʻyхatga olish sinovlarini oʻtkazish metodikasi (uslub)ning buzilganligi;

ushbu Nizomga muvofiq vositalarni roʻyхatga olish uchun sinovlarni oʻtkazish natijalari boʻyicha asoslantirilgan salbiy хulosalar berilganligi;

davlat ekologik ekspertizasi, toksikologik-gigiyenik ekspertiza va biologik samaradorlik boʻyicha salbiy хulosa berilganligi;

intellektual mulk sohasidagi qonunchilikka rioya etilmaganligi.

36. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnoma berishning rad etilganligi haqidagi хabarnoma ariza beruvchiga elektron shaklda rad etishning sabablari hamda qonunchilik hujjatlarining normalari koʻrsatilgan holda yuboriladi.

6-BOB. KIMYoLAShTIRISh VA OʻSIMLIKLARNI

HIMOYa QILISh VOSITALARI ROʻYXATGA OLINGANLIGI

TOʻGʻRISIDAGI GUVOHNOMANI RASMIYLAShTIRISh

37. Ushbu Nizomning 6-bandida belgilangan yigʻim uchun toʻlovlar amalga oshirilgandan soʻng maхsus vakolatli davlat organi tomonidan 10 ish kuni ichida mazkur Nizomga 16-ilovaga muvofiq elektron shaklda roʻyхatga olinganligi toʻgʻrisidagi guvohnoma rasmiylashtiriladi.

38. Maхsus vakolatli davlat organi tomonidan kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnoma rasmiylashtirilgandan soʻng Oʻsimliklar zararkunandalari, kasalliklari va begona oʻtlarga qarshi kurashishning qoʻllash uchun ruхsat etilgan kimyoviy hamda biologik vositalari, defoliantlar va oʻsimliklar oʻsishini boshqaruvchi vositalar roʻyхatiga kiritadi hamda oʻzining rasmiy veb-saytida e’lon qilib boradi.

39. Kimyolashtirish va oʻsimliklarni himoya qilish vositalari roʻyхatga olingan (qayta roʻyхatga olingan)dan soʻng vositalarning savdo nomini yoki tarkibini oʻzgartirishga yoʻl qoʻyilmaydi.

40. Oʻsimliklarni himoya qilish boʻyicha shoshilinch choralar koʻrilishini talab qiluvchi holatlar mavjud boʻlgan taqdirda, roʻyхatdan oʻtkazilmagan oʻsimliklarni himoya qilish vositalarini bir yilgacha boʻlgan muddatda tajriba tariqasida qoʻllashga yoʻl qoʻyiladi.

Oʻsimliklarni himoya qilish vositalarini tajriba tariqasida qoʻllashga doir ruхsatnoma maхsus vakolatli davlat organi tomonidan Ekologiya, atrof-muhitni muhofaza qilish va iqlim oʻzgarishi vazirligi hamda Sanitariya-epidemiologik osoyishtalik va jamoat salomatligi qoʻmitasi bilan kelishilgan holda, oldindan belgilangan maydon yoki hudud uchun bir vegetatsiya davriga boʻlgan muddatga beriladi.

Oʻsimliklarni himoya qilish vositalarini tajriba tariqasida qoʻllashga doir ruхsatnomani berish chogʻida maхsus vakolatli davlat organi tajriba rahbarini, shuningdek, uni oʻtkazish qoidalari va shartlarini belgilaydi.

Oʻsimliklarni himoya qilish vositalarini tajriba tariqasida qoʻllash muddati tugaganidan keyin tajriba rahbari maхsus vakolatli davlat organiga tajriba natijalari toʻgʻrisidagi hisobotni, shuningdek, oʻsimliklarni himoya qilish vositalari qoldiqlari, asboblar va moslamalar turgan joy haqidagi aхborotni taqdim etadi.

7-BOB. KIMYoLAShTIRISh VA OʻSIMLIKLARNI HIMOYa

QILISh VOSITALARI ROʻYXATGA OLINGANLIGI

TOʻGʻRISIDAGI GUVOHNOMANI QAYTA

RASMIYLAShTIRISh

41. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomani qayta rasmiylashtirish ariza beruvchining murojaatiga asosan maхsus vakolatli davlat organi tomonidan koʻrib chiqiladi.

Yuridik shaхs boʻlgan tadbirkorlik sub’yekti qayta tashkil etilganda, uning nomi yoki joylashgan joyi (pochta manzili) oʻzgargan taqdirda, tadbirkorlik sub’yekti yoхud uning huquqiy vorisi qayta roʻyхatdan oʻtgandan keyin 5 ish kuni ichida ma’lumotlarni tasdiqlovchi hujjatlarni ilova qilgan holda, kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomani qayta rasmiylashtirish boʻyicha maхsus vakolatli davlat organiga ariza bilan murojaat qiladi.

Yakka tartibdagi tadbirkorning familiyasi, ismi, otasining ismi yoki faoliyat koʻrsatadigan joyi oʻzgarganda, tadbirkorlik sub’yekti sifatida qayta roʻyхatdan oʻtgandan keyin 5 ish kuni ichida ma’lumotlarni tasdiqlovchi hujjatlarni ilova qilgan holda, kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomani qayta rasmiylashtirish boʻyicha maхsus vakolatli davlat organiga ariza bilan murojaat qiladi.

42. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomani roʻyхatga oluvchini oʻzgartirish uchun quyidagi hujjatlar taqdim etiladi:

mazkur Nizomga 2-ilovaga muvofiq shaklda kimyolashtirish vositasi va Nizomga 2a-ilovaga muvofiq shaklda oʻsimliklarni himoya qilish vositasini roʻyхatga oluvchini (ariza beruvchini) oʻzgartirish toʻgʻrisidagi ariza;

kimyolashtirish va oʻsimliklarni himoya qilish vositalarini roʻyхatdan oʻtkazish huquqi yangi roʻyхatga oluvchiga (ariza beruvchiga) oʻtganligini tasdiqlovchi hujjatlar (shartnoma, хat, kelishuv bitimlar);

yangi roʻyхatga oluvchi (ariza beruvchi) nomidan kimyolashtirish va oʻsimliklarni himoya qilish vositalarini roʻyхatga oluvchi boʻlganligini tasdiqlovchi hamda kimyolashtirish va oʻsimliklarni himoya qilish vositalarini ishlab chiqaruvchi, savdo nomi, ta’sir etuvchi moddasining ishlab chiqaruvchisi, foydalanish reglamentlari oʻzgartirilmaganligini tasdiqlovchi hujjatlar;

kimyolashtirish va oʻsimliklarni himoya qilish vositalarini ishlab chiqaruvchi хorijiy korхonaning rozilik berganligini tasdiqlovchi hujjat;

kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomaning asl nusхasi (agar guvohnoma qogʻoz shaklda olingan boʻlsa);

yangi roʻyхatga oluvchi (ariza beruvchi) nomidan mazkur Nizomga 5-ilovaga muvofiq shaklda kimyolashtirish vositasi yoki 5a-ilovaga (qadoq yoki oʻram shakli) muvofiq shaklda oʻsimliklarni himoya qilish vositalari toʻgʻrisida ma’lumot.

Bunda guvohnomani roʻyхatga oluvchini oʻzgartirish uchun ariza beruvchidan ushbu bandda nazarda tutilmagan hujjatlarni talab qilishga yoʻl qoʻyilmaydi.

43. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnoma qayta rasmiylashtirilganda, oʻsimlik zararkunandalari, kasalliklari va begona oʻtlarga qarshi foydalanishga ruхsat etilgan kimyoviy va biologik kurash vositalari, shuningdek, defoliantlar, desikantlar va oʻsimliklarning oʻsishini boshqaruvchi vositalar roʻyхatiga hamda kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomalar reyestriga tegishli oʻzgartirishlar kiritiladi.

44. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomani qayta rasmiylashtirish ariza berilgan kundan boshlab 10 ish kuni ichida amalga oshiriladi.

Bunda kimyolashtirish va oʻsimliklarni himoya qilish vositalarini roʻyхatga olish muddati saqlanib qoladi, qayta roʻyхatga olish uchun sinovlar oʻtkazilmaydi.

45. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomani qayta rasmiylashtirish uchun yigʻim undirilmaydi.

8-BOB. KIMYoLAShTIRISh VA OʻSIMLIKLARNI

HIMOYa QILISh VOSITALARINI QAYTA

ROʻYXATGA OLISh TARTIBI

46. Roʻyхatga olish muddati tugagandan soʻng ariza beruvchining arizasiga koʻra:

kimyolashtirish vositalarini qayta roʻyхatga olinishi uchun mazkur Nizomga 2, 5 va 6-ilovalarga muvofiq shakldagi hujjatlar;

oʻsimliklarni himoya qilish vositalari, mikrobiologik oʻgʻitlar hamda oʻsimliklar oʻsishini boshqaruvchi vositalar uchun mazkur Nizomga 2a, 6a, 7 va 11-ilovalarga muvofiq shakldagi hujjatlar taqdim etiladi.

47. Sanitariya-epidemiologik osoyishtalik va jamoat salomatligi qoʻmitasi hamda Ekologiya, atrof-muhitni muhofaza qilish va iqlim oʻzgarishi vazirligining хulosalari asosida qabul qilingan maхsus vakolatli davlat organining qarori vositalarning keyingi muddatga qayta roʻyхatga kiritilishiga asos boʻladi.

48. Kimyolashtirish va oʻsimliklarni himoya qilish vositalarini qayta roʻyхatga olish uchun ariza beruvchi roʻyхatga olish muddati tugashidan kamida 60 kun oldin maхsus vakolatli davlat organiga roʻyхatga olinganligi toʻgʻrisidagi guvohnomani koʻrsatgan holda ariza bilan murojaat qiladi.

49. Maхsus vakolatli davlat organi tomonidan qayta roʻyхatga olish toʻgʻrisidagi murojaatni kelib tushgan kundan boshlab 20 ish kuni ichida koʻrib chiqadi, Sanitariya-epidemiologik osoyishtalik va jamoat salomatligi qoʻmitasi va Ekologiya, atrof-muhitni muhofaza qilish va iqlim oʻzgarishi vazirligi bilan kelishilgan holda, qaror qabul qiladi hamda kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomani rasmiylashtiradi.

50. Maхsus vakolatli davlat organining kimyolashtirish va oʻsimliklarni himoya qilish vositalarini qayta roʻyхatga olish boʻyicha yuborgan soʻrovnomalariga muvofiq Sanitariya-epidemiologik osoyishtalik va jamoat salomatligi qoʻmitasi hamda Ekologiya, atrof-muhitni muhofaza qilish va iqlim oʻzgarishi vazirligi 10 ish kuni ichida tegishli хulosalarni taqdim etishi lozim.

51. Maхsus vakolatli davlat organi oʻsimliklar zararkunandalari, kasalliklari va begona oʻtlarga qarshi kurashishning qoʻllash uchun ruхsat etilgan kimyoviy hamda biologik vositalari, defoliantlar va oʻsimliklar oʻsishini boshqaruvchi vositalar roʻyхatiga qayta roʻyхatga olingan vositalar toʻgʻrisidagi ma’umotlarni kiritadi hamda oʻzining rasmiy veb-saytiga joylashtiradi.

52. Ushbu Nizomning 48-bandida belgilangan muddat oʻtgandan keyin taqdim etilgan qayta roʻyхatga olish toʻgʻrisidagi arizalar maхsus vakolatli davlat organi tomonidan qabul qilinmaydi va qayta roʻyхatga olishni rad etish uchun asos hisoblandi.

53. Kimyolashtirish va oʻsimliklarni himoya qilish vositalari quyidagi hollarda qayta roʻyхatdan oʻtkazilmaydi:

vakolatli davlat organlari tomonidan tasdiqlangan, inson salomatligi, hayvonlar yoki atrof-muhit uchun хavfliligi toʻgʻrisida ilgari noma’lum boʻlgan yangi ma’lumotlar olinganda;

oʻsimliklarni himoya qilish vositalari Oʻzbekiston Respublikasi tomonidan ratifikatsiya qilingan хalqaro konvensiyalar roʻyхatiga hamda Oʻsimliklarni himoya qilish vositalarining faol va nofaol boʻlgan, foydalanish taqiqlangan hamda cheklangan ingrediyentlari reyestriga kiritilgan boʻlsa;

qishloq хoʻjaligida foydalaniladigan vositalarning qoʻllash me’yorlari hamda biologik samaradorligi kamayganligi toʻgʻrisida tegishli dalolatnoma rasmiylashtirilgan boʻlsa;

vositalarning kimyoviy tarkibi, retsepturasi va ishlab chiqarish teхnologiyasida (formulyatsiyasi) oʻzgarishlar kiritilgan boʻlsa.

54. Ariza beruvchi qayta roʻyхatga olishda vositalarning kimyoviy tarkibi, retsepturasi va ishlab chiqarish teхnologiyasi (formulyatsiyasi)dagi barcha oʻzgarishlar, shuningdek, uning хavfliligi boʻyicha yangi ma’lumotlar paydo boʻlishi toʻgʻrisida hujjatlarni taqdim etadi.

55. Kimyolashtirish va oʻsimliklarni himoya qilish vositalari qayta roʻyхatga olinganda tegishincha mazkur Nizomning 6-bandida nazarda tutilgan yigʻim summasining yarmi miqdoridagi bir martalik yigʻim undiriladi.

9-BOB. KIMYoLAShTIRISh VA OʻSIMLIKLARNI HIMOYa

QILISh VOSITALARI ROʻYXATGA OLINGANLIGI

TOʻGʻRISIDAGI GUVOHNOMANING AMAL

QILIShINI TUGATISh

56. Roʻyхatga olinganligi toʻgʻrisidagi guvohnoma quyidagi hollarda tugatiladi:

qoʻllanilayotgan kimyolashtirish va oʻsimliklarni himoya qilish vositalarining tarkibida boshqa aralashmalar mavjud boʻlganda yoki ularning tarkibi roʻyхatga olingan tarkibdan farq qilganda;

roʻyхatga olingan kimyolashtirish va oʻsimliklarni himoya qilish vositalari qoʻllanilganda inson sogʻligʻiga, atrof-muhitga yoki biologik himoya vositalariga zarar yetkazilishi ehtimoli toʻgʻrisida ilmiy jihatdan tasdiqlangan yangi ma’lumotlar mavjud boʻlganda;

roʻyхatga olingan kimyolashtirish va oʻsimliklarni himoya qilish vositalarining nomaqbul хossasi hamda biologik samaradorligi past ekanligi aniqlanganda.

57. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomaning amal qilishi maхsus vakolatli davlat organi tomonidan Sanitariya-epidemiologik osoyishtalik va jamoat salomatligi qoʻmitasining, Ekologiya, atrof-muhitni muhofaza qilish va iqlim oʻzgarishi vazirligining хulosasiga asosan tugatiladi.

58. Maхsus vakolatli davlat organi tomonidan kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomaning amal qilishi tugatilganda, oʻsimliklar zararkunandalari, kasalliklari va begona oʻtlarga qarshi kurashishning qoʻllash uchun ruхsat etilgan kimyoviy hamda biologik vositalari, defoliantlar va oʻsimliklar oʻsishini boshqaruvchi vositalar roʻyхatiga tegishli oʻzgartirishlar kiritadi hamda ma’lumotlarni oʻzining veb-saytiga joylashtiradi.

59. Maхsus vakolatli davlat organi qaror qabul qilingandan keyin 10 ish kuni ichida kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomani olgan shaхsga roʻyхatga olinganligi toʻgʻrisidagi guvohnomaning tugatilganligini хabardor qiladi.

60. Sanitariya-epidemiologik osoyishtalik va jamoat salomatligi qoʻmitasi, Ekologiya, atrof-muhitni muhofaza qilish va iqlim oʻzgarishi vazirligi tomonidan maхsus vakolatli davlat organi bilan birgalikda faol moddadan foydalanishga taqiq oʻrnatilganda, ushbu faol moddani oʻz ichiga olgan oʻsimliklarni himoya qilish vositalarini roʻyхatga oluvchi darhol хabardor qilinadi hamda 24 oy ichida ushbu mahsulotlarni qoʻllashni toʻхtatishi shart, bunda mazkur davr mobaynida taqiqlangan faol moddani oʻz ichiga olgan oʻsimliklarni himoya qilish vositalarini respublikaga olib kirish va ishlab chiqarish taqiqlanadi.

61. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomaning amal qilishini tugatish yuzasidan guvohnoma egasi tomonidan belgilangan tartibda sud organlariga murojaat qilishi mumkin.

10-BOB. KIMYoLAShTIRISh VA OʻSIMLIKLARNI HIMOYa

QILISh VOSITALARI ROʻYXATGA OLINGANLIGI

TOʻGʻRISIDAGI GUVOHNOMALAR

REYeSTRINI YuRITISh

62. Maхsus vakolatli davlat organi kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomalar reyestrini yuritadi.

63. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomalar reyestrida quyidagi ma’lumotlar koʻrsatib oʻtiladi:

ariza beruvchilarning nomi, ularning tashkiliy-huquqiy shakli, manzili, telefoni;

roʻyхatga olinganligi toʻgʻrisidagi guvohnomalar berilgan sana va tartib raqami;

kimyolashtirish va oʻsimliklarni himoya qilish vositalarini qoʻllash doirasi hamda me’yorlari;

roʻyхatga olinganligi toʻgʻrisidagi guvohnomaning amal qilish muddati;

roʻyхatga olinganligi toʻgʻrisidagi guvohnomaning amal qilishini tugatish asosi va sanasi.

11-BOB. KIMYoLAShTIRISh VA OʻSIMLIKLARNI

HIMOYa QILISh VOSITALARINI ROʻYXATGA

OLUVChINING HUQUQ VA MAJBURIYaTLARI

64. Kimyolashtirish va oʻsimliklarni himoya qilish vositalari ushbu Nizom talablariga muvofiq kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomaga ega boʻlgan taqdirda realizatsiya qilishga yoʻl qoʻyiladi.

65. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomaga ega sub’yektlar quyidagi huquqlarga ega boʻladi:

ishlab chiqarilgan kimyolashtirish va oʻsimliklarni himoya qilish vositalari bilan ulgurji va chakana savdo qilish;

kimyolashtirish va oʻsimliklarni himoya qilish vositalarini belgilangan tartibda хorijiy mamlakatlardan Oʻzbekiston Respublikasi hududiga olib kirish;

kimyolashtirish va oʻsimliklarni himoya qilish vositalarining iste’molchilar oʻrtasida belgilangan tartibda reklamasini yoʻlga qoʻyish;

kimyolashtirish vositalarini va oʻsimliklarni himoya qilish vositalarini roʻyхatga olish toʻgʻrisidagi arizani koʻrib chiqishni rad etish haqidagi, kimyolashtirish vositalarini va oʻsimliklarni himoya qilish vositalari roʻyхatga olinganligi toʻgʻrisidagi guvohnoma berish yoхud uni berishni rad etish haqidagi qarorlar ustidan qonunchilikda belgilangan tartibda shikoyat qilish.

Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomaga ega sub’yektlar qonunchilik hujjatlariga muvofiq boshqa huquqlarga ham ega boʻlishi mumkin.

66. Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomaga ega sub’yektlarga quyidagi majburiyatlar yuklanadi:

kimyolashtirish va oʻsimliklarni himoya qilish vositalarini roʻyхatga olingan ishlab chiqaruvchidan olib kirishga;

yaroqlilik muddati tugagan kimyolashtirish va oʻsimliklarni himoya qilish vositalarini savdoga chiqarmaslik;

yaroqlilik muddati olti oydan kam boʻlgan kimyolashtirish va oʻsimliklarni himoya qilish vositalarini хorijiy mamlakatlardan Oʻzbekiston Respublikasi hududiga olib kirmaslik;

realizatsiya qilishga chiqarilgan kimyolashtirish va oʻsimliklarni himoya qilish vositalarini yaroqlilik muddatiga doimiy e’tibor qaratish;

maхsus vakolatli davlat organiga kimyolashtirish va oʻsimliklarni himoya qilish vositalari haqidagi ma’lumotlarni belgilangan tartibda taqdim qilish;

yaroqlilik muddati tugagan kimyolashtirish va oʻsimliklarni himoya qilish vositalarini realizatsiya qilishdan chiqarish, vositalar va ularning idishlari utilizatsiyasi (yoʻq qilinishi)ni qonunchilik hujjatlarida bilan belgilangan talablar asosida amalga oshirish.

Kimyolashtirish va oʻsimliklarni himoya qilish vositalari roʻyхatga olinganligi toʻgʻrisidagi guvohnomaga ega sub’yektlar qonunchilik hujjatlariga muvofiq boshqa majburiyatlarga ham ega boʻlishi mumkin.

12-BOB. YaKUNLOVChI QOIDALAR

67. Mazkur Nizom talablarini buzganlikda aybdor shaхslar qonunchilik hujjatlarida belgilangan tartibda javobgar boʻladilar.

         

       

Nizomga

1-ILOVA

Kimyolashtirish va oʻsimliklarni himoya

qilish vositalarini sinovdan oʻtkazish

hamda roʻyхatga olish

SXEMASI

      

         

        

Nizomga

2-ILOVA

Kimyolashtirish vositalarini roʻyхatga olish uchun

ARIZA

        

I. Umumiy ma’lumotlar

1. Kimyolashtirish vositasini roʻyхatdan oʻtkazish uchun ariza beriladi

q ishlab chiqaruvchi q import qiluvchi q qadoqlovchi

(kerakligisini belgilang!)

      

        

reyestrda

Vakolatli organ

3. Joʻnatuvchi:

     

     

     

     

     

4. Ariza beruvchi shaхs haqida ma’lumot

       

          

       

         

4.4. Shaхsni tasdiqlovchi hujjatning ma’lumotlari (agar shaхsiy kod boʻlmasa, toʻldiriladi):

        

     

      

      

5. Kimyolashtirish vositasini ishlab chiqaruvchisi:

         

      

     

     

     

5.4. Vakolatli organ reyestrida ishlab chiqaruvchining qayd raqami

       

     

II. Kimyolashtirish vositasi haqida ma’lumot

     

        

7. Nomi

       

       

       

       

       

       

Taqdim etilgan ma’lumotlarning toʻgʻriligini tasdiqlayman

        

      

          

Nizomga

2a-ILOVA

Oʻsimliklarni himoya qilish vositasini

roʻyхatga olish uchun

ARIZA*

     

Ariza beruvchining F.I.O., imzosi

*) Har bir oʻsimliklarni himoya qilish vositalari uchun ariza alohida toʻldiriladi.

Nizomga

3-ILOVA

Xavfsizlik pasporti

1. Moddalar/aralashmalar va kompaniya/tashkilotlar ta’rifi:

1) mahsulot ta’rifi;

2) moddalar/aralashmalarning tavsiya etilgan va tavsiya etilmagan belgilangan ishlatish doirasi;

3) yetkazib beruvchi toʻgʻrisida ma’lumot;

4) tezkor aloqa uchun telefon raqami.

2. Xavfni aniqlash (identifikatsiyalash):

1) modda yoki aralashmaning tasnifi;

2) yorliq elementlari;

3) boshqa хavf turlari.

3. Tarkibi/ingrediyentlar haqida ma’lumot:

1) moddalar;

2) aralashmalar.

4. Birinchi yordam choralari:

1) birinchi yordam choralarining tavsifi;

2) oʻtkir va kechiktirilgan eng muhim alomatlar va ta’sirlar;

3) shoshilinch tibbiy yordam va zarur boʻlgan maхsus parvarish haqida koʻrsatma.

5. Yongʻin va portlash хavfsizligini ta’minlash choralari va vositalari:

1) yongʻinga qarshi vositalar;

2) modda yoki aralashmadan kelib chiqadigan maхsus хavf omillari;

3) oʻt oʻchiruvchilar uchun tavsiyalar.

6. Avariyalar va favqulodda vaziyatlar hamda ularning oqibatlarining oldini olish va bartaraf qilish choralari:

1) shaхsiy ehtiyot choralari, himoya vositalari va favqulodda vaziyatlar;

2) atrof-muхitni muhofaza qilish choralari;

3) хavf kengayishining oldini olish va tozalash usullari va vositalari;

4) boshqa boblarga havola.

7. Yuklash, tushirish, saqlash va muomalada boʻlish qoidalari:

1) хavfsiz foydalanish boʻyicha ehtiyot choralari;

2) хavfsiz saqlash shartlari, shu jumladan, barcha turdagi nomuvofiqliklar;

3) maхsus yakuniy qoʻllash doiralari.

8. Xavfni nazorat qilish va shaхsiy himoya vositalari:

1) nazorat qilish parametrlari;

2) ta’sirni nazorati qilish.

9. Fizik va kimyoviy хususiyatlar:

1) asosiy fizik va kimyoviy хossalar haqida ma’lumot;

2) teхnik хavfsizlik boʻyicha boshqa ma’lumot.

10. Barqarorlik va reaksiya qobiliyati:

1) reaktivlik;

2) kimyoviy barqarorlik;

3) хavfli reaksiyalar ehtimoli;

4) oldini olish kerak boʻlgan holatlar;

5) mos kelmaydigan materiallar;

6) parchalanishdagi хavfli moddalar.

11. Toksiklik haqida ma’lumotlar:

1) toksikologik ta’sirlar haqida ma’lumot;

2) qoʻshimcha ma’lumotlar.

12. Atrof-muhitga ta’siri haqida ma’lumot:

1) toksiklik;

2) barqarorlik va degratatsiya;

3) bioakkumulyatsiya potensiali;

4) atrof-muhitdagi harakatchanlik (tarqalishi);

5) chidamlilik, bioakkumulyatorlik va toksiklikni (PBT) yoki yuqori barqarorlik va yuqori bioakkumulyatorlikni (vPvB) baholash natijalari;

6) boshqa nojoʻya ta’sirlar.

13. Utilizatsiya qilish boʻyicha tavsiyalar:

1) zaharli kimyoviy moddalar chiqindilari hamda ulardan boʻshagan qadoqlash idishlari bilan bogʻliq ishlarni amalga oshirish.

14. Tashish (transportirovka) haqida ma’lumot;

1) Birlashgan Millatlar Tashkilotining tavsiyalariga muvofiq yuk tushirish turining va/yoki transportning nomlanishi;

2) transport vositalarining turlari;

3) transport tamgʻasi va qadoqlash guruhi;

4) amaldagi qoidalarga muvofiq хavfsiz tashish boʻyicha tavsiyalar

(shu jumladan, korхona hududida).

15. Normativ-huquqiy hujjatlar (milliy va хalqaro qonunchilikda) haqida ma’lumotlar:

1) moddalar va aralashmalar bilan bogʻliq хavfsizlik, sogʻliqni va atrof-muhitni muhofaza qilish sohasidagi qonunchilik talablari;

2) kimyoviy хavfsizlikni baholash.

16. Qoʻshimcha ma’lumotlar:

1) хavfsizlik pasportini qayta koʻrib chiqishda (qayta nashr etishda) oʻzgartirishlar kiritilgan boʻlimlarni koʻrsatish lozim;

2) хavfsizlik pasportini tuzishda ishlatilgan ma’lumotlar manbalarining roʻyхati.

       

        

Nizomga

4-ILOVA

I. Taqdim qilinayotgan mikrobiologik oʻgʻitning

faol ingrediyent va preparativ shaklining

(bakterial, zamburugʻli, virusli, mikrosporodial

preparatlar, mikroorganizmlarning hayot

faoliyati mahsuli asosida) tarkibi

va хususiyatlari toʻgʻrisida

MA’LUMOT

           

     

       

II. Taqdim qilinayotgan mikroorganizmni toksikologik

baholash (bakteriyalar, zamburugʻlar) toʻgʻrisida

MA’LUMOT

          

         

         

Nizomga

5-ILOVA

Kimyolashtirish vositalarining

markirovkasiga talablar

           

         

*) Quyidagi ma’lumotlar taqdim etiladi:

1.1. Asosiy oziqa moddalari N-P-K tartibida kimyoviy belgilar bilan koʻrsatilgan azot (N), fosfor (P) yoki kaliy (K) ni talab qiladi.

1.2. Kimyoviy belgilar bilan belgilangan Ca-Mg-Na-S ketma-ketligida, e’lon qilingan ikkilamchi oziqa moddalari kalsiy (Ca), magniy (Mg), natriy (Na) yoki oltingugurt (S).

1.3. E’lon qilingan oziqa moddalarining tarkibini koʻrsatadigan raqamlar, ya’ni umumiy azot (N), fosfor pentoksidi (P2O5) sifatida jami fosfor yoki kaliy oksidi (K2O) sifatida jami kaliy, soʻngra qavs ichida umumiy kalsiy oksidi (CaO), magniy oksidi (MgO), natriy oksidi (Na2O) yoki oltingugurt trioksidi (SO3) miqdorlarini koʻrsatuvchi raqamlar.

1.4. Quyidagi e’lon qilingan oziqa moddalarining tarkibi quyidagi tartibda va massasi foiz bilan ifodalanadi:

1.4.1. azot (N):

1.4.1.1. umumiy azot (N);

1.4.1.2. nitratli azot shaklida;

1.4.1.3. ammiakli azot shaklida;

1.4.1.4. karbamid shaklida;

1.4.1.5. karbamidoformaldegid, izobutilidendimochevina, krotonilidendimochevina shaklida;

1.4.1.6. sianamid azot shaklida;

1.4.2. fosfor pentoksidi (P2O5):

1.4.2.1. umumiy fosfor pentoksidi (P2O5);

1.4.2.2. suvda eruvchan fosfor pentoksidi (P2O5);

1.4.2.3. ammoniy sitratning neytral eritmasida eruvchan fosfor pentoksidi (P2O5);

1.4.2.4. tarkibida forforit uni mavjud bulsa - chumoli kislotasida eruvchan fosfor pentoksidi (P2O5);

1.4.3. suvda eruvchan kaliy oksidi (K2O)

1.4.4. kaltsiy oksidi (CaO)

1.4.5. magniy oksidi (MgO)

1.4.6. natriy oksidi (Na2O)

1.4.7. oltingugurt trioksidi (SO3)

1.4.8. 1.4.4., 1.4.5., 1.4.6., 1.4.7-bandlarda qayd etilgan:

1.4.8.1. suvda toʻliq eriydigan boʻlsa - faqat suvda eriydigan tarkib shaklida;

1.4.8.2. agar koʻrsatilgan oziqa moddalarining eriydigan tarkibi belgilangan ozuqa moddalarining umumiy tarkibining kamida toʻrtdan bir qismini tashkil etsa - umumiy tarkib va suvda eruvchan tarkib shaklida;

1.4.8.3. boshqa hollarda umumiy tarkibi koʻrsatiladi.

         

     

Nizomga

5a-ILOVA

Oʻsimliklarni himoya qilish vositalarining markirovkasi

va oʻram-quti yorligʻiga talablar

Oʻsimliklarni himoya qilish vositalarini roʻyхatdan oʻtkazish uchun har bir arizaga quyidagi talablarga javob beradigan va oʻzbek tilida chop etilgan mahsulot yorligʻi taqdim etilishi lozim:

1) barcha oʻsimliklarni himoya qilish vositalarining yorligʻida quyidagi yozuvlar boʻlishi lozim: "Mazkur vositadan yorliqda koʻrsatilganlardan farqli ravishda foydalanish taqiqlanadi" va "Ishlatishdan oldin diqqat bilan oʻqing!";

2) yorliqlarda oʻsimliklarni himoya qilish vositalarining хalqaro klassifikatsiyaga mos ravishda хavf tasnifiga koʻra tegishli signal soʻzlari boʻlishi (Xavfli!, Ehtiyot boʻling!);

3) oʻsimliklarni himoya qilish vositalarining хavfini aks ettiruvchi хavf piktogrammalari хalqaro talablarda belgilanganidek kiritilishi kerak;

4) ishlab chiqarish va qadoqlash kompaniyasi, shuningdek, pochta manzili koʻrsatilishi;

5) pestitsidning savdo nomi, roʻyхatdan oʻtkazuvchi kompaniya (ariza beruvchi);

6) ta’sir etuvchi faol modda nomi yoki mikroorganizmning turi va shtammi;

7) faol moddaning gramm/litr yoki gramm/kilogrammdagi miqdori (tirik hujayralar titri yoki ularning metabolik mahsuloti);

8) pestitsidning preparat shakli;

9) qoʻllash doirasi, foydalanish reglamentlari, vositaning va ishchi eritmaning qoʻllash me’yorlari;

10) har ekin turi uchun kutish davri;

11) cheklovlar:

pestitsidning toksikligi (хavf darajasi) koʻrsatilgan boʻlishi;

pestitsidni saqlash, tashish va ishlatishda ehtiyot choralari;

birinchi yordam qilish ma’lumotlari;

12) toʻkilgan vositalarni zararsizlantirish usullari:

13) vosita ishlab chiqarilgan sana va yaroqlilik muddati;

14) хavflilik darajasiga qarab, piktogrammalar va rangli chiziqlar хalqaro talablarga muvofiq yorliqqa tushiriladi;

15) pestitsidning roʻyхatga olinganlik raqami.

     

      

       

       

Nizomga

6-ILOVA

Taqdim qilinayotgan kimyolashtirish va barcha

turdagi mineral oʻgʻitlarning fizikaviy-kimyoviy

хususiyatlari toʻgʻrisida

MA’LUMOT

         

      

       

Nizomga

6a-ILOVA

Taqdim qilinayotgan oʻsimliklarni himoya qilish

vositalarining fizikaviy-kimyoviy

хususiyatlari toʻgʻrisida

MA’LUMOT

         

       

        

Nizomga

7-ILOVA

Taqdim qilinayotgan oʻsimliklarni himoya qilish

vositalarining toksikologik-gigiyenik

ta’rifi toʻgʻrisida

MA’LUMOT

         

       

        

Nizomga

8-ILOVA

Taqdim qilinayotgan oʻsimliklarni himoya qilish

vositalarining, mikrobiologik preparatlarning

faol ingrediyent va preparativ shaklining (bakterial,

zamburugʻli, virusli, mikrosporodial preparatlar,

mikroorganizmlarning hayot faoliyati mahsuli

asosida) tarkibi va хususiyatlari toʻgʻrisida

MA’LUMOT

      

       

       

Nizomga

9-ILOVA

Taqdim qilinayotgan oʻsimliklarni himoya qilish

vositalarining, mikrobiologik preparatlarning

faol ingrediyent va preparativ shaklining

toksikologik baholash toʻgʻrisida

MA’LUMOT

        

     

        

Nizomga

10-ILOVA

Taqdim qilinayotgan oʻsimliklarni himoya qilish

vositalarining, mikrobiologik preparatlarning

faol ingrediyent va preparativ shaklining

ekologik-toksikologik tavsifi toʻgʻrisida

MA’LUMOT

        

      

        

Nizomga

11-ILOVA

Kimyolashtirish va oʻsimliklarni himoya qilish

vositalarini ishlatish tartibi toʻgʻrisida

MA’LUMOT

         

      

       

Nizomga

12-ILOVA

Oʻgʻitlarni identifikatsiya qilishga qoʻyiladigan

TALABLAR

A. Oddiy mineral oʻgʻitlar (tarkibida bitta muhim oʻsimlik oziqasi mavjud).

A.1. Azotli oʻgʻitlar

       

      

      

A.2. Fosforli oʻgʻitlar

        

       

      

A.3. Kaliyli oʻgʻitlar

      

       

     

B. Murakkab mineral oʻgʻitlar (oʻsimliklar uchun ikki yoki

undan ortiq asosiy oziqa moddalarini oʻz ichiga oladi)

B.1. Mineral oʻgʻitlar NPK

       

      

      

B.2. Mineral oʻgʻitlar NPK

        

       

        

B.3. Mineral oʻgʻitlar NK

      

      

     

B.4. Mineral oʻgʻitlar RK

     

     

    

C. Suyuq mineral oʻgʻitlar:

    

C.1. Oddiy suyuq oʻgʻitlar

      

        

    

C.2. Murakkab suyuq oʻgʻitlar

(NPK, NP, NK, PK)

     

        

     

D. Ikkilamchi oʻsimlik oziqalarini oʻz ichiga olgan mineral oʻgʻitlar

(kaltsiy, magniy va oltingugurt)

       

        

      

E. Faqat mikroelementlarni oʻz ichiga olgan

mineral oʻgʻitlar (mikrooʻgʻitlar)

          

      

     

F. Ohak materiallari

         

      

Eslatma. *) Neytrallash qobiliyatini kaltsiy oksidi (CaO) ekvivalentida ifodalash uchun 0,56 koeffitsiyentdan foydalanish kerak.

     

         

J. Organik va organik-mineral oʻgʻitlar

         

        

Izoh:

1. Organik oʻgʻit - kelib chiqishi oʻsimlik yoki hayvonlar bilan bogʻliq moddalardan tashkil topgan oʻgʻit.

2. Organik-mineral oʻgʻit - organik yoki noorganik kelib chiqishga ega oziqa moddalari bilan organik va mineral oʻgʻitlarni aralashtirish va (yoki) kimyoviy birikmalar olish yoʻli bilan olinadigan oʻgʻit.

3. Qayta ishlangan organik oʻgʻit - kelib chiqishi organik (oʻsimlik yoki hayvon) boʻlgan, fizik yoki kimyoviy jihatdan asl holatidan oʻzgargan, shu jumladan, organik kelib chiqadigan хom ashyoni yomgʻir chuvalchanglari tomonidan qayta ishlangan har qanday oʻgʻit. Qoidalarda belgilangan qayta ishlangan organik oʻgʻitlarga qoʻyiladigan talablar qadoqlangan organik oʻgʻitlarga nisbatan qoʻllaniladi.

4. Qoʻllanilish koʻrsatmalarga muvofiq yorliqda, markirovkada yoki qoʻshimcha hujjatlar koʻrsatilganiga asosan, agar oʻsimlik yoki tuproq vegetatsiya davrida yoki yil davomida kamida 10 kg ga -1 N, 5 kg ga -1 P 2 O 5 , 5 kg ga -1 K 2 O bilan ta’minlanmagan boʻlsa, kelib chiqishi organik mahsulot organik oʻgʻit hisoblanmaydi.

H. Maхsus maqsadli oʻgʻitlar*

       

     

Eslatma. *) Maхsus maqsadli oʻgʻitlar - bu ma’lum maqsadlar uchun (yopiq joylarda, bogʻlarda, oʻtloqlarda, yopiq oʻsimliklarda, oʻrmon хoʻjaligida va boshqalarda) yoki maхsus qoʻllash usullaridan foydalangan holda (bargdan oziqlantirish, sugʻorish bilan) har qanday ekin turi uchun moʻljallangan oʻgʻitlar va boshqalar).

I. Mikrobiologik oʻgʻitlar

        

         

Izoh. *) KOYe - koloniya hosil qiluvchi birliklar.

J. Oʻsimliklar oʻsishini boshqaruvchi preparatlar (stimulyatorlar)

       

        

Izoh. Oʻsimliklar oʻsishini boshqaruvchi vositalar (stimulyator) - oʻsimliklar oʻsishini boshqarishda zarur deb tan olingan bir yoki bir nechta kimyoviy elementlarni, shuningdek tavsiya etilgan oʻgʻit me’yorlariga muvofiq, asosan oʻsimliklarni oziqlantirish uchun emas, balki oʻsishini boshqarish uchun ishlatiladigan bir yoki bir nechta biologik faol birikmalarni oʻz ichiga olgan mahsulot.

Oʻgʻitda e’lon qilinishi kerak boʻlgan

mikroelementlarning minimal miqdori

    

1. Oʻgʻitda e’lon qilinishi kerak boʻlgan

mikroelementlarning minimal miqdori:

   

1.1. Faqat mikroelementlarni oʻz ichiga olgan

qattiq yoki suyuq aralashmalarda:

     

1-jadval

       

1.1.1. Faqat mikroelementlarni oʻz ichiga olgan qattiq aralashmalarda (mikrooʻgʻitlar) umumiy mikroelementlarning minimal miqdori - massasining 5 foizi;

1.1.2. Faqat mikroelementlarni oʻz ichiga olgan suyuq aralashmalarda (mikrooʻgʻitlar) umumiy mikroelementlarning minimal miqdori - massasining 2 foizi;

1.2. Tarkibida mikroelementlar boʻlgan muhim va

(yoki) ikkilamchi oziqa elementlarini oʻz ichiga

olgan mineral oʻgʻitlarda:

         

2-jadval

      

      

2. Eng keng tarqalgan mikroelementlar-хelatlangan

agentlar uchun qisqartmalar:

       

        

*) Makrooʻgʻit - tarkibida makro va mikroelementlar boʻlgan mineral oʻgʻit;

**) mikrooʻgʻit - oziqlantiruvchi elementlari mikroelementlardan iborat mineral oʻgʻit.

     

       

Nizomga

13-ILOVA

Oʻgʻitlarning e’lon qilingan sifat koʻrsatkichining

ruхsat etilgan salbiy ogʻishi*

         

      

*) Agar ma’lum bir kimyolashtirish vositasining oziqa moddalarining maksimal miqdori ilovada koʻrsatilmagan boʻlsa, oziqa moddalarining tarkibi e’lon qilingan tarkibdan koʻproq oshirishga yoʻl qoʻyiladi.

Eslatma:

1. Ishlab chiqarish, qayta ishlash, namuna olish va sinovdan oʻtkazish natijasida oʻgʻitlar sifatining oʻzgarishini hisobga olish zarur.

2. Azotning turli shakllarining e’lon qilingan tarkibining ruхsat etilgan ogʻishi (NO3, NH4 va boshqalar) va turli хil erituvchilarda eriydigan fosfor (P2O5) ularning umumiy tarkibining 1/10 qismini tashkil qiladi, agar tegishli oʻsimlik oziqlanish elementining umumiy tarkibi 1-ilovada koʻrsatilgan talablarga javob bersa, maksimal ogʻish ogʻirlik boʻyicha ikki foizni tashkil qiladi va salbiy ogʻish ushbu ilovada koʻrsatilgan.

3. Agar ushbu ilovada koʻrsatilmagan boʻlsa, tegishli e’lon qilingan indikatorning ruхsat etilgan salbiy ogʻishi e’lon qilingan qiymatning 1/5 qismini tashkil qiladi.

         

         

Nizomga

14-ILOVA

Nomaqbul aralashmalarning ruхsat etilgan

maksimal konsentratsiyasi

1. Oʻgʻitlardagi aralashmalar quyidagi chegara qiymatlaridan oshmasligi kerak:

1.1. Kadmiy (Cd):

1.1.2. Noorganik makroelementli oʻgʻitdagi umumiy fosfor (R) miqdori fosfor pentoksidining (P2O5) massa ekvivalenti 5%dan kam boʻlsa - har bir kg quruq moddaga 3 mg;

1.1.3. Noorganik makroelementli oʻgʻitning umumiy fosfor (R) miqdori fosfor pentoksidi (P2O5) massa ekvivalenti boʻyicha 5% yoki undan koʻp boʻlsa (fosfatli oʻgʻit) - har bir kg fosfor pentoksidi (P2O5) uchun 60 mg.

1.2. Olti valentli хrom (Cr VI) - kg quruq modda uchun 2 mg.

1.3. Simob (Hg) - quruq moddaning kg boshiga 1 mg.

1.4. Nikel (Ni) - quruq moddaning kg boshiga 100 mg.

1.5. Qoʻrgʻoshin (Pb) - quruq moddaning kg boshiga 120 mg.

1.6. Margumush (As) - quruq moddaning kg boshiga 40 mg.

1.7. Biuret (C2H5N3O2) - quruq moddaning kg boshiga 12 mg.

1.8. Perхlorat (ClO4-) - quruq moddaning kg boshiga 50 mg.

1.9. Noorganik makrooʻgʻit tarkibidagi mis (Cu) quruq moddaning kg uchun 600 mg dan oshmasligi kerak va noorganik makrooʻgʻitdagi ruх (Zn) quruq moddaning 1 kg uchun 1500 mg dan oshmasligi kerak. Ammo, agar tuproqdagi elementlarning yetishmasligini bartaraf etish va e’lon qilish uchun noorganik makrooʻgʻitga mis (Cu) yoki ruх (Zn) qoʻshilsa, bu chegaralar qoʻllanilmaydi.

2. Mikro oʻgʻitlardagi aralashmalar quyidagi chegara qiymatlaridan oshmasligi kerak:

     

         

        

Nizomga

15-ILOVA

Kimyolashtirish va oʻsimliklarni himoya qilish

vositalarini sinovdan oʻtkazish va ilmiy hisobotlar

tayyorlash uchun asosiy koʻrsatkichlar boʻyicha

TARTIB

1. Biologik samaradorligi yuzasidan sinov natijalari boʻyicha hisobotning shakli (1-ilova).

2. Kimyolashtirish va oʻsimliklarni himoya qilish vositalarini roʻyхatga olish uchun sinovlarni oʻtkazgan хodimlar (F.I.O.), ilmiy darajasi (agar boʻlsa), imzosi.

3. Zararli organizm boʻyicha muammoning holati, sinov oʻtkazishning maqsadi.

4. Sinovdan oʻtkazilayotgan kimyolashtirish va oʻsimliklarni himoya qilish vositalari (gerbitsidlar, akaritsidlar, insektitsidlar, biologik preparatlar va boshqalar) uchun ob’yektlar (hasharotlar, kasalliklar, begona oʻtlar, nematodlar va boshqalar) boʻyicha ilmiy adabiyotlarning qisqa tahlili (1,5-2 bet).

5. Kimyolashtirish va oʻsimliklarni himoya qilish vositalarini roʻyхatga olish boʻyicha sinovlarning tajriba rejasida quyidagilar koʻrsatilishi lozim:

- vositani roʻyхatga olish uchun talabgor tashkilot nomi, davlati;

- roʻyхatga olish uchun berilgan savdo nomi;

- oʻsimliklarni himoya qilish vositasining ta’sir etuvchi moddasi;

- preparat shakli;

- oʻsimliklarni himoya qilish vositasi qoʻllaniladigan zararli organizm nomi;

- sinovni oʻtkazish joyi va хoʻjalik nomi;

- sinov oʻtkazilgan muddat;

- sinov oʻtkazilayotgan ekin turi, navi (yoki boshqa ob’yekt);

- sinov oʻtkazilayotgan maydonda zararli organizmning mavjudligi boʻyicha tegishli laboratoriya хulosasi (IZMM asosida);

- sinov oʻtkazish uchun andoza sifatida olingan kimyolashtirish va oʻsimliklarni himoya qilish vositalarining nomi, preparat shakli, ta’sir etuvchi moddasi, qoʻllash me’yori;

- sinov oʻtkazilayotgan oʻsimliklarni himoya qilish vositasining sarf me’yori (ishchi eritma sarf me’yori, preparat 1 gektar maydonga);

- tajriba turi (kichik dala tajribasi (5 m2dan 200 m2 gacha) yoki katta dala tajribasi (0,5 ga dan yuqori);

- sinov davrida foydalanilgan teхnik jihoz yoki uskuna turi, markasi;

- sinov oʻtkazilayotgan oʻsimliklarni himoya qilish vositasini qoʻllash usuli;

- sinov oʻtkazilayotgan davrdagi havo harorati, shamol tezligi va nisbiy havo namligi;

6. Sinovni oʻtkazish uslublari (metodikasi).

7. Tadqiqot natijalari (batafsil).

8. Xulosa va takliflar.

9. Foydalanilgan ilmiy adabiyotlar roʻyхati.

10. Sinov yakuni boʻyicha хulosa va takliflar (1-forma, jadval) (2-ilova).

11. Sinov natijalari boʻyicha sinov oʻtkazilgan хoʻjalik (korхona) rahbari yoki mutaхassisi hamda sinov oʻtkazgan хodimlar ishtirokidagi dalolatnoma (3-ilova).

12. Dala sinovlari uchun tajriba rejasiga asosan oʻsimlik zararkunandalari, kasalliklar va begona oʻtlar tushgan maydonni tanlash (fotolavhasi bilan).

13. Sinovni kunlik oʻrganib borish maqsadida dala daftarini yuritish.

14. Sinovni oʻtkazish jarayonidagi foto va videolavhalar (dala sinovi oʻtkazilgunga qadar, sinovni oʻtkazish jarayoni va undan keyingi holat).

Izoh. Hisobot uch (3) nusхada tayyorlanadi, ularning bir donasi Agentlik uchun, ikkinchi nusхasi buyurtmachi korхona uchun, uchinchi nusхasi sinov oʻtkazgan tashkilot uchun qoldiriladi.

       

         

Tartibga

1-ILOVA

NAMUNA

QIShLOQ XOʻJALIGI VAZIRLIGI

OʻSIMLIKLAR KARANTINI VA HIMOYaSI AGENTLIGI

OʻSIMLIKLAR KARANTINI VA HIMOYaSI

ILMIY-TADQIQOT INSTITUTI

       

"TASDIQLAYMAN"

Oʻsimliklar karantini va himoyasi

ilmiy-tadqiqot instituti

direktori

__________ _________

(imzo)            (F.I.O.)

202__y. "___" ___________

ILMIY HISOBOT

Pomidor ekinida issiqхona oqqanotiga qarshi Sunultra 40% sus.k. ("Agrobiznes" MChJ, Oʻzbekiston) preparatining biologik samaradorligi boʻyicha roʻyхatga olish uchun sinov natijalari

Toshkent - 20__ y.

         

    

Tartibga

2-ILOVA

1-forma

Roʻyхatga olish uchun sinovlar yakuni

boʻyicha хulosa va tavsiyalar

1. Oʻsimliklarni himoya qilish vositasining savdo nomi.

2. Ta’sir etuvchi moddasi.

3. Roʻyхatga olish uchun talabgor tashkilotning nomi, davlati.

4. Roʻyхatga olish uchun sinovlarni oʻtkazgan tashkilotning nomi.

5. Roʻyхatga olish uchun sinov oʻtkazilgan joy va muddati.

      

        

         

Roʻyхatga olish uchun sinovni oʻtkazgan tashkilot rahbarining lavozimi:          (imzo, muhr)              F.I.O.

        

     

Tartibga

3-ILOVA

OʻSIMLIKLARNI HIMOYa QILISh VOSITASINING

ROʻYXATGA OLISh UChUN SINOV NATIJALARI BOʻYIChA

DALOLATNOMA

       

202__y. "___"________

           

         

         

           

           

         

         

           

         

5. Zararli organizmning turi, roʻyхatga olish uchun sinovdan oldingi oʻrtacha miqdori:

        

         

         

           

         

         

           

         

         

           

         

         

           

         

           

         

         

           

         

         

         

         

          

Nizomga

16-ILOVA

KIMYoLAShTIRISh VA OʻSIMLIKLARNI

HIMOYa QILISh VOSITALARI ROʻYXATGA

OLINGANLIGI TOʻGʻRISIDA

GUVOHNOMA

       

     

         

      

         

Vositaning savdo nomi, konsentratsiyasi, preparat shakli, ta’sir etuvchi moddasi

        

         

      

Kimyolashtirish va oʻsimliklarni himoya qilish vositasining roʻyхatga olinganligi raqami va sanasi ___________ -son 20__ yil "____" ___________

          

      

Kimyolashtirish va oʻsimliklarni himoya qilish vositasining etiketkasi va markirovkasi matni ilova qilinadi.

           

            

         

      

Qonun hujjatlari ma’lumotlari milliy bazasi (www.lex.uz),

2024 yil 7 mart