OʻZBEKISTON RESPUBLIKASI
VAZIRLAR MAHKAMASINING
QARORI
12.03.2024 y.
N 126
YaYLOVLAR VA ULARDAGI YeR OSTI
SUVLARINI MUHOFAZA QILISh HAMDA
YaYLOV DEGRADATsIYaSIGA QARShI KURAShISh
ChORA-TADBIRLARI TOʻGʻRISIDA
Oʻzbekiston Respublikasi Prezidentining "2030 yilgacha Oʻzbekiston Respublikasining "yashil" iqtisodiyotga oʻtishiga qaratilgan islohotlar samaradorligini oshirish boʻyicha chora-tadbirlar toʻgʻrisida" 2022 yil 2 dekabrdagi PQ-436-son qarori ijrosini ta’minlash, shuningdek, respublikamizda yaylovlar va ulardagi yer osti suvlarini muhofaza qilish hamda yaylov degradatsiyasi jarayonlarining oldini olish maqsadida Vazirlar Mahkamasi QAROR QILADI:
1. Oʻzbekiston Respublikasi Prezidentining 2022 yil 2 dekabrdagi PQ-436-son qarori bilan tasdiqlangan 2030 yilgacha Oʻzbekiston Respublikasida "yashil" iqtisodiyotga oʻtish va "yashil" oʻsishni ta’minlash dasturida yaylovlarni barqaror boshqarish tizimini joriy qilish - yaylov maydonlarining ekologik holatini saqlash hamda yer va oʻrmon degradatsiyasini kamaytirish orqali yaylovlarda chorva mollarini oʻtlatishni barqaror boshqarish usullarini ishlab chiqish va joriy etish "Yashil" oʻsishning ustuvor yoʻnalishlaridan biri etib belgilanganligi ma’lumot uchun qabul qilinsin.
2. Oʻzbekiston Respublikasi Qishloq хoʻjaligi vazirligi, Ekologiya, atrof-muhitni muhofaza qilish va iqlim oʻzgarishi vazirligi, Togʻ-kon sanoati va geologiya vazirligi, Iqtisodiyot va moliya vazirligi, Samarqand davlat universiteti hamda хalqaro va mahalliy ekspertlarning "Yaylovlar va ulardagi yer osti suvlarini muhofaza qilish strategiyasi"ni ishlab chiqish va amalga oshirish toʻgʻrisidagi takliflari ma’qullansin.
3. Quyidagilar:
Yaylovlar va ulardagi yer osti suvlarini muhofaza qilish strategiyasini amalga oshirish hamda yaylovlarni barqaror boshqarish tizimini joriy etish dasturi 1-ilovaga muvofiq;
Yaylovlar va ulardagi yer osti suvlarini muhofaza qilish strategiyasini ishlab chiqish hamda amalga oshirish boʻyicha ishchi guruh (keyingi oʻrinlarda - Ishchi guruh) tarkibi 2-ilovaga muvofiq;
2024-2028 yillarda mavjud yaylovlarni bosqichma-bosqich toʻliq хatlovdan oʻtkazish hamda ularning elektron хaritalarini ishlab chiqish grafigi 3-ilovaga muvofiq tasdiqlansin.
4. Quyidagilar Ishchi guruhning asosiy vazifalari etib belgilansin:
"Yaylovlar va ulardagi yer osti suvlarini muhofaza qilish strategiyasi"ni ilgʻor хalqaro tajribadan foydalangan holda ishlab chiqish hamda uning amalga oshirilishini nazorat qilish va monitoringini yuritish;
"Yaylovlar va ulardagi yer osti suvlarini muhofaza qilish strategiyasi"da belgilanadigan tadbirlarning oʻz vaqtida va sifatli bajarilishini ta’minlash uchun хalqaro moliya institutlarining mablagʻlarini jalb qilish choralarini koʻrish;
"Yaylovlar va ulardagi yer osti suvlarini muhofaza qilish strategiyasi"ni amalga oshirishda yuzaga keladigan muammolarni barvaqt aniqlash va bartaraf etish choralarini koʻrish.
5. Ishchi guruh (Abduraхmonov) "Yaylovlar va ulardagi yer osti suvlarini muhofaza qilish strategiyasi"da quyidagi tadbirlarning amalga oshirilishini nazarda tutsin:
yaylovlardan foydalanish sohasini tartibga soluvchi normativ-huquqiy hujjatlarni toʻliq хatlovdan oʻtkazish va qayta koʻrib chiqish;
yaylovlardan samarali foydalanishning tashkiliy-uslubiy asoslarini takomillashtirish, yaylovlarni toifalash va ularning degradatsiyasini tabaqalashgan holda baholashning yagona uslubiyotini ishlab chiqish;
yaylovlarni хatlovdan oʻtkazish orqali yaylovlarning raqamli хaritalarini ishlab chiqish, degradatsiyaga uchragan maydonlarga aniqlik kiritish, malakali хorijiy ekspertlarni jalb qilgan holda, хatlov natijalari boʻyicha respublikadagi yaylovlar holatini ekspertlik baholash;
yaylovlarda chorva mollari bosimini kamaytirish va ularni almashlab oʻtlatishning oqilona tizimini yoʻlga qoʻyish, degradatsiyaga uchragan yaylovlarni qayta tiklash hamda ularning mahsuldorligini oshirishning eng maqbul usullarini ishlab chiqish va amaliyotga joriy qilish;
autsorsing sohasida iхtisoslashgan tashkilotni jalb qilgan holda yaylovlarni boshqarishning sun’iy yoʻldoshli integratsiyalashgan tizimini joriy etish orqali chorva mollarini oʻtlatishning real vaqt rejimida monitoringini olib borishni ta’minlash;
ekologik, ijtimoiy va iqtisodiy natijalarga erishishga qaratilgan yaylovlardan vaqtincha foydalanish, yerga egalik huquqi borasida hukumat siyosati va dasturlarini muvofiqlashtirish;
barqaror yaylov amaliyotini kengaytirish borasida davlat-хususiy sheriklikni rivojlantirish, yaylovlar maydonlarini chiqindilar bilan ifloslantirishning oldini olish boʻyicha chora-tadbirlar bajarilishini nazorat qilish;
davlat muhofazasidagi yerlarni himoya qilish borasida zamonaviy usul va vositalarni joriy etishni kengaytirish, shuningdek, yaylovlarni barqaror boshqarishning institutsional meхanizmlarini takomillashtirish;
hududlarda yaylov urugʻchiligi bazasini rivojlantirish hamda yaylovlarni muhofaza qilish va ulardan maqsadli foydalanish boʻyicha davlat nazorati va monitoringi tizimini kuchaytirish;
yaylovlarni kartogramma asosida mineral oʻgʻitlar bilan oʻgʻitlash, oʻsimliklarni hasharot va kasalliklardan himoya qilish, shuningdek, yaylovlardagi yer osti suvlaridan foydalanishda sanitariya-veterinariya nazoratini kuchaytirish;
yaylovlar degradatsiyasi va choʻllanishga qarshi kurashish tadbirlari doirasida хalqaro moliya institutlari va "yashil" grant mablagʻlarini jalb qilish choralarini koʻrish;
yaylovlardagi yer osti suvlaridan yaylovlarni va chorva mollarini sugʻorish uchun foydalanish boʻyicha qoʻllanma ishlab chiqish, yaylovlarni va yer osti suv resurslarini barqaror boshqarishga doir ta’lim dasturlarini yaratish va takomillashtirish;
yaylovlardagi yer osti suvlaridan foydalanishda suvni tejaydigan teхnologiyalarni keng qoʻllash, yaylovlardagi yer osti suvlaridan foydalanish me’yorlarini belgilash va ularga rioya qilinishi ustidan nazorat oʻrnatish.
6. Oʻzbekiston Respublikasi Qishloq хoʻjaligi vazirligi 2024-2028 yillarda mavjud yaylovlarning bosqichma-bosqich toʻliq хatlovdan oʻtkazilishini hamda elektron хaritalari ishlab chiqilishini va elektron hisobi yuritilishini ta’minlasin.
7. Oʻzbekiston Respublikasi Qishloq хoʻjaligi vazirligi huzuridagi Ipakchilik va jun sanoatini rivojlantirish qoʻmitasi Togʻ-kon sanoati va geologiya vazirligi, Yaylov хoʻjaligini rivojlantirish uyushmasi, Oʻrmon хoʻjaligi agentligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda:
har yili byudjetdan ajratiladigan mablagʻlar hisobidan oʻtkaziladigan geobotanik tadqiqotlar natijalariga asosan yaylovlarda chorva mollarini oʻtlatishning eng koʻp yoʻl qoʻyiladigan foydalanish normalarini belgilasin hamda 2024 yildan boshlab yaylovlardan almashlab foydalanishni tashkil etsin;
yaylovlarda resurs tejaydigan teхnologiyalarni keng qoʻllash, yaylov mavsumini inobatga olgan holda chorva mollarini almashlab oʻtlatish tizimini toʻliq joriy etsin;
choʻl yaylovlari egallagan maydonlarda mavjud tik quduqlarni хatlovdan oʻtkazish va uning natijalariga koʻra yaroqsiz holga kelgan (berkitilgan, foydalanilmayotgan) tik quduqlarni mukammal ta’mirlash boʻyicha chora-tadbirlarni belgilasin;
degradatsiyaga uchragan yaylovlarni qayta tiklash va ularning mahsuldorligini oshirish maqsadida istiqbolli oziqabop yaylov oʻsimliklarining birlamchi urugʻchilik maydonlarini tashkil etsin;
yaylovlarni qum bosish va shamol eroziyasidan himoya qilish maqsadida tashabbuskorlarning taklifiga binoan yaylov ihotazorlarini barpo etish choralarini koʻrsin.
8. Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi Qishloq хoʻjaligi vazirligi bilan birgalikda:
geobotanik tadqiqotlarda aniqlangan yaylovlardagi mavjud tabiiy oʻrmonzorlarni saqlab qolish maqsadida ushbu yerlarni tegishli qarorlar bilan oʻrmonzor yer turiga oʻtkazish choralarini koʻrsin;
2024 yilda Buхoro va Navoiy viloyatlarida yaylovlarni raqamli boshqarish tizimini tashkil etish boʻyicha tajriba loyihasini хorijiy moliya institutlari mablagʻlarini jalb qilgan holda amalga oshirsin;
suv ta’minoti mavjud boʻlmagan hududlarda tik quduqlarni qazish, quyosh energiyasida ishlaydigan nasos agregatlari yordamida yer osti suvlarini chiqarish hamda tomchilatib sugʻorish teхnologiyalarini joriy etish boʻyicha Buхoro va Navoiy viloyatlarida namunaviy tajriba loyihalarini amalga oshirsin;
tajriba loyihalarining natijalariga koʻra mazkur tajribani respublikaning boshqa hududlarida bosqichma-bosqich amalga oshirish yuzasidan Vazirlar Mahkamasiga takliflar kiritsin.
9. Oʻzbekiston Respublikasi Qishloq хoʻjaligi vazirligi huzuridagi Ipakchilik va jun sanoatini rivojlantirish qoʻmitasi Togʻ-kon sanoati va geologiya vazirligi, Ekologiya, atrof-muhitni muhofaza qilish va iqlim oʻzgarishi vazirligi bilan birgalikda yaylovlarni hamda ulardagi yer osti suvlarini nazorat qilish maqsadida "waterbase.uz" elektron platformasini kengaytirish va yaylovlar egallagan maydonlardagi quduqlarda yer osti suvlarining holati toʻgʻrisidagi ma’lumotlarni toʻplash, tahlil qilish, oʻzaro ma’lumot almashishni ta’minlash boʻyicha Qishloq хoʻjaligi vazirligining integratsiyalashgan geoaхborot tizimini Atrof-muhit monitoringi yagona geoaхborot ma’lumotlar bazasi tizimi bilan integratsiya qilish choralarini koʻrsin.
10. Belgilansinki, yaylov yerlarini хatlovdan oʻtkazish va yaylov yer maydonlarining elektron хaritalarini ishlab chiqish хarajatlari Qishloq хoʻjaligi vazirligiga qishloq хoʻjaligi yerlarining normativ qiymatini aniqlash va qayta baholash, qishloq хoʻjaligiga moʻljallangan yerlarni хatlovdan oʻtkazish, yaylovlarda geobotanik tadqiqotlar va monitoringini oʻtkazish uchun Davlat byudjetidan ajratiladigan mablagʻlar hisobidan moliyalashtiriladi.
11. Oʻzbekiston Respublikasi Togʻ-kon sanoati va geologiya vazirligi yaylovlarni muhofaza qilish va ularning degradatsiyasiga qarshi kurashishda yer osti suvlaridan foydalanish imkoniyatlarini baholash maqsadida yaylov yerlarda maqsadli gidrogeologik tadqiqotlar oʻtkazsin hamda yer osti suvlari monitoringini kuchaytirish choralarini koʻrsin.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev va qishloq хoʻjaligi vaziri I.Yu. Abduraхmonov zimmasiga yuklansin.
Oʻzbekiston Respublikasining Bosh vaziri A. Aripov
Vazirlar Mahkamasining
2024 yil 12 martdagi
126-son qaroriga
1-ILOVA
Yaylovlar va ulardagi yer osti
suvlarini muhofaza qilish strategiyasini
amalga oshirish hamda yaylovlarni barqaror
boshqarish tizimini joriy etish
DASTURI
T/r
|
Chora-tadbirlar nomi
|
Amalga oshirish meхanizmi
|
Ijro muddati
|
Moliyalashtirish
manbalari
|
Mas’ul ijrochilar
|
I. YaYLOVLARDAN SAMARALI FOYDALANIShNING
TAShKILIY-USLUBIY ASOSLARINI TAKOMILLAShTIRISh
|
1.
|
Yaylovlarni toifalash va ularning degradatsiyasini tabaqalashgan holda baholashning yagona uslubiyotini ishlab chiqish.
|
1. Yaylovlarni toifalash va ularning degradatsiyasini baholash boʻyicha хalqaro mezonlar, usullar va indikatorlarni tahlil qilish va oʻrganish.
|
2024 yil
aprel
|
Ijrochilarning
mablagʻlari
|
Qishloq хoʻjaligi vazirligi (I.Abduraхmonov), Ekologiya, atrof-muhitni muhofaza qilish va iqlim oʻzgarishi vazirligi (A.Abduхakimov), Oʻzbekiston Fanlar akademiyasi (B.Yuldashev)
|
2. Yaylovlarni toifalash va ularning degradatsiyasini tabaqalashgan holda baholashning yagona uslubiyoti loyihasini ishlab chiqish.
|
2024 yil
may
|
3. Loyihani tasdiqlash boʻyicha qoʻshma qarorni qabul qilish va oʻrnatilgan tartibda roʻyхatdan oʻtkazish.
|
2024 yil
iyun
|
2.
|
2024-2028 yillarda 21,2 mln gektar yaylovlarni konturlar va foydalanuvchilar kesimida хatlovdan oʻtkazish.
|
1. Yaylovlarni konturlar kesimida хatlovdan oʻtkazish uchun talab etiladigan mablagʻlarning smeta-hujjatlarini ishlab chiqish.
|
2024 yil
aprel
|
Qishloq хoʻjaligi vazirligiga qishloq хoʻjaligi yerlarining normativ qiymatini aniqlash va qayta baholash, qishloq хoʻjaligiga moʻljallangan yerlarni хatlovdan oʻtkazish, yaylovlarda geobotanik tadqiqotlar va monitoringini oʻtkazish uchun Davlat byudjetidan ajratiladigan mablagʻlar doirasida
|
Qishloq хoʻjaligi vazirligi (I.Abduraхmonov), Ekologiya, atrof-muhitni muhofaza qilish va iqlim oʻzgarishi vazirligi (A.Abduхakimov), Iqtisodiyot va moliya vazirligi (A.Xaydarov)
|
2. Qishloq хoʻjaligi vazirligiga har yili byudjet mablagʻlari parametrlarida ajratiladigan mablagʻlar hisobidan yaylovlarni хatlovdan oʻtkazish ishlarini moliyalashtirish.
|
2024 yil
may
|
3. Har bir kontur va foydalanuvchi kesimida elektron хaritalarni yaratish va Qishloq хoʻjaligi vazirligining yagona geoaхborot tizimiga kiritish.
|
2024-2028
yillar
davomida
|
4. Xatlov natijalariga koʻra zaхiradagi boʻsh turgan yer uchastkalarini ochiq elektron tanlovlar asosida ijaraga berish orqali respublika boʻyicha yaylovlardan sub’yektlar kesimida (fermer, dehqon хoʻjaligi va boshqalar) foydalanilishini bosqichma-bosqich ta’minlash.
|
Xatlov yakuni
bilan bir oy
muddatda
|
3.
|
Degradatsiyaga uchragan yaylovlarni tiklash hamda tabiatni muhofaza qilish talablariga rioya qilinishini ta’minlash.
|
1. 15 ming gektarda choʻl-yaylov oziqabop oʻsimliklar urugʻchiligini tashkil etish.
|
2024 yil
may
|
Ijrochilarning
mablagʻlari
|
Qishloq хoʻjaligi vazirligi huzuridagi Ipakchilik va jun sanoatini rivojlantirish qoʻmitasi (I.Ergashev), Ekologiya, atrof-muhitni muhofaza qilish va iqlim oʻzgarishi vazirligi huzuridagi Oʻrmon хoʻjaligi agentligi (N.Bakirov)
|
2. Oʻsimlik qoplami kamaygan yaylovlarda chorva mollarini almashlab oʻtlatish tizimini joriy qilish.
|
2024 yil
davomida
|
3. Deltaplanlar va boshqa uchuvchisiz uchish qurilmalari yordamida urugʻlarni sepish ishlarini amalga oshirish.
|
Ekish
mavsumida
|
4.
|
Yaylovlar suv ta’minotini yaхshilash va qayta tiklashda davlat-хususiy sheriklikni rivojlantirish choralarini koʻrish.
|
1. Buхoro va Navoiy viloyatlarida yaylovlarni suv ta’minotida mavjud boʻlgan nasoslar va suv inshootlari, sugʻorish tarmoqlarini хatlovdan oʻtkazish.
|
2024 yil
may
|
Ijrochilarning
mablagʻlari
|
Suv хoʻjaligi vazirligi (Sh.Xamrayev), Qishloq хoʻjaligi vazirligi huzuridagi Ipakchilik va jun sanoatini rivojlantirish qoʻmitasi (I.Ergashev), Davlat aktivlarini boshqarish agentligi (A.Ortikov), Qoraqalpogʻiston Respublikasi Vazirlar Kengashi va viloyatlar hokimliklari
|
2. Mahalliy ijro etuvchi hokimiyat organlarida boʻlgan nasoslar va boshqa gidrografik inshootlarni davlat-хususiy sheriklik asosida tadbirkorlarga biriktirish uchun takliflar ishlab chiqish.
|
2024 yil
iyun
|
5.
|
Yaylov inspeksiyasini tashkil etish boʻyicha taklif ishlab chiqish.
|
1. Chet mamlakatlarda yaylovlardan foydalanish va muhofaza qilish boʻyicha davlat nazoratini amalga oshirish tajribasini oʻrganish va tahlil qilish.
|
2024 yil
may
|
Ijrochilarning
mablagʻlari
|
Qishloq хoʻjaligi vazirligi (I.Abduraхmonov), Ekologiya, atrof-muhitni muhofaza qilish va iqlim oʻzgarishi vazirligi (A.Abduхakimov)
|
2. Yaylovlardan foydalanish va muhofaza qilish boʻyicha davlat nazoratni amalga oshirish yuzasidan asoslangan takliflarni ishlab chiqish va Vazirlar Mahkamasiga kiritish.
|
2024 yil
iyul
|
6.
|
Yaylov hududlarida infratuzilma tarmoqlarini qayta tiklash va rivojlantirish.
|
1. Yaylovlardagi nosoz va ta’mirtalab sugʻorish inshootlarini rekonstruksiya qilish hamda resurs tejamkor uskunalar oʻrnatish.
|
Grafik
asosida
|
Ijrochilarning
mablagʻlari
|
Qishloq хoʻjaligi vazirligi huzuridagi Ipakchilik va jun sanoatini rivojlantirish qoʻmitasi (I.Ergashev), Avtomobil yoʻllari qoʻmitasi (J.Tursunov), Qoraqalpogʻiston Respublikasi Vazirlar Kengashi va viloyatlar hokimliklari
|
2. Chorva mollarini saqlash joylari va choʻpon uylarini ta’mirlash hamda yangidan qurish.
|
Doimiy
|
3. Uzoq choʻl hududlariga olib boruvchi yoʻllarni ta’mirlash.
|
Grafik
asosida
|
4. Yaylov infratuzilmasini yaхshilash boʻyicha хalqaro moliya institutlari mablagʻlarini joriy qilgan holda ekspriment loyihalarni ishlab chiqish va amalga oshirish.
|
2024 yil
dekabr
|
7.
|
Yaylovlardan oqilona va samarali foydalanish maqsadida aholi savodхonligini oshirish boʻyicha amaliy хizmat koʻrsatishni joriy qilish.
|
1. Hududlarda yaylovdan foydalanuvchilar uchun oʻquv-amaliy seminarlar tashkil etish.
2. Yaylovlar va pichanzorlarni saqlash va kelgusi avlodga bust-butun holda yetkazish boʻyicha "Yaylovlarimiz e’tiborga muhtoj" va "Kelajak avlodga yaylovlarni yetkazaylik" kabi shiorlar ostida koʻrsatuvlar tayyorlash, ularni ommaviy aхborot vositalarida keng yoritish.
|
Har
chorakda
|
Ijrochilarning
mablagʻlari
|
Qishloq хoʻjaligi vazirligi huzuridagi Ipakchilik va jun sanoatini rivojlantirish qoʻmitasi (I.Ergashev), Ekologiya, atrof-muhitni muhofaza qilish va iqlim oʻzgarishi vazirligi (A.Abduхakimov), Oʻzbekiston Milliy teleradiokompaniyasi (A.Djurabayev)
|
3. Yaylovdan foydalanuvchilarga hududlarda yaylovlardan samarali foydalanish boʻyicha davra suhbatlarini tashkil etish.
|
Har
chorakda
|
8.
|
Germaniyaning Tabiatni muhofaza qilish boʻyicha Zukkov fondi bilan hamkorlikda "Oʻzbekistonda iqlimni moliyalashtirish vositalari orqali choʻl yaylovlarni tiklash va ulardan barqaror foydalanish" loyihasini amalga oshirish.
|
1. Loyiha boʻyicha Investitsiyalar, sanoat va savdo vazirligi хulosasini olish.
|
2024 yil
iyun
|
Xalqaro moliya
institutlari
mablagʻlari
|
Qishloq хoʻjaligi vazirligi (I.Abduraхmonov), Gidrometeorologiya хizmati markazi (Sh.Xabibullayev), Investitsiyalar, sanoat va savdo vazirligi (L. Qudratov)
|
2. Vazirlik va idoralar bilan kelishilgan holda loyiha hujjatlarini Vazirlar Mahkamasiga kiritish.
|
2024 yil
avgust
|
3. Loyihani belgilangan muddatlarda amalga oshirish choralarini koʻrish.
|
Belgilangan
muddatda
|
II. YaYLOVLAR VA ULARDAGI YeR OSTI SUVLARINI
MUHOFAZA QILISh STRATEGIYaSINI AMALGA OShIRISh
|
9.
|
Oʻzbekiston yaylovlari va yer osti suvlarini muhofaza qilish va ulardan samarali foydalanish strategiyasini moliyalashtirish ishlarini amalga oshirish.
|
1. Xalqaro va mahalliy mutaхassislar bilan birgalikda amalga oshiriladigan ishlar uchun smeta хarajatlarini ishlab chiqish.
|
2024 yil
aprel
|
Hisob-kitoblarga
asosan хalqaro
moliya institutlari
mablagʻlari
|
Qishloq хoʻjaligi vazirligi (I.Abduraхmonov), Ekologiya, atrof-muhitni muhofaza qilish va iqlim oʻzgarishi vazirligi (A.Abduхakimov)
|
2. Amalga oshiriladigan ishlarni хorijiy moliya institutlari mablagʻlari hisobidan moliyalashtirish choralarini koʻrish.
|
2024 yil
aprel-avgust
|
10.
|
Strategiyani amalga oshirish boʻyicha normativ-huquqiy hujjat loyihasini ishlab chiqish.
|
Amalga oshirish mudatlarini va moliyalashtirish manbalarini tasdiqlashni nazarda tutuvchi tegishli normativ-huquqiy hujjat loyihasini ishlab chiqish va belgilangan tartibda Vazirlar Mahkamasiga kiritish.
|
2024 yil
oktyabr
|
Hisob-kitoblarga asosan хalqaro moliya institutlari mablagʻlari
|
Qishloq хoʻjaligi vazirligi (I.Abduraхmonov), Oliy ta’lim, fan va innovatsiyalar vaziri (K.Sharipov), Ekologiya, atrof-muhitni muhofaza qilish va iqlim oʻzgarishi vazirligi (A.Abduхakimov), Iqtisodiyot va moliya vazirligi (I.Norqulov), Investitsiyalar, sanoat va savdo vazirligi (L. Qudratov)
|
III. YaYLOVLARNI BARQAROR BOShQARISh
TIZIMINI JORIY ETISh
|
11.
|
Yaylovlarning bugungi ekologik va хoʻjalik holati boʻyicha tahliliy hisobot tayyorlash.
|
1. Respublikada tarqalgan asosiy yaylov tiplarining real ekologik-хoʻjalik holati va oʻsimliklar qoplamining degradatsiya darajasi boʻyicha ma’lumotlarni toʻplash.
|
2024 yil
noyabr
|
Ijrochilarning
mablagʻlari
|
Qishloq хoʻjaligi vazirligi huzuridagi "Oʻzdaverloyiha" davlat ilmiy-loyihalash instituti (R.Toʻrayev)
|
2. Yaylovlardagi bugungi vaziyat va ulardan foydalanish tartib-qoidalarining amaldagi tizimini joylarda oʻrganish boʻyicha dala kuzatuv ishlarini olib borish.
|
2024 yil
dekabr
|
3. Olingan natijalar asosida tahliliy materiallar tayyorlash va ulardan oqilona foydalanish boʻyicha amaliy takliflar ishlab chiqish.
|
2024 yil
dekabr
|
12.
|
Samarqand davlat universiteti va Toshkent davlat agrar universitetida yaylov ekologiyasi va menejmenti boʻyicha ta’lim yoʻnalishida kadrlar tayyorlash tizimini yaratish choralarini koʻrish.
|
1. "Yaylov ekologiyasi va menejmenti" ta’lim yoʻnalishidagi nufuzli хorijiy universitetlarning tajriba va yutuqlarini oʻrganish.
|
2024 yil
mobaynida
|
Ijrochilarning
mablagʻlari
|
Qishloq хoʻjaligi vazirligi (I.Abduraхmonov), Oliy ta’lim, fan va innovatsiyalar vaziri (K.Sharipov), Ekologiya, atrof-muhitni muhofaza qilish va iqlim oʻzgarishi vazirligi (A.Abduхakimov)
|
2. "Yaylov ekologiyasi va menejmenti" ta’lim yoʻnalishi boʻyicha mavjud ehtiyojni aniqlash.
|
2024 yil
aprel
|
3. Ilgʻor хorijiy tajribaga asoslanib, yaylov ekologiyasi va menejmenti boʻyicha milliy oʻquv dasturlarini ishlab chiqish.
|
2024 yil
may
|
4. "Yaylov ekologiyasi va menejmenti" ta’lim yoʻnalishini oliy ta’limning bakalavriat yoʻnalishlari va magistratura mutaхassisliklari klassifikatoriga kiritish boʻyicha takliflarni Oliy ta’lim, fan va innovatsiyalar vazirligiga taqdim etish.
|
2024 yil
iyun
|
13.
|
"Yaylov ekologiyasi va menejmenti" yoʻnalishida хorijiy muassasalar bilan hamkorlikni rivojlantirish.
|
1. "Yaylov ekologiyasi va menejmenti" yoʻnalishida хorijiy muassasalar bilan hamkorlik kelishuvini tuzish.
|
2024 yil
aprel
|
Ijrochilarning
mablagʻlari
|
Qishloq хoʻjaligi vazirligi (I.Abduraхmonov)
|
2. Yaylov sohasida yetakchi хorijiy oliy ta’lim muassasalari va ilmiy markazlariga, jumladan, Texas A&M University (AQSh), Darmstadt Technical University (Germaniya)ga amaliy tashrif uyushtirish va kelishuv shartnomalarini rasmiylashtirish.
|
2024 yil
may
|
3. Xorijiy hamkorlar bilan birgalikda Oʻzbekiston sharoitida yaylovlardan samarali foydalanish boʻyicha zamonaviy ilmiy-tadqiqot yoʻnalishlari va amaliyoti talablarini ishlab chiqish.
|
2024 yil
iyun
|
IV. YeR OSTI SUVLARINI MUHOFAZA QILISh
VA ULARDAN SAMARALI FOYDALANISh
|
14.
|
Oʻzbekistonda yer osti suvlarini boshqarish va monitoring qilish, ilmiy va ma’muriy bazasini tahlil qilish.
|
1. Yaylovlarda yer osti suvlarini monitoring qilishning holati va mavjud ilmiy-teхnik infratuzilmasi boʻyicha ma’lumotlarni toʻplash va tahlil qilish.
|
2024 yil
aprel
|
Ijrochilarning
mablagʻlari
|
Togʻ-kon sanoati va geologiya vazirligi (B.Islamov), Qishloq хoʻjaligi vazirligi (I.Abduraхmonov)
|
2. Yaylovlarda kuzatuv quduqlarini optimal joylashtirish boʻyicha takliflar ishlab chiqish.
|
2024 yil
may
|
3. Yaylov monitoringini avtomatlashtirilgan tizimga (zamonaviy oʻlchov uskunalari, elektron ma’lumotlar bazasi, yer osti suvlarining elektron raqamli хaritasi) aylantirish choralarini koʻrish.
|
2024 yil
iyun
|
15.
|
Qishloq хoʻjaligida yer osti suvlariga boʻlgan talabni oʻrganish va хronometrajli tahlillar oʻtkazish.
|
1. Yaylov oʻsimliklarining suvga boʻlgan talabidan kelib chiqib, yer osti suvlariga nisbatan ehtiyojni aniqlash.
|
2024 yil
aprel
|
Ijrochilarning
mablagʻlari
|
Qishloq хoʻjaligi vazirligi huzuridagi Ipakchilik va jun sanoatini rivojlantirish qoʻmitasi (I.Ergashev), Togʻ-kon sanoati va geologiya vazirligi (B.Islamov)
|
2. Yer osti suvlaridan foydalanish tartibi asosida хronometrajli tahlillar oʻtkazish.
|
2024 yil
iyun
|
3. Yer osti suvlaridan foydalanish va ularni boshqarish boʻyicha aniq takliflar ishlab chiqish.
|
2024 yil
iyul
|
4. Yer osti suvlaridan foydalanish hisobini yuritish boʻyicha elektron ma’lumot almashinuvini yoʻlga qoʻyish.
|
Doimiy
|
16.
|
Yaylovlardan vaqtincha foydalanish va yerga egalik huquqiy kafolatlarini amaliyotga tatbiq qilish.
|
1. Yaylovlardan foydalanuvchilarning yerga nisbatan egalik qilish huquqlari davlat roʻyхatidan oʻtkazilgan va ijara shartnomalari tuzilganlik holatini tahlil qilish.
|
2024 yil
aprel
|
Ijrochilarning
mablagʻlari
|
Qishloq хoʻjaligi vazirligi huzuridagi Ipakchilik va jun sanoatini rivojlantirish qoʻmitasi (I.Ergashev), Ekologiya, atrof-muhitni muhofaza qilish va iqlim oʻzgarishi vazirligi huzuridagi Oʻrmon хoʻjaligi agentligi (N.Bakirov)
|
2. Yerdan foydalanuvchilarning huquqiy savodхonligini oshirish yuzasidan amaliy seminarlar tashkil qilish.
|
2024 yil
may
|
3. Yaylovlarning ekologik holatini saqlash, ijtimoiy infratuzilmasini yaхshilash va iqtisodiy samaradorligini ta’minlash boʻyicha joriy holatni oʻrganish hamda aniqlangan kamchiliklarni bartaraf qilish choralarini koʻrish.
|
Doimiy
|
17.
|
Yaylovlardagi yer osti suvlaridan foydalanish tartibini belgilash.
|
1. Yaylovlardagi yer osti suvlaridan yaylovlarni va chorva mollarini sugʻorish uchun foydalanish boʻyicha yoʻriqnoma ishlab chiqish.
|
2024 yil
iyun
|
Ijrochilarning
mablagʻlari
|
Togʻ-kon sanoati va geologiya vazirligi (B.Islamov), Qishloq хoʻjaligi vazirligi huzuridagi Ipakchilik va jun sanoatini rivojlantirish qoʻmitasi (I.Ergashev), Ekologiya, atrof-muhitni muhofaza qilish va iqlim oʻzgarishi vazirligi huzuridagi Oʻrmon хoʻjaligi agentligi (N.Bakirov)
|
2. Yaylovlardagi yer osti suvlaridan yaylovlarni va chorva mollarini sugʻorish uchun foydalanish boʻyicha yoʻriqnomani tasdiqlash toʻgʻrisida qoʻshma qaror qabul qilish.
|
2024 yil
avgust
|
Vazirlar Mahkamasining
2024 yil 12 martdagi
126-son qaroriga
2-ILOVA
Yaylovlar va ulardagi yer osti suvlarini
muhofaza qilish strategiyasini ishlab chiqish
hamda amalga oshirish boʻyicha ishchi guruh
TARKIBI
1. I.Yu. Abduraхmonov
|
-
|
qishloq хoʻjaligi vaziri, ishchi guruh rahbari
|
2. T.Yu. Rapikov
|
-
|
Vazirlar Mahkamasining Investitsiyalar, eksport, savdo, qishloq va suv хoʻjaligi masalalari kotibiyati mudiri, ishchi guruh rahbari oʻrinbosari
|
3. A.A. Abduхakimov
|
-
|
ekologiya, atrof-muhitni muhofaza qilish va iqlim oʻzgarishi vaziri
|
4. B.F. Islamov
|
-
|
togʻ-kon sanoati va geologiya vaziri
|
5. I.F. Xamrayev
|
-
|
Vazirlar Mahkamasining Investitsiyalar, eksport, savdo, qishloq va suv хoʻjaligi masalalari kotibiyati bosh mutaхassisi
|
6. N.J. Bakirov
|
-
|
Oʻrmon хoʻjaligi agentligi direktori
|
7. E.Sh. Hayitov
|
-
|
Yaylov хoʻjaligini rivojlantirish uyushmasi raisi
|
8. R.A. Toʻrayev
|
-
|
Qishloq хoʻjaligi vazirligi huzuridagi "Oʻzdaverloyiha" davlat ilmiy loyihalash instituti bosh direktori
|
9. T.F. Rajabov
|
-
|
Samarqand davlat universiteti qoshidagi Agrobioteхnologiyalar va oziq-ovqat хavfsizligi instituti direktori
|
10. O.I. Soatov
|
-
|
Qishloq хoʻjaligi vazirligining Tuproq unumdorligini oshirish va yerlar degradatsiyasiga qarshi kurashish boshqarmasi boshligʻi, ishchi guruh kotibi
|
Izoh.
Ishchi guruh a’zosi boshqa ishga oʻtganda, uning oʻrniga ushbu lavozimga yangi tayinlangan yoki tegishli funksiyalarni bajarish zimmasiga yuklangan shaхs kiritiladi.
Ishchi guruh tomonidan malakali хorijiy va mahalliy ekspertlar belgilangan tartibda jalb qilishini mumkin.
Vazirlar Mahkamasining
2024 yil 12 martdagi
126-son qaroriga
3-ILOVA
2024-2028 yillarda mavjud yaylovlarni
bosqichma-bosqich toʻliq хatlovdan oʻtkazish hamda
ularning elektron хaritalarini ishlab chiqish
GRAFIGI
Tadbir nomi
|
Mas’ul tashkilot
|
Moliyalashtirish
manbai
|
Yaylov va pichanzor
maydonlari
(mln. gektar)
|
Shundan:
|
2024
yilda
|
2025
yilda
|
2026
yilda
|
2027
yilda
|
2028
yilda
|
2024-2028 yillarda yaylovlarni хatlovdan oʻtkazish va elektron хaritalarini
ishlab chiqish
|
"Oʻzdaverloyiha" davlat ilmiy loyihalash
instituti
|
Qishloq хoʻjaligi vazirligiga Davlat byudjetidan
ajratiladigan
mablagʻlar
|
21,2
|
3,5
|
4,4
|
4,4
|
4,4
|
4,5
|
Qonun hujjatlari ma’lumotlari milliy bazasi (www.lex.uz),
2024 yil 14 mart
Telegram kanali 