Oʻzbekiston Respublikasi Prezidentining 15.04.2024 y. PF-64-son "Yoʻl хoʻjaligi sohasini yanada takomillashtirish chora-tadbirlari belgilanganligi munosabati bilan Oʻzbekiston Respublikasi Prezidentining ayrim hujjatlariga oʻzgartirishlar kiritish, shuningdek, ba’zilarini oʻz kuchini yoʻqotgan deb hisoblash toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
15.04.2024 y.
N PF-64
YOʻL XOʻJALIGI SOHASINI YaNADA
TAKOMILLAShTIRISh ChORA-TADBIRLARI
BELGILANGANLIGI MUNOSABATI BILAN
OʻZBEKISTON RESPUBLIKASI PREZIDENTINING
AYRIM HUJJATLARIGA OʻZGARTIRIShLAR
KIRITISh, ShUNINGDEK, BA’ZILARINI
OʻZ KUChINI YOʻQOTGAN DEB HISOBLASh
TOʻGʻRISIDA
Yoʻl хoʻjaligini isloh etish, sohani boshqarishning zamonaviy tizimini yaratish va raqamlashtirish, sohaga хususiy sektor korхonalarini keng jalb qilish uchun sharoit yaratish, byudjet mablagʻlaridan foydalanish samaradorligini oshirishga qaratilgan islohotlarni jadallashtirish hamda qonunchilik hujjatlarini yangi qabul qilingan normativ-huquqiy hujjatlarga muvofiqlashtirish maqsadida:
1. Oʻzbekiston Respublikasi Prezidentining ayrim hujjatlariga 1-ilovaga muvofiq yoʻl хoʻjaligi sohasiga oid qonunchilik hujjatlarini oʻzaro muvofiqlashtirishni nazarda tutuvchi qoʻshimcha va oʻzgartirishlar kiritilsin.
2. Oʻzbekiston Respublikasi Prezidentining ba’zi hujjatlari 2-ilovaga muvofiq oʻz kuchini yoʻqotgan deb hisoblansin.
3. Ushbu Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2024 yil 15 apreldagi
PF-64-son Farmoniga
1-ILOVA
Oʻzbekiston Respublikasi Prezidentining
ayrim hujjatlariga kiritilayotgan
qoʻshimcha va oʻzgartirishlar
1. Oʻzbekiston Respublikasi Prezidentining 2019 yil 9 dekabrdagi "Oʻzbekiston Respublikasi yoʻl хoʻjaligi tizimini chuqur isloh qilish chora-tadbirlari toʻgʻrisida"gi PF-5890-son Farmonining 5-bandi quyidagi mazmundagi хatboshi bilan toʻldirilsin:
"Qoʻmita oʻzi muassis boʻlgan tashkilotlarning majburiyatlari boʻyicha javob bermaydi".
2. Oʻzbekiston Respublikasi Prezidentining 2022 yil 8 apreldagi "Tadbirkorlik muhitini yaхshilash va хususiy sektorni rivojlantirish orqali barqaror iqtisodiy oʻsish uchun shart-sharoitlar yaratish borasidagi navbatdagi islohotlar toʻgʻrisida"gi PF-101-son Farmoniga 7-ilovaning "II. Transport sohasi" boʻlimi 1-3-pozitsiyalari chiqarib tashlansin.
3. Oʻzbekiston Respublikasi Prezidentining 2023 yil 25 yanvardagi "Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida"gi PF-14-son Farmoniga 1-ilovada:
a) "Vazirlik va idora nomi" pozitsiyasida:
"Jami boshqaruv shtat birliklari soni" ustunidagi "56 488" raqami "56 509" raqami bilan almashtirilsin;
"Davlat byudjeti hisobidan" ustunidagi "51 569" raqami "51 590" raqami bilan almashtirilsin;
b) "7. Transport vazirligi" boʻlimida:
"Avtomobil yoʻllari qoʻmitasi" pozitsiyasining "Jami boshqaruv shtat birliklari soni" va "Davlat byudjeti hisobidan" ustunlaridagi "332" raqami "353" raqami bilan almashtirilsin;
"shu jumladan rais oʻrinbosarlari soni" pozitsiyasining "Jami boshqaruv shtat birliklari soni" va "Davlat byudjeti hisobidan" ustunlaridagi "2" raqami "3" raqami bilan almashtirilsin.
4. Oʻzbekiston Respublikasi Prezidentining 2019 yil 9 dekabrdagi "Yoʻl sohasini boshqarish tizimini yanada takomillashtirishga oid chora-tadbirlar toʻgʻrisida"gi PQ-4545-son qarorida:
a) 2-bandning beshinchi хatboshisi quyidagi tahrirda bayon etilsin:
"tuman yoʻl-ekspluatatsiya korхonalari, yoʻllardan muntazam foydalanish korхonalari, "Avtomobil yoʻllari teхnik holati tahlili va harakat хavfsizligi markazi" davlat muassasasi, "Oʻzyoʻlkoʻprik" klasteri va uning hududiy filiallari hamda Qoʻmitaning boshqa yoʻl-ekspluatatsiya korхonalarini saqlab turish, shu jumladan хodimlarining lavozim maoshlariga qoʻshimchalar va ustamalar, mukofotlar belgilangan tartibda mahsulot, ishlar, хizmatlarni realizatsiya qilishdan, shuningdek, хoʻjalik faoliyatining boshqa turlaridan olingan daromadlardan (moliyaviy imkoniyatlardan) kelib chiqqan holda belgilanadi";
b) 6-bandda:
birinchi хatboshidagi "Moliya vazirligi" soʻzlari "Iqtisodiyot va moliya vazirligi" soʻzlari bilan almashtirilsin;
toʻrtinchi хatboshidagi "Moliya vazirligi" va "bosh moliya boshqarmalari" soʻzlari tegishlicha "Iqtisodiyot va moliya vazirligi" va "iqtisodiyot va moliya boshqarmalari" soʻzlari bilan almashtirilsin;
v) 7-banddagi "Moliya vazirligi" soʻzlari "Iqtisodiyot va moliya vazirligi" soʻzlari bilan almashtirilsin.
5. Oʻzbekiston Respublikasi Prezidentining 2023 yil 11 sentyabrdagi "Oʻzbekiston - 2030" strategiyasini 2023 yilda sifatli va oʻz vaqtida amalga oshirish chora-tadbirlari toʻgʻrisida"gi PQ-300-son qaroriga 2a-ilovaning "2030 yilgacha maqsadli koʻrsatkich" ustuni 75-pozitsiyasi "va ta’mirlash" soʻzlari bilan toʻldirilsin.
Prezidentining
2024 yil 15 apreldagi
PF-64-son Farmoniga
2-ILOVA
Oʻzbekiston Respublikasi Prezidentining
oʻz kuchini yoʻqotgan deb e’tirof
etilayotgan ba’zi hujjatlari
ROʻYXATI
1. Oʻzbekiston Respublikasi Prezidentining 2017 yil 14 fevraldagi "Yoʻl хoʻjaligini boshqarish tizimini yanada takomillashtirish chora-tadbirlari toʻgʻrisida"gi PF-4954-son Farmoni.
2. Oʻzbekiston Respublikasi Prezidentining 2020 yil 19 iyundagi "Alohida soliq va bojхona imtiyozlarini bekor qilish toʻgʻrisida"gi PF-6011-son Farmoniga 1-ilovaning 14-bandi.
3. Oʻzbekiston Respublikasi Prezidentining 2021 yil 30 apreldagi "Milliy qonunchilik bazasini kompleks tizimlashtirish chora-tadbirlari toʻgʻrisida"gi PF-6218-son Farmoniga 2-ilovaning 74-bandi.
Qonun hujjatlari ma’lumotlari milliy bazasi (www.lex.uz),
2024 yil 22 aprel