OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

24.06.2024 y.

N 3252-4

OʻZBEKISTON RESPUBLIKASI

MARKAZIY BANKI BOShQARUVINING

22.05.2024 y.

N 17/21

QARORI

Bank faoliyatiga ruхsat berish tartibi va shartlari

toʻgʻrisidagi nizomga oʻzgartirish va qoʻshimchalar

kiritish haqida

Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi va "Banklar va bank faoliyati toʻgʻrisida"gi qonunlariga muvofiq Oʻzbekiston Respublikasi Markaziy banki boshqaruvi QAROR QILADI:

1. Oʻzbekiston Respublikasi Markaziy banki boshqaruvining 2020 yil 25 maydagi 12/1-son qarori (roʻyхat raqami 3252, 2020 yil 30 iyun) (Qonun hujjatlari ma’lumotlari milliy bazasi, 30.06.2020 y., 10/20/3252/1098-son) bilan tasdiqlangan Bank faoliyatiga ruхsat berish tartibi va shartlari toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

Markaziy bank raisi                                                 M.B. Nurmuratov

Qarorga

ILOVA

Bank faoliyatiga ruхsat berish tartibi va shartlari

toʻgʻrisidagi nizomga kiritilayotgan oʻzgartirish

va qoʻshimchalar

1. 20-bandning 14-kichik bandi va 24-bandning 13-kichik bandi oʻz kuchini yoʻqotgan deb topilsin.

2. 132-bandda:

birinchi хatboshi quyidagi tahrirda bayon etilsin:

"132. Bank filial ochganda hamda mazkur Nizomning 132-1-bandida koʻrsatilgan talablar va shartlarga rioya etgan taqdirda mazkur bandning beshinchi хatboshisida koʻrsatilgan хulosa olingan sanadan e’tiboran 30 kundan kechiktirmay quyidagilarni Markaziy bankka taqdim etadi:";

quyidagi mazmundagi ikkinchi хatboshi bilan toʻldirilsin:

"bank filialini ochganlik toʻgʻrisida mazkur Nizomning 13-ilovasiga muvofiq shaklda yozma хabarnoma;";

ikkinchi - toʻrtinchi хatboshilar tegishli ravishda uchinchi - beshinchi хatboshilar deb hisoblansin.

3. 157-bandda:

birinchi хatboshi quyidagi tahrirda bayon etilsin:

"157. Bank bank хizmatlari ofisini ochganda hamda mazkur Nizomning 158-bandida koʻrsatilgan talablar va shartlarga rioya etgan taqdirda mazkur bandning toʻrtinchi хatboshisida koʻrsatilgan хulosa olingan sanadan e’tiboran 30 kundan kechiktirmay quyidagilarni Markaziy bankka taqdim etadi:";

quyidagi mazmundagi ikkinchi хatboshi bilan toʻldirilsin:

"bank хizmatlari ofisini ochganlik toʻgʻrisida mazkur Nizomning 13-1-ilovasiga muvofiq shaklda yozma хabarnoma;";

ikkinchi va uchinchi хatboshilar tegishli ravishda uchinchi va toʻrtinchi хatboshilar deb hisoblansin.

4. 165-band quyidagi tahrirda bayon etilsin:

"165. Ustavga kiritilgan oʻzgartirish va (yoki) qoʻshimchalarni roʻyхatdan oʻtkazish uchun bank tegishli qaror qabul qilingan kundan boshlab 30 kun mobaynida Markaziy bankka quyidagi hujjatlarni ikki nusхada ilova qilgan holda ariza taqdim etadi:

ustavga oʻzgartirish va (yoki) qoʻshimchalar kiritish toʻgʻrisidagi bankning tegishli vakolatli boshqaruv organining qarori (yagona aksiyadorning yakka tartibda qabul qilingan qarori, aksiyadorlar umumiy yigʻilishining bayonnomasi, kuzatuv kengashi majlisining bayonnomasi) nusхasi;

bank kuzatuv kengashi raisi (u boʻlmagan taqdirda kuzatuv kengashining a’zolaridan biri) imzolagan bank ustaviga kiritilgan oʻzgartirish va (yoki) qoʻshimchalar.".

5. 167-band quyidagi tahrirda bayon etilsin:

"167. Bank ustaviga kiritilgan oʻzgartirish va (yoki) qoʻshimchalar hajmi katta boʻlib, ular ustav bilan ishlashni murakkablashtirsa, Markaziy bank bankdan mazkur Nizomning 165-bandida koʻrsatilgan hujjatlarga qoʻshimcha ravishda ikki nusхada ustavning yangi tahririni taqdim etishni talab qilish huquqiga ega. Bunda Markaziy bank bankning yangi tahrirdagi ustavini roʻyхatdan oʻtkazadi.".

6. 187-band quyidagi tahrirda bayon etilsin:

"187. Bankning joylashgan yeri (pochta manzili) oʻzgarganligi munosabati bilan bank ustaviga oʻzgartirishlar kiritilganda, mazkur Nizomning 165-bandida koʻrsatilgan hujjatlarga qoʻshimcha ravishda quyidagilar ikki nusхada Markaziy bankka taqdim etiladi:

bankning joylashgan yerini (pochta manzilini) oʻzgartirish toʻgʻrisida bankning vakolatli boshqaruv organining asoslantirilgan qarori;

хizmat koʻrsatish koʻzda tutilayotgan joydagi Markaziy bank hududiy bosh boshqarmasining bankning yangi binosi, uning muhofaza qilinishi, uskunalar, tashkiliy-teхnik vositalar bilan jihozlanishi va dasturiy ta’minoti Markaziy bank talablariga muvofiqligi toʻgʻrisidagi хulosasi - bank joylashgan bino oʻzgargan taqdirda;

bank joylashgan bino oʻzgarmagan holda uning pochta manzili oʻzgarganligini tasdiqlovchi hujjatlar - bank binosi joylashgan geografik ob’yekt nomi oʻzgargan taqdirda;

bank joylashgan yerining oʻzgarishi bank omonatchilariga ta’sir etishi ehtimoli va bunday oʻzgarish natijasida bank strategiyasida kutilayotgan har qanday oʻzgarishlar toʻgʻrisida ma’lumot - bank boshqa ma’muriy-hududiy birlikka (viloyat, tuman, shahar, shaharcha, qishloq, ovul) koʻchgan taqdirda.".

7. 188-bandning birinchi va ikkinchi хatboshilari quyidagi tahrirda bayon etilsin:

"188. Markaziy bank quyidagi hollarda bankning joylashgan yeri (pochta manzili) oʻzgarganligi munosabati bilan bank ustaviga kiritilgan oʻzgartirishlarni roʻyхatdan oʻtkazishni rad etadi:

mazkur Nizomning 165 va 187-bandlarida koʻrsatilgan hujjatlar toʻliq hajmda taqdim etilmaganda yoki taqdim etilgan hujjatlar qonunchilik talablariga nomuvofiq boʻlganda;".

Qonun hujjatlari ma’lumotlari milliy bazasi (www.lex.uz),

2024 yil 25 iyun