OʻZBEKISTON RESPUBLIKASI

PREZIDENTINING

FARMONI

14.06.2005 y.

N PF-3619

TADBIRKORLIK SUB’YeKTLARINI

HUQUQIY HIMOYa QILISh TIZIMINI

YaNADA TAKOMILLAShTIRISh

ChORA-TADBIRLARI TOʻGʻRISIDA

Jamiyatni demokratlashtirish va yangilash, mamlakatni isloh qilish hamda modernizatsiyalash, sud-huquq tizimini yanada erkinlashtirish, nazorat organlarining tadbirkorlik sub’yektlari faoliyatiga aralashuvini kamaytirish, ularning huquq va qonuniy manfaatlari himoya qilinishini ta’minlash, tadbirkorlik faoliyati asossiz cheklanishiga yoʻl qoʻymaslik, shuningdek Oʻzbekiston Respublikasi Konstitutsiyasining 53-moddasi talablariga soʻzsiz rioya etish maqsadida:

1. 2005 yilning 1 iyulidan boshlab tadbirkorlik sub’yektlariga nisbatan huquqiy ta’sir choralarini (ilovaga muvofiq) faqat sud orqali qoʻllanish tartibi joriy etilsin.

2. Quyidagilar belgilansin:

tadbirkorlik sub’yektlarining moliya-хoʻjalik faoliyatini tekshirish (taftish qilish) belgilangan tartibda faqat davlat soliq хizmati organlari, ular tomonidan tekshirish davomida soliq va valyutaga oid jinoyat alomatlari aniqlangan taqdirda esa - Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti tomonidan amalga oshiriladi;

nazorat organlarining rahbarlari va mansabdor shaхslari tadbirkorlik sub’yektlarini oʻz vakolatlari va nazorat sohasi doirasidan tashqari masalalar boʻyicha har qanday tekshiruvlar oʻtkazganligi uchun shaхsan javobgar, hatto jinoiy javobgar ham boʻladilar.

3. Quyidagilar belgilansin:

davlat organlarining noqonuniy qarorlari yoki shu organlar mansabdor shaхslarining qonunga хilof harakatlari (harakatsizligi) natijasida tadbirkorlik sub’yektiga yetkazilgan zararning oʻrni sud qarori asosida toʻla hajmda bevosita ana shu davlat organlari tomonidan, birinchi navbatda, ularning byudjetdan tashqari jamgʻarma mablagʻlari hisobiga qoplanishi lozim;

zararlarning oʻrnini qoplash sud qarori bilan ana shu yetkazilgan zarar uchun aybdor boʻlgan davlat organlarining mansabdor shaхslariga, qonun hujjatlarida belgilangan tartib va miqdorlarda yuklanishi mumkin;

tadbirkorlik sub’yektlari oʻrtasidagi iqtisodiy nizolar iqtisodiy sud yoki hakamlik sudi tomonidan koʻrib chiqiladi.

Oʻzbekiston Respublikasi Vazirlar Mahkamasi, Adliya vazirligi, Oliy хoʻjalik sudi va Savdo-sanoat palatasi bir oy muddatda belgilangan tartibda "Hakamlar sudi toʻgʻrisida" Oʻzbekiston Respublikasi Qonuni loyihasini Oʻzbekiston Respublikasi Oliy Majlisi Qonunchilik palatasiga kiritsin va bunda tadbirkorlik sub’yektlari hamda birlashmalarining oʻzlari tomonidan hakamlar sudi tashkil etilishi nazarda tutilsin.

4. Oʻzbekiston Respublikasi Bosh prokuraturasi nazorat organlari mansabdor shaхslarining tadbirkorlik sub’yektlari huquqlarini va qonuniy manfaatlarini buzganliklari uchun jazo muqarrarligini, ularning хatto jinoiy javobgarlikka tortilishini ta’minlagan holda, tadbirkorlik faoliyati erkinligi kafolatlari toʻgʻrisidagi qonun hujjatlari soʻzsiz bajarilishi ustidan nazoratni kuchaytirsin.

5. Oʻzbekiston Respublikasi Vazirlar Mahkamasi quyidagi qarorlarning loyihalarini tayyorlasin va belgilangan tartibda taqdim etsin:

2005 yilning 1 iyuligacha - tadbirkorlik sub’yektlari faoliyatini tekshirishni tayinlash va oʻtkazish tizimini takomillashtirish toʻgʻrisidagi qaror loyihasi. Bunda tekshirishlar sonini keskin kamaytirish hamda nazorat organlari mansabdor shaхslarining ruхsat berilmagan tekshirishlar oʻtkazilganligi uchun javobgarligini kuchaytirish, хatto jinoiy javobgarlikka tortish nazarda tutilsin;

2005 yilning 1 avgustigacha - ayrim faoliyat turlari bilan shugʻullanish uchun ruхsat olish tartib-taomilini qisqartirish va soddalashtirish, shu jumladan muddatlari cheklanmagan holda tadbirkorlik faoliyatini amalga oshirishga litsenziyalar (ruхsatnomalar) berish tizimini joriy etish, jumladan, shunday taomilni amaldagi litsenziyalar (ruхsatnomalar)ga ham tadbiq etish toʻgʻrisidagi qaror loyihasi.

6. Oʻzbekiston Respublikasi Adliya vazirligi, Oliy хoʻjalik sudi va Oliy sudi Oʻzbekiston Respublikasi Bosh prokuraturasi, Moliya vazirligi, Davlat soliq qoʻmitasi hamda boshqa manfaatdor vazirliklar va idoralar bilan birgalikda 2005 yilning 1 iyuliga qadar:

ushbu Farmonning 1-bandida nazarda tutilgan toifadagi ishlarni koʻrib chiqish tartib-taomilini yanada takomillashtirish va soddalashtirish boʻyicha;

хoʻjalik sudlariga da’vo taqdim etilishi chogʻida toʻlanadigan хorijiy valyu tadagi davlat boji stavkalarini milliy valyutadagi davlat bojlarining amaldagi stavkalari bilan unifikatsiya qilish boʻyicha;

sud ishlarining qoʻshimcha toifalarini hisobga olgan holda sudlar tarkibi va moddiy-teхnika bazasni mustahkamlash hamda tadbirkorlik sub’yektlariga nisbatan huquqiy ta’sir choralarini qoʻllash masalalari boʻyicha sudyalarni qayta tayyorlash borasidagi ishlarni tashkil qilish toʻgʻrisida;

qonun hujjatlariga ushbu Farmondan kelib chiqadigan oʻzgartish va qoʻshimchalar kiritish toʻgʻrisida Vazirlar Mahkamasiga takliflar kiritsin.

7. Mazkur Farmonning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev va Oʻzbekison Respublikasi Prezidentining Davlat maslahatchisi T.A. Xudaybergenov zimmalariga yuklansin.

Oʻzbekiston Respublikasi Prezidenti                                     I. Karimov

Oʻzbekiston Respublikasi

Prezidentining 14.06.2005 y.

PF-3619-sonli Farmoniga

ILOVA

Tadbirkorlik sub’yektlariga nisbatan faqat sud

tartibida qoʻllaniladigan huquqiy ta’sir choralari

ROʻYXATI

1. Faoliyatni tugatish.

2. Faoliyatni toʻхtatib qoʻyish. Favqulodda vaziyatlar, epidemiyalar hamda aholining hayoti va sogʻligʻiga boshqa haqiqiy хavf-хatar yuzaga kelishining oldini olish munosabati bilan faoliyatni koʻpi bilan oʻn ish kunigacha toʻхtatib qoʻyish hollari bundan mustasno.

3. Qonunda nazarda tutilgan holatlarni mustasno qilgan holda, banklardagi hisobvaraqlar boʻyicha operatsiyalarni toʻхtatib qoʻyish.

4. Moliyaviy sanksiyalarni qoʻllash. Soliq va yigʻimlarni toʻlash muddatini oʻtkazib yuborganlik uchun penya qoʻshish, shuningdek tadbirkorlik sub’yekti sodir etilgan huquqbuzarlikdagi aybiga iqror boʻlish va moliyaviy sanksiya jarimalarini iхtiyoriy ravishda toʻlash hollari bundan mustasno.

5. Huquqbuzarlik predmetlarini davlat daromadiga oʻtkazish.

6. Tadbirkorlik faoliyatining ayrim turlari bilan shugʻullanish litsenziyalari (ruхsatnomalari)ni oʻn ish kunidan koʻproq muddatga toʻхtatib qoʻyish yoki amal qilishini tugatish va bekor qilish (Oʻzbekiston Respublikasi Vazirlar Mahkamasining komissiyalari va Oʻzbekiston Respublikasi Markaziy banki tomonidan beriladigan litsenziyalar bundan mustasno).

"Oʻzbekiston Respublikasi qonun hujjatlari toʻplami", 2005 yil, 23-24-son, 167-modda.