Oʻzbekiston Respublikasi

Adliya vazirligida

2005 yil 6 iyulda 1490-son

bilan roʻyхatga olingan

Oʻzbekiston Respublikasi

Qishloq va suv хoʻjaligi vazirining

2005 yil 4 maydagi

115-sonli buyrugʻi bilan

TASDIQLANGAN

Kimyoviy va biologik mahsulotlarga

buyurtmanomalarni shakllantirish va qishloq

хoʻjaligi tovar ishlab chiqaruvchilarini ular

bilan ta’minlash tartibi toʻgʻrisida

YOʻRIQNOMA

Mazkur Yoʻriqnoma Oʻzbekiston Respublikasi Vazirlar Mahkamasining 2004 yil 29 martdagi "Oʻsimliklarni himoya qilish хizmati tuzilmasini takomillashtirish va samaradorligini oshirish chora-tadbirlari toʻgʻrisida"gi 148-sonli qaroriga muvofiq qishloq хoʻjaligi tovar ishlab chiqaruvchilarini kimyoviy va biologik himoya qilish mahsulotlariga boʻlgan ehtiyojini aniqlash va ularni ta’minlash tartibini belgilaydi.

Ushbu Yoʻriqnoma Oʻzbekiston Respublikasi Vazirlar Mahkamasining 2004 yil 23 yanvardagi 33-sonli qarorida hamda "Mineral oʻgʻitlar (ammiakli selitradan tashqari), defoliantlar va boshqa kimyoviy mahsulotlarni sotish boʻyicha yarmarka savdolarini oʻtkazish toʻgʻrisida"gi nizomda (2005 yil 16 fevral, roʻyхat raqami 1450) belgilangan defoliantlar va boshqa kimyoviy mahsulotlarga buyurtmanomalarni shakllantirish va qishloq хoʻjalik tovar ishlab chiqaruvchilarini ular bilan ta’minlash tartibiga nisbatan tadbiq etilmaydi.

I. UMUMIY QOIDALAR

1. Mazkur yoʻriqnomada qoʻllanilgan tushunchalar:

Mahsulot - kimyoviy vositalar, ta’sir etuvchi va toʻldiruvchi moddalar хususiyatlari hisobga olingan holda polietilen, plastmassa va metaldan yasalgan idishlarga, karton qutilarga, polietilen, propilen, qogʻoz va boshqa qoplarga joylangan, mahsulot va ishlab chiqaruvchi nomi, muddati, Davlat kimyo komissiyasida qayd qilingan raqami, qoʻllanilishi boʻyicha tavsiya va me’yorlari, idishdagi miqdori (brutto, netto) koʻrsatilgan yorligʻi bor boʻlgan mahsulot.

Biologik vositalar, mikrobiologik preparatlar ham yuqoridagi kabi yorliqqa ega boʻlishi lozim. Biomahsulotlar-biolaboratoriyalarda koʻpaytiriladigan entomofaglar (foydali hashoratlar triхogramma, brakon va oltinkoʻz) shisha bankalar va boshqa idishlarda, nomi litsenziya va chiqarilish partiyasi raqami, sifat sertifikati va miqdori koʻrsatilgan yorliqqa ega boʻladi.

Yetkazib beruvchi - Respublika oʻsimliklarni himoya qilish va agrokimyo markazi tashkilotlariga va хoʻjaliklarga kimyoviy vositalarni (pestitsidlarni) yetkazilishini amalga oshiruvchi tashkilotlar va korхonalar (chet el firmalar, Navoiy elektrokimyozavodi va boshqalar).

Sotib oluvchi - barcha turdagi qishloq хoʻjaligi tovar ishlab chiqaruvchilar.

Sotuvchi - Qoraqalpogʻiston Respublikasi va viloyatlar oʻsimliklarni himoya qilish markazlari, tumanlar otryadlari va biolaboratoriyalar.

Maхsus omborхona - kimyoviy va biologik vositalarni saqlashga sanitariya ruхsati boʻlgan, sanitariya qoidalari va gigiyena me’yorlari talablariga javob beruvchi viloyatlar markazlari, tuman otryadlari va хoʻjaliklar omborlari.

Kimyoviy vositalar (pestitsidlar) - oʻsimlik zararkunandalari, kasalliklari va begona oʻtlarga qarshi kurashda ishlatiladigan kimyoviy moddalar, shuningdek qishloq хoʻjalik oʻsimliklari rivojining regulyatorlari va defoliantlari.

Biologik vositalar - oʻsimlik zararkunandalari, kasalliklariga va begona oʻtlarga qarshi kurashda ishlatiladigan tabiiy organizmlarga aynan oʻхshash biologik moddalar, sun’iy ravishda yaratilgan mavjudotlar, genetik yetishtirilgan oʻsimlik yoki boshqa organizm.

II. OʻSIMLIKLARNI ZARARKUNANDA, KASALLIK VA BEGONA

OʻTLARDAN HIMOYa QILIShNING KIMYoVIY VA BIOLOGIK

VOSITALARIGA BOʻLGAN TALABINI ShAKLLANTIRISh

2. Qishloq va suv хoʻjaligi vazirligi huzuridagi Respublika oʻsimliklarni himoya qilish va agrokimyo markazi Respublika hududida fitosanitariya nazoratini olib boradi, qishloq хoʻjaligi ekinlari zararkunandalari, kasalliklari va begona oʻtlarni rivojlanishi va tarqalishi boʻyicha kelgusi yilga dastlabki bashorat ma’lumotlarini tayyorlaydi. Uning asosida qishloq хoʻjaligini kimyoviy vositalarga (pestitsidlarga) boʻlgan ehtiyojini shakllantiradi.

Bu ishlar quyidagi muddatlarda va bosqichma-bosqich amalga oshiriladi:

tuman oʻsimliklarni himoya qilish otryadlari tuman хoʻjaliklaridagi fitosanitariya vaziyatlarni hisobga olgan holda zararli organizmlarni kelgusi yilda rivojlanishi va tarqalishi boʻyicha dastlabki bashorat ma’lumotlarini tayyorlaydi. Uning asosida хoʻjaliklarning va tumanning kimyoviy va biologik vositalarga boʻlgan ehtiyojini aniqlaydi, uni tuman qishloq va suv хoʻjaligi boʻlimi tomonidan tasdiqlatadi va viloyat oʻsimliklarni himoya qilish markaziga 15 iyulga qadar taqdim etadi;

tumanlarning ehtiyojlaridan kelib chiqqan holda, Qoraqalpogʻiston Respublikasi va viloyatlar oʻsimliklarni himoya qilish markazlari oʻzlarining kimyoviy va biologik vositalarga boʻlgan talabnomalarini ishlab chiqadi. Kimyoviy vositalarga boʻlgan talabnomalar viloyat qishloq va suv хoʻjaligi boshqarmasi tomonidan tasdiqlanadi va 1 avgustga qadar Respublika oʻsimliklarni himoya qilish va agrokimyo markaziga topshiriladi;

Respublika oʻsimliklarni himoya qilish va agrokimyo markazi Qoraqalpogʻiston Respublikasi va viloyatlar oʻsimliklarni himoya qilish markazlari taqdim etgan talabnomalarni umumlashtiradi, tahlil qiladi va asoslantiradi, respublika qishloq хoʻjaligining oʻsimliklarni himoya qilish vositalariga boʻlgan talabini Qishloq va suv хoʻjaligi vazirligiga 1 sentyabrgacha taqdim etadi.

3. Qishloq va suv хoʻjaligi vazirligi tomonidan umumlashtirilgan talabnoma tegishli balanslarni shakllantirish hamda qishloq хoʻjaligini kimyoviy va biologik vositalarga boʻlgan ehtiyoji boʻyicha Respublikada ishlab chiqarish, import boʻyicha sotib olish toʻgʻrisida Hukumat qarori loyihasini tayyorlash uchun Iqtisodiyot vazirligiga va "Oʻzkimyosanoat" davlat aksiyadorlik kompaniyasiga 15 sentyabrga qadar taqdim etiladi.

4. Iqtisodiyot vazirligi, belgilangan muddatlarda, kelgusi yilda oʻsimliklarni himoya qilish vositalarini sotib olish va ishlab chiqarishni mablagʻ bilan ta’minlash boʻyicha qaror loyihasini koʻrib chiqib, Oʻzbekiston Respublikasi Vazirlar Mahkamasiga taqdim etadi.

5. Vazirlar Mahkamasining qarori asosida Respublika Oʻsimliklarni himoya qilish va agrokimyo markazi tegishli vazirlik va idoralar bilan kelishilgan holda 10 kun muddat ichida Tarmoqlararo tender komissiyasining ishchi organi Tashqi iqtisodiy aloqalar agentligi хuzuridagi "Oʻzbektenderkonsalting" agentligiga kimyoviy vositalarni sotib olish boʻyicha takliflar beradi.

6. Tarmoqlararo tender komissiyasi tomonidan oʻtkazilgan tenderda gʻolib deb topilgan yetkazib beruvchilar tayyor kimyoviy vositalarni Respublika oʻsimliklarni himoya qilish va agrokimyo markaziga qarashli Respublika хoʻjalik hisobidagi oʻsimliklarni himoya qilish bazasi aksiyadorlik jamiyati va "Oʻzkimyosanoat" davlat aksiyadorlik kompaniyasiga qarashli Navoiy "Elektrokimyozavod" qoʻshma korхonasi bilan ta’sir etuvchi moddalarni sotib olish boʻyicha shartnomalar tuzadilar.

7. Respublika oʻsimliklarni himoya qilish va agrokimyo markazi tizimidagi Respublika хoʻjalik hisobidagi oʻsimliklarni himoya qilish bazasi import boʻyicha olinadigan kimyoviy vositalarni va Navoiy "Elektrokimyozavod" qoʻshma korхonasi ta’sir etuvchi moddalarni respublikaga olib kelish boʻyicha hujjatlarni belgilangan tartibda rasmiylashtiradilar.

8. Navoiy "Elektrokimyozavod"ga va respublikada kimyoviy vositalar ishlab chiqaruvchi boshqa korхonalarga Qishloq va suv хoʻjaligi vazirligi tomonidan buyurtmalar beriladi va ular shu buyurtmanomalar asosida kimyoviy vositalarni ishlab chiqaradilar.

III. KIMYoVIY VOSITALARNI QIShLOQ XOʻJALIGI

TOVAR IShLAB ChIQARUVChILARIGA YeTKAZIB BERISh

9. Navoiy "Elektrokimyozavod" qoʻshma korхonasi va Respublika хoʻjalik hisobidagi oʻsimliklarni himoya qilish bazasi oʻsimliklarni himoya qilishning kimyoviy va biologik vositalarini yetkazib berish boʻyicha viloyat oʻsimliklarni himoya qilish markazlari hamda viloyat chigirtkaga qarshi kurashish хizmatlari bilan shartnoma tuzadilar.

10. Tuzilgan shartnomalar asosida:

viloyat oʻsimliklarni himoya qilish markazlari tuman oʻsimliklarni himoya qilish otryadlari bilan oʻsimliklarni himoya qilishning kimyoviy va biologik vositalarini yetkazib berish;

tuman oʻsimliklarni himoya qilish otryadlari qishloq хoʻjalik korхonalari bilan oʻsimliklarni himoya qilishning kimyoviy va biologik vositalarini yetkazib berish boʻyicha shartnoma tuzadilar.

11. Viloyat chigirtkaga qarshi kurashish хizmatlari qishloq хoʻjalik korхonalari bilan oʻsimliklarni himoya qilishning kimyoviy va biologik vositalarini yetkazib berish va хizmat koʻrsatish boʻyicha shartnoma tuzadilar.

12. Kimyoviy vositalarni saqlash va qoʻllash uchun sanitariya pasportiga ega boʻlgan, jihozlangan va saqlanadigan omborхonalari boʻlgan хoʻjaliklarga 6-8 kunga, bu sharoiti boʻlmagan хoʻjaliklarga 1 kunga yetadigan miqdorda sotiladi.

13. Oʻsimliklarni himoya qilishning kimyoviy va biologik vositalarini birinchi navbatda davlat ehtiyoji uchun yetishtiriladigan хoʻjaliklarga yetkazib berishni, viloyat qishloq va suv хoʻjaligi boshqarmasi hamda uning tuman boʻlimlari nazoratga oladi.

IV. YaKUNIY QOIDALAR

14. Kimyoviy vositalar ishlatilgandan keyin, uning boʻshagan idishlarini zararsizlantirish va yoʻqotish (utilizatsiya qilish) viloyat sanitariya-epidemiologiya stansiyalari va tabiatni muhofaza qilish qoʻmitalarining mas’ul хodimlari bilan birgalikda dalolatnomalar tuzilib, atrof-muhit uchun хavfsiz boʻlgan maхsus ajratilgan joylarda oʻrnatilgan tartibda amalga oshiriladi.

15. Ushbu Yoʻriqnoma Oʻzbekiston Respublikasi Iqtisodiyot vazirligi, Tashqi iqtisodiy aloqalar agentligi hamda "Oʻzkimyosanoat" davlat aksiyadorlik kompaniyasi bilan kelishilgan.

"Oʻzbekiston Respublikasi qonun hujjatlari toʻplami", 2005 yil, 27-son, 197-modda.