OʻZBEKISTON RESPUBLIKASI

PREZIDENTINING

FARMONI

26.12.2000 y.

N PF-2793

JISMONIY ShAXSLARNING

DAROMADLARINI SOLIQQA TORTISh

ShKALASINI TAKOMILLAShTIRISh TOʻGʻRISIDA

"Oʻzbekiston Respublikasining 2001 yilgi davlat byudjeti toʻgʻrisida" Oʻzbekiston Respublikasi Oliy Majlisining 2000 yil 14 dekabrdagi 157-II-son qaroriga muvofiq hamda mehnatni ragʻbatlantirishni yanada kuchaytirish, jismoniy shaхslar daromadlarini soliqqa tortish tizimini soddalashtirish va bir хil qilish maqsadida:

1. 2001 yilning 1 yanvaridan boshlab jismoniy shaхslar daromad soligʻining eng kam stavkasi 15 foizdan 12 foizga va eng koʻp stavkasi 40 foizdan 36 foizgacha pasaytirilsin.

2. Belgilab qoʻyilsinki, 2001 yilning 1 yanvaridan boshlab jismoniy shaхslarning daromad soligʻi ilovaga muvofiq stavkalar boʻyicha ularning jami daromadidan undirib olinadi.

3. Oʻzbekiston Respublikasi Vazirlar Mahkamasi bir oy muddatda:

Oʻzbekiston Respublikasining Soliq kodeksiga tegishli qoʻshimcha va oʻzgartishlar toʻgʻrisida takliflar kiritsin;

Oʻzbekiston Respublikasi Hukumatining qarorlarini mazkur Farmonga muvofiq holga keltirsin.

4. Ushbu Farmonning ijrosini nazorat qilish Oʻzbekiston Respublikasi Bosh vaziri Oʻ.T. Sultonov zimmasiga yuklansin.

Oʻzbekiston Respublikasi Prezidenti                             I. Karimov

Oʻzbekiston Respublikasi

Prezidentining

2000 yil 26 dekabrdagi

PF-2793-son Farmoniga

ILOVA

Jismoniy shaхslarning daromadlaridan

olinadigan soliq stavkalari