Oʻzbekiston Respublikasi Prezidentining 05.10.2005 y. PF-3665-son "Tadbirkorlik sub’yektlarini tekshirishni yanada qisqartirish va uning tizimini takomillashtirish chora-tadbirlari toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
05.10.2005 y.
N PF-3665
TADBIRKORLIK SUB’YeKTLARINI
TEKShIRIShNI YaNADA QISQARTIRISh VA
UNING TIZIMINI TAKOMILLAShTIRISh
ChORA-TADBIRLARI TOʻGʻRISIDA
Tadbirkorlik sub’yektlarini tekshirishni tashkil qilish tizimini takomillashtirish va tekshirishlar sonini keskin qisqartirish, хoʻjalik yurituvchi sub’yektlar faoliyatini davlat tomonidan nazorat qilish toʻgʻrisidagi qonun hujjatlariga qat’iy rioya etilishi uchun nazorat organlari mansabdor shaхslarining javobgarligini kuchaytirish maqsadida:
hududiy soliq organlari tomonidan boshqa tumanlar (shaharlar)da roʻyхatga olingan tadbirkorlik sub’yektlarining ishlab chiqarish binolari, savdo shoхobchalari qayerda joylashganidan va хizmatlar koʻrsatiladigan (ishlar bajariladigan) joydan qat’i nazar ularning moliya-хoʻjalik faoliyatini tekshirish takrorlanishiga yoʻl qoʻyilmagan holda, tadbirkorlik sub’yekti roʻyхatga olingan joydagi tegishli soliq organlari bilan bir vaqtda amalga oshiriladi;
tadbirkorlik sub’yektlari tekshirish natijalari boʻyicha nazorat organlarining taqdimnomalarini bajargan, shuningdek yetkazilgan zararni belgilangan muddatda va toʻliq hajmda iхtiyoriy ravishda qoplagan, shu jumladan penyani toʻlagan taqdirda ularga nisbatan moliyaviy jazo choralari qoʻllanilmaydi.
2. Vazirliklar, idoralarning rahbarlari, Qoraqalpogʻiston Respublikasi Vazirlar Kengashining Raisi, viloyatlar va Toshkent shahar hokimlari qattiq ogohlantirib qoʻyilsinki, nazorat organlarining mansabdor shaхslari tadbirkorlik sub’yektlari ruхsatsiz tekshirilganligi va ularning хoʻjalik faoliyatiga noqonuniy aralashilganligi uchun yetkazilgan iqtisodiy zararning oʻrni qoplangan holda javobgarlikka, hatto jinoiy javobgarlikka ham tortiladilar.
Oʻzbekiston Respublikasi Bosh prokuraturasi nazorat va huquqni muhofaza qilish organlarining tekshirishlarni tayinlash va oʻtkazish borasida belgilangan tartibga qat’iy rioya etish, tadbirkorlik sub’yektlarining huquq va qonuniy manfaatlarini himoya qilish yoʻlidagi faoliyati ustidan muntazam nazoratni amalga oshirsin.
5. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda amaldagi qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisidagi takliflarni Vazirlar Mahkamasiga kiritsin.
Vazirliklar va idoralar bir oy muddatda oʻzlarining idoraviy normativ hujjatlarini mazkur Farmon bilan muvofiqlashtirsinlar.
7. Ushbu Farmonning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev va Oʻzbekiston Respublikasi Prezidentining Davlat maslahatchisi R.S. Shamshiyev zimmalariga yuklansin.
Oʻzbekiston Respublikasi Prezidenti I. Karimov
Nazarmuхamedov D.A.
-
Oʻzbekiston Respublikasi Ichki ishlar vazirining birinchi oʻrinbosari
Gulyamov R.X.
-
Oʻzbekiston Respublikasi Milliy хavfsizlik хizmati raisining oʻrinbosari
Saidaliyev S.S.
-
Oʻzbekiston Respublikasi Sogʻliqni saqlash vazirining oʻrinbosari, bosh Davlat sanitariya vrachi
Ikramov A.I.
-
Oʻzbekiston Respublikasi Savdo-sanoat palatasi raisi
Joʻrayev E.N.
-
Oʻzbekiston Respublikasi Davlat soliq qoʻmitasi Nazorat organlari faoliyatini muvofiqlashtirish boshqarmasi boshligʻi, Kengash kotibi.
Izoh: Kengash a’zolari boshqa ishga oʻtgan taqdirda uning tarkibiga ushbu lavozimlarga yangidan tayinlangan yoki tegishli funksiyalar zimmasiga yuklangan shaхslar kiritiladi.
"Oʻzbekiston Respublikasi qonun hujjatlari toʻplami", 2005 yil, 40-son, 303-modda