OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

18.01.2006 y.

N 1540

OʻZBEKISTON RESPUBLIKASI

VAZIRLAR MAHKAMASI HUZURIDAGI

DAVLAT TEST MARKAZINING

30.12.2005 y.

N 01-356

QARORI

Rahbar va pedagog kadrlarni attestatsiyadan

oʻtkazish va ularga malaka toifalari berish

tartibi toʻgʻrisidagi nizomni

tasdiqlash haqida

(2006 yil 28 yanvardan kuchga kiradi)

Oʻzbekiston Respublikasi Prezidentining "Xalq ta’limi хodimlari mehnatiga haq toʻlash tizimini takomillashtirish va uni moddiy ragʻbatlantirishni kuchaytirish chora-tadbirlari toʻgʻrisida" 2005 yil 25 noyabrdagi PQ-227-son qarori va Oʻzbekiston Respublikasi Vazirlar Mahkamasining "Xalq ta’limi хodimlari mehnatiga haq toʻlashning takomillashtirilgan tizimini tasdiqlash toʻgʻrisida" 2005 yil 21 dekabrdagi 275-sonli qaroriga muvofiq QAROR QILINADI:

1. "Rahbar va pedagog kadrlarni attestatsiyadan oʻtkazish va ularga malaka toifalari berish tartibi toʻgʻrisida nizom" ilovaga koʻra tasdiqlansin.

2. Oʻzbekiston Respublikasi Adliya vazirligida 2004 yil 29 sentyabrda 1414-son bilan roʻyхatdan oʻtgan Oʻzbekiston Respublikasi Xalq ta’limi vazirligi hamda Oʻzbekiston Respublikasi Vazirlar Mahkamasi huzuridagi davlat test markazining "Oʻzbekiston Respublikasi Xalq ta’limi tizimi boshqaruv organlari va oʻquv yurtlarining rahbar va pedagogik kadrlari attestatsiyasi toʻgʻrisida nizomini tasdiqlash haqida"gi qarori oʻz kuchini yoʻqotgan deb hisoblansin.

3. Ushbu qaror Oʻzbekiston Respublikasi Adliya vazirligida davlat roʻyхatidan oʻtgan sanadan oʻn kun oʻtganidan keyin kuchga kiradi.

"Oʻzbekiston Respublikasi qonun hujjatlari toʻplami", 2006 yil, 3-son, 19-modda.