Oʻzbekiston Respublikasi Vazirlar Mahkamasining 08.07.2000 y. 262-son "Jismoniy shaхslar tomonidan tovarlarning ayrim turlarini Oʻzbekiston Respublikasi hududiga olib kelishni tashkil etishga doir qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
08.07.2000 y.
N 262
JISMONIY ShAXSLAR TOMONIDAN
TOVARLARNING AYRIM TURLARINI
OʻZBEKISTON RESPUBLIKASI HUDUDIGA
OLIB KELIShNI TAShKIL ETIShGA DOIR
QOʻShIMChA ChORA-TADBIRLAR TOʻGʻRISIDA
Jismoniy shaхslar tomonidan ijtimoiy ahamiyatga ega boʻlgan iste’mol tovarlarining ayrim turlarini olib kelishni tartibga solish va ular bilan ichki bozorni toʻldirish maqsadida Oʻzbekiston Respublikasi Vazirlar Mahkamasi QAROR QILADI:
1. Belgilansinki, jismoniy shaхslar tomonidan respublika hududiga tijorat faoliyati uchun un, oʻsimlik moyi va mol yogʻi olib kelishda jismoniy shaхslar (oʻzlari qatnab olib keladigan shaхslar) tomonidan olib kelinadigan tovarlardan yigʻim bojsiz olib kelishning belgilangan cheklangan normalarni qoʻllangan holda amaldagi stavka boʻyicha ular bojхona qiymatining 50 foizi miqdorida undiriladi.
2. Oʻzbekiston Respublikasi Davlat bojхona qoʻmitasi tijorat faoliyati bilan shugʻullanuvchi jismoniy shaхslardan bojхona toʻlovlarni va yigʻimlari undirishning belgilangan tartibiga qat’iy rioya qilinishini ta’minlasin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari B.S.Hamidov zimmasiga yuklansin.
Vazirlar Mahkamasining Raisi I. Karimov
"Oʻzbekiston Respublikasi Hukumati qarorlari toʻplami", 2000 y., N 7, 37-modda.