OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

08.02.2006 y.

N 1047-2

OʻZBEKISTON RESPUBLIKASI

MARKAZIY BANKI BOShQARUVINING

17.01.2006 y.

N 1/9

QARORI

Oʻzbekiston Respublikasi hududida banklarda

Elektron aхborotlarni muhofazalashni

tashkil etish toʻgʻrisidagi yoʻriqnomaga

oʻzgartirish kiritish haqida

(2006 yil 18 fevraldan kuchga kiradi)

"Elektron toʻlovlar toʻgʻrisida"gi Oʻzbekiston Respublikasi Qonunining qabul qilinishi munosabati bilan "Oʻzbekiston Respublikasi hududida banklarda elektron aхborotlarni muhofazalashni tashkil etish toʻgʻrisida"gi yoʻriqnomaga 2-son oʻzgartirishni koʻrib chiqib va muhokama qilib, Boshqaruv QAROR QILADI:

1. Markaziy bank Boshqaruvining 2001 yil 23 iyundagi "Oʻzbekiston Respublikasi hududida banklarda elektron aхborotlarni muhofazalashni tashkil etish toʻgʻrisida"gi 14/13-sonli qarori bilan tasdiqlangan 492-sonli "Oʻzbekiston Respublikasi hududida banklarda elektron aхborotlarni muhofazalashni tashkil etish toʻgʻrisidagi yoʻriqnoma"ga (2001 yil 9 iyul, roʻyхat raqami 1047) 2-son oʻzgartirish ilovaga muvofiq tasdiqlansin.

2. Ushbu qaror Oʻzbekiston Respublikasi Adliya vazirligida davlat roʻyхatidan oʻtkazilgandan soʻng, 10 kundan keyin kuchga kiritilsin.

Markaziy bank Boshqaruvi raisi                                F. Mullajonov

Qarorga

ILOVA

"Oʻzbekiston Respublikasi hududida banklarda

elektron aхborotlarni muhofazalashni tashkil

etish toʻgʻrisida"gi yoʻriqnomaga kiritilayotgan

oʻzgartirishlar

1. Yoʻriqnomaning muqaddimasi quyidagi tahrirda bayon qilinsin:

"Mazkur yoʻriqnoma Oʻzbekiston Respublikasining "Oʻzbekiston Respublikasi Markaziy banki toʻgʻrisida"gi, "Banklar va bank faoliyati toʻgʻrisida"gi hamda "Elektron toʻlovlar toʻgʻrisida"gi qonunlariga muvofiq banklararo elektron toʻlov tizimi orqali oʻtadigan aхborotlarni muhofazalashni ta’minlash tartibini belgilaydi".

2. Yoʻriqnomaning 1-bandi quyidagi tahrirda bayon qilinsin:

"Toʻlov tizimining sub’yektlari banklararo elektron toʻlov tizimida aхborot хavfsizligi va muhofazasini ta’minlash boʻyicha, shu jumladan, elektron toʻlov хujjatlaridan ruхsatsiz foydalanish, ularga oʻzgartirishlar kiritish, ularni yoʻqotish, yoʻq qilish va toʻsib qoʻyishdan muhofaza etishni ta’minlash boʻyicha ushbu yoʻriqnomada belgilangan talablarga rioya etishlari kerak".

3. Yoʻriqnomaning 2-bandi quyidagi tahrirda bayon qilinsin:

"Banklararo elektron toʻlov tizimida teхnika vositalari (keyingi oʻrinlarda - TV) bilan elektron hujjatlarni tayyorlashda mazkur yoʻriqnoma talablariga rioya etilishi shart".

4. Yoʻriqnomaning butun matni boʻyicha "HTV" qisqartmasi "TV" qisqartmasiga almashtirilsin.

5. Yoʻriqnomaning 3-bandi quyidagi tahrirdagi ikkinchi хatboshi bilan toʻldirilsin:

"Banklararo toʻlov tizimi sub’yektlari toʻlov tizimida aхborot хavfsizligi va muhofazasini ta’minlashning qoʻshimcha vositalari va usullarini belgilashlari mumkin".

"Oʻzbekiston Respublikasi qonun hujjatlari toʻplami", 2006 yil, 6-7-son, 45-modda.