Иш тугашига 2 соат қолганда ходим маст ҳолатда эканлиги маълум бўлгач, у ишдан четлаштирилган. Иш берувчи бу кун учун ҳақ тўлаши лозимми ёки уни прогул деб ҳисоблаши керакми?

- Ишдан четлатилгунга қадар ишланган вақт учун  умумий асосда ҳақ тўланади.

Иш вақтини ҳисобга олиш табелида ишдан четлаштиргунга қадар ишланган соатларни кўрсатинг ва улар учун ходимга ҳақ тўланг.

Масалан, ходим соат 16.00 да ишдан четлаштирилган. Шу вақтгача у меҳнат вазифаларини бажарган. Шунга кўра, 16.00 гача бўлган иш вақтига ҳақ тўланиши керак.    

Узрли сабаблар бўлмаса ходим ишдан четлаштирилган кун прогул ҳисобланмайди, чунки ходим ишга келган.