«Ходим компаниянинг мулкини шахсий эҳтиёжлари учун ишлатган. Директор унга интизомий жазо қўлламаслиги, аммо бунинг учун мукофотдан маҳрум қилиши ҳақида огоҳлантирди. Бу қонунийми?».

Саволга «Норма» эксперти, ҳуқуқшунос Ленара ХИКМАТОВА жавоб берди:

 
–  Ҳаммаси ташкилотда мукофотларни тўлаш тартиби қандай тартибга солинганига боғлиқ  .

 
Агар мукофот меҳнатга  ҳақ тўлаш тизимига киритилган бўлса

Агар ташкилотнинг маҳаллий ҳужжатларида мукофот тайинланмаган ҳолатлар назарда тутилган бўлса (ходим томонидан ўз вазифаларини бажармаслик ёки нотўғри бажариш, раҳбарнинг қонуний буйруқларини бажармаслик ва бошқалар) ва вазият ушбу ҳолатларга тўғри келса, сиз ходимни мукофотланадиган шахслар рўйхатидан чиқаришингиз мумкин. Бу қонунга зид эмас. Агар бундай ҳолатлар ҳужжатларда белгиланмаган бўлса, мукофотдан маҳрум қилиш устидан белгиланган тартибда шикоят қилиш мумкин.

 
Мукофот рағбатлантириш чораси бўлса

Ишдаги ютуқлар учун ходимга нисбатан рағбатлантириш чоралари қўлланилиши мумкин. Рағбатлантириш турлари, уларни қўлланиш тартиби, афзаллик ва имтиёзлар бериш жамоа шартномалари, ички меҳнат тартиби қоидалари ва бошқа локал ҳужжатларда, жамоа келишувларида, интизом тўғрисидаги устав ва низомларда белгилаб қўйилади .

Агар саволда кўрсатилган мукофот бундай бир марталик рағбатлантириш чорасига кирса ва меҳнат ҳақи тизимида назарда тутилмаса,  у интизомий жазо муддати давомида тўланмайди. Бу меҳнат кодексининг 180-моддаси 4-қисмида кўрсатилган. Яъни, агар иш берувчи ходимга нисбатан интизомий жазо қўлламаса ҳам, лекин у илгари содир этилган ҳуқуқбузарлик учун мавжуд (олиб ташланмаган ёки сўндирилмаган) бўлса, ходим мукофотдан маҳрум қилинади.

Агар ходимда амалдаги интизомий жазо бўлмаса  уни рағбатлантириш чорасидан маҳрум қилиш ёки қилмаслик масаласи корхонанинг маҳаллий ҳужжатларида белгиланган тартибда ҳал этилади .