Пригодится в работе в апреле:
«Хусусий мактабда ўқувчилар ҳар 2,5 ойда таътилга чиқишади. «Таълим тўғрисида»ги Қонуннинг 53-моддасида ўқитувчиларга узайтирилган таътил берилиши кераклиги ёзилган. Аммо ҳеч қаерда бу тоифадаги ходимлар учун аниқ кунлар сони йўқ.
Хусусий мактаб ўқитувчиларига узайтирилган таътил белгилаш керакми ёки 15 кундан иборат таътилни тақдим этиш кифоя қиладими?».
Вазиятни эксперт ва «Нормa» кадрлар хизмати раҳбари Валерия ЛЯНДРЕС тушунтирди:
– Айрим тоифадаги ходимларга уларнинг меҳнат вазифаларининг ўзига хос жиҳатлари ва хусусиятларини ҳамда бошқа ҳолатларни эътиборга олиб, қонунчиликка мувофиқ узайтирилган таътиллар белгиланади 
.
Таълим ташкилотларининг педагог ходимларига йиллик узайтирилган таътил тақдим этилади .
Қонунчилик ўқитувчиларга аниқ қанча таътил кунлари берилиши кераклигини белгиламайди. Шунингдек, қонун ҳужжатларида узайтирилган таътил талаби фақат давлат таълим мактаблари ёки хусусий мактабларга ҳам тегишли эканлиги аниқ белгиланмаган.
Бироқ, «Таълим тўғрисида»ги қонунга кўра, таълим ташкилотларига давлат таълим муассасалари ва ташкилотлари, нодавлат таълим ташкилотлари киради . демак, Демак, хусусий мактаб ўқитувчиларига ҳам узайтирилган таътил белгиланади.
Мактаблар, олий ва ўрта махсус, касб-ҳунар таълими муассасалари, институтлар ва малака ошириш ва қайта тайёрлаш курсларининг педагоглар жамоасига ёзги таътил даврида тўлиқ муддатга йиллик таътил берилади . Яъни, бутун таътил даври учун.
Аммо қонунчилик таътил муддатини 48 иш куни билан чеклайди . Шундан келиб чиқиб мактабларда ўқитувчиларга 48 иш кунидан иборат таътил берилади.
Ушбу таътилдан фақат ёзги таътил даврида фойдаланиш шарт эмас. Агар хусусий мактабда таътилнинг бир қисми бошқа вақтга тўғри келса ёки таътилни бошқа вақтда тақдим этиш қулай бўлса, ушбу 48 иш кунидан иборат таътил кунларини мазкур хусусий мактабдаги таътил жадвалига мувофиқ тақсимлаш мумкин.
