Tashqi ishlar vazirining 13.12.2013 y. 1636-son "Xorijiy davlatlar hududida Oʻzbekiston Respublikasining muassasalari va tashkilotlari oʻtkazadigan tadbirlar vaqtida Oʻzbekiston Respublikasining Davlat madhiyasini ijro etish qoidalarini tasdiqlash haqida"gi Buyrugʻi (AV tomonidan 19.12.2013 y. 2539-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
19.12.2013 y.
N 2539
OʻZBEKISTON RESPUBLIKASI
TAShQI IShLAR VAZIRINING
13.12.2013 y.
N 1636
BUYRUGʻI
Xorijiy davlatlar hududida Oʻzbekiston
Respublikasining muassasalari va tashkilotlari
oʻtkazadigan tadbirlar vaqtida Oʻzbekiston
Respublikasining Davlat madhiyasini ijro
etish qoidalarini tasdiqlash haqida
"Oʻzbekiston Respublikasining Davlat madhiyasi toʻgʻrisida"gi Oʻzbekiston Respublikasi Qonunining (Oʻzbekiston Respublikasi Oliy Kengashi Aхborotnomasi, 1993 y., 1-son, 52-modda) 10-moddasiga va Oʻzbekiston Respublikasi Prezidentining 2013 yil 15 iyuldagi PQ-2003-son "Qonunlarning havolaki normalarini amalga oshirishga qaratilgan normativ-huquqiy va boshqa hujjatlarni ishlab chiqish rejalarini tasdiqlash toʻgʻrisida" (Oʻzbekiston Respublikasi qonun hujjatlari toʻplami, 2013 y., 29-son, 373-modda) qaroriga muvofiq BUYuRAMAN:
1. Xorijiy davlatlar hududida Oʻzbekiston Respublikasining muassasalari va tashkilotlari oʻtkazadigan tadbirlar vaqtida Oʻzbekiston Respublikasining Davlat madhiyasini ijro etish Qoidalari ilovaga muvofiq tasdiqlansin.
2. Mazkur buyruq rasmiy e’lon qilingan kundan e’tiboran kuchga kiradi.
Tashqi ishlar vaziri A. Kamilov
"Oʻzbekiston Respublikasi qonun hujjatlari toʻplami",
2013 yil 23 dekabr, 51-son, 678-modda