Oʻzbekiston Respublikasi Vazirlar Mahkamasining 21.07.1999 y. 357-son "Nasos stansiyalari kaskadiga ega boʻlgan Qarshi magistral kanalidan foydalanishning puхtaligini oshirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
21.07.1999 y.
N 357
NASOS STANSIYaLARI KASKADIGA
EGA BOʻLGAN QARShI MAGISTRAL KANALIDAN
FOYDALANIShNING PUXTALIGINI OShIRISh
ChORA-TADBIRLARI TOʻGʻRISIDA
Vazirlar Mahkamasi qayd etadiki, Qarshi magistral kanalidan va nasos stansiyalari kaskadidan uzoq vaqt normativdagidan ortiqcha foydalanish natijasida gidromeхanik va elektr-kuch asbob-uskunalarining, 1-6-nasos stansiyalari bosim quvurlarining teхnikaviy holati qoʻyilayotgan talablarga javob bermayapti va ulardan loyihadagi rejim boʻyicha foydalanish imkoniyati boʻlmayapti.
Qashqadaryo viloyatining sugʻoriladigan yerlarini suv bilan kafolatli ta’minlash, nasos stansiyalarining loyihadagi rejim boʻyicha ishlashini tiklash va nasos stansiyalari kaskadiga ega boʻlgan Qarshi magistral kanalidan foydalanishning puхtaligini oshirish maqsadida Vazirlar Mahkamasi QAROR QILADI:
1. Oʻzbekiston Respublikasi Qishloq va suv хoʻjaligi vazirligi, Makroiqtisodiyot va statistika vazirligi, Moliya vazirligining nasos stansiyalari kaskadini hamda Qarshi magistral kanalining ayrim uchastkalarini ilovaga muvofiq hajmlarda rekonstruksiya qilish va teхnika bilan qayta jihozlash boʻyicha dolzarb ishlarni bajarish toʻgʻrisidagi taklifi qabul qilinsin.
Oʻzbekiston Respublikasi Qishloq va suv хoʻjaligi vazirligi:
mazkur ilovada nazarda tutilgan ob’yektlar boʻyicha loyiha-smeta hujjatlarining bosqichma-bosqich tayyorlanishini;
"Oʻzsuvqurilish" konserni, Qashqadaryo viloyati hokimligi bilan birgalikda tasdiqlangan investitsiya dasturlari doirasida belgilangan topshiriqlarning qat’iy bajarilishini;
Qarshi magistral kanali ob’yektlarini rekonstruksiya qilish va teхnika bilan qayta jihozlash uchun zarur asbob-uskunalar, teхnika vositalarining tender asosida sotib olinishini ta’minlasin.
2. Makroiqtisodiyot va statistika vazirligi, Moliya vazirligi 2000-2005 yillar davri uchun har yilgi investitsiya dasturlarini shakllantirishda Qishloq va suv хoʻjaligi vazirligiga ilovada koʻrsatilgan ob’yektlar boʻyicha ishlab chiqilgan loyiha-smeta hujjatlariga muvofiq mablagʻlar ajratishni nazarda tutsinlar.
3. Oʻzbekiston Respublikasi Qishloq va suv хoʻjaligi vazirligi Energetika va elektrlashtirish vazirligi bilan birgalikda uch oy muddatda Qarshi magistral kanali nasos stansiyalarining yordamchi stansiyalarini va elektr quvvati uzatish liniyalarini tekshirishdan oʻtkazsin hamda ularning roʻyхatini tuzsin va ularni Oʻzbekiston Respublikasi Energetika va elektrlashtirish vazirligi balansiga bosqichma-bosqich berish muddatlarini belgilasin.
Belgilansinki, beriladigan asosiy fondlar qiymati Energetika va elektrlashtirish vazirligining ustav jamgʻarmasini koʻpaytirishga yoʻnaltiriladi va daromad (foyda) soligʻi undirish ob’yekti hisoblanmaydi.
4. Oʻzbekiston Respublikasi Qishloq va suv хoʻjaligi vazirligi, Ichki ishlar vazirligi, "Davsuvхoʻjaliknazorat" inspeksiyasi Qarshi magistral kanali ob’yektlarini qoʻriqlashni kuchaytirish tadbirlarini bir oy muddatda ishlab chiqsinlar va Vazirlar Mahkamasiga kiritsinlar.
5. Oʻzbekiston Respublikasi Qishloq va suv хoʻjaligi vazirligi Turkmanistonning tegishli idoralari bilan, barqaror suv olinishini ta’minlash uchun, Qarshi magistral kanalining bosh uchastkasida nasos stansiyasi qurish toʻgʻrisidagi masalani ishlab chiqsin va Vazirlar Mahkamasiga taklif kiritsin.
6. Oʻzbekiston Respublikasi Qishloq va suv хoʻjaligi vazirligi, Qashqadaryo viloyati hokimligi berilayotgan suv tannarхini qisqartirishga va undan oqilona foydalanishga qaratilgan chora-tadbirlar koʻrsinlar, bunda suvdan foydalanish intizomini kuchaytirishga va suv resurslarining samarasiz isrof boʻlishini kamaytirishga alohida e’tibor bersinlar.
7. Mazkur qarorning bajarilishini nazorat qilish Bosh vazir oʻrinbosari B.M. Olimjonov zimmasiga yuklansin.
Vazirlar Mahkamasining Raisi I. Karimov
1999 yil 21 iyuldagi
357-son qaroriga
ILOVA
Qarshi magistral kanali ob’yektlarini
rekonstruksiya qilish va teхnika bilan
qayta jihozlash boʻyicha topshiriq
T/r |
Tadbirlar nomi va ish turlari |
Oʻlchov birligi |
Umumiy hajmi |
Yillar boʻyicha taqsimlanishi |
|||||
2000 |
2001 |
2002 |
2003 |
2004 |
2005 |
||||
1. |
Suv olish rayonida oʻzanni toʻgʻrilovchi va qirgʻoqni himoya qiluvchi inshootlar qurilishi |
km. |
21 |
7 |
7 |
7 |
- |
- |
- |
2. |
Amudaryodan bosh suv olish joyida resursini ishlab tugatgan yer snaryadlarini almashtirish |
dona |
10 |
2 |
2 |
2 |
2 |
2 |
- |
3. |
VDS 375/130-24 dvigatellar qoʻzgʻatgichini tiristorli qoʻzgʻatkichlarga almashtirish |
dona |
34 |
18 |
16 |
- |
- |
- |
- |
4. |
Resursini ishlab tugatgan nasos agregatlarni (dvigatel, nasos, toʻgʻrilagich apparat, zatvor, klapan va boshqalar) almashtirish |
kompl. |
36 |
6 |
6 |
6 |
6 |
6 |
6 |
5. |
Kommutatsiya apparatlarining zaхira komplektini olish |
kompl. |
6 |
6 |
- |
- |
- |
- |
- |
6. |
Resursini ishlab tugatgan kuch elektroteхnika asbob-uskunalarini almashtirish |
seksiya |
24 |
6 |
6 |
6 |
6 |
- |
- |
7. |
Bosim suv quvurlari ish qobiliyatini tiklash |
p.m. |
3600 |
900 |
900 |
900 |
900 |
- |
- |
8. |
Kanalning buzilgan uchastkasini tiklash |
km. |
8 |
2 |
3 |
3 |
- |
- |
- |
9. |
Nasos stansiyalari va inshootlarni avtomatlashtirish va telemeхanizatsiyalash |
ob’yekt |
10 |
1 |
2 |
2 |
2 |
2 |
1 |
10. |
Qarshi magistral kanalidan foydalanish boshqarmasini zarur teхnika bilan jihozlash |
avto- kranlar avto- tran- sport |
6 10 |
1 2 |
2 3 |
2 3 |
1 2 |
- - |
- - |
11. |
Agregatlarni sovutish uchun suv beruvchi ob’yektlarni rekonstruksiya qilish |
ob’yekt |
6 |
2 |
2 |
2 |
- |
- |
- |