OʻZBEKISTON RESPUBLIKASI

VAZIRLAR MAHKAMASINING

QARORI

05.06.2006 y.

N 106

QOZOGʻISTON TARAQQIYoT BANKI

VAKOLATXONASINI OChISh TOʻGʻRISIDA

Bank va investitsiya sohasidagi hamkorlikni rivojlantirish va mustahkamlash, shuningdek Oʻzbekiston Respublikasi va Qozogʻiston Respublikasi iqtisodiyotini integratsiyalash maqsadida Vazirlar Mahkamasi QAROR QILADI:

1. Qozogʻiston Taraqqiyot bankining Oʻzbekiston Respublikasi hududida vakolatхona ochish toʻgʻrisidagi taklifi qabul qilinsin.

2. Oʻzbekiston Respublikasi Markaziy bankiga Qozogʻiston Taraqqiyot banki vakolatхonasini qonun hujjatlarida belgilangan tartibda roʻyхatdan oʻtkazish tavsiya etilsin.

3. Belgilab qoʻyilsinki, Qozogʻiston Taraqqiyot banki vakolatхonasi oʻz faoliyatini Oʻzbekiston Respublikasining qonun hujjatlariga hamda Oʻzbekiston Respublikasi Markaziy bankining normativ hujjatlariga muvofiq amalga oshiradi.

4. Toshkent shahar hokimligi Qozogʻiston Taraqqiyot banki vakolatхonasiga ofis uchun bino berish bilan bogʻliq masalalarni hal etishda amaliy yordam koʻrsatsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov hamda Oʻzbekiston Respublikasi Markaziy banki raisi F.M. Mullajonov zimmasiga yuklansin.

Oʻzbekiston Respublikasining Bosh vaziri                           Sh. Mirziyoyev