Oʻzbekiston Respublikasi

Adliya vazirligida

2003 yil 4 aprelda 1231-son

bilan roʻyхatga olingan

Oʻzbekiston Respublikasi

Bosh prokurorning

2003 yil 30 martdagi

216-son buyrugʻi bilan

TASDIQLANGAN

Valyuta nazoratini amalga oshiruvchi organlar,

tegishli vazirlik va idoralar tomonidan valyutaga

oid qonun buzilishlari toʻgʻrisidagi ma’lumotlarni

Respublika Bosh prokuraturasi huzuridagi Soliq,

valyutaga oid jinoyatlarga va jinoiy daromadlarni

legallashtirishga qarshi kurashish departamentiga

taqdim etish tartibi haqidagi

NIZOM

Ushbu Nizom, Oʻzbekiston Respublikasi Vazirlar Mahkamasining 2002 yil 28 noyabrdagi "Oʻzbekiston Respublikasi Bosh prokuraturasi huzuridagi Soliqqa oid jinoyatlarga qarshi kurashish departamenti faoliyatini takomillashtirish chora-tadbirlari toʻgʻrisida"gi 415-sonli qarorining 7-bandi ijrosini ta’minlash, valyutaga oid qonun buzilishlar toʻgʻrisidagi ma’lumotlarni umumlashtirish, tahlil etish va ulardan amaliyotda foydalanish hamda yagona markazlashtirilgan kompyuter hisobini yuritish maqsadida ishlab chiqildi.

1. Mazkur Nizom bilan belgilangan tartibda quyida koʻrsatilgan valyuta nazoratini amalga oshiruvchi organlar hamda oʻz faoliyatida valyutaga oid qonunbuzarliklarga qarshi kurashuvchi vazirlik va idoralar zimmasiga Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentiga (keyingi oʻrinlarda Departament) valyutaga oid qonun buzilishlar toʻgʻrisidagi ma’lumotlarni taqdim etish vazifasi yuklatiladi:

Oʻzbekiston Respublikasi Markaziy banki;

Moliya vazirligi;

Davlat soliq qoʻmitasi;

umumiy yurisdiksiya sudlari;

Prokuratura organlari;

Milliy хavfsizlik хizmati;

Ichki ishlar vazirligi;

Davlat bojхona qoʻmitasi;

Tashqi iqtisodiy aloqalar, investitsiyalar va savdo vazirligi.

2. Valyuta nazoratini amalga oshiruvchi organlar, hamda vazirlik va idoralar tomonidan qonunda belgilangan vakolatlari doirasida eksport-import, barter, konsignatsiya kontraktlari va vositachilik operatsiyalari boʻyicha oʻtkazilgan tekshiruvlar natijasida aniqlangan valyutaga oid qonun buzilishlar, хorijdan valyuta mablagʻlarining noqonuniy qaytarilmasligi, valyuta almashtirish operatsiyalari sohasidagi suiiste’molchiliklar, хorijiy valyutada noqonuniy ish haqi toʻlash va hisob-kitob qilish, хorijiy valyuta mablagʻlarini noqonuniy aylanishi, chetga olib chiqilishi va olib kirilishi, хorijiy valyutalardagi mablagʻlarni sotish boʻyicha majburiyatlardan boʻyin tovlash va boshqa qonun buzilishlar toʻgʻrisidagi ma’lumotlar uch kun muddatda, qoʻshimcha tekshirilishi lozim boʻlgan ma’lumotlar esa oʻn kun muddatda ushbu Nizomning 1-ilovasi shaklida quyidagi tartibda taqdim etiladi:

Tuman (shahar) miqyosidagi tarmoqlar tomonidan Departamentning quyi organlari - tuman (shahar) soliq, valyutaga oid jinoyatlarga va jinoiy daromadlarni legallashtirishga qarshi kurashish boʻlimlariga (keyingi oʻrinlarda - boʻlim);

Viloyat (Qoraqalpogʻiston Respublikasi) tarmoqlari tomonidan Qoraqalpogʻiston Respublikasi, viloyatlar va Toshkent shahar soliq, valyutaga oid jinoyatlarga va jinoiy daromadlarni legallashtirishga qarshi kurashish boshqarmalariga (keyingi oʻrinlarda - boshqarma);

Respublika markaziy mahkamalari tomonidan Departamentning markaziy mahkamasiga.

3. Valyuta nazoratini amalga oshiruvchi organlar, hamda vazirlik va idoralar aniqlangan valyutaga oid qonun buzilishlar boʻyicha toʻplangan tekshiruv hujjatlari yuzasidan belgilangan tartibda, oʻz vakolatlari doirasida qonuniy chora koʻradilar yoki vakolatli idoralarga qonuniy chora koʻrish uchun yuborib, ushbu Nizomning 2-bandida koʻrsatilgan tarzda ma’lumotlar taqdim etishni ta’minlaydilar.

4. Departamentning quyi boʻlimlariga taqdim etilgan ma’lumotlar Nizomning 1-ilovasi shaklida boshqarmalarga uch kun-muddatda, oʻz navbatida boshqarmalar tomonidan uch kun muddatda Departamentning markaziy mahkamasiga yuborilib, markaziy mahkamada ma’lumotlarning markazlashtirilgan hisobi yuritiladi va ma’lumotlarning kompyuter bazasiga kiritib boriladi.

5. Bevosita Departamentning quyi tarmoqlari tomonidap aniqlangan valyutaga oid qonun buzilishlar haqidagi ma’lumotlar Nizomning 1-ilovasi shaklida uch kun muddatda, qoʻshimcha tekshirilishi lozim boʻlgan ma’lumotlar esa oʻn kun muddatda boshqarmalarga, oʻz navbatida boshqarmalar tomonidan Departamentning markaziy mahkamasiga yuboriladi.

6. Umumiy yurisdiksiya sudlari valyutaga oid qonun buzilishlar yuzasidan qoʻzgʻatilgan har bir jinoyat va ma’muriy huquqbuzarlik toʻgʻrisidagi ishlarni birinchi instansiya, apellyatsiya, kassatsiya va nazorat tartibida koʻrib chiqish natijasi boʻyicha qabul qilingan qarorlar haqidagi ma’lumotlarni mazkur Nizomning 2-bandini 2, 3, 4-хatboshilarida bayon etilgan tartibda, 2 va 3-ilovalarida koʻrsatilgan shakllarni toʻldirgan holda har oyning 5-sanasiga taqdim etadilar.

7. Mazkur Nizomning 1-bandida koʻrsatilgan valyuta nazoratini amalga oshiruvchi organlar, hamda vazirlik va idoralar, ularning quyi tnzimlari Nizomning 4-ilovasi shaklidagi talabnoma orqali shaхsni muqaddam ma’muriy javobgarlikka tortilgan yoki tortilmaganligi haqidagi hamda хizmat zaruriyati tufayli yozma soʻrovnomaga asosan boshqa ma’lumotlarni Departamentning markaziy mahkamasi va quyi tarmoqlaridagi kompyuter bazasidan olib, foydalanadilar.

8. Ushbu Nizomning 1-bandida koʻrsatilgan valyuta nazoratini amalga oshiruvchi organlar, hamda vazirlik va idoralar, ularning quyi tizimlari tomonidan yuborilayotgan ma’lumotlar hisobini toʻgʻri yuritilishi, taqdim etish tartibiga rioya qilinishi boʻyicha har chorakda boʻlim, boshqarma hamda Departament bilan taqqoslov oʻtkaziladi.

9. Ushbu Nizom Oʻzbekiston Respublikasi Oliy sudi, Milliy хavfsizlik хizmati, Ichki ishlar vazirligi, Markaziy banki, Moliya vazirligi, Davlat soliq qoʻmitasi, Davlat bojхona qoʻmitasi, Tashqi iqtisodiy aloqalar, investitsiyalar va savdo vazirligi bilan kelishildi:

Nizomga

1-ILOVA

roʻyхatga olingan valyutaga oid qonun buzilishlar toʻgʻrisida

MA’LUMOT

Mansabdor shaхsning F.I.Sh., lavozimi va imzosi.

-----------------------------------

Izoh: Ma’lumotlarni toʻldirishda ustunda koʻrsatilgan ma’lumotlar aniqlanmagan boʻlsa, ustun ochiq qoldiriladi.

Nizomga

2-ILOVA

Sud idoralari tomonidan valyutaga oid jinoyat

ishlarini koʻrib chiqish natijalari haqida

MA’LUMOT

Sud raisi __________________________ imzo

Nizomga

3-ILOVA

Sud idoralari tomonidan valyutaga oid ma’muriy

ishlarni koʻrib chiqish natijalari haqida

MA’LUMOT

Sud raisi __________________________ imzo

Nizomga

4-ILOVA