Oʻzbekiston Respublikasi Prezidentining 04.05.2000 y. PF-2599-son "Sudyalarni tanlash va lavozimlarga tavsiya etish boʻyicha Oliy malaka komissiyasi toʻgʻrisida"gi Farmoni
OʻZBEKISTON RESPUBLIKASI
PREZIDENTI
FARMONI
04.05.2000 y.
N PF-2599
SUDYaLARNI TANLASh VA LAVOZIMLARGA
TAVSIYa ETISh BOʻYIChA OLIY MALAKA
KOMISSIYaSINI TUZISh TOʻGʻRISIDA
Sud hokimiyatining mustaqilligini ta’minlash, sudyalarni tanlash va joy-joyiga qoʻyish ishlarini yanada takomillashtirish, sudyalik lavozimlariga yetuk, bilimdon va pok mutaхassislarni tavsiya etishda qonunchilik va ijtimoiy adolat tamoyillariga rioya etish maqsadida:
1. Oʻzbekiston Respublikasi Prezidenti huzurida sudyalarni tanlash va lavozimlarga tavsiya etish boʻyicha Oliy malaka Komissiyasi tuzilsin.
Uning tarkibi va Nizomi 1, 2-ilovalarga muvofiq tasdiqlansin.
2. Komissiya oʻz faoliyatini Oʻzbekiston Respublikasi Konstitutsiyasi, "Sudlar toʻgʻrisida"gi Qonun, Oʻzbekiston Respublikasi Prezidentining kadrlar siyosatini ruyobga chiqarishga qaratilgan Farmon va Farmoyishlari hamda mazkur Nizom asosida amalga oshiradi.
Komissiyaning asosiy vazifalari sudyalik lavozimlariga kadrlarni tanlash va joy-joyiga qoʻyishning demokratik asoslarini takomillashtirish, sudyalarni lavozimlarga tayinlash masalalarini hal etish chogʻida qonunchilik va ijtimoiy adolat kafolatlarini, shuningdek sud hokimiyatining mustaqilligini ta’minlashdan iborat deb, belgilansin.
3. Ushbu Farmon qabul qilinishi munosabati bilan Oʻzbekiston Respublikasi Prezidentining 1999 yil 30 iyuldagi F-1038-sonli Farmoyishi oʻz kuchini yoʻqotgan deb hisoblansin.
4. Mazkur Farmonning bajarilishini nazorat qilish Davlat maslahatchisi Oʻ. Komilov zimmasiga yuklatilsin.
Oʻzbekiston Respublikasi Prezidenti I. Karimov