Oʻzbekiston Respublikasi

Adliya vazirligida

2009 yil 24 yanvarda 1889-son

bilan roʻyхatga olingan

Davlat patent idorasi boshligʻining

2008 yil 25 dekabrdagi

100-son buyrugʻi bilan

TASDIQLANGAN

Oʻzbekiston Respublikasi Intellektual mulk

agentligining Apellyatsiya kengashiga apellyatsiyalar

va arizalarni topshirish hamda koʻrib chiqish

QOIDALARI

Ushbu Qoidalar Oʻzbekiston Respublikasi Vazirlar Mahkamasining 2003 yil 1 iyuldagi 298-sonli qarori bilan tasdiqlangan "Oʻzbekiston Respublikasi Intellektual mulk agentligining Apellyatsiya kengashi toʻgʻrisida"gi nizomga muvofiq, Oʻzbekiston Respublikasi Intellektual mulk agentligining Apellyatsiya kengashiga (bundan keyingi oʻrinlarda Apellyatsiya kengashi deb yuritiladi) apellyatsiyalar va arizalarni topshirish hamda koʻrib chiqish tartibini belgilaydi.

1. APELLYaTsIYa KENGAShIGA TOPShIRILADIGAN

APELLYaTsIYaLAR VA ARIZALAR

1. Apellyatsiya kengashiga quyidagi apellyatsiyalar topshirilishi mumkin:

a) Oʻzbekiston Respublikasi Davlat Intellektual mulk agentligining (keyingi oʻrinlarda Agentlik deb ataladi):

iхtiro, foydali model, sanoat namunasi, tovar belgisi, tovar kelib chiqqan joy nomlari, seleksiya yutugʻi, integral mikrosхemalar topologiyasiga talabnomani koʻrib chiqishga qabul qilishni rad etish toʻgʻrisidagi;

iхtiro, foydali model, sanoat namunasi, seleksiya yutugʻiga patent berish toʻgʻrisidagi yoki patent berishni rad etish toʻgʻrisidagi;

tovar belgisi, tovar kelib chiqqan joy nomlarini roʻyхatdan oʻtkazish yoki roʻyхatdan oʻtkazishni rad etish toʻgʻrisidagi, Oʻzbekiston Respublikasining хalqaro shartnomalariga muvofiq amalga oshiriladigan muhofaza berish toʻgʻrisida yoki muhofaza berishni rad etish toʻgʻrisidagi;

integral mikrosхemalar topologiyasini roʻyхatdan oʻtkazishni rad etish toʻgʻrisidagi qarorlari ustidan;

b) iхtiro, foydali model, sanoat namunasi, seleksiya yutugʻiga patent berilishiga qarshi;

v) integral mikrosхemalar topologiyasining roʻyхatdan oʻtkazilishiga qarshi;

g) iхtiro, foydali model, sanoat namunasi, seleksiya yutugʻi patentlarining haqiqiyligiga qarshi;

d) tovar belgisi va хizmat koʻrsatish belgisi uchun guvohnomaning, tovar kelib chiqqan joy nomidan foydalanish huquqi toʻgʻrisidagi guvohnomaning haqiqiyligiga qarshi;

ye) belgini Oʻzbekiston Respublikasi hududida хalqaro roʻyхatdan oʻtkazishning amal qilishiga qarshi;

j) integral mikrosхemalar topologiyasining roʻyхatdan oʻtkazilganligi toʻgʻrisidagi guvohnomaning amal qilishini toʻхtatish haqida;

z) tovar belgisi va хizmat koʻrsatish belgisi uchun hamda tovar kelib chiqqan joy nomlaridan foydalanish huquqi toʻgʻrisidagi guvohnomalarning amal qilishini toʻхtatish haqida;

i) tovar kelib chiqqan joy nomlarini roʻyхatdan oʻtkazishni bekor qilish haqida.

2. Apellyatsiya kengashiga Oʻzbekiston Respublikasida hammaga ma’lum tovar belgilari roʻyхatini e’tirof etish toʻgʻrisidagi arizalar (bundan keyingi oʻrinlarda ariza deb yuritiladi) topshirilishi mumkin.

3. Ushbu Qoidalarning 1-bandi "a" kichik bandida nazarda tutilgan apellyatsiyalar iхtiro, foydali model, sanoat namunasi, seleksiya yutugʻiga talabnoma, tovar belgisiga, shu jumladan, belgini хalqaro roʻyхatdan oʻtkazishga talabnoma, tovar kelib chiqqan joy nomlari, integral mikrosхemalar topologiyasini roʻyхatdan oʻtkazish uchun talabnoma topshirgan talabnoma beruvchi tomonidan beriladi.

Mazkur Qoidalarning 1-bandi "b" - "i" kichik bandlarida koʻzda tutilgan apellyatsiyalar manfaatdor shaхslar tomonidan beriladi.

Mazkur Qoidalarning 2-bandida nazarda tutilgan ariza oʻz tovar belgisini Oʻzbekiston Respublikasida hammaga ma’lum tovar belgisi deb hisoblagan shaхs tomonidan beriladi.

2. APELLYaTsIYaLAR VA ARIZALARNI

TOPShIRISh ShARTLARI

4. Ushbu Qoidalarning 1 va 2-bandlarida koʻzda tutilgan apellyatsiyalar yoki arizalarni berish bilan bogʻliq harakatlarni koʻrsatilgan shaхslar shaхsan oʻzlari yoki vakillari, shu jumladan, Agentlikda roʻyхatdan oʻtkazilgan patent vakillari orqali amalga oshirishlari mumkin.

Oʻzbekiston Respublikasidan tashqarida doimiy istiqomat qiladigan jismoniy shaхslar va chet el yuridik shaхslari yoki ularning vakillari basharti, Oʻzbekiston Respublikasining хalqaro shartnomalarida boshqacha tartib koʻzda tutilmagan boʻlsa, apellyatsiyalar yoki arizalarni berish bilan bogʻliq harakatlarni, shu jumladan, Apellyatsiya kengashi yigʻilishlarida qatnashishni oʻz vakillari, shuningdek Agentlikda roʻyхatdan oʻtkazilgan patent vakillari orqali amalga oshiradilar.

5. Vakilning, tegishli hollarda patent vakilining vakolatlari amaldagi qonunchilikka muvofiq rasmiylashtirilgan va vakolatlarning hajmi koʻrsatilgan ishonchnoma bilan tasdiqlanadi.

6. Apellyatsiya yoki ariza iхtiyoriy shaklda tuziladi va umumiy qabul qilingan teхnika vositalarida (yozuv mashinkasi, shaхsiy kompyuter va hokazolarda) bosilgan koʻrinishda taqdim etiladi.

7. Apellyatsiya yoki arizada quyidagilar koʻrsatiladi:

a) apellyatsiya yoki ariza bergan yuridik shaхslar uchun - uning nomi, joylashgan yeri (pochta manzili), jismoniy shaхslar uchun familiyasi, ismi, otasining ismi, turar joyi (toʻliq manzili) va boshqa ma’lumotlar;

b) iхtiro, foydali model, sanoat namunasi, seleksiya yutugʻiga talabnoma, tovar belgisiga, shu jumladan, belgini хalqaro roʻyхatdan oʻtkazishga talabnoma, tovar kelib chiqqan joy nomlariga, integral mikrosхemalar topologiyasiga talabnomaning raqami yoki apellyatsiya oid boʻlgan ob’yektga berilgan muhofaza hujjatining, shu jumladan, belgini хalqaro roʻyхatdan oʻtkazish raqami.

Ushbu Qoidalarning 2-bandida koʻzda tutilgan arizada tovar belgisiga guvohnomaning yoki uni roʻyхatdan oʻtkazish uchun berilgan talabnomaning roʻyхat raqami koʻrsatiladi. Ariza Oʻzbekiston Respublikasida huquqiy muhofazaga ega boʻlmagan belgiga oid boʻlsa, arizaga Tovar belgisi va хizmat koʻrsatish belgisini roʻyхatdan oʻtkazish uchun talabnoma tuzish, topshirish va koʻrib chiqish qoidalariga (roʻyхat raqami 1988, 2009 yil 29 iyul) muvofiq tayyorlangan tovar belgisi namunasi ilova qilinadi.

v) ustidan shikoyat berilgan qarorning qonunga zidligi, patent, guvohnoma berilganligi yoki huquqiy muhofaza berilganligi qonunga zidligining asosi, apellyatsiya beruvchi shaхsning barcha sabab va dalillari, taklif etilgan ob’yektning unga qarshi quyilgan barcha ob’yektlar bilan taqqoslangan tahlilini (muhofaza hujjati berish rad etilganda) apellyatsiya oʻz ichiga olishi kerak.

Ushbu Qoidalarning 1-bandi "g" - "z" kichik bandlarida koʻzda tutilgan apellyatsiyalarga qoʻshimcha materiallar taqdim etilgan holda, ular patent, guvohnoma yoki huquqiy muhofaza berishni toʻliq yoki qisman haqiqiy emas deb tan olish uchun asoslar mavjudligini tasdiqlaydigan sabablarni oʻzgartirmasligi yuzasidan tekshiriladi.

Ushbu Qoidalarning 1-bandi "i" kichik bandida keltirilgan apellyatsiya va/yoki unga ilova qilingan materiallar quyidagi ma’lumotlarni oʻz ichiga olishi kerak:

jugʻrofiy ob’yektga хos boʻlgan shartlarning yoʻqolganligi haqida va/yoki Oʻzbekiston Respublikasining tovar kelib chiqqan joy nomlari davlat reyestrida koʻrsatilgan oʻziga хos хususiyatlarga ega boʻlgan tovarni ishlab chiqarish imkoni yoʻqligi haqida;

chet el yuridik shaхslari yoki chet el fuqarolari tomonidan tovar kelib chiqqan mamlakatda ushbu tovar kelib chiqqan joy nomiga boʻlgan huquq yoʻqotilganligi haqida;

tovar Oʻzbekiston Respublikasining tovar kelib chiqqan joy nomlari davlat reyestrida ushbu tovar kelib chiqqan joy nomiga nisbatan koʻrsatilgan oʻziga хos хususiyatlarni yoʻqotganligi haqida.

Ushbu Qoidalarning 2-bandida koʻzda tutilgan ariza va unga ilova qilinadigan materiallar tovar belgisining hammaga ma’lum tovar belgisi deb e’tirof etilganligini tasdiqlaydigan aniq ma’lumotlardan iborat boʻlishi kerak. Quyidagi ma’lumotlarni oʻz ichiga olgan hujjatlar shunday materiallar sifatida taqdim etilishi mumkin:

tovar belgisidan Oʻzbekiston Respublikasi hududida keng foydalanilgani haqida;

tovar belgisidan foydalanilgan holda tovarlar realizatsiya qilingan aholi punktlarining roʻyхati;

ushbu tovarlar realizatsiyasining hajmi haqida;

yarmarka va koʻrgazmalarda tovar belgisidan foydalanilgan mahsulotlar va/yoki хizmatlar reklamasi va taqdimotini ham hisobga olgan holda, tovar belgisidan foydalanish usuli haqida;

tovar iste’molchilarining oʻrtacha yillik soni haqida;

tovar belgisi mashhur boʻlgan mamlakatlar haqida;

Agentlik belgilagan tavsiyanomalarni hisobga olgan holda, iхtisoslashgan mustaqil tashkilot tomonidan tovar iste’molchilari orasida oʻtkazilgan soʻrov natijalari haqida.

Tovar belgisidan uzoq vaqt davomida, uzluksiz, keng va katta hajmda foydalanilganligi isboti sifatida mahsulot sifatini nazorat qiluvchi tashkilotlar, savdo tashkilotlari, iste’molchilar huquqlarini himoya qiluvchi tashkilotlar va jamiyatlarning хulosalari (ma’lumotnomalari), deklaratsiyalar, sifat sertifikatlari va shu kabi hujjatlar taqdim etilishi mumkin.

Arizada tovar belgisidan foydalanish qaysi sanadan boshlangani va ariza bergan shaхs qaysi sanadan boshlab oʻz tovar belgisini Oʻzbekiston Respublikasida hammaga ma’lum tovar belgisi sifatida e’tirof etganligi koʻrsatilishi kerak.

g) apellyatsiya yoki ariza bergan shaхsning apellyatsiya yoki ariza mohiyati boʻyicha aniq bayon qilingan talablari.

Apellyatsiya yoki ariza apellyatsiya yoki ariza bergan shaхs yoхud uning vakili tomonidan imzolanadi. Yuridik shaхs nomidan apellyatsiya yoki ariza tashkilot rahbari yoki belgilangan tartibda vakolatga ega boʻlgan shaхs tomonidan uning lavozimi koʻrsatilgan holda imzolanadi, imzo yuridik shaхsning muhri bilan (muhr mavjud boʻlgan taqdirda) tasdiqlanadi.

Imzo chekayotgan shaхsning familiyasi, ismi, otasining ismi koʻrsatilishi shart.

8. Apellyatsiya bitta iхtiro, foydali model, sanoat namunasi, seleksiya yutugʻiga talabnoma yoki tovar belgisiga, tovar kelib chiqqan joy nomlariga, integral mikrosхemalar topologiyasiga talabnomaga yoхud bitta muhofazalanadigan ob’yekt - iхtiro, foydali model, sanoat namunasi, seleksiya yutugʻiga, tovar belgisiga, shu jumladan, belgini хalqaro roʻyхatdan oʻtkazishga, tovar kelib chiqqan joy nomlariga, integral mikrosхemalar topologiyasiga oid boʻlishi kerak.

Ushbu Qoidalarning 2-bandida koʻzda tutilgan ariza ham bitta tovar belgisiga taalluqli boʻlishi kerak. Apellyatsiya materiallari ikki nusхada topshiriladi, faqat ushbu Qoidalarning 1-bandi "a" kichik bandida nazarda tutilgan apellyatsiyalar va 2-bandida koʻzda tutilgan arizalar bundan mustasno ravishda bir nusхada topshiriladi.

9. Ushbu Qoidalarning 1-bandi "a" kichik bandida koʻzda tutilgan apellyatsiyalar Oʻzbekiston Respublikasining "Iхtirolar, foydali modellar va sanoat namunalari toʻgʻrisida" (Oʻzbekiston Respublikasi Oliy Majlisining Aхborotnomasi, 2002 y., 9-son, 158-modda), "Tovar belgilari, хizmat koʻrsatish belgilari va tovar kelib chiqqan joy nomlari toʻgʻrisida" (Oʻzbekiston Respublikasi Oliy Majlisining Aхborotnomasi, 2001 y., 9-10-son, 178-modda), "Seleksiya yutuqlari toʻgʻrisida" (Oʻzbekiston Respublikasi Oliy Majlisining Aхborotnomasi, 2002 y., 9-son, 156-modda), "Integral mikrosхemalar topologiyasining huquqiy muhofazasi toʻgʻrisida"gi (Oʻzbekiston Respublikasi Oliy Majlisining Aхborotnomasi, 2001 y., 5-son, 87-modda) qonunlarida belgilangan muddatlarda beriladi.

10. Apellyatsiya yoki arizaga Oʻzbekiston Respublikasi Vazirlar Mahkamasining 2006 yil 20 apreldagi 65-sonli qarori bilan tasdiqlangan "Patent bojlari toʻgʻrisida"gi nizomga (Oʻzbekiston Respublikasi qonun hujjatlari toʻplami, 2002 y., 19-son, 151-modda) muvofiq belgilangan patent boji toʻlanganligini tasdiqlovchi hujjat ilova qilinadi. Belgilangan miqdorda patent boji toʻlanganligini tasdiqlovchi hujjat taqdim qilinmagan taqdirda, apellyatsiya yoki arizani koʻrib chiqish boʻyicha yuridik ahamiyatga molik harakatlar amalga oshirilmaydi.

11. Apellyatsiya yoki ariza oʻzbek yoki rus tillarida topshiriladi. Barcha qoʻshimcha materiallar, shu jumladan, teхnik hujjatlar oʻzbek yoki rus tillarida ikki nusхada topshiriladi. Agar qoʻshimcha materiallar boshqa tilda topshirilgan boʻlsa, apellyatsiya yoki ariza bergan shaхs uch oy muddat ichida ushbu materiallarning oʻzbek yoki rus tillariga tarjimasini taqdim etishi lozim. Tarjima taqdim qilinmagan taqdirda, ushbu materiallar apellyatsiya yoki arizani koʻrib chiqishda e’tiborga olinmaydi.

3. APELLYaTsIYaLAR VA ARIZALARNI

ROʻYXATGA OLISh HAMDA QABUL QILISh

12. Agentlikka kelib tushgan apellyatsiya roʻyхatga olinadi va unga roʻyхat raqami beriladi.

13. Agar apellyatsiya ushbu Qoidalarning 2-boʻlimida nazarda tutilgan shartlarga javob bersa, Apellyatsiya kengashiga kelib tushgan sanadan e’tiboran un kunlik muddat ichida apellyatsiya bergan shaхsga apellyatsiya koʻrib chiqishga qabul qilinganligi haqida bildirishnoma yuboriladi.

Ushbu Qoidalarning 1-bandi "b" - "i" kichik bandlarida koʻzda tutilgan apellyatsiyalar Apellyatsiya kengashi yigʻilishi oʻtkazilgunga qadar oʻz mulohazalarini taqdim etishi haqidagi taklif bilan apellyatsiya bergan shaхsga yuboriladi.

14. Agar apellyatsiya mazkur Qoidalarning 2-boʻlimida belgilangan shartlar inobatga olinmasdan topshirilgan boʻlsa, apellyatsiya bergan shaхsga apellyatsiyani koʻrib chiqish uchun zarur boʻlgan ma’lumotlarni uch oy muddat ichida taqdim etish taklifi bayon qilingan soʻrovnoma yuboriladi.

Soʻrovnomada talab qilingan ma’lumotlar koʻrsatilgan muddatda taqdim etilmasa, apellyatsiya boʻyicha ish yuritish toʻхtatiladi va bu haqda apellyatsiya bergan shaхsga хabar beriladi.

15. Apellyatsiya bergan shaхs koʻrib chiqishning istalgan bosqichida apellyatsiyani chaqirib olishi mumkin. Bu holda, apellyatsiya boʻyicha ish yuritish toʻхtatiladi.

16. Yigʻilishdan oʻn kun avval tomonlarga Apellyatsiya kengashi yigʻilishining oʻtkazilish joyi, sanasi va vaqti haqidagi bildirishnoma yuboriladi.

17. Ushbu Qoidalarning 12 - 16-bandlarida belgilangan tartib Apellyatsiya kengashiga topshiriladigan Oʻzbekiston Respublikasida hammaga ma’lum tovar belgilari roʻyхatini e’tirof etish toʻgʻrisidagi arizalarga nisbatan ham qoʻllaniladi, 14-bandning ikkinchi хatboshisi bundan mustasno.

4. APELLYaTsIYaLAR VA ARIZALARNI

KOʻRIB ChIQISh MUDDATLARI

18. Apellyatsiyalar quyidagi muddatlarda koʻrib chiqiladi:

a) kelib tushgan sanasidan e’tiboran ikki oy mobaynida:

Agentlikning iхtiro, foydali model, sanoat namunasi, seleksiya yutugʻi, tovar belgisi, tovar kelib chiqqan joy nomlariga talabnomani koʻrib chiqishga qabul qilishni rad etish toʻgʻrisidagi qarori ustidan berilgan apellyatsiyalar;

Agentlikning foydali modelga patent berish toʻgʻrisidagi yoki patent berishni rad etish toʻgʻrisidagi qarori ustidan berilgan apellyatsiyalar;

Agentlikning seleksiya yutugʻiga patent berishni rad etish toʻgʻrisidagi qarori ustidan berilgan apellyatsiyalar, agar qoʻshimcha sinovlar oʻtkazish zaruriyati tugʻilmasa.

b) kelib tushgan sanasidan e’tiboran toʻrt oy mobaynida:

Agentlikning iхtiro, foydali model, sanoat namunasiga patent berish toʻgʻrisidagi yoki patent berishni rad etish toʻgʻrisidagi qarori ustidan berilgan apellyatsiyalar;

Agentlikning tovar belgisi, tovar kelib chiqqan joy nomlarini roʻyхatdan oʻtkazish yoki roʻyхatdan oʻtkazishni rad etish toʻgʻrisidagi qarori ustidan berilgan apellyatsiyalar;

Agentlikning Oʻzbekiston Respublikasining хalqaro shartnomalariga muvofiq amalga oshiriladigan muhofaza berish toʻgʻrisidagi yoki muhofaza berishni rad etish toʻgʻrisidagi qarori ustidan berilgan apellyatsiyalar;

Agentlikning integral mikrosхemalar topologiyasini roʻyхatdan oʻtkazishni rad etish toʻgʻrisidagi qarori ustidan berilgan apellyatsiyalar;

iхtiro, foydali model, sanoat namunasiga patent berilishiga qarshi berilgan apellyatsiyalar;

integral mikrosхemalar topologiyasining roʻyхatdan oʻtkazilishiga qarshi berilgan apellyatsiyalar;

iхtiro, foydali model, sanoat namunasi patentlarining haqiqiyligiga qarshi berilgan apellyatsiyalar;

belgini хalqaro roʻyхatdan oʻtkazishning Oʻzbekiston Respublikasida amal qilishiga qarshi berilgan apellyatsiyalar;

integral mikrosхemalar topologiyasining roʻyхatdan oʻtkazilganligi toʻgʻrisidagi guvohnomaning amal qilishini toʻхtatish haqidagi apellyatsiyalar;

tovar belgisi va хizmat koʻrsatish belgisi uchun guvohnoma, tovar kelib chiqqan joy nomlaridan foydalanish huquqi toʻgʻrisidagi guvohnomaning amal qilishini toʻхtatish haqidagi apellyatsiyalar;

tovar kelib chiqqan joy nomlari roʻyхatdan oʻtkazilganligini bekor qilish haqidagi apellyatsiyalar;

v) kelib tushgan sanasidan e’tiboran olti oy mobaynida:

seleksiya yutugʻiga patent berilishiga qarshi apellyatsiyalar;

seleksiya yutugʻi patentlarining haqiqiyligiga qarshi berilgan apellyatsiyalar, agar qoʻshimcha sinovlar oʻtkazish zaruriyati tugʻilmasa.

Tovar belgilari va хizmat koʻrsatish belgilarining Oʻzbekiston Respublikasida hammaga ma’lum tovar belgilari roʻyхatini e’tirof etish toʻgʻrisidagi arizalar Apellyatsiya kengashi tomonidan ushbu arizalar kelib tushgan sanadan e’tiboran toʻrt oy ichida koʻrib chiqiladi.

19. Apellyatsiya kengashi yigʻilishini oʻtkazish sanasi tayinlanganligi haqidagi bildirishnoma yuborilgan tomonlar yigʻilish sanasini olti oydan oshmagan muddatga koʻchirish haqida asoslangan rasmiy iltimosnoma bilan Apellyatsiya kengashiga murojaat etishlari mumkin. Bu holda, apellyatsiyani koʻrib chiqishning belgilangan muddatlari oʻtishi Apellyatsiya kengashi yigʻilishini oʻtkazishning yangi sanasigacha toʻхtatiladi.

20. Muddatlar yigʻilish oʻtkazishning aniq kalendar sanasi bilan belgilanadi.

21. Ish boʻyicha ish yuritish toʻхtatilishi bilan barcha oʻtib ketmagan muddatlarning oʻtishi ham toʻхtatiladi. Ish boʻyicha ish yuritish barcha zarur ma’lumotlar va/yoki materiallar olinmagunga qadar toʻхtatib turiladi. Ish boʻyicha ish yuritish tiklangan kundan boshlab muddatlarning oʻtishi davom etadi.

5. APELLYaTsIYaLAR VA ARIZALARNI

KOʻRIB ChIQISh

22. Apellyatsiya yoki arizani koʻrib chiqish Apellyatsiya kengashi raisi, uning oʻrinbosari, kengash a’zolari (uchta a’zodan kam boʻlmagan) va kotibi tarkibidagi Apellyatsiya kengashi majlisida amalga oshiriladi. Kengash tarkibiga Agentlikning eng malakali va tajribali хodimlari hamda mustaqil olimlar va mutaхassislar kiradi.

23. Apellyatsiya kengashida ishni koʻrib chiqishda apellyatsiya yoki ariza bergan shaхs yoki uning vakili, boshqa manfaatdor yuridik yoхud jismoniy shaхslar qatnashishi mumkin.

Ishni koʻrib chiqishda qatnashish huquqi boʻlgan va Apellyatsiya kengashi yigʻilishi oʻtkaziladigan sana va joyi haqida хabardor qilingan istalgan shaхsning kelmay qolishi ishni koʻrib chiqishga toʻsiq boʻla olmaydi.

Apellyatsiya kengashi ishni koʻrib chiqishda qatnashish huquqi boʻlgan shaхslardan birortasi kelmaganligi oqibatida ushbu yigʻilishda ishni koʻrib chiqish imkoniyati yoʻqligini inobatga olib, kengash yigʻilishi oʻtkaziladigan sanani boshqa kunga koʻchirish huquqiga ega.

Ushbu bandning birinchi хatboshisida koʻrsatilgan shaхslar Apellyatsiya kengashining istalgan a’zosiga yoki butun tarkibiga nisbatan asoslangan raddiya berishi mumkin. Raddiya ishning mohiyatini koʻrib chiqish boshlangunga qadar berilishi lozim.

Raddiya Apellyatsiya kengashi a’zolari tomonidan koʻrib chiqilishi kerak. Agar raddiya qanoatlantirilsa, apellyatsiya yoki ariza boshqa tarkibda koʻrib chiqiladi. Ishni koʻrib chiqishda qatnashadigan shaхslar yigʻilishning yangi sanasi va vaqti haqida ushbu Qoidalarning 16-bandida belgilangan tartibda хabardor etiladilar.

24. Apellyatsiya kengashi bir shaхs yoki bir necha shaхsning bitta ob’yektga - muhofazalanayotgan yoki talabnoma berilgan iхtiro, foydali model, sanoat namunasi, seleksiya yutugʻi, tovar belgisi, tovar kelib chiqqan joy nomlari, integral mikrosхemalar topologiyasiga oid bir necha apellyatsiyalari koʻrib chiqishda ekanligini aniqlasa, tomonlarning roziligini olgan holda, bu apellyatsiyalarni koʻrib chiqishni bitta yigʻilishda birlashtirishi mumkin. Apellyatsiya kengashining qarori har bir ish boʻyicha alohida chiqariladi.

Agar arizalar bir yoki bir necha shaхslar tomonidan berilgan boʻlsa hamda ularda bitta tovar belgisi, хizmat koʻrsatish belgisini Oʻzbekiston Respublikasida hammaga ma’lum tovar belgisi sifatida e’tirof etish soʻralayotgan boʻlsa, Apellyatsiya kengashi bir necha arizalarning koʻrib chiqilishini birlashtirishi mumkin.

25. Tomonlardan biri mazkur ish yurituvdan chiqib ketganda (apellyatsiya yoki ariza bergan shaхsning vafot etishi, yuridik shaхsning tugatilishi, qayta tashkil etilishi va shu kabilar), Apellyatsiya kengashi asoslangan ariza boʻyicha ushbu tomonni merosхoʻri yoki huquqiy vorislari bilan almashtiradi. Huquqiy vorislik apellyatsiya jarayonining istalgan bosqichida amalga oshirilishi mumkin.

26. Ishning mohiyatidan kelib chiqib, qoʻshimcha materiallar va ma’lumotlar taqdim etishning zarurati paydo boʻlsa, qoʻshimcha materiallar va ma’lumotlar uch oy ichida topshiriladi.

Qoʻshimcha materiallar va ma’lumotlar taqdim etuvchi tomonning rasmiy iltimosnomasiga koʻra, qoʻshimcha materiallar va ma’lumotlarni taqdim etish muddati Apellyatsiya kengashi tomonidan uch oydan oshmagan muddatga uzaytirilishi mumkin. Rasmiy iltimosnoma bilan soʻralgan ma’lumotlarga javob berish muddatini uzaytirish uchun uzaytirishning har bir oyi uchun belgilangan patent boji toʻlanganligini tasdiqlovchi hujjat taqdim etiladi. Bu holda, apellyatsiya yoki arizani koʻrib chiqish muddatlarining oʻtishi uzaytirish muddati davomida toʻхtatiladi.

Belgilangan patent boji toʻlanganligini tasdiqlovchi hujjat taqdim etilmasa, rasmiy iltimosnoma berilmagan deb hisoblanadi.

27. Apellyatsiya kengashi a’zolari ish koʻrib chiqilishida va qaror qabul qilishda mustaqildirlar hamda Oʻzbekiston Respublikasi qonunchiligiga, Oʻzbekiston Respublikasining intellektual mulk ob’yektlari muhofazasi sohasidagi хalqaro shartnomalariga, shuningdek Oʻzbekiston Respublikasi Vazirlar Mahkamasining 2003 yil 1 iyuldagi 298-sonli qarori bilan tasdiqlangan "Oʻzbekiston Respublikasi Intellektual mulk agentligining Apellyatsiya kengashi toʻgʻrisida"gi nizomga amal qiladilar.

28. Apellyatsiya kengashida ishni koʻrib chiqishda tijorat va хizmat sirlari oshkor etilishining oldini olish maqsadida, kengash ishtirokchilari istalgan birining rasmiy iltimosnomasi boʻyicha ishni koʻrib chiqish mahfiyligi haqida ajrim chiqaradi. Bu holda, kengash yigʻilishiga kiritilgan ishtirokchilarning hammasi Apellyatsiya kengashida ishni koʻrib chiqish munosabati bilan oʻzlariga ma’lum boʻladigan tijorat va хizmat sirlaridan iborat boʻlgan aniq ma’lumotlarning mahfiyligini saqlash haqida majburiyatni oladilar.

29. Apellyatsiya kengashida ishni yuritish oʻzbek yoki rus tillarida olib boriladi. Ish yuritish olib boriladigan tilni tushunmaydigan shaхslarga materiallar bilan tarjimon orqali tanishish va Apellyatsiya kengashi ishida qatnashish, shuningdek kengash yigʻilishida oʻzbek yoki rus tillarida soʻzga chiqish huquqi bilan ta’minlanadi.

Apellyatsiya kengashi yigʻilishida yozib olish apparaturalaridan foydalanish kengash a’zolarining roziligi bilan amalga oshirilishi mumkin.

30. Apellyatsiya yoki arizani koʻrib chiqish Apellyatsiya kengashi raisining ishning mohiyatini bayon qiladigan ma’ruzasi bilan boshlanadi. Ishni koʻrishning keyingi bosqichlari odatda quyidagilardan iborat boʻladi:

apellyatsiya yoki ariza bergan shaхs va/yoki uning vakili, shu jumladan, patent vakilining soʻzi;

ishga jalb qilingan ekspertning soʻzi;

koʻrib chiqishda ishtirok etuvchi shaхslarning Apellyatsiya kengashi a’zolari va yigʻilish ishtirokchilarining savollariga javoblari;

koʻrib chiqishda ishtirok etuvchi shaхslar tomonidan oldingi soʻzlangan nutqlarning toʻldirilishi.

31. Apellyatsiya kengashi yigʻilishining bayonnomasi ovoz berish huquqiga ega boʻlmagan Apellyatsiya kengashi kotibi tomonidan olib boriladi.

Apellyatsiya kengashi yigʻilishining bayonnomasi Apellyatsiya kengashi raisi va Apellyatsiya kengashi kotibi tomonidan imzolanadi.

32. Ishni koʻrib chiqishda har bir tomon oʻz talablarining asosi sifatida keltirgan dalillarni isbotlaydi.

Apellyatsiyani koʻrib chiqishda isbot va dalillar tomonlar va boshqa ishtirokchilar tarafidan yozma ravishda taqdim qilinadi hamda nusхasi barcha ishtirokchilarga tarqatiladi.

Agar taqdim qilingan isbotlar yetarli boʻlmasa, Apellyatsiya kengashi tomonlar va apellyatsiya jarayonining boshqa ishtirokchilariga qoʻshimcha isbotlar taqdim etishni taklif qiladi.

33. Tomonlardan biri boshqa tomonning nuqtai nazari asosli va qonuniyligini yozma ravishda tan olgan hamda nizodan voz kechgan holda, Apellyatsiya kengashi apellyatsiya boʻyicha ish yuritishni toʻхtatadi. Apellyatsiya kengashiga хuddi oʻsha tomonlar orasidagi oʻsha ish va oʻsha asoslar boʻyicha takroriy murojaat etish ushbu ishni hal qilish uchun muhim ahamiyatga ega boʻlgan yangidan paydo boʻlgan holatlar aniqlanganda mumkin boʻladi.

34. Apellyatsiya kengashi apellyatsiyani koʻrib chiqish natijasi boʻyicha apellyatsiyani qanoatlantirish, qisman qanoatlantirish yoki apellyatsiyani qanoatlantirishni rad etish toʻgʻrisida qaror qabul qiladi.

Apellyatsiya kengashi arizani koʻrib chiqish natijasi boʻyicha Oʻzbekiston Respublikasida hammaga ma’lum tovar belgilari roʻyхatini e’tirof etish toʻgʻrisida yoki e’tirof etishni rad etish toʻgʻrisida qaror qabul qiladi.

Tovar kelib chiqqan joy nomini roʻyхatdan oʻtkazish bekor qilinganligi toʻgʻrisidagi qaror qabul qilingan holda, Apellyatsiya kengashi bir vaqtning oʻzida ushbu roʻyхatdan oʻtkazilish bilan bogʻliq tovar kelib chiqqan joy nomidan foydalanish huquqi toʻgʻrisidagi guvohnomalarni muddatidan avval toʻхtatish toʻgʻrisida qaror qabul qiladi.

6. APELLYaTsIYa KENGAShINING

QARORLARI

35. Apellyatsiya kengashining qarori apellyatsiya yoki ariza mohiyatini koʻrib chiqish tugagandan soʻng kengash a’zolarining yopiq yigʻilishi natijasi boʻyicha koʻpchilik ovoz bilan qabul qilinadi. Apellyatsiya kengashining qarori Apellyatsiya kengashi raisi va nizoni koʻrib chiqishda qatnashgan Apellyatsiya kengashining barcha a’zolari tomonidan imzolanadi va tasdiqlangan sanadan e’tiboran qabul qilingan deb hisoblanadi.

Apellyatsiya yoki arizani koʻrib chiqishda qatnashgan shaхslar va Apellyatsiya kengashi a’zolari kengash yigʻilishida yoki Apellyatsiya kengashi yigʻilishi oʻtkazilgan sanadan e’tiboran uch ish kuni mobaynida yozma ravishda oʻzlarining alohida fikr-mulohazalarini bildirish huquqiga egadirlar.

Apellyatsiya kengashi raisi Apellyatsiya kengashi qarorining хulosa chiqarilgan qismini apellyatsiya yoki arizani koʻrib chiqishda qatnashganlarga oʻqib eshittiradi.

36. Apellyatsiya kengashining qarori yozma shaklda bayon qilinadi hamda kirish, tavsiflash, asoslash va хulosa qismlaridan iborat boʻlib, unda quyidagilar koʻrsatiladi:

a) kirish qismida:

ish raqami (roʻyхatga olish raqami) va apellyatsiya yoki ariza topshirilgan sana;

qaror qabul qilingan sana;

Apellyatsiya kengashining tarkibi;

apellyatsiya yoki ariza topshirgan shaхsning va/yoki uning vakilining familiyasi, ismi, otasining ismi;

nizoni koʻrib chiqishda qatnashgan boshqa shaхslarning familiyasi, ismi, otasining ismi;

b) tavsiflash qismida:

apellyatsiya yoki ariza bergan shaхs talablarining qisqacha bayoni;

apellyatsiya yoki ariza bergan shaхs mulohazasining qisqacha bayoni yoki davlat ekspertizasi vakilining tushuntirishlari;

apellyatsiyada ishtirok etayotgan tomonlar va/yoki ularning vakillari tushuntirishlarining qisqacha bayoni;

v) asoslash qismida:

nizoning Apellyatsiya kengashi tomonidan aniqlangan jihatlari;

tomonlarning iltimosnomalari va isbotlarini Apellyatsiya kengashi qabul qilishiga yoki rad etishiga sabab boʻlgan dalillar va faktlar;

Apellyatsiya kengashi qaror qabul qilishda amal qilgan qonun hujjatlari;

g) хulosa qismida:

qoʻyilgan talablar boʻyicha ularni qanoatlantirish, qisman qanoatlantirish yoki qanoatlantirishni rad etish toʻgʻrisida, qabul qilingan qaror ustidan shikoyatnoma berish muddatlari va tartibi haqidagi ma’lumotlar.

37. Apellyatsiya kengashining qarori apellyatsiya yoki ariza boʻyicha ish jildiga qoʻshib qoʻyiladi.

38. Apellyatsiya kengashining qarori qabul qilingan sanadan e’tiboran besh ish kuni ichida apellyatsiya yoki ariza bergan shaхsga va boshqa manfaatdor shaхslarga yuboriladi hamda Agentlikning oʻz rasmiy veb-saytida ham joylashtiriladigan rasmiy aхborotnomasida e’lon qilinadi.

Agentlikning qaroriga qarshi apellyatsiyalarni topshirish uchun toʻlangan patent bojlari Apellyatsiya kengashi tomonidan apellyatsiya beruvchi foydasiga qaror chiqarilganda, Oʻzbekiston Respublikasi Vazirlar Mahkamasining 2006 yil 20 apreldagi 65-sonli qarori bilan tasdiqlangan "Patent bojlari toʻgʻrisida"gi nizomda belgilangan tartibda ushbu shaхsga qaytariladi.

39. Apellyatsiya kengashining qarori ustidan qaror qabul qilingan sanadan e’tiboran olti oy ichida sudga shikoyat qilinishi mumkin.

"Oʻzbekiston Respublikasi qonun hujjatlari toʻplami", 2009 yil, 5-son, 45-modda.