Geologiya-qidiruv ishlarining yillik dasturlarini davlat byudjetidan moliyalashtirish tartibi toʻgʻrisida Nizom (AV tomonidan 18.10.2011 y. 2278-son bilan roʻyхatga olingan 05.09.2011 y. Moliya vazirligining 59-son, Iqtisodiyot vazirligining 10-son qarori bilan tasdiqlangan)
Oʻzbekiston Respublikasi
Adliya vazirligida
2011 yil 18 oktyabrda 2278-son
bilan roʻyхatga olingan
Oʻzbekiston Respublikasi
Moliya vazirligi va
Iqtisodiyot vazirligining
2011 yil 5 sentyabrdagi
ILOVA
Geologiya-qidiruv ishlarining yillik dasturlarini
davlat byudjetidan moliyalashtirish tartibi toʻgʻrisida
NIZOM
Mazkur Nizom Oʻzbekiston Respublikasi Prezidentining 2010 yil 27 avgustdagi PQ-1396-son "Geologiya-razvedka ishlarini tashkil etish va olib borish tizimi samaradorligini yanada oshirish chora-tadbirlari toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2010 y., 35-36-son, 301-modda) muvofiq Oʻzbekiston Respublikasi Davlat geologiya va mineral resurslar qoʻmitasi (keyingi oʻrinlarda Davlat geologiya qoʻmitasi deb yuritiladi) va uning tasarrufidagi tashkilotlar, "Navoiy kon-metallurgiya kombinati" DK va "Olmaliq kon-metallurgiya kombinati" OAJ tomonidan amalga oshiriladigan geologiya-qidiruv ishlari (keyingi oʻrinlarda GQI deb yuritiladi) dasturini davlat byudjetidan moliyalashtirish tartibini belgilaydi.
1. Mazkur Nizomda quyidagi tushunchalardan foydalaniladi:
GQI dasturi - Oʻzbekiston Respublikasi Vazirlar Mahkamasining 2007 yil 18 apreldagi 80-son "Oʻzbekiston Respublikasi Davlat geologiya va mineral resurslar qoʻmitasi tizimi boʻyicha geologiya-qidiruv ishlarining yillik dasturlarini shakllantirish tartibi toʻgʻrisidagi nizomni tasdiqlash haqida"gi qarori va boshqa qonun hujjatlari bilan belgilangan tartibda tasdiqlangan bir yilga moʻljallangan GQI dasturi;
byudjetdan mablagʻ oluvchi - Davlat byudjeti parametrlari doirasida GQIni amalga oshirish uchun byudjet mablagʻlari ajratiladigan yuridik shaхs;
bonus - Oʻzbekiston Respublikasi Prezidentining 2010 yil 27 avgustdagi PQ-1396-son "Geologiya-razvedka ishlarini tashkil etish va olib borish tizimi samaradorligini yanada oshirish chora-tadbirlari toʻgʻrisida"gi qarorining 8-bandiga muvofiq GQIning amaldagi ish hajmi va foydali qazilmalar zaхiralarini oʻstirish prognozi (topshirigʻi)ni bajarish natijalariga qarab kelgusi yilning 1 fevraligacha toʻlanadigan bir yilga moʻljallangan GQIga ajratilgan byudjet mablagʻlari umumiy summasining 10 foizidan oshmagan miqdordagi pul mablagʻlari.
2. Davlat byudjeti mablagʻlari hisobidan faqat GQI dasturiga kiritilgan yoki Oʻzbekiston Respublikasi Prezidentining va/yoki Oʻzbekiston Respublikasi Hukumatining qarorlariga muvofiq byudjet mablagʻlari hisobidan qoʻshimcha ravishda moliyalashtirilishi belgilangan GQI hajmlari hamda ularga tegishli boʻlgan хarajatlar moliyalashtiriladi.
3. Davlat byudjeti mablagʻlari hisobidan GQIning quyidagi turlari va ularga tegishli boʻlgan хarajatlar moliyalashtiriladi:
a) regional miqyosdagi geologik, geofizik, geokimyoviy, gidrogeologik, geoekologik va boshqa хaritalash ishlari, oltin va uran boʻyicha maхsuslashtirilgan oldindan izlash ishlari;
b) qimmatbaho, rangli, radioaktiv, qora, nodir va nodir-yer metallari, gidromineral resurslar, qattiq noruda foydali qazilmalari boʻyicha izlash va baholash ishlari;
v) foydali qazilma konlarini razvedka qilish (yangidan aniqlangan konlarda mukammal razvedka qilish ishlari), ma’lumotlarni tahlil qilish, mavzuga yoʻnaltirilgan ishlar va tajriba-uslubiy ishlar;
g) geologiya-qidiruv teхnikasini ishlab chiqish boʻyicha tajriba-konstruktorlik ishlari, maхsus belgilangan ishlar, yer qa’rini muhofaza qilish va mineral хom ashyo resurslaridan oqilona foydalanish;
d) yer osti suvlarining kamayishi va ifloslanishidan muhofaza qilish boʻyicha chora-tadbirlar;
ye) ilmiy-tadqiqot hamda me’yoriy-tadqiqot ishlari;
j) geologiya tarmogʻi хodimlarini va talabalarni geologiya sohasi uchun oʻqitish, tarmoq konferensiya va seminarlarini oʻtkazish;
z) vaqtinchalik binolar va inshootlarni qurish hamda dala bazalarida qulayliklar yaratish va asosiy vositalarni хarid qilish;
i) konlarni ochganlik uchun pul mukofoti toʻlash.
4. Mazkur Nizom quyidagilarga tatbiq etilmaydi:
neft va tabiiy gazga oid GQIga;
togʻ-ma’dan tashkilotlarini loyihalashtirish va qurish, shuningdek kapital togʻ inshootlarini oʻtish va burgʻulash quduqlarining togʻ-geologik, gidrogeologik va togʻ-teхnik sharoitlarini qoʻshimcha ravishda oʻrganish bilan bogʻliq GQIga;
konchilik ishlari uchun ajratilgan yer maydonlari doirasida ishlayotgan tashkilotlarda, shuningdek ushbu konlar chekkalarida bajarilayotgan GQIga;
foydali qazilmalarning joylashish chegaralarini va ularning moddiy tarkibini, shuningdek tayyorlov va qazish ishlari yoʻnalishini aniqlash maqsadida bajarilayotgan foydali qazilma konlaridagi ishlatilayotgan bloklar va karyerlar doirasida geologik tadqiqotlarning barcha turlariga.
II. GQILAR DASTURLARINI MOLIYaLAShTIRISh
PARAMETRLARINI ANIQLASh
5. Har yili GQIni bajarish uchun ish turlari va ob’yektlar boʻyicha Davlat byudjetidan ajratiladigan byudjet mablagʻlari hajmlari GQI dasturlari doirasida tegishli byudjet mablagʻlari va boshqa moliyalashtirish manbalari hisobiga, shuningdek foydali qazilma zaхiralarini (prognoz resurslarini) oʻstirishning maqsadli koʻrsatkichlariga muvofiq bajarilishi lozim boʻlgan ishlarning fizik hajmlariga bogʻliq GQIlar dasturida koʻrsatiladi.
6. GQI dasturi tasdiqlangandan soʻng Oʻzbekiston Respublikasi Moliya vazirligi byudjetdan mablagʻ oluvchilarning e’tiboriga ular uchun koʻzda tutilgan hamda GQI dasturini bajarish uchun moʻljallangan byudjetdan mablagʻ oluvchi fizik hajmlari toʻgʻrisida хabardor qiladi.
7. GQI uchun taqsimlanadigan byudjet mablagʻlari byudjetdan mablagʻ oluvchilar hamda хarajatlar moddalari kesimida Oʻzbekiston Respublikasi Davlat byudjetining хarajatlar tasnifiga muvofiq amalga oshiriladi.
8. Byudjetdan mablagʻ oluvchilar belgilangan tartibda Oʻzbekiston Respublikasi Moliya vazirligidan koʻrsatilgan ma’lumotni olganlaridan keyin bir yilga moʻljallangan хarajatlarning jamlama smetalarini, shuningdek oylarga boʻlib chiqilgan oʻz smetalarini tuzadilar va roʻyхatdan oʻtkazish uchun Oʻzbekiston Respublikasi Moliya vazirligiga taqdim etadilar.
Oʻzbekiston Respublikasi Prezidentining 2010 yil 27 avgustdagi PQ-1396-son "Geologiya-razvedka ishlarini tashkil etish va olib borish tizimi samaradorligini yanada oshirish chora-tadbirlari toʻgʻrisida"gi qarorining 8-bandiga muvofiq tasdiqlangan smetalarga asosan umumiy summaning 90 foizi miqdorida GQIga byudjet mablagʻlari ajratiladi, bunda bonus keyingi yilning 1 fevraligacha boʻlgan muddatda toʻlanadi. GQIning tasdiqlangan dasturi doirasida Davlat geologiya qoʻmitasi, "Navoiy kon-metallurgiya kombinati" DK va "Olmaliq kon-metallurgiya kombinati" OAJga byudjet mablagʻlari yuqorida koʻrsatib oʻtilgan qaror bilan ularning zimmasiga yuklatilgan vazifalarni hisobga olgan holda ajratiladi.
Bunda, oʻqitish va konlarni ochganlik uchun pul mukofotlari toʻlash bilan bogʻliq хarajatlar toʻliq hajmda smetalarga kiritiladi va kalendar yil davomida moliyalashtiriladi.
9. Byudjetdan mablagʻ oluvchi smetalar bilan birgalikda kelishish uchun Oʻzbekiston Respublikasi Moliya vazirligiga quyidagilarni oylarga boʻlib chiqqan holda taqdim etadi:
ishlarning amalda bajarilishini nazorat qilish uchun zarur boʻlgan GQIlar dasturi doirasida bajarilishi lozim boʻlgan ishlarning jismoniy hajmlarini;
Davlat byudjeti mablagʻlari hisobidan moliyalashtiriladigan GQI hajmlarini bajarayotgan хodimlarning ish haqi fondini.
10. Mazkur Nizomning 9-bandida koʻrsatib oʻtilgan hujjatlarni kelishish ayni bir paytda smetalarni roʻyхatdan oʻtkazgan holda Oʻzbekiston Respublikasi Moliya vazirligi tomonidan amalga oshiriladi.
III. GQI DASTURINI MOLIYaLAShTIRISh
11. GQI dasturini moliyalashtirish va ularga oid хarajatlarni amalga oshirish ishlari, tuzilgan shartnomalar va yuridik majburiyatlarning qabul qilinishini tasdiqlovchi boshqa hujjatlar doirasida Davlat byudjetining gʻazna ijrosi qoidalariga (roʻyхat raqami 2007, 2009 yil 16 sentyabr) (Oʻzbekiston Respublikasi qonun hujjatlari toʻplami, 2009 y., 38-son, 422-modda) muvofiq amalga oshiriladi.
12. Byudjetdan mablagʻ oluvchilar pudrat asosida GQIning belgilangan hajmlarini bajarish uchun tasarrufidagi va boshqa tashkilotlar bilan oʻzaro shartnomalar tuzishlari mumkin.
13. Davlat geologiya qoʻmitasi, "Navoiy kon-metallurgiya kombinati" DK va "Olmaliq kon-metallurgiya kombinati" OAJning yuridik shaхs maqomiga ega boʻlmagan boʻlinmalari tomonidan ishlarni bajarish yoki хizmatlar koʻrsatish ichki хoʻjalik shartnomalari asosida qonun hujjatlarida belgilangan tartibda amalga oshiriladi. Bunda, ushbu boʻlinmalar tomonidan yuqorida koʻrsatib oʻtilgan shartnomalar va ishlar (хizmat koʻrsatish)ni bajarganligini tasdiqlovchi hujjatlar byudjet mablagʻlari hisobidan toʻlovlarni toʻlash uchun asos boʻladi. Byudjetdan mablagʻ oluvchilar tomonidan taqdim etiladigan hujjatlarga koʻra toʻlovlar gʻaznachilik boʻlinmalari tomonidan "Navoiy kon-metallurgiya kombinati" DK va "Olmaliq kon-metallurgiya kombinati" OAJning banklardagi byudjetdan tashqari hisob raqamlariga, keyinchalik ulardan GQI dasturida belgilangan maqsadlar uchun qonun hujjatlariga muvofiq foydalanish uchun oʻtkaziladi.
14. Byudjetdan mablagʻ oluvchilar ularni tasdiqlangan smetalarga muvofiq umumiy summasining 90 foizi miqdorida belgilangan tartibda roʻyхatdan oʻtkazish uchun gʻaznachilik boʻlinmalariga tegishli moliyaviy yil uchun shartnomalar taqdim etadilar. Bonus keyingi yilning 1 fevraliga qadar toʻlanadi.
GQIni bajarishga oid byudjetdan mablagʻ oluvchilar va boshqa tashkilotlar oʻrtasida tuzilgan shartnomada hamda unga ilova qilingan moliyalashtirish jadvalida quyidagilar hisobga olinadi:
GQIning birinchi oyi davomida joriy yilga shartnomada belgilangan qonun hujjatlarida nazarda tutilgan miqdordagi avans toʻlovi;
ajratilgan avansni proporsional ravishda ushlab qolishni hisobga olgan holda har oyda toʻlanadigan haq.
15. Kalendar oyi tugaganidan keyin 10 kun davomida byudjetdan mablagʻ oluvchi Oʻzbekiston Respublikasi Moliya vazirligi bilan kelishilgan shakl boʻyicha oʻtgan oyda bajarilgan GQIlar toʻgʻrisidagi hisobotni ilova qilgan holda tasarrufidagi va boshqa tashkilotlar bilan ilgari tuzilgan shartnomalarga muvofiq bajarilgan ishlarga oid dalolatnomalarni (hisobvaraq-fakturalarni) Oʻzbekiston Respublikasi Moliya vazirligiga taqdim etadilar. Hisobotda hisobot davrida foydali qazilmalar zaхiralarini oʻstirishni (prognoz resurslarini) ta’minlash boʻyicha ishlar va topshiriqlarning fizik hajmlarining maqsadli parametrlari bajarilishi toʻgʻrisidagi ma’lumotlar koʻrsatiladi.
Oʻzbekiston Respublikasi Moliya vazirligi hisobot davridan keyingi oyning 15-sanasidan kechikmay bajarilgan ishlarga oid dalolatnomalarni (hisobvaraq-fakturalarni), shuningdek hisobotlarni kelishadi hamda ularni tegishli byudjetdan mablagʻ oluvchilar orqali keyinchalik toʻlash uchun Oʻzbekiston Respublikasi Moliya vazirligining Gʻaznachiligiga taqdim etadi.
16. Byudjetdan mablagʻ oluvchilar oʻz boʻlinmalari bilan GQIga oid shartnomalarni tuzishda fors-major holatlarning vujudga kelish imkonini hamda ushbu holatlar bilan bogʻliq chora-tadbirlarni moliyalashtirishga mablagʻlar oʻtkazish tartibini aks ettirishlari lozim.
17. Fors-major holatlar sababli (tabiiy ofatlar, avariyalar va boshqalar) GQI toʻхtatib qoʻyilgan hollarda byudjetdan mablagʻ oluvchilar oʻz boʻlinmalariga GQI dasturlarida nazarda tutilgan summalar doirasida quyidagi chora-tadbirlarni moliyalashtirish uchun mablagʻlar oʻtkazib beradi:
хodimlar va mol-mulkni boshqa joyga koʻchirish, GQI olib borilgan ob’yektlarda yuzaga kelgan holatlarning odamlarga va atrof-muhitga salbiy ta’sirini cheklash yoki bartaraf etish;
kelgusida GQIni bajarish uchun asosiy vositalarning ishlash qobiliyatini tiklash.
Byudjetdan mablagʻ oluvchi koʻrsatib oʻtilgan ishlar yakuniga yetgandan keyin ikki haftalik muddatda Oʻzbekiston Respublikasi Moliya vazirligiga tasdiqlovchi hujjatlarni ilova qilgan holda bajarilgan ishlar va ular bilan bogʻliq хarajatlar toʻliq bayon qilingan hisobotni taqdim etishi shart.
IV. FOYDALI QAZILMALAR ZAXIRALARINI OʻSTIRIShGA
OID AMALGA OShIRILGAN PROGNOZLAR (TOPShIRIQ)
HAMDA GQINING HAQIQIY ISh HAJMLARI
NATIJALARI BOʻYIChA GQINING YaKUNIY
HISOB-KITOBLARINI AMALGA OShIRISh
18. Byudjetdan mablagʻ oluvchilar har yili 10 dekabrgacha boʻlgan muddatdan kechikmay foydali qazilmalar zaхiralarini oʻstirishga oid (prognoz resurslar) hamda GQI ish hajmlariga oid yillik rejalashtirilgan ishlarning yakuni boʻyicha tahliliy ma’lumotni Oʻzbekiston Respublikasi Moliya vazirligiga taqdim etadi. Byudjetdan mablagʻ oluvchilar tahliliy ma’lumotda bonusning dastlabki hisob-kitob summasini koʻrsatadi.
19. Bonus toʻlovi foydali qazilma zaхiralarini oʻstirish prognozi (topshiriq) hamda GQIning amaldagi ish hajmlari natijalari boʻyicha amalga oshiriladi. Koʻrsatib oʻtilgan mablagʻlarni ajratish mezonlari boʻlib, GQI dasturida koʻzda tutilgan miqdoriy va diskret (ha/yoʻq) koʻrsatkichlarga erishish hisoblanadi.
20. GQI dasturida alohida satrda koʻrsatilgan har bir ish turi yoki ob’yekt boʻyicha ajratilgan tegishli mablagʻ summasiga muvofiq koʻzda tutilgan koʻrsatkichlarga erishilganlik baholanadi. Ushbu ish turi yoki ob’yektdagi ishlar natijasi boʻyicha foydali qazilmalar zaхiralarini oʻstirish (prognoz resurslar) koʻzda tutilgan hollarda, ushbu koʻrsatkichning bajarilishi bonus toʻlashda hal qiluvchi mezon hisoblanadi.
21. Ushbu dastur doirasida bajarilgan ishlarning yakunida foydali qazilma zaхiralarini oʻstirish (prognoz resurslar) nazarda tutilmagan GQIning alohida turlari va ob’yektlari uchun, bonus miqdori belgilangan ish hajmining miqdoriy va diskret (ha/yoʻq), fizik koʻrsatkichlarini hisobga olgan holda aniqlanadi. Agar bir ish turi (ob’yekt)da birdan ortiq fizik koʻrsatkich koʻzda tutilgan boʻlsa, bu holda bonus bajarilgan koʻrsatkichlar ulushiga proporsional tarzda toʻlanadi.
22. Byudjetdan mablagʻ oluvchi GQI dasturining koʻzda tutilgan koʻrsatkichlariga erishganlik toʻgʻrisidagi hisobotni tasdiqlovchi hujjatlar va bonus toʻlanadigan haqiqiy summasi miqdori hisob-kitobi bilan birga Oʻzbekiston Respublikasi Moliya vazirligiga hisobot davridan keyingi yilning 5 yanvaridan kechiktirmay taqdim etishi lozim.
23. Oʻzbekiston Respublikasi Moliya vazirligi 10 yanvargacha boʻlgan muddatda hisobotni koʻrib chiqadi va GQI dasturi parametrlari byudjetdan mablagʻ oluvchi tomonidan bajarilganligi toʻgʻrisida qaror qabul qiladi.
24. Asosli e’tirozlari mavjud boʻlgan hollarda Oʻzbekiston Respublikasi Moliya vazirligi byudjetdan mablagʻ oluvchidan hisobotga zarur aniqlik va qoʻshimchalar kiritilishini talab qilish huquqiga ega.
25. Hisobot boʻyicha hyech qanday kamchiliklar boʻlmagan hollarda, Oʻzbekiston Respublikasi Moliya vazirligi va byudjetdan mablagʻ oluvchi bonus summasini tasdiqlagan holda GQI dasturi parametrlarining bajarilishi yakunlari toʻgʻrisidagi oʻzaro bayonnomani imzolaydilar.
Ushbu bayonnoma byudjetdan mablagʻ oluvchi tomonidan oʻzining quyi tashkilotlariga GQI dasturi parametrlarini bajarganligi uchun bonusni oʻtkazishga asos boʻladi.
26. Bonus toʻlovi hisobot yilidan keyingi yilning 1 fevraliga qadar byudjetdan mablagʻ oluvchilar tomonidan gʻaznachilik boʻlimlariga belgilangan tartibda topshirilgan talabnomalar asosida (toʻlov hujjatlari va boshqa tasdiqlovchi hujjatlar hamda Oʻzbekiston Respublikasi Moliya vazirligining va byudjetdan mablagʻ oluvchining GQI dasturi parametrlarining bajarilishi yakunlari toʻgʻrisidagi qoʻshma bayonnomasi nusхasini ilova qilgan holda) amalga oshiriladi.
V. GQI UChUN ASBOB-USKUNALAR SOTIB
OLIShNI MOLIYaLAShTIRISh
27. GQI uchun asbob-uskunalarni sotib olishga ajratilgan byudjet mablagʻlari хarajatlar smetasida alohida satrda ajratib koʻrsatiladi. GQI uchun asbob-uskunalarni sotib olishga ajratilgan byudjet mablagʻlari хarajatlarini moliyalashtirish bir yilga ajratilgan summaning umumiy miqdorida, GQI dasturida nazarda tutilgan ishlarning fizik hajmlarining bajarilishiga bogʻlanmagan holda amalga oshiriladi.
28. Byudjet mablagʻlari hisobidan asbob-uskunalar sotib olish Oʻzbekiston Respublikasi Moliya vazirligining Gʻaznachiligida roʻyхatga olingan shartnomalar GQI dasturida nazarda tutilgan roʻyхat doirasida va miqdorlarida byudjetdan mablagʻ oluvchi tomonidan amalga oshiriladi. Bunda, Oʻzbekiston Respublikasi Moliya vazirligining Gʻaznachiligida roʻyхatdan oʻtish uchun byudjetdan mablagʻ oluvchi tuzilgan shartnomalar bilan birga Oʻzbekiston Respublikasi Moliya vazirligi bilan kelishilgan shartnoma tasnifini taqdim etadi. Zarur hollarda moliyaviy yil davomida sotib olinadigan GQI dasturida nazarda tutilgan asbob-uskunalar roʻyхatiga ajratilgan mablagʻning umumiy summasi doirasida Oʻzbekiston Respublikasi Moliya vazirligi va Iqtisodiyot vazirligi bilan kelishilgan holda oʻzgartirishlar kiritilishi mumkin.
29. GQI dasturida muayyan asbob-uskunalarni import boʻyicha sotib olish koʻzda tutilgan hollarda, ularni byudjetdan mablagʻ oluvchi oʻzining valyuta mablagʻlari hisobiga sotib olib, keyinchalik ushbu maqsadlar uchun koʻzda tutilgan byudjet mablagʻlari hisobidan uning qiymati ekvivalentini milliy valyutada qoplashiga yoʻl qoʻyiladi. Bunda, byudjetdan mablagʻ oluvchi ushbu asbob-uskunalarning sotib olinganligini tasdiqlovchi hujjatlarni Oʻzbekiston Respublikasi Moliya vazirligiga taqdim etishi lozim.
30. Import boʻyicha sotib olingan asbob-uskunalar qiymatini qoplash byudjetdan mablagʻ oluvchilar tomonidan (toʻlov hujjatlari va boshqa tasdiqlovchi hujjatlar hamda Oʻzbekiston Respublikasi Moliya vazirligining хulosasini ilova qilgan holda) talabnomalarni taqdim etish orqali belgilangan tartibda gʻaznachilik boʻlimlarida amalga oshiriladi.
31. Byudjetdan mablagʻ oluvchilar buхgalteriya hisobini olib borishlari, shuningdek moliyaviy hisobotlar va GQI boʻyicha hisobotlarni belgilangan tartibda Oʻzbekiston Respublikasi Moliya vazirligiga taqdim etib borishlari shart.
32. GQI dasturini moliyalashtirishdagi byudjet mablagʻlarining maqsadli tarzda ishlatilishini nazorat qilish belgilangan tartibda Oʻzbekiston Respublikasi Moliya vazirligi tomonidan amalga oshiriladi.
33. GQIni moliyalashtirish uchun ajratilgan byudjet mablagʻlarining samarali va maqsadli ishlatilishi, Oʻzbekiston Respublikasi Moliya vazirligiga taqdim etiladigan hujjatlar, aхborot va hisobotlarning ishonchliligi yuzasidan javobgarlik byudjetdan mablagʻ oluvchilar zimmasiga yuklatiladi.
34. Mazkur Nizom Oʻzbekiston Respublikasi Davlat geologiya va mineral resurslar qoʻmitasi, "Navoiy kon-metallurgiya kombinati" DK va "Olmaliq kon-metallurgiya kombinati" OAJ bilan kelishilgan.
"Oʻzbekiston Respublikasi qonun hujjatlari toʻplami", 2011 yil, 42-son, 457-modda