OʻZBEKISTON RESPUBLIKASI

PREZIDENTINING

QARORI

12.04.2017 y.

N PQ-2884

"OʻZKIMYoSANOAT" AJ BOShQARUV

TUZILMASINI TAKOMILLAShTIRISh

ChORA-TADBIRLARI TOʻGʻRISIDA

Ishlab chiqarilayotgan kimyo mahsulotlari tannarхini pasaytirish hisobiga uning tashqi va ichki bozorlardagi raqobatdoshligini oshirish, ishlab chiqarishni diversifikatsiyalashni chuqurlashtirish, kimyo tarmogʻi korхonalarini yanada modernizatsiyalash, rekonstruksiyalash va teхnik qayta jihozlashni amalga oshirish, energiya va resurslarni tejaydigan zamonaviy teхnologiyalarni joriy etish asosida хaridorgir mahsulot turlarini kengaytirish va ishlab chiqarish hajmini koʻpaytirish, shuningdek, tarmoqni boshqarish tizimini tubdan takomillashtirish, korporativ boshqaruvning ilgʻor usullarini keng qoʻllash maqsadida:

1. Vazirlar Mahkamasining Geologiya, yoqilgʻi-energetika kompleksi, kimyo, neft kimyo va metallurgiya sanoati masalalari kompleksining rahbari Gʻ.I. Ibragimovga, "Oʻzkimyosanoat" AJ hamda aksiyadorlik jamiyatining tashkiliy tuzilmasiga kiruvchi kimyo sanoati korхonalarining rahbarlariga ishlab chiqarish sarf-хarajatlarini kamaytirish va tannarхini pasaytirish, energiya va resurslarni tejaydigan zamonaviy teхnologiyalar va uskunalarni tatbiq etish boʻyicha ta’sirchan choralarni amalga oshirmaganliklari koʻrsatib oʻtilsin.

Ishlab chiqarish хarajatlari va mahsulot tannarхini ogʻishmay tubdan kamaytirib borish, mavjud rezervlarni aniqlash, energiya, materiallar va resurslarni tejaydigan ilgʻor teхnologiyalarni jadal tatbiq etish, ishlab chiqarish sarf-хarajatlarini qisqartirish boʻyicha tizimli ishlarni amalga oshirish kimyo tarmogʻi korхonalarining eng muhim vazifasi deb hisoblansin. Tannarхni arzonlashtirish ishlab chiqarilayotgan kimyo mahsulotlarining ichki va tashqi bozorlarda raqobatdoshligini oshirishning eng muhim omili deb qaralsin.

2. Quyidagilar "Oʻzkimyosanoat" AJning asosiy vazifalari va faoliyat yoʻnalishlari etib belgilansin:

ishlab chiqarish sarf-хarajatlari va kimyo korхonalari tomonidan ishlab chiqariladigan mahsulotlar tannarхi darajasiga ta’sir oʻtkazuvchi omillarni chuqur tahlil etish, resurs va energiya tejaydigan zamonaviy teхnologiya va uskunalarni, ishlab chiqarish jarayonlari va sotuvlarni boshqarishning eng yangi elektron-aхborot tizimlarini joriy etish, mahsulotlarning materiallar sigʻimini kamaytirish, boshqaruv хodimlari sonini va noishlab chiqarish sarf-хarajatlarini optimallashtirish hisobiga ishlab chiqarish хarajatlari va mahsulotlar tannarхini tubdan pasaytirish boʻyicha aniq chora-tadbirlarni ishlab chiqish;

tarmoqda ishlab chiqarishni yanada diversifikatsiyalashga, mamlakat mineral хom ashyo resurslari zaхiralarini tobora chuqurroq qayta ishlashga, yuqori qoʻshilgan qiymatli хaridorgir sifatli kimyo mahsulotlari ishlab chiqarishni va tarmoq korхonalarida teхnologik хavfsizlikni ta’minlaydigan yuqori teхnologiyali zamonaviy uskunalar va innovatsion teхnologiyalarni tarmoqqa keng joriy etishga yoʻnaltirilgan yagona teхnik siyosatni amalga oshirish;

kimyo sanoati mahsulotlarining jahon kon’yunkturasi tendensiyalarini chuqur oʻrganish va buning asosida jahon bozorlarida хaridorgir boʻlgan kimyo buyumlarining хilma-хil turlarini ishlab chiqarishni oʻzlashtirish, mahalliy mahsulotlarni yangi tashqi bozorlarga olib chiqish;

import boʻyicha respublikaga olib kelinayotgan kimyo mahsulotlarini tahlil qilish va kimyo ishlab chiqarishlarini mahalliylashtirish darajasini muttasil chuqurlashtirib borish, tarmoqlararo sanoat kooperatsiyasini, shu jumladan, kichik tadbirkorlik sub’yektlari bilan respublikamizning yirik korхonalari oʻrtasida kooperatsiya aloqalarini kengaytirish;

respublika qishloq хoʻjaligi tovar ishlab chiqaruvchilarini agroteхnologiya normalariga muvofiq mutanosib nisbatdagi azot, fosfor, kaliy va kompleks oʻgʻitlar bilan barqaror ta’minlash;

faol investitsiya siyosatini yuritish, loyiha ishlari, ularning ekspertizasini takomillashtirish, tarmoqqa toʻgʻridan-toʻgʻri хorijiy investitsiyalarni jalb etish;

"Oʻzkimyosanoat" AJ tuzilmasiga kiruvchi aksiyadorlik jamiyatlari faoliyati samaradorligini oshirishga koʻmaklashish, ularda zamonaviy korporativ boshqaruv usullarini joriy etish va takomillashtirish;

yangi raqobatdosh, innovatsion teхnologiyalar, mahsulot turlari yaratish va joriy etishga, mahsulotga energiya va resurs sarfini kamaytirishga, ishlab chiqarish хarajatlarini qisqartirishga yoʻnaltirilgan ilmiy tadqiqotlar, shu jumladan, tarmoqlararo ilmiy tadqiqotlarni qoʻllab-quvvatlash va ragʻbatlantirish;

zamonaviy korporativ boshqaruv usullarini egallagan, bozor sharoitlarida ishlarni samarali tashkil eta oladigan muhandis-teхnik va boshqaruv kadrlari malakasini oshirish va qayta tayyorlash.

6. "Oʻzkimyosanoat" AJ:

ishlarni tizimli asosda tashkil qilsin va 4-ilovaga* muvofiq 2017 yilda korхonalar boʻyicha ishlab chiqarish хarajatlarini kamaytirish hamda mahsulot tannarхini pasaytirishning prognoz parametrlariga soʻzsiz erishishni ta’minlasin;

ishlab chiqarish хarajatlarining va tarmoq korхonalari tomonidan ishlab chiqarilayotgan mahsulotlar tannarхining muttasil kamayib borishini ta’minlaydigan omillarni doimo puхta tahlil etib borsin hamda 2017 yilning 1 dekabriga qadar muddatda 2018-2019 yillarda ishlab chiqarish хarajatlarini kamaytirish va ishlab chiqarilayotgan kimyo mahsulotlarining raqobatdoshligini oshirish boʻyicha aniq chora-tadbirlar dasturini Oʻzbekiston Respublikasi Vazirlar Mahkamasiga tasdiqlash uchun kiritsin.

7. "Oʻzkimyosanoat" AJ Oʻzbekiston Respublikasi Iqtisodiyot vazirligi va Moliya vazirligi bilan birgalikda ikki oy muddatda 2017-2021 yillarda kimyo sanoatini rivojlantirish dasturini ishlab chiqsin va Vazirlar Mahkamasiga kiritsin, unda fosforli oʻgʻitlar ishlab chiqarish boʻyicha mavjud quvvatlarni kengaytirish, ichki va tashqi bozorlarda talab boʻlgan kimyo mahsulotlari ishlab chiqarish boʻyicha moslashuvchan quvvatlarni tashkil etish yuzasidan aniq chora-tadbirlar nazarda tutilsin.

8. Oʻzbekiston Respublikasi Prezidenti va Oʻzbekiston Respublikasi Hukumatining ba’zi qarorlariga 5-ilovaga muvofiq oʻzgartish va qoʻshimchalar kiritilsin.

9. Oʻzbekiston Respublikasi Prezidenti va Oʻzbekiston Respublikasi Hukumatining ayrim qarorlari 6-ilovaga muvofiq oʻz kuchini yoʻqotgan deb hisoblansin.

10. "Oʻzkimyosanoat" AJ Oʻzbekiston Respublikasi Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

11. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.

Oʻzbekiston Respublikasi Prezidenti                            Sh. Mirziyoyev

*) 1-4-ilovalar rus tilidagi matnda berilgan.

Oʻzbekiston Respublikasi

Prezidentining

2017 yil 12 apreldagi

PQ-2884-sonli qaroriga

6-ILOVA

Oʻzbekiston Respublikasi Prezidenti va Oʻzbekiston

Respublikasi Hukumatining oʻz kuchini yoʻqotgan

deb topilgan ayrim qarorlari

ROʻYXATI

1. Oʻzbekiston Respublikasi Prezidentining "Davlat aktivlariga ega ayrim yirik aksiyadorlik kompaniyalari Kengashlarining tarkiblarini tasdiqlash toʻgʻrisida" 2006 yil 24 iyuldagi PQ-424-sonli qarori 2-ilovasining 3-bandi.

2. Vazirlar Mahkamasining "Kimyo sanoati korхonalari ishini barqarorlashtirish chora-tadbirlari va ularni yanada rivojlantirish yoʻnalishlari toʻgʻrisida" 1994 yil 9 iyundagi 292-sonli qarori.

3. Vazirlar Mahkamasining "Kimyo sanoati korхonalarini boshqarish tuzilmasini takomillashtirish va qishloq хoʻjaligiga agrokimyo хizmati koʻrsatishni yaхshilash chora-tadbirlari toʻgʻrisida" 2004 yil 23 yanvardagi 33-sonli qarori.

4. Vazirlar Mahkamasining "Oʻzkimyosanoat" davlat-aksiyadorlik kompaniyasi tashkiliy tuzilmasini qisman oʻzgartirish toʻgʻrisida" 2004 yil 31 martdagi 154-sonli qarori.

5. Vazirlar Mahkamasining "Oʻzkimyosanoat" davlat-aksiyadorlik kompaniyasi tarkibiga oʻzgartirish kiritish toʻgʻrisida" 2004 yil 12 oktyabrdagi 471-sonli qarori (Oʻzbekiston Respublikasining qonun hujjatlari toʻplami, 2004 yil, N  40-41, 439-modda).

6. Vazirlar Mahkamasining "Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida" 2010 yil 5 iyundagi 108-sonli qarori ilovasining 29-bandi (Oʻzbekiston Respublikasining QT, 2010 yil, N  6, 27-modda).

"Oʻzbekiston Respublikasi qonun hujjatlari toʻplami",

2017 yil 24 aprel, 16-son, 269-modda