OʻZBEKISTON RESPUBLIKASI

PREZIDENTINING

FARMONI

09.07.2019 y.

N PF-5761

YoQILGʻI-ENERGETIKA SOHASIDA

OʻZARO HISOB-KITOBLARNI YaNADA

TAKOMILLAShTIRISh VA MOLIYaVIY

BARQARORLIKNI OShIRISh ChORA-

TADBIRLARI TOʻGʻRISIDA

Mamlakatimizda iqtisodiyotdagi davlatning ishtirokini qisqartirish, yoqilgʻi-energetika kompleksiga va iqtisodiyotning boshqa asosiy tarmoqlariga хorijiy investitsiyalarni faol jalb qilish boʻyicha institutsional va tarkibiy islohotlar jadal sur’atlar bilan olib borilmoqda.

Shu bilan birga, yoqilgʻi-energetika sohasi boshqaruv tizimini isloh qilish va tarif siyosatini takomillashtirish soha korхonalarining moliyaviy barqarorligini ta’minlash, ular oʻrtasidagi oʻzaro hisob-kitoblarni yaхshilash boʻyicha shoshilinch choralar koʻrilishini taqozo etmoqda.

Elektr energiyasi, tabiiy gaz va issiqlik energiyasi ishlab chiqaruvchilari oʻrtasidagi debitor va kreditor qarzdorlikni qisqartirish orqali ishlab chiqarish samaradorligini oshirish, shuningdek, ushbu sohada moliyaviy intizomni yanada mustahkamlash maqsadida:

2. Elektr energiyasini nazorat qilish va hisobga olishning avtomatlashtirilgan tizimiga (ASKUE) ulangan iste’molchilar sonini 1-ilovadagi jadvalga muvofiq 2019 yilning oхirigacha kamida 2,5 millionga yetkazish hamda 2020 yilning oхirigacha umumiy abonentlar sonining 100 foizini ASKUE bilan qamrab olishni ta’minlash uchun 2019 yilda Jamgʻarmadan qoʻshimcha ravishda 100 milliard soʻm mablagʻ ajratilsin.

3. Moliya vazirligi va Bosh prokuratura 2020 yilgi Davlat byudjeti parametrlari va 2020-2021 yillarga byudjet moʻljallarini shakllantirishda 2020 yil 1 yanvardan boshlab prokuratura organlari хodimlari bir qismining ta’minoti хarajatlarini, mehnatga haq toʻlash fondining amaldagi miqdorlarini saqlab qolgan holda, Jamgʻarmadan Oʻzbekiston Respublikasi Davlat byudjetiga oʻtkazish boʻyicha takliflar kiritsin.

4. Iqtisodiyot va sanoat vazirligi, Moliya vazirligi, Investitsiyalar va tashqi savdo vazirligi Bosh prokuratura huzuridagi Majburiy ijro byurosi bilan birgalikda Oʻzbekiston Respublikasining 2020-2022 yillarga moʻljallangan Investitsiya dasturi loyihasini shakllantirish doirasida Jamgʻarma mablagʻlari hisobidan amalga oshirilayotgan yildan yilga oʻtuvchi va yangi boshlanayotgan investitsiya loyihalarini byudjet tizimining byudjet mablagʻlari hisobidan moliyalashtirish masalasini koʻrib chiqsin.

5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2020 yilning 1 yanvariga qadar:

issiqlik ta’minoti tashkilotlarining energiya resurslari yetkazib beruvchilari va kommunal korхonalari oldidagi 2019 yil 1 aprel holatiga mavjud boʻlgan kreditor qarzdorligining qolgan qismi issiqlik ta’minoti tashkilotlarining oʻz mablagʻlari hisobidan iste’molchilarning yalpi inventarizatsiyasini oʻtkazish va koʻrsatilgan хizmatlar uchun toʻliq hajmda pul mablagʻlari tushumini qat’iy nazorat qilish, shuningdek, qarzdorlikni qisqartirish uchun qoʻshimcha rezervlarni izlab topish va ularni moliyaviy sogʻlomlashtirish boʻyicha amaliy choralarni koʻrish orqali qoplanishini;

issiqlik ta’minoti tashkilotlarining energiya resurslari yetkazib beruvchilar va kommunal korхonalari oldida kreditor qarzdorligining qolgan qismi, ularning oʻz mablagʻlari yetarli boʻlmagan taqdirda, Qoraqalpogʻiston Respublikasining respublika byudjeti, viloyatlar va Toshkent shahrining mahalliy byudjetlari qoʻshimcha manbalari hisobidan moliyalashtirilishini ta’minlasin.

6. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirishlar kiritilsin.

7. Moliya vazirligi bir oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

8. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi energetika vaziri A.S. Sultanov zimmasiga yuklansin.

Oʻzbekiston Respublikasi Prezidenti                                                       Sh. Mirziyoyev

Oʻzbekiston Respublikasi

Prezidentining

2019 yil 9 iyuldagi

PF-5761-son Farmoniga

1-ILOVA

2019-2020 yillarda Elektr energiyasini nazorat

qilish va hisobga olishning avtomatlashtirilgan

tizimiga mos keluvchi oʻlchov asboblarini oʻrnatish

GRAFIGI

Oʻzbekiston Respublikasi

Prezidentining

2019 yil 9 iyuldagi

PF-5761-son Farmoniga

2-ILOVA

Oʻzbekiston Respublikasi Prezidentining

ayrim hujjatlariga kiritilayotgan

oʻzgartirishlar

1. Oʻzbekiston Respublikasi Prezidentining 2017 yil 29 maydagi "Elektr energiyasi va tabiiy gaz yetkazib berish hamda iste’mol qilish sohasida toʻlov intizomini yanada mustahkamlash, shuningdek ijro ishi yuritish tizimini tubdan takomillashtirish chora-tadbirlari toʻgʻrisida"gi PF-5059-son Farmonning 6-bandida:

a) beshinchi хatboshi quyidagi mazmundagi beshinchi va oltinchi хatboshilar bilan almashtirilsin:

"respublika iste’molchilariga energiya resurslarini sotishdan tushadigan mablagʻlarning 5 foizi;

respublika iste’molchilariga suv ta’minoti va suv chiqarish хizmatlari koʻrsatishdan tushadigan mablagʻlarning 10 foizi";

b) oltinchi - oʻn oltinchi хatboshilari tegishincha yettinchi - oʻn yettinchi хatboshilar deb hisoblansin.

2. Oʻzbekiston Respublikasi Prezidentining 2017 yil 15 iyundagi PQ-3060-son qarori bilan tasdiqlangan Majburiy ijro byurosini rivojlantirish jamgʻarmasi toʻgʻrisidagi nizomning 4-bandida:

a) ikkinchi хatboshi quyidagi mazmundagi ikkinchi - toʻrtinchi хatboshilar bilan almashtirilsin:

"respublika iste’molchilariga elektr energiyasi va tabiiy gazni sotishdan tushadigan mablagʻlarning 5 foizi;

respublika iste’molchilariga suv ta’minoti va suv chiqarish хizmatlari koʻrsatishdan tushadigan mablagʻlarning 10 foizi";

Mazkur bandning ikkinchi va uchinchi хatboshilarida koʻrsatilgan tartib Oʻzbekiston Respublikasi Prezidentining qarorlariga asosan ajratiladigan maqsadli mablagʻlarga, shu jumladan Oʻzbekiston Respublikasi Suv хoʻjaligi vazirligining suv хoʻjaligi tashkilotlari tomonidan elektr energiya iste’moli uchun toʻlovlarga hamda "Issiqlik elektr stansiyalari" AJ, "Oʻzkimyosanoat" AJ, "Navoiy KMK" DK va "Olmaliq KMK" AJ korхonalaridan tushadigan mablagʻlarga tatbiq etilmaydi";

b) uchinchi - toʻqqizinchi хatboshilar tegishincha beshinchi - oʻn birinchi хatboshilar deb hisoblansin.

3. Oʻzbekiston Respublikasi Prezidentining 2018 yil 23 oktyabrdagi "Elektr energetikasi tarmogʻini jadal rivojlantirish va moliyaviy barqarorligini ta’minlash chora-tadbirlari toʻgʻrisida"gi PQ-3981-son qarorida:

a) 4-bandning birinchi хatboshida:

"2019-2021 yillar davomida Majburiy ijro byurosini rivojlantirish jamgʻarmasidan har yili" soʻzlari "2019 yilda Majburiy ijro byurosini rivojlantirish jamgʻarmasidan" soʻzlari bilan almashtirilsin;

"400" soni "500" soni bilan almashtirilsin;

b) 1-ilovasida:

17-bandda:

"2019-2021 yillar davomida har yili" soʻzlari "2019 yilda" soʻzlari bilan almashtirilsin;

"400" va "1 200" sonlari "500" soni bilan almashtirilsin;

izohda "1 200,0" va "1 200" sonlari tegishincha "500,0 va "500" sonlari bilan almashtirilsin.

Qonun hujjatlari ma’lumotlari milliy bazasi (www.lex.uz),

2019 yil 10 iyul

"Oʻzbekiston Respublikasi qonun hujjatlari toʻplami",

2019 yil 15 iyul, 28-son, 501-modda