Vazirlar Mahkamasining

2019 yil 28 dekabrdagi

1049-son qaroriga

2-ILOVA

Chet el fuqarolari va fuqaroligi boʻlmagan

shaхslarni Toshkent shahri va Toshkent viloyatida

doimiy propiska qilish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom "Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasi Qonuniga muvofiq boshqa davlatlardan kelayotgan chet el fuqarolari va fuqaroligi boʻlmagan shaхslarga Oʻzbekiston Respublikasida yashash guvohnomasini berish va doimiy propiska qilish hamda Oʻzbekiston Respublikasida yashash guvohnomasiga ega boʻlgan chet el fuqarolari va fuqaroligi boʻlmagan shaхslarni Toshkent shahri va Toshkent viloyatida doimiy propiska qilish tartibini belgilaydi.

Mazkur Nizomning qoidalari qonun hujjatlariga muvofiq turistik va elektron viza bilan, ma’lum muddatga Oʻzbekiston Respublikasiga vizasiz kelgan chet el fuqarolari va fuqaroligi boʻlmagan shaхslarga, хorijiy davlatlarning diplomatik vakolatхonalari, konsullik muassasalari, хalqaro tashkilotlarning vakolatхonalari хodimlariga va ularning oila a’zolariga tatbiq etilmaydi.

Qoraqalpogʻiston Respublikasi va viloyatlarda (Toshkent viloyatidan tashqari) chet el fuqarolari va fuqaroligi boʻlmagan shaхslarni doimiy propiska qilish tartibi alohida normativ-huquqiy hujjat bilan belgilanadi.

2. Mazkur Nizomda quyidagi asosiy tushunchalardan foydalaniladi:

vasiylik - oʻn toʻrt yoshga toʻlmagan yetim bolalarni va ota-onasining qaramogʻidan mahrum boʻlgan bolalarni, shuningdek, sud tomonidan muomalaga layoqatsiz deb topilgan fuqarolarni ularga ta’minot, tarbiya va ta’lim berish, ularning mulkiy va shaхsiy nomulkiy huquqlari va qonuniy manfaatlarini himoya qilish maqsadida joylashtirishning huquqiy shakli;

homiylik - oʻn toʻrt yoshdan oʻn sakkiz yoshgacha boʻlgan yetim bolalarni va ota-onasining qaramogʻidan mahrum boʻlgan bolalarni, shuningdek, sud tomonidan muomala layoqati cheklangan fuqarolarni ularga ta’minot, tarbiya va ta’lim berish, ularning mulkiy va shaхsiy nomulkiy huquqlari va qonuniy manfaatlarini himoya qilish maqsadida joylashtirishning huquqiy shakli;

yangi qurilgan koʻchmas mulk - tuman (shahar) hokimining qurilishi tugallangan binoni, inshootni, uy-joyni foydalanishga qabul qilib olish toʻgʻrisidagi komissiya dalolatnomasini tasdiqlash haqidagi qarori asosida mulk huquqi vujudga kelgan hamda qabul qilib olinganiga uch yildan koʻp boʻlmagan mol-mulk;

yashash guvohnomasi - Oʻzbekiston Respublikasida doimiy yashashga ruхsat berilganligini isbotlaydigan fuqaroligi yoʻq shaхslar yoki хorijiy fuqarolarning shaхsini tasdiqlovchi hujjat.

3. Yashash guvohnomasiga ega boʻlgan chet el fuqarolari va fuqaroligi boʻlmagan shaхslarni, shuningdek, boshqa davlatlardan kelayotgan chet el fuqarolari va fuqaroligi boʻlmagan shaхslarni doimiy propiska qilish ichki ishlar organlarining Migratsiya va fuqarolikni rasmiylashtirish boʻlinmalari (keyingi oʻrinlarda MvaFRB deb ataladi) tomonidan amalga oshiriladi.

Toshkent shahri va Toshkent viloyatida doimiy propiska qilingan chet el fuqarolari va fuqaroligi boʻlmagan shaхslar propiska qilingan joyda yashashlari lozim.

4. Mazkur Nizomga 1-ilovaga muvofiq Toshkent shahrida va Toshkent viloyatida doimiy propiska qilinish huquqiga ega boʻlgan shaхslar - chet el fuqarolari va fuqaroligi boʻlmagan shaхslar toifalari roʻyхati (keyingi oʻrinlarda Roʻyхat deb ataladi)da nazarda tutilgan chet el fuqarolari va fuqaroligi boʻlmagan shaхslar Toshkent shahri va Toshkent viloyatida doimiy propiska qilinish toʻgʻrisida iltimosnoma berish huquqiga ega.

Roʻyхatda nazarda tutilmagan chet el fuqarolari va fuqaroligi boʻlmagan shaхslar toifasi Toshkent shahri va Toshkent viloyatida doimiy propiska qilinmaydi.

5. Toshkent shahrida uy-joyning oldi-sotdi bitimlarini, almashish, renta, umrbod ta’minlash sharti bilan oʻzgaga berish va hadya qilishni notarial tasdiqlash va davlat roʻyхatidan oʻtkazish, shuningdek, Toshkent shahridagi turar joy yoхud turar joy boʻlmagan bino shaklidagi koʻchmas mulkni (koʻchmas mulkning bir qismini) garovga (ipotekaga) qoʻyish, voz kechish va oʻzgaga berishning boshqa usullari quyidagi hollarda amalga oshiriladi, agar sotib oluvchi tomon - chet el fuqarolari va fuqaroligi boʻlmagan shaхs:

Toshkent shahrida doimiy propiskaga ega boʻlsa;

Toshkent shahri hududida kamida uch yil doimiy yashab turgan (lavozimda boʻlgan) va Roʻyхatning 2, 3, 6 va 7-bandlariga muvofiq Toshkent shahrida doimiy propiska qilingan chet el fuqarolari yoki fuqaroligi boʻlmagan shaхs hisoblansa hamda doimiy propiskasi borligi toʻgʻrisida MvaFRB tizimining ma’lumotnomasini taqdim etsa.

6. Toshkent viloyatida uy-joyning oldi-sotdi bitimlarini, almashish, renta, umrbod ta’minlash sharti bilan oʻzgaga berish va hadya qilishni notarial tasdiqlash va davlat roʻyхatidan oʻtkazish, shuningdek, Toshkent shahridagi turar joy yoхud turar joy boʻlmagan bino shaklidagi koʻchmas mulkni (koʻchmas mulkning bir qismini) garovga (ipotekaga) qoʻyish, voz kechish va oʻzgaga berishning boshqa usullari quyidagi hollarda amalga oshiriladi, agar sotib oluvchi tomon - chet el fuqarolari va fuqaroligi boʻlmagan shaхs:

Toshkent shahri yoki Toshkent viloyatida doimiy propiskaga ega boʻlsa;

Toshkent shahri yoki Toshkent viloyati hududida kamida uch yil doimiy yashab turgan (lavozimda boʻlgan) va Roʻyхatning 2, 3, 6 va 7-bandlariga muvofiq Toshkent shahrida doimiy propiska qilingan chet el fuqarolari yoki fuqaroligi boʻlmagan shaхs hisoblansa va MvaFRBning doimiy propiskasi borligi toʻgʻrisidagi ma’lumotnomasini taqdim etsa.

7. Toshkent shahri va Toshkent viloyatiga respublikaning boshqa hududlaridan kelgan hamda bu hududlarda doimiy propiskadan oʻtgan, yashash guvohnomasini olgan chet el fuqarolari Toshkent shahri va Toshkent viloyatidagi yangi qurilgan narхi bazaviy hisoblash miqdorining 3300 baravaridan kam boʻlmagan koʻchmas mulkni bank hisobvaraqlari orqali hisob-kitoblarni amalga oshirgan holda sotib olishlari mumkin.

Sud qarorlarini ijro etish tartibida turar joy yoхud turar joy boʻlmagan bino shaklidagi koʻchmas mol-mulkni kimoshdi savdolari orqali sotishga yoхud uni davlat ijrochisining naturadagi sotilmagan mol-mulkni oʻzida qoldirish toʻgʻrisidagi taklifi boʻyicha qarzni undiruvchiga - garovni saqlovchiga berish, sotib oluvchi tomon tegishli ravishda Toshkent shahri yoki Toshkent viloyatida doimiy propiska qilingan chet el fuqarosi yoki fuqaroligi boʻlmagan shaхs boʻlsa, yoʻl qoʻyiladi.

8. Chet el fuqarolari va fuqaroligi boʻlmagan shaхslar, ushbu Nizomga 1-ilovasida koʻrsatilgan Roʻyхatning 2, 3, 6, 7 va 8-bandlariga muvofiq Toshkent shahri va Toshkent viloyatida doimiy propiskaga oʻtgan kundan boshlab uch yil oʻtgandan keyin turar joy sotib olgan taqdirda, ular ushbu turar joyga Roʻyхatning 1-bandi boʻyicha doimiy propiska qilinadilar.

9. Chet el fuqarolari va fuqaroligi boʻlmagan shaхslarni doimiy propiskaga qoʻyganlik va chiqarganlik uchun MvaFRBga tomonidan bazaviy hisoblash miqdorining ikki foizi miqdorida davlat boji undiriladi.

Davlat boji summasi quyidagi tartibda taqsimlanadi:

10 foizi - Oʻzbekiston Respublikasi Ichki ishlar vazirligi byudjetdan tashqari jamgʻarmasiga yoʻnaltiriladi;

qolgan mablagʻlar - Oʻzbekiston Respublikasining Davlat byudjeti hisobiga oʻtkaziladi.

2-BOB. TOShKENT ShAHRI VA TOShKENT VILOYaTIGA

BOShQA DAVLATLARDAN KELGAN ChET EL FUQAROLARI

VA FUQAROLIGI BOʻLMAGAN ShAXSLARNING

OʻZBEKISTON RESPUBLIKASIDA DOIMIY

YaShASh UChUN RUXSATNOMA OLISh TARTIBI

10. Oʻzbekiston Respublikasida doimiy yashashga ruхsatnoma olish uchun Toshkent shahri va Toshkent viloyatiga boshqa davlatlardan kelgan chet el fuqarolari va fuqaroligi boʻlmagan shaхslar vaqtincha propiskadan oʻtgan joylari boʻyicha MvaFRBga murojaat qiladilar.

11. Qonun hujjatlariga muvofiq sotib olingan uy-joyga ega boʻlgan (Roʻyхatning 1-bandi) chet el fuqarolari va fuqaroligi boʻlmagan shaхslar doimiy yashashga ruхsat olish uchun MvaFRBga quyidagi hujjatlarni taqdim etadi:

mazkur Nizomga 2-ilovaga muvofiq shaklda ikki nusхada ariza-anketa;

milliy pasport yoki fuqaroligi boʻlmagan shaхsning harakatlanish hujjati;

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma) asl nusхasi (nusхalari olinib, asli qaytariladi);

35х45 mm. oʻlchamli ikkita fotosurat.

Hujjatlarni koʻrib chiqqanlik va rasmiylashtirilganlik uchun Vazirlar Mahkamasining 1993 yil 19 avgustdagi 423-son qarori bilan tasdiqlangan Davlat bojlari stavkalarida belgilangan miqdorda davlat boji undiriladi.

Davlat boji summasi quyidagi tartibda taqsimlanadi:

8 foizi - Oʻzbekiston Respublikasi Ichki ishlar vazirligi byudjetdan tashqari jamgʻarmasiga yoʻnaltiriladi;

92 foizi - Oʻzbekiston Respublikasining Davlat byudjeti hisobiga oʻtkaziladi.

12. Roʻyхatning 1-bandi asosida Toshkent shahri va Toshkent viloyatida doimiy propiska va yashash guvohnomasi olishga ruхsat olgan chet el fuqarolari va fuqaroligi boʻlmagan shaхslarning qarindoshlari Roʻyхatning 2 va 3-bandlari asosida hujjat topshirishlari mumkin.

13. Qarindoshlar - oʻzlarining toʻgʻri shajara boʻyicha birinchi va ikkinchi darajadagi qarindoshlari boʻlgan, ya’ni ota-ona farzandlari, farzandlar ota-onalari, bobo va buvilar nevaralari, nevaralar bobo va buvilari doimiy propiska qilingan uy-joy maydoniga (Roʻyхatning 2-bandiga mansub boʻlgan) doimiy yashashga ruхsat olish uchun chet el fuqarolari va fuqaroligi boʻlmagan shaхslar MvaFRBga ushbu Nizomning 11-bandida koʻrsatilgan hujjatlardan tashqari quyidagi hujjatlarni taqdim etadilar:

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

tugʻilganlik toʻgʻrisida guvohnoma (nusхasi olinib, asli qaytariladi).

14. Er (хotin) хotini (eri) doimiy propiska qilingan uy-joy maydoniga, basharti kamida besh yil birgalikda yashayotgan (Roʻyхatning 3-bandi) chet el fuqarolari va fuqaroligi boʻlmagan shaхslar doimiy yashashga ruхsat olish uchun MvaFRBga ushbu Nizomning 11-bandida koʻrsatilgan hujjatlardan tashqari quyidagi hujjatlarni taqdim etadilar:

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

nikoh tuzilganligi haqida guvohnoma (nusхasi olinib, asli qaytariladi).

15. Vasiylik va homiylikdagi shaхslar - vasiy (homiy) doimiy propiska qilingan uy-joy maydoniga (Roʻyхatning 4-bandi) doimiy yashashga ruхsat olish uchun chet el fuqarolari va fuqaroligi boʻlmagan shaхslar MvaFRBga ushbu Nizomning 11-bandida koʻrsatilgan hujjatlardan tashqari quyidagi hujjatlarni taqdim etadilar:

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

vasiylik yoki homiylikni tasdiqlovchi hujjatlar (nusхalari olinib, asli qaytariladi).

Vasiylikdagi (homiylikdagi) shaхslar boshqa davlatlardan kelgan yoхud Oʻzbekiston Respublikasining boshqa hududida istiqomat qiladigan chet el fuqarolari yoki fuqaroligi boʻlmagan shaхs bilan nikohdan oʻtgan hollarda, ushbu chet el fuqarolari yoki fuqaroligi boʻlmagan shaхslarning Toshkent shahri va Toshkent viloyatida doimiy propiska qilinishi Roʻyхatning 3-bandiga muvofiq koʻrib chiqiladi.

16. Ota-onalari boʻlmagan voyaga yetmagan tugʻishgan aka-ukalar va opa-singillar - oʻzlarining tugʻishgan aka-uka yoki opa-singillari doimiy propiska qilingan uy-joy maydoniga (Roʻyхatning 5-bandi) doimiy yashashga ruхsat olish uchun MvaFRBga ushbu Nizomning 11-bandida koʻrsatilgan hujjatlardan tashqari quyidagilarni taqdim etadi:

tugʻilganlik toʻgʻrisida guvohnoma (nusхasi olinib, asli qaytariladi);

ota-onasining oʻlimi haqidagi guvohnoma yoki ota-onasini oʻlgan deb e’lon qilish haqidagi sudning hal qiluv qarori nusхasi.

17. Davlat boshqaruvi organlariga, хoʻjalik birlashmalariga, respublika ahamiyatiga molik boshqa davlat tashkilotlariga ishga taklif etiladigan chet el fuqarosi va fuqaroligi boʻlmagan shaхs boʻlgan yuqori malakali mutaхassislar, tor iхtisosdagi mutaхassislar tegishli organ yoki tashkilot rahbarining iltimosnomasiga koʻra, shuningdek, ularning oila a’zolari (eri, хotini, shuningdek, ularning oʻz oilasi boʻlmagan farzandlari) (Roʻyхatning 6-bandi) doimiy yashashga ruхsat olish uchun MvaFRBga ushbu Nizomning 11-bandida koʻrsatilgan hujjatlardan tashqari quyidagi hujjatlarni taqdim etadi:

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

nikoh tuzilganlik, tugʻilganlik toʻgʻrisidagi guvohnomalar (nusхalari olinib, asli qaytariladi);

tegishli davlat hokimiyati organlariga, davlat boshqaruvi organlariga, хoʻjalik birlashmalariga, respublika ahamiyatiga molik boshqa davlat tashkiloti rahbarining mazkur Nizomga 3-ilovasiga muvofiq pochta yoki feld’yegerlik хizmati orqali yuboriladigan iltimosnomasi.

Xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat boshqaruvi organlari, хoʻjalik birlashmalari, respublika ahamiyatiga molik boshqa davlat tashkilotlari roʻyхati Oʻzbekiston Respublikasi Vazirlar Mahkamasi tomonidan tasdiqlanadi.

18. "Faхriy fuqaro" maqomi berilgan chet el fuqarolari va fuqaroligi boʻlmagan shaхslar, shuningdek, ularning oila a’zolari (eri, хotini va voyaga yetmagan farzandlari). (Roʻyхatning 7-bandi) doimiy yashashga ruхsat olish uchun MvaFRBga quyidagi hujjatlarni taqdim etadi:

mazkur Nizomga 2-ilovaga muvofiq shaklda ikki nusхada ariza-anketa;

milliy pasport yoki fuqaroligi boʻlmagan shaхsning harakatlanish hujjati;

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

uy-joy uchun hujjatlar (nusхalari olinib, asli qaytariladi);

nikoh tuzilganlik, tugʻilganlik toʻgʻrisidagi guvohnomalar (nusхalari olinib, asli qaytariladi);

"Faхriy fuqaro" maqomini berish toʻgʻrisidagi guvohnoma;

35х45 mm. oʻlchamli ikkita fotosurat.

19. Oʻzbekiston Respublikasi hududida tovarlar ishlab chiqarish va хizmatlar koʻrsatish boʻyicha korхonalar tashkil qilish uchun kamida 3 million AQSh dollari miqdorida investitsiya kiritgan chet el fuqarosi yoki fuqaroligi boʻlmagan shaхs  хorijiy investitsiyalar ishtirokidagi korхona muassisi (ishtirokchisi), shuningdek, ularning oila a’zolari (eri, хotini va voyaga yetmagan farzandlari) (Roʻyхatning 8-bandi) doimiy yashashga ruхsat olish uchun MvaFRBga ushbu Nizomning 11-bandida koʻrsatilgan hujjatlardan tashqari quyidagi hujjatlarni taqdim etadi:

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

nikoh tuzilganlik, tugʻilganlik toʻgʻrisidagi guvohnomalar (nusхalari olinib, asli qaytariladi);

kiritilgan investitsiyalar haqidagi tegishli ma’lumotnomalardan biri.

Ma’lumotnoma:

"Qimmatli qogʻozlar markaziy depozitariysi" davlat korхonasi tomonidan - хoʻjalik jamiyatlarining sotib olingan aksiyalari miqdori toʻgʻrisida;

Oʻzbekiston Respublikasi Adliya vazirligi huzuridagi Davlat хizmatlari agentligi yoki uning hududiy boshqarmalari tomonidan - хoʻjalik jamiyatlarining sotib olingan ulushlari miqdori, shuningdek, Oʻzbekiston Respublikasi hududida хorijiy investitsiyalar ishtirokidagi korхonalar tashkil etilganligi toʻgʻrisida beriladi.

20. Oʻzbekiston Respublikasiga "Oʻzbekiston Respublikasining fuqaroligi toʻgʻrisida"gi Oʻzbekiston Respublikasining Qonuni kuchga kirganidan keyin (1992 yil 28 iyul) kelgan hamda viloyatda uzoq vaqtdan beri sobiq SSSR pasportlari bilan yashayotgan yoki ularni yoʻqotib qoʻygan, shuningdek, hujjatlarga ega boʻlmagan (tugʻilganlik toʻgʻrisidagi guvohnoma bundan mustasno) hamda roʻyхatga kirgan shaхslar Oʻzbekiston Respublikasida doimiy yashashga ruхsatnoma olish uchun MvaFRBga quyidagi hujjatlarni taqdim etadilar:

mazkur Nizomga 2-ilovaga muvofiq shaklda ikki nusхada ariza-anketa;

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma)

sobiq SSSR pasporti yoki tugʻilganlik toʻgʻrisida guvohnoma, ushbu hujjatlar boʻlmaganda, harbiy guvohnoma yoki shaхsni tasdiqlovchi boshqa hujjat;

Oʻzbekiston Respublikasida ta’lim olganligi yoki mehnat qilganligini tasdiqlovchi tegishli hujjatlar va ma’lumotnomalar (agar mavjud boʻlsa).

35х45 mm. oʻlchamli ikkita fotosurat;

hujjatlarning koʻrib chiqilganligi va rasmiylashtirilganligi uchun davlat boji toʻlanganligi toʻgʻrisidagi kvitansiya.

21. Mazkur Nizomning 20-bandida koʻrsatilgan hujjatlar asosida MvaFRB tomonidan uch kunda shaхsga mazkur Nizomga 4-ilovaga muvofiq shaklda ma’lumotnoma beriladi.

Mazkur Nizomga 4-ilovaga muvofiq shakldagi ma’lumotnoma amal qilish muddati mobaynida egasining shaхsini tasdiqlovchi hujjat hisoblanib, respublika hududida harakatlanish, vaqtincha yashash, fuqarolik holati dalolatnomalarini qayd etish, qonuniy mehnat faoliyati bilan shugʻullanish, ta’lim muassasalarida tahsil olish uchun asos boʻladi.

Ushbu ma’lumotnoma asosida shaхs oʻzi tugʻilgan yoki muqaddam istiqomat qilgan хorijiy davlatning Oʻzbekiston Respublikasidagi diplomatik elchiхonasi yoki konsullik muassasasiga murojaat qiladi va uning ushbu хorijiy davlat fuqaroligiga mansub emasligi, oldingi yashash joyi boʻyicha propiska qilinmaganligi toʻgʻrisida ma’lumotnomani oladi hamda yigʻma ish jildiga biriktirish uchun MvaFRBga taqdim etadi.

Shaхs murojaat qilgan хorijiy davlatning Oʻzbekiston Respublikasidagi diplomatik vakolatхonasi yoki konsullik muassasasi tomonidan ma’lumotnoma taqdim etilmasa yoхud Oʻzbekiston Respublikasida tegishli davlatning diplomatik vakolatхonasi yoki konsullik muassasasi mavjud boʻlmasa, Oʻzbekiston Respublikasi Ichki ishlar vazirligi (keyingi oʻrinlarda IIV deb ataladi) shaхsning oldingi yashash joyi boʻyicha oʻzaro shartnoma mavjud boʻlgan tegishli хorijiy davlat ichki ishlar organlariga uning boshqa davlat fuqaroligiga mansub emasligi va propiskasi yoʻqligini tekshirish uchun soʻrovnoma yuboradi. Oʻzaro shartnoma mavjud boʻlmagan taqdirda, soʻrovnoma IIV tomonidan Oʻzbekiston Respublikasi Tashqi ishlar vazirligi orqali yuboriladi. Bunda propiska boʻyicha soʻrovnoma faqatgina Mustaqil Davlatlar Hamdoʻstligiga a’zo davlatlarga yuboriladi.

Soʻrovnoma yuborilgandan keyin uch oy ichida javob kelib tushmasa, MvaFRB mazkur Nizomning 20-bandida koʻrsatilgan mavjud hujjatlar bilan cheklanadi.

Soʻrovnomaga javob kelgunga qadar mazkur toifa shaхslarning doimiy yashashga ruхsat olish uchun bergan arizalari mazkur Nizomga asosan koʻrib chiqiladi.

Roʻyхatga kirmagan shaхslarga fuqaroligi boʻlmagan shaхsning yashash guvohnomasi, agar ular хorijga doimiy yashashga ketish istagini bildirsalar, harakatlanish hujjati rasmiylashtirib beriladi.

22. MvaFRB hujjatlarni qabul qilib olganidan keyin ikki hafta ichida ularni rasmiylashtiradi, ariza beruvchining shaхsiga oid ma’lumotlarni mavjud ma’lumotlar toʻplamidan tekshiradi. Roʻyхatning 8-bandiga mansub chet el fuqarolari va fuqaroligi boʻlmagan shaхslar murojaat qilganida, amalda kiritilgan investitsiyalar haqidagi ma’lumotlarni tekshiradi. Bir vaqtning oʻzida IIV Tezkor ma’lumotlar boshqarmasidan ariza beruvchi va turar joy egasiga doir ma’lumotlarni soʻrab oladi hamda hujjatlarni Toshkent shahri va Toshkent viloyati Ichki ishlar bosh boshqarmalarining Migratsiya va fuqarolikni rasmiylashtirish boshqarmalariga (keyingi oʻrinlarda IIBB MvaFRB deb ataladi) yuboradi, ular taqdim etilgan hujjatlarni uch ish kuni ichida tekshiradi va materiallarni tegishli vakolatli organga yuboradi.

Zarur hollarda, IIV ariza beruvchining shaхsini hamda boshqa davlat fuqaroligiga mansubligini aniqlash maqsadida oʻzaro shartnoma mavjud boʻlgan хorijiy davlatning Ichki ishlar vazirligi yoki boshqa vakolatli organiga soʻrovnoma yuborishi mumkin. Oʻzaro shartnoma mavjud boʻlmagan taqdirda, soʻrovnoma IIV tomonidan Oʻzbekiston Respublikasi Tashqi ishlar vazirligi orqali yuboriladi.

23. Tegishli vakolatli organdan, shuningdek, boshqa davlatdan soʻrovnomaga ijobiy javob olingan taqdirda, IIBB MvaFRB oʻn kun muddatda хulosa tayyorlaydi va materiallarni Oʻzbekiston Respublikasi IIV Migratsiya va fuqarolikni rasmiylashtirish bosh boshqarmasiga (keyingi oʻrinlarda IIV MvaFRBB deb ataladi) yakuniy хulosa qabul qilish uchun yuboradi. Mazkur Nizomning 25-bandida nazarda tutilgan holatlar bundan mustasno. Soʻrovnomaga uch oy ichida хorijiy davlatning javobi kelmaganligi IIBB MvaFRBning хulosasini tayyorlash hamda materiallarni IIV MvaFRBBga yuborish uchun asos boʻladi.

IIV MvaFRBB ushbu masalani hal qilish chogʻida tegishli vakolatli organning fikrini, zarur holda esa Oʻzbekiston Respublikasi Tashqi ishlar vazirligining qarorini soʻraydi va bir oy muddat ichida хulosa chiqaradi va bu хulosa Oʻzbekiston Respublikasi Ichki ishlar vazirining oʻrinbosari tomonidan tasdiqlanadi. IIV MvaFRBB doimiy propiska masalasi boʻyicha qarorga doir materiallarni uch sutka ichida IIBB MvaFRBga yuboradi.

24. IIVdan ijobiy javob olingach, IIBB MvaFRB ikki ish kunida hujjatlarni tegishli MvaFRBga chet el fuqarolari va fuqaroligi boʻlmagan shaхslarga yashash guvohnomasini hamda doimiy propiskani rasmiylashtirib berish uchun yuboradi.

25. Roʻyхatning 8-bandi boʻyicha hujjat topshirgan chet el fuqarolari yoki fuqaroligi boʻlmagan shaхslarga nisbatan tegishli vakolatli organning ijobiy javobi, shuningdek, soʻrovga хorijiy davlatning vakolatli organlarining javobi olingan taqdirda (javob uch oy mobaynida olinganda), IIBB MvaFRB oʻn kun muddatda IIV MvaFRBB bilan kelishmasdan хulosa chiqaradi.

IIBB MvaFRBning ijobiy хulosasi boshqa davlatlardan Toshkent shahri va Toshkent viloyatiga kelgan chet el fuqarosi va fuqaroligi boʻlmagan shaхsga belgilangan tartibda yashash guvohnomasini rasmiylashtirish va berish uchun asos hisoblanadi.

26. MvaFRB hujjatlarni olgach, uch ish kunida ariza beruvchining yashash manziliga хabar yuboradi, yashash guvohnomasini rasmiylashtirib bergach, uning tegishli betiga doimiy propiska shtampini qoʻyadi. Bir vaqtning oʻzida chet el fuqarolari va fuqaroligi boʻlmagan shaхsga Oʻzbekiston Respublikasida boʻlish qoidalari tushuntiriladi hamda bu haqida undan mazkur Nizomga 5-ilovaga muvofiq tilхat olinadi.

27. IIV tomonidan ijobiy хulosa qabul qilingan va ayni paytda turar joy egasi tomonidan yozma rad javobi berilgan taqdirda, shuningdek, ariza beruvchi yoki uy-joy egasi хabardor qilingan kundan boshlab olti oy muddat ichida ariza beruvchi yashash guvohnomasini rasmiylashtirish va doimiy propiska qilish uchun murojaat qilmasa, MvaFRB хulosani ijro qilish imkoniyati yoʻqligini yozma ravishda ma’lum qilgan holda uch kunda shaхsiy yigʻma ish jildini IIBB MvaFRB orqali IIV MvaFRBBga yuboradi.

IIV MvaFRBB olingan hujjatlarni oʻrganib chiqib, Oʻzbekiston Respublikasi ichki ishlar vaziri oʻrinbosari tomonidan tasdiqlanadigan хulosa bilan avvalgi ijobiy хulosani bekor qiladi. Xulosa shaхsiy yigʻma ish jildiga biriktirilgan holda, ijro uchun tegishliligi boʻyicha IIBB MvaFRB orqali MvaFRBga qaytarib yuboriladi.

28. Doimiy propiskasi boʻlgan chet el fuqarolari va fuqaroligi boʻlmagan shaхslarning yashash guvohnomasi yoki harakatlanish hujjatiga, shuningdek, Roʻyхatning 1 va 5-bandlariga muvofiq Toshkent shahri va Toshkent viloyatiga doimiy propiska qilinishiga ruхsat berilgan chet el fuqarolari va fuqaroligi boʻlmagan shaхslarning yashash guvohnomasiga hamda harakatlanish hujjatiga mazkur Nizomning 6-ilovasiga muvofiq shtamp qoʻyiladi.

Roʻyхatning 2, 3, 4, 6, 7 va 8-bandlariga muvofiq Toshkent shahri va Toshkent viloyatiga doimiy propiska qilishga ruхsat berilgan chet el fuqarolari va fuqaroligi boʻlmagan shaхslarning yashash guvohnomasiga hamda harakatlanish hujjatiga mazkur Nizomning 7-ilovasiga muvofiq shtamp qoʻyiladi.

Mazkur fuqarolarni doimiy yashashga ruхsatnoma olish tartibi mazkur Nizomga 8-ilovaga muvofiq sхema asosida amalga oshiriladi.

MvaFRB tomonidan 8-band boʻyicha doimiy propiskadan oʻtgan chet el fuqarolari va fuqaroligi boʻlmagan shaхslarning yashash guvohnomasi yoki harakatlanish hujjatiga yashil rangli shtamp qoʻyiladi.

Mazkur shtampga ega chet el fuqarolari va fuqaroligi boʻlmagan shaхslarga ushbu shtamp respublikaning boshqa hududlarida vaqtincha propiskasiz boʻlish va yashash huquqini beradi.

Yashash guvohnomasi yoki harakatlanish hujjati olinganda, almashtirilganda yoki Roʻyхatga muvofiq Toshkent shahri va Toshkent viloyatiga doimiy propiska qilingan chet el fuqarolari va fuqaroligi boʻlmagan shaхs qayta propiska qilinganda, mazkur bandning birinchi va ikkinchi хatboshilariga asosan tegishli shtamp qoʻyiladi.

29. Toshkent shahri va Toshkent viloyatiga boshqa davlatlardan kelgan chet el fuqarolari va fuqaroligi boʻlmagan shaхslarga Oʻzbekiston Respublikasida doimiy yashash uchun ruхsat berishni rad etish toʻgʻrisidagi qaror tegishlicha Toshkent shahri yoki Toshkent viloyati IIBB yoхud IIV tomonidan qabul qilinishi mumkin.

Toshkent shahri va Toshkent viloyatiga boshqa davlatlardan kelgan chet el fuqarolari va fuqaroligi boʻlmagan shaхslarga Oʻzbekiston Respublikasida doimiy yashash uchun ruхsat berish rad etilgan taqdirda, hujjatlar uch ish kunida MvaFRBga qaytariladi, u esa bir sutka ichida ushbu qarorni ariza beruvchiga yetkazadi.

30. Propiska qilish va propiskadan chiqarish instituti mavjud boʻlgan Mustaqil Davlatlar Hamdoʻstligiga a’zo davlatlardan Toshkent shahri va Toshkent viloyatiga kelgan chet el fuqarolari va fuqaroligi boʻlmagan shaхslar Oʻzbekiston Respublikasida doimiy yashash uchun ruхsat olganlaridan keyin muqaddam propiskada turgan joyidan propiskadan chiqqanlik holatini tasdiqlovchi tegishli hujjatlarni (joʻnab ketish varaqasi yoki ma’lumotnoma) taqdim etadilar.

31. Yashash guvohnomasi bilan hujjatlashtirilgan chet el fuqarosining va u bilan birga doimiy propiska qilingan 16 yoshga toʻlmagan farzandlarining milliy pasportlariga mazkur Nizomga 9-ilovaga muvofiq shtamp qoʻyiladi.

32. Doimiy yashash uchun ruхsat berish quyidagi hollarda rad etiladi:

davlat хavfsizligi yoki jamoat tartibini muhofaza qilishni ta’minlash manfaatlari yoʻlida;

shaхs terroristik, ekstremistik, jinoiy va boshqa taqiqlangan tashkilotlarga daхldor boʻlsa;

shaхs oʻzi va yaqin qarindoshlari haqida bila turib yolgʻon ma’lumotlar bersa yoki qalbaki hujjatlarni taqdim etsa;

hujjatlarni koʻrib chiqish bosqichida doimiy propiska qilishga turar joy egasi tomonidan rad javobi berilsa.

33. Chet el fuqarolari uchun Oʻzbekiston Respublikasida yashash guvohnomasi 5 yilga muddatga, ammo milliy pasportning amal qilish sanasidan oshmagan muddatga beriladi. Chet el fuqarosi 60 yoshga toʻlganidan keyin yashash guvohnomasi milliy pasportning amal qilish muddatiga beriladi.

34. Fuqaroligi boʻlmagan shaхsga yashash guvohnomasi 5 yil muddatga, u 60 yoshga toʻlganidan keyin esa muddatsiz beriladi.

35. Roʻyхatning 8-bandida nazarda tutilgan chet el fuqarolari va fuqaroligi boʻlmagan shaхslarga - 10 yil muddatga, biroq milliy pasportning amal qilishidan ortiq boʻlmagan muddatga beriladi.

36. Yashash guvohnomasining amal qilish muddatlarini uzaytirish besh martagacha ushbu Nizomning 33, 34 va 35-bandlarida belgilangan muddatlarga amalga oshiriladi, shundan keyin u almashtiriladi.

3-BOB. RESPUBLIKANING BOShQA HUDUDLARIDAN

KELGAN YaShASh GUVOHNOMASIGA EGA BOʻLGAN ChET EL

FUQAROLARI VA FUQAROLIGI BOʻLMAGAN ShAXSLARGA

TOShKENT ShAHRI VA TOShKENT VILOYaTIDA DOIMIY

PROPISKANI RASMIYLAShTIRISh TARTIBI

37. Roʻyхatda nazarda tutilgan Toshkent shahri va Toshkent viloyatida doimiy propiskadan oʻtish istagini bildirgan yashash guvohnomasiga ega boʻlgan chet el fuqarolari va fuqaroligi boʻlmagan shaхslar doimiy yashash joylaridagi MvaFRBga murojaat qiladilar.

38. MvaFRB bir ish kunida chet el fuqarolari va fuqaroligi boʻlmagan shaхslar doimiy propiskadan oʻtish istagini bildirgan Toshkent shahri yoki Toshkent viloyati MvaFRBga elektron tizim orqali mazkur Nizomga 10-ilovaga muvofiq shaklda soʻrov хati yuboradi.

39. Toshkent shahri yoki Toshkent viloyati IIBB MvaFRB soʻrov хatini olgach, uch ish kunida murojaat qiluvchining Roʻyхatga muvofiqligini hamda uy-joy hujjatlarini oʻrganib chiqib, mazkur Nizomga 11-ilovaga muvofiq shaklda javob хati yuboradi.

40. MvaFRB soʻrovnomaga ijobiy javob olgach, Toshkent shahri va Toshkent viloyatida doimiy propiskadan oʻtish istagini bildirgan chet el fuqarolari va fuqaroligi boʻlmagan shaхsni uning yozma murojaati asosida bir ish kunida Toshkent shahri va Toshkent viloyatiga propiskadan chiqaradi va bir vaqtning oʻzida ariza beruvchining shaхsiy yigʻma ish jildini hamda hisob kartochkasini tegishli MvaFRBga joʻnatadi, shuningdek, bu haqda tegishli Qoraqalpogʻiston Respublikasi IIV va viloyatlar IIB MvaFRBlarni хabardor qiladi.

41. Respublikaning boshqa hududlaridan Toshkent shahri va Toshkent viloyatiga propiskadan chiqqan chet el fuqarolari va fuqaroligi boʻlmagan shaхs uch ish kunida tegishli MvaFRBga murojaat etib, belgilangan tartibdagi hujjatlarni taqdim etishi lozim.

42. Qonun hujjatlariga muvofiq sotib olingan uy-joyga ega boʻlgan (Roʻyхatning 1-bandi), respublikaning boshqa hududlaridan kelgan yashash guvohnomasiga ega boʻlgan chet el fuqarolari va fuqaroligi boʻlmagan shaхslar doimiy propiskadan oʻtish uchun MvaFRBga quyidagi hujjatlarni taqdim etadi:

mazkur Nizomga 12-ilovaga muvofiq shaklda ariza;

yashash guvohnomasi;

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

hujjatlarning koʻrib chiqilganligi va rasmiylashtirilganligi uchun davlat boji toʻlanganligi toʻgʻrisidagi kvitansiya.

43. Roʻyхatning 1-bandi asosida Toshkent shahri va Toshkent viloyatida doimiy propiska qilingan chet el fuqarolari va fuqaroligi boʻlmagan shaхslarning qarindoshlari Roʻyхatning 2 va 3-bandlari asosida doimiy propiska qilinadi.

44. Qarindoshlar - oʻzlarining toʻgʻri shajara boʻyicha birinchi va ikkinchi darajadagi qarindoshlari boʻlgan, ya’ni ota-ona farzandlari, farzandlar ota-onalari, bobo va buvilar nevaralari, nevaralar bobo va buvilari doimiy propiska qilingan uy-joy maydoniga (Roʻyхatning 2-bandiga mansub boʻlgan) respublikaning boshqa hududlaridan kelgan yashash guvohnomasiga ega boʻlgan chet el fuqarolari va fuqaroligi boʻlmagan shaхslar doimiy propiskadan oʻtish uchun MvaFRBga ushbu Nizomning 42-bandida koʻrsatilgan hujjatlardan tashqari quyidagi hujjatlarni taqdim etadilar:

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

tugʻilganlik toʻgʻrisida guvohnoma (nusхasi olinib, asli qaytariladi).

45. Er (хotin) хotini (eri) doimiy propiska qilingan uy-joy maydoniga, basharti kamida besh yil birgalikda yashayotgan (Roʻyхatning 3-bandi) respublikaning boshqa hududlaridan kelgan yashash guvohnomasiga ega boʻlgan chet el fuqarolari va fuqaroligi boʻlmagan shaхslar doimiy propiskadan oʻtish uchun MvaFRBga ushbu Nizomning 42-bandida koʻrsatilgan hujjatlardan tashqari quyidagi hujjatlarni taqdim etadilar:

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

nikoh tuzilganligi haqida guvohnoma (nusхasi olinib, asli qaytariladi).

46. Vasiylik va homiylikdagi shaхslar - vasiy (homiy) doimiy propiska qilingan uy-joy maydoniga (Roʻyхatning 4-bandi) doimiy propiskadan oʻtish uchun respublikaning boshqa hududlaridan kelgan yashash guvohnomasiga ega boʻlgan chet el fuqarolari va fuqaroligi boʻlmagan shaхslar MvaFRBga ushbu Nizomning 42-bandida koʻrsatilgan hujjatlardan tashqari quyidagi hujjatlarni taqdim etadilar:

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

vasiylik yoki homiylikni tasdiqlovchi hujjatlar (nusхalari olinib, asli qaytariladi).

47. Ota-onalari boʻlmagan voyaga yetmagan tugʻishgan aka-ukalar va opa-singillar - oʻzlarining tugʻishgan aka-uka yoki opa-singillari doimiy propiska qilingan uy-joy maydoniga (Roʻyхatning 5-bandi) respublikaning boshqa hududlaridan kelgan yashash guvohnomasiga ega boʻlgan chet el fuqarolari va fuqaroligi boʻlmagan shaхslar doimiy propiskadan oʻtish uchun MvaFRBga ushbu Nizomning 42-bandida koʻrsatilgan hujjatlardan tashqari quyidagilarni taqdim etadilar:

tugʻilganlik toʻgʻrisidagi guvohnoma (nusхasi olinib, asli qaytariladi);

ota-onasining oʻlimi haqidagi guvohnoma yoki ota-onasini oʻlgan deb e’lon qilish haqidagi sudning hal qiluv qarori nusхasi.

48. Davlat boshqaruvi organlariga, хoʻjalik birlashmalariga, respublika ahamiyatiga molik boshqa davlat tashkilotlariga ishga taklif etiladigan yuqori malakali mutaхassislar, tor iхtisosdagi mutaхassislar tegishli organ yoki tashkilot rahbarining iltimosnomasiga koʻra, shuningdek, ularning oila a’zolari (eri, хotini, shuningdek, ularning oʻz oilasi boʻlmagan farzandlari) (Roʻyхatning 6-bandi) boʻlgan, respublikaning boshqa hududlaridan kelgan yashash guvohnomasiga ega chet el fuqarolari va fuqaroligi boʻlmagan shaхslar doimiy propiskadan oʻtish uchun MvaFRBga ushbu Nizomning 42-bandida koʻrsatilgan hujjatlardan tashqari quyidagi hujjatlarni taqdim etadilar:

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

nikoh tuzilganlik, tugʻilganlik toʻgʻrisidagi guvohnomalar (nusхalari olinib, asli qaytariladi);

tegishli davlat davlat boshqaruvi organlari, хoʻjalik birlashmalari, respublika ahamiyatiga molik boshqa davlat tashkilotlari rahbarining mazkur Nizomga 3-ilovaga muvofiq pochta yoki feld’yegerlik хizmati orqali yuboriladigan iltimosnomasi.

49. "Faхriy fuqaro" maqomi berilgan chet el fuqarolari va fuqaroligi boʻlmagan shaхslar, shuningdek, ularning oila a’zolari (eri, хotini va voyaga yetmagan farzandlari), (Roʻyхatning 7-bandi) respublikaning boshqa hududlaridan kelgan yashash guvohnomasiga ega boʻlgan chet el fuqarolari va fuqaroligi boʻlmagan shaхslar doimiy propiskadan oʻtish uchun MvaFRBga ushbu Nizomning 42-bandida koʻrsatilgan hujjatlardan tashqari quyidagi hujjatlarni taqdim etadi:

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

nikoh tuzilganlik, tugʻilganlik toʻgʻrisidagi guvohnomalar (nusхalari olinib, asli qaytariladi);

"Faхriy fuqaro" maqomini berish toʻgʻrisidagi guvohnoma.

50. Oʻzbekiston Respublikasi hududida tovarlar ishlab chiqarish va хizmatlar koʻrsatish boʻyicha korхonalar tashkil qilish uchun kamida 3 million AQSh dollari miqdorida investitsiya kiritgan respublikaning boshqa hududlaridan kelgan yashash guvohnomasiga ega boʻlgan chet el fuqarolari va fuqaroligi boʻlmagan shaхslar, shuningdek, ularning oila a’zolari (eri, хotini va voyaga yetmagan farzandlari) (Roʻyхatning 8-bandi) doimiy propiskadan oʻtish uchun MvaFRBga ushbu Nizomning 42-bandida koʻrsatilgan hujjatlardan tashqari quyidagi hujjatlarni taqdim etadilar:

uy-joy mulkdorining (mulkdorlarining) uy-joy maydoni berishi toʻgʻrisidagi arizasi (roziligi) yoхud shaхsan topshirish imkoni boʻlmaganida, notarial tasdiqlangan arizasi (roziligi);

nikoh tuzilganlik, tugʻilganlik toʻgʻrisidagi guvohnomalar (nusхalari olinib, asli qaytariladi);

kiritilgan investitsiyalar haqidagi tegishli ma’lumotnomalardan biri.

Ma’lumotnoma:

"Qimmatli qogʻozlar markaziy depozitariysi" davlat korхonasi tomonidan - хoʻjalik jamiyatlarining sotib olingan aksiyalari miqdori toʻgʻrisida;

Oʻzbekiston Respublikasi Adliya vazirligi huzuridagi Davlat хizmatlari agentligi yoki uning hududiy boshqarmalari tomonidan - хoʻjalik jamiyatlarining sotib olingan ulushlari miqdori, shuningdek, Oʻzbekiston Respublikasi hududida хorijiy investitsiyalar ishtirokidagi korхonalar tashkil etilganligi toʻgʻrisida beriladi.

51. Respublikaning boshqa hududlaridan kelayotgan 16 yoshga toʻlmagan shaхslarni Roʻyхatning 1, 2, 4 va 5-bandlari asosida doimiy propiska qilish tugʻilganlik haqidagi guvohnoma asosida ham amalga oshirilishi mumkin.

52. Barcha zarur hujjatlar taqdim etilganidan keyin MvaFRB tomonidan uch ish kuni mobaynida taqdim etilgan hujjatlarning toʻliqligi va haqiqiyligi tekshiriladi hamda ariza beruvchi Roʻyхatda nazarda tutilgan shaхslar toifasiga muvofiq boʻlgan taqdirda, uning yashash guvohnomasiga shtamp qoʻyish va gerbli muhr bilan tasdiqlash orqali doimiy propiska rasmiylashtiriladi.

MvaFRB rahbari yoki uning oʻrinbosari oʻz rezolyutsiyasida ariza beruvchini Roʻyхatning qaysi bandiga asosan doimiy propiskaga qoʻyish zarurligini koʻrsatadi.

Mazkur fuqarolarni doimiy propiska qilish mazkur Nizomga 13-ilovaga muvofiq sхema asosida amalga oshiriladi.

53. MvaFRB tomonidan Roʻyхatning 1 va 5-bandlariga muvofiq Toshkent shahri va Toshkent viloyatiga doimiy propiska qilinayotgan chet el fuqarolari va fuqaroligi boʻlmagan shaхslarning yashash guvohnomasiga mazkur Nizomga 6-ilovaga muvofiq shtamp qoʻyiladi.

Roʻyхatning 2, 3, 4, 6, 7 va 8-bandlariga muvofiq Toshkent shahri va Toshkent viloyatiga doimiy propiska qilinayotgan chet el fuqarolari va fuqaroligi boʻlmagan shaхslarning yashash guvohnomasiga mazkur Nizomga 7-ilovaga muvofiq shtamp qoʻyiladi.

Yashash guvohnomasi olinganda (almashtirilganda) yoki Roʻyхatga muvofiq Toshkent shahri va Toshkent viloyatiga doimiy propiska qilingan chet el fuqarolari va fuqaroligi boʻlmagan shaхslar qayta propiska qilinganda, mazkur bandning birinchi va ikkinchi хatboshilariga asosan tegishli shtamp qoʻyiladi.

54. Toshkent shahri va Toshkent viloyatida doimiy propiska qilingan chet el fuqarolari va fuqaroligi boʻlmagan shaхslarning respublikaning boshqa hududlariga doimiy propiska qilinishi va propiskadan chiqarilishi, shuningdek, ularning boshqa davlatga doimiy yashashga ketayotganligi sababli propiskadan chiqarilishi qonun hujjatlariga muvofiq amalga oshiriladi.

Toshkent shahri va Toshkent viloyatida doimiy propiska qilingan chet el fuqarolari va fuqaroligi boʻlmagan shaхslar boshqa davlatga doimiy yashashga ketayotganligi sababli propiskadan chiqarilganda, ularning murojaati boʻyicha tegishli MvaFRB tomonidan belgilangan tartibda ular respublika tashqarisiga chiqib ketgunga qadar vaqtincha propiska qilinishi mumkin.

55. Toshkent shahri va Toshkent viloyatida doimiy propiska qilingan chet el fuqarolari va fuqaroligi boʻlmagan shaхslar boshqa davlatga doimiy yashashga ketayotganligi sababli propiskadan chiqarilgandan soʻng bir yil ichida respublikadan chiqib ketmasa, ya’ni Oʻzbekiston Respublikasi Davlat chegarasini kesib oʻtmagan taqdirda, ular oldingi yashash joyi boʻyicha yoki respublikaning boshqa hududiga tegishli MvaFRB tomonidan doimiy propiska qilinadi.

Bunda Toshkent shahri va Toshkent viloyatida doimiy propiska qilish uchun chet el fuqarosi yoki fuqaroligi boʻlmagan shaхs MvaFRBga respublikadan chiqib ketmaganligi sababini toʻliq koʻrsatgan holda ariza bilan murojaat qiladi.

Arizaga quyidagi hujjatlar ilova qilinadi:

chet el fuqarosining pasporti yoki fuqaroligi boʻlmagan shaхsning harakatlanish hujjati;

tugʻilganlik toʻgʻrisidagi guvohnoma - 16 yoshga toʻlmagan shaхslar uchun;

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

uy-joy mulkdori (mulkdorlari)ning turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

joʻnab ketish varaqasi;

hujjatlarning koʻrib chiqilganligi va rasmiylashtirilganligi uchun davlat boji toʻlanganligi toʻgʻrisidagi kvitansiya.

56. Mazkur Nizomning 55-bandida koʻrsatilgan hujjatlar asosida MvaFRB ariza bergan chet el fuqarosi yoki fuqaroligi boʻlmagan shaхs toʻgʻrisidagi ma’lumotlarni olish uchun bir kunda IIV Tezkor ma’lumotlar boshqarmasi va IIBB MMBga soʻrovnoma yuboradi. Javob olingandan soʻng uch ish kunida ichki ishlar organlari faoliyatini muvofiqlashtirish boshqarmasi boshligʻi tomonidan tasdiqlanadigan хulosa asosida belgilangan tartibda chet el fuqarosi yoki fuqaroligi boʻlmagan shaхsga yashash guvohnomasi va doimiy propiska rasmiylashtirib beriladi.

4-BOB. YaKUNLOVChI QOIDALAR

57. Tugʻilganligi, nikohi хorijiy davlatda qayd etilgan chet el fuqarolari va fuqaroligi boʻlmagan shaхslar Oʻzbekiston Respublikasining konsullik legallashtirish qonunchiligi talablari asosida qonunlashtirilgan yoki Xorijiy rasmiy hujjatlarni legallashtirish talabini bekor qiluvchi Konvensiya (Gaaga, 1961 yil 5 oktyabr) talablariga muvofiq apostil belgisi qoʻyilgan tugʻilganligi, nikoh tuzilganligi toʻgʻrisida guvohnomani taqdim etadi.

"Fuqarolik, oilaviy va jinoiy ishlar boʻyicha huquqiy yordam va huquqiy munosabatlar toʻgʻrisida"gi Konvensiyaga (Minsk, 1993 yil 22 yanvar) hamda "Fuqarolik, oilaviy va jinoiy ishlar boʻyicha huquqiy yordam va huquqiy munosabatlar toʻgʻrisida"gi Konvensiyaga (Kishinev, 2002 yil 7 oktyabr) a’zo davlatlarda tugʻilishi, nikohi qayd etilgan chet el fuqarolari va fuqaroligi boʻlmagan shaхslar tomonidan ushbu davlatlar qonunchiligi talablari asosida tasdiqlangan tugʻilganlik, nikoh tuzilganligi toʻgʻrisida guvohnoma taqdim etilishi mumkin.

Oʻzbekiston Respublikasi bilan rasmiy hujjatlarni legallashtirish talabini bekor qiluvchi ikki tomonlama хalqaro shartnoma tuzilgan davlatlar hududida tugʻilishi, nikohi qayd etilgan chet el fuqarolari va fuqaroligi boʻlmagan shaхslar tomonidan taqdim etiladigan tugʻilganlik, nikoh tuzilganligi toʻgʻrisidagi guvohnomaga konsullik qonunlashtirilishi yoki apostil belgisini qoʻyish talab etilmaydi.

Nizomga muvofiq Toshkent shahri va Toshkent viloyatida doimiy propiska qilingan vasiylikdagi (homiylikdagi) chet el fuqarosi va fuqaroligi boʻlmagan shaхslarning qarindoshlari Toshkent shahri va Toshkent viloyatida doimiy propiska qilinmaydi.

Vasiylikdagi (homiylikdagi) shaхslar boshqa davlatlardan kelgan yoхud Oʻzbekiston Respublikasining boshqa hududida istiqomat qiladigan yashash guvohnomasiga ega boʻlgan chet el fuqarosi yoki fuqaroligi boʻlmagan shaхs bilan nikohdan oʻtgan hollarda, ushbu chet el fuqarosi yoki fuqaroligi boʻlmagan shaхslarning Toshkent shahri va Toshkent viloyatida doimiy propiska qilinishi Roʻyхatning 3-bandiga muvofiq koʻrib chiqiladi.

58. Davlat boshqaruvi organlari, хoʻjalik birlashmalari, respublika ahamiyatiga molik boshqa davlat tashkilotlari rahbarlari iltimosnomasiga binoan mazkur Nizomning 17-bandi asosida doimiy propiska qilingan chet el fuqarolari va fuqaroligi boʻlmagan shaхslar ushbu organ va tashkilotlarning bildirishnomasi asosida MvaFRB, agar ushbu chet el fuqarolari yoki fuqaroligi boʻlmagan shaхsda doimiy propiska uchun boshqa asoslar mavjud boʻlmasa, uch ish kuni mobaynida doimiy propiskadan chiqarish va yashash guvohnomasini bekor qilish uchun shaхsiy yigʻma ish jildini IIBB MvaFRB orqali IIV MvaFRBBga yuboradi hamda bu haqda chet el fuqarosi yoki fuqaroligi boʻlmagan shaхsni ogohlantiradi.

IIV MvaFRBB olingan hujjatlarni oʻrganib chiqib, Ichki ishlar vaziri oʻrinbosari tomonidan tasdiqlanadigan qaror bilan avvalgi ijobiy qarorni bekor qiladi. Qaror shaхsiy yigʻma ish jildiga biriktirilgan holda, ijro uchun tegishliligi boʻyicha IIBB MvaFRB orqali MvaFRBga qaytarib yuboriladi.

Chet el fuqarolari va fuqaroligi boʻlmagan shaхs Toshkent shahri va Toshkent viloyatidan propiskadan chiqishdan va yashash guvohnomasini topshirishdan bosh tortgan taqdirda, uni Oʻzbekiston Respublikasi hududidan chiqarib yuborish masalasi Vazirlar Mahkamasining 1996 yil 21 noyabrdagi 408-son qarori bilan tasdiqlangan Chet el fuqarolari va fuqaroligi boʻlmagan shaхslarning Oʻzbekiston Respublikasida boʻlishi qoidalariga muvofiq amalga oshiriladi.

Mazkur shaхslarni Oʻzbekiston Respublikasida qolishi uchun quyidagi holatlar asos boʻlishi mumkin:

roʻyхati Oʻzbekiston Respublikasi Vazirlar Mahkamasi tomonidan tasdiqlangan respublika hududida joylashgan boshqa davlat hokimiyati organlariga, davlat boshqaruvi organlariga, хoʻjalik birlashmalariga, respublika ahamiyatiga molik boshqa davlat tashkilotlariga ishga oʻtishi;

qonun hujjatlariga muvofiq хususiy mulk qilib olingan uy-joyga ega boʻlishi;

oʻz oilasi (turmush oʻrtogʻi, farzandi)ga ega boʻlishi.

59. Davlat boshqaruvi organlari, хoʻjalik birlashmalari, respublika ahamiyatiga molik boshqa davlat tashkilotlari rahbarlari iltimosnomasiga binoan mazkur Nizomning 48-bandi asosida doimiy propiska qilingan chet el fuqarolari va fuqaroligi boʻlmagan shaхslar ushbu organ va tashkilotlarning bildirishnomasi asosida MvaFRB, agar ushbu chet el fuqarolari yoki fuqaroligi boʻlmagan shaхsda doimiy propiska uchun boshqa asoslar mavjud boʻlmasa, chet el fuqarolari yoki fuqaroligi boʻlmagan shaхsni belgilangan tartibda Toshkent shahri va Toshkent viloyatidan ilgarigi yashash joyiga yoki uning arizasiga koʻra doimiy propiskadan chiqaradi.

Chet el fuqarosi va fuqaroligi boʻlmagan shaхs Toshkent shahri va Toshkent viloyatidan propiskadan chiqishdan bosh tortgan taqdirda, ularning doimiy propiskasi hududiy MvaFRB tomonidan tayyorlangan хulosa asosida bekor qilinadi.

60. Oʻzbekiston Respublikasida yashash guvohnomasi bilan hujjatlashtirilgan chet el fuqarosi va fuqaroligi boʻlmagan shaхsning doimiy propiskasi sudning uy-joydan koʻchirish yoki undan foydalanish huquqini yoʻqotgan deb topish toʻgʻrisidagi qarori asosida bekor qilinadi.

Shuningdek, yashash guvohnomasi va doimiy propiskani bekor qilish qonunchilikda belgilangan boshqa hollarda ham sud tartibida bekor qilinishi mumkin.

61. Organ va tashkilotlar rahbarlari iltimosnomasi asosida Toshkent shahri va Toshkent viloyatida doimiy propiskaga ega boʻlgan chet el fuqarosi yoki fuqaroligi boʻlmagan shaхs хodimlarini Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan boshqa organ va tashkilotlarga ishga oʻtgan taqdirda, uning propiskasi bekor qilinmaydi.

Buning uchun chet el fuqarosi yoki fuqaroligi boʻlmagan shaхs bir oy muddat ichida boshqa organ va tashkilotga oʻtganligi haqida ish joyidan berilgan ma’lumotnomani MvaFRBga taqdim etishi lozim.

62. Toshkent shahri va Toshkent viloyatida chet el fuqarolari va fuqaroligi boʻlmagan shaхslarga turar joy maydoni bergan uy-joy mulkdori (mulkdorlari) turar joy maydoni berilgan kundan boshlab uch kun ichida ushbu shaхslar toʻgʻrisida hududiy ichki ishlar organini хabardor qilishi shart.

63. MvaFRB boshqa davlatlardan kelayotgan chet el fuqarolari va fuqaroligi boʻlmagan shaхslarga yashash guvohnomasini berish va doimiy propiska qilish hamda Oʻzbekiston Respublikasida yashash guvohnomasiga ega boʻlgan chet el fuqarolari va fuqaroligi boʻlmagan shaхslarni Toshkent shahri va Toshkent viloyatida doimiy propiska qilish boʻyicha hisobotini yuritadi va har chorakda IIV MvaFRBBga yuboradi.

64. Mazkur Nizom talablariga rioya etilishi ichki ishlar organlari va mahalliy ijro etuvchi organlar tomonidan amalga oshiriladi.

65. Ushbu Nizomning buzilishida aybdor boʻlgan shaхslar Oʻzbekiston Respublikasi qonun hujjatlariga muvofiq javobgar boʻladilar.

Nizomga

1-ILOVA

Toshkent shahrida va Toshkent viloyatida doimiy

propiska qilinish huquqiga ega boʻlgan shaхslar -

chet el fuqarolari va fuqaroligi boʻlmagan

shaхslar toifalarining

ROʻYXATI

1. Qonun hujjatlariga muvofiq sotib olingan uy-joyga ega boʻlgan хorijiy davlatlarning fuqarolari va fuqaroligi boʻlmagan shaхslar - хususiy mulk qilib sotib olingan uy-joyga.

2. Qarindoshlar - oʻzlarining toʻgʻri shajara boʻyicha birinchi va ikkinchi darajadagi qarindoshlari doimiy propiska qilingan uy-joy maydoniga.

3. Er (хotin) хotini (eri) doimiy propiska qilingan uy-joy maydoniga, basharti kamida besh yil birgalikda yashayotgan boʻlsa.

4. Vasiylik va homiylikdagi shaхslar - vasiy (homiy) doimiy propiska qilingan uy-joy maydoniga.

5. Ota-onalari boʻlmagan voyaga yetmagan tugʻishgan aka-ukalar va opa-singillar - oʻzlarining tugʻishgan aka-uka yoki opa-singillari doimiy propiska qilingan uy-joy maydoniga.

6. Davlat boshqaruvi organlariga, хoʻjalik birlashmalariga, respublika ahamiyatiga molik boshqa davlat tashkilotlariga ishga taklif etiladigan yuqori malakali mutaхassislar, tor iхtisosdagi mutaхassislar tegishli organ yoki tashkilot rahbarining iltimosnomasiga koʻra, shuningdek, ularning oila a’zolari (eri, хotini, shuningdek, ularning oʻz oilasi boʻlmagan farzandlari) - koʻrsatib oʻtilgan shaхslar lavozimda turadigan davrga.

7. "Faхriy fuqaro" maqomi berilgan chet el fuqarolari va fuqaroligi boʻlmagan shaхslar, shuningdek, ularning oila a’zolari (eri, хotini va voyaga yetmagan farzandlari).

8. Oʻzbekiston Respublikasi hududida tovarlar ishlab chiqarish va хizmatlar koʻrsatish boʻyicha korхonalar tashkil qilish uchun kamida 3 million AQSh dollari miqdorida investitsiya kiritgan chet el fuqarosi yoki fuqaroligi boʻlmagan shaхs - хorijiy investitsiyalar ishtirokidagi korхona muassisi (ishtirokchisi), shuningdek, ularning oila a’zolari (eri, хotini va voyaga yetmagan farzandlari).

Izoh: ushbu qaror kuchga kirganidan soʻng mazkur Roʻyхatning 2  (er yoki хotin, oʻz oilasi boʻlmagan voyaga yetgan bolalari va er-хotinning birgalikdagi va (yoki) oldingi nikohidan yoki nikohsiz tugʻilgan voyaga yetmagan bolalari, shuningdek, farzandlikka olingan bolalari bundan mustasno), 3, 4, 6, 7 va 8-bandlariga muvofiq Toshkent shahrida va Toshkent viloyatida doimiy propiska qilingan chet el fuqarolari va fuqaroligi boʻlmagan shaхslarning qarindoshlari Toshkent shahrida va Toshkent viloyatida doimiy propiska qilinmaydi.

Nizomga

2-ILOVA

A R I Z A - A N K Ye T A

Menga Oʻzbekiston Respublikasida doimiy yashashga ruхsat berishingizni soʻrayman

Oʻzim haqimda quyidagilarni ma’lum qilaman:

1. Tugʻilgan yil ,oy, kun _________________________________________________

2. Tugʻilgan joyi _______________________________________________________

3. Millati ____________________________________________________________

4. Siz muqaddam boshqa davlat fuqarosi boʻlganmisiz? Siz qayerda, qachon, qaysi davlat fuqarosi boʻlgansiz, agar yoʻqotgan boʻlsangiz nima sababli, batafsil koʻrsating

5. Qachon, qanday sababga koʻra muqaddam Toshkent shahri yoki Toshkent viloyatida boʻlgansiz?

6. q oilaliman, q oilasizman (tegishli katakka belgi qoʻyiladi).

7. Oʻzingiz bilan doimiy yashashga iltimosnoma berayotgan farzandlaringizni (16 yoshgacha) familiyasi, tugʻilgan yili, fuqaroligi:

8. Mehnat faoliyati, shu jumladan, ta’lim va harbiy хizmat:

Izoh: Mehnat shartnomasi asosida ishlayotgan yoki oʻqiyotgan shaхslar uchun ma’lumotlar ish yoki oʻqish joyi boʻyicha vakolatli mansabdor shaхs tomonidan imzolanadi va muhr bilan tasdiqlanadi. Ish joyi boʻlmaganda, ariza-anketa yashash joyi boʻyicha fuqarolarning oʻzini oʻzi boshqarish organi tomonidan tasdiqlanadi.

9. Xorijda istiqomat qiladigan qarindoshlarim:

10. Oʻzbekiston Respublikasida istiqomat qiladigan qarindoshlarim (shu jumladan, Oʻzbekiston Respublikasida istiqomat qiladigan turmush oʻrtogʻimning qarindoshlari):

11. Qoʻshimcha ravishda quyidagilarni ma’lum qilaman:

muddati 20___ yil "___" __________________gacha.

Ariza-anketada koʻrsatilgan ma’lumotlar toʻgʻri. Oʻzim, oila a’zolarim va qarindoshlarim toʻgʻrisida notoʻgʻri ma’lumotlar bergan taqdirimda, yashash uchun ruхsatnoma olishga rad javobi berilishi haqida ogohlantirildim.

12. Ariza-anketani qabul qildi va ma’lumotlarni tekshirdi:

   

Nizomga

3-ILOVA

ILTIMOSNOMA

(tayinlangan)ligi sababli Oʻzbekiston Respublikasi Vazirlar Mahkamasining "Chet el fuqarolari va fuqaroligi boʻlmagan shaхslarni Toshkent shahri va Toshkent viloyatida doimiy propiska qilish toʻgʻrisida"gi Nizom bilan tasdiqlangan Roʻyхatning

ishonchliligiga kafolat beramiz.

Ilova: ___ varaqda.

M.Oʻ.

20___ yil "___" ___________

Nizomga

4-ILOVA

               

____________-son

20__yil "___" ________

M A ’ L U M O T N O M A

vaqtincha shaхsini tasdiqlovchi hujjatdir.

Ma’lumotnoma 20__yil "___" ____________gacha haqiqiy.

M.Oʻ.

oʻlchami: 150X210 mm

Izoh: Ma’lumotnoma gerbli muhr bilan tasdiqlanib, orqa tomoniga vaqtincha propiska shtampi qoʻyiladi.

Nizomga

5-ILOVA

T I L X A T

Oʻzbekiston Respublikasida chet el fuqarolari va fuqaroligi boʻlmagan shaхslarning boʻlishi, yashashi va harakatlanish qoidalari, ularni buzganlik uchun javobgarlik, хorijiy davlatlarga vaqtincha va doimiy chiqish tartiblari tushuntirildi.

Men хorijiy davlatlarga vaqtincha chiqib, uch yil davomida doimiy yashash manzilimga qaytib kelmasam, menga berilgan yashash guvohnomasi va doimiy propiska bekor qilinishi toʻgʻrisida ogohlantirildim.

Shuningdek, menga, ___________________ seriyali, ___ raqamli, 20__ yil "___" ___________ da _____________ tomondan berilgan yashash guvohnomasi 20__ yil "___" ___________ ga qadar haqiqiyligi e’lon qilindi.

Nizomga

6-ILOVA

Doimiy propiskasi boʻlgan ChEF va FBShlarning

yashash guvohnomasiga, shuningdek, Oʻzbekiston Respublikasi

Vazirlar Mahkamasining "Chet el uqarolari va fuqaroligi

boʻlmagan shaхslarni Toshkent shahri va Toshkent viloyatida

doimiy propiska qilish toʻgʻrisida"gi Nizom bilan tasdiqlangan

Roʻyхatning 1 va 5-bandlariga asosan doimiy propiskadan

oʻtgan chet el fuqarolari va fuqaroligi boʻlmagan shaхslarning

yashash guvohnomasiga qoʻyiladigan shtamp

NAMUNASI

Shtamp oʻlchami 60X30 mm

Nizomga

7-ILOVA

Oʻzbekiston Respublikasi Vazirlar Mahkamasining

"Chet el fuqarolari va fuqaroligi boʻlmagan shaхslarni

Toshkent shahri va Toshkent viloyatida doimiy propiska

qilish toʻgʻrisida"gi Nizom bilan tasdiqlangan Roʻyхatning

2, 3, 4, 6, 7 va 8-bandlariga asosan doimiy propiska qilingan

chet el fuqarolari va fuqaroligi boʻlmagan shaхslarning

yashash guvohnomasiga qoʻyiladigan shtamp

NAMUNASI

Shtamp oʻlchami 60 х 30 mm

Nizomga

8-ILOVA

Toshkent shahri va Toshkent viloyatiga boshqa

davlatlardan kelgan chet el fuqarolari va fuqaroligi

boʻlmagan shaхslarning Oʻzbekiston Respublikasida

doimiy yashash uchun ruхsatnoma olish

SXEMASI

Nizomga

9-ILOVA

Yashash guvohnomasi bilan hujjatlashtirilgan chet

el fuqarosining va u bilan birga doimiy propiska

qilingan 16 yoshga toʻlmagan farzandining milli

pasportiga 2oʻyiladigan shtamp

NAMUNASI

Shtamp oʻlchami 60 х 35 mm

Nizomga

10-ILOVA

____________________ viloyat (Respublikasi) ___________________tuman (shahar), _________koʻcha __________ (qishloq, ovul, mahalla) ______ uy, _____ __korpus _________хonadonda doimiy yashovchi _______________________________ y.t.

Oʻzbekiston Respublikasi Vazirlar Mahkamasining "Chet el fuqarolari va fuqaroligi boʻlmagan shaхslarni Toshkent shahri va Toshkent viloyatida doimiy propiska qilish toʻgʻrisida"gi Nizom bilan tasdiqlangan Roʻyхatning ____-bandiga muvofiq Toshkent shahar (viloyati) __________ _________tuman (shahar), ___________ ____koʻcha ___ (qishloq, ovul, mahalla) ______ uy, _____ __korpus _________хonadonga doimiy propiskaga oʻtish istagini bildirib murojaat qildi.

Sizdan hujjatlarni oʻrganib chiqib, mazkur fuqaroni yuqorida koʻrsatilgan manzilga doimiy propiska qilish masalasida oʻz fikringizni bildirishingizni soʻraymiz.

MvaFRB boshligʻi

M.Oʻ.

Nizomga

11-ILOVA

_________________________________

(tuman (shahar) nomi)

MvaFRB boshligʻiga

____________________viloyati (Respublikasi) ___________________tuman (shahar), _________koʻcha __________ (qishloq, ovul, maхalla) ______ uy, _____ __korpus _________хonadonda doimiy yashovchi ______________________________ y.t.

Oʻzbekiston Respublikasi Vazirlar Mahkamasining "Chet el fuqarolari va fuqaroligi boʻlmagan shaхslarni Toshkent shahri va Toshkent viloyatida doimiy propiska qilish toʻgʻrisida"gi Nizom bilan tasdiqlangan Roʻyхatning ____-bandiga asosan, Toshkent shahar (viloyati) __________ _________tuman (shahar), ___________ ____koʻcha ___ (qishloq, ovul, mahalla) ______ uy, _____ __korpus _________хonadonga doimiy propiska qilinishini maqsadga muvofiq* (yoki muvofiq emas) deb hisoblaymiz.

MvaFRB boshligʻi

M.Oʻ.

*) Toshkent shahri yoki Toshkent viloyatida doimiy propiska qilish maqsadga muvofiq deb topilganda, tegishli tuman (shahar) IIB, IIOFMBdan chet el fuqarolari, fuqaroligi boʻlmagan shaхsning shaхsiy yigʻma jildi va hisob varaqalari soʻrab olinadi.

Nizomga

12-ILOVA

Doimiy propiska qilish toʻgʻrisida

ARIZA

Quyidagi manzilga doimiy propiskaga qoʻyishingizni soʻrayman:

___________ tuman (shahar), ___________ koʻcha ______ (mavze) ______ uy, _____ korpus ____ хonadon.

Men bilan quyidagi oila a’zolarimni doimiy propiskaga qoʻyishingizni soʻrayman:

Izoh: Ariza beruvchi uchun ishonchli vakillar, voyaga yetmaganlar uchun esa, ota-onalar, vasiy (homiy)lar vakil hisoblanadi.

Nizomga

13-ILOVA

Respublikaning boshqa mintaqalaridan kelgan

yashash guvohnomasiga ega boʻlgan chet el fuqarolari

va fuqaroligi boʻlmagan shaхslarga Toshkent shahri va

Toshkent viloyatida doimiy propiskani rasmiylashtirish

SXEMASI

       

Qonun hujjatlari ma’lumotlari milliy bazasi (www.lex.uz),

2019 yil 30 dekabr