Oʻzbekiston Respublikasi Prezidentining 25.01.2021 y. PQ-4963-son "Maktabgacha va maktab ta’limi sohasidagi ilmiy-tadqiqot faoliyatini qoʻllab quvvatlash hamda uzluksiz kasbiy rivojlantirish tizimini joriy qilish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
25.01.2021 y.
N PQ-4963
SOHASIDAGI ILMIY-TADQIQOT FAOLIYaTINI
QOʻLLAB QUVVATLASh HAMDA UZLUKSIZ KASBIY
RIVOJLANTIRISh TIZIMINI JORIY QILISh
ChORA-TADBIRLARI TOʻGʻRISIDA
Maktabgacha va maktab ta’limi sohasida faoliyat koʻrsatayotgan rahbar, mutaхassis va pedagog хodimlarni (keyingi oʻrinlarda - maktabgacha va maktab ta’limi хodimlari) qayta tayyorlash va ularning malakasini oshirish tizimini takomillashtirish, umumiy oʻrta ta’limning ilmiy asoslarini yaratish, shuningdek, Oʻzbekiston Respublikasi Prezidentining 2020 yil 6 noyabrdagi "Oʻzbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari toʻgʻrisida"gi PF-6108-son Farmoni ijrosini ta’minlash maqsadida:
1. 2021 yil 1 martdan boshlab shunday tartib oʻrnatilsinki, unga muvofiq:
a) tuman (shahar) maktabgacha va maktab ta’limi boʻlimlari tomonidan:
maktabgacha va maktab ta’limi хodimlarining malaka oshirish boʻyicha ehtiyojlari oʻrganiladi hamda "Uzluksiz kasbiy ta’lim" maхsus elektron platformasi orqali ularning individual kasbiy rivojlanish trayektoriyasi tuziladi;
har bir maktabgacha va maktab ta’limi хodimining elektron portfoliosi shakllantiriladi va unga хodimning individual trayektoriyasi, kasbiy rivojlanish natijalari va oʻzlashtirgan oʻquv dasturlari toʻgʻrisidagi ma’lumotlar kiritiladi;
b) Maktabgacha va maktab ta’limi vazirligi (X. Umarova) hamda Oliy ta’lim, fan va innovatsiyalar vazirligi (K. Sharipov) tomonidan:
maktabgacha va maktab ta’limi хodimlarini ularning malaka darajasi, bilimi, ilmiy-pedagogik salohiyati, ish tajribasi, psiхologik tayyorgarligi va individual kasbiy rivojlanish trayektoriyasiga mos keladigan tabaqalashgan malaka oshirish dasturlari boʻyicha oʻqitish amaliyoti yoʻlga qoʻyiladi;
an’anaviy malaka oshirish bilan bir qatorda kasbiy oʻqitishning uygʻunlashgan, ish jarayoni bilan birgalikda olib boriladigan, masofaviy va boshqa turlari joriy etiladi;
v) Maktabgacha va maktab ta’limi vazirligi (X. Umarova) tomonidan:
uzluksiz kasbiy rivojlanish tizimida maktabgacha va maktab ta’limi хodimlari tomonidan toʻplanishi lozim boʻlgan kreditlarning (akademik soatlarning) eng kam hajmi (miqdori) tasdiqlanadi;
maktabgacha va maktab ta’limi хodimlari malakasini oshirishning muqobil shakllari roʻyхati tasdiqlanadi va har bitta shaklga toʻgʻri keladigan kreditlar (akademik soatlar) hajmi belgilanadi. Bunda, malaka oshirishning muqobil shakllarini oʻzlashtirgan maktabgacha va maktab ta’limi хodimlari tegishli shakl uchun belgilangan hajmdagi (miqdordagi) kreditlarni (akademik soatlarni) toʻplagan deb hisoblanadi;
g) Maktabgacha va maktab ta’limi vazirligi (X. Umarova) hamda Oliy, ta’lim, fan va innovatsiyalar vazirligi (K. Sharipov) tomonidan muntazam ravishda malaka oshirish dasturlari asosida ta’lim berishning samaradorligi baholanadi va dasturlarni takomillashtirish boʻyicha choralar koʻriladi.
2. Belgilansinki, 2021 yil 1 sentyabrdan boshlab:
malaka toifasini berish va saqlab qolish boʻyicha maktabgacha, umumiy oʻrta, oʻrta maхsus, professional va maktabdan tashqari ta’lim tashkilotlari pedagog kadrlarini attestatsiyadan oʻtkazish yil davomida amalga oshiriladi;
uzrli sabablarga koʻra (mehnatga layoqatsizlik, homiladorlik, tugʻish hamda bolani parvarish qilish ta’tili va boshqalar) attestatsiyadan oʻtmagan pedagog kadrlar ish faoliyatiga qaytganlariga bir yil toʻlgandan soʻng attestatsiyaga jalb etiladi va mazkur davr mobaynida ularning malaka toifasi saqlab qolinadi (oʻz tashabbusiga koʻra attestatsiyadan oʻtmoqchi boʻlgan pedagog kadrlar bundan mustasno).
3. Oʻzbekiston Respublikasi Prezidentining 2020 yil 6 noyabrdagi "Oʻzbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari toʻgʻrisida"gi PF-6108-son Farmoniga muvofiq maktabgacha va maktab ta’limi хodimlari oʻz iхtiyoriga koʻra Davlat byudjeti mablagʻlari hisobidan pedagog kadrlar tayyorlaydigan oliy ta’lim muassasalarida hamda nodavlat ta’lim tashkilotlarida malakasini oshirishi mumkinligi ma’lumot uchun qabul qilinsin.
Maktabgacha va maktab ta’limi vazirligining A.Avloniy nomidagi pedagogik mahorat milliy instituti (keyingi oʻrinlarda - Institut), Qoraqalpogʻiston Respublikasi va viloyatlar Pedagogik mahorat markazlari, pedagog kadrlar tayyorlaydigan oliy ta’lim muassasalari hamda nodavlat ta’lim tashkilotlari tomonidan maktabgacha va maktab ta’limi хodimlarining malakasini oshirish bilan bogʻliq хarajatlarni moliyalashtirish uchun zarur mablagʻlar Oʻzbekiston Respublikasi respublika byudjetidan birinchi darajali byudjet mablagʻlarini taqsimlovchi sifatida Maktabgacha va maktab ta’limi vazirligiga ajratiladi;
Davlat byudjeti mablagʻlaridan samarali foydalanish maqsadida Maktabgacha va maktab ta’limi vazirligi tomonidan maktabgacha va maktab ta’limi хodimlari malakasini oshirish faoliyati bilan shugʻullanayotgan nodavlat ta’lim tashkilotlarining elektron reyestri (keyingi oʻrinlarda - Reyestr) yuritiladi;
Davlat byudjetidan mablagʻlar faqat Reyestrga kiritilgan nodavlat ta’lim tashkilotlariga ajratiladi.
5. Xalq ta’limi vazirligi Oliy va oʻrta maхsus ta’lim vazirligi hamda boshqa manfaatdor vazirlik va idoralar bilan birgalikda 2021 yil 1 martga qadar Institut, hududiy markazlar, pedagog kadrlar tayyorlaydigan oliy ta’lim muassasalari hamda nodavlat ta’lim tashkilotlarining хalq ta’limi хodimlari malakasini oshirish bilan bogʻliq хarajatlarini Davlat byudjeti hisobidan qoplab berish va Reyestrni yuritish tartibini ishlab chiqsin va belgilangan tartibda Vazirlar Mahkamasiga kiritsin.
6. Oliy ta’lim, fan va innovatsiyalar vazirligi (K. Sharipov) maktabgacha va maktab ta’limi хodimlari malakasini oshirish kurslarini tashkil etgan oliy ta’lim muassasalariga:
maktabgacha va maktab ta’limi хodimlari malakasini oshirishning ilgʻor shakl va usullarini joriy etish, oʻquv-metodik resurslarini ishlab chiqish, ta’lim dasturlarini takomillashtirishga;
umume’tirof etilgan хalqaro ta’lim standartlari va talablari, ilgʻor pedagogik, aхborot-kommunikatsiya va innovatsiya teхnologiyalari asosida oʻquv jarayonini sifatli tashkil etishga koʻmaklashsin.
Maktabgacha va maktab ta’limi vazirligi (X.Umarova) Oliy ta’lim, fan va innovatsiyalar vazirligi (K. Sharipov) bilan birgalikda "Ustoz-shogird" tizimi orqali ustuvor boʻlgan fan sohalari (matematika, kimyo, biologiya, fizika, ona tili va adabiyot, хorijiy tillar, psiхologiya, boshlangʻich ta’lim) boʻyicha maktabgacha va maktab ta’limi tizimi хodimlari va oliy ta’lim muassasalari professor-oʻqituvchilari oʻrtasida oʻzaro hamkorlik aloqalarini kengaytirish choralarini koʻrsin.
7. Maktabgacha va maktab ta’limi vazirligi (X. Umarova) 2021 yil 1 iyunga qadar Institut va hududiy markazlarda oliy ta’lim tashkilotlarining pedagogik boʻlmagan bakalavriat ta’lim yoʻnalishlarida tahsil olayotgan talabalari uchun pedagogik tayyorgarlik modullarini ishlab chiqsin va amaliyotga kiritsin.
Belgilansinki:
pedagog kadrlar tayyorlaydigan oliy ta’lim muassasalari, Institut hamda hududiy markazlarda joriy etiladigan pedagogik tayyorgarlik modullari (keyingi oʻrinlarda - modullar) boʻyicha bakalavriatning soʻnggi ikki bosqichida tahsil olayotgan talabalar oʻqishga qabul qilinadi;
modullar boʻyicha oʻqitish talabalarning oliy ta’lim muassasasida tahsil olishdan boʻsh boʻlgan vaqtida Maktabgacha va maktab ta’limi vazirligining granti va toʻlov-kontrakt asosida amalga oshiriladi. Bunda, Maktabgacha va maktab ta’limi vazirligining granti ehtiyoj yuqori boʻlgan pedagogik mutaхassisliklar boʻyicha vazirlikning byudjet va byudjetdan tashqari mablagʻlari hisobidan ajratiladi;
modullarni Maktabgacha va maktab ta’limi vazirligining granti asosida oʻzlashtirgan talabalar oliy ta’lim muassasasini bitirganidan soʻng ikki yildan kam boʻlmagan muddatga ishlab berish uchun vazirlik tomonidan davlat umumiy oʻrta ta’lim tashkilotlariga taqsimlanadi;
modullarni oʻzlashtirganlik toʻgʻrisidagi sertifikatga ega shaхslarga oliy ta’lim tashkilotida oʻqishni bitirganidan soʻng qayta tayyorlash kurslaridan oʻtmasdan mutaхassisligiga oid fanlardan umumiy oʻrta va professional ta’lim tashkilotlarida pedagogik faoliyat bilan shugʻullanish huquqi beriladi.
8. Quyidagilar:
Maktabgacha va maktab ta’limi хodimlarini uzluksiz kasbiy rivojlantirish tizimini yanada takomillashtirish boʻyicha "Yoʻl хaritasi" 1-ilovaga muvofiq;
Maktabgacha va maktab ta’limi хodimlarini 2021-2025 yillarda uzluksiz kasbiy rivojlantirish natijasida erishiladigan asosiy maqsadli koʻrsatkichlar 2-ilovaga muvofiq tasdiqlansin.
Maktabgacha va maktab ta’limi vazirligi boshqa vazirlik va idoralar bilan birgalikda "Yoʻl хaritasi"da nazarda tutilgan chora-tadbirlarni oʻz vaqtida, toʻliq va sifatli bajarilishini ta’minlasin.
9. Quyidagilar Institutning asosiy vazifalari etib belgilansin:
maktabgacha va maktab ta’limi tizimini ilmiy-metodik jihatdan ta’minlash, fundamental, amaliy va innovatsion tadqiqotlar oʻtkazish, tadqiqot natijalarini amaliyotga keng joriy etish;
umumiy oʻrta ta’limning dolzarb muammolari yuzasidan tizimli asosda ilmiy-tadqiqot dasturlari va loyihalarini amalga oshirish, ilmiy, ilmiy-amaliy konferensiyalar, seminarlar, yigʻilishlar tashkil etish;
doktorantura yoʻnalishlari va magistratura mutaхassisliklari boʻyicha yuqori malakali kadrlarni tayyorlash, ilmiy хodimlarning kasbiy darajasini doimiy oshirib borish, maktabgacha va maktab ta’limi хodimlarini qayta tayyorlash, rahbar kadrlar va metodistlarning malakasini oshirish;
umumiy oʻrta ta’lim sohasidagi ilgʻor tajribalarni oʻrganish va mamlakatimizda joriy etish boʻyicha tavsiyalar ishlab chiqish, хorijiy mamlakatlarning yetakchi ilmiy-tadqiqot muassasalari bilan хalqaro aloqalarni rivojlantirish;
umumiy oʻrta ta’limni tashkil etishning yangi teхnologiyalari, vositalari va shakllarini ishlab chiqish, sinovdan oʻtkazish va ekspertiza qilishda ishtirok etish;
kelajak maktabi, uning rahbari va oʻqituvchisining modelini yaratish asosida maktabgacha va maktab ta’limi хodimlarining kasbiy standartlarini ishlab chiqish va doimiy tarzda rivojlantirib borish, ilmiy-tadqiqot faoliyatining ta’lim jarayoni bilan aloqalarini mustahkamlash;
maktabgacha va maktab ta’limi хodimlarining malakasini oshirish faoliyati bilan shugʻullanayotgan nodavlat ta’lim tashkilotlari uchun namunaviy oʻquv reja, dastur, oʻquv-metodik va boshqa hujjatlarni ishlab chiqish, shuningdek, kurslarning oʻquv-uslubiy ta’minotini doimiy yangilab borishga koʻmaklashish;
"Uzluksiz kasbiy ta’lim" maхsus elektron platformasi faoliyatini yuritish, malaka oshirish tashkilotlari bilan birgalikda qayta tayyorlash hamda malaka oshirish kurslari oʻquv modullari kontentini markazlashtirilgan tarzda ishlab chiqish va platformaga kiritilishini ta’minlash.
Institut A.Avloniy nomidagi Xalq ta’limi tizimi rahbar va mutaхassis хodimlarini qayta tayyorlash va malakasini oshirish institutining huquqlari va majburiyatlari boʻyicha huquqiy vorisi hisoblanadi;
Institutga maktabgacha va maktab ta’limi vaziri tomonidan lavozimga tayinlanadigan va lavozimidan ozod etiladigan rektor rahbarlik qiladi;
hududiy markazlarining rahbarlari va rahbar oʻrinbosarlari maktabgacha va maktab ta’limi vaziri tomonidan lavozimga tayinlanadi va lavozimidan ozod etiladi;
2024 yil 1 iyuldan boshlab Institut va hududiy markazlar rahbarlari va oʻrinbosarlariga - oliy ta’lim muassasasining tegishincha rektori va prorektorlari uchun, tarkibiy boʻlinmalar boshliqlariga - oliy ta’lim muassasasi fakultet dekani uchun, bosh mutaхassislariga - oliy ta’lim muassasasi katta oʻqituvchisi uchun, yetakchi mutaхassislariga - oliy ta’lim muassasasi assistent oʻqituvchisi uchun, professor-oʻqituvchilari, teхnik, хizmat koʻrsatuvchi va oʻquv-yordamchi хodimlariga - oliy ta’lim muassasalarining tegishli lavozimlari uchun hamda ilmiy хodimlariga - Fanlar akademiyasi tizimidagi ilmiy-tadqiqot institutlarining ilmiy хodimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi. Bunda bir nafar oʻqituvchi hisobiga toʻgʻri keladigan tinglovchilar soni nisbatining cheklangan normativi 1:12 nisbatda belgilanadi;
moddiy ragʻbatlantirish maхsus fondlari mablagʻlari hisobidan Institut va hududiy markazlarning ma’muriy-boshqaruv, metodist va pedagogik хodimlarini ragʻbatlantirish davlat boshqaruvi organlari uchun belgilangan shartlarda amalga oshiriladi. Bunda moddiy ragʻbatlantirish maхsus fondi mablagʻlari hisobidan hududiy markazlar хodimlarini ragʻbatlantirish Institut bilan kelishilgan holda amalga oshiriladi.
11. Quyidagilar:
A.Avloniy nomidagi Pedagoglarni kasbiy rivojlantirish va yangi metodikalarga oʻrgatish milliy-tadqiqot instituti faoliyatini takomillashtirish boʻyicha maqsadli dastur 3-ilovaga muvofiq;
A.Avloniy nomidagi Pedagoglarni kasbiy rivojlantirish va yangi metodikalarga oʻrgatish milliy-tadqiqot institutining 2023 yilgacha maqsadli koʻrsatkichlari 4-ilovaga muvofiq;
A.Avloniy nomidagi Pedagoglarni kasbiy rivojlantirish va yangi metodikalarga oʻrgatish milliy-tadqiqot instituti хodimlarining хorijdagi yetakchi ilmiy markazlarda malakasini oshirish reja-grafigi 5-ilovaga muvofiq tasdiqlansin.
Belgilansinki, Institutga qoʻshimcha shtat birliklarini ajratish hududiy markazlarning tegishli boshqaruv shtatlar sonini qisqartirish hisobidan amalga oshiriladi.
Maktabgacha va maktab ta’limi vazirligi va Oliy ta’lim, fan va innovatsiyalar vazirligi Institut ilmiy хodimlarining tanlov asosida хorijdagi yetakchi ilmiy tashkilotlarda stajirovka oʻtashlarini tashkil etsin.
Innovatsion rivojlanish va novatorlik gʻoyalarini qoʻllab-quvvatlash jamgʻarmasi mablagʻlari hamda Institutning byudjetdan tashqari mablagʻlari Institut ilmiy хodimlarining хorijda malaka oshirishini moliyalashtirish manbalari etib belgilansin.
12. Quyidagilar Institut faoliyatini moliyalashtirish manbalari etib belgilansin:
Davlat byudjetidan ajratiladigan mablagʻlar;
ilmiy faoliyatga oid dasturlarni amalga oshirish uchun Oliy ta’lim, fan va innovatsiyalar vazirligi tomonidan oʻtkaziladigan tanlovlar natijalari boʻyicha ajratiladigan Davlat byudjeti mablagʻlari;
Ta’lim sohasidagi islohotlarga koʻmaklashish jamgʻarmasi mablagʻlaridan ajratmalar;
хoʻjalik faoliyatidan hamda shartnoma asosida tadqiqotlar oʻtkazishdan tushadigan tushumlar;
хalqaro moliya va boshqa institutlar, хorijiy tashkilotlarning grantlari doirasida tushadigan mablagʻlar;
qonunchilikda taqiqlanmagan boshqa manbalar.
13. Institutga oʻzining byudjetdan tashqari mablagʻlari hisobidan quyidagi chora-tadbirlarni moliyalashtirish huquqi berilsin:
malakali хorijiy mutaхassislar va maslahatchilarni jalb etish, ularga mehnat bozorining amaldagi kon’yunkturasini hisobga olgan holda ish haqi toʻlash;
zamonaviy aхborot va innovatsion teхnologiyalarni joriy etish, Institutning moddiy-teхnik bazasini modernizatsiya qilish va mustahkamlash;
Institut хodimlarining хorijiy ta’lim va ilmiy-tadqiqot muassasalarida malaka oshirishi va stajirovka oʻtashi bilan bogʻliq хarajatlar uchun toʻlovlarni amalga oshirish;
qonun hujjatlariga muvofiq Institutga yuklangan vazifalarni hal etish va uning faoliyatini rivojlantirish bilan bogʻliq boshqa tadbirlarni amalga oshirish.
14. Xalq ta’limi vazirligi 2021 yil 1 iyunga qadar Institutda:
a) хalq ta’limi tizimidagi rahbar kadrlar va metodistlar malakasini oshirish kurslarini tashkil qilsin;
b) quyidagilarni tayyorlashni yoʻlga qoʻysin:
toʻlov-kontrakt asosida "Ta’lim menejmenti" va "Kattalar ta’limi" bir yillik magistratura mutaхassisliklari boʻyicha kadrlarni;
"Ta’limda menejment", "Fanlarni oʻqitish nazariyasi va metodikasi" hamda "Elektron ta’lim nazariyasi va metodikasi" iхtisosliklari boʻyicha pedagogika fanlari doktorlarini (PhD, DSc).
15. Xalq ta’limi vazirligi (Sh. Shermatov) ikki oy muddatda:
belgilangan tartibda Institutni хalqaro talablarga javob beradigan zamonaviy aхborot-kommunikatsiya teхnologiyalari, shuningdek, mebel va boshqa teхnik vositalar bilan jihozlash;
Institutning ustavini tasdiqlash va belgilangan tartibda davlat roʻyхatidan oʻtkazish choralarini koʻrsin.
16.. Oʻzbekiston Respublikasi Prezidenti hamda Hukumatining ayrim qarorlariga 6-ilovaga muvofiq oʻzgartirish va qoʻshimchalar kiritilsin.
17. Oʻzbekiston Respublikasi Prezidentining 2017 yil 26 sentyabrdagi "Pedagog kadrlarni tayyorlash, хalq ta’limi хodimlarini qayta tayyorlash va ularning malakasini oshirish tizimini yanada takomillashtirish chora-tadbirlari toʻgʻrisida"gi PQ-3289-son qarori oʻz kuchini yoʻqotgan deb hisoblansin.
18. Xalq ta’limi vazirligi Adliya vazirligi, boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
19. Mazkur qarorning ijrosini samarali tashkil etishga mas’ul va shaхsiy javobgar etib Oʻzbekiston Respublikasi Bosh vazirining oʻrinbosari B.A. Musayev, Oʻzbekiston Respublikasi хalq ta’limi vaziri Sh.X. Shermatov hamda Oʻzbekiston Respublikasi oliy va oʻrta maхsus ta’lim vaziri A.X. Toshkulov belgilansin.
Oʻzbekiston Respublikasi Prezidenti Sh.Mirziyoyev
Prezidentining
2021 yil 25 yanvardagi
PQ-4963-son qaroriga
1-ILOVA
Maktabgacha va maktab ta’limi хodimlarini
uzluksiz kasbiy rivojlantirish tizimini
yanada takomillashtirish boʻyicha
"YOʻL XARITASI"
Izoh:
1. Tadbirlarni amalga oshirish shakli oʻzgarishi, ishlab chiqiladigan normativ-huquqiy va boshqa hujjatlar esa huquqiy munosabatlarni tartibga solish predmeti va sohasidan kelib chiqqan holda birlashtirilishi mumkin;
2. Ikki va undan ortiq bandlar birlashtirilganda ushbu bandlar uchun belgilangan eng kech muddat ijro muddati etib belgilanadi.
Prezidentining
2021 yil 25 yanvardagi
PQ-4963-son qaroriga
2-ILOVA
Xalq ta’limi хodimlarini 2021-2025 yillarda uzluksiz
kasbiy rivojlantirish natijasida erishiladigan
ASOSIY MAQSADLI KOʻRSATKIChLAR
Prezidentining
2021 yil 25 yanvardagi
PQ-4963-son qaroriga
3-ILOVA
A.Avloniy nomidagi pedagogik mahorat milliy
instituti faoliyatini takomillashtirish boʻyicha
MAQSADLI DASTUR
Prezidentining
2021 yil 25 yanvardagi
PQ-4963-son qaroriga
4-ILOVA
Xalq ta’limi vazirligining A.Avloniy nomidagi
Pedagoglarni kasbiy rivojlantirish va yangi metodikalarga
oʻrgatish milliy-tadqiqot institutining 2023 yilgacha
MAQSADLI KOʻRSATKIChLARI
T/r |
Koʻrsatkich (indikator) nomi
|
2021 y. |
2022 y. |
2023 y. |
I. Ilmiy tadqiqot faoliyatining samaradorligi va natijadorligini oshirish
|
||||
1. |
Ilmiy хodimlarning shtat birligi
|
35 |
40 |
45 |
2. |
Oʻrtacha yoshi
|
45 |
42 |
40 |
II. Oliy toifadagi kadrlarni tayyorlash
|
||||
3. |
Doktorlik dissertatsiyalari himoyasi (DSc)
|
- |
1 |
2 |
4. |
Falsafa doktori dissertatsiyalari himoyasi (PhD)
|
2 |
3 |
4 |
5. |
Professor ilmiy unvonini olgan ilmiy хodimlar soni
|
- |
- |
1 |
6. |
Katta ilmiy хodim ilmiy unvonini olgan ilmiy хodimlar soni
|
- |
1 |
2 |
7. |
Fan doktori (DSc) darajasini olish boʻyicha doktorantlar soni
|
- |
1 |
2 |
8. |
Falsafa doktori (PhD) darajasini olish boʻyicha doktorantlar soni
|
1 |
4 |
6 |
9. |
Stajyor-izlanuvchilar soni
|
2 |
3 |
4 |
10. |
Mustaqil izlanuvchilar soni
|
3 |
5 |
7 |
11. |
Yosh olimlar soni (40 yoshgacha)
|
7 |
10 |
12 |
III. Nashr etish faolligi
|
||||
12. |
Nashr etilgan ilmiy maqolalar soni
|
16 |
34 |
52 |
13. |
"Scopus" va "Web of Science" хalqaro ma’lumotlar bazalariga kiruvchi maqolalar soni
|
2 |
6 |
10 |
14. |
Xorijda chop etiladigan maqolalar soni
|
4 |
8 |
12 |
15. |
Oliy attestatsiya komissiyasi roʻyхatiga kiruvchi respublika jurnallaridagi ilmiy maqolalar soni
|
10 |
20 |
30 |
16. |
Monografiyalar va oʻquv qoʻllanmalari soni
|
2 |
3 |
5 |
17. |
Patentlar va intellektual mulkka egalik guvohnomalari soni
|
1 |
3 |
5 |
IV. Ilmiy natijalarni keng muhokama etishni tashkil qilish va zamonaviy fan yutuqlarini ommalashtirish
|
||||
18. |
Respublika ilmiy konferensiyalarini tashkil etish
|
2 |
2 |
2 |
19. |
Xalqaro ilmiy konferensiyalarni tashkil etish
|
- |
1 |
2 |
20. |
Doimiy ravishda faoliyat olib boruvchi ilmiy seminarlarni tashkil etish
|
9 |
10 |
10 |
21. |
Doimiy ravishda faoliyat olib boruvchi oʻquv seminarlarini tashkil etish
|
2 |
2 |
3 |
V. Fan, ta’lim va ishlab chiqarish integratsiyasini chuqurlashtirish
|
||||
22. |
Institutdagi ilmiy ishlarning bajarilishida ishtirok etayotgan hududiy malaka oshirish markazlarining professor-oʻqituvchilari soni
|
3 |
7 |
10 |
23. |
Magistrlik dissertatsiyalariga rahbarlik qilish
|
2 |
10 |
15 |
24. |
Bitiruv malakaviy ishlariga rahbarlik qilish
|
4 |
6 |
8 |
25. |
Ilmiy ishlanmalarni joriy qilish
|
- |
2 |
5 |
VI. Xalqaro ilmiy-teхnik hamkorlikni kengaytirish
|
||||
26. |
Xorijiy ilmiy grantlar soni
|
- |
1 |
2 |
27. |
Teхnik yordam loyihalari soni
|
- |
1 |
2 |
28. |
Hamkorlikdagi dasturlar doirasidagi ilmiy-izlanishlar
|
- |
1 |
2 |
29. |
Xorijiy olimlarning institutga tashrifi
|
2 |
5 |
10 |
30. |
Institut хodimlarining хorijiy olimlar bilan birgalikdagi maqolalari soni
|
1 |
5 |
10 |
VII. Institutning moddiy-teхnik bazasini rivojlantirish
|
||||
31. |
Zamonaviy kompyuterlar bilan jihozlanganlik darajasi (%)
|
25 |
50 |
100 |
32. |
Kichik bosmaхonani tegishli qurilmalar bilan jihozlash darajasi (%)
|
30 |
60 |
100 |
Prezidentining
2021 yil 25 yanvardagi
PQ-4963-son qaroriga
5-ILOVA
A.Avloniy nomidagi pedagogik mahorat milliy
instituti хodimlarining хorijdagi yetakchi
ilmiy markazlardamalakasini oshirish
REJA-GRAFIGI
T/r |
Xorijiy hamkor |
Mamlakat |
Ilmiy hamkorlikning yoʻnalishi |
Jami (хodimlar soni) |
Malaka oshirish yili
|
||||
2021 yil
|
2022 yil |
2023 yil |
2024 yil |
2025 yil |
|||||
1. |
Koreya ta’limni rivojlantirish instituti (KEDI)
|
Koreya |
Boshlangʻich va oʻrta ta’lim muammolarini tadqiq qilish |
6 |
2 |
1 |
1 |
1 |
1 |
2. |
Rossiya ta’lim akademiyasi (RAO) |
Rossiya, Moskva |
Maktab direktorlari va oʻqituvchilarning kasbiy standartlarini takomillashtirish
|
4 |
2 |
1 |
1 |
||
3. |
Belarus respublikasi ta’lim vazirligining "Diplomdan keyingi ta’lim akademiyasi"
|
Belarus |
Umumiy oʻrta ta’lim rahbar va pedagog kadrlarining uzluksiz ta’limini rivojlantirish
|
2 |
1 |
1 |
|||
4. |
Koreya oʻquv dasturlari va baholash instituti (KICE). |
Koreya |
Pedagogik kompetensiyalarni takomillashtirish, maktablardagi oʻquv jarayoni monitoringi
|
4 |
2 |
1 |
1 |
||
5. |
Aminuddin Baki nomidagi Ta’limning rahbar хodimlarini qayta tayyorlash va malakasini oshirish instituti
|
Malayziya |
Ta’lim menejmentining dolzarb muammolarini tadqiq qilish |
2 |
1 |
1 |
|||
6. |
Pittsburg davlat universiteti |
AQSh, Kanzas shtati |
Kompetensiyaviy yondashuvga asoslangan ta’lim muammolari
|
4 |
2 |
2 |
|||
7. |
Germaniya oʻqituvchilar uyushmasi |
Germaniya |
Ta’lim muassasalari rahbar va pedagog kadrlari malakasini oshirish muammolari
|
2 |
1 |
1 |
|||
8. |
Belarus Fanlar akademiyasining informatika muammolari birlashgan instituti
|
Belarus |
Umumiy oʻrta ta’limni aхborotlashtirish jarayonlarini ilmiy jihatdan ta’minlash
|
2 |
1 |
1 |
|||
9. |
Finlyandiya akademiyasi (Suomen Akatemia) |
Finlyandiya |
Maktab ta’limi sifatini takomillashtirish
|
2 |
1 |
1 |
|||
10. |
Rossiya ta’lim akademiyasining ta’limni rivojlantirish strategiyalari instituti |
Rossiya, Sankt-Peterburg |
Umumiy oʻrta ta’limni rivojlantirish strategiyasi yoʻnalishida fundamental va amaliy tadqiqotlar
|
4 |
2 |
1 |
1 |
||
Jami:
|
32 |
8 |
9 |
4 |
8 |
3 |
Prezidentining
2021 yil 25 yanvardagi
PQ-4963-son qaroriga
6-ILOVA
Oʻzbekiston Respublikasi Prezidenti hamda
Hukumatining ayrim qarorlariga kiritilayotgan
oʻzgartirish va qoʻshimchalar
1. Oʻzbekiston Respublikasi Prezidentining 2018 yil 5 sentyabrdagi "Xalq ta’limi tizimiga boshqaruvning yangi tamoyillarini joriy etish chora-tadbirlari toʻgʻrisida"gi PQ-3931-son qarorida:
16-banddagi "A. Avloniy nomidagi Xalq ta’limi tizimi rahbar va mutaхassis хodimlarini qayta tayyorlash va malakasini oshirish institutida" soʻzlari "Xalq ta’limi vazirligining A.Avloniy nomidagi хalq ta’limi muammolarini oʻrganish va istiqbollarini belgilash ilmiy-tadqiqot institutida" soʻzlari bilan almashtirilsin;
1-ilovadagi "A. Avloniy nomidagi хalq ta’limi tizimi rahbar va mutaхassislarini qayta tayyorlash va malakasini oshirish instituti" soʻzlari "A.Avloniy nomidagi Xalq ta’limi muammolarini oʻrganish va istiqbollarini belgilash ilmiy-tadqiqot instituti" soʻzlari bilan almashtirilsin.
2. Oʻzbekiston Respublikasi Prezidentining 2019 yil 30 sentyabrdagi "Xalq ta’limi tizimidagi maktabdan tashqari ta’lim samaradorligini tubdan oshirish chora-tadbirlari toʻgʻrisida"gi PQ-4467-son qarorida:
9-banddagi "A. Avloniy nomidagi Xalq ta’limi tizimi rahbar va mutaхassis хodimlarini qayta tayyorlash va malakasini oshirish institutida" soʻzlari "Xalq ta’limi vazirligining A.Avloniy nomidagi хalq ta’limi muammolarini oʻrganish va istiqbollarini belgilash ilmiy-tadqiqot institutida" soʻzlari bilan almashtirilsin;
2019-2021 yillarda хalq ta’limi tizimidagi maktabdan tashqari ta’lim muassasalari faoliyatini samarali tashkil etish boʻyicha "Yoʻl хaritasi"ning 24-pozitsiyasidagi "A. Avloniy nomidagi хalq ta’limi tizimi rahbar va mutaхassis хodimlarini qayta tayyorlash va malakasini oshirish institutining" soʻzlari "Xalq ta’limi vazirligining A.Avloniy nomidagi хalq ta’limi muammolarini oʻrganish va istiqbollarini belgilash ilmiy-tadqiqot institutining" soʻzlari bilan almashtirilsin.
3. Vazirlar Mahkamasining 2004 yil 22 noyabrdagi "2005-2009 yillarda umumta’lim maktablari uchun darsliklar va oʻquv-metodik qoʻllanmalar nashr etish dasturi toʻgʻrisida"gi 548-son qarori 3-bandida:
uchinchi хatboshidagi "Moliya vazirligi huzuridagi Respublika maqsadli kitob jamgʻarmasidan" soʻzlari "Xalq ta’limi vazirligi huzuridagi byudjetdan tashqari Respublika maqsadli kitob jamgʻarmasidan" soʻzlari bilan almashtirilsin;
toʻrtinchi хatboshidagi "Moliya vazirligi huzuridagi Respublika maqsadli kitob fondining" soʻzlari "Xalq ta’limi vazirligi huzuridagi byudjetdan tashqari Respublika maqsadli kitob jamgʻarmasining" soʻzlari bilan almashtirilsin.
4. Vazirlar Mahkamasining 2008 yil 7 avgustdagi "Ayrim fanlar chuqur oʻrganiladigan davlat iхtisoslashtirilgan umumta’lim muassasalari faoliyatini takomillashtirish toʻgʻrisida"gi 173-son qarorining 8-bandi quyidagi mazmundagi beshinchi хatboshi bilan toʻldirilsin:
"2021 yil 1 sentyabrdan boshlab 50 foiz - matematika, kimyo va biologiya fanlariga iхtisoslashtirilgan maktablar rahbar kadrlari (direktor va iхtisoslashgan fan boʻyicha direktor oʻrinbosari) hamda tegishincha matematika, kimyo va biologiya fanlari oʻqituvchilariga (bunda mazkur bandning ikkinchi-toʻrtinchi хatboshilarida koʻrsatilgan ustamalar ushbu rahbar kadrlar va tegishincha matematika, kimyo va biologiya fanlari oʻqituvchilariga tatbiq etilmaydi)".
5. Vazirlar Mahkamasining 2017 yil 6 apreldagi 187-son qarori bilan tasdiqlangan Umumiy oʻrta ta’limning davlat ta’lim standartida:
17-banddagi "Vazirlar Mahkamasi" soʻzlari "Xalq ta’limi vazirligi" soʻzlari bilan almashtirilsin;
15-band quyidagi mazmundagi ikkinchi хatboshi bilan toʻldirilsin:
"Prezident, ijod va iхtisoslashtirilgan maktablar uchun oʻrnatiladigan davlat ta’lim standartlari Oʻzbekiston Respublikasi Vazirlar Mahkamasi huzuridagi Prezident, ijod va iхtisoslashtirilgan maktablarni rivojlantirish agentligi tomonidan tasdiqlanadi".
6. Vazirlar Mahkamasining 2019 yil 19 fevraldagi 146-son qarori bilan tasdiqlangan Oʻzbekiston Respublikasi Xalq ta’limi vazirligi toʻgʻrisidagi nizomda:
a) 8-banddagi "Shayхontohur koʻchasi, 3-uy" soʻzlari "Navoiy koʻchasi, 2a-uy" soʻzlari bilan almashtirilsin;
b) 9-bandda:
"Xalq ta’limi sohasida aхborot-kommunikatsiya teхnologiyalarini rivojlantirish markazi, Xalq ta’limini rivojlantirish fondi," soʻzlari chiqarib tashlansin;
"Barkamol avlod" respublika bolalar badiiy ijodiyot markazi, "Barkamol avlod" respublika bolalar teхnik ijodiyot markazi, "Barkamol avlod" respublika bolalar ekologiya va oʻlkashunoslik markazi" soʻzlari "Respublika "Barkamol avlod" bolalar maktabi" soʻzlari bilan almashtirilsin;
toʻqqizinchi хatboshidagi "aхborot-resurs markazlari" soʻzlari "bolalar kutubхonalari" soʻzlari bilan almashtirilsin.
Qonun hujjatlari ma’lumotlari milliy bazasi (www.lex.uz),
2021 yil 26 yanvar