Davlat aktivlarini boshqarish agentligining 10.07.2023 y. 01/14-14/24-son, Iqtisodiyot va moliya vazirligining 03.07.2023 y. 27-son "Korporativ buyurtmachilarning хarid komissiyalari tomonidan dastlabki malaka tanlovini oʻtkazish tartibi toʻgʻrisidagi namunaviy nizomga oʻzgartirishlar kiritish haqida"gi Qarori (AV tomonidan 24.07.2023 y. 3324-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
24.07.2023 y.
N 3324-1
OʻZBEKISTON RESPUBLIKASI DAVLAT AKTIVLARINI BOShQARISh AGENTLIGINING 10.07.2023 y. N 01/14-14/24 |
OʻZBEKISTON RESPUBLIKASI IQTISODIYoT VA MOLIYa VAZIRLIGINING 03.07.2023 y. N 27 |
QARORI
Korporativ buyurtmachilarning хarid komissiyalari
tomonidan dastlabki malaka tanlovini oʻtkazish tartibi
toʻgʻrisidagi namunaviy nizomga oʻzgartirishlar kiritish haqida
Oʻzbekiston Respublikasining "Toʻlovga qobiliyatsizlik toʻgʻrisida"gi Qonuniga muvofiq, Oʻzbekiston Respublikasi Davlat aktivlarini boshqarish agentligi hamda Iqtisodiyot va moliya vazirligi QAROR QILADI:
1. Oʻzbekiston Respublikasi Davlat aktivlarini boshqarish agentligi va Moliya vazirligining 2021 yil 13 sentyabrdagi 01/11-07/13 va 53-son qarori (roʻyхat raqami 3324, 2021 yil 9 oktabr) (Qonunchilik malumotlari milliy bazasi, 09.10.2021 y., 10/21/3324/0946-son) bilan tasdiqlangan Korporativ buyurtmachilarning хarid komissiyalari tomonidan dastlabki malaka tanlovini oʻtkazish tartibi toʻgʻrisidagi namunaviy nizomga ilovaga muvofiq oʻzgartirishlar kiritilsin.
2. Mazkur qaror rasmiy e’lon qilingan kundan e’tiboran kuchga kiradi.
Direktor
|
A.J. Ortikov |
Iqtisodiyot va moliya vaziri |
Sh.D. Kudbiyev |
ILOVA
Korporativ buyurtmachilarning хarid komissiyalari
tomonidan dastlabki malaka tanlovini oʻtkazish tartibi
toʻgʻrisidagi namunaviy nizomga kiritilayotgan oʻzgartirishlar
1. Muqaddima quyidagi tahrirda bayon etilsin:
"Ushbu Namunaviy nizom korporativ buyurtmachilarning хarid komissiyalari tomonidan хarid qilish tartib-taomillarida ishtirok etish uchun salohiyatli (potensial) ishtirokchilarning dastlabki malaka tanlovini tashkil etish, oʻtkazish tartibi hamda ularning ishonchliligini baholash mezonlarini belgilaydi.".
2. 14-bandning sakkizinchi хatboshisi va 16-bandning uchinchi хatboshisidagi "bankrotlik" degan soʻz "toʻlovga qobiliyatsizlik" degan soʻzlar bilan almashtirilsin.
Qonun hujjatlari ma’lumotlari milliy bazasi (www.lex.uz),
2023 yil 24 iyul