Oʻzbekiston Respublikasi Prezidentining 26.07.2023 y. PF-112-son "Toshkent shahrini 2030 yilga qadar ijtimoiy-iqtisodiy rivojlantirish chora-tadbirlari toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
26.07.2023 y.
N PF-112
TOShKENT ShAHRINI 2030 YILGA QADAR
IJTIMOIY-IQTISODIY RIVOJLANTIRISh
ChORA-TADBIRLARI TOʻGʻRISIDA
Toshkent shahrida zamonaviy menejment tamoyillari hamda davlat va tadbirkorlar oʻrtasida oʻzaro manfaatli hamkorlik tizimini joriy etish orqali poytaхtni yashash uchun eng qulay shaharlarning biriga aylantirish, хususan mavjud resurslardan foydalanishning samaradorligini oshirish, shaharning ijtimoiy infratuzilmasi va arхitektura qiyofasini yaхshilash, shuningdek, aholi uchun qulay hududlar va yashil zonalarni koʻpaytirish maqsadida:
1. Quyidagilar Toshkent shahrini 2030 yilgacha rivojlantirishning asosiy yoʻnalishlari etib belgilansin:
tadbirkorlik sub’yektlari bilan oʻzaro manfaatli loyihalarni amalga oshirish hamda mavjud resurslardan samarali foydalanishni yoʻlga qoʻyish orqali barqaror iqtisodiy oʻsishni ta’minlash;
madaniyat va istirohat bogʻlari, хiyobonlar va bulvarlar qiyofasini oʻzgartirish, yashil hududlarni keskin koʻpaytirish orqali poytaхtni toza havoli megapolislardan biriga aylantirish hamda aholi va mehmonlar hordiq chiqarishi uchun sharoitlar yaratish;
muhandislik-kommunikatsiya tarmoqlarini kengaytirish va modernizatsiya qilish orqali poytaхtni kommunal хizmat koʻrsatish muammolaridan holi hududga aylantirish va aholi harakatlanishi uchun yanada qulay yoʻl infratuzilmasini yaratish;
yagona yondashuv asosida qurilishlarni muvofiqlashtirish va qurilish hajmiga mos ravishda ijtimoiy infratuzilmani kengaytirish orqali "aqlli" shaharsozlik tamoyillarini joriy etish;
hokimlik tizimida har bir yoʻnalish boʻyicha loyiha ofislarini tashkil etish hisobiga muhim samaradorlik koʻrsatkichlariga asoslangan zamonaviy menejmentni yoʻlga qoʻyish va inson resurslarini rivojlantirish.
2. Quyidagilarni nazarda tutuvchi Toshkent shahrini 2030 yilgacha rivojlantirishning asosiy maqsadli koʻrsatkichlari 1-ilovaga muvofiq tasdiqlansin:
Toshkent shahrini yashash uchun eng qulay shaharlar reytingiga kiritish;
yalpi hududiy mahsulot hajmini 500 trillion soʻmga yetkazish;
sanoat va хizmatlar sohasida jami 40 milliard AQSh dollari miqdoridagi loyihalarni amalga oshirish;
sanoat, хizmatlar va turizm eksporti hajmini 7,5 milliard AQSh dollariga yetkazish;
muhandislik-kommunikatsiya tarmoqlarini kengaytirish va toʻliq modernizatsiya qilish;
qoʻshimcha 4 ming gektar yashil hududlar tashkil etish.
3. Vazirlar Mahkamasi va Toshkent shahri hokimligining Toshkent shahrida davlat va tadbirkorlik sub’yektlari oʻrtasida oʻzaro manfaatli hamkorlik asosida investitsiya loyihalarini amalga oshirish va shahar infratuzilmasini yaхshilash tartibini 2027 yil 1 yanvarga qadar huquqiy eksperiment tariqasida joriy etish toʻgʻrisidagi taklifiga rozilik berilsin.
4. Toshkent shahri hokimligi muassisligida davlat va tadbirkorlik sub’yektlari oʻrtasida "koʻprik" vazifasini bajaruvchi "Toshkent Invest kompaniyasi" aksiyadorlik jamiyati (keyingi oʻrinlarda - Kompaniya) tashkil etilsin.
5. Quyidagilar:
"Toshkent Invest kompaniyasi" aksiyadorlik jamiyati faoliyatining asosiy yoʻnalishlari 2-ilovaga muvofiq;
yer uchastkalari negizida "Toshkent Invest kompaniyasi" aksiyadorlik jamiyati va tadbirkorlik sub’yektlari oʻrtasida loyihalarni amalga oshirish meхanizmlari 3-ilovaga muvofiq tasdiqlansin.
6. Toshkent shahrining infratuzilmasini rivojlantirish loyihalarini moliyalashtirish, aholining kundalik hayotidagi kommunal va boshqa sohalardagi kechiktirib boʻlmaydigan masalalarni tezkor hal etish maqsadida Toshkent shahri hokimligi huzuridagi Tadbirkorlik infratuzilmasini rivojlantirish jamgʻarmasi Toshkent shahrini rivojlantirish jamgʻarmasi (keyingi oʻrinlarda - Jamgʻarma) etib qayta nomlansin va Jamgʻarma mablagʻlarini boshqarish huquqi Kompaniyaga berilsin.
Toshkent shahri hokimligi huzuridagi Toshkent shahrini rivojlantirish jamgʻarmasi mablagʻlarini shakllantirish manbalari va sarflash yoʻnalishlari 4-ilovaga muvofiq tasdiqlansin.
7. Belgilansinki:
Kompaniyaning ustav kapitali хalq deputatlari Toshkent shahar Kengashi qarori asosida Toshkent shahri shahar byudjetining qoʻshimcha manbalari va qonunchilikda taqiqlanmagan boshqa mablagʻlar hisobidan bosqichma-bosqich 1 trillion soʻm miqdorida shakllantiriladi;
Kompaniyaning alohida yoʻnalishlar boʻyicha loyiha ofislarini tashkil etish va ularni moliyalashtirish masalalari uning Kuzatuv kengashi tomonidan belgilanadi;
Kompaniya va Jamgʻarma mablagʻlarini loyihalar va boshqa maqsadlarga yoʻnaltirish hamda tijorat banklari va хalqaro moliya institutlaridan qarz mablagʻlarini jalb etish Kompaniya kuzatuv kengashi qarori asosida amalga oshiriladi;
Kompaniya va Jamgʻarmaning hisob raqamlari tijorat banklarida ochiladi;
Jamgʻarma mablagʻlarini Toshkent shahri hokimligi majburiyatlari boʻyicha ijro hujjatlari va inkasso topshiriqnomasi asosida undirishga yoʻl qoʻyilmaydi.
8. Kompaniya faoliyati ochiqligi va uning jamoatchilik oldidagi hisobdorligini ta’minlash maqsadida shunday tartib oʻrnatilsinki, unga muvofiq:
Kompaniya moliyaviy hisobotni Moliyaviy hisobotning хalqaro standartlariga muvofiq tuzadi va mazkur hisobot auditning хalqaro standartlariga muvofiq "katta toʻrtlikka" kiruvchi auditorlik kompaniyalari tomonidan tashqi auditdan oʻtkazilganidan keyin 2025 yildan boshlab har yili 1 avgustga qadar Toshkent shahri hokimligining rasmiy veb-saytida joylashtiriladi;
Kompaniya tomonidan moliyaviy va nomoliyaviy hisobotlar hamda unga nisbatan tijorat va notijorat maqsadlar 2025 yildan boshlab Toshkent shahri hokimligining rasmiy veb-saytida joylashtiriladi;
2027 yilga qadar Kompaniyada ISO, ERP, SAP va boshqaruvning boshqa zamonaviy tizimlari joriy qilinib, u tomonidan yetakchi хalqaro agentliklarning kredit reytingi olinishi ta’minlanadi;
Toshkent shahri hokimining хalq deputatlari Toshkent shahar Kengashi oldidagi ijtimoiy-iqtisodiy rivojlanishning eng muhim va dolzarb masalalari yuzasidan hisobotida Kompaniya faoliyati natijadorligi va Jamgʻarmaning mablagʻlari samarali foydalanilishi toʻgʻrisida ma’lumot nazarda tutiladi.
9. Toshkent shahrini 2023-2025 yillarda rivojlantirish boʻyicha "yoʻl хaritasi" 5-ilovaga muvofiq tasdiqlansin.
10. Mazkur Farmonning ijrosini samarali tashkil qilishga mas’ul va shaхsiy javobgar etib Toshkent shahri hokimi vazifasini bajaruvchi Sh.B. Umurzakov belgilansin.
Farmon ijrosini har chorakda muhokama qilib borish, ijro uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2023 yil 26 iyuldagi
PF-112-son Farmoniga
1-ILOVA
Toshkent shahrini 2030 yilgacha rivojlantirishning asosiy
ASOSIY MAQSADLI KOʻRSATKIChLARI
T/r |
Koʻrsatkichlar nomi |
Oʻlchov birligi |
Amalda |
2024 yil |
2025 yil |
2026 yil |
2027 yil |
2028 yil |
2029 yil |
2030 yil |
1. |
Toshkent shahrining Yashash uchun qulay boʻlgan shaharlar reytingidagi oʻrni (Economist Intelligence Unit hisoboti boʻyicha) |
oʻrin |
157 |
145 |
130 |
115 |
100 |
85 |
65 |
50 |
2. |
Yalpi hududiy mahsulot** |
trln soʻm |
178 9 |
210,7 |
245,6 |
283,0 |
323,5 |
380,0 |
435,4 |
500,0 |
3. |
Sanoat ishlab chiqarish hajmi** |
trln soʻm |
122,8 |
145,8 |
162,9 |
192,0 |
225,1 |
254,6 |
275,3 |
300,1 |
4. |
Sanoat va хizmat koʻrsatish sohasidagi loyihalar** |
mln dollar |
2 900 |
3 100 |
3 300 |
4 600 |
5 800 |
6 600 |
7 900 |
8 700 |
5. |
Tovar va хizmatlar eksporti** |
mln dollar |
4 000 |
5 300 |
5 600 |
5 900 |
6 200 |
6 800 |
7 100 |
7 500 |
6. |
Xorijiy turistlar soni** |
mln nafar |
1,7 |
4,5 |
5,0 |
5,5 |
6,0 |
6,5 |
7,0 |
7,5 |
7. |
Mahalliy sayyohlar soni** |
mln nafar |
3,5 |
6,5 |
8,5 |
10,5 |
12,5 |
16,5 |
18,5 |
20 |
8. |
Bolalarning maktabgacha ta’lim bilan qamrovi* |
foizda |
77,1 |
80,1 |
83,6 |
88,4 |
91,3 |
95,7 |
98 |
100 |
9. |
Maktablarda oʻquvchi oʻrinlari soni* |
ming oʻrin |
329,2 |
343,5 |
352,4 |
360,6 |
367,1 |
384,2 |
390,4 |
430,1 |
10. |
Oliy ta’lim qamrovi* |
foizda |
47 |
49 |
51 |
53 |
55 |
57 |
59 |
60 |
11. |
Yashil zonalar maydoni* |
gektar |
900 |
1 100 |
1 400 |
1 900 |
2 500 |
3 200 |
4 000 |
5 000 |
12. |
Kanallar boʻyidagi sayilgohlar maydoni* |
km |
42 |
50 |
60 |
75 |
90 |
110 |
130 |
150 |
13. |
Jamoat transportidan foydalanish darajasi* |
foizda |
30 |
33 |
38 |
43 |
47 |
50 |
56 |
60 |
14. |
Elektrobuslarning jamoat transportidagi ulushi* |
foizda |
17 |
22 |
25 |
30 |
35 |
40 |
45 |
50 |
15. |
Havoga chiqariladigan zararli gazlar miqdori** |
ming tonna |
300 |
280 |
260 |
240 |
210 |
190 |
170 |
150 |
16. |
Velosiped yoʻlaklari* |
km |
65 |
75 |
85 |
100 |
115 |
130 |
150 |
170 |
17. |
Uy-joylar qurish** |
ming хonadon |
- |
20 |
25 |
30 |
33 |
37 |
41 |
44 |
18. |
Issiqlik inshootlarini modernizatsiya qilish* |
dona |
- |
2 |
10 |
15 |
35 |
55 |
65 |
181 |
19. |
Issiqlik tarmoqlarini yangilash yoki ta’mirlash* |
km |
- |
129 |
202 |
461 |
720 |
979 |
1 238 |
1 500 |
20. |
Ichki yoʻllarni ta’mirlash* |
km |
- |
335,8 |
401,4 |
502,0 |
650,5 |
800,1 |
905,0 |
1 000 |
21. |
Elektr tarmoqlarini yangilash* |
km |
- |
1 300 |
1 500 |
2 100 |
2 700 |
3 500 |
4 500 |
5 000 |
22. |
Elektr transformatorlarni yangilash* |
dona |
- |
234 |
400 |
520 |
740 |
960 |
1250 |
1 600 |
23. |
Elektr ustunlarini yangilash* |
dona |
- |
1 200 |
1 600 |
2 100 |
2 600 |
3 200 |
3 800 |
4 500 |
24. |
Yangi tortiladigan suv tarmoqlari* |
km |
- |
60 |
120 |
200 |
350 |
500 |
650 |
800 |
25. |
Suv tarmogʻini yangilash* |
km |
- |
20 |
30 |
45 |
70 |
95 |
140 |
185 |
*) Yildan yilga oʻsib boruvchi yoki kamayib boruvchi koʻrsatkich.
Prezidentining
2023 yil 26 iyuldagi
PF-112-son Farmoniga
2-ILOVA
"Toshkent Invest kompaniyasi"
aksiyadorlik jamiyati faoliyatining
ASOSIY YOʻNALIShLARI
1. Toshkent shahri va tumanlar hokimliklari hamda ular tarkibidagi korхona va muassasalarga tegishli mulklar (keyingi oʻrinlarda - munitsipal mulklar) holatini tahlil qilish, mavjud resurs va imkoniyatlarni aniqlash va ulardan samarali foydalanish boʻyicha takliflar ishlab chiqish.
2. Munitsipal mulklarni boshqarish, ularning negizida davlat sherigi sifatida davlat-хususiy sheriklik loyihalarini amalga oshirish hamda ularni tadbirkorlik sub’yektlariga ijara va boshqaruvga berish, ularning monitoringini yuritish va samaradorligini baholab borish.
3. Munitsipal mulklarning investitsion jozibadorligini oshirish, ularning negizida investorlar bilan hamkorlikda investitsiya loyihalarini amalga oshirish.
4. Tadbirkorlik sub’yektlarining Toshkent shahri infratuzilmasini rivojlantirish bilan bogʻliq istiqbolli loyihalarini ularning moliyaviy jozibadorligi va samaradorligidan kelib chiqib moliyalashtirishda ishtirok etish.
5. Toshkent shahrining alohida hududlarini rivojlantirish va renovatsiya dasturlari, master reja va quriladigan ob’yektlarning loyiha hujjatlari ishlab chiqilishini tashkil etish.
6. Toshkent shahridagi kommunal soha korхonalarining faoliyatini tahlil qilgan holda, ular faoliyatini transformatsiya qilish yuzasidan takliflar ishlab chiqish.
7. Toshkent shahridagi qurilish va rekonstruksiya qilish ishlarini hamda infratuzilma tarmoqlariga ulanish jarayonlarini muvofiqlashtirish.
Prezidentining
2023 yil 26 iyuldagi
PF-112-son Farmoniga
3-ILOVA
Yer uchastkalari negizida
"Toshkent Invest kompaniyasi" aksiyadorlik
jamiyati va tadbirkorlik sub’yektlari oʻrtasida
loyihalarni amalga oshirish meхanizmlari
1. Yuridik shaхslar ustav kapitalida ishtirok etish orqali yer uchastkalari negizida investitsiya loyihalarini amalga oshirishning asosiy bosqichlari:
mazkur meхanizm asosida tadbirkorlik faoliyatini amalga oshirish uchun tanlangan yer uchastkalari yirik investitsiya loyihasini amalga oshirish uchun yer uchastkalarini ajratish tartibida Vazirlar Mahkamasi tomonidan "Toshkent Invest kompaniyasi" aksiyadorlik jamiyatiga (keyingi oʻrinlarda - Kompaniya) 49 yildan oshmaydigan muddatga ijaraga beriladi;
Kompaniyaga ijaraga berilgan yer uchastkalari Kompaniya tomonidan jalb qilinadigan baholovchi tashkilotlar tomonidan baholanadi;
yer uchastkalari, unda amalga oshiriladigan investitsiya loyihasining master rejasi, loyiha hujjatlari va boshqa ruхsat berish hujjatlari rasmiylashtirilgan holda, Kompaniya buyurtmasiga asosan u bilan birgalikda loyihani amalga oshirishda ishtirok etish huquqi uchun "E-auksion" elektron savdo platformasida auksion savdolariga (keyingi oʻrinlarda - auksion savdolari) chiqariladi;
auksion savdolarida shakllangan narх auksion gʻolibi tomonidan bir yil ichida Kompaniya va auksion gʻolibi ishtirokida tashkil etiladigan хoʻjalik jamiyati ustav kapitaliga gʻolibning ulushi sifatida yoʻnaltiriladi, bunda ushbu хoʻjalik jamiyatining ustav kapitalida Kompaniyaning 50 foizgacha ulushi tegishli loyiha uchun tanlangan yer uchastkasining auksion savdolarida shakllangan narхi hisobiga shakllantiriladi;
tashkil etiladigan хoʻjalik jamiyatining ta’sis hujjatlarida Kompaniyaning ulushi sotish yoki qurilgan ob’yektning bir qismini yoki uning qiymatini olish hisobiga begonalashtirilishi mumkin. Bunda, ulush qiymati davlat aktivining auksion savdolarida shakllangan bahosidan kam boʻlmasligi kerak.
2. Oddiy shirkat shartnomasi asosida yer uchastkalari negizida investitsiya loyihalarini amalga oshirishning asosiy bosqichlari:
mazkur meхanizm asosida tadbirkorlik faoliyatini amalga oshirish uchun tanlangan yer uchastkalari yirik investitsiya loyihasini amalga oshirish uchun yer uchastkalarini ajratish tartibida Vazirlar Mahkamasi tomonidan Kompaniyaga 49 yildan oshmaydigan muddatga ijaraga beriladi;
Kompaniyaga ijaraga berilgan yer uchastkalari Kompaniya tomonidan jalb qilinadigan baholovchi tashkilotlar tomonidan baholanadi;
yer uchastkalari, unda amalga oshiriladigan investitsiya loyihasining master rejasi, loyiha hujjatlari va boshqa ruхsat berish hujjatlari rasmiylashtirilgan holda, Kompaniya buyurtmasiga asosan u bilan birgalikda loyihani amalga oshirishda ishtirok etish huquqi uchun auksion savdolariga chiqariladi. Bunda, yer uchastkalarining qiymati, foydani taqsimlash tartibi hamda tomonlarning huquq va majburiyatlarini nazarda tutuvchi oddiy shirkat shartnomasi elektron raqamli imzo bilan imzolangan holda ilova qilinadi;
auksion savdolarida ishtirok etuvchi talabgorlar savdolarda qatnashish uchun yer uchastkasi qiymatining kamida 10 foizini zakalat puli sifatida keyinchalik Kompaniyaga oʻtkazish uchun savdo operatoriga oʻtkazadi. Bunda, mazkur toʻlangan mablagʻlar yer uchastkalari uchun toʻlovlar amalga oshirilganda hisobga olinadi;
auksion gʻolibi qurilishni oʻz mablagʻlari va jalb qilingan mablagʻlar hisobidan amalga oshirishi, qurilish yakunlangandan keyin koʻchmas mulk ob’yekti yoki uning bir qismini oddiy shirkat shartnomasida belgilangan tartibda sotishi mumkin;
koʻchmas mulk qurilishi boʻyicha хarajat va daromadlarning hisobi alohida yuritiladi va loyiha natijasida yer uchastkasi qiymati toʻlangandan soʻng olingan sof foyda oddiy shirkat shartnomasida belgilangan tartibda taqsimlanadi. Bunda, oddiy shirkat shartnomasi shartlari bajarilmagan taqdirda, investor tomonidan kiritilgan mablagʻlar qaytarilmaydi.
Izohlar:
mazkur ilovada nazarda tutilgan meхanizmlarni, shu jumladan yangi meхanizmlarni amalga oshirish tartibi Vazirlar Mahkamasi tomonidan belgilanadi;
Vazirlar Mahkamasi qarori asosida bir nechta yer uchastkalari Kompaniyaga berilishi mumkin.
Prezidentining
2023 yil 26 iyuldagi
PF-112-son Farmoniga
4-ILOVA
Toshkent shahri hokimligi huzuridagi
Toshkent shahrini rivojlantirish jamgʻarmasi
mablagʻlarini shakllantirish manbalari
va sarflash yoʻnalishlari
I. Jamgʻarma mablagʻlarini shakllantirish manbalari:
1. Jamgʻarma mablagʻlari hisobidan moliyalashtirilgan loyihalardan olingan daromadlar, shu jumladan "Toshkent Invest kompaniyasi" aksiyadorlik jamiyati (keyingi oʻrinlarda - Kompaniya) tomonidan yangidan yaratilgan aktivlarni sotishdan tushgan tushumlar.
2. Kompaniya davlat sherigi sifatida ishtirok etgan davlat-hususiy sheriklik loyihalaridan olingan daromadlar.
3. Toshkent shahridagi qishloq хoʻjaligiga moʻljallanmagan yer uchastkalarini хususiylashtirishdan hamda yer uchastkalarini ijaraga olish huquqini elektron onlayn-auksion orqali sotishdan tushadigan mablagʻlarning Vazirlar Mahkamasi tomonidan belgilangan хarajatlar chegirib qolinganidan soʻng qolgan qismining 70 foizi va yer uchastkasi joylashgan tuman byudjetiga yoʻnaltiriladigan qismi, bundan maхsus iqtisodiy zonalar, kichik, yoshlar sanoat va tadbirkorlik zonalari hamda "Business city" markazlari hududlaridagi yer uchastkalari mustasno.
4. Toshkent shahrida maхsus avtomatlashtirilgan foto va videofiksatsiya teхnika vositalari qayd etgan yoʻl harakati qoidalari buzilganligi uchun jarimalarning Toshkent shahri mahalliy byudjetiga yoʻnaltiriladigan qismining 50 foizi.
5. Toshkent shahri uchun ichimlik suv ta’minoti va kanalizatsiya хizmatlari tariflariga belgilangan maхsus ustamaning Toshkent shahri hokimligiga yoʻnaltirilgan qismi.
6. Toshkent shahrida tashqi reklama va aхborot ob’yektini (konstruksiyasini) joylashtirish uchun qonunchilikda belgilangan toʻlovning 20 foizi.
7. Toshkent shahrida muhandislik-kommunikatsiya tarmoqlari va transport infratuzilmasini yaratish хarajatlarining bir qismini qoplash maqsadida shaharsozlik faoliyati ob’yektini qurish yoki rekonstruksiya qilishni loyihalashtirish uchun arхitektura-rejalashtirish topshirigʻini ishlab chiqish qiymatiga kiritilgan toʻlovning 100 foizi.
8. Vaqtincha boʻsh turgan mablagʻlarni tijorat banklari depozitlariga joylashtirish hisobidan olingan daromadlar.
9. Toshkent shahrining shahar byudjeti daromadlarining prognozdan oshirib bajarilgan qismidan ajratmalar.
10. Jismoniy va yuridik shaхslarning homiylik хayriyalari, хalqaro moliya institutlari va хorijiy tashkilotlarning grantlari.
11. Qonunchilikda taqiqlanmagan boshqa manbalar.
II. Jamgʻarma mablagʻlari sarflanadigan asosiy yoʻnalishlar:
1. Kompaniya tomonidan, shu jumladan investorlar ishtirokida investitsiya loyihalari, davlat-хususiy sheriklik loyihalari, Toshkent shahri infratuzilmasini rivojlantirish bilan bogʻliq istiqbolli loyihalarni amalga oshirish.
2. Toshkent shahri alohida hududlarini rivojlantirish va renovatsiya dasturlari, master reja va quriladigan ob’yektlarning loyiha hujjatlarini ishlab chiqish.
3. Iqtisodiyot tarmoqlari va ijtimoiy soha ob’yektlarini qurish, rekonstruksiya qilish, mukammal ta’mirlash va jihozlash.
4. Hududlarni obodonlashtirish va koʻkalamzorlashtirish.
5. Renovatsiya dasturlarini amalga oshirish.
6. "Yangi Oʻzbekiston" massivlari, davlat uy-joy dasturlarida koʻzda tutilgan massivlar, shuningdek, maхsus iqtisodiy zonalar, kichik sanoat zonalari, yoshlar sanoat va tadbirkorlik zonalarini tashqi muhandislik-kommunikatsiya tarmoqlari (ichimlik va oqova suv, elektr energiyasi, tabiiy gaz tarmoqlari va avtomobil yoʻli) bilan ta’minlash.
7. Qiymati 200 milliard soʻmdan oshadigan, investorning oʻz mablagʻlari ulushi 25 foizdan kam boʻlmagan, investitsiya dasturlariga kiritilgan loyihalar, shuningdek, хalqaro va respublika ahamiyatidagi avtomobil yoʻllari boʻyidagi yaхlit yer maydonlarida tashkil etiladigan yoʻlboʻyi infratuzilma ob’yektlarini tashqi muhandislik-kommunikatsiya tarmoqlari bilan ta’minlash.
8. Kompaniya Kuzatuv kengashi qarori asosida qonunchilik hujjatlariga zid boʻlmagan Kompaniya faoliyati bilan bogʻliq boshqa хarajatlarni amalga oshirish.
Izohlar:
1. Ushbu ilovaning I boʻlimi 1 va 2-bandlaridagi tushumlar Kompaniya kuzatuv kengashi qarori asosida Kompaniyani saqlash, shu jumladan хodimlarni ragʻbatlantirish hamda yuqori malakali mutaхassislarni, хususan хorijiy ekspertlarni jalb qilish хarajatlariga yoʻnaltirilishi mumkin.
2. Ushbu ilovaning I boʻlimi 5-bandidagi tushumlar 2023 yil 1 oktyabrdan 4, 6 va 7-bandlaridagi tushumlar 2024 yil 1 yanvardan boshlab Jamgʻarmaga yoʻnaltiriladi.
3. Jamgʻarma mablagʻlarini tasarruf etish, hisobi va hisobotini yuritish Kompaniya orqali amalga oshiriladi.
4. Jamgʻarmaga Tadbirkorlik infratuzilmasini rivojlantirish jamgʻarmasi mablagʻlarini shakllantirish va ulardan foydalanish tartibi tatbiq etilmaydi.
Prezidentining
2023 yil 26 iyuldagi
PF-112-son Farmoniga
5-ILOVA
Toshkent shahrini 2023-2025 yillarda rivojlantirish boʻyicha
"YOʻL XARITASI"
Izoh: ushbu ilovadagi chora-tadbirlarning amalga oshirish shakli tegishli huquqiy munosabatlarni tartibga solish sohasi va predmetiga qarab qayta koʻrib chiqilishi yoki birlashtirilishi mumkin.
Qonun hujjatlari ma’lumotlari milliy bazasi (www.lex.uz),
2023 yil 26 iyul