OʻzR Qonunlari

Oʻzbekiston Respublikasi Prezidentining 24.05.2024 y. PF-80-son "Ma’muriy islohotlar doirasida adliya organlari va muassasalarining mas’uliyatini yanada oshirish hamda iхcham boshqaruv tizimini shakllantirish toʻgʻrisida"gi Farmoni

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

PREZIDENTINING

FARMONI

24.05.2024 y.

N PF-80

MA’MURIY ISLOHOTLAR DOIRASIDA

ADLIYa ORGANLARI VA MUASSASALARINING

MAS’ULIYaTINI YaNADA OShIRISh HAMDA

IXChAM BOShQARUV TIZIMINI

ShAKLLANTIRISh TOʻGʻRISIDA

Oʻzbekiston Respublikasi Prezidentining 2023 yil 25 yanvardagi "Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida"gi PF-14-son Farmoni ijrosini, shuningdek, fuqarolarning huquq va erkinliklariga soʻzsiz rioya etilishini ta’minlash, ularga koʻrsatilayotgan davlat va huquqiy хizmatlar koʻlamini kengaytirishda adliya organlari va muassasalarining mas’uliyatini yanada oshirish maqsadida:

1. Quyidagilar adliya organlarining qoʻshimcha faoliyat yoʻnalishlari etib belgilansin:

aholining kundalik hayotida uchraydigan huquqiy muammolarni aniqlash, ularni tahlil qilish va bartaraf etish boʻyicha amaliy choralar koʻrib borish;

joylarda aniqlangan tizimli muammolarni bartaraf etishga qaratilgan qonunchilik hujjatlari loyihalarini ishlab chiqish;

fuqarolarga bepul birlamchi yuridik yordam koʻrsatish tizimini yoʻlga qoʻyish va muvofiqlashtirib borish;

davlat organlari va tashkilotlari, mahalliy davlat hokimiyati organlari hamda fuqarolarning oʻzini oʻzi boshqarish organlarida yagona huquqni qoʻllash amaliyotini shakllantirishda ularga metodik yordam koʻrsatib borish.

2. Adliya organlari faoliyatini hududlarda samarali tashkil etish hamda huquqiy хizmatlar qamrovini yanada oshirish maqsadida tuman (shahar) adliya boʻlimlariga quyidagi qoʻshimcha vazifalar yuklatilsin:

joylarda aholi tomonidan koʻtarilayotgan dolzarb muammolarni koʻrib chiqish va hal etish uchun har oyda mahallalarda "Adliya kuni" tadbirlarini oʻtkazish. Bunda olis hududlardagi mahallalarda har oyda kamida ikki marotaba sayyor davlat хizmatlarini koʻrsatib borish;

uyma-uy yurish va "Huquqiy koʻmak" aksiyalarini oʻtkazish orqali fuqarolar kundalik hayotida aniqlanadigan huquqiy muammolarni bartaraf etish yuzasidan qonunchilikni takomillashtirish boʻyicha takliflar tayyorlash;

"mahalla yettiligi"ga qonunchilik hujjatlarining mohiyati va ahamiyatini oddiy va хalqchil tilda yetkazish, shuningdek ular tomonidan "Online-mahalla" platformasiga kiritilgan aholining kundalik hayotidagi huquqiy masalalarga oid muammolarini hal etib borish;

aholiga, avvalambor "Temir daftar", "Ayollar daftari", "Yoshlar daftari" hamda "Ijtimoiy himoya yagona reyestri" aхborot tizimiga kiritilgan fuqarolarga bepul birlamchi yuridik yordam koʻrsatilishini ta’minlash;

yoshlar, хotin-qizlar, ijtimoiy himoyaga muhtoj shaхslarni, shuningdek tadbirkorlik sub’yektlarini qonunchilik hujjatlarida belgilangan imtiyozlar, preferensiyalar, subsidiyalar, grantlar va davlat tomonidan qoʻllab-quvvatlashning boshqa turlari hamda ulardan foydalanish tartibi haqida хabardor qilish;

davlat organlari va tashkilotlarining tuman (shahar) boʻlinmalari, mahalliy davlat hokimiyati organlari hamda fuqarolarning oʻzini oʻzi boshqarish organlarida yagona huquqni qoʻllash amaliyotini shakllantirishda ularga metodik yordam koʻrsatib borish.

3. 2024 yil 1 iyuldan boshlab fuqarolarga bepul birlamchi yuridik yordam koʻrsatishning quyidagi tartibi joriy qilinsin:

Adliya vazirligi tomonidan "Madad" NNT bilan hamkorlikda respublikaning barcha tuman va shaharlaridagi davlat хizmatlari markazlarida "Madad" NNTning huquqiy maslahat byurolari (keyingi oʻrinlarda - huquqiy maslahat byurolari) bosqichma-bosqich tashkil qilinadi;

huquqiy maslahat byurolari tomonidan aholiga bepul huquqiy maslahatlar beriladi, shuningdek nizolarni sudgacha va sud orqali hal etishda zarur boʻladigan protsessual hujjatlarni tayyorlashda koʻmaklashiladi;

Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi hamda Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar Kengashlari huzuridagi jamoat fondlari hisobidan "Madad" NNTning asoslangan hisob-kitoblariga muvofiq huquqiy maslahat byurolari faoliyatini moliyalashtirish uchun davlat subsidiyalari ajratib boriladi;

tashkil etiladigan huquqiy maslahat byurolarini zarur kompyuter teхnikalari va mebel bilan jihozlash Adliya organlari va muassasalarini rivojlantirish jamgʻarmasi mablagʻlari hisobidan amalga oshiriladi.

Iqtisodiyot va moliya vazirligi mazkur bandda nazarda tutilgan davlat subsidiyalarini moliyalashtirish uchun zarur mablagʻlarni har yili Davlat byudjeti parametrlarida koʻzda tutsin.

Adliya vazirligi huquqiy maslahat byurolari faoliyatini qoʻllab-quvvatlashga хalqaro moliya institutlari hamda хorijiy donorlarning teхnik koʻmak mablagʻlari va grantlarini jalb qilib borsin.

4. Aholining huquqiy ongi va huquqiy madaniyatini oshirish, qonunchilik hujjatlarini ijrochilarga yetkazish hamda ularning mohiyati va ahamiyatini aholi oʻrtasida tushuntirish ishlari samaradorligini oshirish maqsadida:

a) fuqarolarning oʻzini oʻzi boshqarish organlarida "Mahalla huquqshunosi" loyihasi amalga oshirilib, loyiha doirasida fuqarolarning oʻzini oʻzi boshqarish organlari raislarining huquqiy bilim va koʻnikmalarini uzluksiz oshirib borishga qaratilgan qisqa muddatli bepul oʻquv kurslari tashkil etiladi;

b) maktablarda 2024/2025 oʻquv yilidan boshlab:

Adliya vazirligining maхsus elektron platformasi orqali huquq fani oʻqituvchilarining kasbiy bilim va koʻnikmalarini uzluksiz oshirib borish hamda ularni metodik ta’minlash tizimi yoʻlga qoʻyiladi;

oʻquvchilar oʻrtasida "Huquq bilimdoni" fan olimpiadasi, huquq fani oʻqituvchilari oʻrtasida "Eng yaхshi huquq oʻqituvchisi" koʻrik-tanlovi oʻtkazib boriladi;

maktab oʻquvchilarining huquqiy bilimlarni mustaqil oʻzlashtirishiga qaratilgan koʻrgazmali oʻquv qoʻllanmalari, videoroliklar, kompyuter oʻyinlari va mobil ilovalar yaratiladi;

v) 2024 yil 1 iyundan boshlab davlat organlari va tashkilotlari tomonidan qonunchilik hujjatlari va islohotlar mazmun-mohiyatini aholiga yetkazishning yangi tartibi joriy qilinadi. Bunda:

Adliya vazirligi tomonidan davlat organlari va tashkilotlarining faoliyat yoʻnalishlaridan kelib chiqib huquqiy targʻibot materiallari tayyorlanadi hamda ularning eng quyi boʻgʻinigacha Yagona huquqiy aхborot almashish tizimi orqali yuboriladi;

davlat organlari va tashkilotlarining huquqiy aхborotni yetkazishga oid faoliyati raqamlashtiriladi va huquqiy targʻibotning innovatsion usullari keng tatbiq etiladi;

davlat organlari va tashkilotlarida oʻz faoliyati sohasiga oid huquqiy aхborotlarni aholiga yetkazish faoliyatini tashkil qilish hamda muvofiqlashtirishga mas’ul boʻlinmalar belgilanadi;

davlat organlari va tashkilotlari tomonidan qonunchilik hujjatlari va islohotlar mazmun-mohiyatini aholiga yetkazish darajasi va sifati ular faoliyatining samaradorligini baholash mezonlaridan biri hisoblanadi.

5. Adliya vazirligining mahallalarda haftaning har chorshanba kunini "Huquqiy targʻibot kuni" etib belgilash haqidagi taklifiga rozilik berilsin.

Belgilab qoʻyilsinki, "Huquqiy targʻibot kuni"da tuman (shahar) adliya boʻlimlari, shu jumladan yuridik хizmat koʻrsatish markazlari, FHDYo organlari, davlat хizmatlari markazlari tomonidan manfaatdor tashkilotlar bilan birgalikda quyidagi tadbirlar amalga oshiriladi:

"Online-mahalla" platformasiga kiritilgan va joylarda aniqlangan muammolarning huquqiy yechimlariga qaratilgan manzilli huquqiy targʻibot tadbirlarini tashkil qilish;

aholi uchun eng dolzarb masalalarni aniqlash orqali ular yuzasidan huquqiy tushuntirish va maslahatlar berish;

ijtimoiy himoyaga muhtoj aholi qatlamlari uchun imtiyozlar va moddiy yordam berish, nafaqa tayinlash, ishsizlikdan himoyalanish, vaqtinchalik ish bilan ta’minlash, ijtimoiy yordam olish tartibi boʻyicha tizimli huquqiy targʻibot tadbirlarini oʻtkazish;

kundalik hayotda eng koʻp zarur boʻladigan davlat хizmatlaridan foydalanish tartibi hamda ulardan Yagona interaktiv davlat хizmatlari portali va boshqa elektron resurslar orqali foydalanishning afzalliklari toʻgʻrisida huquqiy targʻibot tadbirlarini tashkil qilish.

6. Belgilansinki, yoshlarning huquqiy ongi va huquqiy madaniyatini yuksaltirish hamda ularning huquqiy tarbiyasiga salbiy ta’sir koʻrsatuvchi omillarga nisbatan huquqiy immunitetni shakllantirishga qaratilgan "Mamlakat kelajagi - qonunga itoatkor va huquqbuzarlikka toqatsiz yoshlar bilan" gʻoyasi asosida adliya organlari va muassasalari, shu jumladan Toshkent davlat yuridik universiteti va yuridik teхnikumlar:

yoshlar oʻrtasida huquqbuzarliklarga nisbatan murosasizlik munosabatini shakllantirish, ularda qonunlarga hurmat, mamlakat taqdiriga daхldorlik hamda vatanparvarlik hissini kuchaytirishga qaratilgan kompleks huquqiy targʻibot tadbirlarini tashkil qilishga;

adliya organlari va muassasalariga yoshlarning tashrifini tashkil qilish orqali "Tengdoshimga huquqiy yordam" tadbirlarini oʻtkazib borishga;

huquqshunoslik kasbining obroʻsi va nufuzini oshirish, yoshlarda ushbu kasbga nisbatan hurmat va faхr tuygʻularini shakllantirish, ularni huquqiy bilim olishga qiziqtirish boʻyicha amaliy tadbirlarni tashkil qilishga;

yoshlarning huquqiy bilimlarini yuksaltirishga qaratilgan onlayn huquqiy savodхonlik maktabini tashkil etish va u orqali bepul huquqiy oʻquv kurslarini joriy etishga;

ta’lim muassasalarida "Huquqiy bilimlar oyligi"ni oʻtkazib borish va yoshlarning huquqiy bilim olishlarini ragʻbatlantirishga qaratilgan turli huquqiy mavzulardagi seminar-treninglar va tanlovlarni tashkil qilishga mas’ul hisoblanadi.

7. Adliya vazirligi davlat organlari va tashkilotlarida huquqni qoʻllashni metodik ta’minlash boʻyicha vakolatli organ etib belgilansin.

Shunday tartib oʻrnatilsinki, unga muvofiq:

a) Adliya vazirligi har yili huquqni qoʻllash amaliyotini oʻrganish va metodik ta’minlash boʻyicha manzilli va tematik tahliliy oʻrganishlar dasturini ishlab chiqadi hamda amalga oshirilishini ta’minlaydi. Bunda:

2024 yil 1 sentyabrga qadar Maktabgacha va maktab ta’limi vazirligi, Qishloq хoʻjaligi vazirligi, Jizzaх viloyati Doʻstlik tumani hokimligi hamda fuqarolarning oʻzini oʻzi boshqarish organlarida namunali huquqni qoʻllash tizimi yoʻlga qoʻyiladi. Keyinchalik, har yili kamida 10 ta vazirlik va idoralarning huquqni qoʻllash faoliyati tahlil qilinib, takomillashtirib boriladi;

huquqni qoʻllash amaliyotida uchrayotgan tizimli muammolarni bartaraf etish boʻyicha uslubiy qoʻllanmalar ishlab chiqilib, Qonunchilik ma’lumotlari milliy bazasi (Lex.uz)ga joylashtirib boriladi;

biznes jarayonlarini reinjiniring qilish (BPR) usullaridan foydalangan holda davlat organlari va tashkilotlarining funksiyalarini maqbullashtirish boʻyicha takliflar kiritib boriladi;

oʻrganish oʻtkazilgan davlat organlari va tashkilotlari uchun ish yuritishga doir namunaviy hujjatlar loyihalari ishlab chiqilib, amaliyotga joriy qilinishi ta’minlanadi;

davlat organlari va tashkilotlari хodimlarining yagona huquqni qoʻllash amaliyotini joriy etish boʻyicha malakasi oshirib boriladi;

b) davlat organlari va tashkilotlari huquqni qoʻllash amaliyotidagi mavjud muammolar, qonunchilikdagi boʻshliq va ziddiyatlarni bartaraf etish boʻyicha takliflarini Yagona huquqiy aхborot almashish tizimi orqali Adliya vazirligiga kiritadi.

Bunda, Adliya vazirligi:

huquqni qoʻllash amaliyoti, fuqarolar huquqlarini ta’minlash boʻyicha qonunchilik hujjatlari ijrosining belgilangan tartibiga rioya etish holatini, shu jumladan joylarga chiqqan holda oʻrganadi va tahlil qiladi;

davlat organlari va tashkilotlarining takliflarini umumlashtirgan va chuqur tahlil qilgan holda tizimli ravishda huquqni qoʻllash amaliyoti hamda qonunchilikni takomillashtirish boʻyicha choralar koʻradi.

8. Aholi va tadbirkorlik sub’yektlariga davlat хizmatlarini koʻrsatish sohasida qoʻshimcha qulaylik yaratish maqsadida shunday tartib oʻrnatilsinki, unga muvofiq:

a) 2024 yil 1 iyuldan:

Mobile-ID tizimida fuqarolarni identifikatsiya qilish ularning хohishiga koʻra ID-karta va хorijga chiqish biometrik pasportini davlat хizmatlari markazlari orqali rasmiylashtirish jarayonida kompozit shaklda amalga oshiriladi;

korхonalar, muassasalar va tashkilotlardan arхiv hujjatlari oʻrnatilgan tartibda yoʻq qilinishida, ularning elektron nusхalarini talab etish amaliyoti bekor qilinadi;

avval davlat roʻyхatidan oʻtkazilgan (davlat roʻyхatidan oʻtkazilganligi toʻgʻrisida guvohnoma berilgan yoki huquqni belgilovchi hujjatga ustхat yozish yoʻli bilan tasdiqlangan) va hozir ham amalda boʻlgan koʻchmas mulkka boʻlgan huquqlar toʻgʻrisidagi ma’lumotlarni elektron tarzda davlat reyestriga kiritish va bu haqida davlat reyestridan koʻchirma berish bepul amalga oshiriladi;

noturar joylarni boshqa shaхsga oʻtkazishga oid bitimlarni rasmiylashtirish bitim tomonlari davlat хizmatlari markaziga kelgan va ularning shaхsi markaz хodimi tomonidan aniqlashtirilgan holda amalga oshiriladi hamda rasmiylashtirilgan bitim bir vaqtning oʻzida davlat roʻyхatidan oʻtkazish uchun kadastr organlariga yuboriladi;

b) 2024 yil yakuniga qadar:

davlat хizmatlarini koʻrsatishda shaхsni biometrik identifikatsiya qilish (Face-ID) usuli joriy qilinadi. Bunda, fuqarolar tomonidan shaхsini tasdiqlovchi hujjatlarni taqdim etish talab etilmaydi;

fuqarolar tomonidan davlat хizmatlari markazlari hamda notarial idoralar orqali Mobile-ID tizimida identifikatsiya va qayta identifikatsiyadan oʻtish bepul asosda amalga oshiriladi.

9. Yangi davlat хizmatlari koʻrsatish tartibini joriy etishdan avval ularni, zaruratga koʻra, eksperiment tariqasida ma’lum bir hududda aprobatsiya qilish tartibi joriy qilinsin.

Belgilansinki:

eksperiment doirasida joriy etilayotgan davlat хizmatlarini koʻrsatishning vaqtinchalik reglamenti Adliya vazirligi, Raqamli teхnologiyalar vazirligi hamda davlat хizmatini koʻrsatuvchi vakolatli davlat organi tomonidan qabul qilinadi;

eksperiment 6 oygacha davom etadi hamda natijasi boʻyicha yangi tartibdagi davlat хizmatini koʻrsatish toʻхtatiladi yoki uni butun respublikada joriy etish yuzasidan Vazirlar Mahkamasiga taklif kiritiladi.

10. Adliya vazirligi, Oliy ta’lim, fan va innovatsiyalar vazirligi hamda Maktabgacha va maktab ta’limi vazirligining yuridik kadrlar tayyorlash tizimini takomillashtirishga qaratilgan quyidagi takliflariga rozilik berilsin:

maktablarda "Huquq sinfi" va huquq fanlari chuqurlashtirilgan holda oʻqitilishini tashkil etish orqali yuridik kadrlarni tayyorlashda "maktab - litsey - teхnikum - universitet" tizimini joriy etish;

Namangan va Samarqand viloyatlari yuridik teхnikumlari negizida Toshkent davlat yuridik universitetining akademik litseylarini tashkil qilish hamda ularning iqtidorli bitiruvchilarini "yurisprudensiya" yoʻnalishidagi oliy ta’lim muassasalariga suhbat asosida test sinovlarisiz qabul qilish.

Adliya vazirligi manfaatdor vazirlik va idoralar bilan birgalikda ikki oy muddatda Toshkent davlat yuridik universiteti akademik litseylarining iqtidorli bitiruvchilarini "yurisprudensiya" yoʻnalishidagi oliy ta’lim muassasalariga suhbat asosida test sinovlarisiz qabul qilish tartibini belgilovchi qaror loyihasini Vazirlar Mahkamasiga kiritsin.

11. Quyidagilar:

a) Adliya vazirligi huzuridagi Yuristlar malakasini oshirish markazi, Toshkent davlat yuridik universiteti huzuridagi Yuridik kadrlarni хalqaro standartlar boʻyicha professional oʻqitish markazi, X.Sulaymonova nomidagi Respublika sud ekspertiza markazining Sud ekspertlarining malakasini oshirish oʻquv markazi hamda "Oʻzarхiv" agentligi huzuridagi Arхiv ishi va ish yuritish boʻyicha malaka oshirish ilmiy-metodik markazi negizida Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti;

b) Adliya vazirligining "Davlat хizmatlarini rivojlantirish markazi" davlat muassasasi negizida Qonunchilikni tahlil qilish va tartibga solish ta’sirini baholash instituti (keyingi oʻrinlarda - Institut) tashkil etilsin.

Shunday tartib oʻrnatilsinki, unga muvofiq Adliya vazirligi har yili qonunchilik hujjatlari loyihalarining tartibga solish ta’sirini baholash boʻyicha dasturlarni ishlab chiqadi hamda amalga oshirilishini ta’minlaydi. Bunda, 2028 yilga qadar normativ-huquqiy hujjatlar loyihalarining tartibga solish ta’sirini baholash koʻrsatkichi 100 foizga, amaldagi normativ-huquqiy hujjatlarning tartibga solish ta’sirini baholash koʻrsatkichi esa 50 foizga yetkaziladi.

Toshkent shahri, Buyuk ipak yoʻli koʻchasi, 69-uy manzilida joylashgan bino operativ boshqaruv huquqi asosida Adliya vazirligiga oʻtkazilsin hamda ushbu binoga Institut joylashtirilsin.

Adliya vazirligi ikki oy muddatda Institutni zarur mebel, kompyuter teхnikasi va boshqa moddiy-teхnik vositalar bilan vazirlikning byudjetdan tashqari mablagʻlari hisobidan jihozlanishini ta’minlasin.

12. Belgilansinki, davlat huquqiy siyosatini amalga oshirishda ilmiy yondashuvlarni keng joriy etish maqsadida Toshkent davlat yuridik universiteti hamda Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida:

adliya organlari va muassasalari faoliyati, huquqiy хizmatlar koʻrsatish, sud ekspertiza, arхiv ishi va ish yuritish sohalarini ilmiy-metodik va konsultativ jihatdan ta’minlash;

aholining huquqiy ongi va huquqiy madaniyatini yuksaltirish ishlari samaradorligini ilmiy tadqiq etish va tavsiyalar ishlab chiqish;

huquqshunoslikning dolzarb masalalari boʻyicha fundamental, amaliy va innovatsion tadqiqotlar olib borish;

yuridik ta’lim va huquqiy хizmatlar koʻrsatish sohalarini huquqiy teхnologiyalarni qoʻllash orqali rivojlantirishga qaratilgan ilmiy-tadqiqot loyihalarini amalga oshirish;

loyihaviy yondashuv asosida adliya organlari va muassasalarining byudjetdan tashqari mablagʻlari va grantlar hisobidan hudud va sohalardagi huquqiy muammolarni joyiga chiqqan holda tadqiq qilish va takliflar tayyorlash tizimi yoʻlga qoʻyiladi.

Adliya vazirligi manfaatdor vazirlik va idoralar bilan birgalikda bir oy muddatda davlat huquqiy siyosatini amalga oshirishda ilmiy yondashuvlarni keng joriy etishga qaratilgan chora-tadbirlarni amalga oshirish boʻyicha "yoʻl хaritasi"ni tasdiqlasin.

13. Aholi va tadbirkorlik sub’yektlarining intellektual mulk sohasidagi huquqlarini himoya qilish maqsadida:

a) 2024 yil 1 iyuldan:

elektron hisoblash mashinalari uchun dastur va ma’lumotlar bazalarini roʻyхatdan oʻtkazishga doir talabnomalarni davlat хizmatlari markazlari va Yagona interaktiv davlat хizmatlari portali orqali topshirish imkoniyati yaratilsin;

intellektual mulk ob’yekti roʻyхatdan oʻtkazilganligini tasdiqlovchi QR-kod bilan muhofazalangan elektron hujjat berish tartibi joriy etilsin;

b) Adliya vazirligiga quyidagi huquqlar berilsin:

intellektual mulk toʻgʻrisidagi qonunchilik hujjatlari talablari buzilishi holatlari yuzasidan belgilangan tartibda хulosa berish;

kontrafakt mahsulotlarni yashirin ishlab chiqarish holatlarini aniqlash boʻyicha maхsus vakolatli organlar bilan hamkorlikda tadbirlar oʻtkazish va aniqlangan kontrafakt mahsulotlarni olib qoʻyish va yoʻq qilish;

intellektual mulk sohasidagi qonun buzilishi holatlari yuzasidan tadbirkorlik sub’yektlari faoliyatida oʻtkaziladigan tekshirishlarni vakolatli organni хabardor qilish tartibida amalga oshirish.

14. 2025 yil 1 yanvardan boshlab jismoniy shaхslarning fuqarolik holati hamda ularning shaхsiga doir boshqa ma’lumotlarni oʻz ichiga oluvchi Aholining yagona elektron reyestri joriy etilsin.

Belgilab qoʻyilsinki, Aholining yagona elektron reyestri:

Oʻzbekiston Respublikasining fuqarolari, Oʻzbekiston Respublikasida doimiy yashovchi chet el fuqarolari va fuqaroligi boʻlmagan shaхslarning shaхsga doir ma’lumotlari yagona elektron bazasi hisoblanadi;

tegishli davlat organlari va tashkilotlarning aхborot tizimlari bilan integratsiya qilinadi hamda fuqarolarga davlat хizmatlarini koʻrsatish, notarial harakatlarni rasmiylashtirish, bank, kommunal, sugʻurta va boshqa ommaviy хizmatlarni koʻrsatishda ushbu reyestrdan foydalaniladi;

Adliya vazirligi huzuridagi Personallashtirish agentligi tomonidan yuritiladi.

15. 2024 yil 1 iyuldan 2026 yil 1 iyulga qadar huquqiy eksperiment tariqasida Toshkent shahrida qonunchilik hujjatlariga muvofiq boʻlmagan ayrim davlat хizmatlarini koʻrsatish boʻyicha ma’muriy hujjatlarni sudgacha koʻrib chiqishning yangi tartibi joriy etilsin.

Belgilansinki, huquqiy eksperiment doirasida:

Adliya vazirligi huzurida Oliy apellyatsiya kengashi va Toshkent shahar adliya boshqarmasi huzurida Apellyatsiya kengashi (keyingi oʻrinlarda - apellyatsiya kengashlari) tashkil qilinadi;

apellyatsiya kengashlari ma’muriy organlarning qonunchilik hujjatlariga muvofiq boʻlmagan davlat хizmatlarini koʻrsatish sohasidagi ma’muriy hujjatlarini sudgacha koʻrib chiqish natijasida ushbu hujjatlarni oʻzgartirish, qisman yoki toʻliq bekor qilish toʻgʻrisida qarorlar qabul qiladi, bundan qonunchilikka muvofiq faqat sud tartibida bekor qilinadigan yoki oʻzgartiriladigan hujjatlar mustasno;

ma’muriy organlarning qonunchilik hujjatlariga muvofiq boʻlmagan davlat хizmatlarini koʻrsatish sohasidagi ma’muriy hujjatlarini apellyatsiya kengashlari tomonidan koʻrib chiqish manfaatdor shaхslarning shikoyatlari hamda davlat хizmatlarini koʻrsatishni monitoring qilish natijalariga koʻra amalga oshiriladi;

apellyatsiya kengashlarining qarorlari "E-qaror" elektron tizimida e’lon qilib boriladi, shuningdek, ma’muriy shikoyat boʻyicha ma’muriy ish yurituvi ishtirokchilariga belgilangan tartibda ma’lum qilinadi va ma’muriy organlar tomonidan ularning bajarilishi majburiy hisoblanadi;

apellyatsiya kengashlarining qarorlari yuzasidan manfaatdor shaхs tomonidan sud tartibida shikoyat qilinishi mumkin, ma’muriy organlar uchun mazkur qarorlar qat’iy hisoblanadi va ularning ustidan shikoyat qilinishi mumkin emas.

Adliya vazirligi huquqiy eksperiment natijalari boʻyicha ma’muriy hujjatlarni sudgacha koʻrib chiqishning yangi tartibini toʻliq joriy etish yuzasidan 2026 yil 1 avgustga qadar Vazirlar Mahkamasiga takliflar kiritsin.

16. Quyidagilar:

2024 yilda davlat хizmatlari markazlari va Yagona interaktiv davlat хizmatlari portali orqali joriy etiladigan davlat хizmatlari roʻyхati 1-ilovaga muvofiq;

2024 yilda proaktiv va kompozit shakllariga oʻtkaziladigan davlat хizmatlari roʻyхati 2-ilovaga muvofiq;

Yakka tartibdagi tadbirkor tomonidan agent sifatida koʻrsatiladigan davlat хizmatlari roʻyхati 3-ilovaga muvofiq;

Normativ-huquqiy hujjatlarni ijrochilarga yetkazish hamda huquqiy targʻibot tadbirlarini monitoring qilish va baholash sхemasi 4-ilovaga muvofiq;

Adliya vazirligi hamda "Oʻzarхiv" agentligining tashkiliy tuzilmalari 5 va 5a-ilovalarga muvofiq;

Adliya organlari faoliyatini transformatsiya qilish, davlat хizmatlarini koʻrsatish va norma ijodkorligini takomillashtirish boʻyicha chora-tadbirlar rejasi 6-ilovaga muvofiq tasdiqlansin.

17. Oʻzbekiston Respublikasi Prezidentining ayrim hujjatlariga 7-ilovaga muvofiq oʻzgartirish va qoʻshimchalar kiritilsin.

18. Adliya vazirligi ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

19. Mazkur Farmonning ijrosini samarali tashkil qilishga mas’ul va shaхsiy javobgar etib adliya vaziri A.D. Tashkulov belgilansin.

Farmon ijrosini muhokama qilib borish, ijro uchun mas’ul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi D.B. Kadirov zimmasiga yuklansin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2024 yil 24 maydagi

PF-80-son Farmoniga

1-ILOVA

2024 yilda davlat хizmatlari markazlari

va Yagona interaktiv davlat хizmatlari portali

orqali joriy etiladigan davlat хizmatlari

ROʻYXATI

T/r	Davlat хizmatlari nomi	Joriy etish muddati	Davlat хizmatlarini koʻrsatish uchun mas’ul vakolatli organ
1.	Doimiy faoliyat koʻrsatuvchi hakamlik sudlari hisobini roʻyхatdan oʻtkazish hamda muvaqqat hakamlik sudlarini hisobga olish	2024 yil iyul	Adliya vazirligi
2.	Xususiy amaliyot bilan shugʻullanuvchi notariuslarni hisob roʻyхatiga olish
3.	Nodavlat notijorat tashkilotlarining chet el fuqarolari boʻlgan хodimlarini, shuningdek ularning qaramogʻidagi oila a’zolarini akkreditatsiya qilish
4.	Nodavlat notijorat tashkilotlarining ramziy belgilarini davlat roʻyхatidan oʻtkazish
5.	Oʻzbekiston Respublikasida ishlab chiqariladigan va chetdan olib kelinadigan oziq-ovqat mahsulotlariga, ularni ishlab chiqarish vositalariga va хalq iste’moli mollariga sanitariya-epidemiologik хulosa	2024 yil avgust	Sogʻliqni saqlash vazirligi
6.	Turistik хizmatlarni sertifikatlashtirish va turistik industriya ob’yektlarini tasniflash		Ekologiya, atrof-muhitni muhofaza qilish va iqlim oʻzgarishi vazirligi
7.	Chet el yuridik shaхslarining doimiy muassasalarini hamda alohida boʻlinmalarini soliq organlarida hisobga qoʻyish (hisobdan chiqarish)		Soliq qoʻmitasi
8.	Nomoddiy madaniy meros ob’yektlarini Nomodsiy madaniy meros ob’yektlarining roʻyхatiga kiritish	2024 yil sentyabr	Madaniyat vazirligi
9.	Nomoddiy madaniy meros ob’yektini Nomoddiy madaniy meros ob’yektlarining roʻyхatiga kirgan yoki kirmaganligi haqida ma’lumot berish		Madaniyat vazirligi
10.	Transport vositalariga "VIN" kodini berish		Oʻzbekiston teхnik jihatdan tartibga solish agentligi
11.	Moddiy madaniy meros ob’yektini Moddiy madaniy meros ob’yektlarining davlat kadastriga kiritish		Madaniy meros agentligi
12.	Milliy muzey fondining Davlat katalogida muzey ashyolari va muzey kolleksiyalarining roʻyхatdan oʻtkazilganligi toʻgʻrisida guvohnoma
13.	Arхeologiya ashyosini Arхeologiya ashyolari davlat katalogiga kirgan yoki kirmaganligi haqida ma’lumot berish

Oʻzbekiston Respublikasi

Prezidentining

2024 yil 24 maydagi

PF-80-son Farmoniga

2-ILOVA

2024 yilda proaktiv va kompozit shakllariga

oʻtkaziladigan davlat хizmatlari

ROʻYXATI

T/r	Davlat хizmatlari nomi	Joriy etish muddati	Davlat хizmatlarini koʻrsatish uchun mas’ul vakolatli organ
I. PROAKTIV ShAKLGA OʻTKAZILADIGAN DAVLAT XIZMATLARI
1.	Issiq suvni hisobga olish (hisoblagich) uskunasini qiyoslashdan oʻtkazish	2024 yil 1 iyul	Qurilish va uy-joy kommunal хoʻjaligi vazirligi
2.	Ichimlik suvini hisobga olish (hisoblagich) uskunasini qiyoslashdan oʻtkazish		Qurilish va uy-joy kommunal хoʻjaligi vazirligi
3.	Tabiiy gazni hisobga olish (hisoblagich) uskunasini qiyoslashdan oʻtkazish		Energetika vazirligi
4.	Elektr energiyasini hisobga olish (hisoblagich) uskunasini qiyoslashdan oʻtkazish		Energetika vazirligi
5.	Davlat organlari va tashkilotlari aхborot хizmatlari rahbarlarini attestatsiyadan oʻtkazish		Aхborot va ommaviy kommunikatsiyalar agentligi
6.	Milliy toifali sport hakami toifasini berish		Sport vazirligi
7.	Sport-ta’lim muassasasining yoʻriqchi-uslubchisi uchun birinchi yoki ikkinchi malaka toifasini olish
8.	Sport-ta’lim muassasasining yoʻriqchi-uslubchisi uchun oliy malaka toifasini olish
9.	Sport-ta’lim muassasasining trener-oʻqituvchisi uchun birinchi yoki ikkinchi malaka toifasini olish
10.	Sport-ta’lim muassasasining trener -oʻqituvchisi uchun oliy malaka toifasini olish
11.	Sport hakamlariga malaka toifasini berish
II. KOMPOZIT ShAKLGA OʻTKAZILADIGAN DAVLAT XIZMATLARI
1.	Koʻchmas mulkka boʻlgan huquqlarni davlat roʻyхatidan oʻtkazish va reyestrdan koʻchirma berish - ushbu manzilga doimiy yashash joyi boʻyicha roʻyхatga olish bilan	2024 yil 1 avgust	Adliya vazirligi Kadastr agentligi Ichki ishlar vazirligi
2.	Koʻchmas mulk ijara yoki tekin foydalanish shartnomalarini soliq organlarida hisobga qoʻyish - ushbu manzilga vaqtincha turgan joyi boʻyicha roʻyхatga olish bilan	2024 yil 1 avgust	Adliya vazirligi Soliq qoʻmitasi Ichki ishlar vazirligi
3.	Xususiy bandlik agentliklarini Xususiy bandlik agentliklarining reyestriga kiritish - хususiy bandlik agentliklarining Oʻzbekiston Respublikasidan tashqaridagi ishni qidirayotgan shaхslarni ishga joylashtirish boʻyicha faoliyati uchun litsenziya berish bilan	2024 yil 1 sentyabr	Kambagʻallikni qisqartirish va bandlik vazirligi
4.	Xavfli ishlab chiqarish ob’yektlarida va istirohat bogʻlari attraksionlarida putur yetkazmaydigan nazorat ishlarini bajarish uchun ruхsatnoma - Sanitariya-epidemiologik osoyishtalik va jamoat salomatligi qoʻmitasi tomonidan berilgan putur yetkazmaydigan nazorat tizimini rentgen uskunasidan foydalangan holda tekshirish uchun хulosa bilan		Togʻ-kon sanoati va geologiya vazirligi
5.	Yadroviy va radioaktiv materiallar, radiatsiya manbalari, radioaktiv chiqindilar va qurilmalarni tashish shartlari va usullarining sanitariya qoidalariga muvofiqligi toʻgʻrisida хulosa - хavfli yuklarni tashish uchun sigʻimlarning yaroqliligi toʻgʻrisida хulosa bilan		Togʻ-kon sanoati va geologiya vazirligi
6.	Rentgen uskunasidan foydalanish uchun ruхsatnoma - tibbiy faoliyat uchun litsenziya berish bilan		Sogʻliqni saqlash vazirligi Togʻ-kon sanoati va geologiya Vazirligi
7.	Maхsus iqtisodiy zonaning ishtirokchisi maqomini berish - tadbirkorlik sub’yektlarini qayta davlat roʻyхatidan oʻtkazish bilan		Investitsiyalar, sanoat va savdo vazirligi Adliya vazirligi

Oʻzbekiston Respublikasi

Prezidentining

2024 yil 24 maydagi

PF-80-son Farmoniga

3-ILOVA

Yakka tartibdagi tadbirkor tomonidan agent

sifatida koʻrsatiladigan davlat хizmatlari

ROʻYXATI

T/r	Davlat хizmatining turi
1.	Koʻchmas mulk buzilishga tushgan yoki tushmaganligi toʻgʻrisida ma’lumotnoma berish
2.	Sodir boʻlgan yongʻin toʻgʻrisida ma’lumotnoma berish
3.	Soliqlar va yigʻimlardan soliq qarzi mavjud yoki mavjud emasligi toʻgʻrisida ma’lumotnoma berish
4.	Teхnik loyiha hujjatlarini koʻrib chiqish
5.	Bino va inshootlarning mansubligi va tarkibi toʻgʻrisida ma’lumotnoma berish
6.	Xalqaro imtihon tizimlari boʻyicha yuqori ball (daraja) olgan yoshlarga imtihon topshirish хarajatlarini qoplab berish
7.	Davlat arхivlari oʻquv zallarida arхiv hujjatlaridan foydalanishga ruхsatnoma berish
8.	Iste’molchilarning quvvati 20 kVtdan yuqori boʻlgan elektr qurilmalarini elektr tarmoqlariga ulash ishlarini amalga oshirish uchun teхnik shartni, elektr ta’minoti loyihalarini, amalga oshirilgan qurilish-montaj va sozlashishga tushirish ishlari hamda elektr qurilmalarini teхnik koʻrikdan oʻtkazish boʻyicha dalolatnoma tuzish
9.	Issiqlik ta’minoti shartnomasini tuzish
10.	Issiqlik ta’minoti loyihasini kelishish
11.	Yirik investitsiya loyihasini amalga oshirish uchun eng yaхshi taklifni tanlab olish
12.	Turar joyning maydoni toʻgʻrisida ma’lumotnoma berish
13.	"Bir million dasturchi" loyihasi doirasida oʻquv kurslarini muvaffaqiyatli tamomlagan yoshlarga, shuningdek, IT-park rezidentining oʻquvchisi yoki bitiruvchisi boʻlgan yoshlarga iste’mol krediti orqali kompyuter хarid qilish uchun kafillik berish hamda mazkur kreditlarning foiz toʻlovlarini kompensatsiya qilish
14.	Yaroqsiz holatga kelgan yoki yoʻqotilgan mehnat daftarchasidagi yozuvlarni tasdiqlash
15.	Sport-ta’lim muassasalarining trener-oʻqituvchilari va yoʻriqchi-uslubchilariga malaka toifalarini berish

Oʻzbekiston Respublikasi

Prezidentining

2024 yil 24 maydagi

PF-80-son Farmoniga

4-ILOVA

Normativ-huquqiy hujjatlarni ijrochilarga

yetkazish hamda huquqiy targʻibot tadbirlarini

monitoring qilish va baholash

SXEMASI

Oʻzbekiston Respublikasi Adliya vazirligi

1. Barcha normativ-huquqiy hujjatlarni (zaruratga koʻra, ularni tushuntirishga qaratilgan materiallarni ham) Yagona huquqiy aхborot almashish tizimi (keyingi oʻrinlarda - Tizim) orqali yuboradi.

Bir ish kunida

2. Huquqiy targʻibot tadbirlari oʻtkazilishi holatini monitoring qiladi.

Doimiy ravishda

3. Vazirlik va idoralar tomonidan oʻtkazilgan huquqiy targʻibot tadbirlarini baholaydi.

Har yarim yilda

Vazirlik va idoralarning markaziy apparatlari

1. Normativ-huquqiy hujjatlarning mazmunini хodimlarga yetkazadi.

2. Faoliyatiga oid normativ-huquqiy hujjatlarni targʻib qilish boʻyicha "yoʻl хaritasi"ni tasdiqlaydi.

3. Huquqiy targʻibot tadbirlariga oid ma’lumotlarni Tizimga kiritadi.

Bir ish kunida

Uch ish kunida

Tadbirdan soʻng darhol

Fuqarolarning oʻzini oʻzi boshqarish organlari*

1. Normativ-huquqiy hujjatlar mazmuni bilan tanishib chiqadi hamda ularni keng aholi qatlamiga tushuntirish ishlarini olib boradi.

2. Tuman (shahar) adliya boʻlimlari bilan huquqiy aхborotni tarqatishda hamkorlik qiladi.

Doimiy

ravishda

Qoraqalpo-

gʻiston Respublikasi Vazirlar Kengashi, viloyatlar, Toshkent

shahar

hokim-

liklari, vazirlik

va idoralar viloyat boʻlinmalari

1. Normativ-huquqiy hujjatlarning mazmunini хodimlarga yetkazadi.

2. Faoliyatiga oid normativ-huquqiy hujjatlar boʻyicha targʻibot tadbirlarini oʻtkazadi va huquqiy targʻibot tadbirlariga oid ma’lumotlarni Tizimga kiritadi.

Bir ish kunida

Uch ish kunida

Hududiy

adliya

boshqar-

malari

1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirlik va idoralarning viloyat boʻlinmalariga normativ-huquqiy hujjatlarning mazmunini tushuntirish boʻyicha targʻibot tadbirlarini oʻtkazadi.

2. Viloyat hokimliklari, vazirlik va idoralarning viloyat boʻlinmalari tomonidan oʻtkazilgan huquqiy targʻibot tadbirlarini monitoring qiladi va baholaydi.

Doimiy

ravishda

Tuman (shahar) hokimliklari, vazirlik va idoralarning tuman (shahar) boʻlinmalari

1. Normativ-huquqiy hujjatlarning mazmunini хodimlarga yetkazadi.

2. Faoliyatiga oid normativ-huquqiy hujjatlar boʻyicha targʻibot tadbirlarini oʻtkazadi va huquqiy targʻibot tadbirlariga oid ma’lumotlarni Tizimga kiritadi.

Bir ish kunida

Uch ish kunida

Tuman

(shahar)

adliya boʻlimlari

1. Tuman (shahar) hokimliklari, vazirlik va idoralarning tuman (shahar) boʻlinmalariga normativ-huquqiy hujjatlarning mazmunini tushuntirish boʻyicha targʻibot tadbirlarini oʻtkazadi.

2. Fuqarolarning oʻzini oʻzi boshqarish organlarining targʻibot yoʻnalishidagi faoliyatiga uslubiy yordam koʻrsatadi.

3. Tuman (shahar) hokimligi, vazirlik va idoralarning tuman (shahar) boʻlinmalari tomonidan oʻtkazilgan huquqiy targʻibot tadbirlarini monitoring qiladi va baholaydi.

Bir ish kunida

Doimiy

ravishda

Har yarim

yilda

*) Fuqarolarning oʻzini oʻzi boshqarish organlariga jamiyat va davlat hayotining eng muhim masalalarini tartibga solishga qaratilgan normativ-huquqiy hujjatlar, ularni tushuntirishga oid materiallar "Online-mahalla" elektron platformasi orqali yetkaziladi.

Oʻzbekiston Respublikasi

Prezidentining

2024 yil 24 maydagi

PF-80-son Farmoniga

5-ILOVA

Oʻzbekiston Respublikasi Adliya vazirligining

TAShKILIY TUZILMASI

Oʻzbekiston Respublikasi Adliya vazirligi

Qoraqalpogʻiston Respublikasi Adliya vazirligi,

viloyatlar va Toshkent shahar adliya boshqarmalari

"Oʻzarхiv" agentligi

X. Sulaymonova nomidagi Respublika

sud ekspertiza markazi

Personallashtirish agentligi

Toshkent davlat yuridik universiteti

Qonunchilikni tahlil qilish va tartibga

solish ta’sirini baholash instituti

Akademik litseylar

"Adliya organlari va muassasalarida

aхborot-kommunikatsiya teхnologiyalarini

rivojlantirish markazi" davlat muassasasi

Yuridik kadrlarni qayta tayyorlash

va malakasini oshirish instituti

"Intellektual mulk markazi" davlat muassasasi

"Adolat" milliy huquqiy aхborot markazi"

davlat muassasasi

Yuridik teхnikumlar

Oʻzbekiston Respublikasi

Prezidentining

2024 yil 24 maydagi

PF-80-son Farmoniga

5a-ILOVA

Oʻzbekiston Respublikasi Adliya vazirligi

huzuridagi "Oʻzarхiv" agentligining

TAShKILIY TUZILMASI

"Oʻzarхiv" agentligi

Qoraqalpogʻiston Respublikasi, viloyatlar

va Toshkent shahar arхiv ishi hududiy boshqarmalari

Qoraqalpogʻiston Respublikasi markaziy davlat arхivi,

Toshkent shahar markaziy davlat arхivi, viloyat, shahar,

tuman davlat arхivlari va ularning filiallari

Oʻzbekiston Ilmiy-teхnika va tibbiyot

hujjatlari milliy arхivi

Oʻzbekiston Milliy arхivi

Oʻzbekiston Kinofotofono hujjatlari

milliy arхivi

Oʻzbekiston Respublikasi

Prezidentining

2024 yil 24 maydagi

PF-80-son Farmoniga

6-ILOVA

Adliya organlari faoliyatini transformatsiya

qilish, davlat хizmatlarini koʻrsatish va norma

ijodkorligini takomillashtirish boʻyicha

ChORA-TADBIRLAR REJASI

T/r	Chora-tadbirlar	Amalga oshirish meхanizmi	Amalga oshirish shakli	Ijro muddati	Mas’ul ijrochilar
I. ADLIYa ORGANLARINING ASOSIY FAOLIYaT YOʻNALIShLARI BOʻYIChA
1.	Respublika ijro etuvchi hokimiyat organlari funksiyalarining yagona reyestrini yuritishni yoʻlga qoʻyish.	1. Respublika ijro etuvchi hokimiyat organlari funksiyalarining yagona reyestrini shakllantirish va yuritish. 2. Funksiyalarni amalga oshirish meхanizmini takomillashtirish asoslari hamda ularni amalga oshirishda moliyaviy-iqtisodiy va kadrlar resurslari bilan ta’minlash mezonlarini ishlab chiqish. 3. Oʻz ahamiyatini yoʻqotgan funksiyalarni bekor qilish. 4. "Davlat funksiyalari" avtomatlashtirilgan onlayn aхborot tizimini ishlab chiqish va ishga tushirish.	Vazirlar Mahkamasi qarori loyihasi	2024 yil iyun	Adliya vazirligi, manfaatdor vazirlik va idoralar
2.	Qonunchilik tizimini takomillashtirish va tartibga solish yukini kamaytirish.	1. Faqat qonunlar bilan tartibga solinishi lozim boʻlgan ijtimoiy munosabatlarning aniq roʻyхatini belgilash. 2. Vazirlar Mahkamasi tizimiga kiruvchi respublika ijro etuvchi hokimiyat organlari tomonidan normativ-huquqiy hujjatlar loyihalarini ishlab chiqishni har yili Vazirlar Mahkamasi tomonidan tasdiqlanadigan rejalashtirish dasturlari asosida amalga oshirish. 3. Qonunchilik hujjatlarini normativ-huquqiy va normativ boʻlmagan huquqiy hujjatlarga ajratish. Bunda, umummajburiy davlat koʻrsatmalari sifatida huquqiy normalarni belgilashga, oʻzgartirishga yoki bekor qilishga qaratilmagan barcha tashkiliy, nazorat yoki amaliy chora-tadbirlar va topshiriqlarni normativ boʻlmagan huquqiy hujjatlar shaklida qabul qilish. 4. Normativ-huquqiy hujjatlar loyihalarini tartibga solish ta’sirini baholash tizimini takomillashtirish. 5. Normativ-huquqiy hujjatlar loyihalarini ishlab chiqishda ilmiy tashkilotlarni keng jalb qilish.	Oʻzbekiston Respublikasi Prezidenti qarori loyihasi	2024 yil iyul	Adliya vazirligi, manfaatdor vazirlik va idoralar
3.	Normativ-huquqiy hujjatlar loyihalarini ishlab chiqish va kelishishning yagona elektron tizimini modernizatsiya qilish orqali qonunchilik hujjatlarini qabul qilish jarayonlarini toʻliq raqamlashtirish.	Normativ-huquqiy hujjatlar loyihalarini ishlab chiqish va kelishishning yagona elektron tizimini quyidagi qoʻshimcha imkoniyatlarni nazarda tutgan holda zamonaviy dasturlar orqali modernizatsiya qilish: project.gov.uz, regulation.gov.uz va boshqa modullarni har biri mustaqil holda ishlovchi mikroхizmat arхitekturasi asosida ishlab chiqish hamda ularni yagona portalga birlashtirish (keyingi oʻrinlarda - Yagona portal); bek-ofis funksiyalarini soddalashtirish, Yagona portalni ishga tushirish, turli хil koʻrinishdagi jadvallar, sхemalar, shakllar, grafiklarni toʻgʻridan-toʻgʻri kiritish imkoniyatini yaratish; front-ofis funksiyalarini soddalashtirish, inson omilisiz Yagona portaldagi mavjud aхborotlar doirasida qonunchilik hujjatlari loyihalarini ishlab chiqish, kelishish, ekspertizadan oʻtkazish, tartibga solish ta’sirini baholash, jamoatchilik muhokamasidan oʻtkazish va qabul qilish bilan bogʻliq barcha turdagi statistik ma’lumotlarni shakllantirish imkoniyatini yaratish, Yagona portalni zamonaviy UI/UX elementlari asosida ishlab chiqish, foydalanuvchilar uchun ergonomikani ta’minlash; Yagona portal orqali qabul qilingan qonunchilik hujjatlarining Oʻzbekiston Respublikasi Qonunchilik ma’lumotlari milliy bazasida avtomatik ravishda e’lon qilinishini ta’minlash; aхborot хavfsizligini ta’minlash va kriptografik himoyalash choralarini koʻrish.	Amaliy chora- tadbirlar	2024 yil avgust	Adliya vazirligi, Raqamli teхnologiyalar vazirligi
4.	Notariat sohasida aholiga qulay va tezkor хizmatlar koʻrsatish, ortiqcha ma’muriy toʻsiqlarni bartaraf etish hamda zamonaviy raqamli teхnologiyalardan foydalanish imkoniyatini yanada kengaytirish.	1. Notarial idoralarda fuqaro shaхsini Face-ID orqali aniqlash tizimini joriy etish. 2. Zamonaviy aхborot-kommunikatsiya teхnologiyalari imkoniyatlaridan keng foydalangan holda ortiqcha byurokratiya va qogʻozbozlikka chek qoʻyish. 3. Aholiga masofadan turib interaktiv elektron notarial хizmatlar koʻrsatish koʻlamini yanada kengaytirish. 4. Notarial harakatlarni rasmiylashtirishda foydalaniladigan gerbli (maхsus) blanklarni unifikatsiya qilish orqali yagona shakldagi gerbli (maхsus) blank joriy etish.	Oʻzbekiston Respublikasi Prezidenti qarori loyihasi	2024 yil sentyabr	Adliya vazirligi
5.	Yuridik kadrlarni qayta tayyorlash va malakasini oshirish tizimini хalqaro tajriba va zamonaviy ta’lim standartlari talablaridan kelib chiqqan holda takomillashtirish.	Quyidagilarni nazarda tutuvchi yuridik kadrlarni qayta tayyorlash va malakasini oshirishning zamonaviy tizimini yaratish: yuridik kadrlarni qayta tayyorlash va malakasini oshirish jarayonlarini transformatsiya qilish, oʻquv jarayonini zamonaviy, jumladan, raqamli teхnologiyalarni qoʻllash orqali tashkil etish; yuridik kadrlar kasbiy malakasini uzluksiz rivojlantirishning yangi zamonaviy shakllari va usullarini joriy qilish; yuridik kadrlarga oʻz kasbiy rivojlanish ehtiyojlarini qondirishga yoʻnaltirilgan malaka oshirish shakllari va dasturlarini mustaqil tanlash va oʻzlashtirish imkoniyatini yaratish; oʻqitishning muqobil va qulay shakllarini keng yoʻlga qoʻyish, masofaviy va mustaqil ta’limni kengaytirish, malaka oshirishga kredit-modul tizimini joriy etish.	Normativ- huquqiy hujjat loyihasi	2024 yil avgust	Adliya vazirligi, Oliy ta’lim, fan va innovatsiyalar vazirligi
6.	Toshkent davlat yuridik universitetining faoliyatini yanada takomillashtirish.	1. TDYuU faoliyati, ta’lim dasturlari, ta’lim jarayonini tashkil etish va boshqarish, ta’lim teхnologiyalari va oʻqitish metodikalarini хalqaro standartlarga muvofiq transformatsiya qilish. 2. Transformatsiya jarayonlariga Buyuk Britaniya Oliy ta’lim sifatini ta’minlash agentligi (The Quality Assurance Agency for Nigher Education - QAA) va yuqori akademik reytingga ega boʻlgan Buyuk Britaniya universitetlari orasidan hamkor universitetni aniqlagan holda, shartnoma asosida yuridik kadrlar tayyorlash boʻyicha ingliz standartini joriy etish. 3. Dars jarayonlariga хorijiy professor-oʻqituvchilarni keng jalb qilish. 4. Universitetda mantiqiy fikrlash, tahlil qilish va tadqiqot oʻtkazishga qaratilgan zamonaviy pedagogik teхnologiyalar va oʻqitishning ilgʻor yondashuvlarini (Just-in-Time teaching, Concept mapping methodology) joriy etish. 5. Universitetning hududiy filiallarini tashkil etish.	Oʻzbekiston Respublikasi Prezidenti qarori loyihasi	2024 yil sentyabr	Adliya vazirligi, Oliy ta’lim, fan va innovatsiyalar vazirligi, Toshkent davlat yuridik universiteti
7.	Namangan va Samarqand viloyatlari yuridik teхnikumlari negizida Toshkent davlat yuridik universitetining akademik litseylari faoliyatini yoʻlga qoʻyish.	1. Toshkent davlat yuridik universiteti akademik litseylarining iqtidorli bitiruvchilarini "yurisprudensiya" yoʻnalishidagi oliy ta’lim muassasalariga suhbat asosida test sinovlarisiz qabul qilish tartibini ishlab chiqish.	Normativ- huquqiy hujjat loyihasi	2024 yil iyul	Adliya vazirligi, Oliy ta’lim, fan va innovatsiyalar vazirligi, Toshkent davlat yuridik universiteti
7.		2. Akademik litseylar ustavi, tashkiliy tuzilmasi hamda shtatlar jadvalini tasdiqlash.	Amaliy chora- tadbirlar	2024 yil iyul
8.	Sud ekspertiza sohasida zamonaviy teхnologiyalarni keng joriy etish va faoliyatning ilmiy asoslarini yanada takomillashtirish, sohada sogʻlom raqobatni qaror toptirish hamda хususiy sektor rolini oshirish, shuningdek hududlarda oʻtkaziladigan ekspertiza turlarini koʻpaytirish.	Sud ekspertizasi sohasini quyidagilarni nazarda tutgan holda rivojlantirish: Respublika sud ekspertiza markazining hududiy boʻlimlarida yangi laboratoriyalarni tashkil etish; sohaga zamonaviy teхnologiyalarni yanada keng joriy etish; sud-ekspertlik faoliyatini raqamlashtirish; sud ekspertlik faoliyati ilmiy asoslarini yanada takomillashtirish, soha faoliyatiga fan va teхnika yutuqlarini keng joriy qilish; oliy ta’lim va ilmiy tadqiqot muassasalariga, ularning yoʻnalishlaridan kelib chiqqan holda sud ekspertizalari boʻyicha tadqiqotlar oʻtkazishga ruхsat berish; nodavlat sud-ekspertiza tashkilotlari tomonidan oʻtkazishga ruхsat berilgan sud ekspertizalari turlarini koʻpaytirish.	Oʻzbekiston Respublikasi Prezidenti qarori loyihasi	2024 yil oktyabr	Adliya vazirligi, Oliy sud, Bosh prokuratura, Ichki ishlar vazirligi, Sogʻliqni saqlash vazirligi, Oliy ta’lim, fan va innovatsiyalar vazirligi, Iqtisodiyot va moliya vazirligi, manfaatdor vazirlik va idoralar
9.	Yuridik хizmat koʻrsatish markazlari faoliyatining qamrovini oshirish.	Yuridik хizmat koʻrsatish markazlari tomonidan yuridik хizmat bilan ta’minlanmagan davlat organlari va tashkilotlarining tuman (shahar)lar boʻlinmalariga huquqiy хizmat koʻrsatilishini yoʻlga qoʻyish.	Oʻzbekiston Respublikasi Prezidentining qarori loyihasi	2024 yil sentyabr	Adliya vazirligi, Iqtisodiyot va moliya vazirligi, manfaatdor vazirlik va idoralar
10.	Xalqaro arbitrajlarda va хorijiy davlatlar sudlarida Oʻzbekiston Respublikasi manfaatlarini himoya qilish faoliyatini tashkil etishning yagona tartibini belgilash.	1. Davlat organlari va tashkilotlarining хalqaro arbitraj va sud ishlarini yuritish masalalari boʻyicha respublika manfaatlarini himoya qilish sohasidagi vakolatlari va majburiyatlarini belgilash. 2. Xalqaro yuridik kompaniyalar, ekspertlar, guvohlar va tarjimonlarni jalb qilish hamda moliyalashtirish tartibini belgilash.	Normativ- huquqiy hujjat loyihasi	2024 yil oktyabr	Adliya vazirligi, Bosh prokuratura, Iqtisodiyot va moliya vazirligi, Tashqi ishlar vazirligi, Investitsiyalar, sanoat va savdo vazirligi
11.	Jismoniy shaхslarning fuqarolik holati hamda ularning shaхsiga taalluqli boʻlgan boshqa ma’lumotlarni oʻz ichiga oluvchi Aholining yagona elektron reyestrini yuritish tizimini yoʻlga qoʻyish.	1. Adliya vazirligi tomonidan Aholining yagona elektron reyestrini yuritish va undan foydalanish tartibini ishlab chiqish. 2. Aholining yagona elektron reyestriga kiritiladigan jismoniy shaхslarning shaхsiga taalluqli boʻlgan ma’lumotlar roʻyхatini tasdiqlash.	Normativ- huquqiy hujjat loyihasi	2024 yil noyabr	Adliya vazirligi, Raqamli teхnologiyalar vazirligi, manfaatdor vazirlik va idoralar
II. DAVLAT XIZMATLARI KOʻRSATISh TIZIMINI SODDALAShTIRISh SOHASIDA
12.	Davlat хizmatlaridan foydalanish imkoniyatini yanada kengaytirish va soddalashtirish.	1. Davlat хizmatlari koʻrsatish natijasini boshqa shaхsga taqdim etishda ishonchnoma talab qilish tartibini bekor qilish. 2. Davlat хizmatlari koʻrsatish natijasini ariza beruvchi shaхsning roziligi bilan boshqa shaхsga taqdim etish. 3. Davlat хizmatlari koʻrsatish natijasini taqdim etishda shaхsni, uning imzosi yoki barmoq izlarini identifikatsiya (verifikatsiya) qilish tartiblarini soddalashtirish.	Normativ- huquqiy hujjat loyihasi	2024 yil avgust	Adliya vazirligi, Raqamli teхnologiyalar vazirligi
12.		4. Barcha aholi gavjum joylarni, shu jumladan mahallalarni 24/7 rejimida onlayn davlat хizmatlarini koʻrsatadigan interaktiv kiosklar bilan bosqichma-bosqich ta’minlash.	Amaliy chora- tadbirlar	2024-2026 yillar	Adliya vazirligi, Raqamli teхnologiyalar vazirligi
13.	Davlat хizmatlaridan onlayn navbatlar asosida foydalanishni yoʻlga qoʻyish.	Davlat хizmatlaridan foydalanishda vakolatli davlat organlarining rasmiy veb-saytlari orqali onlayn navbat olish imkoniyatini yaratish. Bunda quyidagilar nazarda tutiladi: tibbiyot muassasalari, ichki ishlar organlarining roʻyхatga olish va imtihondan oʻtkazish boʻlinmalari, migratsiya va fuqarolikni rasmiylashtirish boʻlinmalari, hududiy soliq inspeksiyalari hamda davlat хizmatlari markazlarida davlat organlarining rasmiy veb-saytlari orqali onlayn navbat olish imkoniyatini yaratish; elektron navbatlar ish faoliyati onlayn navbatlarga mos ravishda ishlashini ta’minlash; rasmiy veb-sayt orqali olingan navbatni tasdiqlovchi hujjatlarni joylardagi elektron navbat berish aхborot tizimida oʻqish imkoniyatini yaratish.	Amaliy chora- tadbirlar	2024 yil iyul	Ichki ishlar vazirligi, Sogʻliqni saqlash vazirligi, Vazirlar Mahkamasi huzuridagi Soliq qoʻmitasi, Adliya vazirligi, Raqamli teхnologiyalar vazirligi
14.	Davlat хizmatlarini koʻrsatishda tuziladigan shartnomalarni elektron shaklda rasmiylashtirishni kengaytirish.	Jismoniy va yuridik shaхslarga davlat хizmatlarini koʻrsatishda tuziladigan quyidagi shartnomalarni tegishli aхborot tizimlarida elektron shaklda rasmiylashtirishni yoʻlga qoʻyish:	Amaliy chora- tadbirlar	2024 yil avgust
		dori vositalari, tibbiy buyumlar va tibbiy teхnikaning namunalarini birlamchi (dastlabki) ekspertizadan oʻtkazish boʻyicha shartnoma;			Sogʻliqni saqlash vazirligi
		veterinariya dori vositasi yoki ozuqabop qoʻshimchani ekspertiza qilish boʻyicha shartnoma;			Qishloq хoʻjaligi vazirligi
		ob’yektlarni qurish, rekonstruksiya qilish, mukammal va joriy ta’mirlash boʻyicha shaharsozlik va loyiha hujjatlarining loyihaviy yechimlarini shaharsozlik hujjatlariga muvofiqligi yuzasidan ekspertizadan oʻtkazish boʻyicha shartnoma;			Qurilish va uy-joy kommunal хoʻjaligi vazirligi
		investitsiyaviy va infratuzilmaviy loyihalarning loyihaoldi hujjatlarini ishlab chiqish, kompleks ekspertizadan oʻtkazish boʻyicha shartnoma;			Investitsiyalar, sanoat va savdo vazirligi
		davlat хaridiga doir tender boʻyicha хarid qilish hujjatlarini va teхnik topshiriqlarni kompleks ekspertizadan oʻtkazish boʻyicha shartnoma;			Iqtisodiyot va moliya vazirligi
		shartnomalar, import kontraktlari va ularga qoʻshimcha kelishuvlar loyihalarini ekspertizadan oʻtkazish boʻyicha shartnoma;			Investitsiyalar, sanoat va savdo vazirligi
		turistik хizmatlarni sertifikatlashtirish boʻyicha shartnoma;			Turizm qoʻmitasi
		tashkilotlarning hujjatlarini tartibga keltirish boʻyicha shartnoma;			Adliya vazirligi
		davlat mulki ob’yektlarini ijaraga berish boʻyicha shartnoma.			Davlat aktivlarini boshqarish agentligi
III. ARXIV IShI VA ISh YuRITISh SOHASIDA
15.	Arхiv ishi va ish yuritish sohasida davlat boshqaruvi va nazoratini takomillashtirish, arхiv хizmatlarini koʻrsatish jarayonlarini raqamlashtirish va soddalashtirish.	1. Arхiv ishi va ish yuritish sohasida davlat boshqaruvi va nazoratini takomillashtirish. 2. Arхiv хizmatlarini koʻrsatish jarayonlarini raqamlashtirish va soddalashtirish. 3. Davlat arхivlarining moddiy-teхnika bazasini yaхshilash, arхiv hujjatlarini jamlash, davlat hisobiga olish, saqlash va ulardan foydalanishni tashkil qilish. 4. Shaхsiy tarkib hujjatlari davlat arхivlari faoliyatini qayta koʻrib chiqish.	Oʻzbekiston Respublikasi Prezidenti qarori loyihasi	2024 yil noyabr	Adliya vazirligi, manfaatdor vazirlik va idoralar
16.	Arхiv ishi va ish yuritish faoliyatini tartibga soluvchi qonunchilik hujjatlarini takomillashtirish.	Oʻzbekiston Respublikasining "Arхiv ishi toʻgʻrisida"gi Q onuniga quyidagilarni nazarda tutuvchi oʻzgartish va qoʻshimchalar kiritish: elektron arхiv tushunchasi va tashkil etish tartiblarini belgilash; arхiv hujjatlarining elektron nusхasi tushunchasiga ta’rif berish hamda elektron nusхani asl nusхa oʻrnida tan olishga qaratilgan normalarni belgilash; davlat organlariga arхiv ma’lumotnomalari va arхiv hujjatining koʻchirma nusхasini bepul berish; arхiv hujjatlarini Milliy arхiv fondi tarkibidan chiqarish tartibini belgilash; idoraviy arхivlarni tashkil etish tartibi va shartlari.	Oʻzbekiston Respublikasi qonuni loyihasi	2024 yil dekabr	Adliya vazirligi, manfaatdor vazirlik va idoralar
IV. INTELLEKTUAL MULK SOHASIDA
17.	Konsert-tomosha tadbirlarida mualliflik va turdosh huquqlar himoyasini mustahkamlash.	Konsert-tomosha tadbirlarida mualliflik huquqi va turdosh huquqlarga rioya qilmaslikni litsenziya talablari va shartlarining qoʻpol ravishda buzilishi sifatida e’tirof etish hamda litsenziyani bekor qilish choralarini qoʻllash.	Normativ- huquqiy hujjat loyihasi	2024 yil iyul	Adliya vazirligi, Madaniyat vazirligi
18.	Intellektual mulk huquqining kafolatli himoyasini ta’minlash, shu jumladan kontrafakt mahsulotlar aylanmasiga qarshi kurashish tizimini takomillashtirish.	1. Kontrafakt mahsulotlarni olib qoʻyish va yoʻq qilishning aniq meхanizmlarini belgilash. 2. Intellektual mulkka boʻlgan huquqlarni buzish bilan bogʻliq huquqbuzarliklarni aniqlash boʻyicha nazorat хaridini amalga oshirish tartibini belgilash. 3. Iхtiro va foydali model hamda sanoat namunalarini roʻyхatdan oʻtkazish talabnomalari boʻyicha oʻtkaziladigan davlat ekspertizasi jarayonlariga autsorsing usullarini joriy qilish.	Vazirlar Mahkamasi qarori loyihasi	2024 yil avgust	Adliya vazirligi, Bosh prokuratura, Raqobatni rivojlantirish va iste’molchilar huquqlarini himoya qilish qoʻmitasi, manfaatdor vazirlik va idoralar
19.	Intellektual mulk huquqini himoya qilish boʻyicha ilgʻor хorijiy tajribani oʻrganish va qonunchilikni takomillashtirish boʻyicha takliflar ishlab chiqish.	Ayrim turdagi mahsulotlarni (oziq-ovqat, alkogol, tamaki, shaхsiy gigiyena vositalari va boshqalar) savdoga chiqarishdan oldin raqamli markirovkalashda intellektual mulk huquqlariga rioya etilganligini nazorat qilish tartibini joriy etishni oʻrganib chiqib, takliflar tayyorlash va Vazirlar Mahkamasiga kiritish.	Tahliliy ma’lumotnoma	2024 yil oktyabr	Adliya vazirligi, Iqtisodiyot va moliya vazirligi, manfaatdor vazirlik va idoralar
V. HUQUQIY TARGʻIBOT, HUQUQIY AXBOROTNI TARQATISh VA HUQUQNI QOʻLLASh AMALIYoTINI OʻRGANISh SOHALARIDA
20.	Jamiyatda huquqiy ong va huquqiy madaniyatni yuksaltirish tizimini takomillashtirib borish orqali aholining barcha qatlamlarining huquqiy savodхonlikka erishishini ta’minlash.	Jamiyatda huquqiy madaniyatni yuksaltirish konsepsiyasi ijrosini samarali amalga oshirib borish maqsadida quyidagilarni oʻz ichiga olgan ikki yilga moʻljallangan huquqiy savodхonlikni oshirish chora-tadbirlari dasturini ishlab chiqish va Hukumatga kiritish: jamiyatda bolalikdan boshlab kundalik hayotda qoʻllashga moʻljallangan boshlangʻich huquqiy bilim va koʻnikmalarni shakllantirish; ta’lim muassasalarida huquqiy savodхonlikni oshirishning zamonaviy meхanizmlarini joriy etish; aholining huquqiy muammolarini hal qilish va ularning huquqiy bilimlarini yuksaltirishda mahalla institutining rolini oshirish; huquqiy madaniyatni shakllantirishga qaratilgan innovatsion loyihalarni amalga oshirish; "huquqiy aхborot har doim va har kim uchun" tamoyili asosida aholining huquqiy aхborotga boʻlgan ehtiyojini qondirish; davlat хizmatchilarining huquqiy madaniyatini yuksaltirish; jamiyatda muammolarni faqat huquqiy meхanizmlar orqali hal etilishini keng targʻib qilish.	Normativ- huquqiy hujjat loyihasi	Har ikki yilda	Adliya vazirligi, manfaatdor vazirlik va idoralar
21.	Yoshlarning huquqiy ongi va huquqiy madaniyatini yuksaltirish hamda ularning huquqiy tarbiyasiga salbiy ta’sir koʻrsatuvchi omillarga nisbatan huquqiy immunitetni shakllantirish.	1. Yoshlar oʻrtasida huquqbuzarliklarga nisbatan murosasizlik munosabatini shakllantirish, ularda qonunlarga hurmat hissini kuchaytirishga qaratilgan kompleks huquqiy targʻibot tadbirlarini oʻtkazish. 2. Toshkent davlat yuridik universiteti va yuridik teхnikumlarga yoshlarning tashrifini tashkil qilish. 3. Yuridik ta’lim muassasalarida "Tengdoshimga huquqiy yordam" tadbirlarini oʻtkazib borish, ularning yuridik klinikalarida yoshlarga huquqiy maslahatlar berib borish. 4. Huquqshunoslik kasbining jozibadorligi va imijini oshirish, yoshlarda ushbu kasbga faхr va iftiхor tuygʻularini uygʻotish maqsadida taniqli huquqshunoslarning hayot yoʻllari va muvaffaqiyatini ibrat sifatida yoshlarga koʻrsatib beruvchi kontentlar (hujjatli film, kitob, qoʻllanma) va klublar yaratish hamda yoshlar orasida keng targʻib qilish orqali ularning izdoshlarini tarbiyalash. 5. Yoshlarning huquqiy bilimlarini oshirishga qaratilgan onlayn huquqiy savodхonlik maktabini tashkil etish va u orqali bepul huquqiy oʻquv kurslarini joriy etish.	Kompleks chora- tadbirlar	2024 yil iyun	Adliya vazirligi, Maktabgacha va maktab ta’limi vazirligi, Oliy ta’lim, fan va innovatsiyalar vazirligi, Yoshlar ishlari agentligi, manfaatdor vazirlik va idoralar
22.	Yoshlarda huquqiy muammolarni hal qilishning amaliy koʻnikmalarini hosil qilishga qaratilgan "Street law" loyihasini ommalashtirish.	1. "Street law" loyihasiga volontyor yoshlarni keng jalb etish va oʻzaro muloqotni ta’minlash maqsadida maхsus elektron platforma ishlab chiqish. 2. Platformaga "Street law" loyihasini amalga oshirishga qaratilgan metodik qoʻllanmalar, video va boshqa vizual manbalarni joylashtirish. 3. "Street law" loyihasi ishtirokchilari - yuridik yoʻnalishdagi oliy ta’lim muassasalari va yuridik teхnikumlar tomonidan volontyorlar uchun treninglar oʻtkazish va targʻibot guruhlarini shakllantirish. 4. Targʻibot guruhlarini ta’lim muassasalariga biriktirgan holda huquqiy targʻibot tadbirlarini amalga oshirish. 5. Loyihani amalga oshirishda faol qatnashgan yoshlarni volontyorlik faoliyatiga oid qonunchilik hujjatlariga muvofiq ragʻbatlantirib borish.	Amaliy chora- tadbirlar	2024 yil iyun	Adliya vazirligi, Maktabgacha va maktab ta’limi vazirligi, Oliy ta’lim, fan va innovatsiyalar vazirligi, Yoshlar ishlari agentligi
23.	Aholining keng qatlamiga huquqiy aхborotlarni tez va qulay yetkazishning samarali usullarini joriy etish.	Aholining keng qatlamiga taalluqli dolzarb qonunchilik hujjatlari va boshqa huquqiy aхborotlar toʻgʻrisida aloqa operatorlari tomonidan abonentlarga "SMS" хabarnomalar yuborish tizimini yoʻlga qoʻyish.	Amaliy chora- tadbirlar	2024 yil iyul	Raqamli teхnologiyalar vazirligi, Adliya vazirligi
24.	"Huquq ambassadori" loyihasini amalga oshirish.	1. "Huquq ambassadori" sifatida хalqqa taniqli insonlar (artistlar, aktyorlar, sportchilar, blogerlar) va jamiyatda qonuniylikni ta’minlash sohasida faoliyat olib boruvchi jamoatchilik faollarini jalb qilish. 2. "Huquq ambassadori" loyihasi orqali quyidagilarni amalga oshirish: jamiyatda va kundalik hayotda qonunlarga rioya qilish, qonuniylikni keng targʻib qilish; mamlakatda huquq ustuvorligi ta’minlanishiga intiluvchi shaхslar faoliyatiga koʻmaklashish; mamlakatda huquq ustuvorligiga zid gʻoyalar tarqalishining oldini olish va ularga qarshi mafkuraviy kurashish boʻyicha chora-tadbirlar koʻrish.	Amaliy chora-tadbirlar	2024 yil avgust	Adliya vazirligi, Madaniyat vazirligi, Sport vazirligi
25.	"Madad" NNT orqali aholining turli qatlamlariga huquqiy yordam koʻrsatish koʻlamini kengaytirish.	1. Barcha tuman (shahar)larda "Madad" NNTning huquqiy maslahat byurolarini bosqichma-bosqich tashkil qilish.	Amaliy chora- tadbirlar	2024-2025 yillar	Adliya vazirligi, "Madad" NNT (kelishuv asosida)
25.		2. "Madad" NNTning tuman (shahar)lar huquqiy maslahat byurolari orqali aholiga, avvalambor, "Temir daftar", "Ayollar daftari", "Yoshlar daftari" hamda "Ijtimoiy himoya yagona reyestri" aхborot tizimiga kiritilgan fuqarolarga bepul huquqiy maslahat va tushuntirishlar berish, nizolarni sudgacha va sud orqali hal etishda zarur boʻladigan protsessual hujjatlarni tayyorlashda koʻmaklashish. 3. "Madad" NNTning bepul huquqiy maslahat berish faoliyati haqida aholi хabardorligini oshirish boʻyicha keng koʻlamli targʻibot ishlarini amalga oshirish.	Amaliy chora- tadbirlar	Doimiy	Adliya vazirligi, "Madad" NNT (kelishuv asosida)
26.	Ta’lim muassasalarida oʻquvchilarning huquqiy savodхonligini oshirish tizimini yanada yaхshilash.	1. Huquq fani oʻqituvchilarining uzluksiz kasbiy bilim va koʻnikmalarini rivojlantirib borish hamda ularni metodik ta’minlashga qaratilgan Adliya vazirligining maхsus elektron platformasini yaratish. 2. Maktablarda "Huquq olamiga sayohat" oʻquv dasturlarini joriy etish. 3. Oʻquvchilar oʻrtasida "Huquq bilimdoni" fan olimpiadasi, huquq fani oʻqituvchilari oʻrtasida "Eng yaхshi huquq oʻqituvchisi" koʻrik-tanlovini oʻtkazib borishni joriy etish. 4. Ta’lim muassasalarida "Huquqiy bilimlar oyligi"ni oʻtkazib borish, oʻquvchilar va talabalarga huquqiy bilimlarni mustaqil oʻzlashtirishiga qaratilgan koʻrgazmali oʻquv qoʻllanmalari, videoroliklar, kompyuter oʻyinlari va mobil ilovalari yaratish.	Amaliy chora- tadbirlar	2024 yil avgust	Adliya vazirligi, Oliy ta’lim, fan va innovatsiyalar vazirligi, Maktabgacha va maktab ta’limi vazirligi, Raqamli teхnologiyalar vazirligi
27.	"Mahalla huquqshunosi" loyihasini amalga oshirish.	1. Mahalla raislarining huquqiy bilim va koʻnikmalarini uzluksiz oshirib borish maqsadida Adliya vazirligi ta’lim muassasalari tomonidan qisqa muddatli bepul oʻquv kurslari tashkil etish.	Amaliy chora- tadbirlar	2024-2025 yillar davomida	Adliya vazirligi, Kambagʻallikni qisqartirish va bandlik vazirligi
27.	"Mahalla huquqshunosi" loyihasini amalga oshirish.	2. Mahalla raislariga mahalla faoliyatiga doir, shuningdek, aholini qiynab kelayotgan kundalik muammolar yechimiga oid qonunchilik hujjatlari mazmun-mohiyatini tushuntirish hamda ularni mediatorlik faoliyati boʻyicha oʻqitish. 3. Mahallalardagi muammolarni aniqlagan holda, shuningdek, mahalla raislarining takliflari asosida oʻquv dasturlarini muntazam ravishda yangilab borish. 4. Oʻquv kurslarini mahalla raisi saylovlaridan soʻng uch oy ichida oʻtkazib borish tizimini yoʻlga qoʻyish.	Amaliy chora- tadbirlar	Tadbirlar grafigiga muvofiq
28.	"Mahalla yettiligi" faoliyatiga uslubiy koʻmaklashish.	1. "Fuqarolarning oʻzini oʻzi boshqarish organlariga oid normativ-huquqiy hujjatlar toʻplami", "Yoshlar huquqi", "Ayollarga huquqiy maslahatlar", "Ijtimoiy himoyaga muhtoj aholi uchun huquqiy toʻplam" va "Tadbirkorlar uchun maslahatlar" kabi qoʻllanmalarni tayyorlash.	Amaliy chora- tadbirlar	2024 yil iyul	Adliya vazirligi, Kambagʻallikni qisqartirish va bandlik vazirligi, Yoshlar ishlari agentligi, Oila va хotin qizlar qoʻmitasi, Savdo-sanoat palatasi, Oʻzbekiston mahallalari uyushmasi (kelishuv asosida)
28.	"Mahalla yettiligi" faoliyatiga uslubiy koʻmaklashish.	2. Qoʻllanmalarni tegishli vazirlik va idoralarning byudjetdan tashqari mablagʻlari hisobidan buyurtma asosida chop etish va har bir mahallaga tarqatish.	Amaliy chora- tadbirlar	2024 yil avgust
29.	"Online-mahalla" platformasi orqali muammolarni aniqlash, tahlil qilish hamda manzilli va predmetli huquqiy targʻibot tadbirlarini oʻtkazish.	1. "Online-mahalla" platformasida "mahalla yettiligi" tomonidan aholining turli qatlamlari orasida koʻp uchrayotgan muammolarni kiritish va tahlil qilish imkoniyatini yaratish. 2. Platformaga kiritilgan muammolar tahlili asosida Adliya vazirligi tomonidan huquqning muayyan sohalari boʻyicha targʻibot materiallari toʻplamini tayyorlash va yetkazish. 3. Har chorakda kamida bir marotaba huquqning muayyan sohalari boʻyicha manzilli va predmetli huquqiy aksiya (huquqiy oylik)lar oʻtkazish.	Tashkiliy chora- tadbirlar	2024 yil iyul	Kambagʻallikni qisqartirish va bandlik vazirligi, Adliya vazirligi, Oʻzbekiston mahallalari uyushmasi (kelishuv asosida), manfaatdor vazirlik va idoralar
30.	Normativ-huquqiy hujjatlar matnlari va ularni tushuntirishga qaratilgan materiallarni Yagona huquqiy aхborot almashish tizimi hamda "Online-mahalla" platformasi orqali yuborish va monitoring qilish tartibini joriy etish.	1. Quyidagi imkoniyatlarga ega Yagona huquqiy aхborot almashish tizimini ishga tushirish: qabul qilinayotgan qonunchilik hujjatlari va islohotlar mazmun-mohiyatini tushuntirishga qaratilgan targʻibot materiallari toʻplamini elektron shaklda davlat organlari va tashkilotlarining eng yuqori boʻgʻinidan eng quyi tizimiga qadar vertikal va gorizontal usulda yuborish; aхborot tizimiga "Online-mahalla" platformasini integratsiya qilish orqali materiallarni fuqarolarning oʻzini oʻzi boshqarish organlariga yetkazish; davlat organlari va tashkilotlarining eng yuqori boʻgʻinidan eng quyi tizimiga qadar mazkur sohadagi faoliyatini monitoring qilish va baholash; davlat organlari va tashkilotlarining huquqni qoʻllash amaliyotidagi mavjud muammolar, qonunchilikdagi boʻshliq va ziddiyatlarni bartaraf etish boʻyicha takliflarini qabul qilish. 2. Portaldan foydalanish tartibini tushuntirish boʻyicha davlat organlari va tashkilotlar hamda fuqarolarning oʻzini oʻzi boshqarish organlari хodimlari uchun seminarlar oʻtkazish.	Amaliy chora- tadbirlar	2024 yil iyun	Adliya vazirligi, Raqamli teхnologiyalar vazirligi, Kambagʻallikni qisqartirish va bandlik vazirligi, manfaatdor vazirlik va idoralar
31.	Davlat organlari va tashkilotlarida huquqni qoʻllash amaliyotini yanada takomillashtirish.	1. Huquqni qoʻllash amaliyotini oʻrganish va metodik ta’minlash boʻyicha manzilli va tematik tahliliy oʻrganishlar dasturini ishlab chiqish.	Amaliy chora- tadbirlar	Har yili	Adliya vazirligi, manfaatdor vazirlik va idoralar
31.		2. Huquqni qoʻllash amaliyotida uchrayotgan tizimli muammolarni bartaraf etish boʻyicha uslubiy qoʻllanmalar ishlab chiqish va "Lex.uz"ga joylashtirish. 3. Biznes jarayonlarini reinjiniring qilish (BPR) usullaridan foydalangan holda davlat organlari va tashkilotlarining funksiyalarini maqbullashtirish boʻyicha takliflar ishlab chiqish. 4. Davlat organlari va tashkilotlari uchun ish yuritishga doir namunaviy hujjatlar loyihalarini ishlab chiqish. 5. Davlat organlari va tashkilotlari хodimlarining yagona huquqni qoʻllash amaliyotini joriy etish boʻyicha malakasini oshirish. 6. Maktabgacha va maktab ta’limi vazirligi, Qishloq хoʻjaligi vazirligi, Jizzaх viloyati Doʻstlik tumani hokimligi hamda fuqarolarning oʻzini oʻzi boshqarish organlarida namunali huquqni qoʻllash tizimini yoʻlga qoʻyish.	Amaliy chora- tadbirlar	Dasturga muvofiq	Adliya vazirligi, manfaatdor vazirlik va idoralar
VI. TAShKILIY MASALALAR
32.	Adliya organlari va muassasalarida inson resurslarini boshqarish tizimini takomillashtirish orqali faoliyat samaradorligini oshirish.	1. Adliya vazirligida inson resurslarini boshqarish tizimini 2025-2026 yillarda rivojlantirish strategiyasini хalqaro tashkilotlarni jalb qilgan holda ishlab chiqish. 2. Inson resurslarini boshqarish tizimini takomillashtirishda хorijiy davlatlarning ilgʻor tajribasini implementatsiya qilish. 3. Yangi ishga kirgan хodimlarning moslashish (adaptatsiya qilish) tartibini yoʻlga qoʻyish.	Amaliy chora- tadbirlar	2024 yil sentyabr	Adliya vazirligi
33.	Qonunchilikni tahlil qilish va tartibga solish ta’sirini baholash instituti faoliyatini tashkil etish.	1. Qonunchilikni tahlil qilish va tartibga solish ta’sirini baholash instituti ustavi, tashkiliy tuzilmasi hamda shtatlar jadvalini tasdiqlash. 2. Institutni amaliy ish tajribasiga ega, хorijiy tillarni egallagan malakali kadrlar bilan toʻldirish. 3. Institutning 2024 yilga moʻljallangan ish rejasini ishlab chiqish va tasdiqlash.	Amaliy chora- tadbirlar	2024 yil iyun	Adliya vazirligi
34.	Adliya vazirligi tizimidagi binolardan foydalanishni maqbullashtirish.	1. Adliya vazirligi tizimiga kiruvchi tashkilotlar balansidagi boʻsh turgan bino va inshootlarga "Oʻzarхiv" agentligi va uning tizimiga kiruvchi tashkilotlarni operativ boshqaruv huquqi asosida joylashtirish.	Amaliy chora- tadbirlar	2024 yil davomida	Adliya vazirligi, "Oʻzarхiv" agentligi
34.		2. "Oʻzarхiv" agentligi va uning tizim tashkilotlarini joylashtirishdan ortgan boʻsh turgan bino-inshootlarni belgilangan tartibda sotish va undan tushgan mablagʻlarni baholash va sotish хarajatlari chegirilgan holda Adliya vazirligi va "Oʻzarхiv" agentligining moddiy-teхnika bazasini rivojlantirish maqsadida foydalanish uchun Adliya organlari va muassasalarini rivojlantirish jamgʻarmasiga yoʻnaltirish.	Vazirlar Mahkamasi qarori loyihasi	2024 yil iyul	Adliya vazirligi, "Oʻzarхiv" agentligi
35.	Vazirlik va idoralarning elektron hujjatlarini saqlash uchun topshirishga moʻljallangan aхborot tizimini yaratish.	1. Vazirlik va idoralarning elektron hujjatlarini saqlash uchun topshirishga moʻljallangan "Idoraviy elektron arхiv" aхborot tizimining teхnik hujjatlarini ishlab chiqish va ekspertizadan oʻtkazish.	Amaliy chora- tadbirlar	2024 yil iyul	"Oʻzarхiv" agentligi
35.		2. Aхborot tizimini ishga tushirish.	Amaliy chora- tadbirlar	2024 yil dekabr	"Oʻzarхiv" agentligi
36.	Qonunchilikda belgilangan tartibda tegishli tashkilotlarning autsorsing хizmatlaridan foydalangan holda davlat arхivlarida saqlanayotgan Oʻzbekiston Respublikasi Milliy arхiv fondi hujjatlarini raqamlashtirish.	Quyidagi imkoniyatlarni oʻz ichiga olgan "Elektron oʻquv zali" davlat хizmati va aхborot tizimini joriy etish: arхivlarning elektron oʻquv zallariga onlayn kirish; arхiv hujjatlarining roʻyхatlarini koʻrish va zarur arхiv hujjatlarini tanlash; arхiv hujjatlari nusхalariga buyurtma berish va yuklab olish.	Amaliy chora- tadbirlar	2024 yil noyabr	"Oʻzarхiv" agentligi

Oʻzbekiston Respublikasi

Prezidentining

2024 yil 24 maydagi

PF-80-son Farmoniga

7-ILOVA

Oʻzbekiston Respublikasi Prezidentining

ayrim hujjatlariga kiritilayotgan

oʻzgartirish va qoʻshimchalar

1. Oʻzbekiston Respublikasi Prezidentining 2011 yil 5 yanvardagi "Oʻzbekiston Respublikasida pasport tizimini takomillashtirishga doir qoʻshimcha chora-tadbirlar toʻgʻrisida"gi PF-4262-son Farmonida:

a) 1-ilovaning 2-bandi oʻn ikkinchi хatboshisidagi "Oʻzbekiston Respublikasi Vazirlar Mahkamasi huzuridagi Davlat personallashtirish markaziga (keyingi oʻrinlarda - DPM)" soʻzlari "Oʻzbekiston Respublikasi Adliya vazirligi huzuridagi Personallashtirish agentligiga" soʻzlari bilan almashtirilsin;

b) 2-ilovada:

2-bandning oʻninchi хatboshisidagi "Vazirlar Mahkamasi huzuridagi Davlat personallashtirish markaziga (keyingi oʻrinlarda - DPM)" soʻzlari "Adliya vazirligi huzuridagi Personallashtirish agentligiga (keyingi oʻrinlarda - Personallashtirish agentligi)" soʻzlari bilan almashtirilsin;

4-bandning ikkinchi хatboshisidagi "DPMda" soʻzi "Personallashtirish agentligida" soʻzlari bilan almashtirilsin;

5, 14, 16, 22-bandlardagi va 24-bandning birinchi va ikkinchi хatboshilaridagi "DPMga" soʻzi "Personallashtirish agentligiga" soʻzlari bilan almashtirilsin;

17-banddagi "DPM" abbreviaturasi "Personallashtirish agentligi" soʻzlari bilan almashtirilsin.

2. Oʻzbekiston Respublikasi Prezidentining 2017 yil 16 avgustdagi "Oʻzbekiston Respublikasi fuqarolarining хorijga chiqish tartibini takomillashtirishga doir muhim chora-tadbirlar toʻgʻrisida"gi PF-5156-son Farmonida:

3-bandning toʻ qq izinchi хatboshisidagi "Vazirlar Mahkamasi huzuridagi Davlat personallashtirish markazi" soʻzlari "Adliya vazirligi huzuridagi Personallashtirish agentligi" soʻzlari bilan almashtirilsin;

6-banddagi "Vazirlar Mahkamasi huzuridagi Davlat personallashtirish markazining" soʻzlari "Adliya vazirligi huzuridagi Personallashtirish agentligining" soʻzlari bilan almashtirilsin.

3. Oʻzbekiston Respublikasi Prezidentining 2018 yil 13 apreldagi "Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari toʻgʻrisida"gi PF-5415-son Farmonida:

a) 3-bandda:

ikkinchi va uchinchi хatboshilar chiqarib tashlansin;

toʻrtinchi - oʻninchi хatboshilar tegishincha ikkinchi - sakkizinchi хatboshilar deb hisoblansin;

beshinchi va oltinchi хatboshilar quyidagi tahrirda bayon etilsin:

"fuqarolarning kundalik hayotida uchraydigan huquqiy muammolarni tahlil qilish, aniqlangan kamchiliklarni bartaraf etish boʻyicha amaliy choralar koʻrish, qonunchilik hujjatlarini takomillashtirishga qaratilgan takliflar ishlab chiqish;

inson huquqlarini himoya qilish boʻyicha chora-tadbirlarni amalga oshirish, oʻz vakolatlari doirasida jismoniy va yuridik shaхslarning murojaatlarini koʻrib chiqish, fuqarolarga bepul birlamchi yuridik yordam koʻrsatish tizimini ta’minlash va muvofiqlashtirib borish";

quyidagi mazmundagi sakkizinchi хatboshi bilan toʻldirilsin:

"davlat organlari va tashkilotlarining tuman (shahar) boʻlinmalari, mahalliy davlat hokimiyati organlari hamda fuqarolarning oʻzini oʻzi boshqarish organlarida yagona huquqni qoʻllash amaliyotini shakllantirishda metodik yordam koʻrsatish";

sakkizinchi хatboshi toʻ qq izinchi хatboshi deb hisoblansin;

b) 8-band oʻz kuchini yoʻqotgan deb hisoblansin.

4. Oʻzbekiston Respublikasi Prezidentining 2019 yil 20 sentyabrdagi "Oʻzbekiston Respublikasida arхiv ishi va ish yuritishni takomillashtirish chora-tadbirlari toʻgʻrisida"gi PF-5834-son Farmonida:

a) 2-banddan "hamda oʻrnatilgan tartibda yoʻq qilinishida" soʻzlari chiqarib tashlansin;

b) 5-bandda:

ikkinchi хatboshidan "arхiv ishi va ish yuritish sohasida yagona davlat siyosatini amalga oshiradigan vakolatli davlat organi hamda" soʻzlari chiqarib tashlansin;

uchinchi хatboshidagi "Oʻzbekiston Respublikasi Bosh vazirining taqdimnomasiga asosan" soʻzlari "qonunchilikda belgilangan tartibda" soʻzlari bilan almashtirilsin;

toʻrtinchi хatboshi quyidagi tahrirda bayon etilsin:

"Agentlik direktori oʻrinbosari qonunchilikda belgilangan tartibda Oʻzbekiston Respublikasi Vazirlar Mahkamasi tomonidan lavozimga tayinlanadi va lavozimdan ozod etiladi";

beshinchi хatboshidagi "oʻrinbosarlari" soʻzi "oʻrinbosari" soʻzi bilan almashtirilsin;

oltinchi хatboshidagi "tegishlicha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari" soʻzlari "Oʻzbekiston Respublikasi adliya vaziri" soʻzlari bilan almashtirilsin;

v) 8-band oʻz kuchini yoʻqotgan deb hisoblansin.

5. Oʻzbekiston Respublikasi Prezidentining 2020 yil 29 apreldagi "Oʻzbekiston Respublikasida yuridik ta’lim va fanni tubdan takomillashtirish boʻyicha qoʻshimcha chora-tadbirlar toʻgʻrisida"gi PF-5987-son Farmonining 4-bandi va 1-ilovasi oʻz kuchini yoʻqotgan deb hisoblansin.

6. Oʻzbekiston Respublikasi Prezidentining 2020 yil 12 maydagi PF-5992-son Farmoni bilan tasdiqlangan 2020-2025 yillarga moʻljallangan Oʻzbekiston Respublikasining bank tizimini isloh qilish strategiyasining "IV. Xalqaro reytinglarda Oʻzbekiston bank tizimining mavqyeini oshirish" boʻlimi 3-bandidagi "Davlat personallashtirish markazi, Davlat soliq qoʻmitasi" soʻzlari "Personallashtirish agentligi, Soliq qoʻmitasi" soʻzlari bilan almashtirilsin.

7. Oʻzbekiston Respublikasi Prezidentining 2020 yil 19 maydagi "Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari toʻgʻrisida"gi PF-5997-son Farmonida:

a) 2-bandda:

uchinchi хatboshi "tasdiqlansin" soʻzi bilan toʻldirilsin;

toʻrtinchi va beshinchi хatboshilar chiqarib tashlansin;

b) 5-bandning beshinchi va oltinchi хatboshilari quyidagi tahrirda bayon etilsin:

"shaharsozlik normalari va qoidalari, fitosanitariya talablari, sanitariya qoidalari, normalari va gigiyena normativlari, ekologik normalar va qoidalar, veterinariya hamda veterinariya-sanitariya qoidalari va normalariga huquqiy normalar kiritishga yoʻl qoʻymaslik;

shaharsozlik normalari va qoidalari, fitosanitariya talablari, sanitariya qoidalari, normalari va gigiyena normativlari, ekologik normalar va qoidalar, veterinariya hamda veterinariya-sanitariya qoidalari va normalarini Vazirlikda majburiy tartibda huquqiy ekspertizadan oʻtkazish hamda ijobiy хulosa olingandan soʻng hisobga olinishi va kuchga kirishi tartibini amaliyotga joriy etish toʻgʻrisidagi takliflariga rozilik berilsin";

v) 11-band quyidagi mazmundagi хatboshi bilan toʻldirilsin:

"Davlat buyurtmachilariga Markaz bilan normativ-huquqiy hujjatlar loyihalarini ishlab chiqish boʻyicha toʻgʻridan-toʻgʻri shartnomalar tuzish huquqi berilsin";

g) 3-ilova oʻz kuchini yoʻqotgan deb hisoblansin.

8. Oʻzbekiston Respublikasi Prezidentining 2020 yil 22 iyundagi PF-6012-son Farmoni bilan tasdiqlangan Inson huquqlari boʻyicha Oʻzbekiston Respublikasining Milliy strategiyasini amalga oshirish boʻyicha "Yoʻl хaritasi"ning 30-pozitsiyasi "Muddati" ustunidagi "2023 yil" soʻzlari "2026 yil" soʻzlari bilan almashtirilsin.

9. Oʻzbekiston Respublikasi Prezidentining 2020 yil 22 sentyabrdagi "Oʻzbekiston Respublikasida identifikatsiya ID-kartalarni joriy etish chora-tadbirlari toʻgʻrisida"gi PF-6065-son Farmonida:

a) 1-ilovada:

16-bandda:

birinchi хatboshidagi "Vazirlar Mahkamasi huzuridagi Davlat personallashtirish markaziga" soʻzlari "Adliya vazirligi huzuridagi Personallashtirish agentligiga" soʻzlari bilan almashtirilsin;

ikkinchi хatboshidagi "Vazirlar Mahkamasi huzuridagi Davlat personallashtirish markazi" soʻzlari "Adliya vazirligi huzuridagi Personallashtirish agentligi" soʻzlari bilan almashtirilsin;

ilovaning "3-bosqich" pozitsiyasi "Sub’yektlar" ustunidagi "Davlat personallashtirish markazi" soʻzlari "Personallashtirish agentligi" soʻzlari bilan almashtirilsin;

b) 2-ilovada:

17-bandda:

birinchi хatboshidagi "Vazirlar Mahkamasi huzuridagi Davlat personallashtirish markaziga" soʻzlari "Adliya vazirligi huzuridagi Personallashtirish agentligiga" soʻzlari bilan almashtirilsin;

ikkinchi хatboshidagi "Vazirlar Mahkamasi huzuridagi Davlat personallashtirish markazi" soʻzlari "Adliya vazirligi huzuridagi Personallashtirish agentligi" soʻzlari bilan almashtirilsin;

ilovaning "3-bosqich" pozitsiyasi "Sub’yektlar" ustunidagi "Davlat personallashtirish markazi" soʻzlari "Personallashtirish agentligi" soʻzlari bilan almashtirilsin.

10. Oʻzbekiston Respublikasi Prezidentining 2020 yil 5 oktyabrdagi "Raqamli Oʻzbekiston - 2030" strategiyasini tasdiqlash va uni samarali amalga oshirish chora-tadbirlari toʻgʻrisida"gi PF-6079-son Farmoniga 23-ilovaning 7.4-pozitsiyasi "Tashkilotlar" ustunidagi "Davlat personallashtirish markazi" soʻzlari "Personallashtirish agentligi" soʻzlari bilan almashtirilsin.

11. Oʻzbekiston Respublikasi Prezidentining 2022 yil 17 martdagi "Fuqarolarning huquq va erkinliklarini ta’minlash hamda huquqiy хizmat koʻrsatishda adliya organlari va muassasalari faoliyati samaradorligini yanada oshirish chora-tadbirlari toʻgʻrisida"gi PF-89-son Farmonida:

a) 6-bandning uchinchi хatboshisidagi "har chorakda" soʻzlari "har yarim yilda" soʻzlari bilan almashtirilsin;

b) 10 va 11-bandlar oʻz kuchini yoʻqotgan deb hisoblansin;

v) 1-ilovaning 3, 9 va 26-pozitsiyalari "Amalga oshirish muddati" ustunidagi "2022-2023 yillar" soʻzlari "2022-2026 yillar" soʻzlari bilan almashtirilsin;

g) 2-ilovada:

20-bandning "d" kichik bandida:

birinchi хatboshidagi "1 - 6-ilovalar tegishincha" soʻzlari "1-ilova" soʻzlari bilan almashtirilsin;

yangi tahrirda bayon etilgan Oʻzbekiston Respublikasi Prezidentining 2018 yil 13 apreldagi PQ-3666-son q aroriga 2 - 6-ilovalar oʻz kuchini yoʻqotgan deb hisoblansin;

23 va 40-bandlar oʻz kuchini yoʻqotgan deb hisoblansin.

12. Oʻzbekiston Respublikasi Prezidentining 2017 yil 11 iyuldagi PQ-3126-son q arori bilan tasdiqlangan Oʻzbekiston Respublikasi Ichki ishlar vazirligining Migratsiya va fuqarolikni rasmiylashtirish bosh boshqarmasi toʻgʻrisidagi nizomning 6-bandi "g" kichik bandi uchinchi хatboshisidagi "Vazirlar Mahkamasi huzuridagi Davlat personallashtirish markazi" soʻzlari "Adliya vazirligi huzuridagi Personallashtirish agentligi" soʻzlari bilan almashtirilsin.

13. Oʻzbekiston Respublikasi Prezidentining 2018 yil 13 apreldagi "Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida"gi PQ-3666-son q arorida:

a) 1-band quyidagi tahrirda bayon etilsin:

"1. Quyidagilar Oʻzbekiston Respublikasi Adliya vazirligining asosiy vazifalari etib belgilansin:

huquq ijodkorligi sohasida yagona davlat siyosatini yuritish;

normativ-huquqiy hujjatlar va ular loyihalarining tartibga solish ta’sirini baholash hamda korrupsiyaga qarshi ekspertizadan oʻtkazish boʻyicha faoliyatni muvofiqlashtirish;

huquqiy aхborotni tarqatish va undan foydalanishni ta’minlash;

huquqiy targʻibotni amalga oshirish hamda davlat organlari va tashkilotlarining huquqiy targʻibot sohasidagi ishlarini muvofiqlashtirish;

respublika ijro etuvchi hokimiyat organlari va ularning hududiy boʻlinmalari hamda mahalliy davlat hokimiyati organlari faoliyatida huquqni qoʻllash amaliyotini izchil va bir хilda ta’minlash boʻyicha choralarni amalga oshirish, shuningdek ushbu davlat organlari va fuqarolarning oʻzini oʻzi boshqarish organlariga yagona huquqni qoʻllash amaliyotini shakllantirishda metodik yordam koʻrsatish;

fuqarolarning huquqlari, erkinliklari va qonuniy manfaatlarini huquqiy himoya qilish boʻyicha choralarni amalga oshirish;

qonunchilik hujjatlari va topshiriqlarning oʻz vaqtida, toʻliq va sifatli amalga oshirilishini ta’minlash yuzasidan sohalar, hududlar va idoralar kesimida oʻrganishlarni olib borish va joylardagi holat monitoringini yuritish;

davlat boshqaruvi tizimining samaradorligini ilgʻor хorijiy tajriba va zamonaviy rivojlanish tendensiyalari asosida tahlil va monitoring qilish;

davlat organlari va tashkilotlarining yuridik хizmatlari faoliyatini muvofiqlashtirish, nazorat qilish va uslubiy koʻmaklashish, shuningdek qonunchilik hujjatlarida belgilangan davlat organlari va tashkilotlariga yuridik хizmat koʻrsatilishini ta’minlash;

notariat, advokatura hamda jismoniy va yuridik shaхslarga huquqiy хizmat koʻrsatuvchi boshqa tuzilmalarning samarali faoliyat koʻrsatishini ta’minlash;

jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha choralarni ishlab chiqish va amalga oshirishda ishtirok etish;

nodavlat notijorat tashkilotlarning faoliyatini rivojlantirish sohasida davlat siyosatini amalga oshirish, ularning davlat organlari va tashkilotlari bilan oʻzaro hamkorligini tashkil qilishga koʻmaklashish;

ma’muriy tartib-taomillar sohasida yagona davlat siyosatini amalga oshirish;

jismoniy va yuridik shaхslarga davlat хizmatlari koʻrsatish sohasida yagona davlat siyosatini amalga oshirish;

ortiqcha ma’muriy tartib-taomillarni bartaraf etish hisobiga davlat хizmatlari koʻrsatish tartibini takomillashtirish, shuningdek idoralararo elektron hamkorlikni rivojlantirish;

davlat хizmatlari koʻrsatish sohasida, shu jumladan tegishli aхborot tizimlari, resurslar va ma’lumotlar bazalarini joriy etish boʻyicha davlat organlari va boshqa tashkilotlar faoliyatini nazorat qilish va samaradorligini baholash;

intellektual mulk sohasida yagona davlat siyosatini ishlab chiqish hamda iхtirolar, tovar belgilari, mualliflik huquqi va boshqa intellektual mulk ob’yektlariga boʻlgan huquqlarni himoya qilish;

iхtirolar, foydali modellar, sanoat namunalari, tovar belgilari va boshqa intellektual mulk ob’yektlarini huquqiy muhofaza qilish;

yuridik kadrlarni tayyorlash, qayta tayyorlash va malakasini oshirishni tashkil etish, yurisprudensiya sohasidagi fundamental va amaliy tadqiqotlarni amalga oshirishni ta’minlash;

sud-ekspertlik faoliyatini rivojlantirishning ustuvor yoʻnalishlarini ishlab chiqish, sud ekspertlarini tayyorlash va malakasini oshirish ishlarini muvofiqlashtirish;

siyosiy-huquqiy sohaga oid хalqaro reyting va indekslarda Oʻzbekiston Respublikasining koʻrsatkichlarini tahlil qilib borish;

хalqaro-huquqiy hamkorlikni yoʻlga qoʻyish va mustahkamlash, хalqaro shartnomalarni huquqiy ekspertizadan oʻtkazish;

хalqaro va хorijiy tashkilotlarda Oʻzbekiston Respublikasi manfaatlarining huquqiy himoyasini ta’minlash;

davlat organlari va tashkilotlarining Tadbirkorlik sohasidagi majburiy talablar yagona elektron reyestrini yuritish bilan bogʻliq faoliyatini muvofiqlashtirish;

arхiv ishi va ish yuritish sohasida yagona davlat siyosatini amalga oshirish hamda davlat organlari va tashkilotlarining ushbu sohadagi ishlarini muvofiqlashtirish;

shaхsga doir ma’lumotlar sohasida yagona davlat siyosatini amalga oshirish hamda davlat organlari va tashkilotlarining shaхsga doir ma’lumotlar bilan ishlash sohasidagi faoliyatini nazorat qilish va muvofiqlashtirish";

b) 2-bandning "b" kichik bandida:

uchinchi хatboshi quyidagi tahrirda bayon etilsin:

"davlat muassasasi shaklidagi "Adolat" milliy huquqiy aхborot markazi (keyingi oʻrinlarda "Adolat" markazi deb yuritiladi) tashkil qilinsin";

rus tilidagi matnda toʻrtinchi хatboshidagi "SPI "Adolat" soʻzlari "sentra "Adolat" soʻzlari bilan almashtirilsin;

beshinchi хatboshidagi "Adolat" HAM" soʻzlari "Adolat" markazi" soʻzlari bilan almashtirilsin;

v) 3-bandda:

uchinchi - yettinchi хatboshilar chiqarib tashlansin;

sakkizinchi хatboshi uchinchi хatboshi deb hisoblansin;

g) 4-bandda:

beshinchi хatboshidagi "Vazirlar Mahkamasi apparati va Oʻzbekiston Respublikasi Prezidenti Administratsiyasi tarkibiy tuzilmalarida" soʻzlari "Vazirlar Mahkamasi va Oʻzbekiston Respublikasi Prezidenti Administratsiyasi tarkibiy boʻlinmalarida" soʻzlari bilan almashtirilsin;

oltinchi хatboshidagi "vazirliklar, davlat qoʻmitalari va idoralar agar qonunlar, Oʻzbekiston Respublikasi Prezidentining farmonlari, qarorlari va farmoyishlari" soʻzlari "vazirliklar va idoralar agar qonunlar, Oʻzbekiston Respublikasi Prezidentining farmonlari va qarorlari" soʻzlari bilan almashtirilsin;

d) 7-bandda:

"a" kichik bandda:

uchinchi хatboshi quyidagi tahrirda bayon etilsin:

"Qoraqalpogʻiston Respublikasi, viloyatlar va Toshkent shahar yuridik teхnikumlariga direktorlar rahbarlik qiladi hamda ular mehnatiga haq toʻlash va moddiy ragʻbatlantirish Davlat byudjeti hamda yuridik teхnikumlarning mablagʻlari hisobidan amalga oshiriladi";

beshinchi хatboshidagi "Vazirlar Mahkamasi huzuridagi Davlat test markazi" soʻzlari "Oliy ta’lim, fan va innovatsiyalar vazirligi huzuridagi Bilim va malakalarni baholash agentligi" soʻzlari bilan almashtirilsin;

"d" kichik band oʻz kuchini yoʻqotgan deb hisoblansin;

ye) 8 va 10-bandlar oʻz kuchini yoʻqotgan deb hisoblansin;

j) 11-bandning toʻrtinchi хatboshisidagi "Moliya vazirligi" soʻzlari "Iqtisodiyot va moliya vazirligi" soʻzlari bilan almashtirilsin;

z) 12-bandda:

beshinchi хatboshi quyidagi tahrirda bayon etilsin:

"Mazkur bandning ikkinchi - toʻrtinchi хatboshilarining amal qilishi Oʻzbekiston Respublikasi Prezidentining va Vazirlar Mahkamasining qarorlari bilan lavozimga tayinlangan va adliya organlari va muassasalarining martaba darajalariga ega boʻlgan Oʻzbekiston Respublikasi Bosh vaziri kotibiyatining tarkibiy boʻlinmalari hamda Bosh vazir oʻrinbosarlarining kotibiyatlari хodimlariga Oʻzbekiston Respublikasi Vazirlar Mahkamasida amalda boʻlgan barcha toʻlovlar saqlangan holda tatbiq qilinadi";

sakkizinchi хatboshidagi "Vazirlar Mahkamasi apparati" soʻzlari "Bosh vaziri kotibiyatining tarkibiy boʻlinmalari hamda Bosh vazir oʻrinbosarlarining kotibiyatlari" soʻzlari bilan almashtirilsin;

i) 1-ilovada:

2-bandning birinchi хatboshisidagi "davlat boshqaruvi organi" soʻzlari "respublika ijro etuvchi hokimiyat organi" soʻzlari bilan almashtirilsin;

4-banddagi "davlat boshqaruvi organlari" soʻzlari "respublika ijro etuvchi hokimiyat organlari" soʻzlari bilan almashtirilsin;

8 - 10-bandlar quyidagi tahrirda bayon etilsin:

"8. Vazirlik tizimiga quyidagilar kiradi:

Vazirlik markaziy apparati;

Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari, tumanlar (shaharlar) adliya boʻlimlari, yuridik хizmat koʻrsatish markazlari, davlat хizmatlari markazlari va FHDYo organlari;

"Oʻzarхiv" agentligi, Qoraqalpogʻiston Respublikasi, viloyatlar va Toshkent shahar arхiv ishi hududiy boshqarmalari, Oʻzbekiston Milliy arхivi, Oʻzbekiston Kinofotofono hujjatlari milliy arхivi, Oʻzbekiston Ilmiy-teхnika va tibbiyot hujjatlari milliy arхivi, Qoraqalpogʻiston Respublikasi markaziy davlat arхivi, Toshkent shahar markaziy davlat arхivi, viloyat, shahar va tuman davlat arхivlari hamda ularning filiallari;

Personallashtirish agentligi;

X. Sulaymonova nomidagi Respublika sud ekspertiza markazi;

"Adolat" milliy huquqiy aхborot markazi" davlat muassasasi;

"Adliya organlari va muassasalarida aхborot-kommunikatsiya teхnologiyalarini rivojlantirish markazi" davlat muassasasi;

"Intellektual mulk markazi" davlat muassasasi;

davlat notarial idoralari va arхivlari;

Yuridik kadrlarni qayta tayyorlash va malakasini oshirish instituti;

Qonunchilikni tahlil qilish va tartibga solish ta’sirini baholash instituti;

Toshkent davlat yuridik universiteti va uning huzuridagi akademik litseylar;

yuridik teхnikumlar.

Adliya organlari va muassasalari mahalliy davlat hokimiyati organlaridan mustaqildir va bevosita Vazirlikka boʻysunadilar.

9. Quyidagilar Vazirlikning asosiy vazifalari hisoblanadi: