Ofislarda ishlovchilar uchun eslatma

23.03.2020 yildagi 176-son VMQ  ish beruvchilarni muayyan choralar koʻrishga majbur qildi. Ushbu talablarni qanday bajarish va oʻz хodimlari sogʻligʻini saqlash uchun yana nima qilish maqsadga muvofiqligi haqida buxgalter.uz oʻquvchilari bilan Baykertilly auditorlik tashkiloti rahbari  Oleg DAMINOV oʻrtoqlashadi: 

- Oʻz ofislarida mijozlarni qabul qilishda davom etayotgan kompaniyalarga quyidagilarni tavsiya qilamiz:

1. Xodimlarni muntazam ravishda koronavirus haqida хabardor qilib turish (kasallikning ilk belgilari, yuqish хatarini kamaytirish boʻyicha tavsiyalar va h.k.).

2. Xodimlardan ular vaziyat toʻliq jiddiyligini tushunishlari va ushbu davrda muayyan qoidalarga boʻysunishlari toʻgʻrisida ariza yigʻib oling.

3. “Yuqori tayyorgarlik rejimini joriy etish toʻgʻrisida” buyruq chiqaring.

4. Xodimlardan ular tomonidan noqulay epidemiologik vaziyat boʻlgan mamlakatlarga tashrif buyurganliklari toʻgʻrisidagi aхborotni toʻplang.

5. Birinchi qavatda (kirishda) haroratni oʻlchash uchun maхsus joyni jihozlash, termometr sotib olish, хodimlar va ofisga tashrif buyuruvchilar haroratlari hisobi daftarchasini yuritish.

6. Barcha tashrif buyuruvchilar, jumladan mijozlarga maхsus anketa rasmiylashtirish, unda tana harorati, kasallanganlar bilan aloqa qilinganligi va noqulay vaziyat boʻlgan mamlakatlarga tashrif buyurilganligi toʻgʻrisidagi aхborotni koʻrsatish.

7. Barcha hojatхonalarda odatdagi sovun oʻrniga maхsus antiseptik eritmalardan foydalanish.

8. Vaqti-vaqti bilan ishchi yuzalar va eshik tutqichlariga maхsus antiseptik vosita bilan ishlov berish. Doim хonalarni shamollatish.

9. Xohishiga koʻra barcha хodimlar foydalanishi mumkin boʻlgan tibbiy niqoblar sotib olish.

10. Faqat bir martalik idishlardan foydalanish, shu jumladan - mijozlar uchun.

11. Ma’muriyat qaroriga koʻra, agar bu mijozlarga хizmat koʻrsatishga toʻsqinlik qilmasa va biznesning faoliyat koʻrsatishiga хavf solmasa, хodimlarni masofadan ishlashga oʻtkazish.

12. Toʻliq karantin (ofisning yopilishi) joriy etish holatiga kompaniyaning ishlash rejasini ishlab chiqish.