IFJMS shartnomasini tuzdingizmi – elektron hisobvaraq-faktura olasiz

2021 yil uchun shartnomalarni tuzgan holda, boshqalar qatorida ish beruvchining fuqarolik javobgarligini majburiy sugʻurta qilish shartnomasini unutmaslik muhim. Uni rasmiylashtirishdagi yangiliklar, shuningdek – sugʻurta kompaniyalari bilan boshqa shartnomalar haqida buxgalter.uz iltimosiga binoan soliq maslahatchisi Gulnora ERGAShEVA gapirib berdi:

- Yangiliklar elektron hisobvaraq-fakturalarni rasmiylashtirish zarurati bilan bogʻliq.

2007 yil tahriridagi Soliq kodeksi vaqtida topshiriq shartnomasi va (yoki) sugʻurta polisi hisobvaraq-fakturani oʻrnini bosuvchi hujjat maqomiga ega boʻlgan . Shu bois sugʻurta kompaniyalari oʻz mijozlariga hech qachon hisobvaraq-fakturalar taqdim etishmagan.

Biroq vaqt oʻzgardi. 2020 yilgi Soliq kodeksida kassa apparati cheki yoki belgilangan shakldagi boshqa hujjat hisobvaraq-fakturani oʻrnini bosuvchi boʻlib хizmat qilishi mumkinligi aytilgan . Hisobvaraq-fakturalar oʻrnini bosuvchi hujjat deb e’tirof etiladigan hujjatlar Hisobvaraq-fakturalarning shakllari hamda ularni toʻldirish, taqdim etish va qabul qilish tartibi toʻgʻrisida nizomning 3-bandida keltirilgan. Ularning orasida topshiriq shartnomasi ham, sugʻurta polisi ham – mavjud emas. Binobarin, ish beruvchining fuqarolik javobgarligini majburiy sugʻurta qilish shartnomasini tuzish chogʻida hisobvaraq-faktura rasmiylashtirish – majburiy. Sugʻurta kompaniyasi sizga uni elektron shaklda taqdim etishi kerak.

Qoidaga binoan, sugʻurta kompaniyalari mijozga topshiriq shartnomasi yoki sugʻurta polisini berganlaridan keyin hisobvaraq-faktura taqdim etadilar. Mijoz bunday hisobvaraq-fakturani uni olgan paytdan e’tiboran 10 kun ichida koʻrib chiqishi yoki rad etishi shart”.

Mavzu boʻyicha bizning materiallarimizni bu yerda va bu yerda koʻrishingizni tavsiya qilamiz.

Oleg GAYeVOY tayyorladi