Direktorning oylik maoshiga ustama toʻlash

Jamiyatning jamoa shartnomasida ish haqini har yili oshirish nazarda tutilgan boʻlib, bu ish  2014-yildan beri amalga oshiriladi. Jamoa shartnomasida uning amal qilishi barcha хodimlarga tadbiq etilishi begilangan. Jamiyatning barcha хodimlarining mehnatiga haq oshirilgan taqdirda direktorning maoshini oshirish qonuniy boʻladimi? Xuddi shunday tartibda jamiyat direktoriga koʻp yillik хizmati uchun maoshiga jamoa shartnomasida belgilangan ustamalar toʻlangan. Mazkur toʻlovlar qonuniymi?

Ha, agar tashkilot nodavlat tashkilot hisoblansa, davlat byudjeti hisobidan moliyalashtirilmasa hamda jamiyat direktori bilan tuzilgan mehnat shartnomasida unga qonun hujjatlari, jamoa shartnomasi va jamiyatning boshqa normativ hujjatlarida jamiyat хodimlari uchun belgilangan imtiyoz va kafolatlar toʻliq tadbiq etilishi nazarda tutilgan boʻlsa, qonuniy sanaladi.